McLaren 720s ប្រកួតល្បឿនជាមួយ Corvette ZR1 កែម៉ាស៊ីនរួច លទ្ធផលយ៉ាងណា?

October 21, 2019

Hennessy Performance ជាក្រុមការងារមួយដែលបានបង្កើតរថយន្តល្បឿនលឿនជាច្រើនលើពិភពលោក ហើយថ្មីៗនេះពួកគេបានយក Corvette ZR1 ដាក់ Option HPE1200 ប្រកួតជាមួយនឹង McLaren 720s។

រថយន្ត Corvette ZR1 ដែលដាក់ Option ខាងលើគឺមានបំពាក់ដោយម៉ាស៊ីន Supercharged ៦,២ លីត្រ ៨ ស៊ីឡាំង ដែលផលិតកម្លាំងបាន ១១៣៩ សេះឯណោះ។ ប្រៀបធៀបនឹង McLaren 720s គឺមានម៉ាស៊ីនដែលផលិតកម្លាំង ៧១០ សេះ។

គេមិនភ្ញាក់ផ្អើលនោះទេ នៅពេលដែល Corvette ZR1 អាចទទួលបានជ័យជម្នះលើរថយន្ត McLaren 720s ដោយងាយៗជាទីបំផុត។ ទស្សនាវីដេអូប្រកួតខាងក្រោម ៖

ផ្ទាំងផ្សាយពាណិជ្ជកម្ម

នេះជារថយន្តតូចជាងគេបំផុត ដែល Rolls-Royce បានផលិត

October 21, 2019

មុន Rolls-Royce គឺមាន McLaren និង Bugatti បានផលិតរថយន្តអគ្គិសនីខ្នាតតូចសម្រាប់កុមារ។ ប៉ុន្តែនិយាយពីភាពទាក់ទាញ រថយន្តទាំងពីរ មិនអាចប្រៀបធៀបនឹង Rolls-Royce បាននោះទេ។

នៅឆ្នាំ ២០១៧ ក្រុមហ៊ុន Rolls-Royce បានបង្ហាញចេញរថយន្ត SRH សម្រាប់កូនក្មេងដែលរង់ចាំទទួលការវះកាត់នៅមន្ទីរពេទ្យ Saint Richard ចក្រភពអង់គ្លេស។ រថយន្ត SRH នេះមានផលិតតែមួយគ្រឿងប៉ុណ្ណោះ ដែលផលិតឡើងផ្អែកតាម Rolls-Royce Wraith។

រថយន្តគឺត្រូវបានប្រើប្រាស់សម្រាប់កិច្ចការសប្បុរសធម៌។ ក្មេងតូចៗដែលរង់ចាំទទួលការវះកាត់នឹងអាចសាកល្បងបើកបររថយន្តនេះ ដើម្បីកាត់បន្ថយអារម្មណ៍ភ័យខ្លាច។ នៅមន្ទីរពេទ្យខាងលើ Rolls-Royce ក៏បានបង្កើតផ្លូវមានស្លាកសញ្ញាចរាចរណ៍ដើម្បីឲ្យក្មេងៗបានសាកល្បងបទពិសោធន៍បើកបរពិតៗផងដែរ។

កន្លងមកនេះមានកូនក្មេងប្រមាណ ១ ៣០០ នាក់ បានអង្គុយលើរថយន្ត SHR នេះ។ Rolls-Royce បាននិយាយថានឹងមិនលក់រថយន្ត SHR នេះទេ៕

ផ្ទាំងផ្សាយពាណិជ្ជកម្ម

ឡានអគ្គិសនី Range Rover EV ទំនងអាចចេញលក់នៅឆ្នាំ២០២១

October 21, 2019

Land Rover កំពុងខិតខំប្រឹងប្រែងយ៉ាងខ្លាំង ដើម្បីបញ្ចេញរថយន្តអគ្គិសនីដំបូងបង្អស់របស់ខ្លួនក្រោមត្រកូល Range Rover ដែលនឹងចេញលក់ នៅចុងឆ្នាំ២០២១ ខាងមុខ។

បន្ទាប់ពីបានបញ្ចេញរថយន្ត SUV មានសមត្ថភាព Off-road ដ៏អស្ចារ្យ គឺ Land Rover Defender រួច ក្រុមហ៊ុនរថយន្តអង់គ្លេសមួយនេះ អាចងាកមកផ្តោតខ្លាំង លើរថយន្តអគ្គិសនីថ្មីរបស់ខ្លួនវិញ។

រថយន្តអគ្គិសនីថ្មីនោះទំនងអាចប្រើឈ្មោះ Road Rover ដែលផ្តោតខ្លាំងលើការបើកបរ ហើយក៏នៅតែរក្សាសមត្ថភាពបើក Off-road ដដែល។ វានឹងក្លាយជាគូប្រជែងរបស់រថយន្តអគ្គិសនីដូចជា Porsche Macan EV និង Audi E-tron Sportback ជាដើម។

រថយន្តដែលក្រុមហ៊ុន Land Rover ចាត់ថ្នាក់ថាជា “SUV ខ្នាតមធ្យម” នោះ នឹងមានទំហំស្ថិតនៅចន្លោះរថយន្ត Evoque និង Velar ប៉ុន្តែមានដំបូលទាល និងមុខតូច។ មិនតែប៉ុណ្ណោះ វាអាចមានកាប៊ីនខាងក្នុងធំទូលាយជាង Velar ទៀតផង៕

ផ្ទាំងផ្សាយពាណិជ្ជកម្ម

Tesla នឹងចាប់ផ្តើមផលិតឡានអគ្គិសនីក្នុងប្រទេសចិន ហើយលក់ថោកជាងមុន

October 21, 2019

ក្រុមហ៊ុនរថយន្តអគ្គិសនីអាមេរិក Tesla ទើបតែបានទទួលការយល់ព្រម ដើម្បីអនុញ្ញាតឲ្យចាប់ផ្តើមផលិតរថយន្តរបស់ខ្លួន នៅរោងចក្រ Gigafactory 3 ក្នុងទីក្រុងសៀងហៃ។

ការអនុញ្ញាតនេះត្រូវបានធ្វើឡើងកាលពីថ្ងៃព្រហស្បតិ៍សប្តាហ៍មុន ដោយក្រសួងឧស្សាហកម្ម និងបច្ចេកវិទ្យាព័ត៌មាននៃទីក្រុងសៀងហៃ។

Tesla ចង់ផលិតរថយន្ត Model 3 របស់ខ្លួនឲ្យបាន ១ ០០០គ្រឿងក្នុងមួយសប្តាហ៍ ដើម្បីបង្កើនចំនួនលក់នៅក្នុងប្រទេសចិន ដែលជាទីផ្សាររថយន្តដ៏ធំបំផុតលើពិភពលោក។ ការផលិតរថយន្តនៅក្នុងស្រុកបែបនេះ អាចឲ្យ Tesla គេចផុតពីការបង់ពន្ធនាំចូលរថយន្ត។

មិនតែប៉ុណ្ណោះ Tesla ក៏ទទួលបានការកាត់បន្ថយពន្ធចំនួន ១០% ដែលអាចកាត់បន្ថយថ្លៃរថយន្តរបស់ខ្លួនរហូតដល់ទៅ ១៤ ០០០ដុល្លារឯណោះ។

ក្រៅពីរថយន្ត Model 3 រោងចក្រខាងលើក៏នឹងផលិតកញ្ចប់អាគុយ ហើយចាប់ផ្តើមបង្កើនការផលិត ២៥០ ០០០គ្រឿងក្នុងមួយឆ្នាំ និងឡើងរហូតដល់ ៥០០ ០០គ្រឿងក្នុងមួយឆ្នាំ ព្រមទាំងបន្ថែមការផលិតរថយន្ត Model Y ទៀតផង៕

ផ្ទាំងផ្សាយពាណិជ្ជកម្ម

វីដេអូបង្ហាញការបង្កើតកំណត់ត្រាជាន់ពី ០ ដល់ ៤០០ គ.ម/ម៉ និងចុះមក ០ វិញ

October 19, 2019

កាលពីថ្មីៗនេះ Koenigsegg អាចបំបែកកំណត់ត្រាចាស់របស់ខ្លួន សម្រាប់ការបើកបរពី ០ ដល់ ៤០០ គ.ម/ម៉ និងចុះមក ០ វិញ (០-៤០០-០)។ រថយន្ត Regera Hybrid អាចបំបែកកំណត់ត្រារបស់ Agera RS ដែលប្រើពេលតែ ៣១,៤៩ វិនាទី។

នៅពេលក្រុមហ៊ុនរថយន្តស៊ុយអែតនេះប្រកាសអំពីកំណត់ត្រានេះ ក្រុមហ៊ុនបានត្រឹមបញ្ចេញវីដេអូនៃរថយន្តនេះរត់តាមផ្លូវប៉ុណ្ណោះ។ ប៉ុន្តែមិនបានបង្ហាញអំពីសកម្មភាពជាក់ស្ដែងនោះឡើយ។

យ៉ាងណាដែរនៅពេលនេះ Koenigsegg បានបញ្ចេញវីដេអូទីពីរ ដែលបង្ហាញអំពីការបំបែកកំណត់ត្រាដ៏អស្ចារ្យនេះ។ ទស្សនាវីដេអូខាងក្រោម ៖

ផ្ទាំងផ្សាយពាណិជ្ជកម្ម

ក្រុមហ៊ុនចិន ចម្លងម៉ូដរថយន្ត Land Cruiser

October 19, 2019

កាលពីថ្មីៗនេះគេប្រទះឃើញនូវរូបរាងរថយន្ត Hengtian L4600 ដែលជារថយន្តផលិតឡើងដោយក្រុមហ៊ុនចិន Hengtian Automobile។ គេកត់សម្គាល់ឃើញថារថយន្តនេះមានទ្រង់ទ្រាយដូចជា Toyota Land Cruiser អ៊ីចឹង។

រថយន្ត Hengtian L4600 នឹងមានលក់នៅប្រទេសចិនក្នុងពេលឆាប់ៗខាងមុខនេះ។ ព័ត៌មានអំពីវិមាត្ររថយន្តមិនបានបង្ហាញនៅឡើយទេ ប៉ុន្តែទំនងជាស្រដៀងនឹងរថយន្ត Off-Road របស់ Toyota អ៊ីចឹងដែរ។

រថយន្តនេះមានបំពាក់ម៉ាស៊ីន ៨ ស៊ីឡាំង ចំណុះ ៤,៦ លីត្រ ដែលផលិតឡើងដោយក្រុមហ៊ុនចិន Futai Power ដែលបង្កើតកម្លាំងបាន ២៨៦ សេះ ដែលកម្លាំងនេះគឺខ្សោយជាងម៉ាស៊ីន ៨ ស៊ីឡាំងលើរថយន្ត Land Cruiser។ គួរដឹងថាក្រុមហ៊ុន Hengtian Automobile បានបង្កើតនៅឆ្នាំ ២០១១ ដែលមានទំហំផលិត ១០ ម៉ឺនគ្រឿងក្នុងមួយឆ្នាំ ហើយម៉ូដែល L4600 នេះ នឹងជារថយន្ត SUV ដំបូងរបស់ក្រុមហ៊ុន៕

ផ្ទាំងផ្សាយពាណិជ្ជកម្ម

Hummer អាចវិលមកវិញ ជាម៉ាករថយន្តអគ្គិសនី នៅឆ្នាំ២០២១

October 19, 2019

ក្រុមហ៊ុន General Motors បានឈប់ផលិតរថយន្ត Hummer ជិតមួយទសវត្សមកហើយ ប៉ុន្តែរបាយការណ៍ថ្មីមួយបង្ហើបថា ក្រុមហ៊ុនរថយន្តអាមេរិកមួយនេះ អាចនឹងប្រើឈ្មោះ Hummer លើត្រកូលរថយន្តភីកអាប់ និង SUV អគ្គីសនីថ្មីរបស់ខ្លួន។

របាយការណ៍ខាងលើក៏បានបង្ហាញទៀតថា រថយន្ត Hummer ថ្មីអាចនឹងត្រូវចាប់ផ្តើមផលិតនៅចុងឆ្នាំ២០២១ ដែលជាផ្នែកមួយនៃគម្រោង “BT1 electric truck/SUV program” របស់ក្រុមហ៊ុន General Motors។

គម្រោងមួយនេះមិនមែនផ្តោតតែលើរថយន្ត Hummer ឡើយ ខណៈ General Motors ក៏មានគម្រោងបញ្ចេញរថយន្ត Cadillac SUV ប្រើអគ្គិសនី និង រថយន្តភីកអាប់ GMC ប្រើអគ្គិសនី ក្នុងឆ្នាំ២០២៣ ដែរ។

ទោះជាយ៉ាងណា រថយន្តភីកអាប់អគ្គិសនីដំបូងបង្អស់របស់ Hummer អាចនឹងមកដល់នៅក្នុងឆ្នាំ២០២១ ហើយប្រភពខាងលើអះអាងថា ឈ្មោះរបស់វាកំពុងស្ថិតក្រោមពិចារណា៕

ផ្ទាំងផ្សាយពាណិជ្ជកម្ម

Volvo ចង់ផលិតតែឡានអគ្គិសនីសុទ្ធ ត្រឹមឆ្នាំ២០៤០

October 19, 2019

ក្រុមហ៊ុន Volvo បានឱ្យដឹងថា ខ្លួននឹងក្លាយជាម៉ាករថយន្តអគ្គិសនីសុទ្ធ នៅដំណាក់កាលណាមួយ នាពេលអនាគត។ នេះបើយោងតាមគេហទំព័រ Autocar។

បន្ទាប់ពីបានប្រកាសចេញនូវរថយន្តអគ្គិសនីដំបូងបង្អស់ម៉ាក Volvo XC40 Recharge លោក Hakan Samuelsson មេធំរបស់ក្រុមហ៊ុន Volvo បានប្រាប់ឱ្យដឹងថា ការផ្លាស់ប្តូរទៅផលិតតែរថយន្តអគ្គិសនីសុទ្ធ នឹងស្ថិតលើតម្រូវការរបស់អតិថិជន។

“អ្នកដែលនឹងកំណត់ពេលវេលា គឺជាអតិថិជន។ នៅពេលតម្រូវការរថយន្តអគ្គិសនីកាន់តែខ្ពស់ យើងនឹងឈប់ផលិតរថយន្តប្រើប្រេងឥន្ធនៈកាន់តែលឿន”។ នេះបើតាមសម្តីលោក Hakan។

គួរឱ្យដឹងថា Volvo មានចក្ខុវិស័យក្លាយជាអ្នកផលិតរថយន្តមិនបំពុលដល់បរិស្ថានត្រឹមឆ្នាំ២០៤០ ហើយដើម្បីសម្រេចគោលដៅនេះបាន ក្រុមហ៊ុនរថយន្តស៊ុយអែតខាងលើត្រូវបញ្ឈប់ការផលិតរថយន្តប្រើប្រេងឥន្ធនៈ មុនពេលកំណត់នោះមកដល់។

លើសពីនេះទៅទៀត Volvo ចង់ឱ្យលក់រថយន្តអគ្គិសនីឱ្យបានចំនួនពាក់កណ្តាល នៃចំនួនលក់សរុបត្រឹមឆ្នាំ២០២៥ ហើយនឹងប្រកាសចេញនូវរថយន្តអគ្គិសនីសុទ្ធ និង Plug-in Hybrid ត្រកូល “Recharge” ថ្មីក្នុងពេលប៉ុន្មានឆ្នាំខាងមុខ៕

ផ្ទាំងផ្សាយពាណិជ្ជកម្ម

ក្រុមហ៊ុនឡាន Mazda យកលោក ខេមរៈ សិរីមន្ត ធ្វើជាទូតសុឆន្ទៈ

October 18, 2019

ភ្នំពេញ៖ នៅក្នុងអគារតាំងបង្ហាញរថយន្ត Mazda សាខាមុនីវង្ស កាលពីថ្ងៃទី ១៧ ខែ តុលា ឆ្នាំ ២០១៩ យើងសង្កេតឃើញមានការប្រកាសជាផ្លូវការថា លោក ខេមរៈ សិរីមន្ត ជាទូតសុឆន្ទៈ របស់ក្រុមហ៊ុន Mazda។ ក្នុងពិធីនោះផងដែរ ក៏មានការចូលរួមពីហ្វេនរបស់លោកចូលរួមផងដែរ។ យ៉ាងណាមិញ នៅថ្ងៃនោះក្រុមហ៊ុន Mazda បានប្រគល់រថយន្ត Mazda CX9 ដើម្បីជាមធ្យោបាយធ្វើដំណើររបស់លោក។

សូមមើលរូបភាពខាងក្រោមអំពីទិដ្ឋាភាពទាំងស្រុង៖

ផ្ទាំងផ្សាយពាណិជ្ជកម្ម

Toyota ចេញរថយន្តថ្មីសម្រាប់លក់ផ្ដាច់មុខនៅចិន រូបរាងស្រដៀង RAV4

October 18, 2019

GAC-Toyota ក្រុមហ៊ុនដែលបង្កើតឡើងដោយការសហការរវាង Toyota និងក្រុមហ៊ុនចិន GAC បានបញ្ចេញរថយន្ត Wildlander ស៊េរីថ្មី សម្រាប់លក់ផ្ដាច់មុខលើទីផ្សារប្រទេសចិន ចាប់ពីចុងឆ្នាំ ២០១៩ នេះ។

រូបរាងរបស់រថយន្តគឺមានទ្រង់ទ្រាយស្រដៀងនឹង RAV4 ដែរប៉ុន្តែមានការលេងស្ទីលខុសប្លែក ជាពិសេសរចនាបថផ្នែកខាងក្រោយតែម្ដង។ រថយន្តនេះមានបំពាក់ដោយអំពូលភ្លើង Matrix LED ហើយអំពូលខាងក្រោយក៏ជាប្រភេទ LED ដែរ។

វាមានជម្រើសម៉ាស៊ីនពីរប្រភេទគឺម៉ាស៊ីនសាំងចំណុះ ២,០ លីត្រ កម្លាំង ១៧០ សេញ និងម៉ាស៊ីន ២,៥ លីត្រ កម្លាំង ២១៩ សេះ ដែលមាន Mode បើកបរ Eco Normal និង Sport។ គួរបញ្ជាក់ជាថ្មីថារថយន្តនេះនឹងលក់ផ្ដាច់មុខនៅសិន ដោយតម្លៃមិនទាន់បង្ហាញនៅឡើយទេ៕

ផ្ទាំងផ្សាយពាណិជ្ជកម្ម