[ទីផ្សារក្នុងស្រុក] កាលពីខែវិច្ឆិកាកន្លងទៅ ក្រសួងសាធារណការ និងដឹកជញ្ជូន បានធ្វើការប្រកាសឡើងនូវគម្រោងក្នុងការដំឡើងនូវកាំមេរ៉ាអចល័តចាប់ល្បឿនចំនួន ១០ទីតាំងនៅលើកំណាត់ផ្លូវជាតិលេខ៣។

ជាក់ស្តែងកាលពីពេលថ្មីៗ នេះ បើយោងតាមគណនី Facebook ឈ្មោះ Smile បានធ្វើការបង្ហោះឡើងនូវរូបភាពនៃការតេស្តសាកល្បងនៃការដំណើរការកាំមេរ៉ានេះ បានបង្ហាញអោយឃើញថា កាំមេរ៉ាទាំងនេះមានសមត្ថភាពក្នុងការអាចអោយមន្ត្រីបានដឹងនូវ ល្បឿនរបស់រថយន្ត, ប្រភេទរថយន្ត, ផ្លាកលេខរថយន្ត, ការពាក់ខ្សែក្រវ៉ាត់ និងការប្រើប្រាស់ទូរស័ព្ទក្នុងពេលបើកបរ។

គួររំលឹកផងដែរថា ចំពោះកាំមេរ៉ាទាំង ១០ទីតាំងនេះត្រូវបានបំពាក់ឡើងចាប់ពីរង្វង់មូលចោមចៅ ដល់ក្រុងកំពត ជាមួយចម្ងាយសរុប  ១៣៥គីឡូម៉ែត្រ ដោយមានទីតាំងនៅត្រង់ចំណុចគីឡូម៉ែត្រ ១៨, គីឡូម៉ែត្រ៣៣, គីឡូម៉ែត្រ ៤៣, គីឡូម៉ែត្រ៧៤, គីឡូម៉ែត្រ៨៦, គីឡូម៉ែត្រ១០២, គីឡូម៉ែត្រ ១០៩, គីឡូម៉ែត្រ ១៣៤, គីឡូម៉ែត្រ ១៥១ និងគីឡូម៉ែត្រ ១៦១។

បន្ថែមពីនេះ គម្រោងនៃការតម្លើងកាំមេរ៉ាអចល័តចាប់ល្បឿនចំនួន ១០ទីតាំងនៅលើកំណាត់ផ្លូវជាតិលេខ ៣នេះ ត្រូវបានធ្វើឡើងក្រោមកិច្ចសហការរវាងក្រសួងសាធារណការ និងដឹកជញ្ជូន និងអគ្គស្នងការដ្ឋាននគរបានជាតិ ក្នុងការជួយកាត់បន្ថយនូវគ្រោះថ្នាក់ចរាចរណ៍ និងសម្រួលការធ្វើដំណើរ ដើម្បីរក្សាបាននូវសុវត្ថិភាពរបស់បងប្អូនប្រជាពលរដ្ឋ៕

ផ្ទាំងផ្សាយពាណិជ្ជកម្ម

[ទីផ្សារបរទេស]  លោក Oliver Zipse បាននិយាយថា ម៉ាកយីហោ Bavarian និងកន្លែងផលិតរបស់វាបានត្រៀមរួចរាល់ហើយ និងកំពុងមានវឌ្ឍនភាពល្អក្នុងការផលិតរថយន្តអគ្គិសនី។ ជាលទ្ធផល ក្រុមហ៊ុនផលិតរថយន្តអាល្លឺម៉ង់មានគោលបំណងបង្កើតការងាររហូតដល់ ៦ ០០០នាក់ នៅឆ្នាំនេះ ដើម្បីរៀបចំសម្រាប់ការកើនឡើងនៃតម្រូវការសម្រាប់ម៉ូឌែលអគ្គិសនីទាំងអស់។ នេះបើយោងតាមប្រភព Autonews Europe ។

លោកបានមានប្រសាសន៍ថា “នោះហើយជាមូលហេតុដែលយើងនឹងបង្កើនកម្លាំងពលកម្មរបស់យើងរហូតដល់ ៥% នៅឆ្នាំនេះ” លោកបានបន្ថែមទៀតថាវិបត្តិ semiconductor បច្ចុប្បន្នគួរតែបាត់ទៅវិញនៅចុងឆ្នាំនេះ ដោយសារការវិនិយោគខ្លាំង។ លោក​បន្ត​ថា​៖ «​ខ្ញុំ​សង្ឃឹម​ថា​នៅ​ចុង​ឆ្នាំ​នេះ​អ្វីៗ​នឹង​វិល​មក​រក​ភាព​ប្រក្រតី​វិញ​»​។

មកទល់ពេលនេះ BMW បានលក់រថយន្តអគ្គិសនីបានជាង ១លានគ្រឿង រួមទាំងរថយន្តអគ្គិសនីសុទ្ធ និងរថយន្ត Hybrid ផងដែរ។ ក្រុមហ៊ុនផលិតរថយន្តអាល្លឺម៉ង់មានបំណងសម្រេចបានការលក់រថយន្តអគ្គិសនីចំនួន ២ លានគ្រឿងនៅឆ្នាំ ២០២៥ ខាងមុខនេះ ។ សម្រាប់ការទាក់​ទង​នឹង​ម៉ូដែល​អគ្គិសនី​ដែល​មាន​ស្រាប់ លោក Oliver Zipse បាន​និយាយ​ថា​តម្រូវ​ការ​អតិថិជន​គឺ​ខ្ពស់​ណាស់៖ “រថយន្ត BMW i4 របស់​យើង​ត្រូវ​បាន​លក់​អស់​ជា​ច្រើន​ខែ​ហើយ BMW iX ក៏​ដូច​គ្នា​ដែរ”។ គេរំពឹងថា ក្រុមហ៊ុនផលិតរថយន្តអាឡឺម៉ង់ ត្រៀមនឹងចេញលក់រថយន្តស៊េរីទំនើប 7-Series អគ្គិសនីនៅឆ្នាំនេះ។

បច្ចុប្បន្ននេះ ផលិតផលរថយន្តអគ្គិសនីរបស់ក្រុមហ៊ុន BMW នៅសហរដ្ឋអាមេរិកមាន ៦ ម៉ូឌែល រួមមាន iX និង i4 ជារថយន្តអគ្គិសនីសុទ្ធ ខណៈដែល X5 xDrive45e, 330e, 530e និង 745e គឺជាប្រភេទ Plug-in hybrid ។ ហើយរថយន្ត 330e មានតម្លៃថោកបំផុតក្នុងជួរនេះ ជាមួយនឹងតម្លៃចាប់ពី ៤២ ៩៥០ ដល្លារ,  i4 eDrive40 ចាប់ពី ៥៥ ៤០០ ដុល្លារ ខណៈពេលដែល i4 M50 ឡើងដល់ ៦៥ ៩០០ ដុល្លារ និង​ម៉ូឌែល iX SUV រថយន្ត​មាន​តម្លៃ​ចាប់​ពី ៨៣ ២០០ ដុល្លារ ៕

ប្រភព​៖ Zingnews.vn

ផ្ទាំងផ្សាយពាណិជ្ជកម្ម

អ្នកទាំងអស់គ្នាមិនអាចបន្ទោសក្រុមហ៊ុនផលិតរថយន្តបានឡើយ ដោយគ្រាន់តែពួកគេចង់ឌីហ្សាញរថយន្តដែលមើលទៅដូចជាលឿន បើទោះបីជាការពិតផ្ទុយពីនេះក៏ដោយ។ ថ្វីបើរថយន្តខ្លះមើលទៅឡូយ និងបែបស្ព័រ ប៉ុន្តែអ្នកប្រាកដជាភ្ញាក់ផ្អើល នៅពេលដែលដឹងថា ពួកវាមិនលឿនឡើយ។

នៅក្នុងថ្ងៃនេះ យើងនឹងណែនាំប្រិយមិត្តឲ្យបានស្គាល់នូវ រថយន្តទាំង ១០ ម៉ូដែល មើលទៅដូចលឿនណាស់ តែការពិតមិនដូច្នោះទេ។

១) Porsche Macan កម្លាំង ២៦១សេះ ហើយមានតម្លៃចាប់ពី ៥៤ ៩០០ ដុល្លារ (តម្លៃនៅបរទេស)

២) Hyundai Elantra កម្លាំង ១៤៧សេះ ហើយមានតម្លៃចាប់ពី ១៩ ៨៥០ ដុល្លារ (តម្លៃនៅបរទេស)

៣) Mazda MX-30 កម្លាំង ១៤៣សេះ ហើយមានតម្លៃចាប់ពី ៣៣ ៤៧០ ដុល្លារ (តម្លៃនៅបរទេស)

៤) Toyota Sienna កម្លាំង ២៤៣សេះ ហើយមានតម្លៃចាប់ពី ៣៤ ៥៦០ ដុល្លារ (តម្លៃនៅបរទេស)

៥) Toyota C-HR កម្លាំង ១៤៤សេះ ហើយមានតម្លៃចាប់ពី ២១ ៥៤៥ ដុល្លារ (តម្លៃនៅបរទេស)

៦) Subaru Impreza កម្លាំង ១៥២សេះ ហើយមានតម្លៃចាប់ពី ១៨ ៧៩៥ ដុល្លារ (តម្លៃនៅបរទេស)

៧) Mazda MX-5 Miata កម្លាំង ១៨១សេះ ហើយមានតម្លៃចាប់ពី ២៦ ៨៣០ ដុល្លារ (តម្លៃនៅបរទេស)

៨) Nissan Sentra កម្លាំង ១៤៩សេះ ហើយមានតម្លៃចាប់ពី ១៩ ៥១០ ដុល្លារ (តម្លៃនៅបរទេស)

៩) Acura TLX កម្លាំង ២៧២សេះ ហើយមានតម្លៃចាប់ពី ៣៧ ៥០០ ដុល្លារ (តម្លៃនៅបរទេស)

១០) Toyota GR86 កម្លាំង ២២៨សេះ ហើយមានតម្លៃចាប់ពី ២៨ ៧២៥ ដុល្លារ (តម្លៃនៅបរទេស)

ផ្ទាំងផ្សាយពាណិជ្ជកម្ម