[ទីផ្សារបរទេស] រថយន្ត Lexus LX 600 F Sport នឹងត្រៀមបង្ហាញវត្តមាននៅប្រទេសវៀតណាមនាឆ្នាំនេះ ដោយគេរំពឹងថានឹងមានវត្តមានតាម​រយៈ​ក្រុមហ៊ុន​ឯក​ជន​។

សម្រាប់ការឌីហ្សាញនៃរថយន្ត LX 600 F Sport បានបំពាក់នូវកាងធ្លាក់ផ្នែកខាងមុខ និងផ្នែកខាងក្រោយ និងគម្របភក់ផលិតឡើងពី CFRP ដែលមានទម្ងន់ស្រាល បន្ថែមជាមួយរបាំងភក់, ឧបករណ៍ការពារដៃទ្វា, ប៉ាណាខាងមុខពណ៌ខ្មៅ, ស្ទីកគ័រឡូហ្គូនៅលើទ្វាខាងមុខ និងបង្អួចជុំវិញ ប្រើប្រាស់ជាមួយកញ្ចក់បែបឯកជន។

រថយន្ត LX 600 F Sport ប្រើប្រាស់ម៉ាស៊ីន V6 ចំណុះ ៣,៥លីត្រ Twin-turbo ផលិតកម្លាំងបាន ៤០៩សេះ និងកម្លាំងរមួល ៦៥០ញ៉ូតុនម៉ែត្រ បញ្ជូនថាមពលទៅកាន់កង់ទាំង ៤ តាមរយៈប្រអប់លេខ ១០វគ្គអូតូ។

យ៉ាងណាមិញចំពោះរថយន្ត Lexus LX 600 ស៊េរីឆ្នាំ២០២២ មានតម្លៃ ១០១,០០០ ដុល្លារសម្រាប់ទីផ្សារនៅក្នុងសហរដ្ឋអាមេរិក។ ហើយរថយន្ត LX 600 F Sport ត្រូវបានគេរំពឹងថានឹងមកដល់ប្រទេសវៀតណាមក្នុងឆ្នាំនេះ រួមជាមួយនឹងម៉ូឌែល NX 350 F Sport៕

ប្រភព៖ xhay

ផ្ទាំងផ្សាយពាណិជ្ជកម្ម

[ទីផ្សារក្នុងស្រុក] ម៉ូតូ Lambretta​ V200 GP ស៊េរីឆ្នាំ២០២១ ជាម៉ូតូមួយប្រភេទ ដែលរូបរាងបែប Classic ស្រដៀងគ្នាទៅនឹង Vespa និងងាយស្រួលធ្វើដំណើរក្នុងក្រុង អ្វីដែលពិសេសនោះគឺពេញនិយមខ្លាំងសម្រាប់បងប្អូនទាំងអស់គ្នានាសម័យនេះ។

សម្រាប់ម៉ូតូ Lambretta​ V200 GP បានបំពាក់នូវចង្កៀងមុខ-ក្រោយ LED និងអេក្រង់ប្រព័ន្ធកម្សាន្ត Liquid crystal រួមបញ្ចូលគ្នាជាមួយនឹងបច្ចេកវិទ្យាដែលអាចភ្ជាប់ជាមួយ Bluetooth ផងដែរ។

ម៉ូតូ Lambretta​ V200 GP ប្រើប្រាស់ម៉ាស៊ីនទំហំ ១ស៊ីទ្បាំង ជាមួយប្រព័ន្ធស្អំប្រេង air-cooled ចំណុះ ១៦៩ សេសេ ផលិតកម្លាំង ១៣ សេះ និងកម្លាំងរមួល ១២​ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT។ បច្ចប្បន្ននេះម៉ូតូ Lambretta​ V200 GP កំពុងមានវត្តមាននៅហាងលក់ម៉ូតូមួយចំនួននៅក្នុងប្រទេសជាមួយតម្លៃចាប់ពី ៤,២០០ ដុល្លារ៕

រូបភាព៖ 90s

ផ្ទាំងផ្សាយពាណិជ្ជកម្ម

[ទីផ្សារបរទេស] បន្ទាប់ពីរថយន្ត Mercedes-AMG SL ស៊េរីឆ្នាំ២០២៣ បានបង្ហាញខ្លួនជាផ្លូវការ គេក៏បានដឹងហើយថា ប្រភេទប្រើម៉ាស៊ីន Plug-in Hybrid នឹងបង្ហាញខ្លួនតាមក្រោយ ហើយឥឡូវនេះគេក៏ប្រមាញ់បានវាកំពុងធ្វើតេស្តនៅតាមផ្លូវសាធារណៈ ដោយសឹងតែគ្មានអ្វីបិតបាំងខ្លួនឡើយ។

ក្នុងនោះគេសង្កេតឃើញថា រថយន្ត Mercedes-AMG SL Plug-In Hybrid បានបំពាក់រន្ធសាកភ្លើងនៅលើកាងខាងក្រោយ ក្រៅពីនោះ វាមានរូបរាងស្រដៀងទៅនឹងម៉ូដែល SL ធម្មតាដែរ។

គួរឲ្យដឹងថា រថយន្ត Mercedes-AMG SL ថ្មីប្រើគ្រោងឆ្អឹងដូចទៅនឹងម៉ូដែល AMG GT Coupe ដូច្នេះប្រសិនបើ Mercedes-AMG SL Plug-In Hybrid ប្រើម៉ាស៊ីន Hybrid ដូចម៉ូដែល AMG GT 4-door នោះវានឹងមានកម្លាំងខ្លាំង។

រថយន្ត AMG GT 63 E Performance មានបំពាក់ម៉ាស៊ីនចំណុះ ៤,០លីត្រ twin-turbocharged ទំហំ ៨ស៊ីឡាំង ជាមួយម៉ូទ័រអគ្គិសនីមួយ មានកម្លាំងសរុប ៨៣១សេះ និងកម្លាំងរមួល ១ ៤០០ញ៉ូតុនម៉ែត្រ។ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៩វិនាទិប៉ុណ្ណោះ ហើយមានកម្រិតស៊ីសាំង ៨,៦លីត្រ/១០០គីឡូម៉ែត្រ។

យ៉ាងណាមិញ ក្រុមហ៊ុន Mercedes មិនទាន់បានបង្ហាញឲ្យដឹងនូវកាលបរិច្ឆេទដាក់បង្ហាញរថយន្ត AMG SL Plug-In Hybrid ឡើយ ប៉ុន្តែគេរំពឹងថា វានឹងបង្ហាញខ្លួនមុនដាច់ឆ្នាំ២០២២ នេះ៕

ប្រភព ៖ carscoops

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Honda បានធ្វើការបញ្ចេញនូវម៉ូតូម៉ូឌែល Lead 125 ស៊េរីឆ្នាំ២០២២ ប្រភេទេ Scooter កាន់តែទំនើបជាមួយនឹងការបំពាក់ម៉ាស៊ីន ePS+ ស្រដៀងម៉ាស៊ីន PCX ថ្មី សម្រាប់ទីផ្សារក្នុងប្រទេសជប៉ុន។

សម្រាប់ម៉ូតូ Honda Lead 125 បំពាក់នូវចង្កៀងមុខ LED, កាបាំងខាងមុខរាងជាងអក្សរ U ព្រមទាំងភ្ជាប់មកជាមួយរន្ធ USB ប្រភេទ C និងប្រព័ន្ធ Smart key។ បន្ថែមពីនេះប្រអប់ផ្ទុកឥវ៉ាន់ខាងក្រោមកៅអីអាចដាក់មួកសុវត្ថិភាពបាន ២ និងធុងសាំងរបស់វាអាចផ្ទុកបានដល់ចំណុះ ៦លីត្រផងដែរ។

ម៉ូតូ Honda Lead 125 ប្រើប្រាស់ម៉ាស៊ីនសាំង ePS+  ទំហំ ១ស៊ីទ្បាំង ជាមួយប្រព័ន្ធស្អំប្រេង water-cooled ចំណុះ ១២៤ សេសេ ផលិតកម្លាំង ១១សេះ និងកម្លាំងរមួល ១១,៥ញ៉ូតុនម៉ែត្រ ដូចទៅនឹងម៉ាស៊ីនថ្មីជាមួយនឹងការកំណត់ bore x stroke ដូច PCX ថ្មីផងដែរ។

សូមបញ្ជាក់ថាចំពោះ Honda Lead 125 ស៊េរីឆ្នាំ២០២២ មានតម្លៃចាប់ពី ៣៣០,០០០ ដល់ ៣២៤,០០០ យ៉េន ប្រហែល ២,៨៦០ ដល់ ២,៨០៨ ដុល្លារសម្រាប់ទីផ្សារក្នុងប្រទេសជប៉ុន៕

ប្រភព៖ young-machine

ផ្ទាំងផ្សាយពាណិជ្ជកម្ម

[ទីផ្សារបរទេស] ការផលិតរថយន្តនៅចក្រភពអង់គ្លេសកាលពីឆ្នាំមុន បានធ្លាក់ចុះដល់កម្រិតទាបបំផុតចាប់តាំងពីឆ្នាំ ១៩៥៦ នេះបើយោងតាមតួលេខពីសមាគមក្រុមហ៊ុនផលិត និងពាណិជ្ជករ “Society of Motor Manufacturers and Traders (SMMT)”។

SMMT បាននិយាយថា តួលេខនេះគឺគួរឲ្យសង្វេគខ្លាំងណាស់ ហើយភាគច្រើនដោយសារតែកង្វះបន្ទះមីក្រូឈីបជាសកល និងការរំខានដែលបណ្តាលមកពីជំងឺរាតត្បាតកូវីដ១៩។

ទោះបីជាយ៉ាងណាក៏ដោយ សមាគមខាងលើបានបន្ថែមឲ្យដឹងទៀតថា នៅតែមានសុទិដ្ឋិនិយមសម្រាប់អនាគតជាមួយនឹងការប្រកាសនៃការវិនិយោគថ្មី ដែលមានតម្លៃជិត ៥ពាន់លានផោន។ ប៉ុន្តែវាបានព្រមានថា ការចំណាយថាមពលខ្ពស់ អាចជាបញ្ហាប្រឈមសម្រាប់អ្នកផលិតរថយន្តនៅឆ្នាំនេះ។

យ៉ាងណាមិញ ក្តីសង្ឃឹមថាការផលិតរថយន្តនឹងងើបឡើងវិញនៅឆ្នាំ ២០២១ ត្រូវបានខកចិត្តយ៉ាងខ្លាំង។ យោងតាមតួលេខរបស់ SMMT មានតែរថយន្តថ្មីតិចជាង ៨៦០ ០០០ គ្រឿងប៉ុណ្ណោះ បានចាកចេញពីរោងចក្រនៅចក្រភពអង់គ្លេស កាលពីឆ្នាំមុន។

ចំនួននោះគឺតិចជាងឆ្នាំ ២០២០ ទៅទៀត នៅពេលដែលកើតមានរលកដំបូងនៃជំងឺកូវីដ១៩ និងការបិទខ្ទប់ដែលបង្ខំឲ្យរោងចក្រជាច្រើនបិទ។ ផលិតកម្មកាលពីឆ្នាំមុន គឺ ៦,៧% ទាបជាងឆ្នាំ ២០២០ ហើយ ៣៤% ក្រោមកម្រិតមុនពេលមានជំងឺកូវីដ១៩៕

ប្រភព ៖ BBC

ផ្ទាំងផ្សាយពាណិជ្ជកម្ម

[ទីផ្សារបរទេស] ថ្មីៗនេះក្រុមហ៊ុន Honda បានបញ្ជាក់ថាអតិថិជនដែលធ្វើការបញ្ជាទិញទុកមុននៃរថយន្ត Honda HR-V និង Vezel ចាប់ពីថ្ងៃទី ២៤ ខែមករា ឆ្នាំ ២០២២ តទៅអាចទទួលយករថយន្តរបស់ខ្លួនយ៉ាងហោចណាស់ ៤ ខែឬ ១ ឆ្នាំទៀតដោយសារបញ្ហាកង្វះបន្ទះឈីប។ ហើយបច្ចុប្បន្ន​រថយន្តម៉ូឌែល​នេះ​ត្រូវ​បាន​ផលិត​នៅ​រោងចក្រ Suzuka ។

សម្រាប់ក្រុមហ៊ុន Honda បានផ្តល់ជូនព័ត៌មានលម្អិតអំពីពេលវេលាដឹកជញ្ចួនសម្រាប់ម៉ូឌែលនីមួយៗរួមមាន៖ ពេលវេលាដឹកជញ្ជូនសម្រាប់ម៉ូឌែលម៉ាស៊ីនសាំងត្រូវចំណាយពេលប្រហែល ៤ ខែ eHEV ចំណាយពេល ៦ ខែ ឬច្រើនជាងនេះលើសពីមួយឆ្នាំហើយ។

សូមបញ្ជាក់ថាបច្ចប្បន្ននេះរថយន្ត Honda HR-V និង Vezel បានបន្តលក់នៅក្នុងប្រទេសជប៉ុន ចាប់ពីថ្ងៃទី ២៣ មេសា ឆ្នាំ២០២១ ជាមួយនឹងការលក់បាន ៣២,៥៦៦ គ្រឿង ក្នុងពាក់កណ្តាលឆ្នាំទី២ និងលក់ជាមធ្យមប្រចាំខែលើសពី ៥,៤០០ គ្រឿង ៕

ប្រភព៖ sanook

ផ្ទាំងផ្សាយពាណិជ្ជកម្ម