យោងតាមគណនីផ្លូវការរបស់ ឯកឧត្តម ខៀវ កាញ្ញារិទ្ធ រដ្ឋមន្ត្រីក្រសួងព័ត៌មាន បានធ្វើការបង្ហោះឡើងនូវរូបភាពនៃលិខិតសំណើរសុំផ្តល់នូវសេវា Internet ដើម្បីតភ្ជាប់ឧបករណ៍ត្រួតពិនិត្យល្បឿនអចល័តចំនួន ២០ លើ ១០ទីតាំង តាមបណ្តាយផ្លូវជាតិលេខ៣ ដើម្បីរួមចំណែកកាត់បន្ថយគ្រោះថ្នាក់ចរាចរណ៍ផ្លូវគោក។

ជាមួយការបំពាក់នូវឧបករណ៍ត្រួតពិនិត្យល្បឿនអចល័តទាំងចំនួន ២០គ្រឿងនេះ នឹងត្រូវបានធ្វើឡើងក្រោមកិច្ចសហការរវាងអគ្គស្នងការដ្ឋាននគរបានជាតិ និងក្រសួងសាធារណការ និងដឹកជញ្ជូន លើទីតាំងចំនួន ១០ ដែលនឹងស្ថិតនៅតាមបណ្តោយផ្លូវជាតិលេខ៣ ចាប់ពីរង្វង់មូលចោមចៅ ដល់ក្រុងកំពត នៅចំណុចគីឡូម៉ែត្រ ១៨, គីឡូម៉ែត្រ៣៣, គីឡូម៉ែត្រ ៤៣, គីឡូម៉ែត្រ៧៤, គីឡូម៉ែត្រ៨៦, គីឡូម៉ែត្រ១០២, គីឡូម៉ែត្រ ១០៩, គីឡូម៉ែត្រ ១៣៤, គីឡូម៉ែត្រ ១៥១ និងគីឡូម៉ែត្រ ១៦១។ ដើម្បីជ្រាបកាន់តែច្បាស់សូមអាននូវលិខិតសំណើរនៅខាងក្រោម៖

ផ្ទាំងផ្សាយពាណិជ្ជកម្ម

ក្រុមហ៊ុនរថយន្តអង់គ្លេស Jaguar Land Rover បានជួបប្រទះនឹងការខាតបង់ទឹកប្រាក់រាប់រយលានដុល្លារនៅក្នុងត្រីមាសទីបី ដោយសារការលក់ធ្លាក់ចុះ ដែលវិបត្តិឈីបសកលជាដើមហេតុ។

ក្រុមហ៊ុននេះអាចជញ្ជូនរថយន្តជូនអតិថិជនរថយន្តបានសរុប ៦៤ ០៣២គ្រឿង នៅចន្លោះខែកក្កដា និងខែកញ្ញា ដែលមានការថយចុះ ១២,៨% ធៀបនឹងពេលដូចគ្នាកាលពីឆ្នាំ២០២០។ ចំណែកឯការលក់រាយក៏ធ្លាក់ចុះ ១៨,៤% ផងដែរ ដោយមានចំនួន ៩២ ៧១០គ្រឿង។

ការលក់នៅអាមេរិកខាងជើងបានធ្លាក់ចុះ ១៥,៦% ខណៈដែលនៅចិនមានការធ្លាក់ចុះ ៦,៣% ហើយនៅអឺរ៉ុបធ្លាក់ចុះ ១៧% ស្របពេលដែលនៅអង់គ្លេសធ្លាក់ចុះរហូតដល់ ៤៧,៦% ឯណោះ។ រថយន្តដែលលក់ដាច់ជាងគេគឺ Land Rover Defender ដែលលក់បាន ១៦ ៧២៥គ្រឿង កើនឡើង ៧០,៤% ធៀបនឹងត្រីមាសទីបីឆ្នាំ២០២០។

គួរដឹងថា JLR អាចរកប្រាក់ចំណូលបានសរុបប្រមាណ ៥,៣ពាន់លានដុល្លារ ក្នុងត្រីមាសទីបី ខណៈដែល​ការខាតបង់មុនពេលគិតពន្ធគឺមានរហូតដល់ ៤១២លានដុល្លារ។

ផ្ទាំងផ្សាយពាណិជ្ជកម្ម

បើផ្អែកតាមព័ត៌មានដែលលេចចេញលើកម្មវិធី MyChevrolet បានបង្ហាញឲ្យឃើញថារថយន្ត Hummer EV ស៊េរីឆ្នាំ២០២២ ទំនងជាអាចបើកបរបានចម្ងាយរហូតដល់ ៥៣៧គីឡូម៉ែត្រ ពេលសាកមួយពេញ។

យ៉ាងណាក្ដី កម្មវិធីមិនបានបញ្ជាក់ថាវាជា Hummer EV ប្រភេទណានោះទេ ខណៈដែល​គេរំពឹងថាវាជារថយន្ត Hummer EV Edition 1 ដែលចេញលក់លើទីផ្សារមុនគេ ឬជាប្រភេទម៉ូទ័រអគ្គិសនីបី និងប្រភេទម៉ូទ័រអគ្គិសនីភ្លោះដូចជាម៉ូដែល EV3X, EV2X ឬ EV2 ជាដើម។

ទោះយ៉ាងណា រយៈចម្ងាយបើកបរជាង ៥០០គីឡូម៉ែត្រនេះ មិនមានអ្វីគួរឲ្យភ្ញាក់ផ្អើលនោះទេ ព្រោះថាក្រុមហ៊ុន GMC បានសន្យាថារថយន្តនេះអាចបើកបរបានចម្ងាយចន្លោះពី ២៥០ម៉ាយ (៤០០គីឡូម៉ែត្រ) និង ៣៥០ម៉ាយ (៥៦៣គីឡូម៉ែត្រ) ដែលខុសគ្នាទៅតាមម៉ូដែលនីមួយៗ។ គួរដឹងថារថយន្ត Hummer EV រំពឹងថានឹងប្រើប្រាស់ដុំអាគុយចំណុះ ២០០គីឡូវ៉ាត់ម៉ោង៕

ផ្ទាំងផ្សាយពាណិជ្ជកម្ម

រដ្ឋបាល​សុវត្ថិភាព​ចរាចរណ៍​ផ្លូវជាតិ NHTSA ​បាន​បង្ហាញ​ឱ្យ​ដឹង​ថាមនុស្ស​ប្រមាណ ២០ ១៦០​នាក់​បាន​ស្លាប់​ក្នុង​គ្រោះថ្នាក់​ចរាចរណ៍​នៅ​ឆមាស​ទី​មួយ​នៃ​ឆ្នាំ​២០២១។

រដ្ឋាភិបាលសហរដ្ឋអាមេរិកកត់សំគាល់ថាចំនួននេះ បានមានការកើនឡើង ១៨,៤ភាគរយ បើធៀបទៅនឹងឆ្នាំ ២០២០ ហើយជា ចំនួនអ្នកស្លាប់ដែលមានច្រើនបំផុតចាប់តាំងពីឆ្នាំ២០០៦មក។

បើទោះស្ថិតនៅក្នុងបរិបទនៃការរីករាលដាលនៃជំងឺកូវីដ ជា​មួយចំនួនអ្នកស្លាប់មានកើនឡើងនេះ យោងតាមការស្រាវជ្រាវរបស់រដ្ឋាភិបាលបានបង្ហាញថាចំនួនអ្នកបើកបរល្បឿនលឿន និងការបើកបរពុំពាក់ខ្សែក្រេវ៉ាត់ គឺមានកម្រិតខ្ពស់ជាងមុនពេលមុនពេលមានជំងឺឆ្លង ដូច្នេះហើយការគ្រោះថ្នាក់បណ្តាលអោយស្លាប់មានការកើនឡើង។

ក្នុងនោះដែ ដើម្បីប្រយុទ្ធប្រឆាំងនឹងការកើនឡើងនៃអ្នកស្លាប់ នាយកដ្ឋានដឹកជញ្ជូននឹងបង្ហាញចេញនូវយុទ្ធសាស្ត្រសុវត្ថិភាពផ្លូវជាតិ (National Roadway Safety Strategy ) ជាលើកដំបូងដែលមិនធ្លាប់មាននាខែមករាខាងមុខ ដើម្បីរក្សាសុវត្តិភាព និងកាត់បន្ថយការរងរបួសធ្ងន់ធ្ងរ និងការស្លាប់នៅពេលមានគ្រោះថ្នាក់កើតឡើង។

ខណៈពេលយុទ្ធសាស្រ្តថ្មីកំពុងស្ថិតក្នុងដំណាក់កាលរៀបចំ រដ្ឋបាល​សុវត្ថិភាព​ចរាចរណ៍​ផ្លូវជាតិ NHTSA បានប្រកាសពីវិធានការចំនួន៩ ដែលរួមមានកាំមេរ៉ាកំណត់ល្បឿន និងការកំណត់ល្បឿននៃការបើកបរ ដើម្បីកែសម្រួលទៅលើសុវត្ថិភាពនៃការបើកបរផងដែរ៕

ផ្ទាំងផ្សាយពាណិជ្ជកម្ម