ត្រឹម ៤ឆ្នាំ Bentley អាចផលិតឡាន Bentayga បានដល់ ២ម៉ឺនគ្រឿង

June 6, 2020

Bentley បានសម្រេចរួចរាល់លើការផលិតរថយន្ត Bentayga គ្រឿងទី ២ម៉ឺន ក្រោយពីរថយន្តនេះចេញលក់បានរយៈពេល ៤ឆ្នាំប៉ុណ្ណោះ។ ២ម៉ឺនគ្រឿង អាចថាមិនមែនជាចំនួនច្រើននោះទេ ប៉ុន្តែវាច្រើនសម្រាប់ក្រុមហ៊ុនផលិតរថយន្តប្រណីតតម្លៃថ្លៃដូចជា Bentley។

Bentley Bentayga គឺជារថយន្ត SUV ប្រណីតដំបូងរបស់ក្រុមហ៊ុន ដែលមានកម្លាំងខ្លាំង ហើយមានប្រណីតភាពខ្ពស់ ដែលប្រណីតលើសពីរថយន្ត Range Rover ទៅទៀត។ ក្រោយពី Bentley បានបញ្ចេញរថយន្ត SUV ដំបូងរបស់ខ្លួន មានក្រុមហ៊ុនផ្សេងទៀតបានធ្វើតាម ដូចជា Lamborghini ជាមួយម៉ូដែល Urus និង Rolls-Royce ជាមួយម៉ូដែល Cullinan ដែលក្រុមហ៊ុនទាំងពីរសុទ្ធតែទទួលបានជោគជ័យលើការលក់រថយន្ត SUV ដំបូងរបស់ខ្លួន។

រថយន្ត Bentayga មួយគ្រឿងៗគឺចំណាយពេលលើសពី ១០០ម៉ោង លើសង្វាក់ផលិតកម្ម ដែលមានក្រុមនៃបុគ្គលិក ២៣០នាក់ ចាំដំឡើងរថយន្តដោយដៃផ្ទាល់។ បច្ចុប្បន្ននេះ Bentayga មានជម្រើស ៥ ប្រភេទខុសគ្នា និងមានជម្រើសម៉ាស៊ីន ៤ប្រភេទ ឲ្យជ្រើសរើស៕

ផ្ទាំងផ្សាយពាណិជ្ជកម្ម

ទាយមើល Audi RS6 Avant តម្លៃ១០ម៉ឺន អាចយកឈ្នះ Lamborghini Urus តម្លៃ២០ម៉ឺនបានអត់? (វីដេអូ)

June 6, 2020

ប្រិយមិត្តប្រហែលជាដឹងរួចមកហើយថា ក្រុមហ៊ុន Audi និង Lamborghini ស្ថិតនៅក្រោមក្រុមហ៊ុន VW Group។ មិនតែប៉ុណ្ណោះ រថយន្ត Audi RS6 Avant និង Lamborghini Urus សុទ្ធតែប្រើម៉ាស៊ីន twin-turbocharged ចំណុះ ៤,០លីត្រ V8 TFSI ដូចគ្នាទៀត។

ដោយឡែក Audi RS6 Avant មានកម្លាំងត្រឹម ៥៩២សេះ ហើយមានតម្លៃចាប់ពីខ្ទង់ ១០ម៉ឺនដុល្លារ ខណៈ Lamborghini Urus មានកម្លាំង ៦៥០សេះ ហើយមានតម្លៃចាប់ពីខ្ទង់ ២០ម៉ឺនដុល្លារឯណោះ។ រថយន្តទាំងពីរសុទ្ធតែប្រើប្រអប់លេខអូតូ ៨វគ្គ ហើយមានទម្ងន់ប្រហាក់ប្រហែលគ្នាទៀតផង។

ថ្មីៗនេះគេបានយករថយន្ត Audi RS6 Avant ទៅប្រណាំងលើផ្លូវលាតត្រង់ជាមួយនឹង Lamborghini Urus។ ចង់ដឹងយ៉ាងណាសូម ទស្សនាវីដេអូខាងក្រោម៖

ផ្ទាំងផ្សាយពាណិជ្ជកម្ម

ស្ងាត់ៗ បែកធ្លាយរូបឡាន BMW M4 ឆ្នាំ២០២១ បាត់!

June 5, 2020

បន្ទាប់ពីរថយន្ត BMW 4-Series ថ្មីបង្ហាញខ្លួនបានតែប៉ុន្មានថ្ងៃប៉ុណ្ណោះ ស្រាប់តែរូបថតនៃរថយន្ត BMW M4 ត្រូវបានបែកធ្លាយលើបណ្តាញអនឡាញបាត់។

ទោះជាយ៉ាងណាក៏ដោយ គេមិនបានដឹងឡើយថារូបនោះថតនៅទីណា ប៉ុន្តែវាបានបង្ហាញឲ្យឃើញនូវពណ៌ប្រផេះថ្មីលើ M4 ហៅថា Gunmetal Grey។

ជាការពិតណាស់ អ្វីដែលជាចំណុចទាក់ទាញ ហើយក៏ជាចំណុចដ៏ចម្រូងចម្រាស់បំផុតនោះគឺ ការឌីហ្សាញផ្នែកខាងមុខរបស់វា បើនិយាយឲ្យចំ គឺប៉ាណាមុខតែម្តង។

យ៉ាងណាក៏ដោយ គេបានដឹងថា BMW M4 ថ្មី នឹងបំពាក់ម៉ាស៊ីនចំណុះ ៣,០លីត្រ twin-turbocharged ទំហំ ៦ស៊ីឡាំង ដូច X3 M និង X4 M ដែរ ហើយមានកម្លាំង ៤៧៣សេះ សម្រាប់ម៉ូដែល M4 ធម្មតា និង ៥០៣សេះ សម្រាប់ម៉ូដែល M4 Competition។ M4 ថ្មីនឹងប្រើប្រព័ន្ធប៉ុងពីរ AWD ប៉ុន្តែក៏មានកន្លែងសារ៉េឲ្យវាដំណើរការតែប៉ុងមួយវិលកង់ក្រោយ RWD បានផងដែរ៕

ផ្ទាំងផ្សាយពាណិជ្ជកម្ម

ផ្លូវការ! Ford Bronco ឆ្នាំ២០២១ នឹងបង្ហាញខ្លួននៅខែក្រោយ!

June 5, 2020

រថយន្ត Ford Bronco ស៊េរីឆ្នាំ២០២១ ត្រូវបានគេកំណត់ឲ្យបង្ហាញខ្លួននៅក្នុងខែមីនា ប៉ុន្តែដោយសារតែជំងឺកូវីដ១៩ ក៏ត្រូវពន្យាពេលវិញ។

ឥឡូវនេះ ក្រុមហ៊ុន Ford បានបញ្ជាក់សារឡើងវិញថា រថយន្ត SUV នេះ នឹងបង្ហាញខ្លួននៅខែក្រោយតែម្តង។ ទោះជាយ៉ាងណា គេមិនទាន់ដឹងនៅឡើយទេថា Bronco នឹងបង្ហាញខ្លួននៅទីណា។

រថយន្តដែលគូប្រជែងរបស់ Jeep Wrangler ខាងលើ មានការឌីហ្សាញបែបជ្រុងៗ ជាមួយនឹងចង្កៀងមុខ LED រាងមូលៗ។

គេជឿជាក់ថា SUV នេះនឹងផ្តល់ជម្រើសម៉ាស៊ីនចំនួន ២ គឺ ម៉ាស៊ីនចំណុះ ២,៣លីត្រ EcoBoost ទំហំ ៤ស៊ីឡាំង មានកម្លាំង ២៧០សេះ និង ម៉ាស៊ីនចំណុះ ២,៧លីត្រ EcoBoost V6 មានកម្លាំង ៣២៥សេះ ផងដែរ៕

ផ្ទាំងផ្សាយពាណិជ្ជកម្ម

មើលរូបរាងច្បាស់ៗបន្ថែមទៀតនូវឡានអគ្គិសនី SUV ដែលត្រូវជាគូប្រជែងរបស់ Tesla Model X

June 5, 2020

c និងជាម្ចាស់ក្រុមហ៊ុន Dyson បានបង្ហាញឲ្យឃើញនូវរូបរាងខ្លះៗនៃរបស់រថយន្តអគ្គិសនីខ្លួន ដែលគម្រោងការផលិតរថយន្តនេះត្រូវបានរំសាយចោលកាលពីខែតុលាឆ្នាំកន្លងទៅ។

នាពេលនេះមានការបញ្ចេញជារូបភាព និងវីដេអូច្បាស់ៗបន្ថែមទៀតនៃរថយន្តដែលគេឲ្យឈ្មោះថា N526 ដែលវាត្រូវក្លាយជាគូប្រជែងដ៏ខ្លាំងក្លាមួយរបស់ Tesla Model X។ រថយន្តនេះមានម៉ូទ័រអគ្គិសនីពីរ ដែលអាចផលិតកម្លាំងបានប្រមាណ ៥៣៦សេះ ដែលអាចស្ទុះពី ០-១០០គ.ម/ម៉ ក្នុងពេល ៤,៨វិនាទី ជាមួយល្បឿនអតិបរមា ២០១គ.ម/ម៉។

អាគុយនៃរថយន្តនេះអាចផ្ដល់ការបើកបរបានរយៈចម្ងាយរហូតដល់ ៩៦៥ គ.ម ដែលនេះជាចំណុចមួយដែលលេចធ្លោលើសពី Tesla Model X ដោយសម្រាប់ Model X មាន Option Long Range+ អាចជិះបានចម្ងាយត្រឹម ៥៦៤ គ.ម ប៉ុណ្ណោះ។

គួរដឹងថាលោក James Dyson បានចំណាយទឹកប្រាក់ផ្ទាល់ខ្លួនប្រមាណ ៦៣០លានដុល្លារ សម្រាប់គម្រោងការផលិតរថយន្តនេះ មុននឹងគម្រោងការត្រូវបានរំសាយចោល។ បើនិយាយក្នុងនាមជាក្រុមហ៊ុន Dyson វិញ គេបានគ្រោងថាបណ្ដាក់ទុន ៣,១៥ពាន់លានដុល្លារ ក្នុងការបង្កើតជំនួញរថយន្តអគ្គិសនីនេះ៕

ផ្ទាំងផ្សាយពាណិជ្ជកម្ម

Ferrari Enzo ក្លាយជាឡានដែលដេញថ្លៃលើអនឡាញបានថ្លៃជាងគេបំផុត

June 5, 2020

អ្នកប្រមូលទិញរបស់របរមានតម្លៃមួយរូប បានហ៊ានចំណាយទឹកប្រាក់ ២,៦៤លានដុល្លារ ដើម្បីទិញយករថយន្ត Ferrari Enzo ស៊េរីឆ្នាំ ២០០៣ ពីការដេញថ្លៃដែលធ្វើឡើងតាមរយៈអនឡាញទាំងស្រុង។ តម្លៃនេះបានធ្វើឲ្យ Ferrari Enzo មួយគ្រឿងនេះក្លាយជារថយន្តដែលលក់ដេញថ្លៃលើអនឡាញបានថ្លៃខ្ពស់ជាងគេ។

រថយន្ត Ferrari Enzo ជារថយន្តកម្រមួយ ដែលគេឲ្យតម្លៃខ្លាំង ដោយសារវាមានផលិតត្រឹម ៤០០គ្រឿងប៉ុណ្ណោះ ក្នុងនោះមានមួយម៉ូដែលត្រូវបានបរិច្ចាគដល់ Vatican សម្រាប់ទង្វើសប្បុរសធម៌ ហើយរថយន្តដែលបរិច្ចាគនេះត្រូវបានគេយកមកដាក់ដេញថ្លៃ ក្នុងកម្មវិធីរៀបចំឡើងដោយ RM Sotheby’s។

ក្រៅពីរថយន្តនេះ មាន Ferrari មួយម៉ូដែលទៀតក៏ទទួលបានតម្លៃខ្ពស់គួរសមដែរក្នុងកម្មវិធីដេញថ្លៃដដែលនេះ។ ជាក់ស្ដែងរថយន្ត Ferrari 288 GT0 ឆ្នាំ ១៩៥៨ មួយគ្រឿង ត្រូវបានលក់ចេញក្នុងតម្លៃ ២,៣១លានដុល្លារ៕

ផ្ទាំងផ្សាយពាណិជ្ជកម្ម

មិនដល់៥នាទីផង ឡាន Honda Civic Type R Limited Edition លក់អស់ពីស្តុក

June 4, 2020

រថយន្ត Honda Civic Type R Limited Edition ស៊េរីឆ្នាំ២០២០ ពិតជាបានបញ្ជាក់ថាខ្លួនមានគេចាប់អារម្មណ៍ច្រើន បន្ទាប់ពីលក់ដាច់អស់គ្មានសល់ ក្នុងរយៈពេលត្រឹម ៤នាទី នៅប្រទេសកាណាដា។

រថយន្ត Civic Type R Limited Edition នេះ មានលក់នៅក្នុងប្រទេសកាណាដាត្រឹមតែ ១០០គ្រឿងប៉ុណ្ណោះ ហើយវាក៏លក់ដាច់អស់ភ្លាមៗដែរ បន្ទាប់ពីបើកឲ្យមានការបញ្ជាទិញតាមអនឡាញ ដែលតម្រូវឲ្យកក់លុយមុន ១ ០០០ដុល្លារ។

រថយន្ត Sedan ស្ព័រម៉ូដែលពិសេសនេះនឹងមានតែមួយពណ៌ប៉ុណ្ណោះ គឺពណ៌លឿង Phoenix Yellow ឬគេហៅម្យ៉ាងទៀតថា Sunlight Yellow។ Civic Type R Limited Edition ខុសពី Civic Type R ធម្មតា ដូចជា មានទម្ងន់ស្រាលជាង, ដំណើរការកាន់តែប្រសើរលើទីលាន, បំពាក់យ៉ាន់ BBS ប្រភេទ Forged, កាត់បន្ថយសំឡេងរំខាន និងដករបស់មិនចាំបាច់មួយចំនួនចេញ ជាដើម។

រថយន្តនេះបំពាក់ម៉ាស៊ីនសាំងចំណុះ ២,០លីត្រ turbocharged ទំហំ ៤ស៊ីឡាំង VTEC មានកម្លាំង ៣០៦សេះ ប្រើប្រអប់លេខដៃ ៦វគ្គ៕

ផ្ទាំងផ្សាយពាណិជ្ជកម្ម

ចេញហើយ Toyota Fortuner ថ្មី មានបន្ថែមម៉ូដែលពិសេសមួយទៀត

June 4, 2020

ក្រុមហ៊ុន Toyota បានប្រកាសចេញរថយន្ត Fortuner ស៊េរីថ្មីរបស់ខ្លួនជាផ្លូវការ នៅក្នុងប្រទេសថៃ ប៉ុន្តែមិនបានផ្លាស់ប្តូរអ្វីច្រើនឡើយ ក្រៅពីប៉ាណាមុខ, ចង្កៀង និងការឌីហ្សាញកាង ព្រមទាំងបន្ថែមមុខងារពិសេសមួយចំនួនទៀត ផងដែរ។

រថយន្ត Toyota Fortuner បំពាក់ម៉ាស៊ីនម៉ាស៊ូតចំណុះ ២,៤លីត្រ និង ២,៨លីត្រ turbo ទំហំ ៤ស៊ីឡាំង កម្លាំងពី ១៧៧ ទៅ ២០៤សេះ ហើយមានទាំងជម្រើសប្រអប់លេខដៃ និងអូតូ ៦វគ្គ រួមទាំងជម្រើសប៉ុងមួយ និងប៉ុងពីរផងដែរ សម្រាប់ទីផ្សារប្រទេសថៃ។

អ្វីដែលគួរឲ្យភ្ញាក់ផ្អើលនោះគឺ Toyota បានបន្ថែម Fortuner ម៉ូដែលពិសេសមួយទៀត ហៅថា Fortuner Legender ដែលមានតម្លៃចន្លោះចាប់ពី ៤៩ ៤០០ដុល្លារ ទៅ ៥៨ ០០០ដុល្លារ ខណៈ Fortuner ធម្មតាមានតម្លៃចាប់ពី ៤១ ៧០០ដុល្លារ ទៅ ៤៤ ៧០០ដុល្លារប៉ុណ្ណោះ៕

ផ្ទាំងផ្សាយពាណិជ្ជកម្ម

ទោះមានកូវីដ១៩ ក៏តូយ៉ូតាថៃបញ្ចេញរូបរាងថ្មីរបស់ Hilux Rocco

June 4, 2020

បើទោះជាជម្ងឺរាតត្បាតសកលកូវីដ១៩ នៅតែមាន ក៏ក្រុមហ៊ុនតូយ៉ូតាថៃឡង់បានបញ្ចេញនូវរូបរាងដ៏ថ្មីសន្លាងគឺរថយន្ត Toyota Hilux Revo Rocco។ តោះ ទាន់ចេញថ្មីៗ ខេមបូអូតូសូមបង្ហាញចំណុចសំខាន់ត្រួសៗ ខាងក្រោម។ បើនិយាយពីប្រភេទ របស់ Hilux Revo មាន ៤ ម៉ូដែលធំៗ ដូចបានរៀបរាប់ខាងក្រោម តែយើងសូមនិយាយតែពីម៉ូដែលខ្ពស់ជាងគេគឹ Hilux Revo Rocco។

អ្វីដែលយើងឃើញមានការផ្លាស់សំខាន់គឺផ្នែកខាងក្រៅទាំងស្រុង ពិសេសផ្នែកខាងមុខផ្នែកចង្កៀងតែម្តង។

ពិសេសទៀតនោះ គឺមានបំពាក់ជាមួយប្រព័ន្ធសុវត្ថិភាព Toyota Safety Sense ដែលមាន ប្រព័ន្ធការពារការបុក PCS ប្រពន្ធរក្សាគន្លងផ្លូវ/ផ្តល់សញ្ញា LDA និងប្រព័ន្ធកំណត់ល្បឿនស្វ័យប្រវត្តិ DRC

ផ្នែកខាងក្នុង ដូចជាមិនមានអ្វីផ្លាស់ប្តូរគ្រៅពីកុងទ័រ និងបំពាក់ជាមួយប្រព័ន្ធកំសាន្តទំហំ ៨អុីញ ដែលមានមុខងារ Apple CarPlay តែប៉ុណ្ណោះ។

ឬឯពណ៌វិញគឺមានចំនួន ៤ សម្រាប់ជ្រើសរើស៖

ផ្ទាំងផ្សាយពាណិជ្ជកម្ម

មើលរូបរាងពិតនៃគូប្រជែងថ្មីរបស់ Tesla Cybertruck

June 4, 2020

ក្រុមហ៊ុនផលិតរថយន្តអគ្គិសនីដែលទើបដំណើរការថ្មីថ្មោងឈ្មោះ Lordstown Motors ដែលបានទិញរោងចក្រផលិតរថយន្តនៅ Ohio ពី Ford នោះ រំពឹងថាបង្ហាញរថយន្តភីកអាប់អគ្គិសនីរបស់ខ្លួននាចុងខែមិថុនា។

ផែនការពីដំបូងគឺក្រុមហ៊ុនចង់បង្ហាញរថយន្តម៉ូដែល Endurance របស់ខ្លួនក្នុងកម្មវិធីតាំងបង្ហាញរថយន្ត Detroit Auto Show នាខែក្រោយ ប៉ុន្តែដោយសារកម្មវិធីត្រូវរំសាយ ទើបមានការផ្លាស់ប្ដូរផែនការ ត្រូវបង្ហាញរថយន្តតាមកម្មវិធីអនឡាញនាចុងខែមិថុនានេះវិញ។

ដើម្បីឲ្យការរង់ចាំការបង្ហាញកាន់តែរំជើបរំជួលនោះ Lordstown Motors បានបង្ហោះរូបភាពពិតៗបង្ហាញពីរូបរាងរថយន្តនៅលើវិបសាយរបស់ខ្លួនជាមុន។ ចំពោះលក្ខណៈសម្បត្តិរបស់ភីកអាប់អគ្គិសនីនេះ គេដឹងថាវានឹងមានបំពាក់ម៉ូទ័រអគ្គិសនីចំនួនបួនសម្រាប់ផ្ដល់កម្លាំងដល់កង់ទាំងអស់ ដែលមានកម្លាំងសរុប ៦០០សេះ អាចឲ្យវាស្ទុះពី ០-៩៦ គ.ម/ម៉ ក្នុងពេល ៥,៥វិនាទី ហើយវាមានល្បឿនអតិបរមាដែលកំណត់ត្រឹម ១២៨ គ.ម/ម៉។

ក្រុមហ៊ុនបានអះអាងថារថយន្ត Endurance នេះអាចបើកបរបានចម្ងាយ ៤០២ គីឡូម៉ែត្រ ពេលសាកភ្លើងពេញម្ដង។ អាគុយរបស់រថយន្តអាចសាកពី ០ ដល់ ៩៥% ក្នុងពេល ១០ម៉ោង ដោយប្រើប្រាស់ឆ្នាំងសាក Level 2 7kw ឬចំណាយពេល ៣០នាទី ទៅ ១,៥ម៉ោង ដោយប្រើឆ្នាំងសាក Level 3 DC។

គួរដឹងថារថយន្ត Endurance នេះនឹងមានដាក់លក់ក្នុងតម្លៃ ៥២ ៥០០ដុល្លារ៕

ផ្ទាំងផ្សាយពាណិជ្ជកម្ម