ពិភពលោកនៃពណ៌រថយន្តផ្នែកខាងក្រៅកំពុងតែបោះជំហានតូចមួយចាកចេញពីពណ៌ខ្មៅ ពណ៌ប្រផេះ និងពណ៌ស ដែលបានវាយលុកកាលពីរាប់សិបឆ្នាំកន្លងទៅ។ ដូចជា Porsche ជាដើម កាលពីថ្មីៗនេះបានប្រកាសថាខ្លួននឹងពង្រីកកម្មវិធី Paint to Sample ដើម្បីផ្ដល់ជូនពណ៌ឲ្យកាន់តែច្រើនសម្បូរបែបថែមទៀត។

យ៉ាងណាក្ដីការបង្កើតបានពណ៌ខាងក្រៅមួយៗគឺមិនមែនជារឿងងាយស្រួលឡើយ ដោយពណ៌មួយចំនួនត្រូវប្រើប្រាស់ពេលរហូតដល់ ៣ ទៅ ៤ឆ្នាំ ទើបអាចបង្កើតចេញ និងអនុញ្ញាតឲ្យមានការប្រើប្រាស់បាន។ Daniela Milošević ដែលជាអ្នកឌីហ្សាញមួយរូបប្រចាំផ្នែក Color and Trim Design របស់ក្រុមហ៊ុន Porsche បាននិយាយថារូបនាងត្រូវគិតមុននិន្នាការជាច្រើនឆ្នាំ ដើម្បីអាចប្រាកដថាពណ៌ថ្មីដែលបង្កើតចេញមកគឺត្រូវគ្នានឹងភាពពេញនិយមរបស់រថយន្ត។

នេះក៏ដោយសារពណ៌នីមួយៗដែលនាងបានគិតទុកពីបច្ចុប្បន្ននេះ អាចនឹងចំណាយពេល ៣ ទៅ ៤ឆ្នាំទើបទទួលបានការអនុញ្ញាតឲ្យប្រើប្រាស់។ គ្រប់ទឹកថ្នាំពណ៌ថ្មីទាំងអស់ត្រូវឆ្លងកាត់ការធ្វើតេស្តជាច្រើនដំណាក់កាល ដោយក្នុងនោះការតេស្តដែលប្រើពេលយូរជាងគេគឺតេស្តសមត្ថភាពធន់នឹងធាតុអាកាស។ ការតេស្តធាតុអាកាសនេះធ្វើឡើងដោយលាបទឹកថ្នាំលើបន្ទះមួយ ដែលត្រូវដាក់ឲ្យចំ​ពន្លឺថ្ងៃរយៈពេល២ឆ្នាំ។

បន្ថែមពីនេះមានការធ្វើតេស្តលើសុវត្ថិភាពទាក់ទងនឹងអគ្គីភ័យ ការធ្វើតេស្តជាមួយការធន់នឹងទឹកប្រៃ និងការធ្វើតេស្តជាមួយការប៉ះទង្គិចនឹងថ្មថែមទៀតផង។ ជារៀងរាល់ឆ្នាំ Daniela Milošević និងក្រុមរបស់នាងបានបង្កើតពណ៌ថ្មីចំនួន១២ សម្រាប់រថយន្តម៉ូដែលថ្មី និងប្រភេទថ្មី ដែលជាធម្មតាមានតែពណ៌បួនប៉ុណ្ណោះត្រូវបានជ្រើសរើស៕

ផ្ទាំងផ្សាយពាណិជ្ជកម្ម

រថយន្ត Lexus NX ស៊េរីឆ្នាំ២០២២ ដែលមានការផ្លាស់ប្ដូររូបរាងថ្មី នឹងមានដាក់លក់លើទីផ្សារប្រទេសអូស្ត្រាលីចាប់ពីចុងខែមករាខាងមុខនេះ ជាមួយតម្លៃចាប់ពីប្រមាណ ៤៣ ៣០០ដុល្លារ ដោយមិនទាន់គិតបញ្ចូលថ្លៃចំណាយផ្សេងៗទៀត។

នៅអូស្ត្រាលី រថយន្តថ្មីនេះនឹងមានផ្ដល់ជូនជម្រើសម៉ាស៊ីន៤ប្រភេទ ដោយពីរប្រភេទជាប្រភេទប្រើប្រេងសាំងសុទ្ធ និងមួយប្រភេទជាប្រភេទ Hybrid ហើយមួយទៀតគឺជាប្រភេទ Plug-in Hybrid ដែល Plug-in Hybrid នេះគឺទើបមានជាលើកដំបូងសម្រាប់ Lexus។

តម្លៃរបស់រថយន្តនេះមានចាប់ពី ៤៣ ៣០០ដុល្លារ រហូតដល់ ៦៤ ០០០ដុល្លារ សម្រាប់ប្រភេទ Plug-in Hybrid ដែលជាតម្លៃថ្លៃផុតគេមួយមិនធ្លាប់មានលើត្រកូលរថយន្ត Lexus NX ពីមុនមកឡើយ។

នៅទីផ្សារនេះមានផ្ដល់ជូនជម្រើសច្រើនប្រភេទ ដែលក្នុងនោះរួមមាន NX 250, NX 350h, NX 350 F-Sport, NX 350h F-Sport និង NX 450h+។ សម្រាប់ NX 250 មានប្រើម៉ាស៊ីន ២,៥លីត្រ មានកម្រិតស៊ីប្រេងជាមធ្យម ៦,៩លីត្រ/១០០គ.ម។

ឯ NX 350 មានប្រើម៉ាស៊ីន ២,៤លីត្រ Turbocharged ដែលមានកម្រិតស៊ីប្រេងជាមធ្យម ៨,១លីត្រ។ ចូលដល់ប្រភេទ Hybrid NX 350h មានម៉ាស៊ីន ២,៥លីត្រ ជាមួយម៉ូទ័រអគ្គិសនី ដែលមានកម្រិតស៊ីប្រេងជាមធ្យម ៥,០លីត្រ ខណៈដែល NX 450h+ មានម៉ាស៊ីន ២,៥លីត្រ ជាមួយម៉ូទ័រអគ្គិសនីពីរ មានកម្រិតស៊ីប្រេងជាមធ្យម ១,៣លីត្រ៕

ផ្ទាំងផ្សាយពាណិជ្ជកម្ម

ថ្មីៗនេះក្រុមហ៊ុន Hyundai Motor America នឹងរៀបចំកម្មវិធី N Performance Academy លើកដំបូងរបស់ខ្លួននៅចុងសប្តាហ៍នេះនៅឯ Michelin Raceway Road Atlanta នៅថ្ងៃទី ១៨ ដល់ ១៩ ខែធ្នូ។

សម្រាប់កម្មវិធីនេះត្រូវបានធ្វើឡើងក្នុងការស្វែងរកការផ្តល់ជូនអ្នកចូលចិត្តនូវឱកាសដើម្បីសាកល្បងការបង្ហាញរបស់ Hyundai Veloster N នៅកន្លែងប្រណាំងទ្បានដ៏ល្បី ហើយត្រូវបានរៀបចំឡើងដោយ Bryan Herta Autosport ។ បន្ថែមពីនេះក្រុមហ៊ុនក៏បានចាប់ដៃគូជាមួយក្រុមប្រណាំងដើម្បីបង្កើតរថយន្តប្រណាំង Elantra N Line TCA ដែលបានបង្ហាញខ្លួនក្នុងខែតុលាដើម្បីប្រកួតប្រជែងក្នុង Touring Car America Championship ជាលើកដំបូងនៅខែតុលា នៅ Indianapolis Motor Speedway ។

ក្រុមការងារបាននិយាយថា N Performance Academy ត្រូវបានបង្កើតឡើងក្នុងគោលបំណងអភិវឌ្ឍផាសុកភាព និងទំនុកចិត្តរបស់ពួកគេនៅពេលកំពុងបើកបរ ហើយភ្ញៀវជាង ២០០ នាក់បានចុះឈ្មោះសម្រាប់ព្រឹត្តិការណ៍រយៈពេលពីរថ្ងៃ។

ព្រឹត្តិការណ៍នេះរួមមានផ្លូវរត់ចម្ងាយ ៣,៨គីឡូម៉ែត្រ, 12-corner Road Atlanta track រួមទាំងផ្លូវ Esses និងផ្លូវចុះចំណោត។ អ្នកបើកបរ​ក៏​នឹង​មាន​សិទ្ធិ​ចូល​ទៅ​វគ្គ​សិក្សា​ស្វ័យ​ប្រវត្តិ​បច្ចេកទេស​កាន់​តែ​តឹងរ៉ឹង ដើម្បី​ជួយ​អភិវឌ្ឍ​ជំនាញ​របស់​ពួកគេ។ អ្នកចូលរួមនឹងអាចប្រៀបធៀបកម្រិតនៃការបើកបររបស់ពួកគេជាមួយនឹងអ្នកបើកបរប្រណាំង Hyundai ដែលមានជំនាញ Mason Filippi និង Harry Gottsacker  ពួកគេក៏នឹងផ្តល់ការណែនាំអំពីការបើកបរ ដើម្បីជួយអ្នកដែលចូលរួមរៀនឱ្យបានច្រើនតាមដែលអាចធ្វើទៅបាន។

សម្រាប់រយន្ត​ Hyundai N បានបំពាក់ដោយម៉ាស៊ីនសាំង ២.០ លីត្រ turbocharged  ទំហំ ៤ ស៊ីទ្បាំង ផលិតកម្លាំង ២៧៥ សេះ និងកម្លាំងរមួល ៣៥៣ ញ៉ូវតុនម៉ែ្រ។ជាមួយនឹងប្រអប់លេខ ៨ វគ្គ ឬប្រអប់លេខអូតូ dual-clutch៕

ផ្ទាំងផ្សាយពាណិជ្ជកម្ម