មើលរូបរាងឡាន SUV ថ្មីរបស់ចិន ឌីហ្សាញដោយអតីតបុគ្គលិក Land Rover

June 4, 2020

រូបភាពថ្មីនៃរថយន្ត SUV ជំនាន់ចុងក្រោយរបស់ម៉ាកយីហោរថយន្ត Haval បានលេចចេញលើវិបសាយភាសាចិន រួមជាមួយព័ត៌មានខ្លះៗអំពីការឌីហ្សាញថ្មីផងដែរ។

រថយន្ត SUV នេះត្រូវបានឌីហ្សាញឡើងដោយ Phil Simmons ដែលត្រូវបានចាត់តាំងជាអ្នកចាត់ការផ្នែកឌីហ្សាញប្រចាំម៉ាកយីហោ Haval ដោយក្រុមហ៊ុន Great Wall Motors ក្នុងឆ្នាំ ២០១៨ ដោយពីមុនមករូបគេធ្លាប់ជាអ្នកឌីហ្សាញនៅក្រុមហ៊ុនអង់គ្លេស Land Rover។

រចនាបថរបស់ SUV ថ្មីនេះគឺមានជាលក្ខណៈជ្រុងៗ ដែលជារចនាបថទាក់ភ្នែកមួយ។ នៅផ្នែកខាងមុខមានបំពាក់អំពូលភ្លើងរាងមូល និងមានរន្ធខ្យល់ទំហំធំ ហើយកាងខាងមុខមានការរចនាជាពណ៌ខ្មៅរំលេចគ្នាជាមួយពណ៌ទឹកក្រូចនៃតួខ្លួនរថយន្ត។

មើលពីចំហៀងឃើញថារថយន្តនេះមានកម្ពស់ខ្ពស់ និងមានទំហំធំថែមទៀតផង។ ចំណែកផ្នែកខាងក្រោយមានប្រើប្រាស់រចនាបថអំពូលឲ្យសញ្ញាជារាងអក្សរ L ធ្វើឲ្យគេនឹកដល់រថយន្ត Lynk & Co 01 ដែលជា SUV មួយម៉ូដែលទៀតរបស់ចិន។

គួរដឹងថា Haval អាចនឹងបញ្ចេញលក់រថយន្តនេះលើទីផ្សារក្នុងស្រុកចាប់ពីត្រីមាសទី ៣ ឆ្នាំ ២០២០ នេះ៕

ផ្ទាំងផ្សាយពាណិជ្ជកម្ម

Hyundai Santa Fe ស៊េរីថ្មី បង្ហាញមុខមាត់ពិតហើយ!

June 3, 2020

Hyundai បានបង្ហាញចេញជាផ្លូវការនូវរថយន្ត Santa Fe ស៊េរីឆ្នាំ ២០២១ ដោយក្រុមហ៊ុននៅមិនទាន់បានបង្ហាញលក្ខណៈសម្បត្តិទាំងអស់នៅឡើយទេ បង្ហាញត្រឹមការឌីហ្សាញរូបរាងថ្មីជាមុន។

ដូចជារូបភាព Teaser បានបញ្ជាក់ រថយន្ត Santa Fe ថ្មីពិតជាមានរូបរាងខុសពីស៊េរីមុនៗ ត្បិតថាវាមិនទាន់វិវត្តន៍ចូលជំនាន់ថ្មីមួយទៀតមែន។ ផ្នែកខាងមុខមានបំពាក់នូវរន្ធខ្យល់ដែលមានឌីហ្សាញថ្មី អមដោយអំពូលភ្លើងបំភ្លឺពេលថ្ងៃដែលលើកនេះឌីហ្សាញជារាងអក្សរ T ប្លែកភ្នែក។ អំពូលឲ្យសញ្ញានៅផ្នែកខាងក្រោយក៏មានការផ្លាស់ប្ដូរបន្តិចបន្តួចផងដែរ។

Hyundai និយាយថា Santa Fe ថ្មីនេះគឺប្រើប្រាស់គ្រោងឆ្អឹង Hyundai ជំនាន់ទីបី ដែលសន្យាថាផ្ដល់សមត្ថភាពបើកបរល្អប្រសើរជាងមុន, ទប់លំនឹងបានល្អប្រសើរ, សន្សំសំចៃប្រេងឥន្ធនៈ និងផ្ដល់សុវត្ថិភាពបានល្អប្រសើរ។

នៅផ្នែកខាងក្នុងក៏មានការផ្លាស់ប្ដូរដែរ ដោយមានការបំពាក់អេក្រង់ទំហំ ១០,២៥អ៊ីញថ្មី ហើយនៅផ្នែកខាងមុខអ្នកបើកបរគឺមានអេក្រង់ឌីជីថលទំហំ ១២,៣អ៊ីញ សម្រាប់បង្ហាញព័ត៌មាននៃការបើកបរផងដែរ។

Hyundai បានឲ្យដឹងថារថយន្ត Santa Fe ស៊េរីថ្មីនឹងចាប់ផ្ដើមលក់នៅទឹកដីអឺរ៉ុបចាប់ពីខែកញ្ញា ហើយនៅលើទីផ្សារអូស្ត្រាលីចាប់ពីអំឡុងត្រីមាសទី ៣៕

ផ្ទាំងផ្សាយពាណិជ្ជកម្ម

ម៉ាស៊ីន Bentley V8 ចំនួន ៣០គ្រឿងចុងក្រោយ ផលិតរូចរាល់ហើយ

June 3, 2020

Bentley បានសម្រេចចិត្តឈប់ផលិតម៉ាស៊ីន V8 ចំណុះ ៦,៧៥លីត្រ ក្រោយពីបានផលិតវារយៈពេលជាង ៦០ឆ្នាំមកហើយ ពោលគឺចាប់តាំងពីឆ្នាំ ១៩៥៩ មកម្ល៉េះ។

បណ្ដុំម៉ាស៊ីនលើកចុងក្រោយត្រូវបានផលិតដោយដៃរួចរាល់ជាច្រើននាក្នុងសប្ដាហ៍នេះ ដែលវានឹងត្រូវប្រើប្រាស់លើរថយន្ត Mulsanne 6.75 Edition by Mulliner ដែលមានផលិតមានកំណត់ត្រឹម ៣០គ្រឿង ហើយជារថយន្តចុងបញ្ចប់នៃម៉ូដែល Mulsanne ផងដែរ។

រយៈពេលជាង ៦០ឆ្នាំមកនេះ Bentley ផលិតចេញនូវម៉ាស៊ីន V8 នេះបានប្រមាណ ៣៦ ០០០ គ្រឿង ដែលម៉ាស៊ីននេះត្រូវបានផលិតឡើងដោយដៃនៅរោងចក្រនៃទីស្នាក់ការរបស់ក្រុមហ៊ុន។ ម៉ាស៊ីន V8 ជំនាន់ចុងក្រោយនេះអាចផលិតកម្លាំងបាន ៥២៣សេះ៕

ផ្ទាំងផ្សាយពាណិជ្ជកម្ម

នេះហើយអាចជារូបរាងពិតឡាន SUV ថ្មីរបស់ Ford

June 3, 2020

សល់ពេលមិនយូរប៉ុន្មានទៀតទេ រថយន្ត SUV ថ្មីសន្លាងរបស់ Ford គឺ Bronco ស៊េរីឆ្នាំ២០២១ នឹងបង្ហាញខ្លួនជាផ្លូវការ។ ទោះជាយ៉ាងណា រហូតមកទល់ពេលនេះ មានការតាមប្រមាញ់ថត និងរូបបែកធ្លាយជាច្រើន នៅលើបណ្តាញអ៊ីនធឺណិត។ ក្នុងនោះក៏មានការបង្កើតជារូបភាព Render ដោយផ្អែកលើការប្រមាញ់បានទាំងនោះផងដែរ។

ថ្មីៗនេះ រូបថត Render ថ្មីមួយ ត្រូវបានចែកចាយលើបណ្តាញអ៊ីនធឺណិត ដោយបង្ហាញឲ្យឃើញរូបរាងទាំងស្រុងនៃរថយន្ត Ford Bronco ដែលមើលទៅមិនខុសពីរូបថតដែលគេប្រមាញ់បានឡើយ។

គួររំលឹកឲ្យដឹងថា ដំបូងឡើយ Ford Bronco ត្រូវគេកំណត់ឲ្យបង្ហាញខ្លួននៅថ្ងៃទី១៧ ខែមីនា ប៉ុន្តែក្រោយមកក៏ត្រូវពន្យាពេលវិញ។ គេជឿជាក់ថា SUV នេះនឹងផ្តល់ជម្រើសម៉ាស៊ីនចំនួន ២ គឺ ម៉ាស៊ីនចំណុះ ២,៣លីត្រ EcoBoost ទំហំ ៤ស៊ីឡាំង មានកម្លាំង ២៧០សេះ និង ម៉ាស៊ីនចំណុះ ២,៧លីត្រ EcoBoost V6 មានកម្លាំង ៣២៥សេះ ផងដែរ៕

ផ្ទាំងផ្សាយពាណិជ្ជកម្ម

BMW 4 Series Coupe ឆ្នាំ២០២១ បង្ហាញខ្លួនផ្លូវការ ឌីហ្សាញកាត់តាមគំរូឡាន Concept 4

June 3, 2020

ក្រុមហ៊ុន BMW បានប្រកាសចេញរថយន្ត 4 Series Coupe ឆ្នាំ២០២១ ជាផ្លូវការ ដើម្បីប្រជែងនឹង Audi A5 និង Mercedes-Benz C-Class Coupe។

រថយន្ត 4 Series Coupe ថ្មីនេះ ត្រូវបានគេឌីហ្សាញកាត់តាមគំរូរថយន្ត Concept 4 និង 8 Series ហើយមានផ្នែកខាងក្នុងដូចទៅនឹង 3 Series។

រថយន្តនេះមានជម្រើសម៉ាស៊ីនជាច្រើន ដូចជា 420i កម្លាំង ១៨៤សេះ, 430i កម្លាំង ២៥៨សេះ, 420d កម្លាំង ១៩០សេះ, 430d កម្លាំង ២៨៦សេះ, 440d កម្លាំង ៣៤០សេះ និង M440i កម្លាំង ៣៧៤សេះ ផងដែរ។

ជាមួយគ្នានេះ BMW នឹងចេញរថយន្ត 4 Series Coupe ម៉ូដែល 430e ដែលប្រើម៉ាស៊ីន Plug-in Hybrid និងម៉ូដែល M4 ដែលមានកម្លាំងប្រហែល ៥០០សេះ ទៀតផង។

ទោះជាយ៉ាងណាក៏ដោយ BMW មិនទាន់បានប្រកាសពីតម្លៃលក់នៃរថយន្តនេះឡើយ៕

ផ្ទាំងផ្សាយពាណិជ្ជកម្ម

មិនចេះ ឬមិនសូវចេះអក្សរ ក៏អាចប្រឡងយកបណ្ណបើកបរបាន (មានវីដេអូ)

June 3, 2020

ដើម្បីសម្រួលការប្រឡងយកបណ្ណបើកបរ ដល់បងប្អូនប្រជាពលរដ្ឋគ្រប់ៗរូប ក្រសួងសាធារណការ និងដឹកជញ្ជូន បានបង្កើតមុខងារ សំនួរ-ចម្លើយជាសម្លេង ដែលអាចអនុញ្ញាតឲ្យបងប្អូនមិនចេះ ឬ មិនសូវអក្សរ អាចប្រឡងទ្រឹស្តីនៃការបើកបរបាន។

សូមទស្សនាវីដេអូទាំងស្រុងពីក្រសួងសាធារណការ និងដឹកជញ្ជូន!

ផ្ទាំងផ្សាយពាណិជ្ជកម្ម

វីដេអូបង្ហាញឡាន SUV ថ្មីរបស់ Ford បើកលើផ្លូវភក់គ្មានខ្វល់ចិត្ត

June 2, 2020

រថយន្ត Bronco ដែលជា SUV សម្រាប់បើកបរ Off-Road របស់ Ford កាន់តែជិតបង្ហាញមុខមាត់ពិតជាផ្លូវការហើយ ដែលពេលនេះបើតាមវីដេអូបង្ហោះដោយ The Bronco Nation បានឲ្យដឹងថា Ford កំពុងស្ថិតក្នុងដំណាក់កាលធ្វើតេស្តរថយន្តនេះ។

ក្នុងវីដេអូមានបង្ហាញរថយន្ត Bronco ទាំងពីរប្រភេទ ដែលមានប្រភេទទ្វារពីរ និងទ្វារប្រាំ មានបើកបរលើផ្លូវភក់ក្នុងព្រៃទៅមុខយ៉ាងរលូនគ្មានជាប់គាំងសោះឡើយ។ អ្នកធ្លាប់ធ្វើដំណើរលើផ្លូវពិបាក ច្បាស់ជាដឹងថាការរក្សាលំនឹងរថយន្តលើផ្លូវភក់ និងឆ្លងទឹកគឺពិបាកបំផុត ប៉ុន្តែមើលទៅរថយន្ត Bronco អាចធ្វើបានដោយងាយ។

គួរដឹងថា Ford ដើមឡើយគឺមានផែនការបង្ហាញរថយន្ត Bronco ជំនាន់ថ្មីនៅថ្ងៃទី ១៧ ខែមីនា ប៉ុន្តែថ្ងៃប្រកាសចេញនេះត្រូវបានលើកពេលព្រោះតែជំងឺកូវីដ១៩។ មកទល់បច្ចុប្បន្នគេមិនទាន់ដឹងកាលបរិច្ឆេទប្រកាសចេញច្បាស់លាស់នៅឡើយទេ៕

ផ្ទាំងផ្សាយពាណិជ្ជកម្ម

ឡាន Genesis G80 ស៊េរីឆ្នាំ ២០២១ ត្រូវគេយករត់តាក់ស៊ីនៅកូរ៉េខាងត្បូង

June 2, 2020

ក្រោយពីបានបង្ហាញមុខ និងចេញលក់លើទីផ្សារបានមិនយូរប៉ុន្មានផងនោះ នាពេលនេះគេប្រទះឃើញរថយន្ត Genesis G80 ស៊េរីថ្មីឆ្នាំ ២០២១ ត្រូវបានគេប្រើប្រាស់ធ្វើជាតាក់ស៊ីនៅប្រទេសកូរ៉េខាងត្បូង។

រូបភាពដែលគេបានចែកចាយលើអនឡាញនៅ Bobaedream បានបង្ហាញអំពីរថយន្ត Genesis G80 ពណ៌ស បើកបរលើដងផ្លូវ ហើយមានដាក់ផ្លាកតាក់ស៊ីនៅលើដំបូងរថយន្ត។ វាអាចមិនចម្លែកនោះទេដែលរថយន្តប្រណីតស៊េរីថ្មីត្រូវបានគេប្រើប្រាស់ជាតាក់ស៊ី ដោយរថយន្តនេះមានផលិតនៅកូរ៉េខាងត្បូង ដែលអាចធ្វើឲ្យវាមានតម្លៃធូរ ក្លាយជាជម្រើសតាក់ស៊ីប្រណីតដ៏ល្អមួយ មិនខុសអីពីនៅអាល្លឺម៉ង់ ដែលគេយករថយន្ត Mercedes-Benz ធ្វើជាតាក់ស៊ីនោះទេ។

គួរដឹងថានៅកូរ៉េខាងត្បូង រថយន្តប្រណីត Genesis G80 ស៊េរីឆ្នាំ ២០២១ នេះមានតម្លៃចាប់ពីប្រមាណ ៤២ ០០០ដុល្លារ៕

ផ្ទាំងផ្សាយពាណិជ្ជកម្ម

ស្ងាត់ៗ Chevrolet បង្ហាញតម្លៃឡាន Corvette ឆ្នាំ២០២១ បាត់!

June 2, 2020

យោងតាមប្រភពព័ត៌មានឲ្យដឹងថា ក្រុមហ៊ុន Chevrolet នឹងបន្តដាក់លក់រថយន្តស្ព័រ Corvette Stingray ស៊េរីឆ្នាំ២០២១ របស់ខ្លួន ក្នុងតម្លៃចាប់ពី ៥៩ ៩៩៥ដុល្លារ ដូចស៊េរីឆ្នាំ២០២០ អីចឹងដែរ។

រថយន្ត Chevrolet Corvette Stingray ថ្មី នឹងមានការផ្លាស់ប្តូរដ៏ធំមួយ គឺ ប្រព័ន្ធបូម Magnetic Ride Control ដែលនឹងក្លាយជា Option ដាច់ដោយឡែកតែឯង ដែលមានន័យថា អតិថិជនមិនបាច់ទិញ Option “Z51 Performance Package” ឡើយ ប្រសិនបើពួកគេចង់បានប្រព័ន្ធបូមនេះ។

បន្ថែមពីនេះ Chevrolet នឹងបោះបង់ពណ៌ចំនួន ២ គឺ ពណ៌ទឹកប្រាក់ Blade Silver និង ក្រហម Long Beach Red ប៉ុន្តែបន្ថែមពណ៌ទឹកប្រាក់ Silver Flare និង ក្រហម Red Mist Metallic វិញ។

គួរឲ្យដឹងថា Chevrolet លក់ដាច់រថយន្ត Corvette Stingray ឆ្នាំ២០២០ សរុបចំនួន ២០ ១៨១គ្រឿងឯណោះ៕

ផ្ទាំងផ្សាយពាណិជ្ជកម្ម

តូចតែខ្លឹម! ឡានស្ព័រ Toyota GR Yaris RS ចេញលក់នៅជប៉ុនហើយ!

June 2, 2020

ក្រុមហ៊ុន Toyota បានប្រកាសចេញរថយន្តស្ព័រខ្នាតតូច ម៉ូដែល GR Yaris RS ជាផ្លូវការ សម្រាប់ទីផ្សារប្រទេសជប៉ុន។

គួរឲ្យដឹងថា រថយន្ត Toyota GR Yaris មានសរុបចំនួន ៣ ម៉ូដែល គឺ RZ, RC និង RS នេះ។ GR Yaris RS នឹងបំពាក់ម៉ាស៊ីនសាំងចំណុះ ១,៥លីត្រ naturally aspirated ទំហំ ៣ស៊ីឡាំង មានកម្លាំង ១១៨សេះ ប្រើប្រអប់លេខអូតូ Direct Shift-CVT និងប៉ុងមួយវិលកង់មុខ។

Toyota អះអាងថា RS នេះផ្តល់នូវដំណើរការ និងកម្លាំងសមល្មមមួយ ដែលអ្នកអាចទទួលបានបទពិសោធន៍បើកបរដ៏សប្បាយ និងអស្ចារ្យមួយ។ ជាមួយគ្នានេះ វាក៏មានបំពាក់បន្ទះដាក់លេខនៅលើដៃចង្កូត ដើម្បីផ្តល់បទពិសោធន៍ឲ្យដូចរថយន្តប្រើលេខដៃទៀតផង។

មិនតែប៉ុណ្ណោះ GR Yaris RS មានទម្ងន់ស្រាល ត្រឹមតែ ១ ១៣០គីឡូក្រាមប៉ុណ្ណោះ ហើយក៏ទទួលបានការអាប់ដេតលើប្រព័ន្ធជើងក្រោម, ប្រព័ន្ធហ្វ្រាំង និងគ្រឿងលេងលើតួខ្លួនផងដែរ៕

ផ្ទាំងផ្សាយពាណិជ្ជកម្ម