ប្រមាញ់បានឡានភីកអាប់ Mitsubishi L200 / Triton ២០២៤ ថ្មី អំឡុងពេលធ្វើតេស្តបើកបរសាកល្បងនៅលើដងផ្លូវ

July 6, 2022

[បរទេស] កាលពីពេលថ្មីៗនេះ កន្លងទៅ រូបភាពនៃរថយន្ត Mitsubishi L200/Triton ថ្មី ត្រូវគេប្រមាញ់បានអំឡុងពេលធ្វើតេស្តបើកបរសាកល្បងនៅលើដងផ្លូវ ជាមួយរូបរាងឌីស្សាញថ្មី។ ហើយយោងតាមគម្រោងរបស់ក្រុមហ៊ុន Mitsibishi ម៉ូដែលនេះ គ្រោងនឹងត្រូវបានដាក់បង្ហាញនៅចុងឆ្នាំ ២០២២ ប៉ុន្តែមានការរំពឹងទុកខ្លះថារថយន្តនេះនឹងមកដល់នៅឆ្នាំ ២០២៣។

តាមរូបភាពដែលប្រមាញ់បាន រថយន្តនេះមានមុខមាត់ថ្មីទាំងស្រុង ដោយប៉ាណាមុខរចនាស្រដៀងទៅនឹងរថយន្ត Outlander ព្មរទាំងមានបែកចែករវាងភ្លើងបំភ្លឺពេលថ្ងៃ និងភ្លើងស៊ីញ៉ូនៅខាងលើ ហើយចង្កៀងស្ថិតនៅខាងក្រោម។

ងាកទៅក្រោយវិញ យើងអាចឃើញការរចនាវិវត្តន៍ជាមួយនឹងរចនាប័ទ្មដែលកែសម្រួលថ្មីនិងមានរាងជ្រុង ហើយបន្ថែមពីនេះប្រវែងគន្លាតកង់មុខ-ក្រោយវែងជាងមុន ដែលនាំឲ្យផ្នែកខាងក្នុងកាន់តែទូលាយ។

ជាមួយគ្នានេះ ក្រុមហ៊ុន Mitsubishi មិនបាននិយាយច្រើនអំពីរថយន្តភីកអាប់ថ្មីនេះទេ ប៉ុន្តែចំពោះម៉ាស៊ីនម៉ាស៊ូត និងម៉ាស៊ីន Plug-in Hybrid ត្រូវបានគេរំពឹងថានឹងមានវត្តមាននៅលើម៉ូឌែលថ្មីនេះផងដែរ៕

ផ្ទាំងផ្សាយពាណិជ្ជកម្ម

Mazda ថែមម៉ាស៊ីនម៉ាស៊ូតលើឡាន CX-60 ជិះ១០០គ.ម ស៊ីប្រេង៥លីត្រ

July 5, 2022

[ទីផ្សារបរទេស] ក្រុមហ៊ុន Mazda បានប្រកាសចេញព័ត៌មានលម្អិតអំពីរថយន្ត CX-60 លក់នៅអឺរ៉ុប ដែលមានបន្ថែមជម្រើសម៉ាស៊ីនថ្មីជាម៉ាស៊ីនម៉ាស៊ូតមានចំណុះ ៣,៣លីត្រ និង៦ស៊ីឡាំង។

ឈ្មោះថា e-Skyactiv D ម៉ាស៊ីននេះមានជម្រើសចំនួនពីរប្រភេទ រួមមានប្រភេទកម្លាំង ១៩៧សេះ សម្រាប់ប្រព័ន្ធបើកបរវិលកង់ក្រោយ និងប្រភេទកម្លាំង ២៥១សេះ សម្រាប់ប្រព័ន្ធបើកបរប៉ុងពីរឈ្មោះថា i-Activ។ ប្រភេទទាំងពីរនេះមានមកជាមួយនូវម៉ូទ័រកម្លាំង ៤៨វ៉ុល ដែលផ្ដល់ជំនួយបន្ថែម ជាមួយបច្ចេកវិទ្យាឈ្មោះថា Distribution-Controlled Partially Premixed Compression Ignition ដែលជួយកាត់បន្ថយកម្ដៅបានជាង ៤០%។

ម៉ាស៊ីន ២៥១សេះ អាចឲ្យរថយន្ត CX-60 ស្ទុះដល់ ១០០គ.ម/ម៉ ក្នុងពេល ៧,៤វិនាទី និងមានកម្រិតស៊ីប្រេង ៥,២៩លីត្រ គិតជាមធ្យមសម្រាប់ការបើកបរ១០០គីឡូម៉ែត្រ ចំណែកឯម៉ាស៊ីន ១៩៧សេះវិញ មានកម្រិតស៊ីប្រេងជាមធ្យម ៤,៩លីត្រ ប៉ុន្តែ Mazda មិនបានប្រាប់ពីសន្ទុះរថយន្តឡើយ។

Mazda បានអះអាងថាម៉ាស៊ីនម៉ាស៊ូត ៣,៣លីត្រ នេះអាចបញ្ចេញសំឡេងបានស្ងាត់ និងងំល្អ ហើយថែមទាំងមានទម្ងន់ស្រាល ដែលមានន័យថាវាមានទម្ងន់ប្រហែលនឹងម៉ាស៊ីនម៉ាស៊ូត ២,២លីត្រ ដែលមានប្រើលើរថយន្ត CX-5៕

ផ្ទាំងផ្សាយពាណិជ្ជកម្ម

ប្លែកភ្នែកអស់ស្ទះ! ឡានវ៉ែនអ៉ីដ្រូហ្សែនរបស់ GAC រូបរាងដូចមកពីអនាគត

July 5, 2022

[ទីផ្សារបរទេស] ក្រុមហ៊ុនរថយន្តចិន GAC បានបង្ហាញចេញរថយន្ត Concept ថ្មីនៅប្រទេសចិនឈ្មោះថា Space Concept ដែលជារថយន្តវ៉ែន ប្រើប្រាស់ថាមពលអ៉ីដ្រូហ្សែនមានរូបរាងដូចជារថយន្តមកពីអនាគតយ៉ាងអ៉ីចឹង។

រូបរាងខាងក្រៅរបស់រថយន្ត Space Concept នេះបានប្រើប្រាស់ការឌីហ្សាញបែបជ្រែកខ្យល់ (aerodynamic) ដោយមានយ៉ាន់កង់ដែលមានអង្កត់ផ្ចិតធំ ហើយផ្នែកខាងមុខគ្របដណ្ដប់ដោយផ្ទាំងប៉ាណាទំហំធំ ដែលក្រុមហ៊ុនឲ្យឈ្មោះថាជាទឹកធ្លាក់មានពន្លឺ។

នៅមួយចំហៀងនៃរថយន្តនេះមានបំពាក់ទ្វារបើកធម្មតា ខណៈដែលមួយចំហៀងទៀតមានទ្វារដែលបើកឡើងលើ ផ្ដល់ភាពងាយស្រួលក្នុងការចូលទៅក្នុងរថយន្ត។ កាប៊ីនរថយន្តបានឌីហ្សាញជាលក្ខណៈរថយន្តអគ្គិសនី ដោយសារតែ Space Concept នេះមានប្រព័ន្ធបើកបរស្វ័យប្រវត្តិ Level 4។

នៅផ្នែកខាងក្នុងនេះមានតាបឡូដែលមានបង្កប់ដោយអេក្រង់ចំនួនបី មានចង្កូតជាប្រភេទ Yoke ហើយមានកៅអីជួរខាងមុខមានចំនួនពីរដែលអាចបង្វិលចុះឡើងបាន អមជាមួយសាឡុងរាងអក្សរ L ដែលប្រើជាកៅអីអង្គុយជួរទីពីរ។

GAC មិនបានបង្ហាញព័ត៌មានបច្ចេកទេសអំពីរថយន្តនេះទេ គ្រាន់តែប្រាប់ថាវាមានប្រើប្រាស់ថាមពលអ៉ីដ្រូហ្សែន។ យ៉ាងណាក្ដី Autocar បានរាយការណ៍ថារថយន្តនេះប្រើម៉ាស៊ីន ១,៥លីត្រ ដែលប្រើថាមពលអ៉ីដ្រូហ្សែនជាឥន្ធនៈ គឺស្រដៀងនឹងអ្វីដែល Toyota បានសាកល្បងដែរ។

រថយន្ត Space Concept នេះបានបង្ហាញវត្តមានក្នុងអំឡុងព្រឹត្តិការណ៍ GAC Tech Day ឆ្នាំ២០២២ ដោយរថយន្ត Concept នេះមិនមានគោលដៅថានឹងផលិតលក់នោះទេ ប៉ុន្តែមុខងារឌីហ្សាញមួយចំនួនអាចនឹងប្រើប្រាស់លើរថយន្តថ្ងៃអនាគត៕

ផ្ទាំងផ្សាយពាណិជ្ជកម្ម

យោងតាមរូបភាព Teaser រថយន្ត Honda HR-V ឆ្នាំ២០២២ គួរតែមានរូបរាងបែបនេះ?

July 5, 2022

[Teaser]: រូបភាព Teaser របស់រថយន្តស៊េរីថ្មី Honda HR-V ឆ្នាំ២០២២ ត្រូវបានក្រុុមហ៊ុនផ្លូវការ Honda Cambodia បានបង្ហោះនោះ បើតាមការពិនិត្យទៅឃើញថាមានរូបរាងដូចខាងក្រោមនេះ៖

រូបរាងផ្នែកខាងក្រោយ

រូបរាងផ្នែកខាងមុខ

ទោះជាយ៉ាងនេះក្តីយើងនឹងរង់ចាំមើលការបង្ហាញរូបរាងជាផ្លូវការបន្ថែមទៀត។ គួរបញ្ជាក់ផងដែរថា សម្រាប់ម៉ូដែលថ្មីនេះត្រូវបានផ្លាស់ប្តូររូបរាងថ្មីសន្លាង និងស្ថិតនៅក្នុងជំនាន់ទី៣។ រីឯតម្លៃ និងលក្ខណៈបច្ចេកទេសលម្អិតមិនទាន់មានព័ត៌មានផ្លូវការនូវឡើយទេ។ សម្រាប់ព័ត៌មានបន្ថែម សូមទាក់ទង៖ 023 901 858 / 017 899 855

ផ្ទាំងផ្សាយពាណិជ្ជកម្ម

Kia Niro Hybrid និង Niro EV ឆ្នាំ២០២៣ ចេញតម្លៃផ្លូវការ ចាប់ពី ៣ម៉ឺនដុល្លារ

July 5, 2022

រថយន្ត Kia Niro ស៊េរីឆ្នាំ២០២៣ បានបង្ហាញខ្លួនជាផ្លូវការ សម្រាប់ទីផ្សារប្រទេសអូស្ត្រាលី ដោយវាមានទាំងជម្រើសប្រើ Hybrid និង ប្រើថាមពលអគ្គិសនីសុទ្ធ។

រថយន្ត Kia Niro Hybrid ប្រើម៉ាស៊ីនចំណុះ ១,៦លីត្រ ទំហំ ៤ស៊ីឡាំង និងម៉ូទ័រអគ្គិសនីមួយ មានកម្លាំង ១៣៩សេះ និងកម្លាំងរមួល ២៦៥ញ៉ូតុនម៉ែត្រ ហើយប្រើប្រអប់លេខអូតូ ៦វគ្គ។ វាមាន ២ ជម្រើស គឺម៉ូដែល Niro Hybrid S និង Niro Hybrid GT-Line។

ចំពោះម៉ូដែល S វាមានមុខងារសុវត្ថិភាពជាច្រើន រួមទាំង ពោងសុវត្ថិភាពចំហៀង, Multi Collision Braking, Blind Spot Collision Avoidance Assist, Rear Cross Traffic Collision Avoidance Assist, Intelligent Speed Limit Assist, Lane Keeping Assist, Driver Attention Warning, High Beam Assist, Lane Following Assist, Rear View Monitor, Rear Cross-Traffic Collision-Avoidance Assist និង Rear Parking Sensors។

រីឯម៉ូដែល GT-Line មានបន្ថែមកុងទ័រឌីជីថលទំហំ ១០,២៥អ៊ីញ និងអេក្រង់កម្សាន្តទំហំ ១០,២៥អ៊ីញ ព្រមទាំងកន្លែងសាកថ្មឥតប្រើខ្សែ និង កៅអីមានមុខងារបញ្ចេញខ្យល់ក្តៅ-ត្រជាក់, ដៃចង្កូតមានមុខងារកម្តៅ, កុងទ័របាញ់លើកញ្ចក់, មុខងារបញ្ជាចូលចតពីចម្ងាយ និង ឃ្លុបក្រោយចុចអូតូ ទៀតផង។

ដោយឡែក ចំពោះ Kia Niro EV ដែលដំណើរការដោយថាមពលអគ្គិសនីសុទ្ធវិញ ប្រើម៉ូទ័រអគ្គិសនីមួយ មានកម្លាំង ២០១សេះ និងកម្លាំងរមួល ២៥៥ញ៉ូតុនម៉ែត្រ ហើយបំពាក់កញ្ចប់អាគុយអគ្គិសនីទំហំ ៦៤,៨គីឡូវ៉ាត់ម៉ោង ផ្តល់ចម្ងាយបើកបរ ៤៦០គីឡូម៉ែត្រ នៅពេលសាកភ្លើងពេញម្តង។ វាអាចសាកភ្លើងពី ១០-៨០% ប្រើពេលត្រឹម ៤៣នាទីប៉ុណ្ណោះ តាមរយៈដុំសាក DC Rapid Charger។

មិនខុសពីម៉ូដែល Hybrid រថយន្ត Niro EV នេះក៏ផ្តល់ជម្រើស ២ ម៉ូដែលដូចគ្នា គឺ S និង GT-Line។ សូមបញ្ជាក់ថា រថយន្ត Niro Hybrid S ត្រូវបានដាក់លក់ក្នុងតម្លៃចាប់ពី ៣០ ២៥០ដុល្លារ នៅលើទីផ្សារប្រទេសអូស្ត្រាលី និង ៣៤ ១០០ដុល្លារ សម្រាប់ម៉ូដែល Niro Hybrid GT-Line។ ចំណែកឯ Niro EV S វិញមានតម្លៃចាប់ពី ៤៤ ៥០០ដុល្លារ និង Niro EV GT-Line មានតម្លៃចាប់ពី ៤៩ ១៥០ដុល្លារ៕

ផ្ទាំងផ្សាយពាណិជ្ជកម្ម

Honda e Limited Edition ទើបចេញថ្មី ផលិតតែ ៥០គ្រឿងប៉ុណ្ណោះ ទិញមិនទាន់អត់!

July 5, 2022

ក្រុមហ៊ុន Honda បានប្រកាសចេញរថយន្តអគ្គិសនីថ្មី គឺ Honda e Limited Edition សម្រាប់ទីផ្សារអឺរ៉ុប ជាមួយនឹងទឹកថ្នាំពណ៌ក្រហម ហើយផលិតមានចំនួនកំណត់ ត្រឹមតែ ៥០គ្រឿងប៉ុណ្ណោះ។

រថយន្ត Honda e Limited Edition ថ្មីនេះ ខុសប្លែកពីម៉ូដែល Honda e ស្តង់ដារ ត្រង់ពណ៌ក្រហមថ្មី Premium Crystal Red ជាមួយនឹងការហាយឡាយដំបូលពណ៌ខ្មៅ ព្រមទាំង ប៉ាណាមុខ, កាងមុខផ្នែកខាងក្រោម និង កាមេរ៉ាជំនួសកញ្ចក់ផ្នែកចំហៀង ព្រមទាំង យ៉ាន់កង់ទំហំ ១៧អ៊ីញ ផងដែរ។

ចំពោះម៉ូដែល Limited Edition នេះ ត្រូវបានផ្អែកតាមម៉ូដែល Honda e Advance ដែលមានន័យថា វាប្រើម៉ូទ័រអគ្គិសនីមួយ មានកម្លាំង ១៥២សេះ និងកម្លាំងរមួល ៣១៥ញ៉ូតុនម៉ែត្រ ជាមួយនឹងកញ្ចប់អាគុយអគ្គិសនីស្តង់ដារ ទំហំ ៣៥,៥គីឡូវ៉ាត់ម៉ោង ដែលផ្តល់ចម្ងាយបើកបរ ២០០គីឡូម៉ែត្រ នៅពេលសាកភ្លើងពេញម្តង។

សូមបញ្ជាក់ថា រថយន្ត Honda e Limited Edition នេះ ត្រូវបានបើកឲ្យបញ្ជាទិញហើយ ជាមួយនឹងតម្លៃខ្ទង់ ៤៦ ០០០ដុល្លារ នៅលើទីផ្សារចក្រភពអង់គ្លេស៕

ផ្ទាំងផ្សាយពាណិជ្ជកម្ម

រាងអេម! MG ត្រៀមបញ្ចេញឡាន MG4 EV ដែលអាចបើកបានចម្ងាយ ៤៥២គីឡូម៉ែត្រពេលសាកពេញម្តង

July 5, 2022

[បរទេស] ក្រុមហ៊ុន MG បានធ្វើការបញ្ចេញនូវរូបភាពផ្លូវការនៃរថយន្តអគ្គិសនីថ្មី MG4 EV របស់ខ្លួន ដែលនឹងត្រៀមបង្ហាញខ្លួននៅលើទីផ្សារអង់គ្លេសនាខែកញ្ញា ខាងមុខនេះ។

រថយន្តអគ្គិសនី MG4 EV នឹងក្លាយជារថយន្តអគ្គិសនីដំបូងគេនឹងត្រូវបានផលិតឡើងដោយផ្អែកលើស្ថាបត្យកម្ម Modular Scalable Platform(MSP) ដែលនឹងពាំនាំនូវការអភិវឌ្ឍន៍ចុងក្រោយបំផុតទៅលើ បច្ចេកវិទ្យា, ប្រព័ន្ធសុវត្ថិភាព និងគុណភាព។

សម្រាប់រថយន្ត MG4 EV នឹងបំពាក់មកជាមួយកម្រាស់នៃអាគុយត្រឹម ១១០មីលីម៉ែត្រ និងទម្ងន់ ៥០:៥០ ប៉ុណ្ណោះ។ ក្នុងនោះផងដែររថយន្តនេះនឹងភ្ជាប់មកជាមួយជម្រើសអាគុយចំនួន ២ប្រភេទគឺទំហំ ៥១គីឡូវ៉ាត់ម៉ោង និង ៦៤គីឡូវ៉ាត់ម៉ោង ដែលនឹងផ្តល់អោយនូវចម្ងាយបើកបរបានចន្លោះពី ៣៥០-៤៥២គីឡូម៉ែត្រ នេះបើយោងតាមការតេស្តចេញពី WLTP។

ងាកទៅមើលលើការរចនា ផ្នែកខាងមុនរថយន្តនេះត្រូវបានរចនាបែប Grill-less Style ព្រមទាំងរួមជាមួយចង្កៀងប្រភេទ LED និងប្រសិទ្ធភាពនៃប្រព័ន្ធ Aerodynamic នៅលើកាងមុខ រីឯផ្នែកខាងក្រោយគឺមានការប្រើប្រាស់នូវអំពូលជាខ្សែបន្ទាត់អូសពីផ្នែកម្ខាងដល់ផ្នែកម្ខាងទៀត។

ចំណែកឯផ្នែកខាងក្នុងត្រូវបានប្រើប្រាស់ជាមួយកុងទ័របង្ហាញប្រភេទឌីជីថលសុទ្ធ ដែលវាជាភាពកំពុងពេញនិយមនាពេលបច្ចុប្បន្ន។ បន្ថែមពីនេះនៅកន្លែង Console កណ្តាលគឺមានការឌីស្សាញថ្មីប្លែក ចំណែកឯដៃចង្កូតក៏ដូចគ្នាផងដែរដោយមានតែ ២ប្រឡោះប៉ុណ្ណោះ។ គួររំលឹកផងដែរ ក្នុងពេលឆាប់ៗនេះ MG នឹងធ្វើបន្ថែមអំពីព័ត៌មានលម្អិត និងតម្លៃនៃម៉ូឌែលសម្រាប់ទីផ្សារអង់គ្លេសនេះ៕

ផ្ទាំងផ្សាយពាណិជ្ជកម្ម

ក្រុមឡាន Ford Territory Club Cambodia (FTCC) នាំយកសម្ភារៈសិក្សា និងថវិកាចែកជូនសិស្សានុសិស្សនៅសាលាបឋមសិក្សាកងមាស

July 5, 2022

នៅព្រឹកថ្ងៃអាទិត្យ ៥កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣ ខែកក្កដា ឆ្នាំ២០២២ ក្រុមគ្រួសារ Ford Territory Club Cambodia (FTCC) និងមានការចូលរួមពីសប្បុរសជនទូទៅ បានរៀបចំកម្មវិធីសប្បុរសធម៍លើកទី១ ដោយនាំយកនូវ សម្ភារៈសិក្សាមួយចំនួនចែកជូនដល់សិស្សានុសិស្ស នៅក្នុងសាលាបឋមសិក្សាកងមាស ក្នុងភូមិកងមាស ឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង សរុបចំនួន ២៥០នាក់ ដោយម្នាក់ៗទទួលបាន ៖

កាតាប ១
សៀវភៅសរសេរ ៣ ក្បាល
ខ្មៅដៃ ៣ ដើម
ប៊ិច ១ ដើម
ខួងខ្មៅដៃ ១
ជ័រលុប ១ ដុំ
បន្ទាត់ ១ ដើម
ក្ដារឆ្នួន ១ ឈុត
នំ ១ កញ្ចប់
វីតាមីន C ១០ គ្រាប់
ស្បែកជើង ១ គូរ

លើសពីនេះ ដោយបានឃើញពីការលំបាករបស់ក្មួយស្រី ០២នាក់ ត្រូវធ្វើដំណើរផ្លូវឆ្ងាយជិត១០គីឡូម៉ែត្រដើម្បីឆ្ពោះមកសាលារៀនជារៀងរាល់ថ្ងៃ សមាជិកក្រុមគ្រួសារ FTCC ក៏សម្រេចមូលមតិគ្នា ជូនបន្ថែមកង់ចំនួន ០២ គ្រឿងទៅដល់ក្មួយស្រីទាំង ០២នាក់។ ក្រុមគ្រួសារ FTCC យើងក៏មានថវិកាជូនដល់លោកគ្រូ អ្នកគ្រូចំនួន ០៥នាក់ និងលោកមេភូមិកងមាស ០១នាក់ ជាទឹកប្រាក់ ៥០,០០០រៀល សម្រាប់ម្នាក់ៗ សរុប ៣០០,០០០រៀល និងអាវយឺត អាវភ្លៀង ក៏ដូចជាប្រគេនបច្ច័យតេយ្យទានព្រះសង្ឃដែលគង់នៅវត្តក្បែរសាលាកងមាស។

ក្នុងឱកាសនោះផងដែរ ក្រុមយើងក៏បានបង្កើតជាសកម្មភាព ការដាំកូនឈើនៅតាមទីធ្លាសាលារៀន ដើម្បីលើកស្ទួយបរិស្ថាន។ លោកស្រីនាយិកាសាលាបានថ្លែងអំណរគុណដល់ក្រុមគ្រួសារ FTCC និងសប្បុរសជនទាំងអស់ ដែលបានផ្ដល់ជាអំណោយដល់សិស្សានុសិស្សក្នុងសាលាបឋមសិក្សាកងមាស ដែលកំពុងជួបការលំបាក និងខ្វះខាត។ លោកស្រីនាយិកាសាលាបានប្រសិទ្ធិពរជ័យជូនដល់សមាជិកក្រុម និងសប្បុរសជនទាំងអស់ជួបតែ សេចក្ដីសុខ សុខភាពល្អ ជោគជ័យគ្រប់ភារកិច្ច៕

ផ្ទាំងផ្សាយពាណិជ្ជកម្ម

ការលក់ឡានអគ្គិសនី VW ID.4 ធ្លាក់ចុះរហូតដល់ជាង ៧០%

July 4, 2022

[ទីផ្សារបរទេស] ក្រុមហ៊ុន Volkswagen បានរាយការណ៍ពីការលក់ចំនួន ៧៨ ២៨១គ្រឿង ក្នុងអំឡុងត្រីមាសទីពីរ លើទីផ្សារសហរដ្ឋអាមេរិក ដែលតួលេខនេះគឺថយចុះ ៣៤% បើធៀបនឹងតួលេខលក់កាលពីឆ្នាំ២០២១។

អ្វីដែលគួរឲ្យភ្ញាក់ផ្អើលគឺរថយន្តអគ្គិសនី Volkswagen ID.4 បានថយចុះរហូតដល់ ៧១% ធៀបនឹងត្រីមាសទីពីរឆ្នាំ២០២១ ដោយចំនួនលក់ដែលទទួលបានគឺមានត្រឹម ១ ៦៦០គ្រឿង ឬស្មើនឹង ១,២% ប៉ុណ្ណោះនៃទំហំលក់ចេញសរុប។

លទ្ធផលលក់របស់ ID.4 គឺជាលទ្ធផលទាបជាងគេមិនធ្លាប់មានចាប់តាំងពីរថយន្តនេះចេញលក់នៅសហរដ្ឋអាមេរិក ខណៈដែលរថយន្តនេះមានទំហំកុម្ម៉ង់ខ្ពស់ ដោយនៅត្រឹមចុងឆ្នាំ២០២១គឺមានការកុម្ម៉ង់ជាង ៤ម៉ឺនគ្រឿងឯណោះ។ បើគិតត្រឹមខែមិថុនានេះ Volkswagen ID.4 អាចលក់ចេញបាន ២១ ១៥៧គ្រឿង។

យ៉ាងណាគេរំពឹងថាលទ្ធផលលក់អាចនឹងល្អប្រសើរវិញនៅចុងឆ្នាំនេះ បន្ទាប់ពីរោងចក្ររបស់ Volkswagen នៅ Zwickau បានប្រតិបត្តិការចំនួនបីវេនឡើងវិញ ខណៈដែលការផលិតនៅ Emden ក៏កំពុងតែបង្កើនចំនួនផលិតផងដែរ៕

ផ្ទាំងផ្សាយពាណិជ្ជកម្ម

GMC អាចផលិតឡាន Hummer អគ្គិសនីបាន១២គ្រឿងក្នុងមួយថ្ងៃ

July 4, 2022

[ទីផ្សារបរទេស] ក្រុមហ៊ុន GMC ដែលជាក្រុមហ៊ុនបុត្រសម្ព័ន្ធរបស់ General Motors បានរាយការណ៍ថាកំពុងតែអាចផលិតរថយន្តអគ្គិសនី Hummer បានចំនួន១២គ្រឿងក្នុងមួយថ្ងៃ ក្រោយការខិតខំប្រឹងប្រែងក្នុងការបង្កើនការផលិត។

ទោះយ៉ាងណាលទ្ធផលនៃការផលិតនេះនៅមិនទាន់ច្រើននៅឡើយទេ ព្រោះថាវិបត្តិសង្វាក់ផ្គត់ផ្គង់នៅបន្តកើតមាននៅឡើយ ប៉ុន្តែ GMC និយាយថានឹងយកឲ្យបាននូវបរិមាណផលិតដែលខ្លួនបានប៉ងទុក។

ទំហំផលិតរំពឹងថានឹងកើតឡើងនៅអំឡុងឆមាសទីពីរ ដោយសារតែក្រុមហ៊ុននឹងចាប់ផ្ដើមការផលិតអាគុយនៅរោងចក្រថ្មីនៅរដ្ឋ Ohio។ បច្ចុប្បន្ននេះអាគុយប្រើលើរថយន្ត Hummer EV ត្រូវបាននាំចូលដោយក្រុមហ៊ុន LG Chem ដោយទិញមកពីក្រៅសហរដ្ឋអាមេរិក។

ការចុះផ្សាយរបស់ The Wall Street Journal ដែលបានដកស្រង់សម្ដីអ្នកនាំពាក្យក្រុមហ៊ុន General Motors បានឲ្យដឹងការកុម្ម៉ង់ចំនួន ៧៧ ០០០គ្រឿង នៃរថយន្ត GMC Hummer EV នឹងត្រូវបំពេញបន្តិចម្ដងៗក្រោយពីមានការបើកដំណើរការរោងចក្រផលិតអាគុយ៕

ផ្ទាំងផ្សាយពាណិជ្ជកម្ម