Chevrolet បញ្ចេញរូបភាព Chevrolet Blazer SS ប្រភេទ Crossover អគ្គិសនីថ្មី មុនពេលបង្ហាញខ្លួនជាផ្លូវការ

June 14, 2022

[បរទេស] ក្រុមហ៊ុនផលិតរថយន្ត Chevrolet បានធ្វើការដាក់បញ្ចេញរូបភាពនៃរថយន្ត Chevrolet Blazer SS ជាប្រភេទ Crossover អគ្គិសនីថ្មី ដោយរូបភាពត្រូវបានបង្ហាញដោយនាយកប្រតិបត្តិក្រុមហ៊ុន General Motors លោកស្រី Mary Barra នៅលើ Twitter មុនពេលការប្រកាសជាផ្លូវការនៅថ្ងៃទី ១៨ ខែកក្កដា ។

Allow me to share a sneak peek at the all-new @Chevrolet Blazer #EV. ?

I can’t wait until July 18, when we share the details with the world. pic.twitter.com/FIPE2SRVyg

— Mary Barra (@mtbarra) June 13, 2022

តាមវីដេអូ Teaser ពីមុនមានរយៈពេល ២០វិនាទី ដែលបញ្ចេញដោយក្រុមហ៊ុន Chevrolet បានបង្ហាញការរចនាផ្នែកខ្លះនៃរថយន្ត Chevrolet Blazer SS EV ជាពិសេសកន្លែងសាកថ្មដោយលាក់ខ្លួននៅទីតាំងកាតាប៊ូ fender Plus ។

ខណៈពេលដែលក្រុមហ៊ុន Chevrolet មិនបានបង្ហាញញរូបភាពផ្នែកខាងក្នុង តាមរូបថតប្រមាញ់បានពីមុនបានបង្ហាញថា ផ្នែកខាងក្នុងរំពឹងថានឹងមានភ្ជាប់មកជាមួយបច្ចេកវិទ្យាខ្ពស់ជាមួយនឹងកុងទ័រព័ត៌មានឌីជីថល និងអេក្រង់កម្សាន្តដែលមានទំហំធំផងដែរ។

រថយន្តអគ្គិសនី Blazer EV ត្រូវបានបង្កើតឡើងលើគ្រោងឆ្អឹង Ultium electric platform របស់ General Motors ដែលអាចផ្តល់ឲ្យរថយន្តអគ្គិសនី Chevrolet Blazer SS ដើម្បីទទួលបានប្រព័ន្ធបើកបរវិលកង់ទាំងអស់ ជាមួយនឹងម៉ូទ័រអគ្គិសនីភ្លោះដែលផលិតកម្លាំងលើសពី ៤៨០ សេះ ហើយរំពឹងថានឹងអាចបើកកបរបានចម្ងាយប្រហែលពី ៤០០ ទៅ ៤៨២ គីឡូម៉ែត្រក្នុងការសាកថ្មម្តងតាមការប៉ាន់ស្មានស្តង់ដារពីស្ថាប័ន EPA ។

គួរឲ្យដឹងថា ក្រុមហ៊ុន GM ប្តេជ្ញាក្នុងការដាក់លក់រថយន្តអគ្គិសនីជាង ២០ ម៉ូដែលនៅក្នុងសហរដ្ឋអាមេរិកនៅចុងឆ្នាំ ២០២២ ។ ដោយបច្ចុប្បន្នក្រុមហ៊ុននេះកំពុងពន្លឿនការដាក់បង្ហាញនៅរថយន្តអគ្គិសនីទាំងអស់របស់ខ្លួនរួមមាន Buick, Cadillac, Chevrolet, GMC និងHummer ជាដើម៕

ផ្ទាំងផ្សាយពាណិជ្ជកម្ម

BAIC bj40 Ring Tower Champion ជើងខ្លាំងខាង Off-Road តម្លៃខ្ទង់ ៣មុឺនដុល្លារ បង្ហាញខ្លួនជាផ្លូវការ

June 14, 2022

[ទីផ្សារបរទេស] ក្រុមហ៊ុនផលិតរថយន្ត BAIC Group បានធ្វើការដាក់បង្ហាញចេញនៅរថយន្ត BAIC bj40 Ring Tower Champion Edition ជារថយន្តប្រភេទ Off-Road ថ្មីរបស់ខ្លួននៅក្នុងប្រទេសចិន ដែលជាដៃគូប្រកួតប្រជែងដ៏សំខាន់របស់រថយន្ត WEY TANK300 ថ្មីរបស់ Great Wall Motors ផលិតតែ ២០២១ គ្រឿងប៉ុណ្ណោះ ជាមួយនឹងតម្លៃចាប់ពី ៣១ ០៨៥ ដុល្លារ។

សម្រាប់ម៉ូដែល Ring Tower Champion Edition បំពាក់ដោយប៉ាណាមុខធំស្រដៀងនឹងរថយន្ត JEEP, រន្ធខ្យល់ចេញចូលពណ៌ខ្មៅជាមួយនឹងទំពក់អូសណ្តោងពណ៌ក្រហម, ចង្កៀងមុខប្រភេទ LED Matrix រាងមូល តួចំហៀងនៃរថយន្តស្រដៀងទៅនឹងរថយន្ត Jeep Wrangler, ថាសកង់ស្ព័រពណ៌ខ្មៅជាមួយដុំហ្រ្វាំង calipers ក្រហម ។

ចំណែកផ្នែកខាងក្នុងវិញ រថយន្តនេះមានការតុបតែជាមួយគ្រឿងបរិក្ខាយ៉ាងប្រណិតនិងផាសុកភាព ដោយមានពូកស្បែកពណ៌ខ្មៅ ម៉ាស៊ីនត្រជាក់អូតូរចនាជាមួយក្រូម៉េរាងមូល ដៃចង្កូតពហុមុខងារ 3-spoke កុងទ័រព័ត៌មាន Full LCD និងអេក្រង់កំសាន្ត touchscreen ទំហំធំជាដើម។

បើនិយាយអំពីផ្នែកម៉ាស៊ីនវិញ រថយន្តនេះដំណើរការដោយម៉ាស៊ីនចំណុះ ២,០ លីត្រ turbocharged ដោយ Honeycomb ផលិតកម្លាំងបាន ៣០០ សេះ និងកម្លាំងរមួល ៣៨០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ៨ វគ្គ៕

ផ្ទាំងផ្សាយពាណិជ្ជកម្ម

Nio នឹងអភិវឌ្ឍ និងផលិតកញ្ចប់អាគុយអគ្គិសនីផ្ទាល់ខ្លួន ចាប់ពីឆ្នាំ ២០២៤

June 14, 2022

យោងតាមប្រភពព័ត៌មានបានឲ្យដឹងថា ក្រុមហ៊ុនផលិតរថយន្តចិន Nio នឹងចាប់ផ្តើមផលិតកញ្ចប់អាគុយវ៉ុលខ្ពស់ ដោយខ្លួនឯង ចាប់ពីឆ្នាំ ២០២៤។

ក្រុមហ៊ុនផលិតរថយន្តអគ្គិសនីខាងលើ បច្ចុប្បន្នមានបុគ្គលិកជាង ៤០០ នាក់ ដែលកំពុងធ្វើការលើការស្រាវជ្រាវ និងអភិវឌ្ឍបច្ចេកវិទ្យាអាគុយ ហើយនឹងចាប់ផ្តើមផលិតកញ្ចប់អាគុយ ៨០០ វ៉ុល នៅពាក់កណ្តាលទី២ នៃឆ្នាំ ២០២៤។

ថ្លែងជាមួយអ្នកវិភាគកាលពីសប្តាហ៍មុន ប្រធានក្រុមហ៊ុន Nio លោក William Li បានបញ្ជាក់ថា កញ្ចប់អាគុយថ្មីនឹងត្រូវប្រើប្រាស់ដោយម៉ូដែលថ្មី ដែលមានតម្លៃសមរម្យនៅឆ្នាំ ២០២៤។ ខណៈដែលព័ត៌មានលម្អិតអំពីម៉ូដែលទាំងនេះមិនត្រូវបានបង្ហាញ ពួកវានឹងអាចមានតម្លៃចន្លោះពី ៣០ ០០០ដុល្លារ ទៅ ៤៥ ០០០ដុល្លារ។

លោក Li បានបន្ថែមថា Nio នឹងប្រើប្រាស់ទាំងអាគុយដែលផលិតដោយខ្លួនឯង និងពីភាគីទី៣ នាពេលអនាគត នេះបើតាមរបាយការណ៍របស់ Reuters។

គួរឲ្យដឹងថា ម៉ូដែលចុងក្រោយបំផុតដែលត្រូវបានបញ្ចេញដោយក្រុមហ៊ុនផលិតរថយន្តចិន Nio គឺ ET5។ វាត្រូវបានដាក់បង្ហាញក្នុងខែធ្នូឆ្នាំមុន ដែលជាគូប្រជែងនឹងរថយន្ត Tesla Model 3 និង BMW i4។ វាផ្តល់ជម្រើសកញ្ចប់អាគុយចំនួន ៣ គឺ៖

ទំហំ ៧៥គីឡូវ៉ាត់ម៉ោង ដែលផ្តល់ចម្ងាយបើកបរសរុប ៥៥០គីឡូម៉ែត្រ នៅពេលសាកភ្លើងពេញម្តង
ទំហំ ១០០គីឡូវ៉ាត់ម៉ោង ដែលផ្តល់ចម្ងាយបើកបរសរុប ៧០០គីឡូម៉ែត្រ នៅពេលសាកភ្លើងពេញម្តង
ទំហំ ១៥០គីឡូវ៉ាត់ម៉ោង ដែលផ្តល់ចម្ងាយបើកបរសរុប ១ ០០០គីឡូម៉ែត្រ នៅពេលសាកភ្លើងពេញម្តង

ផ្ទាំងផ្សាយពាណិជ្ជកម្ម

Toyota បង្ហាញរូបរាងគំរូឡាន Cruiser EV ឲ្យតម្រុយកាន់តែកាន់តែច្បាស់

June 14, 2022

Toyota Compact Cruiser EV ដែលជាគំរូរថយន្ត Off-Road ទំហំតូច បានទាក់ទាញចំណាប់អារម្មណ៍មនុស្សជាច្រើន បន្ទាប់ពីបានបង្ហាញខ្លួនកាលពីក្នុងខែធ្នូ ឆ្នាំ ២០២១ បានឈ្នះពានរង្វាន់ 2022 Car Design Award for Concept Vehicles ដែលជំរុញឲ្យក្រុមហ៊ុន Toyota បង្ហាញចេញនូវរូបថតរបស់វាកាន់តែច្រើនបន្ថែមទៀត។

Compact Cruiser EV គឺជារថយន្តមួយក្នុងចំណោមរថយន្តចំនួន ១៥ ដែលបានបង្ហាញក្នុងពេលដំណាលគ្នាដោយក្រុមហ៊ុន Toyota និង Lexus នៅទីក្រុងតូក្យូ។ ឥឡូវនេះ Toyota បានបញ្ចេញរូបថតជាច្រើនទៀតនៃគំរូរថយន្ត Compact Cruiser EV ដែលត្រូវបានបង្កើតឡើងដោយមជ្ឈមណ្ឌលអភិវឌ្ឍន៍ Toyota Europe Design (ED2) នៅទីក្រុង Nice ប្រទេសបារាំង។

អ្នករចនារបស់ Toyota បានទទួលយកការបំផុសគំនិតពីជំនាន់ទី១ នៃ Land Cruiser និងមរតកបែប off-road របស់ក្រុមហ៊ុន ជាមួយនឹងគំនិតដែលមានលក្ខណៈស្រដៀងគ្នាជាមួយនឹង ម៉ូដែល FJ Cruiser ដោយលាយលំរវាងអតីតកាលបែបអនាគត (retro-futuristic)។

គំរូរថយន្តខាងលើមើលទៅដូចជាការវិវត្តនៃ Toyota F4-X ឆ្នាំ ២០១៧ ជាមួយនឹងចង្កៀងមុខ LED ថ្មី ស្រដៀងទៅនឹង J80 ដែរ។ ក្រៅពីនោះវាមានលក្ខណៈពិសេសមួយចំនួន ដូចជា បន្ទះការពារបាតរថយន្តធំ, របាំងភក់, ឈ្នាន់អូតូ, ជណ្ដើរចំហៀង និង ជើងទ្រលើដំបូល ជាដើម។

ក្រុមហ៊ុន Toyota អះអាងថា អតិថិជនគោលដៅរបស់ Compact Cruiser គឺ “ជាមនុស្សវ័យក្មេង, អ្នករស់នៅទីក្រុង ដែលមានជំនាញវិជ្ជាជីវៈ ហើយចូលចិត្តការកម្សាន្តខាងក្រៅ”៕

ផ្ទាំងផ្សាយពាណិជ្ជកម្ម

SsangYong ប្រកាសចេញឡាន Torres រូបរាងថ្មី តម្លៃចាប់ពីជាង ២ម៉ឺនដុល្លារ

June 13, 2022

[ទីផ្សារបរទេស] Ssangyong បានប្រកាសចេញជាផ្លូវការនូវរថយន្ត Torres ជំនាន់ថ្មីសម្រាប់ទីផ្សារប្រទេសកូរ៉េខាងត្បូង ដែលវាជាសមាជិកថ្មីចុងក្រោយនៃត្រកូលរថយន្ត SUV របស់ SsangYong ដែលស្ថិតនៅចន្លោះរថយន្ត Korando និងរថយន្ត Rexton។

រូបរាងខាងក្រៅរបស់រថយន្ត គេធ្លាប់បានឃើញរួចមកហើយតាមរយៈរូបភាព Teaser ដែលបានចេញផ្សាយកន្លងមក ដោយរូបរាងរបស់វាមានការឌីហ្សាញបែបជ្រុងៗបែបរថយន្ត Jeep, មានអំពូលភ្លើង LED រាងស្លីម និងមានរន្ធស្រូបខ្យល់ទំហំធំ ហើយផ្នែកខាងក្រោយក៏មានបំពាក់ភ្លើង LED ផងដែរ។

នៅផ្នែកខាងក្នុងនៃរថយន្តនេះមានកុងទ័រប្រភេទឌីជីថល, មានអេក្រង់កម្សាន្តទំហំ ១២,៣អ៊ីញ, អេក្រង់ទំហំ ៨អ៊ីញ សម្រាប់បញ្ជាសីតុណ្ហភាព, មានចង្កូតរថយន្តប្រភេទ Four-Spoke ដែលមានបង្កប់ប៊ូតុងបញ្ជាជាច្រើន, មានភ្លើង Ambient, មានរន្ធបំពងសំឡេងចំនួន៦, មានរន្ធ USB ចំនួនប្រាំ, មានពោងសុវត្ថិភាពចំនួន៧ និងមានមុខងារ ADAS ជាច្រើន។

ចំពោះលក្ខណៈសម្បត្តិម៉ាស៊ីនវិញ SsangYong បាននិយាយថាវាមានបំពាក់ម៉ាស៊ីន T-GDI ដែលទំនងជាម៉ាស៊ីន Turbocharged ចំណុះ១,៥លីត្រ ៤ស៊ីឡាំង ដូចមានប្រើលើរថយន្ត Korando ដែលមានភ្ជាប់ជាមួយប្រអប់លេខស្វ័យប្រវត្តិ៦វគ្គ។

នៅកូរ៉េខាងត្បូង SsangYong Torres មានតម្លៃចាប់ពីប្រមាណ ២០ ៩១១ដុល្លារ ដល់ប្រមាណ ២៣ ៦៣០ដុល្លារ ហើយក៏មានដំណឹងអំពីប្រភេទអគ្គិសនីសុទ្ធដែលគ្រោងចេញលក់នៅអឺរ៉ុបនៅក្នុងអំឡុងឆ្នាំ ២០២៣៕

ផ្ទាំងផ្សាយពាណិជ្ជកម្ម

ឡានអគ្គិសនីហូឡង់ សាកភ្លើងម្ដង ជិះបានរហូតដល់ ៧ខែ

June 13, 2022

[ទីផ្សារបរទេស] ក្រុមហ៊ុន Startup របស់ហូឡង់ឈ្មោះថា Lightyear បានបង្ហាញចេញរថយន្តអគ្គិសនីដែលមានបំពាក់ផ្ទាំងសូឡារនៅលើដំបូលរថយន្ត ដោយក្រុមហ៊ុនសន្យាថានឹងផលិតលក់លើទីផ្សារនៅក្នុងឆ្នាំនេះ ជាមួយការរំពឹងទុកលើការដឹកជញ្ជូននឹងចាប់ផ្ដើមខែដើមខែវិច្ឆិកា។

រថយន្តដែលមានឈ្មោះថា Lightyear 0 ដែលក្រុមហ៊ុនទើបបានបង្ហាញគឺមានបំពាក់ផ្ទាំងសូឡារទំហំ ៥ម៉ែត្រការ៉េនៅលើដំបូលរថយន្តដែលមានរាងកោង អាចឲ្យរថយន្តសាកភ្លើងបានគ្រប់ពេលវេលាពេលស្ថិតនៅក្រោមពន្លឺព្រះអាទិត្យ។

ក្រុមហ៊ុនអះអាងថា នៅប្រទេសដែលមានស្ថានភាពអំណោយផលលើពន្លឺថ្ងៃដូចជាប្រទេសព័រទុយហ្គាល់ រថយន្តនេះអាចផ្ដល់ចម្ងាយបើកបរបានដល់ ១១ ០០០គីឡូម៉ែត្រ ក្នុងមួយឆ្នាំ និងអាចផលិតថាមពលដែលបើកបរបានចម្ងាយ ៧០គីឡូម៉ែត្រ ក្នុងមួយថ្ងៃ។

Lightyear លើកឡើងថាប្រសិនបើអ្នកបើកបរប្រើរថយន្តជាមធ្យមប្រមាណ ៣៥គីឡូម៉ែត្រក្នុងមួយថ្ងៃ នោះរថយន្តអាចបន្តបើកបរបានរហូតដល់រយៈពេល៧ខែ ទើបត្រូវការសាកភ្លើងម្ដង នេះសម្រាប់ប្រភេទដែលមានពន្លឺថ្ងៃច្រើន។ ចំណែកនៅហូឡង់វិញ អាចបើកបរបានរហូតដល់២ខែផងដែរ ប្រសិនបើរថយន្តចតចោលនៅទីធ្លាខាងក្រៅ។

ចំណុចដ៏អស្ចារ្យនេះដែរ ក៏មកជាមួយតម្លៃថ្លៃមហាសាលផងដែរ សម្រាប់រថយន្តអគ្គិសនី ដោយក្រុមហ៊ុននិយាយថា Lightyear 0 នឹងមានតម្លៃចាប់ពីប្រមាណ ២៦៣ ២៤០ដុល្លារ ហើយក្រុមហ៊ុននឹងផលិតលក់ត្រឹម ៩៤៦គ្រឿង ប៉ុណ្ណោះ។

យ៉ាងណាក្ដី ក្រុមហ៊ុនក៏មានផែនការផលិតរថយន្តដែលមានតម្លៃចាប់ពីជាង ៣ម៉ឺនដុល្លារ សម្រាប់ទីផ្សារធំផងដែរ ដោយគ្រោងចាប់ផ្ដើមការផលិតនៅចុងឆ្នាំ២០២៤ ឬដើមឆ្នាំ២០២៥៕

ផ្ទាំងផ្សាយពាណិជ្ជកម្ម

Toyota បញ្ជាក់ថា Toyota C-HR ជំនាន់ទី ២ នឹងមានថាមពលអគ្គិសនីសុទ្ធ គ្រោងដាក់បង្ហាញនៅចុងឆ្នាំ ២០២៣

June 13, 2022

[ទីផ្សារបរទេស] កាលពីពេលថ្មីៗ កន្លងទៅនេះ ប្រព័ន្ធផ្សព្វផ្សាយរថយន្តជប៉ុនបានរាយការណ៍ថា Toyota C-HR ជំនាន់ទី ២ ស៊េរីថ្មីអាចនឹងត្រូវបានផ្តល់ជូនជាមួយនឹងជម្រើសប្រភេទអគ្គិសនីសុទ្ធ គួបផ្សំជាមួយនឹងម៉ាស៊ីន Hybrid ត្រូវបានគេរំពឹងថានឹងដាក់បង្ហាញនៅចុងឆ្នាំ ២០២៣ ។

យោងតាមគេហទំព័រជប៉ុន Spyder7 ដោយ Response.jp បានឲ្យដឹងថា Toyota C-HR ជំនាន់ក្រោយនឹងបន្តប្រើប្រាស់នៅគ្រោងឆ្អឹង TNGA (GA-C) platform ដែលបានកែប្រែឡើងវិញ ជាមួយនឹងកម្លាំងម៉ាស៊ីនកូនកាត់ hybrid ចំណុះ ២,០ លីត្រ ដែលដំណើរការរួមគ្នារវាងម៉ាស៊ីនសាំង ទំហំ ៤ស៊ីឡាំង Dynamic Force និងម៉ូទ័រអគ្គិសនី។ រួមទាំងប្រព័ន្ធបើកបរដោយកង់ទាំងបួន D-Four ដែលផ្តោតលើការបើកបរលើស្ថានភាពផ្លូវផ្សេងៗ និងគ្រោងដាក់លក់លើទីផ្សារក្រោមឈ្មោះ bZ3X បន្ទាប់ពី bZ4X បច្ចុប្បន្ន។

បន្ថែមពីនេះ ត្រូវបានបញ្ជាក់ផងដែរថា គំរូរថយន្ត bZ Compact SUV ដែល Toyota Motor Japan បង្ហាញជាមួយរថយន្តអគ្គិសនីចំនួន ១៧ ក្នុងពេលដំណាលគ្នានៅចុងឆ្នាំ ២០២១។ វាអាចប្រើជាគំរូសម្រាប់ការអភិវឌ្ឍន៍ C-HR ជំនាន់ក្រោយ ដែលនៅតែរក្សាបាននៅអត្តសញ្ញាណនៃតួរថយន្ត SUV ខ្នាតតូច ដោយផ្លាស់ប្តូរមុខមាត់ថ្មីផងដែរ។

គួរឲ្យដឹងថា បច្ចុប្បន្ន Toyota បន្តធ្វើទីផ្សាររថយន្តប្រភេទ Crossover C-HR នៅក្នុងប្រទេសថៃ ដោយត្រូវបានដាក់បង្ហាញតាំងពីឆ្នាំ ២០១៨ ហើយត្រូវបានកែមុខមាត់ថ្មីនឹងដាក់លក់នៅលើទីផ្សារពិភពលោកនៅឆ្នាំ ២០១៩ ដោយបានធ្វើការរចានាចង្កៀងមុខ-ភ្លើងក្រោយមានភាពប្រសើរឡើង និងទំនើបជាងមុន។ បន្ថែមពីនេះ សម្រាប់ម៉ូដែលរបស់អ៊ឺរ៉ុបត្រូវបានបំពាក់ដោយម៉ាស៊ីនកូនកាត់ Hybrid ចំណុះ ២,០ លីត្រ មានកម្លាំង ១៨៤ សេះ បញ្ជូនដោយប្រអប់លេខអូតូ E-CVT៕

ផ្ទាំងផ្សាយពាណិជ្ជកម្ម

ឡានភីកអាប់ Nissan Navara Black Edition ២០២២ បន្ថែមរូបរាងកាន់ស្ព័រ ជាមួយតម្លៃលក់ខ្ទង់ ២មុឺនដុល្លារជាង

June 13, 2022

[ទីផ្សារបរទេស] ក្រុមហ៊ុនផលិតរថយន្ត Nissan ប្រចាំប្រទេសថៃ បានធ្វើការដាក់បញ្ចេញម៉ូដែលពិសេស Nissan Navara Black Edition ស៊េរីឆ្នាំ ២០២២ ថ្មីជាមួយរចនាម៉ូដបែបស្ព័រ ទាំងផ្នែកខាងក្រៅ និងខាងក្នុង ជាមួយជម្រើសម៉ូឌែលចំនួន 2-door King Cab និង 4-door Double Cab body មានតំលៃលក់ចាប់ពី ២២ ៩២៨ ដុល្លារ ដល់ ២៦ ៨០២ ដុល្លារ។

រថយន្ត Nissan Navara Black Edition ស៊េរីថ្មីនេះ ភ្ជាប់មកជាមួយនៅគ្រឿងបន្ថែមបែបស្ព័រ រួមមានប៉ាណាមុខ ឲ្យឈ្មោះថា Interlock grille ពណ៌ខ្មៅ រួមមានចង្កៀងមុខ LED Projector បើក-បិទដោយស្វ័យប្រវត្តិជាមួយនឹងប្រព័ន្ធ Follow-me-home អមជាមួយអំពូលបំភ្លឺពេលថ្ងៃ កញ្ចក់ចំហៀងពណ៌ខ្មៅភ្ជាប់ដោយមុខងារក្តោបអូតូ កាងខាងមុខនិងក្រោយពណ៌ខ្មៅ ដៃទ្វារខាងក្រោយពណ៌ខ្មៅ ស្ទីគ័រឡូហ្គោ Black Edition នៅផ្នែកខាងក្រោយ អង់តែនព្រុយត្រីឆ្លាមពណ៌ខ្មៅ និងថាសកង់ស្ព័រពណ៌ខ្មៅទំហំ ១៨ អ៊ីញផងដែរ។

ចំណែកផ្នែកខាងក្នុងកាប៊ីននៃម៉ូដែលនេះ ត្រូវបានតុបតែងជាមួយពណ៌ខ្មៅទៅលើ រន្ធម៉ាស៊ីនត្រជាក់, ដៃទ្វារ, កន្លែងដាក់ដបទឹក, ប្រអប់លេខ និងមានមកជាមួយស្តង់ដារកុងទ័រព័ត៌មានទំហំ ៧ អ៊ីញ និងអេក្រង់កំសាន្ត touchscreen ទំហំ ៨ អ៊ីញ ភ្ជាប់មុខងារ Apple CarPlay និង Android Auto, ប្រព័ន្ធ NissanConnect, កញ្ចក់មើលក្រោយការពារចំណាំងផ្លាត និងប្រព័ន្ធគ្រប់គ្រងល្បឿនដោយស្វ័យប្រវត្តិ Cruise Control។

ម៉ូដែលពិសេស Nissan Navara Black Edition ត្រូវបានបំពាក់ដោយម៉ាស៊ីនម៉ាស៊ូតចំណុះ ២,៣ លីត្រ Twin-turbo ទំហំ ៤ស៊ីឡាំង ដែលផលិតកម្លាំងបាន ១៩០ សេះ កម្លាំងរមួល ៤៥០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៧ វគ្គ និងម៉ូដែលប្រអប់លេខដោយដៃត្រូវបានបំពាក់ដោយម៉ាស៊ីនម៉ាស៊ូតចំណុះ ២,៣ លីត្រ turbocharged ទំហំ ៤ស៊ីឡាំង ផលិតកម្លាំងបាន ១៦៣ សេះ កម្លាំងរមួល ៤០៣ ញូតុនម៉ែត្រ ជាមួយនឹងប្រអប់លេខដៃ ៦ វគ្គ៕

ផ្ទាំងផ្សាយពាណិជ្ជកម្ម

ឡានអគ្គិសនីចិនថ្មី បើកបរស្វ័យប្រវត្តិកម្រិត៤ តម្លៃត្រឹម ៣ម៉ឺនដុល្លារ

June 13, 2022

ក្រុមហ៊ុនផលិតរថយន្តចិនមួយមានឈ្មោះថា Jidu បានប្រកាសចេញគំរូរថយន្តដំបូងបង្អស់របស់ខ្លួន គឺ Robo-01 ដែលជាប្រភេទ SUV ដំណើរការដោយថាមពលអគ្គិសនីសុទ្ធ អភិវឌ្ឍដោយក្រុមហ៊ុនបច្ចេកវិទ្យាយក្សចិន Baidu ហើយនឹងត្រូវផលិតដោយក្រុមហ៊ុន Geely។

អ្វីដែលគួរឲ្យចាប់អារម្មណ៍នោះគឺ រថយន្ត Jidu Robo-01 ឆ្នាំ២០២៣ ថ្មីនេះ នឹងមានបំពាក់ប្រព័ន្ធបើកបរដោយស្វ័យប្រវត្តិកម្រិត៤ (Level 4 autonomous driving) ផងដែរ។ មិនតែប៉ុណ្ណោះ គំរូរថយន្តខាងលើ នឹងចូលសង្វាក់ផលិតកម្មនៅក្នុងឆ្នាំ២០២៣ ដោយរក្សារូបរាង និងការឌីហ្សាញ ៩០% ពីគំរូនោះទៀតផង។

Jidu Robo-01 មានបំពាក់អេក្រង់មួយផ្ទាំងធំនៅលើតាប្លូ ដែលដើរតួជាកុងទ័រឌីជីថល និង អេក្រង់កម្សាន្ត, ប្រើកាមេរ៉ាចំហៀងជំនួសកញ្ចក់, ដៃចង្កូត yoke-style លិចចេញ-ចូល, ប្លុកបញ្ជាកណ្តាលប្រភេទ touch-sensitive។

បើយោងតាម Car News China បានឲ្យដឹងថា រថយន្តអគ្គិសនីខាងលើបំពាក់ DuerOS artificial intelligence software ខណៈ hardware របស់វាគឺ NVIDIA Orin X chip និង Qualcomm 8295 processor។ អ្វីដែលសំខាន់ វាមានបំពាក់ប្រព័ន្ធ LiDar ២ ដែលគួបផ្សំរវាងកាមេរ៉ា ២គ្រាប់, រ៉ាដា ultrasonic ១២គ្រាប់ និង រ៉ាដា millimeter-wave ៥គ្រាប់ ដែលស្កេនផ្លូវជាប់ជានិច្ច។

ទោះបីជាយ៉ាងណាក៏ដោយ Jidu មិនទាន់បានបង្ហាញព័ត៌មានលម្អិតអំពីសមត្ថភាព និងកម្លាំងរបស់វាឡើយ ប៉ុន្តែបានបង្ហាញថា វានឹងមានតម្លៃខ្ទង់ ៣០ ០០០ដុល្លារ នៅពេលចេញលក់៕

ផ្ទាំងផ្សាយពាណិជ្ជកម្ម

Porsche 911 Carrera GTS Cabriolet America ឆ្នាំ២០២៣ ថ្មី បង្ហាញខ្លួនជាមួយតម្លៃខ្ទង់ ១៨ម៉ឺនដុល្លារ

June 13, 2022

រថយន្ត Porsche 911 Carrera GTS Cabriolet America ស៊េរីឆ្នាំ២០២៣ បានបង្ហាញខ្លួនជាផ្លូវការ និងផ្តាច់មុខ សម្រាប់តែទីផ្សារសហរដ្ឋអាមេរិក ដែលវានឹងបង្ហាញខ្លួននៅក្នុង showroom នាចុងឆ្នាំ២០២២ នេះតែម្តង។

រថយន្ត Porsche 911 Carrera GTS Cabriolet America ឆ្នាំ២០២៣ នេះ ត្រូវបានផលិតផ្អែកតាមម៉ូដែល 911 Carrera GTS Cabriolet ហើយបានបំពាក់គ្រឿងមេកានិចដូចគ្នា។ រថយន្តស្ព័ររបស់អាល្លឺម៉ង់ខាងលើ បំពាក់ម៉ាស៊ីនសាំងចំណុះ ៣,០លីត្រ twin-turbocharged ទំហំ ៦ស៊ីឡាំង មានកម្លាំង ៤៧៣សេះ និងកម្លាំងរមួល ៥៦៩ញ៉ូតុនម៉ែត្រ។

Porsche បានប្រើប្រព័ន្ធជើងក្រោមពិសេស ហៅថា Porsche Active Suspension Management Sport មកស្តង់ដារសម្រាប់ម៉ូដែលខាងលើ។ ក្រៅពីនោះ វាក៏មាន Sport Exhaust និង Sport Chrono Package មកស្តង់ដារដែរ។

អ្វីដែលធ្វើឲ្យ 911 Carrera GTS Cabriolet America លេចធ្លោខុសពីម៉ូដែលធម្មតា គឺ ការតុបតែងផ្នែកខាងក្រៅរបស់វា ដែលបំផុសគំនិតតាមម៉ូដែល 356 America Roadster ឆ្នាំ១៩៥៣ និងការប្រើទឹកថ្នាំពណ៌ខៀវ Azure Blue 356 និងស៊ុមកញ្ចក់ពណ៌ខ្មៅ Satin Black ផងដែរ។ ជាមួយគ្នានេះដែរ វាបំពាក់យ៉ាន់កង់ប្រភេទ RS Spyder Design Wheels ពណ៌ស រំលេចដោយការហាយឡាយពណ៌ក្រហម មើលទៅកាន់តែទាក់ទាញ។

យ៉ាងណាមិញ ក្រុមហ៊ុន Porsche មិនបានបង្ហាញឡើយថា នឹងត្រូវផលិតវាចំនួនប៉ុន្មានគ្រឿង ប៉ុន្តែរថយន្ត 911 Carrera GTS Cabriolet America នឹងមានតម្លៃចាប់ពី ១៨៤ ៩២០ដុល្លារ៕