Porsche ចាប់ផ្ដើមសេវាលក់រថយន្តតាមអនឡាញនៅអឺរ៉ុប

November 13, 2019

ក្រុមហ៊ុនរថយន្ត Porsche បានចាប់ផ្ដើមប្រតិបត្តិការលក់តាមអនឡាញនៅក្នុងតំបន់អឺរ៉ុប ដែលអនុញ្ញាតឲ្យអតិថិជនជ្រើសរើស កុម្ម៉ង់ និងកក់លុយលើរថយន្តដែលខ្លួនពេញចិត្ត ពីចម្ងាយតែម្ដង។

ដំណាក់កាលចុងក្រោយបំផុតនៃការទិញរថយន្ត គឺការចុះកុងត្រាសម្រេច នឹងត្រូវធ្វើឡើងនៅហាងលក់រថយន្តផ្ទាល់។ ការលក់រថយន្តអនឡាញនេះនឹងចាប់ផ្ដើមនៅប្រទេសអាល្លឺម៉ង់មុនគេ មុននឹងពង្រីកពាសពេញអឺរ៉ុបនៅឆ្នាំ ២០២០។

ក្រុមហ៊ុនក៏នឹងមានការលក់រថយន្តតាមអនឡាញនៅសហរដ្ឋអាមេរិកផងដែរ ដែលមានហាងលក់រថយន្តចំនួន ២៥ ចូលរួមជាផ្នែកក្នុងគម្រោងការនេះ៕

ផ្ទាំងផ្សាយពាណិជ្ជកម្ម

BMW រកលុយបានច្រើនខ្លាំងពីការលក់រថយន្ត SUV

November 12, 2019

ក្រុមហ៊ុន BMW អាចរកប្រាក់ចំណេញបានច្រើនឡើងវិញនៅត្រីមាសទី ៣ ឆ្នាំ ២០១៩ នេះ តាមរយៈការកាត់បន្ថយការចំណាយ និងចំនួនលក់ដ៏ខ្លាំងក្លាលើរថយន្តប្រភេទ SUV របស់ខ្លួន។

នៅត្រីមាសទី ៣ នេះ ក្រុមហ៊ុនអាចរកប្រាក់ចំណេញបានប្រមាណ ១,៦៩ ពាន់លានដុល្លារ ពីប្រាក់ចំណូលដែលមានសរុបប្រមាណ ២៩,៤ ពាន់លានដុល្លារ។ ប្រាក់ចំណូលសរុបមានការកើនឡើង ៨% បើធៀបនឹងឆ្នាំមុន ដោយសារនៅទីផ្សារប្រទេសចិនលក់ចេញបានច្រើន។

រយៈពេល ៩ ខែដំបូងនៃឆ្នាំ ២០១៩ នេះវិញ ប្រាក់ចំណេញសរុបរបស់ BMW បានធ្លាក់ចុះ ៣៧% មកនៅត្រឹម ៣,៩ ពាន់លានដុល្លារ ខណៈប្រាក់ចំណូលកើនឡើង ៣,៤% មានចំនួន ៨២,៤ ពាន់លានដុល្លារ។ ចំណែករថយន្តដែលលក់បានសរុបមានចំនួន ១,៨៧ លានគ្រឿង កើនឡើង ១,៧%៕

ផ្ទាំងផ្សាយពាណិជ្ជកម្ម

រថយន្ត ១០ ម៉ូដែលរចនាគ្រឿងខាងក្នុងស្អាតដាច់គេ

November 11, 2019

បើផ្អែកតាមបញ្ជីចំណាត់ថ្នាក់មួយពីវិបសាយរថយន្ត Hot Cars បានបង្ហាញនូវរថយន្តចំនួន ១០ ដែលមានការឌីហ្សាញផ្នែកខាងក្នុងស្អាតដាច់គេ គិតត្រឹមបច្ចុប្បន្ននេះ។ ចង់ដឹងថាមានរថយន្តអ្វីខ្លះ តាមដានដូចតទៅ ៖

Honda Accord

Volvo V90

Mercedes-Benz S-Class

Genesis G90

Audi A8

Bentley Continental GT

Lexus LC

Rolls-Royce Phantom

McLaren 720s

Ferrari 812 Superfast

ផ្ទាំងផ្សាយពាណិជ្ជកម្ម

Ford Everest Sport ឆ្នាំ២០២០ ថ្មី រចនារូបរាងកាន់តែអេម!

November 10, 2019

ក្រុមហ៊ុន Ford ប្រចាំប្រទេសអូស្ត្រាលី និងនូវែលសេឡង់ បានបញ្ចេញរថយន្ត Everest Sport ស៊េរីឆ្នាំ២០២០ ដែលបន្ថែមការរចនាលើរូបរាងកាន់តែទាក់ទាញ។

Ford Everest Sport នឹងស្ថិតនៅចន្លោះម៉ូដែល Everest Trend និង Everest Titanium។ វាមានជម្រើសម៉ាស៊ីនចំនួនពីរគឺ ម៉ាស៊ីនម៉ាស៊ូតចំណុះ ៣,២លីត្រ Turbo-diesel ទំហំ ៥ស៊ីឡាំង មានកម្លាំង ១៩២សេះ ប្រើប្រអប់លេខអូតូ ៦វគ្គ និង ម៉ាស៊ីនម៉ាស៊ូតចំណុះ ២,០លីត្រ Biturbo-diesel ចំណុះ ៤ស៊ីឡាំង មានកម្លាំង ២១០ ហើយប្រើប្រអប់លេខអូតូ ១០វគ្គ ដូច Ford Ranger Raptor ដែរ។

Everest Sport មានចំនួន ៥ពណ៌ រួមទាំងពណ៌ខៀវថ្មីហៅថា Deep Crystal Blue ផងដែរ។ វាបានបំពាក់សំណាញ់ប៉ាណាពណ៌ខ្មៅ, កាងផ្នែកខាងក្រោមទាំងមុខ-ក្រោយពណ៌ខ្មៅ ក៏ដូចជា គម្របកញ្ចក់ចំហៀង, រីហ្គែរដំបូលខាងលើពណ៌ខ្មៅផងដែរ។ លក្ខណៈពិសេសផ្សេងទៀតរបស់វា មានដូចជា ចង្កៀងមុខ Bi-LED, អេក្រង់ Infotainment System ទំហំ ៨អ៊ីង, ផែនទី, កាមេរ៉ាក្រោយ, មុខងារ Apple CarPlay និង Android Auto ជាដើម។

សូមបញ្ជាក់ថា រថយន្ត Ford Everest Sport ថ្មីនេះត្រូវបានដាក់លក់ក្នុងតម្លៃចាប់ពី ៤២ ៧៦៥ដុល្លារសម្រាប់ម៉ូដែលម៉ាស៊ីន ៣,២លីត្រ និង ៤៣ ៨០០ដុល្លារសម្រាប់ម៉ូដែលម៉ាស៊ីន ២,០លីត្រ៕

ផ្ទាំងផ្សាយពាណិជ្ជកម្ម

Lexus LC Inspiration Series ចេញលក់នៅអូស្ត្រាលី មានមិនដល់១០គ្រឿង ហើយនេះតម្លៃវា

November 10, 2019

រថយន្តស្ព័ររបស់ជប៉ុន Lexus LC Inspiration Series បានធ្វើដំណើរទៅដល់ប្រទេសអូស្ត្រាលីជាផ្លូវការ ប៉ុន្តែចំនួនមានកំណត់ ពោលគឺមិនដល់ ១០គ្រឿងឡើយ។

LC ម៉ូដែលពិសេស Inspiration Series នេះត្រូវបានដាក់លក់ក្នុងតម្លៃខ្ទង់ ១៤២ ០០០ដុល្លារ ដោយប្រើម៉ាស៊ីនចំណុះ ៥,០លីត្រ ទំហំ ៨ស៊ីឡាំង មានកម្លាំង ៤៧០សេះ ប្រើប្រអប់លេខអូតូ ១០វគ្គ។ វាក៏មានជម្រើសម៉ាស៊ីនមួយទៀត គឺ ៣,៥លីត្រ Hybrid ទំហំ ៦ស៊ីឡាំង មានកម្លាំង ៣៥៤សេះ។

វាអាចរត់ស្ទុះពីកុងទ័រ ០ ដល់ ១០០ គីឡូម៉ែត្រក្នុងមួយម៉ោង ប្រើពេលត្រឹមតែ ៤,៤ វិនាទីប៉ុណ្ណោះ ហើយមានល្បឿនអតិបរមារហូតដល់ ២៧០ គីឡូម៉ែត្រក្នុងមួយម៉ោង។

រថយន្តស្ព័រសម្រាប់ទីផ្សារប្រទេសអូស្ត្រាលីនេះមានតែ ១ពណ៌ប៉ុណ្ណោះ គឺ បៃតងចាស់ Khaki Metal ខណៈកាប៊ីនខាងក្នុងមានពណ៌ខ្មៅ និងត្នោត។

ក្រៅពីនោះ វាមានបំពាក់មុខងារពិសេសៗ ដូចជា ចង្កៀង LED, យ៉ាន់ ២១អ៊ីង, មុខងារ Android Auto និង Apple CarPlay, អេក្រង់ Infotainment System ទំហំ ១០,៣អ៊ីង, ផែនទី និង ប្រព័ន្ធសំឡេង Mark Levinson ជាដើម៕

ផ្ទាំងផ្សាយពាណិជ្ជកម្ម

Ferrari F8 Tributo ចេញលក់នៅថៃផ្លូវការ ឯតម្លៃវិញញាក់សាច់

November 10, 2019

ក្រុមហ៊ុននាំរថយន្តប្រណីតថៃ Cavallino Motors បានប្រកាសដាក់លក់រថយន្ត Ferrari F8 Tributo ស៊េរីចុងក្រោយបង្អស់ជាផ្លូវការ។

រថយន្តស្ព័ររបស់អ៊ីតាលីនេះប្រើម៉ាស៊ីនចំណុះ ៣,៩លីត្រ Twin-turbo ទំហំ ៨ស៊ីឡាំង មានកម្លាំង ៧២០សេះ អាចរត់ពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេលត្រឹម ២,៩វិនាទីប៉ុណ្ណោះ។

ថ្វីបើរថយន្ត Ferrari F8 Tributo ប្រើប្រព័ន្ធមេកានិចដូចរថយន្ត Ferrari 488 Berlinetta ប៉ុន្តែវាមានការរចនាផ្នែកខាងក្រៅ និងខាងក្នុងខុសគ្នា។

សូមបញ្ជាក់ថា រថយន្ត Ferrari F8 Tributo ថ្មីនេះ ត្រូវបានដាក់លក់ក្នុងតម្លៃ ២៥,២លានបាត (ប្រហែល ៨៣០ ០០០ដុល្លារ) ក្នុងប្រទេសថៃ ហើយវាជាគូប្រជែងនឹងរថយន្ត Lamborghini Huracan Evo និង McLaren 720S Coupe៕

ផ្ទាំងផ្សាយពាណិជ្ជកម្ម

មកមើលរថយន្ត Mercedes ប្រណីតពាសដែក តម្លៃ ១,៥ លានដុល្លារ

November 9, 2019

រថយន្ត Mercedes-Benz S-Class ជំនាន់ចុងក្រោយមានចែកចេញជាបួនប្រភេទក្នុងនោះរួមមានប្រភេទ Sedan, ប្រភេទតួខ្លួនវែង, ប្រភេទ Maybach និងប្រភេទពាសដែក Pullman Guard។

ចំពោះប្រភេទ Mercedes-Maybach S600 Pullman Guard ឆ្នាំ ២០១៩ គឺមានបំពាក់នូវអាវក្រោះការពារពិសេសដែលអាចការពារអ្នកដំណើរបានពេលរថយន្តរងការវាយប្រហារ។ សូម្បីតែកង់រថយន្តក៏អាចធន់នឹងគ្រាប់កាំភ្លើង ហើយនៅផ្នែកខាងក្រោយមានដំបូលការងារក្នុងករណីមានភេរវកម្ម។

រថយន្តពាសដែកនេះមានប្រវែងរហូតដល់ ៦,៥ ម៉ែត្រ និងមានទម្ងន់ ៥,៦ តោនឯណោះ។ រថយន្តអាចរុញច្រានទៅមុខដោយប្រើម៉ាស៊ីន Twin-Turbo ១២ ស៊ីឡាំង ដែលអាចផលិតកម្លាំងបាន ៥២៣ សេះ។

ដោយមិនរាប់បញ្ចូលរថយន្ត Mercedes AMG One ដែលអស់ស្តុកទៅហើយនោះ រថយន្ត S600 Pullman Guard ឆ្នាំ ២០១៩ នេះជារថយន្តថ្លៃជាងគេរបស់ Mercedes ដែលមានតម្លៃចាប់ពី ១,៥៦ លានដុល្លារឯណោះ៕

ផ្ទាំងផ្សាយពាណិជ្ជកម្ម

អស់ស្ទះ! សាធារណរដ្ឋឆេកយក BMW 7-Series ធ្វើជារថយន្តប៉ូលិស

November 9, 2019

ក្រោយពីទទួលបានរថយន្ត BMW i8 សម្រាប់បំពេញការងារល្បាតនៅទីក្រុងរួចហើយ នៅពេលនេះសមត្ថកិច្ចសាធារណរដ្ឋឆេកបន្តទទួលបានរថយន្ត BMW 7-Series វិញម្ដង ដែលជាស៊េរីចុងក្រោយបំផុត។

សមត្ថកិច្ចសាធារណរដ្ឋឆេកនឹងទទួលបានរថយន្ត BMW 7-Series ប្រភេទ Plug-in Hybrid ចំនួន ១០ គ្រឿងពីក្រុមហ៊ុន BMW ប្រចាំប្រទេសនេះ ដែលជាផ្នែកមួយនៃកម្មវិធីជួលរថយន្តជិះដោយមិនគិតថ្លៃ។ កម្មវិធីជួលរថយន្តនេះ អាចឲ្យរថយន្តនីមួយៗប្រើប្រាស់បានប្រមាណ ៦ ខែ និងជិះបានរហូតដល់ ២៥ ០០០ គីឡូម៉ែត្រ។

BMW 7-Series ដែលគេទទួលបានគឺជាម៉ូដែល 745e ដែលប្រើប្រាស់ម៉ាស៊ីន ៦ ស៊ីឡាំង ផលិតកម្លាំងបាន ២៨៦ សេះ និងម៉ូទ័រអគ្គិសនីអាចផលិតកម្លាំងបាន ១១៣ សេះ បន្ថែមទៀត។ BMW 745e អាចបង្កើនសន្ទុះពី ០ ដល់ ១០០ គ.ម/ម៉ ដោយចំណាយពេលតែ ៥,២ នាទី និងមានល្បឿនអតិបរមា ២៥០ គ.ម/ម៉៕

ផ្ទាំងផ្សាយពាណិជ្ជកម្ម

Hyundai Sonata ឆ្នាំ២០២០ រចនារាងម៉ាអេម ចេញតម្លៃលក់ផ្លូវការហើយ

November 9, 2019

Hyundai បានប្រកាសតម្លៃជាផ្លូវការនៃរថយន្ត Sedan ដ៏ល្បីឈ្មោះរបស់ខ្លួន គឺ Sonata ស៊េរីឆ្នាំ២០២០ សម្រាប់ទីផ្សារសហរដ្ឋអាមេរិក។

រថយន្ត Hyundai Sonata ថ្មីមានតម្លៃចាប់ពី ២៣ ៤០០ដុល្លារ ដោយថ្លែជាងស៊េរីមុន ៧៥០ដុល្លារ។ វាបំពាក់ម៉ាស៊ីនសាំងចំណុះ ២,៥លីត្រ មានកម្លាំង ១៩១សេះ ប្រើប្រអប់លេខអូតូ ៨វគ្គ, ហ្វ្រាំងអេឡិចត្រូនិច, ចង្កៀងមុខ LED Hidden Lighting Lamps, អំពូល LED DRLនិងចង្កៀងក្រោយ LED។

ប្រព័ន្ធជំនួយការបើកបរ SmartSense ត្រូវបានបំពាក់មកស្តង់ដារ ដោយក្នុងនោះរួមមានមុខងារដូចជា Forward Collision-Avoidance Assist, Lane Keeping Assist, Lane Follow Assist, Driver Attention Warning, Automatic High-Beam Assist និង Smart Cruise Control with Stop & Go ជាដើម។

ក្រៅពីម៉ាស៊ីនចំណុះ ២,៥លីត្រ រថយន្ត Hyundai Sonata ក៏មានជម្រើសម៉ាស៊ីន ១,៦លីត្រ Turbocharged ទំហំ ៤ស៊ីឡាំង មានកម្លាំង ១៨០សេះ។ សូមបញ្ជាក់ថា រថយន្ត Hyundai Sonata ប្រើម៉ាស៊ីន Hybrid ក៏នឹងបង្ហាញខ្លួននៅក្នុងឆ្នាំ២០១៩ នេះដែរ៕

ផ្ទាំងផ្សាយពាណិជ្ជកម្ម

Toyota ចេញម៉ូដែល C-HR Orange Edition អង្រួនចិត្តអ្នកស្រលាញ់ពណ៌លេចៗ

November 9, 2019

Toyota បានប្រកាសតម្លៃជាផ្លូវការនៃរថយន្ត C-HR ស៊េរីឆ្នាំ២០២០ នៅចក្រភពអង់គ្លេស ដោយមានចំនួន ៤ម៉ូដែលសម្រាប់ឱ្យអតិថិជនជ្រើសរើស។

រថយន្ត C-HR ប្រភេទ Base Model បំពាក់យ៉ាន់ Alloy ទំហំ ១៧អ៊ីង, ចង្កៀងមុខ LED, អេក្រង់ Infotainment System អាចភ្ជាប់មុខងារ Apple CarPlay និង Android Auto, កាមេរ៉ាក្រោយ, Dual-zone Climate Control និង កញ្ចប់មុខងារ Safety Sense។ វាមានតម្លសចាប់ពី ៣៣ ០០០ដុល្លារ។

ចំណែកឯ រថយន្ត C-HR Design មានតម្លៃចាប់ពី ៣៦ ០០០ដុល្លារ មានជម្រើសម៉ាស៊ីនចំណុះ ១,៨លីត្រ Hybrid និង ម៉ាស៊ីន ២,០លីត្រ Hybrid, យ៉ាន់ ១៨អ៊ីង, កញ្ចក់ក្រោយពណ៌ខ្មៅ, កញ្ចក់ចំហៀងមានមុខងារកម្តៅ និងបិទ-បើកអូតូ, Smary Key, ផែនទី និងកម្តៅកៅអីមុខ ជាដើម។

រីឯ C-HR Excel មានជម្រើសម៉ាស៊ីនដូច C-HR Design ដែរ ហើយមានតម្លៃចាប់ពី ៣៨ ៨០០ដុល្លារ ដោយបន្ថែមអំពូល LED មុខក្រោយ, កៅអីស្បែក, កម្តៅដៃចង្កូត, កៅអីចុច, មុខងារ Blind Spot Monitor និង Rear Cross Traffic Alert ជាមួយហ្វ្រាំងអូតូ។

ចុងក្រោយគឺ C-HR Dynamic មានតម្លៃចាប់ពី ៣៨ ៩០០ដុល្លារ ដោយបន្ថែមពណ៌តួខ្លួន Metallic បញ្ច្រាសជាមួយដំបូលមកស្តង់ដារតែម្តង។

Toyota ក៏បានបន្ថែមម៉ូដែលមួយទៀតហៅថា Orange Edition ដែលផ្អែកលើម៉ូដែល Excel ជាមួយតួខ្លួនពណ៌ទឹកក្រូច Scorched Orange, មានដំបូលពណ៌ខ្មៅ, យ៉ាន់ពណ៌ខ្មៅគ្រើម ទំហំ១៨អ៊ីង, ប្រព័ន្ធសំឡេង JBL, ប្រើម៉ាស៊ីនចំណុះ ២,០លីត្រ, ផលិតតែ ៥០០គ្រឿងប៉ុណ្ណោះ ហើយមានតម្លៃចាប់ពី ៤១ ៩០០ដុល្លារ៕

ផ្ទាំងផ្សាយពាណិជ្ជកម្ម