លក់តែឡានសាកភ្លើងទេ ប៉ុន្តែ BYD អាចលក់ឡានបានច្រើនលំដាប់ទីពីរ

June 15, 2022

[ទីផ្សារបរទេស] ទិន្នន័យចេញដោយសមាគមន៍រថយន្តចិន បានបង្ហាញថា BYD អាចលក់រថយន្តបានសរុប ១១៣ ៧៦៨គ្រឿង កាលពីខែឧសភា កន្លងទៅ ដែលអាចឲ្យក្រុមហ៊ុនឈរលំដាប់លេខពីរលើទីផ្សារប្រទេសចិន គឺនៅតែពីក្រោយក្រុមហ៊ុន FAW-Volkswagen ដែលលក់រថយន្តបានចំនួន ១៥០ ០០៩គ្រឿង។

អ្វីដែលធ្វើឲ្យតួលេខរបស់ BYD គួរចាប់អារម្មណ៍ខ្លាំងនោះគឺថា BYD លែងផលិតរថយន្តដែលដើរដោយថាមពលប្រេងឥន្ធនៈសុទ្ធតទៀតហើយ ដែលមានន័យថារថយន្តលក់ចេញកាលពីខែឧសភា គឺជារថយន្តប្រភេទ Plug-in Hybrid និងរថយន្តអគ្គិសនីសុទ្ធ។ ហេតុនេះវាជារឿងគួរឲ្យភ្ញាក់ផ្អើល ដែល BYD អាចឈរលើតំណែងលេខពីរ ជាមួយរថយន្តថាមពលថ្មី។

លទ្ធផលលក់ប្រចាំខែឧសភារបស់ BYD មានកំណើន ១៥៩,៥% ធៀបនឹងខែឧសភាឆ្នាំមុន ខណៈដែល FAW-Volkswagen មានការធ្លាក់ចុះ ១០,៦%។ ក្រុមហ៊ុនលក់រថយន្តបានច្រើនជាងគេលំដាប់ទីបីគឺ Geely ដែលលក់ចេញបាន ៧៣ ៣១៥គ្រឿង ជាការថយចុះ ១៤,៥% ធៀបនឹងឆ្នាំមុន។

ទីផ្សាររថយន្តប្រភេទចិនទាំងមូលឃើញថាចំនួនលក់រថយន្តបានថយចុះ ១១,៨% កាលពីខែឧសភា ប៉ុន្តែចំនួនលក់រថយន្តថាមពលថ្មីបានហក់ឡើងរហូតដល់ ៩១,២%៕

ផ្ទាំងផ្សាយពាណិជ្ជកម្ម

Mitsubishi Pajero Mini ប្រភេទ Off-Road ខ្នាតតូច នឹងអាចមានវត្តមានឡើងវិញ នៅឆ្នាំ ២០២៤

June 15, 2022

[បរទេស] កាលពីពេលថ្មីៗ កន្លងទៅនេះ មានពាក្យចចាមអារ៉ាមថា ក្រុមហ៊ុនផលិតរថយន្ត Mitsubishi គ្រោងនឹងផលិតរថយន្ត Pajero Mini ដែលជារថយន្តប្រភេទ Off-Road ខ្នាតតូច ហើយត្រូវបានគេរំពឹងថានឹងបង្ហាញខ្លួននៅឆ្នាំ ២០២៤ ក្នុងទម្រង់រថយន្តដើរដោយថាមពលអគ្គិសនីសុទ្ធ។

យោងតាមរបាយការណ៍របស់ប្រព័ន្ធផ្សព្វផ្សាយជប៉ុន ការចេញលក់រថយន្ត Mitsubishi eK X EV និង Sakura ជាក្រុមហ៊ុនបណ្តាក់ទុនរួមគ្នារវាងក្រុមហ៊ុន Mitsubishi និង Nissan អាចនឹងនាំយកស្លាកយីហោ Pajero Mini ត្រឡប់មកវិញផងដែរ។

ទោះបីជាក្រុមហ៊ុន Mitsubishi ប្រកាសឈប់លក់ Pajero នៅប្រទេសជប៉ុនក្នុងឆ្នាំ ២០១៩ ដោយសារទីផ្សាររថយន្តធំនៅប្រទេសជប៉ុនមិនសូវពេញនិយមដូចរថយន្តតូចក៏ដោយ ក៏រថយន្ត Kei Car ជាចម្លើយច្បាស់លាស់ក្នុងការវាយលុកទីផ្សារបន្ថែមទៀត។

សម្រាប់រថយន្ត Pajero Mini ដែលជារថយន្តប្រភេទ Off-Road ខ្នាតតូចអាចនឹងមានភ្ជាប់ជាមួយម៉ូទ័រអគ្គិសនីពីរថយន្ត Nissan Sakura ដែលផលិតកម្លាំងបាន ៦៣ សេះ និងកម្លាំងរមួល ១៩៥ ញ៉ូតុនម៉ែត្រ និងថាមពលអាគុយទំហំ ២០ គីឡូវ៉ាត់ម៉ោង អាចបើកបរបានចម្ងាយ ១៨០ គីឡូម៉ែត្រក្នុងការសាកថ្មម្តង។

គួរឲ្យដឹងថា រថយន្ត Pajero Mini ដំបូងបង្អស់ត្រូវបានដាក់បង្ហាញក្នុងឆ្នាំ ១៩៩៤ ហើយគឺជាជោគជ័យដ៏ធំមួយនៅក្នុងរថយន្តតូចៗ ប៉ុន្តែជាអកុសលវាត្រូវបានបញ្ឈប់នៅឆ្នាំ ២០១៣ ហើយបន្ទាប់មកឃើញតែឈ្មោះ Pajero SPORT វិញប៉ុណ្ណោះ៕

ផ្ទាំងផ្សាយពាណិជ្ជកម្ម

រថយន្ត Nissan Kicks e-POWER ២០២២ ថ្មី មុខមាត់ថ្មី នឹងចេញលក់នៅប្រទេសថៃខែក្រោយនេះ

June 15, 2022

[ទីផ្សារបរទេស] ក្រុមហ៊ុនផលិតរថយន្ត Nissan ប្រចាំនៅប្រទេសថៃ បានធ្វើការដាក់បង្ហាញចេញនៅរថយន្ត Nissan Kicks e-POWER ស៊េរីឆ្នាំ ២០២២ ដែលត្រូវបានបង្ហាញខ្លួនជាផ្លូវការនៅថ្ងៃទី ១ ខែកក្កដា ឆ្នាំ ២០២២ ជាមួយនឹងរូបរាងតួខ្លួន AUTECH style kit ដូចគ្នាទៅនឹងម៉ូដែលរបស់ប្រទេសជប៉ុន។

បច្ចុប្បន្ននេះ Nissan មិនទាន់បានបង្ហាញពីព័ត៌មានលម្អិតណាមួយនៃម៉ូដែល Nissan Kicks e-POWER ឆ្នាំ ២០២២ នៅឡើយទេ ប៉ុន្តែរូបភាព Teaser បង្ហាញថា ប្រទេសថៃអាចទទួលបានកញ្ចប់រចនាតួខ្លួន AUTECH ស្រដៀងទៅនឹងរថយន្តដែលបានលក់នៅក្នុងប្រទេសជប៉ុន ដោយមានរបាអូសកាត់ក្រូម៉េ នៅជិតចង្កៀងកាត់អ័ព្ទ គម្របកញ្ចក់ចំហៀងក្រូម៉េ semi-gloss និងតែមក្រាហ្វិចឆ្នូតពណ៌ខៀវនៅលើប៉ាណាខាងមុខជាដើម។

រថយន្ត Nissan Kicks e-POWER AUTECH ត្រូវបានដាក់ជាម៉ូដែលខ្ពស់មួយនៅក្នុងទីផ្សារជប៉ុនបច្ចុប្បន្ន ដោយភ្ជាប់មកជាមួយនៅគ្រឿងន្ថែមពីម៉ូដែលធម្មតា ដូចជាប៉ាណាខាងមុខតុបតែងជាមួយក្រូម៉េខ្មៅជាមួយឡូហ្គោ AUTECH ចង្កៀងកាត់អ័ព្ទរាងជាឆ្នូត កាងក្រោមកាងខាងមុខ និងខាងក្រោយតុបតែងជាមួយពណ៌ប្រាក់ ថាសកង់ស្ព័រ AUTECH ទំហំ ១៧ អ៊ីញ ស្រោបជាមួយសំបកកង់ប្រភេទ 205/55 R17។

ចំណែកនៅផ្នែកខាងក្នុងកាប៊ីនក៏ត្រូវបានតុបតែងផ្តាច់មុខសម្រាប់ម៉ូដែល AUTECH ផងដែរ ដោយមានបំពាក់ជាមួយកៅអីពណ៌ខ្មៅ-ខៀវ ជាមួយឡូហ្គោ AUTECH, កុងសូល និងកន្លែងដាក់ដៃតុបតែងដោយពណ៌ខៀវ បន្ទះទ្វារតុបតែងដោយស្បែកពណ៌ខៀវ ដៃចង្កូតស្បែកពិសេសតុបតែងដោយស្បែកជាមួយថ្នេរដេពណ៌ខៀវ និងឡូហ្គោ AUTECH នៅលើចង្កឹះលេខផងដែរ។

ចំពោះម៉ាស៊ីនរបស់ Nissan Kicks e-POWER មុខមាត់ថ្មីនៅក្នុងប្រទេសថៃ នៅមិនទាន់មានព័ត៌មានផ្លូវការ នោះទេ ប៉ុន្តែសម្រាប់ Kicks e-POWER AUTECH នៅក្នុងទីផ្សារជប៉ុនវិញ វានៅតែដំណើរការដោយម៉ាស៊ីនសាំងចំណុះ ១,២ លីត្រ ទំហំ ៣ស៊ីឡាំង ផលិតកម្លាំងបាន ១២៩ សេះ និងកម្លាំងរមួល ២៦០ ញ៉ូតុនម៉ែត្រ៕

ផ្ទាំងផ្សាយពាណិជ្ជកម្ម

Subaru Ascent ២០២៣ កែសម្រស់ថ្មី កាន់តែទាក់ទាញ កាន់តែសុវត្ថិភាព

June 15, 2022

រថយន្ត Subaru Ascent ស៊េរីឆ្នាំ២០២៣ បានបង្ហាញខ្លួនជាផ្លូវការ ដោយបានកែសម្រស់ថ្មី តាមរយៈការប្រើប៉ាណាមុខធំជាងមុន អមជាមួយចង្កៀងមុខ LED, កាងមុខមើលទៅកាចជាងមុន ហើយថែមទាំងមានរន្ធបឺតខ្យល់ ដើម្បីជួយដល់លំហូរខ្យល់ ផងដែរ។ ក្រៅពីនោះ វាក៏បានអាប់ដេតទៅលើយ៉ាន់កង់ និងចង្កៀងក្រោយថ្មីទៀតផង។

រថយន្ត Subaru Ascent ឆ្នាំ២០២៣ បានផ្លាស់ប្តូរអេក្រង់កម្សាន្តដល់ទៅ ១១,៦អ៊ីញ អាចភ្ជាប់ជាមួយនឹងមុខងារ Android Auto និង Apple CarPlay ដោយមិនចាំបាច់ប្រើខ្សែ។

វាក៏មានបំពាក់ប្រព័ន្ធជំនួយការបើកបរ EyeSight driver assistance system ជំនាន់ចុងក្រោយ ផងដែរ ដោយក្នុងនោះរួមមានទាំង មុខងារ Blind-Spot Detection with Lane Change Assist និង Rear Cross-Traffic Alert, Automatic Emergency Steering, Pre-Collision Braking System ព្រមទាំងប្រព័ន្ធ Surround View Monitor ថ្មី ដែលអាចឲ្យអ្នកប្រើប្រាស់មើលឃើញមួយជុំរថយន្តពីខាងលើ។

Subaru Ascent ឆ្នាំ២០២៣ ផ្តល់ជម្រើស ៥ ម៉ូដែល រួមទាំង Ascent Onyx Edition ដែលតុបតែងខ្លួនខាងក្រៅពណ៌ខ្មៅ, យ៉ាន់កង់ ២០អ៊ីញ ពណ៌ខ្មៅ, ដំបូល panoramic moonroof, កៅអី StarTex ការពារទឹក រំលេចដោយថ្នេរដេរពណ៌បៃតង ទៀតផង។

សូមបញ្ជាក់ថា រថយន្ត SUV ខាងលើមានបំពាក់ម៉ាស៊ីនសាំងចំណុះ ២,៤លីត្រ turbocharged ទំហំ ៤ស៊ីឡាំង មានកម្លាំង ២៦០សេះ និងកម្លាំងរមួល ៣៧៥ញ៉ូតុនម៉ែត្រ ប្រើប្រអប់លេខអូតូ CVT និងប៉ុងពីរ មកស្តង់ដារ។ យ៉ាងណាមិញ ចំពោះតម្លៃរបស់វានឹងត្រូវប្រកាសនាពេលជិតចេញលក់ ប៉ុន្តែគេរំពឹងថា វាអាចថ្លៃជាងស៊េរីមុនបន្តិច ចាប់ពី ៣២ ៧៩៥ដុល្លារ៕

ផ្ទាំងផ្សាយពាណិជ្ជកម្ម

រថយន្ត Chevrolet Corvette ឆ្នាំ២០២៣ ចេញតម្លៃផ្លូវការ ចាប់ពី ៦៤ ២០០ដុល្លារ

June 15, 2022

រថយន្ត Chevrolet Corvette ឆ្នាំ២០២៣ បានបង្ហាញតម្លៃខ្លួនជាផ្លូវការ ដោយថ្លៃជាងមុន ២ ៣០០ដុល្លារ ពោលគឺចាប់ពី ៦៤ ២០០ដុល្លារ សម្រាប់ទីផ្សារសហរដ្ឋអាមេរិក។

ទោះបីជាយ៉ាងណាក៏ដោយ អតិថិជនដែលចង់បានប្រភេទបើកដំបូលបាន នឹងត្រូវចំណាយលុយដល់ ៧៣ ០៩៥ដុល្លារ ខណៈម៉ូដែលថ្លៃបំផុត Corvette Stingray 3LT Convertible នឹងមានតម្លៃ ៨៤ ៥៤៥ដុល្លារ។

តម្លៃរថយន្ត Corvette ឆ្នាំ២០២៣ (គិតទាំងថ្លៃដឹកឲ្យអតិថិជននៅសហរដ្ឋអាមេរិក)៖

1LT COUPE – $65,595
2LT COUPE – $72,895
3LT COUPE – $77,545
1LT Convertible – $73,095
2LT Convertible – $79,895
3LT Convertible – $84,545

ក្រៅពីការតម្លើងថ្លៃរថយន្ត ក្រុមហ៊ុន Chevrolet ក៏បានតម្លើងថ្លៃ option ជាច្រើនសម្រាប់ Corvette នេះផងដែរ។

Option ដែលត្រូវតម្លើងថ្លៃ៖

E60 Front Lift – $2,595
J6E Yellow Brake Calipers – $695
J6F Bright Red Calipers – $695
J6N – Edge Red Calipers – $695
NGA – Black Exhaust Tips – $395
EYK – Chrome Exterior Badges – $295
Carbon Flash Exterior Mirrors – $195
BV4 Personalized Plaque with Name/VIN – $295
D30 Color Combination Override – $695
R6X Custom Trim and Seat Combo Override – $695
36S – Yellow Custom Leather Stitch – $495
379 – Orange Seat Belts – $495
38S – Red Custom Leather Stitch – $495
3A9 – Tension Blue Seat Belts – $495
3F9 – Red Seat Belts – $495
3M9 – Yellow Seat Belts – $495
3N9 – Tan Seat Belts – $495
N26 – Sueded Microfiber Steering Wheel – $695
TU7 – Two-Tone Seats – $595
AH2 – GT2 Bucket Seats(2LT Only) – $1,695

ថ្វីបើឡើងថ្លៃជាងមុន ប៉ុន្តែរថយន្ត Corvette ថ្មី ត្រូវបានគេចាត់ទុកថាជា Supercar ដ៏អស្ចារ្យមួយក្នុងកញ្ចប់តម្លៃប៉ុណ្ណេះ៕

ផ្ទាំងផ្សាយពាណិជ្ជកម្ម

ចេញមកបណ្តើរៗហើយ Ford F-150 Raptor R ឆ្នាំ២០២៣ ប្រើម៉ាស៊ីន Supercharged V8 (មានវីដេអូ)

June 15, 2022

បន្ទាប់ពីបានប្រកាសចេញភីកអាប់ F-150 Raptor ជំនាន់ថ្មី កាលពីឆ្នាំមុនរួចមក ក្រុមហ៊ុន Ford ក៏បានបង្ហើបគម្រោងសម្រាប់ម៉ូដែលពិសេស កាន់តែខ្លាំង F-150 Raptor R ផងដែរ ដើម្បីប្រជែងជាមួយ Ram 1500 TRX។

ឥឡូវនេះ លោក Jim Farley ដែលជានាយកប្រតិបត្តិក្រុមហ៊ុន Ford បានបង្ហោះវីដេអូខ្លីមួយ នៅលើបណ្តាញសង្គម Twitter បង្ហាញឲ្យឃើញនូវភីកអាប់ដ៏អង់អាច និងអស្ចារ្យមួយនេះ។

Can't wait to share more details about F-150 Raptor R later this year. The V8 sounds amazing! #RaptorR pic.twitter.com/qTOxKvp1ll

— Jim Farley (@jimfarley98) June 14, 2022

កំណត់ឲ្យបង្ហាញខ្លួននៅចុងឆ្នាំនេះ រថយន្ត Ford F-150 Raptor R ឆ្នាំ២០២៣ នឹងដើរតាមម៉ូដែលស្ត់ងដារ ប៉ុន្តែប្រើម៉ាស៊ីន supercharged ចំណុះ ៥,២លីត្រ Predator V8 ដែលអាចបង្កើតកម្លាំងបានដល់ ៧៦០សេះ និងកម្លាំងរមួល ៨៤៦ញ៉ូតុនម៉ែត្រ។

គួរឲ្យដឹងថា Ram 1500 TRX មានបំពាក់ម៉ាស៊ីន supercharged ចំណុះ ៦,២លីត្រ V8 មានកម្លាំង ៧០២សេះ និងកម្លាំងរមួល ៨៨០ញ៉ូតុនម៉ែត្រ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៥វិនាទី ហើយមានល្បឿនអតិបរមា ១៩០គីឡូម៉ែត្រក្នុងមួយម៉ោង។

យ៉ាងណាមិញ សម្រាប់ព័ត៌មានលម្អិតដទៃទៀត យើងមានតែរង់ចាំមើល នៅពេល F-150 Raptor R បង្ហាញខ្លួនជាផ្លូវការប៉ុណ្ណោះ៕

ផ្ទាំងផ្សាយពាណិជ្ជកម្ម

ទណ្ឌកម្មអន្តរជាតិ ធ្វើឲ្យឡានរុស្ស៊ីតម្លៃជាង ១ម៉ឺនដុល្លារ ទើបចេញថ្មី ក្លាយជាឡានបុរាណ

June 15, 2022

ទណ្ឌកម្មដែលបានដាក់ប្រឆាំងនឹងរុស្ស៊ីបន្ទាប់ពីការលុកលុយទៅលើប្រទេសអ៊ុយក្រែន បានធ្វើឲ្យប៉ះពាល់ដល់ឧស្សាហកម្មរថយន្តយ៉ាងខ្លាំង។ ទាំងអតិថិជន និង ក្រុមហ៊ុនរថយន្ត កំពុងរងផលប៉ះពាល់ដោយការលំបាកក្នុងការនាំចូលគ្រឿងបន្លាស់មករុស្ស៊ី។

ភាពខ្វះខាតនៃគ្រឿងបន្លាស់ បានបង្ខំ Lada ដែលជាក្រុមហ៊ុនផលិតរថយន្តរុស្ស៊ីនេះ បញ្ចេញរថយន្ត Lada Granta Classic ស៊េរីថ្មី ដែលត្រូវបានរចនាឡើងដោយប្រើតែគ្រឿងបន្លាស់ផលិតក្នុងស្រុក ឬដោយសម្ព័ន្ធមិត្តរបស់ខ្លួនប៉ុណ្ណោះ ខណៈរថយន្តទទេនេះមានតម្លៃត្រឹមតែ ១៣ ០០០ដុល្លារ។

ទោះបីជាយ៉ាងណាក៏ដោយ អតិថិជននៃរថយន្ត Lada Granta Classic ឆ្នាំ២០២២ ខាងលើ នឹងមិនទទួលបានមុខងារសុវត្ថិភាពមួយចំនួន ដូចជា ប្រព័ន្ធហ្វ្រាំង ABS, ពោងសុវត្ថិភាពផ្នែកចំហៀង និង ប្រព័ន្ធម៉ាស៊ីនត្រជាក់។

យ៉ាងណាមិញ រថយន្តនេះមានបំពាក់ម៉ាស៊ីនសាំងចំណុះ ១,៦លីត្រ ទំហំ ៤ស៊ីឡាំង មានកម្លាំង ៩០សេះ ដែលមិនស្របតាមស្តង់ដារការបំភាយឧស្ម័ននៅអឺរ៉ុបបច្ចុប្បន្នឡើយ។ តាមពិតទៅ វាអាចស្របតាមស្តង់ដារការបំភាយឧស្ម័ន ត្រឹមឆ្នាំ ១៩៩៦ ប៉ុណ្ណោះ ដែលពិតជារឿងគួរឲ្យភ្ញាក់ផ្អើលខ្លាំងមែនទែន សម្រាប់រថយន្តដែលបានចេញលក់ដំបូងក្នុងឆ្នាំ២០១១ នេះ៕

ផ្ទាំងផ្សាយពាណិជ្ជកម្ម

ឡានអគ្គិសនីថ្មី សាកភ្លើង៨នាទី ជិះបាន ២០០គីឡូម៉ែត្រ

June 14, 2022

[ទីផ្សារបរទេស] ក្រុមហ៊ុន EEZI របស់ចិនបានបង្ហាញចេញរូបរាង Render ផ្លូវការនៃរថយន្ត Vc របស់ខ្លួន ដែលអាចឲ្យឃើញអំពីអ្វីដែលមាននៅលើផលិតផលសម្រេចុងក្រោយ។

EEZI គឺជាក្រុមហ៊ុនមានមូលដ្ឋាននៅក្នុងខេត្ត Guangdong ដែលបានបង្ហាញចេញរូបរាងគំរូនៃរថយន្ត Vc កាលពីខែវិច្ឆិកា ហើយរថយន្តនេះដែរ រំពឹងថានឹងបង្ហាញវត្តមានជាផ្លូវការនៅក្នុងត្រីមាសបន្ទាប់។ រូបភាព Render ថ្មីបានបង្ហាញថារូបរាងរបស់ Vc គឺពិតជាដូចគ្នានឹងរថយន្តគំរូដែលបានចេញកាលពីឆ្នាំមុន ដោយមានរចនាបថប្លែក បែបអនាគត។

រថ Vc មានប្រើប្រាស់គ្រផងឆ្អឹង EEZI Step 1.0 ដែលផលិតដោយក្រុមហ៊ុន BAIC Ruixiang ដោយរថយន្តនេះមានប្រវែង ៣៩០៦ម.ម មានកម្ពស់ ១៧៤០ម.ម ទទឹង ១៥៥០ម.ម និងប្រវែងពីកង់មុខទៅកង់ក្រោយគឺ ២៥២០ម.ម។

ការបង្ហាញវត្តមានកាលពីឆ្នាំមុន EEZI បាននិយាយថារថយន្ត Vc នេះអាចបើកបរបានចម្ងាយ ២០០គីឡូម៉ែត្រ ដោយចំណាយពេលសាកភ្លើងត្រឹម ៨នាទី។ បច្ចេកវិទ្យាសាកភ្លើងល្បឿនលឿននេះ ទំនងជាបង្ហាញវត្តមានជាលើកដំបូងសម្រាប់រថយន្តអគ្គិសនីខ្នាតតូចបែបនេះ។ យ៉ាងណាក្ដី រថយន្ត Vc ក៏មានបំពាក់នូវបច្ចេកវិទ្យាដែលអាចដោះដូរអាគុយបានផងដែរ ដែលកាន់តែរហ័សជាងការសាកភ្លើង។

ទាក់ទងនឹងតម្លៃរបស់ Vc នៅមិនទាន់មានការបង្ហើបឲ្យដឹងនៅឡើយទេ ដោយទំនងជានឹងប្រកាសចេញនៅពេលដែលរថយន្តនេះបង្ហាញវត្តមាននៅត្រីមាសខាងមុខ៕

ផ្ទាំងផ្សាយពាណិជ្ជកម្ម

ឡាន SUV ទាំង១០ ល្បឿនលឿនជាងគេប្រចាំឆ្នាំ

June 14, 2022

[ទីផ្សារបរទេស] ជាច្រើនឆ្នាំមុន រថយន្ត SUV ត្រូវបានគេចាត់ទុកថាជារថយន្តពហុមុខងារដែលអាចផ្ទុកឥវ៉ាន់បានច្រើន អាចផ្ទុកមនុស្សបានច្រើន និងមានសមត្ថភាពបើកបរផ្លូវពិបាកបានល្អ ប៉ុន្តែរថយន្តទាំងនោះមិនបានផ្ដោតលើល្បឿនឡើយ។ យ៉ាងណាក្ដីខាងក្រោមនេះជារថយន្ត SUV ដែលមានល្បឿនលឿនជាងគេ ៖

១០. Jeep Grand Cherokee Trackhawk – ២៨៩ គ.ម/ម៉

៩. Dodge Durango SRT Hellcat – ២៨៩ គ.ម/ម៉

៨. BMW Alpina XB7 – ២៩០ គ.ម/ម៉

៧. Porsche Cayenne Turbo S E-Hybrid – ២៩៤ គ.ម/ម៉

៦. Porsche Cayenne Turbo GT – ២៩៩ គ.ម/ម៉

៥. Maserati Levante Trofeo – ៣០០ គ.ម/ម៉

៤. Lamborghini Urus – ៣០៤,៩ គ.ម/ម៉

៣. Audi RS Q8 – ៣០៥ គ.ម/ម៉

២. Bentley Bentayga Speed – ៣០៥ គ.ម/ម៉

១. Aston Martin DBX707 – ៣១០ គ.ម/ម៉

ផ្ទាំងផ្សាយពាណិជ្ជកម្ម

Toyota និង Maruti Suzuki បានសហការគ្នាក្នុងការផលិតរថយន្ត Toyota Hyryder ប្រភេទ SUV ថ្មី នៅក្នុងប្រទេសឥណ្ឌា

June 14, 2022

[ទីផ្សារបរទេស] ក្រុមហ៊ុនផលិតរថយន្ត Toyota និង Maruti Suzuki បានសហការគ្នាក្នុងការផលិតរថយន្ត Toyota Hyryder ប្រភេទ SUV ដែលជាគូប្រជែងជាមួយរថយន្ត Hyundai Creta ជាមួយផែនការនៃការបង្ហាញខ្លួនជាផ្លូវនៅថ្ងៃទី ១ ខែកក្កដា ឆ្នាំ ២០២២ នៅទីផ្សារប្រទេសឥណ្ឌា។

រថយន្ត Toyota Hyryder មានបំពាក់ជាមួយប៉ាណាមុខឲ្យឈ្មោះថា low-lying grille ចង្កៀងមុខមានរាងស្លីមអូសកាត់ភ្ជាប់ជាមួយឡូហ្គោនៅចំកណ្តាល អំពូលបំភ្លឺពេលថ្ងៃប្រភេទ LED ខណៈពេលការរចនាផ្នែកចំហៀង និងខាងក្រោយរបស់រថយន្តមិនបានបង្ហាញនៅឡើយទេ។

គួរឲ្យដឹងថា រថយន្ត Toyota Hyryder នឹងក្លាយជាផលិតផលទី ៣ ដែលលក់ក្រោមភាពជាដៃគូ Suzuki-Toyota ក្នុងប្រទេសឥណ្ឌា ដោយត្រូវបានផលិតឡើងនៅលើគ្រោងឆ្អឹង TNGA-B platform របស់ Toyota ។ រថយន្តនេះបំពាក់ដោយថាសកង់ទំហំ ១៧ អ៊ីញ កៅអីអ្នកបើកបរអាចលៃតម្រូវតាមអគ្គិសនី កន្លែងសាកថ្មឥតខ្សែ អេក្រង់បង្ហាញលើកញ្ចក់ HUD ដំបូលកញ្ចក់ sunroof និងកាំមេរ៉ា ៣៦០ដឺក្រេ។

បើនិយាយអំពីផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនចំណុះ ១,៥ លីត្ររួមបញ្ចូលគ្នានូវប្រព័ន្ធកូនកាត់ hybrid មានកម្លាំង ១០៣សេះ ភ្ជាប់មកជាមួយប្រអប់លេខដៃ ឬអូតូ ៦វគ្គ៕

ផ្ទាំងផ្សាយពាណិជ្ជកម្ម