ត្រឹមតែប៉ុន្មានថ្ងៃក្នុងខែតុលា យើងសង្កេតឃើញសុទ្ធតែជាអាយដលក្នុងចិត្តរបស់ប្រិយមិត្ត នាំគ្នាសម្រុកទិញឡានតូយ៉ូតាម្នាក់មួយៗម៉ង។ ចង់ដឹងអាយដលទាំងនោះមានអ្នកណាខ្លះ ទៅមើលឈ្មោះជាមួយរូបភាពខាងក្រោម៖
១. លោក ជា វណ្ណរឹទ្ធ ទិញ Rush ២០២០ អោយភរិយាសម្រាប់ថ្ងៃខួបកំណើត
២. Dj Nana ទិញ Innova ២០២០ ដែលបានបង្ហាញពីសមត្ថភាព និងការខិតខំប្រឹងប្រែងរបស់ខ្លួន
៣. Smallworld Smallband ក្រុមតូច ទិញ Rush TRD ២០២០ នៅថ្ងៃទី ៩ ខែតុលា ឆ្នាំ២០១៩
តើប្រិយមិត្តយល់យ៉ាងណាដែរ?
រថយន្ត BMW iNext ដែលគេទន្ទឹងរង់ចាំជាយូរនោះ នឹងត្រូវចូលក្នុងសង្វាក់ផលិតកម្មផលិតនៅក្នុងឆ្នាំ ២០២១ ខាងមុខ។
រថយន្ត SUV អគ្គិសនីថ្មីសន្លាងរបស់ BMW នឹងប្រើប្រាស់គ្រោងឆ្អឹងដូចជារថយន្តប្រើម៉ាស៊ីនសាំង ម៉ាស៊ីនម៉ាស៊ូត Plug-in Hybrid និងរថយន្តប្រើថាមពលអគ្គិសនីសុទ្ធ។ BMW អះអាងថា iNext អាចនឹងជិះបានចម្ងាយ ៧០០ គ.ម ពេលសាកមួយពេញ ប៉ុន្តែនៅដើមឆ្នាំនេះក្រុមហ៊ុនបានបន្ថយការប៉ាន់ស្មានរបស់ខ្លួននៅត្រឹម ៦០០ គ.ម។ ប៉ុន្តែតាមការចុះផ្សាយរបស់ Auto Express បានបញ្ជាក់ថាតួលេខជាក់ស្ដែងទំនងជា ៥៧៩ គ.ម ប៉ុណ្ណោះ។
បន្ថែមពីនេះ iNext អាចនឹងបញ្ចេញលក់ជាមួយបច្ចេកវិទ្យាបើកបរស្វ័យប្រវត្តិជំនាន់ចុងក្រោយបំផុត ដែលផលិតឡើងដោយ BMW។ បើតាមរូបភាពថតបានកាលពីថ្មីនេះ បង្ហាញថា iNext នឹងមានទំហំស្រដៀងនឹង BMW X5 នាពេលបច្ចុប្បន្ននេះដែរ ហើយវាអាចនឹងមានឈ្មោះថា i5 ពេលចេញលក់ក៏ថាបាន៕
ទីក្រុងឌុយបៃ អាចទទួលបានការចាប់អារម្មណ៍តាមរយៈរថយន្តល្បាតរបស់សមត្ថកិច្ចនៃទីក្រុងនេះ ដែលមានប្រើប្រាស់សុទ្ធតែរថយន្តកំពូលល្បឿនមានតម្លៃថ្លៃ មានដូចជា Bugatti Veyron ជាដើម។ រឹតតែប្លែកថែមទៀតនោះ ពេលនេះសូម្បីតែរថយន្តសង្គ្រោះបន្ទាន់ ក៏គេបានជ្រើសយករថយន្តស្ព័រល្បឿនលឿនផងដែរ។
សេវាកម្មសង្គ្រោះបន្ទាន់របស់ឌុយបៃហៅកាត់ DCAS កាលពីថ្មីៗនេះ បានជ្រើសរើសយករថយន្តល្បឿនលឿនចំនួនពីរ មកធ្វើជារថយន្តសង្គ្រោះបន្ទាន់។ តាមការចុះផ្សាយរបស់ GTSpirit គឺមានរថយន្ត Chevrolet Corvette និង Nissan GT-R ដែលគេដាក់ប្រើប្រាស់ក្នុងគោលបំណងអាចទៅដល់ទីតាំងអ្នកជំងឺសង្គ្រោះបន្ទាន់ នៅក្នុងពេល ៤ ទៅ ៨ នាទីប៉ុណ្ណោះ៕
BMW ទើបតែបានបញ្ចេញរថយន្ត Sedan កំពូលកម្លាំងរបស់ខ្លួនថ្មីមួយម៉ូដែលទៀត គឺ M8 Gran Coupe និង M8 Gran Coupe Competition ដែលមានរូបរាងទាក់ទាញខ្លាំងបំផុត។
M8 Gran Coupe ប្រើម៉ាស៊ីនចំណុះ ៤,៤លីត្រ Twin-turbo ទំហំ ៨ស៊ីឡាំង មានកម្លាំង ៦០០សេះ ខណៈ M8 Gran Coupe Competition មានកម្លាំងដល់ ៦១៧សេះ។ ពួកវាប្រើប្រអប់លេខអូតូ ៨វគ្គ និងប៉ុងពីរ។
M8 Gran Coupe អាចរត់ពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេល ៣,១វិនាទី ខណៈ M8 Gran Coupe Competition ប្រើពេលត្រឹម ៣វិនាទីប៉ុណ្ណោះ ហើយមានល្បឿនអតិបរមា ២៥០គីឡូម៉ែត្រក្នុងមួយម៉ោង ប៉ុន្តែបើបំពាក់ Option “M Driver’s Package” វាអាចរត់ដល់ល្បឿន ៣០៥គីឡូម៉ែត្រក្នុងមួយម៉ោងឯណោះ។
BMW ក៏បានបង្ហាញតម្លៃរបស់វាដែរ គឺចាប់ពី ១៣០ ០០០ដុល្លារលើទីផ្សារបរទេស ជាមួយពណ៌ធម្មតារហូតដល់ទៅ ៩ពណ៌ ហើយពណ៌ពិសេស BMW Individual ចំនួន ៥ទៀត គឺ Dravit Grey Metallic, Almandin Brown Metallic, Ametrin Metallic, Aventurin Red Metallic និង Frozen Bluestone Metallic៕
Cadillac មានសង្ឃឹមខ្ពស់ចំពោះរថយន្ត Sedan ថ្មីរបស់ខ្លួន CT4 ឆ្នាំ ២០២០ ហើយឥឡូវនេះបានប្រកាសតម្លៃលក់របស់វាជាផ្លូវការ។
CT4 ចែកចេញជា ៤ ម៉ូដែល គឺ CT4 Luxury តម្លៃចាប់ពី ៣៣ ៩៩០ដុល្លារលើទីផ្សារបរទេស, CT4 Premium Luxury តម្លៃចាប់ពី ៣៨ ៤៩០ដុល្លារ, CT4 Sport តម្លៃចាប់ពី ៣៩ ៥៩០ និង CT4-V តម្លៃចាប់ពី ៤៥ ៤៩០ដុល្លារ។
វាមានជម្រើសម៉ាស៊ីនចំនួន ៣ គឺ ចំណុះ ២,០លីត្រ Turbocharged ទំហំ ៤ស៊ីឡាំង មានកម្លាំង ២៣៧សេះ , ២,៧លីត្រ ទំហំ ៤ស៊ីឡាំង មានកម្លាំង ៣០៩សេះ និង ២,៧លីត្រ Turbocharged ទំហំ ៤ស៊ីឡាំង មានកម្លាំង ៣២០សេះ។ ពួកវាដំណើរការជាមួយប្រអប់លេខអូតូ ៨វគ្គ និងប៉ុងមួយ តែក៏មាន Option ប៉ុងពីរដែរ។
Cadillac CT4 បំពាក់លក្ខណៈពិសេសមកស្តង់ដារដូចជា ដៃចង្កូតស្បែក, ពូកស្បែក, អេក្រង់ Infotainment System ទំហំ ៨អ៊ីង អាចភ្ជាប់មុខងារ Android Auto និង Apple Carplay, ប្រព័ន្ធម៉ាស៊ីនត្រជាក់ Dual-zone, មុខងារ Active Noise Cancellation Technology និង Keyless Entry System ជាដើម។
មិនតែប៉ុណ្ណោះវាក៏បំពាក់ប្រព័ន្ធជំនួយការបើកបរដូចជា Forward Collision Alert, Front Pedestrian Braking, Automatic Emergency Braking, Rear Park Assist និង Safety Alert Seat ជាដើម៕
ថ្មីៗនេះនេះ ក្រុមហ៊ុនរថយន្តអគ្គិសនីរបស់អាមេរិក Tesla បានបញ្ចេញបច្ចេកវិទ្យាថ្មីមួយហៅថា “Dog Mode”។
Dog Mode ត្រូវបានរចនាឡើងដើម្បីការពារសត្វចិញ្ចឹមឲ្យមានសុវត្ថិភាព និងផាកសុភាព ខណៈពេលដែលម្ចាស់របស់ពួកវាចេញក្រៅរថយន្តរយៈពេលខ្លី។
Dog Mode នេះដែរ នឹងរក្សាប្រព័ន្ធម៉ាស៊ីនត្រជាក់ឲ្យដំណើរការដដែល ហើយបង្ហាញនូវសារមួយនៅលើអេក្រង់ Infotainment System ថា “ម្ចាស់របស់ខ្ញុំនឹងត្រលបមកវិញឆាប់ៗនេះ។ កុំបារម្ភ!” (My owner will be back soon. Don’t worry!) ដែលបញ្ជាក់ថាសត្វចិញ្ចឹមទាំងនោះ មិនស្ថិតក្នុងគ្រោះថ្នាក់ឡើយ។
ប្រព័ន្ធសុវត្ថិភាពសម្រាប់សត្វចិញ្ចឹមថ្មីនេះ នឹងការពារអ្នកដទៃមិនឲ្យវាយបំបែកកញ្ចក់រថយន្ត ក្នុងគោលបំណងដើម្បីជួយសត្វចិញ្ចឹមទាំងនោះឡើយ៕
ចង់ដឹងកាន់តែច្បាស់ សូមទស្សនាវីដេអូខាងក្រោម៖
រថយន្ត Alpina B7 ជំនាន់ទី ៣ បានបង្ហាញខ្លួនជាផ្លូវការនៅអាមេរិកខាងជើង។ Alpina B7 ស៊េរីឆ្នាំ ២០២០ ខាងលើនេះ គឺមានល្បឿនលឿនខ្លាំងណាស់ ហើយថែមទាំងទំនើបផុតលេខទៀតផង។
Aplina គឺជាក្រុមហ៊ុនផលិតរថយន្ដដែលមានឯកទេសក្នុងកំណែពិសេសនៃរថយន្ត BMW និងត្រូវបានគេចាត់ទុកថាជាអ្នកផលិតរថយន្តដោយខ្លួនឯងផ្ទាល់ ដោយនាំយករថយន្ត BMW ចេញពីរោងចក្រផ្ទាល់ រួចយកទៅកែកុន និងតុបតែងនៅរោងចក្ររបស់ខ្លួនផ្ទាល់តែម្តង។
Alpina B7 គឺផ្អែកលើរថយន្ត BMW 7 Series ស៊េរីឆ្នាំ ២០២០ ដែលទើបតែចេញ ប៉ុន្តែបានបំពាក់ម៉ាស៊ីនពិសេសពីក្រុមហ៊ុន Alpina ផ្ទាល់ គឺម៉ាស៊ីនសាំងចំណុះ ៤,៤ លីត្រ Twin-turbo ទំហំ ៨ ស៊ីឡាំង ដែលបង្កើតកម្លាំងបានរហូតដល់ទៅ ៦០០ សេះ ហើយអាចរត់ដល់ល្បឿនអតិបរមា ៣៣០ គីឡូម៉ែត្រក្នុងមួយម៉ោង។ រថយន្តប្រភេទ Sedan ស្ព័រដ៏ប្រណីតនេះប្រើប្រព័ន្ធបើកបរប៉ុងពីរ AWD និង ប្រអប់លេខអូតូ ៨ វគ្គ។
ក្រៅពីកម្លាំងខ្លាំង Alpina B7 ក៏ទទួលបានបច្ចេកវិទ្យាជំនួយការបើកបរ និងបច្ចេកវិទ្យាសុវត្ថិភាពដ៏ទំនើបផងដែរ។ វាមានតែជម្រើស ២ ពណ៌ប៉ុណ្ណោះ គឺ ពណ៌បៃតងចាស់ និងពណ៌ខៀវ។ វាមានតម្លៃចាប់ពី ១៤១ ៧០០ ដុល្លារឡើងទៅលើទីផ្សារបរទេស៕
Lamborghini បានបង្ហើបឲ្យដឹងដល់វិបសាយរថយន្ត Autocar ថារថយន្តម៉ូដែលទីបួនរបស់ខ្លួន (គិតតែរថយន្តកំពុងផលិតលក់បច្ចុប្បន្នគឺមាន ៣ ម៉ូដែល) អាចជាប្រភេទរថយន្តប្រើប្រាស់ថាមពលអគ្គិសនីសុទ្ធដំបូង ហើយមានទ្រង់ទ្រាយជាប្រភេទ Sedan។
ប្រធានផ្នែកស្រាវជ្រាវនិងអភិវឌ្ឍន៍របស់ Lamborghini បាននិយាយថាពួកគេអាចនឹងប្រើប្រាស់គ្រោងឆ្អឹងរថយន្តដែលមានស្រាប់នៅក្នុង Volkswagen Group សម្រាប់រថយន្តម៉ូដែលនេះ។ គ្រោងឆ្អឹង PPE ដែលអភិវឌ្ឍន៍ឡើងដោយ Porsche និង Audi ទំនងនឹងជាជម្រើសដែលត្រូវប្រើ។
យ៉ាងណាក៏ដោយ Autocar បានបញ្ជាក់ថារថយន្តម៉ូដែលទីបួនរបស់ Lamborghini រហូតទាល់តែដល់ឆ្នាំ ២០២៥ ទើបអាចលេចមុខជាផ្លូវការ។ រថយន្តនេះដែរអាចដឹងមានការឌីហ្សាញរូបរាងដោយយកគំនិតពីរថយន្តគំរូ Estoque ដែលចេញមុខកាលពីឆ្នាំ ២០០៨៕
ផ្អែកតាមការលើកឡើងរបស់ BMW រថយន្ត M8 Competition Coupe អាចស្ទុះពី ០ ដល់ ១០០ គីឡូម៉ែត្រ/ម៉ ដោយប្រើពេលត្រឹម ៣,២ វិនាទីប៉ុណ្ណោះ។ ប៉ុន្តែការធ្វើតេស្តកាលពីថ្មីៗនេះបង្ហាញថាវាអាចស្ទុះបានលឿនជាងនេះទៅទៀត។
ដូចបានបង្ហាញក្នុងវីដេអូខាងក្រោមនេះ អ្នកបើកបររថយន្ត BMW ដ៏ជំនាញ ឈ្មោះ Martin Tomczyk អាចសាកល្បងបើកបរបង្កើនសន្ទុះរថយន្ត M8 Competition Coupe ដល់ ១០០ គ.ម/ម៉ ដោយប្រើពេលត្រឹមតែ ២,៨៨ វិនាទី ក្នុងការសាកល្បងលើកទីមួយ។ មិនតែប៉ុណ្ណោះរថយន្តនេះប្រើពេលត្រឹម ៩,៣៣ វិនាទីប៉ុណ្ណោះ អាចរត់ដល់ល្បឿន ២០០ គ.ម/ម៉។
ហេតុផលចម្បងមួយដែលធ្វើឲ្យ M8 Competition មានសន្ទុះលឿននោះគឺដោយសារម៉ាស៊ីន Twin-Turbocharged ចំណុះ ៤,៤ លីត្រ ៨ ស៊ីឡាំង ដែលផលិតកម្លាំងបាន ៦១៧ សេះ៕
ទិន្នន័យទីផ្សាររថយន្តភីកអាប់នៅសហរដ្ឋអាមេរិកប្រចាំត្រីមាសទី ៣ នៅឆ្នាំ ២០១៩ ត្រូវបានបង្ហាញចេញឡើង ដែលឃើញថាម៉ូដែលខ្លះមានការថយចុះចំនួនលក់ និងខ្លះទៀតកើនឡើងយ៉ាងខ្លាំង។ ខាងក្រោមជារថយន្តភីកអាប់លក់ដាច់ជាងគេ ៖
១. Ford F-Series លក់បាន ២១៤ ១៧៦ គ្រឿង ធ្លាក់ចុះ ៦% បើធៀបនឹងត្រីមាសឆ្នាំមុន
២. Ram Pickup លក់បាន ១៦១ ៦៣៥ គ្រឿង កើន ១៣,៨%
៣. Chevrolet Silverado លក់បាន ១៥៥ ៤៨២ គ្រឿង កើន ១៦,៦%
៤. GMC Sierra លក់បាន ៦៦ ១៩៩ គ្រឿង កើន ២៨,៩%
៥. Toyota Tacoma លក់បាន ៦៥ ៧៥៦ គ្រឿង ធ្លាក់ចុះ ២,៨%
៦. Chevrolet Colorado លក់បាន ៣១ ៦៥៦ គ្រឿង ថយចុះ ៩,៥%
៧. Toyota Tundra លក់បាន ៣១ ៥៦៥ គ្រឿង ថយចុះ ១,៣%
៨. Ford Ranger លក់បាន ២៦ ២១១ គ្រឿង (ទើបចេញលក់ឆ្នាំដំបូង)
៩. Jeep Gladiator លក់បាន ១៦ ១៣២ គ្រឿង (ទើបចេញលក់ឆ្នាំដំបូង)
១០. Nissan Frontier លក់បាន ១៥ ៣៦៤ គ្រឿង ថយចុះ ១៤%
