ការផលិតរថយន្តរបស់ប្រទេសថៃបានធ្លាក់ចុះ 20% ក្នុងឆ្នាំ 2024!

January 29, 2025

សហព័ន្ធឧស្សាហកម្មថៃ (FTI) បានប្រកាសជាផ្លូវការថា ផលិតកម្មរថយន្តនៅក្នុងប្រទេសថៃក្នុងឆ្នាំ ២០២៤ មានការធ្លាក់ចុះ ២០ភាគរយ ប្រហែល ១,៤៧ លានគ្រឿង បន្ទាប់ពីការលក់ក្នុងស្រុក និងការនាំចេញត្រូវបានធ្លាក់ចុះ។

ក្នុងនោះ ការធ្លាក់ចុះនេះ កើតឡើងដោយសារដោយសារធនាគារបានរឹតបន្តឹងច្បាប់កម្ចីរថយន្តចំពេលស្ថានភាពសេដ្ឋកិច្ចរបស់ប្រជាជនមានបំណុលខ្ពស់។ ជាមួយគ្នានេះ FTI បានរំពឹងថាផលិតកម្មរថយន្តនឹងកើនឡើង ២ភាគរយ វិញ នៅឆ្នាំ ២០២៥ នេះ។

គួរឲដឹងថា នៅឆ្នាំ ២០២៤ សហព័ន្ធឧស្សាហកម្មថៃបាននិយាយថា ប្រទេសថៃគួរតែមានការផលិតរថយន្តចំនួន ១,៥ លានគ្រឿង ហើយក្នុងនោះ ចំនួន ១ លានគ្រឿងនឹងត្រូវនាំចេញទៅទីផ្សារអន្តរជាតិ តែភាពជាក់ស្តែងការនាំចេញរថយន្តរបស់ប្រទេសថៃបានធ្លាក់ចុះ ៨,៨ភាគរយ ដោយសារបញ្ហាទីផ្សារពិភពលោក៕

ផ្ទាំងផ្សាយពាណិជ្ជកម្ម

GWM គ្រោងនឹងបញ្ចេញម៉ាក ឫ brand ក្រុមហ៊ុនរថយន្តថ្មីឈ្មោះថា Confidence Auto ដើម្បីប្រជែងនឹង Yangwang របស់ BYD

January 29, 2025

ក្រុមហ៊ុន Great Wall Motor (GWM) បានប្រកាសថា ពួកគេកំពុងរៀបចំដាក់ចេញនូវបង្ហាញម៉ាក ឫ brand ក្រុមហ៊ុនរថយន្តថ្មីមួយមានឈ្មោះថា “Confidence Auto” ដោយម៉ាក ឫ brand ក្រុមហ៊ុនរថយន្តថ្មីមួយនេះនឹងមានកម្រិតខ្ពស់ជាងម៉ាក ឫ brand ដទៃៗរបស់ GWM ដូចជា Haval, WEY, Tank, Ora និង Great Wall Pickup ហើយម៉ាក ឫ brand ថ្មីនេះនឹងប្រកួតប្រជែងជាមួយម៉ាក ឫ brand, Yangwang របស់ BYD។

គួរបញ្ជាក់ថា ក្រុមហ៊ុន GWM បានដាក់ពាក្យសុំចុះបញ្ជីម៉ាក ឫ brand, Confidence Auto ក្នុងខែឧសភា ឆ្នាំ២០២២។ លើសពីនេះ បើយោងតាមការណែនាំផ្លូវការ ក្រុមហ៊ុន Confidence Auto នឹងផ្តល់ជូននូវរថយន្តម៉ូឌែលទី១ ប្រភេទ Sedan ដែលមានតម្លៃលើសពី ១លានយន់ ឫ ១៣៧ ៩០០ ដុល្លារ ហើយគេរំពឹងថានឹងបំពាក់ដោយម៉ាស៊ីន V8 ចំណុះ ៤,០លីត្រ ដែលផលិតដោយ GWM ផ្ទាល់។

ចំពោះរថយន្តម៉ូឌែលទី ១ នេះ នឹងដាក់បង្ហាញចេញនៅខែមេសា ឬឧសភា ក្នុងឆ្នាំនេះ ហើយគ្រោងចេញលក់នៅចុងឆ្នាំ ពោលគឺស្ថិតក្នុងត្រីមាសទី ៤ ៕

ផ្ទាំងផ្សាយពាណិជ្ជកម្ម

Toyota Land Cruiser SE ប្រើអគ្គិសនីសុទ្ធ អាចនឹងចូលផលិតកម្មនៅក្នុងឆ្នាំនេះ

January 29, 2025

[បរទេស] ក្រុមហ៊ុនផលិតរថយន្ត Toyota បានធ្វើការបញ្ជាក់ថា រថយន្ត Toyota Land Cruiser SE ប្រភេទ SUV កៅអី ៣ជួរ ប្រើថាមពលអគ្គីសនីសុទ្ធ អាចនឹងចូលផលិតកម្មនៅឆ្នាំ ២០២៥ ក្នុងរោងចក្ររបស់ខ្លួននៅសហរដ្ឋអាមេរិក ។

គួរឲ្យថា Toyota Land Cruiser SE ធ្លាប់បាន Toyota ដាក់បង្ហាញជាគំរូរថយន្ត លើកដំបូងកាលពីចុងឆ្នាំ ២០២៣ ជាមួយរូបរាងជាប្រអប់ ដោយមានប៉ាណាមុខបិទជិត ចង្កៀងមុខ-ក្រោយ LED រាងស្លីម ព្រមទាំងថាសកង់ស្រោបដោយសំបកកង់ក្រាសជាដើម ។

គួរឲ្យដឹងថា បើយោងតាម Toyota បានអះអាង រថយន្តអគ្គីសនីសុទ្ធថ្មី ដែលផលិតនៅក្នុងរោងចក្រ Kentucky plant របស់ខ្លួននៅសហរដ្ឋអាមេរិក និងប្រើប្រាស់នៅកញ្ចប់អាគុយដែលដែលបានអភិវឌ្ឍថ្មីនៅរោងចក្រដែលមានតម្លៃដល់ទៅ ២,១ ពាន់លានដុល្លារ ៕

ផ្ទាំងផ្សាយពាណិជ្ជកម្ម

Lexus បញ្ចេញម៉ូដែលពិសេស មានលក់តែនៅក្នុងទីផ្សារប្រទេសមួយនេះប៉ុណ្ណោះ

January 28, 2025

[បរទេស] ក្រុមហ៊ុនផលិតរថយន្ត Lexus បានធ្វើការដាក់បញ្ចេញនៅរថយន្តម៉ូដែលពិសេស Lexus IS F Sport Mode Black IV ផលិតសម្រាប់តែទីផ្សារប្រទេសជប៉ុនប៉ុណ្ណោះ ជាមួយតម្លៃលក់ចាប់ពី ៣៨ ២៤២ ដុល្លារ ដល់ ៤១ ១៥៨ ដុល្លារ ។

Lexus IS F Sport Mode Black IV ផ្តល់នៅជម្រើសថាមពលម៉ាស៊ីនចំនួន ២ រួមមាន៖

ម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង អាចផលិតកម្លាំងបាន ២៤១ សេះ និងកម្លាំងរមួល ៣៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ។
ម៉ាស៊ីន hybrid ធ្វើការជាមួយម៉ាស៊ីនសាំងចំណុះ ២,៥ លីត្រ ទំហំ ៤ស៊ីឡាំង និងម៉ូទ័រអគ្គិសនីចំនួន ១ អាចផលិតកម្លាំងបាន ២១៧ សេះ ភ្ជាប់ដោយប្រអប់លេខអូតូ ។

បើប្រៀបធៀបទៅនឹងម៉ូដែល IS ស្តង់ដារ គឺម៉ូដែល IS F Sport Mode Black IV មានភាពលេចធ្លោជាង ដោយបានបំពាក់ថាសកង់សស្ព័រថ្មីរបស់ក្រុមហ៊ុន BBS brand ខណៈផ្នែកខាងក្រៅរួមមាន ថាសកង់, កញ្ចក់ចំហៀង និងស៊ុមកញ្ចក់ត្រូវបានតុបតែងជាមួយពណ៌ខ្មៅ ដើម្បីបន្ថែមនៅភាពស្ព័រមួយកម្រិតថែមទៀត ។

ចំពោះនៅផ្នែកខាងក្នុងបានតុបតែងជាមួយឈើនៅលើដៃចង្កូត និងដៃទ្វារ ព្រមទាំងមានកុងទ័របង្ហាញព័ត៌មានឌីជីថលទំហំ ៨អ៉ីញ និងអេក្រង់កំសាន្ត touchscreen ក៏ដូចជាប្រព័ន្ធកាមេរ៉ា Panoramic View Monitor ជាស្តង់ដារទៀតផង ៕

ផ្ទាំងផ្សាយពាណិជ្ជកម្ម

Chevrolet បញ្ចេញឡាន EV ថ្មី សាកថ្មម្តងជិះបាន ៤០០គីឡូម៉ែត្រ គ្រោងនឹងចេញលក់ក្នុងប្រទេសឡាវ នៅឆមាសទី២

January 28, 2025

[បរទេស] ក្រុមហ៊ុនផលិតរថយន្ត Chevrolet បានធ្វើការដាក់បង្ហាញចេញនៅរថយន្តអគ្គិសនីសុទ្ធ Chevrolet Spark EUV ដែលប្តូរឈ្មោះពីម៉ូដែល Baojun Yep Plus គ្រោងនឹងចេញលក់នៅខែកក្កដា ឆ្នាំ ២០២៥ នៅទីផ្សារប្រទេសឡាវ ខណៈតម្លៃមិនទាន់បង្ហាញនៅឡើយទេ ។

Chevrolet Spark EUV ត្រូវបានរំពឹងថា បំពាក់ម៉ូទ័រអគ្គិសនីចំនួន ១ នៅផ្នែកខាងក្រោយ អាចផលិតកម្លាំងបាន ១០០ សេះ ផ្កួបជាមួយអាគុយ ដែលអាចផ្តល់ចម្ងាយនៃបើកបរបាន ៤០១ គីឡូម៉ែត្រនៅពេលសាកថ្មពេញម្តង ដូចទៅនឹងម៉ូដែល Baojun Yep Plus ។

ទាក់ទងទៅនឹងរូបរាង និងការឌីស្សាញរបស់ Chevrolet Spark EUV ដូចគ្នាទាំងស្រុងទៅនឹងម៉ូដែល Baojun Yep Plus ដោយគ្រាន់តែប្តូរឡូហ្គោ Baojun ចេញ ជំនួសមកវិញនៅឡូហ្គោ Chevrolet ប៉ុណ្ណោះ ។

គួរបញ្ជាក់ផងដែរថា រថយន្តអគ្គីសនីសុទ្ធ Baojun Yep Plus គឺជាកិច្ចសហការផលិតរួមគ្នាជាមួយក្រុមហ៊ុន GM និងក្រុមហ៊ុនរបស់ប្រទេសចិន SAIC-Wuling សម្រាប់នៅទីផ្សារប្រទេសចិន ៕

ផ្ទាំងផ្សាយពាណិជ្ជកម្ម

Changan Deepal S07 ទទួលបានលទ្ធផលផ្កាយ ៥ ក្នុងការធ្វើតេស្តសុវត្តិភាពពីប្រទេសអូស្រ្តាលី ANCAP

January 28, 2025

[បរទេស] កាលពីពេលថ្មីៗកន្លងទៅនេះ រថយន្តអគ្គិសនីសុទ្ធ Changan Deepal S07 ស៊េរីថ្មីចុងក្រោយ បានទទួលនៅលទ្ធផលក្នុងការធ្វើតេស្តសុវត្តិភាពស្តង់ដាចេញពីអង្គភាពវាយតម្លៃប្រចាំប្រទេសអូស្រ្តាលី Australian NCAP ដោយទទួលបានចំណាត់ថ្នាក់ផ្កាយ ៥។

សម្រាប់ការធ្វើតេស្តសុវត្ថិភាពនេះដែរ រថយន្តអគ្គិសនីសុទ្ធ Changan Deepal S07 បានទទួលពិន្ទុទៅលើការ៖

ការការពារអ្នកដំណើរពេញវ័យចំនួន ៩៥ ភាគរយ
ការការពារអ្នកដំណើរវ័យក្មេង ៨៦ ភាគរយ
មុខងារជំនួយការបើកបរ និងសុវត្ថិភាព ៧៨ ភាគរយ
ការការពារអ្នកថ្មើរជើង ឬអ្នកធ្វើដំណើរនៅតាមដងផ្លូវចំនួន ៧៤ ភាគរយ

Deepal S07 ស៊េរីថ្មីចុងក្រោយ ត្រូវបានផលិតឡើងនៅលើគ្រោងឆ្អឹង EPA1 platform ដំណើរការដោយម៉ូទ័រអគ្គិសនីចំនួន ១ មានកម្លាំង ២៥៨ សេះ និងកម្លាំងរមួល ៣២០ ញ៉ូតុនម៉ែត្រ ផ្គួបជាមួយអាគុយទំហំ ៦៦,៨ គីឡូវ៉ាត់ម៉ោង អាចបើកបរបានចម្ងាយ ៦២០ គីឡូម៉ែត្រក្នុងការសាកថ្មពេញម្តង ដោយការសាកថ្មល្បឿនលឿន DC អាចសាកបានពី ៣០-៨០% ប្រើរយៈេពល ៣៥នាទីប៉ុណ្ណោះ ៕

ផ្ទាំងផ្សាយពាណិជ្ជកម្ម

Mitsubishi ថា ពួកគេនឹងប្រកាសចេញលក់រថយន្ត EV ថ្មីនៅក្នុងឆ្នាំ២០២៦

January 28, 2025

ក្រុមហ៊ុនផលិតរថយន្ត Mitsubishi មិនមែនជាក្រុមហ៊ុនដែលមានភាពពេញនិយមនៅក្នុងទីផ្សាររថយន្តអគ្គិសនី (EV) ឫការផលិតរថយន្តអគ្គិសនី (EV) នោះទេ ប៉ុន្តែចាប់ពីឆ្នាំ ២០២៦ តទៅ Mitsubishi នឹងដំណើរការលើការផលិតរថយន្ត EV ថ្មីរបស់ពួកគេ។

ក្នុងនោះ រថយន្តថ្មីនេះ ជាប្រភេទ Crossover ប្រើប្រាស់នូវគ្រោងឆ្អឹង AmpR Medium ដូចគ្នានឹងម៉ូដែល Nissan Ariya, Renault Megane E-Tech និង Renault Scenic E-Tech ដែល ប៉ុន្តែរថយន្តនេះអាចនឹងជំនួស Nissan Leaf នៅក្នុងទីផ្សារ។ ខណៈការចេញលក់ម៉ូដែលនេះ គ្រោងនឹងចេញលក់នៅឆ្នាំក្រោយ បន្ទាប់ពីការផលិតរបស់ Nissan ដែលគ្រោងនឹងចាប់ផ្តើមមុនដំណាច់ឆ្នាំនេះ។

គួរឲដឹងថា រថយន្ត Mitsubishi EV នឹងត្រូវផលិតនៅប្រទេសជប៉ុន ហើយនឹងមានការនាំចេញជាសកល ដោយក្រុមហ៊ុន Mitsubishi មានគោលដៅលក់រថយន្តអគ្គិសនី ៥០ភាគរយ មុនឆ្នាំ ២០៣០ និង ១០០ភាគរយ មុនឆ្នាំ ២០៣៥ ជាមួយគម្រោងចេញលក់រថយន្តអគ្គិសនីថ្មីចំនួន ៩ម៉ូឌែល មុនឆ្នាំ ២០២៨៕

ផ្ទាំងផ្សាយពាណិជ្ជកម្ម

ការលក់ Tesla Model Y Juniper នៅចិនបានកើនដល់ ៧មុឺនគ្រឿង ក្នុងរយៈពេល ៥ ថ្ងៃ

January 28, 2025

ក្រុមហ៊ុន Tesla បានប្រកាសដាក់បង្ហាញចេញនូវរថយន្តអគ្គិសនី Tesla Model Y Juniper ជាផ្លូវការនៅដើមខែនេះ ដោយចាប់ផ្តើមដាក់លក់នៅក្នុងប្រទេសចិនមុនគេ ហើយបន្តទៅអឺរ៉ុប និងអាមេរិកខាងជើង។ ម៉ូដែលនេះទទួលបានជោគជ័យយ៉ាងខ្លាំងនៅទីផ្សារចិន ដោយមានការបញ្ជាទិញចំនួន ៥០ ០០០ គ្រឿង នៅក្នុងថ្ងៃប្រកាសចេញដំបូង។

ខណៈនៅក្នុងរយៈពេល ៥ ថ្ងៃ ក្រោយមកការបញ្ជាទិញបានកើនដល់ ៧០ ០០០គ្រឿង ពោលគឺច្រើនជាងការលក់សរុបរបស់ក្រុមហ៊ុន EV មួយចំនួននៅក្នុងប្រទេសចិនក្នុងមួយឆ្នាំថែមទៀតផង។

គួរឲដឹងថា រថយន្ត Tesla Model Y Juniper សម្រាប់ទីផ្សារប្រទេសចិនមានតម្លៃលក់ចាប់ពី ៣៦ ៨៩០ ដុល្លារ សម្រាប់ជម្រើស RWD និងចាប់ពី ៤២ ៤៩០ ដុល្លារ សម្រាប់ជម្រើស AWD Long Range ។ ក្នុងនោះ Model Y ថ្មី មានការរចនាថ្មីទាក់ទាញទាំងខាងមុខ និងខាងក្រោយ ដោយបានបំផុសគំនិតចេញពី Cybertruck ។

គួរបញ្ជក់ថា ការអភិវឌ្ឍន៍ម៉ូដែលនេះត្រូវបានបែងចែងរវាងក្រុមហ៊ុនចិន និងអាមេរិករបស់ Tesla ដោយក្រុមហ៊ុនចិនផ្តោតលើការរចនាផ្នែកខាងក្រៅ និងផ្នែកខាងក្នុង ខណៈក្រុមហ៊ុនអាមេរិកផ្តោតលើបច្ចេកវិទ្យា៕

ផ្ទាំងផ្សាយពាណិជ្ជកម្ម

BYD រកប្រាក់ចំណូលពីការលក់រថយន្តបានច្រើនជាងគេក្នុងប្រទេសចិន

January 28, 2025

[បរទេស] កាលពីពេលថ្មីៗនេះ យោងតាមគេហទំព័រ Sina Finance បានចេញផ្សាយចំណាត់ថ្នាក់ប្រាក់ចំណូលនៃការលក់ម៉ាករថយន្តនៅក្នុងទីផ្សាររថយន្តប្រភេទដឹកអ្នកដំណើររបស់ប្រទេសចិនក្នុងឆ្នាំ ២០២៤ ខណៈក្រុមហ៊ុន BYD ទទួលបានប្រាក់ចំណូលពីការលក់រថយន្តរបស់ខ្ពស់ជាងគេ ។

សម្រាប់ BYD តម្លៃលក់ជាមធ្យមក្នុងរថយន្តមួយគ្រឿងគឺ ១៦ ៧០០ ដុល្លារ ហើយបរិមាណលក់ប្រចាំឆ្នាំនៅក្នុងទីផ្សារចិនមានចំនួនដល់ទៅ ៣,៤៩ លានគ្រឿង ដែលនាំប្រាក់ចំណូលពីការលក់ដល់ទៅ ៥៨,១ ពាន់លានដុល្លារ តាមពីក្រោយដោយក្រុមហ៊ុន Mercedes-Benz ដែលទទួលបានប្រាក់ចំនូលបាន ៤២,៥ ពាន់លានដុល្លារ និង Volkswagen ទទួលបាន ៤១,៩ ពាន់លានដុល្លារ ។

ជាងនេះទៅទៀត ក្រុមហ៊ុន Aito និង Li Auto ស្ថិតក្នុងចំណោមក្រុមហ៊ុនផលិតរថយន្តកំពូលទាំង ១០ ដែលស្ថិតលើក្រុមហ៊ុនផលិតរថយន្ត Geely, Chery និង Changan ជាដើម ៕

ផ្ទាំងផ្សាយពាណិជ្ជកម្ម

Ford Ranger Wildtrack X ស៊េរីថ្មីចុងក្រោយ ផលិតតែ ៧៥០គ្រឿង ឯតម្លៃថ្លៃជាងមុនជិត ២ពាន់ដុល្លារ

January 27, 2025

[បរទេស] ក្រុមហ៊ុនផលិតរថយន្ត Ford ប្រចាំនៅទីផ្សារប្រទេសអូស្ត្រាលី បានធ្វើការដាក់បង្ហាញចេញនៅរថយន្តភីកអាប់ Ford Ranger Wildtrak X limited edition ដោយផលិតត្រឹមតែ ៧៥០ គ្រឿងប៉ុណ្ណោះ ជាមួយតម្លៃលក់ថ្លៃជាងមុន ១ ៦៥០ ដុល្លារ ពោលគឺមានតម្លៃចាប់ពីផ្តើម ៧៧ ៦៤០ ដុល្លារ គ្រោងនឹងដាក់នៅខែក្នុងមេសា ឆ្នាំ ២០២៥ ។

គួរឲ្យដឹងថា នេះជាផលិតកម្មលើកទី ២ បន្ទាប់ពីដាច់ស្តុក និងដំណើរការដោយម៉ាស៊ីនម៉ាស៊ូតចំណុះ ២,០ លីត្រ bi-turbo ទំហំ ៤ស៊ីឡាំង អាចផលិតកម្លាំងបាន ២០១ សេះ និងកម្លាំងរមួល ៥០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ១០ វគ្គ និងមានសមត្ថភាពអូសសណ្តោងបានដល់ ៣ ៥០០ គីឡូក្រាម ។

Ford Ranger Wildtrak X ទទួលបានប៉ាណាមុខផ្លាស់ប្តូរថ្មី រួមទាំងកាងដែកផ្នែកខាងមុខ ចង្កៀងមុខ-ក្រោយ LED រាងជាអក្សរ C ព្រមទាំងថាសកង់ស្ព័រទំហំ ១៧ អ៉ីញ ស្រោបជាមួយនឹងសំបកក្រាសប្រភេទ Grabber AT3 all-terrain tyres និងរបា sport bar លើដំបូលផងដែរ ។

ចំពោះនៅផ្នែកខាងក្នុងមានកុងទ័របង្ហាញព័ត៌មានឌីជីថលទំហំ ១២,៤ អ៉ីញ និងអេក្រង់កំសាន្ត touchscreen ទំហំ ១២ អ៉ីញ ភ្ជាប់ប្រព័ន្ធប្រតិបត្តិការ SYNC4A រួមជាមួយនឹង Apple CarPlay និង Android Auto ក៏ដូចជាឧបករណ៍បំពងសំឡេងម៉ាក B&O ជាដើម៕