[ទីផ្សារបរទេស] ក្រុមហ៊ុនរថយន្ត Porsche បាន​ពន្យារពេល​ការប្រកាសចេញរថយន្ត Macan អគ្គិសនីរយៈពេលមួយឆ្នាំគឺ​លើក​ពី​ឆ្នាំ​២០២៣ ទៅឆ្នាំ​២០២៤ វិញ​ ដោយ​ដំណឹងនៃការពន្យារពេលនេះ​ទទួលបាន​ការ​បញ្ជាក់ពីលោក Oliver Blume ដែលជានាយកប្រតិបត្តិរបស់​ក្រុមហ៊ុន​ផ្ទាល់។

បើតាមការលើកឡើងរបស់នាយកជាន់ខ្ពស់ Porsche បាន​ឲ្យដឹងថា​ការពន្យារពេលនេះ​គឺជាប់​ពាក់ព័ន្ធនឹងផ្នែក Software ព្រោះ​ថា​គ្រឿង​ Hardware នៃរថយន្តគឺមាន​សភាពល្អ មិនមានបញ្ហាអ្វីនោះឡើយ។

តាម​ការចុះផ្សាយ​កាលពី​សប្ដាហ៍មុន ក្រុមហ៊ុន Cariad ដែលជាក្រុមហ៊ុនអភិវឌ្ឍន៍ Software របស់ Volkswagen Group រងការចោទប្រកាន់ថា​អភិវឌ្ឍន៍ Software យឺតពេល ដែល​រំពឹងថាប៉ះពាល់ដល់​ការអភិវឌ្ឍន៍​រថយន្តនៅ Porsche, Audi និង Bentley ដែល​រថយន្ត​អគ្គិសនី​របស់​ក្រុមហ៊ុន​ទាំងបីមានប្រើប្រាស់​គ្រោង​ឆ្អឹង​អគ្គិសនី PPE ដូចគ្នា។

ត្បិតថា Porsche បានបញ្ជាក់អំពីដំណឹងនៃការពន្យារពេលនេះ ប៉ុន្តែ Audi មិនបាន​និយាយ​ទាក់ទងនឹងរថយន្ត Q6 e-tron ដែល​ត្រៀម​ប្រកាសចេញនៅថ្ងៃខាងមុខនោះទេ។ Q6 e-tron ដែលប្រើគ្រោងឆ្អឹង PPE ទំនង​ជា​នឹង​ប៉ះពាល់​ដោយ​សារ​ភាព​យឺត​យ៉ាវ​នៃ Software នេះដែរ៕

ផ្ទាំងផ្សាយពាណិជ្ជកម្ម

​ក្រុមហ៊ុន Porsche បាន​បញ្ជាក់​ជាផ្លូវ​ការ​ពីវត្តមាន SUV ប្រើអគ្គិសនី​ថ្មីរបស់ខ្លួន ដែលស្ថិតនៅលើម៉ូដែល Cayenne ដោយ​សង្ឃឹម​ថា ​នឹង​ទទួល​បាន​ជោគជ័យដូចម៉ូដែលអគ្គិសនី Taycan របស់ខ្លួនដែរ។

លោក Oliver Blume នាយកប្រតិបត្តិក្រុមហ៊ុន Porsche បាននិយាយថា៖

យើងមានគម្រោងបន្ថែមនូវរថយន្ត SUV អគ្គិសនីដ៏ប្រណិតថ្មី ដែលនឹងចាប់ផ្តើមបរចេញពីខ្សែសង្វាក់ផលិតកម្មនៅ Leipzig។ វានឹងពង្រីកមុខតំណែងរបស់យើងបន្ថែមទៀត នៅក្នុងផ្នែករថយន្តប្រណីត។ យើង​កំពុង​កំណត់​គោល​ដៅ​លើផ្នែក​ដែល​មាន​ប្រាក់​ចំណេញ​ខ្ពស់​ជា​ពិសេស ហើយ​មាន​បំណង​ទាញ​យក​ឱកាស​លក់​ថ្មី​តាម​វិធី​នេះ។

ជាមមួយគ្នានេះដែរ លោក Blume បានពណ៌នាអំពីរថយន្តអគ្គិសនីខាងលើថាជា៖

រថយន្ត SUV បែបស្ព័រ ដែលបង្ហាញពីភាពប្រណីត និងកម្ពស់ពីដីខ្ពស់។

គួរឲ្យដឹងដែរថា លោក Lutz Meschke ប្រធានផ្នែកហិរញ្ញវត្ថុរបស់ក្រុមហ៊ុន Porsche បានដាក់ចេញនូវគោលដៅសម្រាប់ប្រាក់ចំណូលចន្លោះពី ៣៩ ទៅ ៤០ពាន់លានដុល្លារ ក្នុងឆ្នាំ ២០២២ និងប្រាក់ចំណេញពីការលក់ ១៧ ទៅ ១៨ភាគរយ៕

ផ្ទាំងផ្សាយពាណិជ្ជកម្ម