ក្រុមហ៊ុន Toyota និងក្រុមហ៊ុន Daihatsu បានធ្វើការបង្ហាញចេញនូវរថយន្តប្រភេទ MVP បងប្អូនគ្នា គឺរថយន្ត Toyota Avanza, Veloz និង Daihatsu Xenia សម្រាប់ទីផ្សារប្រទេសឥណ្ឌូនេស៊ីជាផ្លូវការ។
រថយន្ត MVP ទាំងបីម៉ូឌែលនេះ ត្រូវបានផលិតឡើងដោយប្រើប្រាស់ជាមួយគ្រោងឆ្អឹង DNGA និង TNGA របស់ក្រុមហ៊ុន Daihatsu និង Toyota ផ្ទាល់។ ដោយវាមានប្រវែងសរុប ២ ៣៩៥ម.ម និងមានប្រវែងគម្លាតកង់ ២ ៧៥០ម.ម។
រថយន្តទាំង ៣ម៉ូឌែល ផ្តល់នូវជម្រើសម៉ាស៊ីនសាំង ៤ស៊ីឡាំង ចំនួន ២ប្រភេទគឺ ចំណុះ ១.៣លីត្រ កម្លាំង ៩៧សេះ និងម៉ាស៊ីនចំណុះ ១.៥លីត្រ កម្លាំង ១០៥សេះ។ ជម្រើសម៉ាស៊ីនទាំង ២នេះនឹងបញ្ចូនថាមពលទៅកាន់កង់មុខ តាមរយៈប្រអប់លេខដៃ ៥វគ្គ ឬ CVT។
តាមរយៈរូបរាងនៃម៉ូឌែលឆ្នាំ ២០២២នេះ យើងឃើញថា រថយន្ត Toyota Avanza និង Daihatsu Xenia មានរូបរាងស្ទើរតែដូចគ្នាទាំងស្រុង ដោយលើកលែងតែការរចនាទៅលើផ្នែកមួយចំនួនដូចជា ប៉ាណាខាងមុខ, ឡូហ្គូ Toyota ឬ Daihatsu, ឡូហ្គូនៃប្រភេទរថយន្តផ្នែកខាងក្រោយ និងរបាការពារផ្នែកខាងក្រោយប៉ុណ្ណោះ។ រីឯម៉ូឌែលប្រភេទស្ព័រ Vezol គឺមានការឌីស្សាញបែបស្ព័រ និងPremium ខុសពីម៉ូឌែលទាំង ២ប្រភេទខាងលើផងដែរ ដោយទទទួលបានការឌីស្សាញថ្មីទៅលើ កាងមុខ-ក្រោយ និងចង្កៀងក្រោយថ្មីផងដែរ។
ផ្នែកខាងក្នុងនៃរថយន្តបានផ្តល់នូវភាពទូលាយ និងកៅអី ៣ជួរ ដោយអាចផ្ទុកនូវសមាជិកចំនួន ៧នាក់។ ក្នុងនោះដែរនៅជួរទី២ អាចធ្វើការបត់រាបស្មើរធ្វើជាកន្លែងសម្រាប់ធ្វើការសម្រាកបានផងដែរ។ រីឯកុងទ័របង្ហាញមានរចនាដោយមានលក្ខណៈស្តង់ដា រួមជាមួយអេក្រង់កម្សាន្តទំហំរហូតដល់ ៩អ៊ីញ។ លើសពីនេះម៉ូឌែល Veloz បានបំបាក់បន្ថែមថ្មីជាមួយកៅអីប្រភេទស្បែក, ភ្លើងលម្អ Ambient lighting, អេក្រង់កម្សាន្តនៅជាប់នឹងដំបូលសម្រាប់អ្នកដំណើរផ្នែកខាងក្រោយ, ម៉ាស៊ីនត្រជាក់ស្វ័យប្រវត្តិ, កន្លែងសាកថ្មឥតខ្សែ, សែនស័រសម្រាប់ជំនួយដល់ការបើកបរ និងប្រព័ន្ធសុវត្តិភាព TSS ស្តង់ដារ។
នៅលើទីផ្សារឥណ្ឌូនេស៊ី Daihatsu Xenia មានតម្លៃចាប់ពី ១៣ ៣៩២ដុល្លារ, រថយន្ត Toyota Avanza មានតម្លៃចាប់ពី ១៤ ៤៦៨ដុល្លារ និង Toyota Veloz មានតម្លៃចាប់ពី ១៧ ៦២២ដុល្លារ៕
