Toyota នៅតែជាក្រុមហ៊ុនផលិតរថយន្តធំបំផុតរបស់ពិភពលោកក្នុងឆ្នាំ២០២៤

January 31, 2025

សម្រាប់ឆ្នាំ ២០២៤ ក្រុមហ៊ុន Toyota បានបន្តជាក្រុមហ៊ុនផលិតរថយន្តធំបំផុតនៅលើពិភពលោកដោយមានចំនួនលក់សរុបដល់ ១០,១៦ លានគ្រឿង (រួមបញ្ចូលទាំង Lexus)។

ក្នុងនោះ បើរាប់ទាំងការលក់រថយន្តរបស់់ក្រុមហ៊ុនបុត្រសម្ព័ន្ធចំនួន ២ របស់ពួកគេថែមទៀតមាន Daihatsu និង Hino នោះចំនួនលក់នឹងកើនឡើងដល់ ១០,៨២ លានគ្រឿង តាមពីក្រោយដោយក្រុមហ៊ុន Volkswagen Auto Group ឬ VAG ដែលមានចំនួនលក់រថយន្ត ៩,២៤ លានគ្រឿង។ ខណៈលេខរៀងទី ៣ គឺក្រុមហ៊ុន Hyundai Motor Group (HMG) មានចំនួនលក់រថយន្តប្រហែល ៧,២៣ លានគ្រឿង (បូកបញ្ចូល Kia និង Genesis) ។

ទោះបីជាក្រុមហ៊ុន Toyota និង Lexus មានចំនួនលក់ច្រើនជាងក្រុមហ៊ុនផ្សេងៗក៏ដោយ ក៏ការលក់សរុបក្នុងឆ្នាំ២០២៤ របស់ក្រុមហ៊ុនមានភាពទាបជាងឆ្នាំ ២០២៣ តិចតួចចំនួន ១,៤ភាគរយ ផងដែរ តែប្រសិនបើរួមបញ្ចូលទាំងក្រុមហ៊ុន Hino និង Daihatsu គឺមានការធ្លាក់ចុះប្រហែល ៣,៧ភាគរយ។

គួរបញ្ជាក់ថា បើគិតទាំងឆ្នាំ២០២៤ ក្រុមហ៊ុន Toyota Motor បានរក្សាតំណែងជាក្រុមហ៊ុនផលិតរថយន្តដ៏ធំបំផុតរបស់ពិភពលោកជាប់ៗគ្នាចំនួន ៥ ឆ្នាំហើយ។ ជាមួយគ្នានេះ រថយន្ត Toyota RAV4 បានក្លាយជារថយន្តលក់ដាច់បំផុតនៅក្នុងទីផ្សារអាមេរិក និងអឺរ៉ុប ក្នុងឆ្នាំ២០២៤៕

ផ្ទាំងផ្សាយពាណិជ្ជកម្ម

Venucia បញ្ចេញម៉ូដែលថ្មី ប្រើ Hybrid ឯតម្លៃចាប់ពីខ្ទង់ ១មុឺនដុល្លារឡើងទៅ

January 30, 2025

[បរទេស] ក្រុមហ៊ុនផលិតរថយន្ត Venucia បានធ្វើការដាក់បង្ហាញចេញជាផ្លូវការនៅរូបភាពរបស់រថយន្ត Venucia V DD-I Ultra ប្រភេទ Hybrid ទទួលបានការអាប់ដេតបន្ថែម ដែលរំពឹងថា មានតម្លៃលក់ចាប់ពី ១៦ ៥៨៤ ដុល្លារឡើងទៅ នៅប្រទេសចិន ។

Venucia V DD-I Ultra ដំណើរការដោយម៉ាស៊ីនកូនកាត់ hybrid ធ្វើការជាមួយម៉ាស៊ីនសាំងចំណុះ ១,៥ លីត្រ និងម៉ូទ័រអគ្គិសនី អាចផលិតកម្លាំងបាន ១៦៧ សេះ ផ្គួបជាមួយអាគុយទំហំ ២,១១ គីឡូវ៉ាត់ម៉ោង អាចបើកបរបានចម្ងាយ ១១០ គីឡូម៉ែត្រ ។

រថយន្តនេះមានប្រវែងតួខ្លួនសរុប ៤ ៦២០ មម ទទឹង ១ ៩១៧ ម.ម កំពស់ ១ ៦២៩ ម.ម និងប្រវែងគម្លាតកង់មុខ-ក្រោយ ២ ៧០០ ម.ម ។ សម្រាប់ការឌីស្សាញផ្នែកខាងក្រៅ មានប៉ាណាមុខបិទជិត ចង្កៀងមុខ-ក្រោយ LED ព្រមទាំងថាសកង់ស្ព័រឌីស្សាញថ្មីជាដើម ។ ចំពោះព័ត៌មាននៅផ្នែកខាងក្នុង ក្រុមហ៊ុនមិនទាន់បង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

ប្រវត្តិសាស្រ្តថ្មី! ពានរង្វាន់នាយកប្រតិបត្តិរថយន្តល្អបំផុតលើលោក ឈ្នះដោយមនុស្សស្រីជាលើកដំបូង

January 30, 2025

[បរទេស] អនុប្រធានប្រតិបត្តិនៃក្រុមហ៊ុនផលិតរថយន្ត BYD លោកស្រី Stella Li បានឈ្នះបានរង្វាន់នាយកប្រតិបត្តិរថយន្តពិភពលោកប្រចាំឆ្នាំ ២០២៥ (World Car Person Of the year 2025) ដែលជាពានរង្វាន់បានរួមចំណែកយ៉ាងសំខាន់ដល់ឧស្សាហកម្មនេះ។

សម្រាប់គណៈវិនិច្ឆ័យក្នុងបានរង្វាន់នេះ មានអ្នកកាសែតចំនួន ៩៦ នាក់មកពីជុំវិញពិភពលោកបានបោះឆ្នោតឲ្យលោកស្រី Stella Li ដែលជាលើកដំបូងក្នុងប្រវត្តិសាស្រ្តពានរង្វាន់នេះ ជាមនុស្សស្រី និងក្រុមហ៊ុនរបស់ប្រទេសចិនបានឈ្នះ ។ លើសពីនេះ លោកស្រីក៏ត្រូវបានគេដាក់ឈ្មោះឲ្យថា “Lady of Electric Cars” កំពុងដឹកនាំក្រុមហ៊ុនធំជាងគេមួយនៅក្នុងវិស័យរថយន្តពិភពលោក។

ក្នុងនោះ បើតាមសេចក្តីប្រកាសរបស់សមាគម បង្ហាញថា លោកស្រ Stella Li ជាតួអង្គសំខាន់ក្នុងកំណើនទៅកាន់ទីផ្សារអន្តរជាតិរបស់ BYD ក្នុងឆ្នាំ ២០២៤ ដែលតួអង្គដ៏សំខាន់ក្នុងបង្ហាញម៉ូដែលថ្មីៗជាច្រើនទៅកាន់ទីផ្សារថ្មីៗលើសកលលោក ។

គួរបញ្ជាកផងដែរថា ពានរង្វាន់ World Car Person Of the year នឹងត្រូវធ្វើឡើងនៅថ្ងៃទី ១៦ ខេមេសា ឆ្នាំ ២០២៥ នៅឯពិព័រណ៍រថយន្ត New York International Auto Show ក្នុងប្រទេសសហរដ្ឋអាមេរិក ៕

ផ្ទាំងផ្សាយពាណិជ្ជកម្ម

Mazda ប្តូរឡូហ្គោថ្មី ជាលើកដំបូងក្នុងរយៈពេល ២៨ ឆ្នាំ

January 30, 2025

[បរទេស] ក្រុមហ៊ុនផលិតរថយន្ត Mazda បានធ្វើការផ្លាស់ប្តូរស្លាកសញ្ញាយីហោរបស់ខ្លួនជាលើកដំបូងក្នុងរយៈពេល ២៨ ឆ្នាំ ជាមួយរូបរាងសំបែត ប្រើប្រាស់ពណ៌ខ្មៅ ដែលអាចជួយបង្កើនប្រសិទ្ធភាពការបង្ហាញនៅលើស្មាតហ្វូន និងអេក្រង់ឌីជីថលផ្សេងទៀត។

គួរឲ្យដឹងថា នេះក៏ជាការរចនាឡើងវិញដ៏សំខាន់បំផុតចាប់តាំងពីស្លាកសញ្ញា M របស់ក្រុមហ៊ុន Mazda ដែលត្រូវបានបង្ហាញជាលើកដំបូងក្នុងឆ្នាំ ១៩៩៧ ហើយបានក្លាយជានិមិត្តរូបនៃម៉ាករបស់ក្រុមហ៊ុនផលិតរថយន្តជប៉ុនអស់រយៈពេលជិត ៣ ទសវត្សរ៍។

ជាមួយគ្នានេះ សម្រាប់ការប្រកាសជាផ្លូវការទំនងជាត្រូវបានធ្វើឡើងនៅថ្ងៃទី ៣០ ខែមករា ឆ្នាំ ២០២៥ ដែលជាថ្ងៃប្រារព្ធខួបលើកទី ១០៥ របស់ក្រុមហ៊ុន Mazda ៕

ផ្ទាំងផ្សាយពាណិជ្ជកម្ម

Exlantix ET របស់ Chery បានក្លាយជារថយន្តប្រចាំឆ្នាំ 2024 នៅក្នុងប្រទេសចិន

January 30, 2025

យោងតាមទូរទស្សន៍កណ្តាលរបស់ប្រទេសចិន (China Central Television) បានប្រកាសថា រថយន្តថាមពលថ្មីរបស់ក្រុមហ៊ុនផលិតរថយន្ត Chery គឺ Exlantix ET ត្រូវបានជ្រើសជារថយន្តប្រចាំឆ្នាំ ២០២៤ នៅប្រទេសចិន។

ក្នុងនោះ បើយោងតាមអនុប្រធានប្រតិបត្តិរបស់ Chery លោក Gao Xinhua បាននិយាយថា កាលដែលរថយន្តរបស់ពួកគេត្រូវបានជ្រើសជារថយន្តប្រចាំឆ្នាំ ២០២៤ នៅប្រទេសចិន ដោយសាររថយន្តនេះមានប្រព័ន្ធបច្ចេកវិទ្យាឆ្លាតវៃស្នូលចំនួន ៣ ពិសេស គឺប្រព័ន្ធបើកបរអោយស្វ័យប្រវត្តិ (ប្រើបន្ទះឈីប Nvidia Orin-X) ប្រព័ន្ធបើកបរប៉ុង ២ និងប្រព័ន្ធបើកបរ EREV ។

គួរបញ្ជាក់ថា រថយន្ត Exlantix ET ដែលរូវបានជ្រើសជារថយន្តប្រចាំឆ្នាំ ២០២៤ នៅប្រទេសចិនគឺជារថយន្តដែលប្រើប្រាស់នូវប្រព័ន្ធបើកបរ EREV មិនមែនអគ្គិសនីសុទ្ធនោះទេ។

ចំពោះរថយន្ត Exlantix ET EREV ដំណើរការដោយម៉ាស៊ីនសាំងចំណុះ ១,៥ លីត្រ ទំហំ ៤សុីឡាំង អាចផលិតកម្លាំងបាន ១៥៤ សេះ និងកម្លាំងរមួល ២២០ ញ៉ូតុនម៉ែត្រ និងម៉ូទ័រអគ្គិសនីចំនួន ២ អាចផលិតកម្លាំងបាន ២០១ សេះ និងកម្លាំងរមួល ៣១០ ញ៉ូតុនម៉ែត្រ (ផ្នែកខាងមុខ) និង ២៦១ សេះ និងកម្លាំងរមួល ៣២៤ ញ៉ូតុនម៉ែត្រ (ផ្នែកខាងក្រោយ) ផ្គួបជាមួយអាគុយទំហំ ៤១ គីឡូវ៉ាត់ម៉ោង អាចបើកបរបានចម្ងាយសរុប ១ ៥០០ គីឡូម៉ែត្រ និងអាចបើកបរបានចម្ងាយ ២៤០គីឡូម៉ែត្រ ដោយប្រើប្រាស់នូវថាមពលអគ្គិសនីសុទ្ធ។

គួរឲដឹងថា រថយន្ត Chery Exeed Exlantix ET ប្រភេទម៉ាសុីន EREV ប៉ុង២ AWD មានតម្លៃលក់ចាប់ពី ២៦ ១៧៥ ដុល្លារ ដល់ ៤៤ ១០០ ដុល្លារ នៅក្នុងទីផ្សារប្រទេសចិន៕

ផ្ទាំងផ្សាយពាណិជ្ជកម្ម

Lexus ប្រកាសបញ្ចប់ជីវិតម៉ូដែលមួយនេះ បន្ទាប់ពីឆ្នាំមុន លក់បានតែ ៣គ្រឿងប៉ុណ្ណោះ

January 30, 2025

[បរទេស] ក្រុមហ៊ុនផលិតរថយន្ត Lexus បានធ្វើការប្រកាសថា ខ្លួននឹងបញ្ចប់ជិវិតនៅរថយន្ត Lexus LS ប្រភេទ sedan នៅលើទីផ្សារចក្រភពអង់គ្លេស ដោយសារតែការលក់របស់ម៉ូដែលនេះបានត្រឹមតែ ៣គ្រឿងប៉ុណ្ណោះ ពេញមួយឆ្នាំ ២០២៤ ។

យោងតាមក្រុមហ៊ុនគេហទំព័រ Autocar បានឲ្យដឹងថា រថយន្ត Lexus LS ចាប់តាំងពីឆ្នាំ ២០២០ មានតែចំនួន ៣៩គ្រឿងប៉ុណ្ណោះដែលត្រូវបានលក់ ដែលធ្វើឲ្យវាក្លាយជាម៉ូដែលលក់យឺតបំផុតរបស់យីហោដែលមិនគួរឲ្យជឿនៅទីផ្សារប្រទេសនេះ ។

សម្រាប់ Lexus LS មានលក់នៅទីផ្សារចក្រភពអង់គ្លេសតាំងពីឆ្នាំ ២០២៤ ខណៈម៉ូដែលចុងក្រោយនេះ មានតម្លៃលក់ចាប់ពី ១២៥ ៤០០ ដុល្លារ ដល់ ១៥៨ ៩០០ ដុល្លារ ដែលដំណើរការដោយម៉ាស៊ីនកូនកាត់ hybrid ធ្វើការជាមួយម៉ាស៊ីនសាំងចំណុះ ៣,៥ លីត្រ V6 និងម៉ូទ័រអគ្គីសនីចំនួន ២ ៕

ផ្ទាំងផ្សាយពាណិជ្ជកម្ម

Yangwang U8 របស់ BYD ក្លាយជារថយន្ត SUV ថ្លៃជាងគេរបស់ចិន!

January 30, 2025

រថយន្ត BYD Yangwang U8 បានក្លាយជារថយន្ត SUV ថាមពលថ្មីរបស់ចិនដែលមានតម្លៃលក់ថ្លៃជាងគេនៅក្នុងប្រទេសចិន ជាមួយតម្លៃចាប់ពី ១៥១ ៤១៥ ដុល្លារ។ ក្នុងនោះ រថយន្តនេះត្រូវបានដាក់បង្ហាញចេញដំបូងនៅក្នុងខែមករា ឆ្នាំ២០២៣ ។

រថយន្តនេះ មានប្រវែងតួខ្លួនសរុប ៥ ៣២៥ ម.ម ទទឹង ២ ០៩៥ ម.ម កម្ពស់ ១ ៩៤០ ម.ម និងប្រវែងគម្លាតកង់ ៣ ០៥០ ម.ម ដំណើរការដោយម៉ាសុីនសាំងចំណុះ ២,០ លីត្រ ទំហំ ២៦៨ សេះ និងម៉ូទ័រអគ្គិសនីចំនួន ៤ អាចផលិតកម្លាំងបានសរុប ១ ១៨០ សេះ ផ្គួបជាមួយអាគុយទំហំ ៤៩គីឡូវ៉ាត់ម៉ោង អាចបើកបរបានចម្ងាយ ១២០ គីឡូម៉ែត្រ ដោយប្រើអគ្គិសនីសុទ្ធ និងសរុប ៧៨០ គីឡូម៉ែត្រ អាចរត់ស្ទុះពី ០-១០០ គីឡូម៉ែត្រ/ម៉ោង ត្រឹមរយៈពេល ៣,៩ វិនាទី។

សម្រាប់ការរចនាផ្នែកខាងក្រៅ និងផ្នែកខាងក្នុងរថយន្ត មានភាពប្រណិតខ្លាំងត្រូវបានសម្ភារៈពិសេសៗជាច្រើនមានដូចជា ថាសកង់ទំហំ ២០ អ៊ីញ ស្រោបដោយសំបកកង់ប្រភេទ Off-Road កុងទ័របង្ហាញព័ត៌មាន និងអេក្រង់កំសាន្ត touchscreen ជាច្រើន ក៏ដូចជាសម្ភារៈផ្សេងជាច្រើនទៀតផងដែរ។

គួរបញ្ជាក់ផងដែរថា ចាប់ពីខែមករា ដល់ខែធ្នូ ក្នុងឆ្នាំ២០២៤ រថយន្ត BYD Yangwang U8 បានចែកចាយបានចំនួន ៧ ៣៦៦ គ្រឿង៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ BMW iX ស៊េរីឆ្នាំ ២០២៦ អាប់ដេតថ្មី សាកថ្មម្តងជិះបានដល់ ៧១០គីឡូម៉ែត្រ

January 29, 2025

[បរទេស] ក្រុមហ៊ុនផលិតរថយន្ត BMW បានធ្វើការដាក់បង្ហាញចេញនៅរថយន្តអគ្គិសនីសុទ្ធ BMW iX ស៊េរីថ្មីចុងក្រោយ ប្រភេទ SUV ទទួលបានការអាប់ដេតបន្ថែម គ្រោងចូលផលិតកម្មជាផ្លូវការនៅខែមិនា ឆ្នាំ ២០២៥ នឹងដាក់ចេញលក់នៅឆមាសទី ២ ។

BMW iX ស៊េរីថ្មីចុងក្រោយ ផ្តល់នៅជម្រើសម៉ូដែលចំនួន ៣ រួមមាន៖

ម៉ូដែល xDrive45 ផ្គួបជាមួយអាគុយ ផ្តល់នៅចម្ងាយបើកបរបាន ៦០២ គីឡូម៉ែត្រនៅពេលសាថ្មពេញម្តង មានតម្លៃលក់ ៧៥ ១០០ ដុល្លារ ។
ម៉ូដែល xDrive60 ផ្គួបជាមួយអាគុយ ផ្តល់នៅចម្ងាយបើកបរបាន ៧១០ គីឡូម៉ែត្រនៅពេលសាថ្មពេញម្តង មានតម្លៃលក់ ៨៨ ៥០០ ដុល្លារ ។
ម៉ូដែល M70 ផ្គួបជាមួយអាគុយ ផ្តល់នៅចម្ងាយបើកបរបាន ៦០0 គីឡូម៉ែត្រនៅពេលសាថ្មពេញម្តង មានតម្លៃលក់ ១១១ ៥០០ ដុល្លារ ។ សម្រាប់ម៉ូដែលទាំង ៣ នេះ ត្រូវបានភ្ជាប់មកជាមួយប្រព័ន្ធសាកថ្មល្បឿនលឿន ដោយសាកពី ៣០-៨០% ប្រើរយៈពេល ៣៤នាទី ។

សម្រាប់ការផ្លាស់ប្តូរផ្នែកខាងក្រៅមានដូចជា កាងខាងមុខ និងខាងក្រោយដែលបានរចនាឡើងវិញ ក៏ដូចជាប៉ាណាមុខថ្មីជាមួយនឹងការបំភ្លឺ Iconic Glow ក៏ដូចជាចង្កៀងមុខ adaptive LED ឌីស្សាញបែបបញ្ឈ ព្រមទាំងថាសកង់ស្ព័រថ្មីទំហំ ២១ អ៉ីញ ដល់ ២២អ៉ីញ និងទំហំ ២៣ អ៉ីញជាជម្រើស។

ចំពោះនៅផ្នែកខាងក្នុង ទទួលបានអេក្រង់ភ្លោះបញ្ចូលនៅកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ដោយបានធ្វើបច្ចុប្បន្នភាពកម្មវិធី iDrive 8.5 software ខណៈការផ្លាស់ប្តូរគួរឲ្យគត់សម្គាល់គឺ កៅអីថ្មីប្រភេទ M Multi-Function seat ៕

ផ្ទាំងផ្សាយពាណិជ្ជកម្ម

ភីកអាប់ Mazda BT-50 ជំនាន់ថ្មី ចេញតម្លៃលក់ជាផ្លូវការនៅទីផ្សារប្រទេសអូស្ត្រាលី

January 29, 2025

[បរទេស] ក្រុមហ៊ុនផលិតរថយន្ត Mazda ប្រចាំនៅទីផ្សារប្រទេសអូស្រ្តាលី បានធ្វើការដាក់បញ្ចេញតម្លៃលក់ជាផ្លូវការនៅរថយន្តភីកអាប់ Mazda BT-50 ស៊េរីឆ្នាំ ២០២៥ ផ្តល់នៅ ៣ជម្រើសរួមមាន Single Cab, Freestyle cab និង double cap ជាមួយតម្លៃលក់ចាប់ពី ៣៦ ៤០០ ដុល្លារ ដល់ ៧១ ៥០០ ដុល្លារ ។

Mazda BT-50 ស៊េរីឆ្នាំ ២០២៥ ដំណើរការដោយម៉ាស៊ីន៖

ម៉ាស៊ីនម៉ាស៊ូតចំណុះ ១,៩ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ១៤៧ សេះ និងកម្លាំងរមួល ៣៥០ ញ៉ូតុនម៉េត្រ សម្រាប់ម៉ូដែលស្តង់ដារ
ម៉ាស៊ីនម៉ាស៊ូតចំណុះ ៣,០ លីត្រ Turbocharged ទំហំ ៤ស៊ីឡាំង អាចផលិតកម្លាំងបាន ១៨៧ សេះ និងកម្លាំងរមួល ៤៥០ ញ៉ូតុនម៉េត្រ ។ ទាំង ២ នេះ ភ្ជាប់ដោយប្រអប់លេខអូតូ ៦ វគ្គ ខណៈប្រអប់លេខដៃត្រូវបានដកចេញ ។

ទទួលបានការផ្លាស់ប្តូរថ្មីមើលទៅហាប់ណែនជាងមុន រួមមានប៉ាណាមុខថ្មីមួយផ្ទាំងធំ រួមទាំងចង្កៀងមុខ-ក្រោយ LED ក៏បានឌីស្សាញថ្មី ព្រមទាំងថាសកង់ស្ព័រ alloy-wheels ថ្មីទំហំ ១៨អ៉ីញ និង ១៩អ៉ៅញ ផងដែរ ។

ចំពោះនៅផ្នែកខាងក្នុងវិញទទួលបានការអាប់ដេតថ្មីទៅលើកុងទ័របង្ហាញព័ត៌មានថ្មីទំហំ ៧អ៉ីញ និងអេក្រង់កំសាន្ត touchscreen ទំហំ ៨អ៉ីញ និង ៩អ៉ីញ អាចប្រើមុខងារ Apple CarPlay និង Android Auto រួមទាំងរន្ធ USB-C ថ្មី ជាដើម ។ លើសពីនេះ ក៏បំពាក់កាមេរ៉ាស្តេរ៉េអូថ្មី ជំនួយទៅដល់ប្រព័ន្ធសុវត្ថិភាពបានល្អប្រសើរជាងមុន ដែលរួមបញ្ចូលនៅមុខងារថ្មីៗជាច្រើនទៀតផង ៕

ផ្ទាំងផ្សាយពាណិជ្ជកម្ម

VW សម្រេចចិត្តលុបចោលគម្រោងដាក់លក់ ID.7 EV ជាផ្លូវការនៅទីផ្សារអាមេរិកជើង

January 29, 2025

[បរទេស] ក្រុមហ៊ុនផលិតរថយន្ត Volkswagen សម្រេចចិត្តលុបចោលគម្រោងដាក់លក់ជាផ្លូវការនៅរថយន្តអគ្គិសនីសុទ្ធ ID.7 នៅទីផ្សាអាមេរិកខាងជើង ដោយសារមានការប្រកួតប្រជែងខ្លាំង ឬហៅថា Challenging EV climate គួបផ្សំជាមួយភាពមិនច្បាស់លាស់ នៅពេលត្រលប់មកកាន់តំណែងឡើងវិញរបស់លោក Donald Trump ។

គួរឲ្យដឹងថា ដំបូងឡើយ ក្រុមហ៊ុន Volkswagen គ្រោងនឹងដាក់លក់រថយន្តអគ្គីសនីសុទ្ធ ID.7 នៅទីផ្សារសហរដ្ឋអាមេរិកក្នុងឆ្នាំ ២០២៤ តែត្រូវបានពន្យាពេល រហូតដល់ឆ្នាំ ២០២៥ នេះ ត្រូវបានលុបចោលទាំងស្រុងនៅទីផ្សារអាមេរិកខាងជើង ។

នេះមិនមែនគ្រាន់តែជាបញ្ហារបស់ក្រុមហ៊ុន VW ប៉ុណ្ណោះទេ ដោយទីផ្សារ EV ទាំងមូលនៅអាមេរិកខាងជើង មានភាពច្របូកច្របល់ ជាពិសេសទីផ្សារសហរដ្ឋអាមេរិកកំពុងមានភាពមិនច្បាស់លាស់ នៅពេលត្រលប់មកកាន់តំណែងឡើងវិញរបស់លោក Donald Trump បានផ្លាស់ប្តូរទិសដៅនៃការគាំទ្ររបស់រដ្ឋាភិបាលសម្រាប់រថយន្តអគ្គិសនី ដែលធ្វើឲ្យតម្លៃរថយន្ត EV អាចឡើងខ្ពស់ ប្រសិនបើពន្ធដែលបានសន្យារបស់គាត់ចូលជាធរមាន ៕