Jetour បញ្ចេញជាផ្លូវការឡានប្រភេទ SUV off-road ប្រើ EREV កម្លាំងលើស ១ពាន់សេះ

January 23, 2025

[បរទេស] ក្រុមហ៊ុនផលិតរថយន្ត Jetour ដែលស្ថិតក្រុមហ៊ុន Chery Group បានធ្វើការដាក់បង្ហាញចេញជាផ្លូវការនៅរថយន្ត Jetour G700 ប្រភេទ SUV off-road បែប Luxury គ្រោងនឹងដាក់លក់ជាផ្លូវការនៅត្រីមាសទី ៣ ឆ្នាំ ២០២៥ នៅទីផ្សារប្រទេសចិន ខណៈតម្លៃមិនទាន់បង្ហាញនៅឡើយទេ ។

Jetour G700 ផលិតឡើងនៅលើគ្រោងឆ្អឹង body-on-frame ផ្តល់ជូននៅជម្រើសថាមពលចំនួន ២ ប្រភេទរួមមាន៖

ប្រភេទ PHEV ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ Turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន ១ អាចផលិតកម្លាំងបានសរុប ៦០០ សេះ
ប្រភេទ EREV ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ Turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន ៤ អាចផលិតកម្លាំងបានសរុប ១៥៧២ សេះ ។ សម្រាប់ទាំង ២ នេះ គំាទ្រដោយប្រព័ន្ធសាកថ្មល្បឿបលឿន ដោយសាកពី ២០% ដល់ ៨០% ប្រើរយៈពេល ៦នាទីប៉ុណ្ណោះ ។

រថយន្តនេះមានប្រវែងតួខ្លួនសរុប ៥ ១០០ ម.ម និងកំពស់ពីដីទៅបាតរថយន្ត ៣៥០ ម.ម ដោយគាំទ្រពីប្រព័ន្ធជើងក្រោមប្រភេទ air suspension ។ សម្រាប់រូបរាងផ្នែកខាងក្រៅមានលក្ខណៈជាប្រអប់ មានប៉ាណាមួយផ្ទាំងធំ ចង្កៀងមុខ-ក្រោយ LED ព្រមទាំងប្រើប្រើនៅថាសកង់ស្រោបដោយសំបកប្រភេទ Off-road ជាដើម ។

ចំពោះនៅផ្នែកខាងក្នុងវិញ មានអេក្រង់កំសាន្ត touchscreen ទំហំធំ ក៏ដូចជាកន្លែងសាកថ្មឥតប្រើខ្សែ រួមទាំងប្រព័ន្ធជំនួយការអ្នកបើកបររបស់ក្រុមហ៊ុន Huawei ផងដរ ៕

ផ្ទាំងផ្សាយពាណិជ្ជកម្ម

Mazda6 នឹងអស់ជីវិតនៅទីផ្សារប្រទេសអូស្រ្តាលី បន្ទាប់ពីដាច់ឆ្នាំេនះ

January 23, 2025

[បរទេស] ក្រុមហ៊ុនផលិតរថយន្ត Mazda នឹងធ្វើការបញ្ឈប់ការផលិតជាផ្លូវការនៅរថយន្ត Mazda6 ពីទីផ្សារប្រទេសអូស្ត្រាលី ដោយសារបញ្ហានៃការអនុលោមតាមបទប្បញ្ញត្តិការរចនា Australian Design Rule 98/00 ទាក់ទងនឹងប្រព័ន្ធជំនួយការអ្នកបើក ADAS ដែលមកដល់នៅថ្ងៃទី ១ ខែមិនា ឆ្នាំ ២០២៥ ខាងមុខនេះ ។

គួរឲ្យដឹងថា រថយន្ត Mazda6 ដំណើរការដ៏រឹងមាំរយៈពេល ២២ ឆ្នាំនៅក្នុងប្រទេសអូស្ត្រាលី ដោយលក់បានជិត ១៥០ ០០០ គ្រឿង ចាប់តាំងពីការចេញលក់ដំបូងក្នុងឆ្នាំ ២០២២ ។ ខណៈក្នុងឆ្នាំ ២០២៤ រថយន្តនេះ លក់បានត្រឹមតែ ១ ៣៥៤ គ្រឿងក្នុងប្រទេសអូស្ត្រាលី ដែលបង្ហាញពីតម្រូវការធ្លាក់ចុះយ៉ាងខ្លាំង ។

រថយន្ត Mazda6 បានបង្ហាញខ្លួនជាលើកដំបូងនៅឆ្នាំ ២០១២ ព្រមទាំងទទួលបានការកែមុខមាត់ថ្មីនៅក្នុងឆ្នាំ ២០១៥ និងឆ្នាំ២០២៥ ។ លើសពីនេះ Mazda6 ក៏ត្រូវបានបញ្ឈប់ការផលិតនៅទីផ្សារពីទីផ្សារសហរដ្ឋអាមេរិក និងកាណាដានៅឆ្នាំ ២០២១, ចក្រភពអង់គ្លេសនៅឆ្នាំ ២០២៣ និងប្រទេសជប៉ុននៅក្នុង ២០២៤ ដោយសារការរីកដុះដាលនៃរថយន្តប្រភេទ SUV ៕

ផ្ទាំងផ្សាយពាណិជ្ជកម្ម

រថយន្តប្រភេទ SUV Off-road របស់ Jetour មួយម៉ូដែលនេះ មានសមត្ថភាពបើកបរក្នុងទឹកដ៏អស្ចារ្យ (មានវីដេអូ)

January 22, 2025

[បរទេស] ក្រុមហ៊ុនផលិតរថយន្ត Jetour ស្ថិតក្រោមក្រុមហ៊ុន Chery បានធ្វើតេស្តបើកបរក្នុងជម្រៅទឹករបស់រថយន្ត Jetour Zongheng ប្រភេទ SUV Off-Road មុនពេលដាក់បញ្ចេញជាផ្លូវការនៅថ្ងៃទី ២២ ខែមករា ឆ្នាំ ២០២៥ នៅប្រទេសចិន

តាមវីដេអូដែលបញ្ចេញពីគេហំព័រ Carnewchina បានបង្ហាញពីសមត្ថភាពរបស់រថយន្តកំពុងធ្វើតេស្តបើកបរនៅក្នុងទឹកដោយជោគជ័យ និងដ៏គួរឲ្យចាប់អារម្មណ៍ ដោយសាររថយន្តបានបំពាក់ជាមួយប្រព័ន្ធ forward-looking off-road technology បើយោងតាមប្រធានក្រុមហ៊ុន Jetour។

គួរបញ្ជាក់ផងដែរថា ក្រុមហ៊ុន Jetour មិនទាន់បង្ហាញព័ត៌មានកម្អិតនៅឡើយទេ ប៉ុន្តែបានបញ្ជាក់ថា រថយន្តនេះ នឹងមានលក្ខណៈពិសេសដូចជា Shanhai T7 ប្រភេទ Off-Road ថ្មី ដោយបំពាក់តួខ្លួនអាចការពារគ្រាប់កាំភ្លើង និងការពារការបំផ្ទុះ ក៏ដូចជាបំពាក់ប្រព័ន្ធ 800V platform របស់ Chery ជាមួយម៉ូទ័រអគ្គិសនីចំនួន ៤ មានកំពស់ពីដីទៅបាតរថយន្ត ៣៥១ ម.ម ព្រមទាំងមានសមត្ថភាពអាចបើកបរឡើងភ្នុំទៀតផង ។

ផ្ទាំងផ្សាយពាណិជ្ជកម្ម

Volvo នឹងបញ្ចប់ជីវិតរថយន្តរបស់ខ្លួនមួយម៉ូដែល បន្ទាប់ពីដាច់ឆ្នាំនេះ

January 22, 2025

[បរទេស] ក្រុមហ៊ុនផលិតរថយន្ត Volvo កំពុងស្ថិតក្នុងការធ្វើបច្ចុប្បន្នភាពសម្រាប់ឆ្នាំ ២០២៥ ទៅលើរថយន្តរបស់ខ្លួន ជាមួយការផ្លាស់ប្តូរឈ្មោះម៉ូដែលជាច្រើន រួមទាំងការបញ្ចប់ជីវិតមួយម៉ូដែលបន្ទាប់ពីដាច់ឆ្នាំនេះ ។

សម្រាប់ការធ្វើបច្ចុប្បន្នភាពក្នុងឆ្នាំ ២០២៥ របស់ក្រុមហ៊ុន Volvo ទៅលើរថយន្តរបស់ខ្លួនរួមមាន៖

ត្រកូល Volvo Recharge moniker ត្រូវបានទម្លាក់ចេញពី plug-in hybrids ហើយជំនួសមកវិញនៅម៉ូដែល Volvo T8 ប្រើ mild-hybrid ដើម្បីកាត់បន្ថយការភាន់ច្រឡំរវាងរថយន្តកូនកាត់ និង EV
ម៉ូដែល Volvo XC40 ប្រើអគ្គិសនីសុទ្ធ នឹងត្រូវបានប្តូរឈ្មោះទៅជា EX40
ម៉ូដែល Volvo C40 Recharge នឹងត្រូវបានបញ្ឈប់ការផលិតសម្រាប់ឆ្នាំ ២០២៥ ប៉ុន្តែនឹងត្រលប់មកវិញនៅឆ្នាំ ២០២៦ ជាមួយឈ្មោះ EC40
រថយន្តអគ្គិសនីសុទ្ធ Volvo EX30 នឹងជារថយន្តប្រភេទ Crossover អគ្គិសនីថ្មីសម្រាប់ឆ្នាំ ២០២៥ ជាមួយអាគុយទំហំ ៦៩គីឡូវ៉ាត់ម៉ោង អាចបើកបរបានចម្ងាយ ៤០៧ គីឡូម៉ែត្រនៅពេលសាកថ្មពេញម្តង ជាមួយតម្លៃលក់ចាប់ពី ៤៤ ៩០០ ដុល្លារ ។
រថយន្តអគ្គីសនីសុទ្ធ EX90 ក៏ជាម៉ូដែលថ្មីសម្រាប់ឆ្នាំ ២០២៥ ប្រើម៉ូទ័រអគ្គិសនីចំនួន ២ ជាមួយអាគុយទំហំ ១១១គីឡូវ៉ាត់ម៉ោង អាចបើកបរបានចម្ងាយ ៤៩៩ គីឡូម៉ែត្រនៅពេលសាកថ្មពេញម្តង ជាមួយតម្លៃលក់ចាប់ពី ៧៩ ៩៩៥ ដុល្លារ ។
និងចុងក្រោយគឺម៉ូដែល Volvo XC90 មុខមាត់ថ្មី ប្រើម៉ាស៊ីនចំហេះក្នុង ICE មានតម្លៃលក់ចាប់ផ្តើមពី ៥៨ ៤៥០ ដុល្លារ ៕

ផ្ទាំងផ្សាយពាណិជ្ជកម្ម

Mitsubishi នឹងបញ្ចប់ជីវិតរថយន្តប្រភេទ SUV របស់ខ្លួន ៣ម៉ូដែល នៅទីផ្សារមួយនេះ

January 22, 2025

[បរទេស] ក្រុមហ៊ុនផលិតរថយន្ត Mitsubishi គ្រោងនឹងធ្វើកាបញ្ឈប់ការផលិតនៅរថយន្តប្រភេទ SUV របស់ខ្លួនចំនួន ៣ ម៉ូដែលនៅទីផ្សារប្រទេសអូស្ត្រាលីរួមមាន ASX, Eclipse Cross និង Pajero Sport ដោយសារតែពួកគេមិនគោរពតាមច្បាប់រចនាអូស្ត្រាលីដែលបានធ្វើបច្ចុប្បន្នភាព ADR នឹងចូលជាធរមានចាប់ពីថ្ងៃទី ១ ខែមីនា ឆ្នាំ ២០២៥ ។

ការសម្រេចចិត្តនេះកើតឡើង ទោះបីជាការលក់របស់ម៉ូដែលទាំង ៣ មានការកើនឡើងក៏ដោយ យោងតាមគេហទំព័រ CarGuilde បានឲ្យដឹងថា ម៉ូដែលទាំង ៣ នេះ បានបង្កើតច្រើនជាង ១/៣ នៃការលក់របស់ក្រុមហ៊ុន Mitsubishi នៅទីផ្សារប្រទេសអូស្រ្តាលី ក្នុងឆ្នាំ ២០២៤។

គួរបញ្ជាក់ផងដែរថា ក្រោយពីបញ្ឈប់ការផលិតម៉ូដែលទាំង ៣ ក្នុងនោះ ក្រុមហ៊ុន Mitsubishi ប្រចាំទីផ្សារប្រទេសអូស្ត្រាលី នៅសល់តែម៉ូដែល Outlander SUV និង Triton Pickup ប៉ុណ្ណោះ រួមទាំងម៉ូដែល ASX ដែលមានមូលដ្ឋាននៅ Renault ថ្មី គ្រោងនឹងចូលរួមជាមួយត្រកូលនៅចុងឆ្នាំនេះក៏ដោយ ៕

ផ្ទាំងផ្សាយពាណិជ្ជកម្ម

ញាក់សាច់! Mercedes-Benz បញ្ចេញឡានខ្ទង់សែនដុល្លារ ២ម៉ូឌែល សម្រាប់អ្នកដំណើរជិះ Business Class

January 22, 2025

ក្រុមហ៊ុន Mercedes-Benz Malaysia (MBM) និង Malaysia Aviation Group (MAG) បានប្រកាសសហការគ្នាក្នុងការផ្តល់សេវាធ្វើដំណើរក្នុងព្រលានយន្តហោះដ៏ប្រណិតសម្រាប់អ្នកដំណើរដែលទទួលបានសិទ្ធិពីក្រុមហ៊ុនអាកាសចរណ៍ម៉ាឡេស៊ី KLIA ។

ចំពោះការការផ្តល់សេវានេះ បាន និងផ្តើមពីថ្ងៃទី ១៦ ខែមករា ឆ្នាំ ២០២៥ តទៅ។ ដែលក្នុងនោះ រថយន្តប្រណិតចំនួន ២ម៉ូឌែល គឺ Mercedes-Benz S580e និង EQS 500 4MATIC នឹងត្រូវបានប្រើសម្រាប់ការផ្តល់សេវាធ្វើដំណើរឯកជនផ្តាច់មុខដល់អ្នកដំណើរដែលហោះហើរក្នុង Business Suite និង Business Class និងសមាជិក Enrich Platinum ។

លើសពីនេះ សេវាកម្មនេះ នឹងត្រូវបានពង្រីកដល់អតិថិជន Mercedes-Benz ចាប់ពីថ្ងៃទី ០១ ខែមីនា ឆ្នាំ ២០២៥ តទៅ។ ជាមួយគ្នានេះ ម្ចាស់រថយន្ត Mercedes-Benz ក៏នឹងទទួលបានការអញ្ជើញឱ្យចូលរួមក្នុងព្រឹត្តិការណ៍ និងទទួលបានការលើកទឹកចិត្តពិសេសៗជាច្រើនផងដែរ ដូចជាឱកាសចូលរួមក្នុងការធ្វើដំណើរផ្តាច់មុខទៅកាន់ប្រទេសអាល្លឺម៉ង់ នៅពេលពួកគេទិញរថយន្ត Mercedes-Benz ថ្មីជាដើម។

គួរឲដឹងថា រថយន្ត Mercedes-Benz S580e ត្រូវបានដាក់លក់ក្នុងប្រទេសម៉ាឡេសុីក្នុងឆ្នាំ ២០២១ បច្ចុប្បន្នមានតម្លៃខ្ទង់ ១៧មុឺនដុល្លារ ដំណើការដោយម៉ាស៊ីនចំណុះ ៣,០ លីត្រ turbocharged straight-six និងម៉ូទ័រអគ្គិសនី ផលិតកម្លាំងសរុបបាន ៥១០សេះ និងកម្លាំងរមួល ៧៥០ញ៉ូតុនម៉ែត្រ ភ្ជាប់ជាមួយប្រអប់លេខអូតូចំនួន ៨វគ្គ ជាន់ពី ០ ទៅ ១០០ គីឡូម៉ែត្រក្នុងមួយម៉ោងក្នុងរយៈពេល ៥,២ វិនាទី។

ខណៈម៉ូឌែលអគ្គិសនីសុទ្ធ EQS 500 4MATIC វិញ ត្រូវបានណែនាំក្នុងប្រទេសម៉ាឡេសុីក្នុងខែកុម្ភៈ ឆ្នាំ ២០២៣ មានតម្លៃលក់ខ្ទង់ ១៥មុឺនដុល្លារ ប្រើម៉ូទ័រអគ្គិសនីចំនួន ២ ផលិតកម្លាំងបាន ៤៤៩ សេះ និងកម្លាំងរមួល ៨២៨ ញ៉ូតុនម៉ែត្រ ផ្គួបជាមួយអាគុយទំហំ ១០៨,៤គីឡូវ៉ាត់ម៉ោង អាចបើកបរបានចម្ងាយ ៦៩៦គីឡូម៉ែត្រ នៅពេលសាកថ្មពេញម្តង ជាន់ពី ០ ទៅ ១០០ គីឡូម៉ែត្រក្នុងមួយម៉ោងក្នុងរយៈពេល ៤,៨ វិនាទី គាំទ្រការសាកល្បឿនលឿនរហូតដល់ ២០០គីឡូវ៉ាត់ អាចសាកឡើងពី ២០ ទៅ ៨០ភាគរយ ក្នុងរយៈពេលប្រហែល ៣១ នាទី៕

ផ្ទាំងផ្សាយពាណិជ្ជកម្ម

Chery បញ្ចេញឡានថ្មី Exlantix ES EREV តម្លៃខ្ទង់ ២មុឺនដុល្លារ គ្រោងចេញលក់ក្នុងត្រីមាសទី ១ នេះ!

January 22, 2025

[ទីផ្សារចិន] ក្រុមហ៊ុនផលិតរថយន្ត Chery បានប្រកាសចាប់ផ្តើមធ្វើការលើផលិតកម្មទ្រង់ទ្រាយធំរបស់រថយន្ត Chery Exlantix ES EREV ដែលជាប្រភេទរថយន្ត sedan សេរ៊ីថ្មីរបស់ខ្លួនហើយ គ្រោងចេញលក់នៅក្នុងត្រីមាសទី១ នេះ ជាមួយតម្លៃលក់ចាប់ពី ២៣ ២៥០ ដុល្លារ ដល់ ៣២ ៨០០ ដុល្លារ នៅក្នុងទីផ្សារប្រទេសចិន។

រថយន្តនេះ មានប្រវែងតួខ្លួនសរុប ៤ ៩៤៥ ម.ម ទទឹង ១ ៩៧៨ ម.ម កម្ពស់ ១ ៤៨០ ម.ម និងប្រវែងគន្លាតកង់មុខ-ក្រោយ ៣ ០០០ ម.ម ។ សម្រាប់ការរចនានៅផ្នែកខាងក្រៅទទួលបានការរចនាប៉ាណាផ្នែកខាងមុខបិទជិត ដោយបំពាក់ជាមួយចង្កៀងមុខ-ក្រោយ ប្រភេទ LED ដ៏ស្លីម អូសកាត់ពីតភ្ជាប់ផ្នែកម្ខាងទៅផ្នែកម្ខាង ព្រមទាំងប្រើប្រាស់នូវថាសកង់ស្ព័រទំហំ ១៩ ដល់ ២១ អ៊ីញ។

ចូលទៅកាន់ផ្នែកម៉ាស៊ីនវិញ រថយន្តនេះ ដំណើរការដោយម៉ាសុីនសាំងចំណុះ ១,៥លីត្រ turbocharged ទំហំ ១៥៤ សេះ និងម៉ូទ័រអគ្គិសនី ១ ផ្គួបជាមួយអាគុយទំហំ ៤១ គីឡូវ៉ាត់ម៉ោង អាចបើកបរបានចម្ងាយសរុប ១ ៦៤៥៥៨០ គីឡូម៉ែត្រ គាំទ្រដោយការសាកថ្មល្បឿនលឿន ១១០គីឡូវ៉ាត់ អាចសាកឡើងពី ២០-៨០ ភាគរយចំណាយពេល ១៧ នាទី និងរត់ស្ទុះពី ០-១០០ គីឡូម៉ែត្រ/ម៉ោង ចំណាយពេល ៤,៩ វិនាទី និងមានកម្រិតសុីប្រេង ៦,២លីត្រ ក្នុងចម្ងាយបើកបរ ១០០គីឡូម៉ែត្រ។

គួរឲដឹងថា ផ្នែកខាងក្នុងមិនត្រូវបានបង្ហាញចេញនៅឡើយទេ៕

ផ្ទាំងផ្សាយពាណិជ្ជកម្ម

ចង់ជិះ Defender អគ្គិសនីសុទ្ធប្រហែលត្រូវរង់ចាំ ៥ ទៅ ៦ឆ្នាំ ទៀតហើយ!

January 21, 2025

ក្រុមហ៊ុន Land Rover បានប្រកាសថា កំណែ ឫក៏ជម្រើសអគ្គិសនីសុទ្ធរបស់រថយន្ត Defender មិនអាចបង្ហាញខ្លួននៅក្នុងពេលបច្ចុប្បន្ននេះទេ ត្រូវរង់ចាំរហូតដល់ចុងទសវត្សរ៍នេះទើបអាចនឹងបង្ហាញខ្លួនបាន ព្រោះជម្រើសអគ្គិសនីសុទ្ធត្រូវបង្កើតឡើងលើគ្រោងឆ្អឹងថ្មី ព្រោះគ្រោងឆ្អឹងបច្ចុប្បន្ន (D7x) មិនអាចដំឡើងអាគុយធំៗបាននោះទេ នេះបើយោងតាមលោក Lennard Hoornik ប្រធានផ្នែកប្រតិបត្តិការរបស់ JLR បានឱ្យដឹង។

ក្នុងនោះ លោក Hoornik បានបញ្ជាក់ថា ការបង្កើត Defender អគ្គិសនីសុទ្ធត្រូវការការរចនាថ្មីលើគ្រោងឆ្អឹងដែលអាចផ្គូផ្គងបាននឹងគ្រឿងបន្លាស់ចុងក្រោយបំផុតរបស់ពួកគេដើម្បីរក្សាសមត្ថភាពទូទៅរបស់រថយន្តដូចនឹងជម្រើសប្រើម៉ាសុីនចំហេះក្នុងដែរ។ លើសពីនេះ បើយោងតាម Hoornik បានឲដឹងថា ក្រុមហ៊ុនក៏មានគោលដៅក្នុងការចូលរួមប្រកួត World Rally-Raid Championship ក្នុងឆ្នាំ២០២៦ ផងដែរ ដើម្បីសាកល្បងបច្ចេកវិទ្យាថ្មីៗសម្រាប់ការរចនា និងផលិតរថយន្តអគ្គិសនីនាពេលអនាគត។

គួរឲដឹងថា បច្ចុប្បន្ន JLR បាន និងកំពុងមានផែនការចេញជម្រើសថ្មីៗរបស់ Range Rover, Defender, Discovery និង Jaguar ដោយប្រើថាមពលអគ្គិសនីទាំងស្រុងផងដែរ។ ខណៈការបញ្ចេញរថយន្ត Defender អគ្គិសនីនឹងក្លាយជាការផ្លាស់ប្តូរដ៏សំខាន់បំផុតមួយនៅក្នុងផែនការរបស់ JLR ៕

ផ្ទាំងផ្សាយពាណិជ្ជកម្ម

ចំណេញ លើចំណេញ! Changan Cambodia ផ្ដល់ជូនអាំងប៉ាវពិសេសដល់អតិថិជនដែលទិញរថយន្ត Changan និង Deepal

January 21, 2025

នៅសល់តែប៉ុន្មានថ្ងៃទៀតពិធីបុណ្យចូលឆ្នាំប្រពៃណីចិននឹងចូលមកដល់ ហើយនេះក៏ជាឱកាសល្អសម្រាប់អតិថិជនផងដែរ ក្នុងការទិញយករបស់ប្រើប្រាស់ថ្មីៗ ចូលផ្ទះ ដើម្បីទទួលបានលាភសំណាងល្អក្នុងឆ្នាំថ្មី និងថែមទាំងទទួលបាននូវកាដូ ឬអាំងប៉ាវបន្ថែមជាច្រើនផងដែរ។

ដើម្បីចូលរួមធ្វើការអបអរសាទរ នៅក្នុងឱកាសបុណ្យចូលឆ្នាំប្រពៃណីចិនខាងមុខនេះរថយន្ត Changan និង រថយន្តអគ្គិសនី Deepal ក៏មានការផ្ដល់ជូនអាំងប៉ាវពិសេស ដល់អតិថិជនដោយគ្រាន់តែទិញរថយន្ត Changan ម៉ូឌែលណាមួយ រួមមាន:

សំរាប់រថយន្ត Changan UNI-T, Changan UNI-K ថែមជូនបាស 𝗝𝗕𝗟 មួយឈុត

សំរាប់រថយន្តអគ្គិសនីDeepal L07, Deepal S07 ថែមជូនម៉ូតូអគ្គិសនីមួយគ្រឿង

សូមអញ្ជើញមកទទួលយកអត្ថប្រយោជន៍ទំាងអស់នេះ ហើយអតិថិជនក៏អាចអញ្ជើញមកធ្វើការបើកបរសាកល្បងផ្ទាល់បានផងដែរ!

ទីតាំងអគារតាំងបង្ហាញរថយន្ត 𝗖𝗛𝗔𝗡𝗚𝗔𝗡៖
𝐆𝐨𝐨𝐠𝐥𝐞 𝐌𝐚𝐩: https://g.co/kgs/1sbDZoW

រថយន្ត 𝗖𝗛𝗔𝗡𝗚𝗔𝗡 មានការធានារហូតដល់ ៥ឆ្នាំ ឬ ១៥០ ០០០ គីឡូម៉ែត្រ និងនាំចូលផ្តាច់មុខដោយក្រុមហ៊ុន 𝐑𝐌𝐀 𝐂𝐚𝐦𝐛𝐨𝐝𝐢𝐚 សម្រាប់ព័ត៍មានលម្អិតសូមទំនាក់ទំនង: 𝟬𝟭𝟭 𝟵𝟵𝟵 𝟯𝟳𝟱
Join Telegram: https://t.me/ChanganCambodiaOfficial

ទីតាំងអគារតាំងបង្ហាញរថយន្ត DEEPAL៖
𝐆𝐨𝐨𝐠𝐥𝐞 𝐌𝐚𝐩: https://maps.app.goo.gl/Wqb4u42uDYpryji78
រថយន្តអគ្គិសនី DEEPALមានការធានារហូតដល់ ៨ឆ្នាំ និងនាំចូលផ្តាច់មុខដោយក្រុមហ៊ុន 𝐑𝐌𝐀 𝐂𝐚𝐦𝐛𝐨𝐝𝐢𝐚 សម្រាប់ព័ត៍មានលម្អិតសូមទំនាក់ទំនង: 𝟎𝟕𝟖 𝟗𝟗𝟗 𝟕𝟗𝟓,
Join Telegram: https://t.me/DEEPALCAMBODIA

ផ្ទាំងផ្សាយពាណិជ្ជកម្ម

BYD Han L នឹងបំពាក់ប្រព័ន្ធសាកថ្មល្បឿនលឿនបំផុត អាចសាកបានដល់ ៨០% ប្រើរយៈពេល ១០នាទីប៉ុណ្ណោះ

January 21, 2025

[បរទេស] បន្ទាប់ពីបង្ហាញខ្លួនជាផ្លូវការនាពេលថ្មីៗកន្លងទៅ ពេលនេះ រថយន្តអគ្គិសនីសុទ្ធ BYD Han L ត្រូវបានរំពឹងថា បំពាក់ប្រព័ន្ធសាកថ្មល្បឿនលឿន 945-Volt Architecture ដែលអាចសាកបានពី ១៦% ឡើងដល់ ១០០% ប្រើរយៈពេលតែ ២៤ នាទីប៉ុណ្ណោះ ។

ជាមួយគ្នានេះ សម្រាប់រយៈពេលនៃការសាកថ្មពី ១៦% ឡើងដល់ ៨០% ប្រើរយៈពេល ១០នាទី ខណៈសាកពី ៨០% ដល់ទៅ ១០០% ពេញ ត្រូវចំណាយពេលបន្ថែម ១៤នាទី ។ លើសពីនេះ សូម្បីតែនៅស្ថិតនៅក្នុងអាកាសធាតុត្រជាក់ខ្លាំង -៣០ អង្សាក៏ដោយ ក៏រថយន្តអាចត្រូវបានសាកដោយឆ្នាំងសាកកម្លាំងដល់ ១២០គីឡូវ៉ាត់បានផងដែរ ។

មិនត្រឹមតែប៉ុណ្ណោះ កាន់តែគួរឲ្យចាប់អារម្មណ៍បំផុតនោះគឺថា រថយន្ត BYD Han L អាចប្រើប្រាស់ការសាកថ្មដោយឌុយសាកចំនួន ២ ក្នុងពេលតែមួយបាន ដូចអ្វីដែល BYD បានប្រើប្រាស់បច្ចេកវិទ្យានេះពីមុនមកនៅលើ Denza D9 និង Denza N7 ។