បែកធ្លាយផ្នែកខាងក្នុងរបស់រថយន្ត MG5 Scorpio ជាមួយអេក្រង់ភ្លោះទំហំធំ

January 19, 2022

[ទីផ្សារបទេស] កាលពីពេលថ្មីៗនេះកន្លងទៅ ប្រព័ន្ធផ្សព្វផ្សាយចិនមួយចំនួនបានលាតត្រដាងរូបភាពផ្នែកខាងក្នុងរបស់រថយន្ត MG5 Scorpio។ ខណៈផ្ទៃខាងក្នុងមើលទៅមានបច្ចេកវិទ្យាខ្ពស់ជាមួយនឹងព័ត៌មានលម្អិតគួរឲ្យទាក់ទាញជាច្រើន។ រថយន្តថ្មីនេះត្រូវបានគេរំពឹងថានឹងវាយលុកទីផ្សារនៅចុងឆ្នាំនេះផងដែរ។

ក្នុងនោះដែរ រថយន្ត MG5 Scorpio គឺជារថយន្តប្រភេទស្ព័ររបស់ MG5 ដោយមានប្រវែងសរុប ៤,៦៩៥ ម.ម ទទឹងមានប្រវែង ១,៨៤២ ម.ម, កំពស់ ១,៤៨០ ម.ម និងប្រវែងគន្លាតកង់មុខ-ក្រោយ មានប្រវែង ២៦៩០ ម.ម ។

បើក្រលេកមើលទៅកាន់ផ្នែកដែលទាក់ទាញបំផុតនៃផ្នែកខាងក្នុងគឺការរចនាអេក្រង់ទំហំធំ រួមបញ្ចូលជាមួយអេក្រង់ LCD និងអេក្រង់កំសាន្តកណ្តាល ដែលគួរអោយចាប់អារម្មណ៍យ៉ាងខ្លាំង។ លើសពីនេះ គ្រឿងតុបតែងដែលស្រោបដោយក្រូម៉េដែលធ្វើឲ្យផ្ទៃខាងក្នុងទាំងមូលមើលទៅមានលក្ខណៈទំនើប និងមានផាសុកភាព។

សម្រាប់ផ្នែកខាងក្រៅវិញ បើធៀបទៅនឹងម៉ូដែលមុន រូបរាងនៃការរចនាថ្មីគឺជាការផ្លាស់ប្តូរទីលើចង្កៀងមុខកាន់តែស្លីម និងភ្លឺជាងមុន, ប៉ាណាខាងមុខពណ៌ខ្មៅមានទំហំធំ និងមានភាពរឹងមាំជាងមុនផងដែរ។

ងាកទៅកាន់ផ្នែកម៉ាស៊ីនវិញ រថយន្ត MG5 Scorpio នឹងត្រូវបំពាក់ជាមួយម៉ាស៊ីនចំណុះ ១,៥ លីត្រ ដែលអាចផលិតកម្លាំងបានប្រហែល ១៨១ សេះ ដែលបានកើនឡើង ៨សេះ បើប្រៀបធៀបនៅនឹងម៉ូដែលបច្ចប្បន្ន៕

ផ្ទាំងផ្សាយពាណិជ្ជកម្ម

Honda Forza 125 ស៊េរីឆ្នាំ២០២២ ចេញលក់ជាផ្លូវការ

January 19, 2022

[ទីផ្សារបរទេស] ក្រុមហ៊ុន Honda បានធ្វើការបញ្ចេញនូវម៉ូតូ Forza 125 ស៊េរីឆ្នាំ២០២២ ប្រភេទ Scooter ជាមួយនឹងរូបរាងកាន់តែស្ព័រ និងម៉ាស៊ីនកាន់តែខ្លាំងជាងមុន។

សម្រាប់ម៉ូតូ Honda Forza 125 បានបំពាក់នូវអេក្រង់បង្ហាញថ្មី, រន្ធសាក USB កន្លែងផ្ទុកសម្រាប់មួកសុវត្ថិភាពពីរ និង Smart Key បន្ថែមជាមួយប្រព័ន្ធគ្រប់គ្រងលំនឹងម៉ូតូ HTSC, ប្រព័ន្ធហ្រាំងបន្ទាន់ ISS និងប្រព័ន្ធហ្វាំ្រ ABS ផងដែរ៕

ម៉ូតូ Honda Forza 125 ប្រើប្រាស់ម៉ាស៊ីន eSP+ ទំហំ ១ស៊ីទ្បាំង ចំណុះ ១២៥ សេសេ ផលិតកម្លាំង ១៤សេះ និងកម្លាំងរមួល ១២,២ ញ៉ូតុនម៉ែត្រ ដោយកម្រិតនៃការស៊ីសាំងរបស់ម៉ូតូនេះចាក់ ១ លីត្រ អាចជិះបានចម្ងាយ ៤២ គីទ្បូម៉ែត្រ៕

ប្រភព៖ greatbiker

ផ្ទាំងផ្សាយពាណិជ្ជកម្ម

បែកធ្លាយរូបភាពបន្ថែមរបស់រថយន្ត Ford Ranger Raptor សេ៊រីឆ្នាំ២០២២

January 19, 2022

[ទីផ្សារបរទេស] កាលពីពេលថ្មីៗនេះកន្លងទៅ មានការប្រទះឃើញរថយន្ត NEW FORD RANGER RAPTOR បានធ្វើការបើកបរសាកល្បងក្នុងលក្ខណៈបិទបាំងតួខ្លួនរថយន្តទាំងមូល ជាមួយនឹង Bronco Raptor មុនពេលបង្ហាញខ្លួនជាផ្លូវការក្នុងខែកុម្ភៈ ឆ្នាំ ២០២២ ខាងមុខ។

ខណៈពេលនេះផងដែរ គេក៏បានប្រទះឃើញសារជាថ្មីនូវការបើកបរសាកល្បងរបស់រថយន្ត Ranger Raptor នេះ។ បើយោងតាមគណនី Facebook ឈ្មោះ Aek Pongnavee បានធ្វើការបញ្ចេញរូបភាពថ្មីមួយចំនួន ដែលបានបង្ហាញអោយឃើញពីការឌីស្សាញថ្មីនៅផ្នែកខាងមុខនៃរថយន្ត ដែលមានការកាត់ទៅរករថយន្ត Maverick និង F-150 ដូចគ្នានឹងរថយន្ត Ranger សេរ៊ីថ្មីផងដែរ និងភ្ជាប់មកជាមួយអក្សរ FORD នៅចំកណ្តាលផងដែរ។

បើយោងតាមការចុះផ្សាយរបស់គេហទំព័រ Carscoops កន្លងមក រថយន្ត Ford F-150 Raptor ត្រូវបានគេរំពឹងថានឹងទទួលបានម៉ាស៊ីន ៨ស៊ីឡាំងថ្មី ដែលអាចផលិតកម្លាំងបានប្រហែល ៤០០-៤៥០ សេះ ភ្ជាប់មកជាមួយប្រអប់លេខអូតូ ១០វគ្គ។ បន្ថែមជាមួយការអភិវឌ្ឍន៍ថ្មីនៃប្រព័ន្ធ Suspension, Shock absorber, Fox Racing Forged control arms និង Coilover dampers ជាដើម៕

ផ្ទាំងផ្សាយពាណិជ្ជកម្ម

ចេញហើយ! Honda BR-V ស៊េរីឆ្នាំ២០២២ ចេញលក់នៅប្រទេសឥណ្ឌូនេស៊ី តម្លៃខ្ទង់ ២ ម៉ឺនដុល្លារ

January 19, 2022

[ទីផ្សារបរទេស] ក្រុមហ៊ុន Honda បានធ្វើការបញ្ចេញនូវរថយន្ត BR-V ស៊េរីឆ្នាំ២០២២ ជំនាន់ទី២ សម្រាប់ទីផ្សារប្រទេសឥណ្ឌូនេស៊ីជាផ្លូវការ។

សម្រាប់រថយន្តរថយន្ត Honda BR-V មានជម្រើស ២ ម៉ូឌែល ដោយរួមមានម៉ូឌែល S និង Prestige។ ចំពោះម៉ូឌែល S បំពាក់នូវចង្កៀងមុខ LED ជាមួយនឹងភ្លើងជួយបំភ្លឺពេលថ្ងៃ DRL, អំពូលកាត់អ័ព្ទ, ថាសកង់ទំហំ ១៦ អ៊ីញ, អេក្រង់ប្រព័ន្ធកម្សាន្តទំហំ ៧ អ៊ីញ, កង់ទ័រឌីជីថល TFT និងរន្ធសាកថ្មនៅកៅអីជួរទី២ ព្រមទាំងមុខងាយប្រព័ន្ធបញ្ជេះរថយន្តដោយមិនចាប់ប្រើសោរ និងប្រព័ន្ធសុវត្ថិភាព VSA និង HSA ផងដែរ។

បន្ថែមពីនេះ ម៉ូឌែល Prestige បំពាក់នូវកញ្ចក់ជំហៀងអូតូ, យ៉ាន់កង់ស្ព័រទំហំ ១៧ អ៊ីញ, កន្លែងដាក់ដៃសម្រាប់កៅអីជួរទីពីរ ខណៈដែល Prestige ក៏បានបំពាក់នូវប្រព័ន្ធសុវត្ថិភាព Honda SENSING និងប្រព័ន្ធកាំមេរ៉ា Honda LaneWatch។

ចំពោះប្រព័ន្ធសុវត្ថិភាព Honda SENSING បានបំពាក់នូវប្រព័ន្ធចាប់ហ្វាំ្រអូតូ, ប្រព័ន្ធជំនួយអ្នកបើកបរអោយនៅក្នុងគន្លងផ្លូវ, ប្រព័ន្ធបន្ថែយល្បឿនអូតូ, ប្រព័ន្ធកំណត់ល្បឿនបើកបរ និងបន្ថយល្បឿនដោយស្វ័យប្រវត្តិតាមល្បឿនរថយន្តខាងមុខ, ប្រព័ន្ធភ្លើងហ្វាបិទបើកអូតូ, ប្រព័ន្ធផ្តល់សញ្ញាពេលរថយន្តនៅខាងមុខមានសកម្មភាព។

រថយន្ត Honda BR-V ប្រើប្រាស់ម៉ាស៊ីនសាំង i-VTEC ចំណុះ ១,៥ លីត្រ ទំហំ ៤ស៊ីទ្បាំង ផលិតកម្លាំង ១២១ សេះ និងកម្លាំងរមួល ១៤៥ ញ៉ូតុនម៉ែត្រ។ យ៉ាងណាមិញចំពោះរថយន្ត Honda BR-V មានតម្លៃចាប់ពី ១៩ ៣៣៣ ដុល្លារ ដល់ ២៣ ៧៦០ ដុល្លារសម្រាប់ទីផ្សារនៅក្នុងប្រទេសឥណ្ឌូនេស៊ី៕

ប្រភព៖ Sanook

ផ្ទាំងផ្សាយពាណិជ្ជកម្ម

រថយន្ត Haval H6 GT ត្រៀមនឹងបង្ហាញខ្លួននៅក្នុងប្រទេសអូស្រ្តាលី នៅឆ្នាំនេះ

January 19, 2022

[ទីផ្សារបរទេស] រថយន្ត Haval H6 គឺរថយន្តដែលទទួលបាននួូវការគាំទ្រយ៉ាងខ្លាំងនៅក្នុងប្រទេសចិន ដូចនេះក្រុមហ៊ុន Great Wall Motors បានធ្វើការសម្រេចចិត្តនាំយកម៉ូឌែលថ្មីឈ្មោះថា Haval H6 GT ថ្មី ទីកាន់ទីផ្សារប្រទេសអូស្រ្តាលី ដែលម៉ូឌែលនេះនឹងក្លាយជាម៉ូឌែលទំនើបបំផុត និងត្រូវបានបង្កើតឡើងដែលប្រើប្រាស់គ្រោងឆ្អឹងដូចគ្នាទៅនឹង Haval H6 ធម្មតា ដែលបានលក់នៅក្នុងប្រទេសចិន។

ជាមួយនឹងការរចនាផ្នែកខាងក្រោយគឺមានលក្ខណៈពិសេស និងទាក់ទាញខ្លាំង ជាក់ស្តែងចង្កៀងក្រោយត្រូវបានរចនាឡើងវិញទាំងស្រុង ខណៈផ្នែកខាងមុខមានការរចនាកាងថ្មីឱ្យមើលទៅកាន់តែស្ព័រ។ បន្ថែមពីនេះ Haval បានផ្តល់អោយរថយន្តនេះនៅប្រព័ន្ធហ្វ្រាំងប្រភេទ Brembo និងសំបកកង់ប្រភេទ Michelin។

រថយន្ត Haval H6 GT មានតួមានប្រវែង ៧៤ ម.ម វែងជាងប្រភេទធម្មតា ទទឹង ៥៤ ម.ម និងកម្ពស់ខ្ពស់ជាង ៥ ម.ម ខណៈប្រវែងកង់មុខ-ក្រោយនៅដដែលគឺ ២,៧៣៨ ម.ម។ ទោះយ៉ាងណា Haval H6 GT មានបាតខ្ពស់ពីដីទាបជាងប្រភេទធម្មតា ៥-៧ មីលីម៉ែត្រ។

សម្រាប់ផ្នែកខាងក្នុងនៃរថយន្តបានបំពាក់ស្តង់ដារមកជាមួយកុងទ័រឌីជីថលទំហំ ១០,២៥អ៊ីញ, អេក្រង់កម្សាន្តទំហំ ១២,៣អ៊ីញ, កៅអីបែបស្ព័រ និងរួមបន្ថែមជាមួយប្រព័ន្ធ ADAS។

ក្នុងប្រទេសអូស្ត្រាលី រថយន្ត Haval H6 GT នឹងដំណើរការដោយម៉ាស៊ីនសាំងចំណុះ ២,០លីត្រ Turbocharged ផលិតកម្លាំងបាន ២០៤ សេះ និងកម្លាំងរមួល ៣២០ ញ៉ូតុនម៉ែត្រ ភ្ជាប់ជាមួយប្រអប់លេខអូតូ dual-clutch ៧វគ្គ។

សម្រាប់ រថយន្ត Haval H6 GT ត្រូវបានគេរំពឹងថានឹងបង្ហាញវត្តមាននៅអាគាតាំងបង្ហាញនាត្រីមាសទី២ ឆ្នាំ២០២២នេះ ជាមួយតម្លៃនៃរថយន្តនឹងប្រកាសបង្ហាញចេញនាពេលក្រោយ៕

ផ្ទាំងផ្សាយពាណិជ្ជកម្ម

Volkswagen Lamando L បង្ហាញខ្លួននៅចិន ជាឡាន Sedan តួវែង ឌីហ្សាញគួរឲ្យទាក់ទាញ

January 19, 2022

[ទីផ្សាររថយន្តបរទេស] បន្ទាប់ពីលេខធ្លាយរូបភាពកាលពីឆ្នាំមុន ឥឡូវនេះក្រុមហ៊ុន Volkswagen បានប្រកាសចេញរថយន្ត Lamando L ជាផ្លូវការ សម្រាប់ទីផ្សារប្រទេសចិន ដែលផ្អែកលើគ្រោងឆ្អឹង MQB Evo architecture ថ្មី។

រថយន្ត Volkswagen Lamando L ថ្មីនេះ ត្រូវបានផលិតនៅក្នុងប្រទេសចិន ដោយក្រុមហ៊ុន Volkswagen-SAIC ហើយមានភាពខុសប្លែកគ្នាពីម៉ូដែល Lamando ធម្មតា។ វាមានការឌីហ្សាញកាត់តាមម៉ូដែល Arteon (ឬម៉ូដែល CC ក្នុងប្រទេសចិន)។

ចំណែកឯតួខ្លួនរបស់វាក៏មានភាពខុសប្លែកពីម៉ូដែលជាច្រើនក្នុងត្រកូល Volkswagen ក្នុងប្រទេសចិនដែរ រួមទាំង ម៉ូដែល Santana, Lavida, Sagitar, Bora, Passat, CC, Lamando, Magotan និង Phideon។ ជាក់ស្តែង ការឌីហ្សាញរបស់វាភាគច្រើនយកតាមត្រកូល ID. ដែលជារថយន្តអគ្គិសនីវិញ។

ផ្នែកខាងក្នុង វាមានបំពាក់កុងទ័រឌីជីថលទំហំ ១០អ៊ីញ និងអេក្រង់កម្សាន្ត Touchscreen ទំហំ ១២អ៊ីញ ព្រមទាំងមានប្រព័ន្ធភ្លើង Ambient Lighting, ដំបូល Sunroof, ប្រព័ន្ធសំឡេង Beats និង កុងទ័រ Heads-up Display ជាដើម។

រថយន្ត Volkswagen Lamando L ថ្មី បំពាក់ម៉ាស៊ីនសាំង turbocharged ចំណុះ ១,៤លីត្រ TSI ទំហំ ៤ស៊ីឡាំង មានកម្លាំង ១៤៨សេះ និងកម្លាំងរមួល ២៥០ញ៉ូតុនម៉ែត្រ ប្រើប៉ុងមុខមួយ និងប្រអប់លេខអូតូ ៧វគ្គ DSG។ រថយន្តនេះនឹងចេញលក់ក្នុងប្រទេសចិន នាប៉ុន្មានខែខាងមុខ ខណៈតម្លៃមិនទាន់ត្រូវបានប្រកាសនៅឡើយទេ៕

ផ្ទាំងផ្សាយពាណិជ្ជកម្ម

ព្រឺរោមជំនួស! ឡាន Bugatti Chiron ជាន់ដល់កុងទ័រ ៤១៧គ.ម/ម៉ លើផ្លូវសាធារណៈ (មានវីដេអូ)

January 19, 2022

[ទីផ្សាររថយន្តបរទេស] Bugatti Chiron គឺជារថយន្តដ៏អស្ចារ្យបំផុតមួយ មិនត្រឹមតែល្បឿនដែលពួកវាអាចជាន់ដល់នោះទេ ប៉ុន្តែកម្រិតផាសុកភាពដែលវាអាចផ្តល់ឲ្យអ្នកបើកបរនៅល្បឿនលឿន។

ជាក់ស្តែងវីដេអូឃ្លីបមួយបានបង្ហាញឲ្យយើងបានឃើញច្បាស់ បន្ទាប់ពីរថយន្ត Bugatti Chiron មួយគ្រឿង បានធ្វើដំណើរជិតដល់កុងទ័រ Top Speed នៅលើផ្លូវសាធារណៈ Autobahn ដែលមិនកំណត់ល្បឿន។

វីដេអូនោះបង្ហាញឲ្យឃើញរថយន្ត Bugatti Chiron ធ្វើដំណើរក្នុងល្បឿន ៤១៧គីឡូម៉ែត្រក្នុងមួយម៉ោង (២៥៩ម៉ាយ៍ក្នុងមួយម៉ោង) ឬ តិចជាងល្បឿនកំណត់ ៤២០គីឡូម៉ែត្រក្នុងមួយម៉ោង (២៦១ម៉ាយ៍ក្នុងមួយម៉ោង) របស់វាត្រឹមតែ ៣គីឡូម៉ែត្រក្នុងមួយម៉ោង (២ម៉ាយ៍ក្នុងមួយម៉ោង) ប៉ុណ្ណោះ។

យ៉ាងណាមិញ អ្វីដែលគេចាប់អារម្មណ៍នោះក្នុងវីដេអូខាងលើ គឺមិនត្រឹមតែល្បឿនដ៏លឿនដែល រថយន្ត Bugatti Chiron អាចរត់ដល់នោះទេ ប៉ុន្តែកម្រិតនៃផាសុកភាពដែលផ្តល់ឲ្យអ្នកបើកបរ គឺពិតមិនអាចកាត់ថ្លៃបានមែន៕

ចង់ដឹងកាន់តែច្បាស់ សូមទស្សនាវីដេអូខាងក្រោម៖

ផ្ទាំងផ្សាយពាណិជ្ជកម្ម

Lamborghini Urus Evo ឆ្នាំ២០២៣ បង្ហាញខ្លួនននលគោក លែងមានអីបិតបាំង ដូចមុន

January 19, 2022

[ទីផ្សាររថយន្តបរទេស] ចាប់តាំងពីបង្ហាញខ្លួនក្នុងឆ្នាំ២០១៧ មក រថយន្ត Lamborghini Urus ទទួលបានជោគជ័យយ៉ាងខ្លាំង ដោយលក់ដាច់បានជាង ១៦ ០០០គ្រឿង ក្នុងរយៈពេល ៤ឆ្នាំ។ ខណៈពេលដែលចំនួនលក់នៅតែខ្លាំង ជាមួយនឹងចំនួនលក់ ៥ ០២១ គ្រឿងក្នុងឆ្នាំ២០២១ ក្រុមហ៊ុន Lamborghini នឹងចេញ Urus ថ្មីនាឆ្នាំនេះ។

គំរូរថយន្តនោះអាចត្រូវបានគេហៅឈ្មោះថា Lamborghini Urus Evo ហើយត្រូវគេប្រមាញ់បានជាច្រើនដង កាលពីដើមឆ្នាំមុន ប៉ុន្តែលើកនេះវាបានបង្ហាញខ្លួនយ៉ាងននលគោក លែងមានអីបិតបាំងដូចមុនទៀតហើយ។

គំរូរថយន្តពណ៌ខ្មៅគ្រើមនោះ បង្ហាញឲ្យឃើញពីការឌីហ្សាញថ្មីនៅផ្នែកខាងមុខ ខុសប្លែកពីម៉ូដែល Urus បច្ចុប្បន្ន។ ក្រៅពីនោះ ផ្នែកចំហៀងភាគច្រើននៅរក្សាដដែល តែមានបំពាក់ការឌីហ្សាញយ៉ាន់កង់ថ្មី និងផ្តល់ជម្រើសពណ៌ថ្មីផងដែរ។ មិនតែប៉ុណ្ណោះ ផ្នែកខាងក្រោយនៃម៉ូដែល Urus Evo ក៏បានផ្លាស់ប្តូរច្រើនដែរ ប៉ុន្តែនៅរក្សាបំពង់ស៊ីម៉ាំង ៤ ដដែល។

យ៉ាងណាមិញ អ្វីដែលជាការផ្លាស់ប្តូរធំបំផុតលើ Urus Evo នោះគឺម៉ាស៊ីនរបស់វា ខណៈរបាយការណ៍អះអាងថា វានឹងមានប្រើម៉ាស៊ីន plug-in hybrid ដែលអាចបង្កើតកម្លាំងសរុបបាន ៨០៨សេះ ខ្លាំងជាងម៉ាស៊ីន twin-turbo ចំណុះ ៤,០លីត្រ V8 ពីមុន ដែលមានកម្លាំងត្រឹម ៦៤១សេះប៉ុណ្ណោះ។

គួរឲ្យដឹងថា ក្រុមហ៊ុន Lamborghini នឹងប្រកាសចេញរថយន្ត Urus Evo នាប៉ុន្មានខែខាងមុខ ដូច្នេះយើងមានតែរង់ចាំមើលតទៅទៀតប៉ុណ្ណោះ៕

ផ្ទាំងផ្សាយពាណិជ្ជកម្ម

M760i Final V12 Edition នឹងក្លាយជាឡាន BMW ប្រើម៉ាស៊ីន V12 ចុងក្រោយបង្អស់

January 19, 2022

[ទីផ្សាររថយន្តបរទេស] ម៉ាស៊ីន BMW V12 កំពុងតែត្រៀមខ្លួនចាកចេញពីពិភពលោក ហើយក្រុមហ៊ុននេះរំពឹងថា នឹងផលិតរថយន្តចុងក្រោយដែលប្រើម៉ាស៊ីនដ៏អស្ចារ្យនោះ។

ដើម្បីអបអរប្រវត្តិរយៈពេល ៣៥ឆ្នាំនៃម៉ាកអាល្លឺម៉ង់ BMW ជាមួយម៉ាស៊ីន V12 នោះ ក្រុមហ៊ុនកំពុងតែផលិតរថយន្ត 7-Series ក្នុងចំនួនមានកំណត់ សម្រាប់ទីផ្សារសហរដ្ឋអាមេរិក។

ផ្អែកលើ BMW M760i xDrive រថយន្តម៉ូដែលពិសេស Final V12 នឹងមានផលិតត្រឹមតែ ១២គ្រឿងប៉ុណ្ណោះសម្រាប់ទីផ្សារនោះ ហើយមានតម្លៃចាប់ពី ២០០ ០០០ដុល្លារក្នុងមួយគ្រឿង។

រថយន្ត BMW M760i xDrive Final V12 នឹងបំពាក់ម៉ាស៊ីនចំណុះ ៦,៦លីត្រ ទំហំ ១២ស៊ីឡាំង ជាមួយ mono-scroll turbochargers ចំនួន ២ ដែលបង្កើតកម្លាំងបានសរុប ៦០១សេះ ប្រើប៉ុងពីរ និងប្រអប់លេខអូតូ ៨វគ្គ។ BMW អះអាងថា វានឹងអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ៣,៦វិនាទីប៉ុណ្ណោះ។

ក្នុងនោះ អ្វីដែលចែកដាក់រវាង Final V12 និងម៉ូដែលធម្មតា គឺ តែម V12 នៅខាងក្រោយ និងយ៉ាន់កង់ទំហំ ២០អ៊ីញ Style 760M double-spoke alloy មានពណ៌ប្រផេះ Window Grey ឬ ខ្មៅ Jet Black ព្រមទាំងដុំហ្វ្រាំងពណ៌ខៀវ ឬ ខ្មៅ។ ក្រៅពីនោះ ក៏មានតែម “THE FINAL V12” នៅលើគម្របម៉ាស៊ីន និង តែម “1 OF 12” នៅកាប៊ីនខាងក្នុងទៀតផង។

សូមបញ្ជាក់ថា ផលិតកម្មនៃរថយន្តនេះ ត្រូវបានគេកំណត់ឲ្យចាប់អារម្មណ៍ នៅក្នុងខែមិថុនា ឆ្នាំ២០២២៕

ផ្ទាំងផ្សាយពាណិជ្ជកម្ម

ម៉ាកឡានអាមេរិកនេះលក់ដាច់ខ្លាំងនៅចិន ប៉ុន្តែបែរធ្លាក់ប្រជាប្រិយភាពនៅទឹកដីកំណើត

January 18, 2022

[ទីផ្សារបរទេស] តាមការចុះផ្សាយរបស់ Automotive News China បានឲ្យដឹង២០២១គឺជាឆ្នាំដំបូងហើយដែលម៉ាករថយន្ត Lincoln អាចលក់រថយន្តនៅប្រទេសចិន បានច្រើនជាងនៅសហរដ្ឋអាមេរិកដែលជាប្រទេសកំណើតរបស់ខ្លួន។

ជាក់ស្ដែងនៅចិនរថយន្តនេះអាចលក់ចេញបានសរុប ៩១ ០០០គ្រឿង នៅពេញមួយឆ្នាំ២០២១ ដែលមានកំណើន ៤៨% ធៀបនឹងចំនួនលក់ឆ្នាំ២០២០។ ចំណែកនៅអាមេរិកចំនួនលក់បានធ្លាក់ចុះ ១៨% មកនៅត្រឹម ៨៦ ៩២៩គ្រឿង ជាតួលេខប្រចាំឆ្នាំទាបបំផុតគិតចាប់តាំងពីឆ្នាំ២០១៣មក។

ហេតុផលដែលការលក់របស់ Lincoln នៅសហរដ្ឋអាមេរិកបានធ្លាក់ចុះអាចដោយសារវិបត្តិខ្វះខាតឈីបសកល ដែលកំពុងបន្តយាយីមកទល់បច្ចុប្បន្ន។ ចំណែកហេតុផលដែលរថយន្តនេះលក់ដាច់នៅចិន គឺដោយសារក្រុមហ៊ុនបានប្រកាសចេញរថយន្តថ្មីដ៏ទាក់ទាញ ដែលបង្កើតឡើងជាពិសេសសម្រាប់ទីផ្សារចិនដូចជារថយន្ត Zephyr រូបរាងថ្មីជាដើម៕

ផ្ទាំងផ្សាយពាណិជ្ជកម្ម