[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញនៅរថយន្ត Toyota Kayoibako ប្រភេទ van ខ្នាតតូច ប្រើថាមពលអគ្គិសនីសុទ្ធ នៅឯពិរព័ណ៌រថយន្ត Japan Mobility Show 2023 ដែលកំពុងធ្វើឡើងនៅប្រទេសជប៉ុន ។
គំរូរថយន្តនេះ មានទំហំប្រហាក់ប្រហែលទៅនឹងរថយន្ត Toyota Yaris ដោយមានប្រវែងតួខ្លួនសរុប ៣ ១២៧ ម.ម ទទឹង ១ ៤៨៥ ម.ម កំពស់ ១ ៤៣៧ ម.ម និងប្រវែងគន្លាតក់ងមុខ-ក្រោយ ៣ ៩៩០ ម.ម ។ សម្រាប់ការឌីស្សាញនៅផ្នែកខាងក្រៅ មានលក្ខណៈប្រអប់ជ្រុង ដោយមានបំពាក់ចង្កៀងមុខ-ក្រោយបែប futuristic LED ទ្វារូតចំហៀង និងកញ្ចក់រាងស្លីមជាដើម ។
ចំពោះនៅផ្នែកក្នុងវិញ ត្រូវបានឌីស្សាញឡើងផ្តល់នៅទំហំធំទូលាយ ដែលអាចផ្ទុកបានច្រើន ដែលផ្តល់ជូនកៅអីចំនួនមួយផ្ទាល់ខ្លួនសម្រាប់ធ្វើការ ឬផ្សេងៗទៀតបានច្រើនរបៀប ។ អ្វីដែលគួរឲ្យចាប់អារម្មណ៍បំផុតនោះ គឺកៅអីប្រភេទស្ព័រប្រើរទេះរុញបានជាមួយថាសកង់កង់ទំហំធំ ហ្វ្រាំងពណ៌ក្រហម និងស្រោបដោយសំបកកង់ប្រភេទ grippier ។
គួរបញ្ជាក់ផងដែរថា ក្រុមហ៊ុនផលិតរថយន្ត Toyota មិនបានចែករំលែកព័ត៌មានច្រើនអំពីគ្រោងឆ្អឹង និងថាមពលអគ្គិសនីនៅឡើយទេ គ្រាន់តែបបញ្ជាក់ថាវាជារថយន្តអគ្គិសនីសុទ្ធ ហើយគ្មានការបំភាយឧស្ម័នបំពុលប៉ុណ្ណោះ ៕
