[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅភីកអាប់ Nissan Frontier ស៊េរីឆ្នាំ ២០២៥ មុខមាត់ថ្មី សមត្ថភាពខ្លាំងជាងមុន គ្រោងនឹងចេញលក់ជាផ្លូវការនៅក្នុងរដូវក្តៅខាងមុខនេះ នៅទីផ្សារសហរដ្ឋអាមេរិក ។
Nissan Frontier ស៊េរីឆ្នាំ ២០២៥ ថ្មីនេះ ដំណើរការដោយម៉ាស៊ីនម៉ាស៊ូតចំណុះ ៣,៨ លីត្រ V6 អាចផលិតកម្លាំងបាន ៣១០ សេះ និងកម្លាំងរមួល ៣៨០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩វគ្គ ព្រមទាំងមានសមត្ថិភាពអូសសណ្តោងបានធ្ងន់ជាងមុនគឺដល់ទៅ ៣២៤៣ គីឡូក្រាម ។
សម្រាប់នៅផ្នែកខាងក្រៅរបស់ភីកអាប់នេះ ទទួលបានប៉ាណាមុខថ្មី ក៏ដូចជាថាសកង់ស្ព័រទំហំ ១៧អ៉ីញឌីស្សាញថ្មី ព្រមទាំងចង្កៀងមុខ-ក្រោយ LED ដែលផ្តល់នៅភាពហាប់ណែនជាងមុន ។
ចំពោះនៅផ្នែកខាងក្នុងទទួលបានតប្លូថ្មី ជាមួយអេក្រង់កំសាន្ត Touchscreen ធំជាងមុនទំហំដល់ទៅ ១២,៣ អ៉ីញ អាចប្រើមុខងារ Apple CarPlay និង Android Auto ក៏ដូចជាឧបករណ៍បំពងសំឡេង ១០ចំនុច និងប្រព័ន្ធជំនួយអ្នកបើកបរដែលរួមបញ្ចូលនៅមុខងារដ៏សំបូរបែបផងដែរ ៕
