ក្រុមហ៊ុន Ford នឹងធ្វើការឈប់លក់រថយន្តប្រភេទ Crossover ខ្នាតតូចនៅលើទីផ្សារសហរដ្ឋអាមេរិច ដែលជាទីកំណើតរបស់ខ្លួននៅពាក់កណ្តាលឆ្នាំ២០២២ ដោយសារលក់យឺត និងជាពិសេសរោងចក្រដែលផលិតរថយន្តនេះនៅឥណ្ឌាក៏ត្រូវបានបិទ។
យោងតាមសារព័ត៌មាន The Detroit Free Press បានរាយការណ៍ថា បន្ទាប់ពីក្រុមហ៊ុន Ford រោងចក្រផលិតនៅក្នុងប្រទេសឥណ្ឌា រថយន្ត Crossover ខ្នាតតូចនឹងបន្តលក់នៅលើទីផ្សារសហរដ្ឋអាមេរិចត្រឹមពាក់កណ្តាលឆ្នាំ២០២២ ខណៈពេលរថយន្តនៅលើទីផ្សារអ៊ឺរ៉ុបគឺផលិតនៅរ៉ូម៉ានី និងទៅផ្សារប្រទេសផ្សេងទៀតនៅតែលក់ធម្មតា។
គួរបញ្ជាក់ផងដែរថា រថយន្ត Ecosport លក់នៅឆ្នាំ២០២០ បានសរុប ៦០ ៥៤៥គ្រឿងធ្លាក់ចុះ ៦,៤ភាគរយ ប្រៀបធៀបជាមួយឆ្នាំ២០១៩ បានចំនួន ៦៤ ៧០៨ភាគរយ។ ចំណេកចូលមកដល់ឆ្នាំ២០២១ គិតត្រឹមខែសីហា Ford Ecosport ត្រូវបានលក់បានចំនួន ៣២ ៦៩៧គ្រឿងធ្លាក់ចុះ ២២,៣ភាគរយបើប្រៀបធៀបឆ្នាំ២០២០។
យ៉ាងណាមិញរថយន្ត Ecosport ត្រូវបានបង្ហាញខ្លួននៅឆ្នាំ ២០១៦ ក្នុងកម្មវិធីតាំងបង្ហាញរថយន្ត Los Angeles Auto Show នឹងបានចេញលក់ក្នុងឆ្នាំ២០១៨។ វាដំណើរការដោយម៉ាស៊ីចំណុះ ១,០លីត្រ Turbocharged ទំហំ ៣ស៊ីឡាំង និងម៉ាស៊ីចំណុះ ២,០លីត្រ ទំហំ ៤ស៊ីឡាំង៕
