មើលច្បាស់ៗរូបរាង BMW M5 ឆ្នាំ ២០២១ ប្រកាសចេញថ្ងៃ ១៧មិថុនានេះ

June 11, 2020

រូបភាពពីរសន្លឹកនៃ BMW M5 ឆ្នាំ ២០២១ ដែលចេញផ្សាយដោយ Kolesa ត្បិតថាជារូបភាព Render មែន ប៉ុន្តែអាចមានភាគរយខ្ពស់បំផុតដែល BMW M5 ជំនាន់ថ្មីប្រកាសចេញដល់ពិភពលោកនាថ្ងៃទី ១៧ មិថុនា នឹងមានរូបរាងដូចនេះ។

ការផ្លាស់ប្ដូរធំបំផុតនៃ BMW M5 គឺការបំពាក់នូវអំពូលខាងមុខដែលមានរាងស្ដើងជាងមុន មានភាពទាក់ទាញខ្លាំងបំផុតបើប្រៀបនឹងជំនាន់មុន។ ការផ្លាស់ប្ដូរផ្សេងទៀតដូចជាការរចនាពណ៌ខ្មៅលើរន្ធខ្យល់ទំហំធំ និងការឌីហ្សាញកាងក្រោយថ្មី ហើយបំពង់ស៊ីមាំងក៏មានការផ្លាស់ប្ដូររូបរាង។ នៅផ្នែកខាងក្រោយក៏មានការផ្លាស់ប្ដូរនូវអំពូលឲ្យសញ្ញាថ្មីផងដែរ។

រថយន្តម៉ូដែលថ្មីនឹងបន្តលក់ដោយប្រើប្រាស់ឈ្មោះជា M5 និង M5 Competition ដែលវាទាំងពីរមានបំពាក់ម៉ាស៊ីន Twin-Turbocharged ចំណុះ ៤,៤លីត្រ អាចផលិតកម្លាំងបានខ្ទង់ ៦០០សេះ ដូចគ្នា។ នៅពេលខាងមុខ BMW នឹងបន្ថែមប្រភេទ M5 CS ដែលមានកម្លាំងខ្លាំងជាងពីរប្រភេទទៀត និងមានទម្ងន់ស្រាលជាងផងដែរ។

ចំពោះផ្នែកខាងក្នុងវិញ រំពឹងថានឹងមានការប្រែប្រួលបន្តិចបន្តួចប៉ុណ្ណោះ។ ផ្លាស់ប្ដូរខ្លាំងគឺនៅត្រង់អេក្រង់កម្សាន្តដែលមានទំហំធំជាងមុន ពោលមានទំហំ ១២,៣អ៊ីញ ឯណោះ៕

ផ្ទាំងផ្សាយពាណិជ្ជកម្ម

Mazda បង្អួតរូបឡានភីកអាប់ BT-50 ឆ្នាំ២០២១ និងថ្ងៃប្រកាសចេញរបស់វាហើយ!

June 11, 2020

ក្រុមហ៊ុន Mazda បានបញ្ចេញរូបថតមួយសន្លឹកដំបូងបង្អស់ នៃរថយន្តភីកអាប់ BT-50 ស៊េរីឆ្នាំ២០២១ ដែលនឹងទទួលបានការឌីហ្សាញឡើងវិញថ្មី។

រថយន្ត Mazda BT-50 ឆ្នាំ២០២១ នឹងត្រូវប្រកាសចេញជាផ្លូវការ នៅថ្ងៃទី១៧ ខែមិថុនា ឆ្នាំ២០២០ ហើយនឹងមិនផលិតផ្អែកតាមរថយន្ត Ford Ranger ដូចស៊េរីមុនៗឡើយ។ ផ្ទុយទៅវិញ BT-50 ថ្មី នឹងត្រូវផលិតផ្អែកតាមរថយន្តភីកអាប់ Isuzu D-Max ថ្មីដែលចេញកាលពីឆ្នាំមុនវិញ។

ទោះជាយ៉ាងណាក៏ដោយ រូបថតមួយសន្លឹកដែលបង្ហាញដោយ Mazda ខាងលើ មិនបានបង្ហាញឲ្យឃើញអ្វីច្រើនឡើយ ក្រៅពីតួខ្លួនពីរបាំងកន្លះ និង ចង្កៀងក្រោយរាងបញ្ឈររបស់វា។ ជាមួយគ្នានេះដែរ ក៏គ្មានព័ត៌មានលេចធ្លាយអំពីកាប៊ីនខាងក្នុងវាដែរ ប៉ុន្តែរថយន្ត D-Max បំពាក់កុងទ័រទំហំ ៤,២អ៊ីញ និងអេក្រង់បង្ហាញព័ត៌មានទំហំ ៩អ៊ីញ អាចភ្ជាប់មុខងារ Android Auto និង Apple CarPlay បាន។

ដោយឡែក ចំពោះជម្រើសម៉ាស៊ីនរបស់ BT-50 ថ្មី ក៏មិនទាន់មានការបញ្ជាក់ណាមួយឡើយដែរ ប៉ុន្តែ D-Max ផ្តល់ជម្រើសម៉ាស៊ីនម៉ាស៊ូត turbodiesel ចំនួន ២ គឺ ចំណុះ ១,៩លីត្រ មានកម្លាំង ១៤៨សេះ និង ចំណុះ ៣,០លីត្រ កម្លាំង ១៨៧សេះ៕

ផ្ទាំងផ្សាយពាណិជ្ជកម្ម

Peugeot 308 ឆ្នាំ២០២១ បង្ហាញខ្លួនជាផ្លូវការ បំពាក់កុងទ័រឌីជីថលថ្មី កាន់តែទំនើប

June 11, 2020

ក្រុមហ៊ុនរថយន្តបារាំង Peugeot បានប្រកាសចេញរថយន្តខ្នាតតូចម៉ូដែល 308 ស៊េរីឆ្នាំ២០២១ របស់ខ្លួនជាផ្លូវការ ដើម្បីប្រជែងនឹងរថយន្ត VW Golf, Ford Focus និងរថយន្តខ្នាតតូចផ្សេងទៀត។

អ្វីដែលផ្លាស់ប្តូរខ្លាំងបំផុតលើរថយន្ត Peugeot 308 ឆ្នាំ២០២១ នេះ គឺការបំពាក់កុងទ័រឌីជីថលថ្មី ហៅថា i-Cockpit ទំហំ ១០អ៊ីញ ប្រភេទ HD ដែលទទួលបានការឌីហ្សាញពីម៉ូដែល 208 និង 2008។ ជាមួយគ្នានេះដែរ ប្រព័ន្ធ Infotainment System របស់វាអាចភ្ជាប់ជាមួយនឹងស្មាតហ្វូន ព្រមទាំងមានមុខងារផែនទី 3D និងអាចបញ្ជាដោយសំឡេងបានទៀតផង។

បន្ថែមពីនេះ វាក៏មានបំពាក់មុខងារ Adaptive Cruise Control ជាមួយមុខងារ Stop & Go, កាមេរ៉ាមើលក្រោយ ១៨០ដឺក្រេ, ប្រព័ន្ធហ្វ្រាំងអូតូ, មុខងារ Active Lane Departure Warning, Driver Attention Alert, Speed Sign Recognition, Active Blind Spot Monitoring និង ចង្កៀងមុខអូតូ។

រថយន្ត Peugeot 308 ថ្មីបំពាក់ម៉ាស៊ីនចំនួន ៤ ជម្រើស ដោយក្នុងនោះមានម៉ាស៊ីនសាំងចំណុះ ១,២លីត្រ PureTech មានកម្លាំង ១០៨សេះ និង ១២៨សេះ និងម៉ាស៊ីនម៉ាស៊ូត ចំណុះ ១,៥លីត្រ BlueHDi មានកម្លាំង ៩៩សេះ និង ១២៨សេះ។ វាមានជម្រើសប្រអប់លេខដៃ ៦វគ្គ និង ៨វគ្គអូតូ។ បន្ថែមពីនេះ ម៉ូដែល 308 GTi បំពាក់ម៉ាស៊ីនចំណុះ ១,៦លីត្រ turbo ទំហំ ៤ស៊ីឡាំង មានកម្លាំងដល់ ២៥៩សេះ៕

ផ្ទាំងផ្សាយពាណិជ្ជកម្ម

BMW ធ្វើតេស្តចប់រួចរាល់លើរថយន្ត SUV អគ្គិសនីថ្មី នឹងបញ្ចេញលក់ចុងឆ្នាំ

June 10, 2020

BMW កំពុងតែត្រៀមខ្លួនផលិតរថយន្ត iX3 ឆ្នាំ ២០២១ ដែលជាប្រភេទប្រើប្រាស់ថាមពលអគ្គិសនីសុទ្ធ នៅរោងចក្រ BMW Brilliance Automotive Dadong ក្នុងប្រទេសចិន ហើយគ្រោងនឹងបញ្ចេញលក់លើទីផ្សារចាប់ពីចុងឆ្នាំ ២០២០ នេះ ដូចដែលបានគ្រោងទុកកន្លងមក។

ក្រុមហ៊ុនបានសម្រេចជោគជ័យលើការសាកល្បង iX3 ឆ្នាំ ២០២១ ដែលការសាកល្បងគឺសម្រេចរួចរាល់ដំណាលគ្នាទាំងសម្រាប់ទីផ្សារប្រទេសចិន និងអឺរ៉ុប។ ដំណើរការនៃការសាកល្បងគឺប្រើប្រាស់ពេលវេលាជាង ៣៤០ម៉ោង ដែលរួមមានការបើកបរសាកល្បងចម្ងាយ ៧៧០០ គ.ម ផងដែរ។

BMW និយាយថា iX3 ឆ្នាំ ២០២១ នឹងអាចទ្រាំទ្រការជិះចម្ងាយប្រមាណ ៤៤០ គ.ម សម្រាប់ការសាកពេញម្ដងៗ ដោយផ្អែកតាមទិន្នន័យពីការធ្វើតេស្តរបស់ European WLTP។ រថយន្តនេះប្រើប្រាស់អាគុយទំហំ ៧៤ គីឡូវ៉ាត់ម៉ោង ដែលមានម៉ូទ័រអគ្គិសនីបំពាក់លើកាឡេក្រោយ អាចផលិតកម្លាំងបាន ២៨២សេះ៕

ផ្ទាំងផ្សាយពាណិជ្ជកម្ម

ប្ដូរអាជីពពីអ្នកប្រណាំងឡាន មកថតរឿងក្ដៅសាច់ ឥឡូវមួយសប្ដាហ៍រកបានជិត ២ម៉ឺនដុល្លារ

June 10, 2020

អ្នកប្រណាំងរថយន្តពេញម៉ោងភេទស្រីដំបូងរបស់អូស្ត្រាលី បានបោះបង់ចោលក្ដីស្រមៃក្នុងការប្រណាំងរថយន្ត IndyCar និង NASCAR មកប្រកបមុខរបរក្នុងឧស្សាហកម្មអាសអាភាសវិញ។ ការសម្រេចចិត្តរបស់ Renee បានធ្វើឲ្យអ្នកគាំទ្រភ្ញាក់ផ្អើលជាខ្លាំង ក្រោយពីបានក្លាយខ្លួនជាអ្នកប្រណាំងរថយន្តបាន ៧ ឆ្នាំ។

នារីវ័យ ២៥ឆ្នាំរូបនេះ នាពេលបច្ចុប្បន្នគឺបានដាក់លក់រូបភាព និងវីដេអូរបស់ខ្លួន លើវិបសាយអាសអាភាស ហើយបានសម្ដែងអារម្មណ៍សប្បាយចិត្តខ្លាំងចំពោះការផ្លាស់ប្ដូរអាជីពបែបនេះ។ នាងបានប្រាប់ដល់ The Daily Telegraph ថា ៖ “វាគឺជារឿងដ៏ល្អបំផុតមួយដែលខ្ញុំបានធ្វើពេញមួយជីវិតនេះ។”

ចាប់ផ្ដើមដំបូង Renee អាចរកប្រាក់ចំណូលបានប្រមាណ ២០៨០ដុល្លារ ក្នុងសប្ដាហ៍ដំបូង។ ពេលនេះនាងអាចរកប្រាក់ចំណូលបានដល់ប្រមាណ ១៧៣៥០ដុល្លារ ក្នុងមួយសប្ដាហ៍ពីមុខរបរថ្មី៕

ផ្ទាំងផ្សាយពាណិជ្ជកម្ម

Mercedes-AMG បង្ហាញតម្លៃឡាន GLA 35 និង GLA 45 ថ្មីហើយ!

June 10, 2020

ក្រុមហ៊ុន Mercedes-AMG បានបើកឲ្យបញ្ជាទិញរថយន្ត SUV ខ្នាតតូចរបស់ខ្លួន គឺ GLA 35, GLA 45 និង GLA 45 S នៅក្នុងប្រទេសអាល្លឺម៉ង់។

រថយន្ត Mercedes-AMG GLA 35 4Matic ត្រូវបានដាក់លក់ក្នុងតម្លៃ ៦១ ២៣០ដុល្លារ, GLA 45 4Matic+ តម្លៃ ៧០ ៩០០ដុល្លារ និង GLA 45 S 4Matic+ តម្លៃ ៧៧ ២៣០ដុល្លារ។

រថយន្តទាំង ៣ ម៉ូដែលខាងលើបំពាក់ម៉ាស៊ីន turbocharged ចំណុះ ២,០លីត្រ ទំហំ ៤ស៊ីឡាំងដូចគ្នា។ GLA 35 4Matic មានកម្លាំង ៣០២សេះ ប្រើប្រព័ន្ធប៉ុងពីរ AMG Performance 4Matic AWD អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៥,១វិនាទី ហើយមានល្បឿនអតិបរមាដល់ ២៥០គីឡូម៉ែត្រក្នុងមួយម៉ោង។

ដោយឡែក រថយន្ត GLA 45 4Matic+ វិញមានកម្លាំង ៣៩២សេះ ហើយប្រើប្រព័ន្ធប៉ុងពីរខុសគ្នា ហៅថា AMG Torque Control អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៤វិនាទី ហើយមានល្បឿនអតិបរមាដល់ ២៥០គីឡូម៉ែត្រក្នុងមួយម៉ោង។

ចុងក្រោយគឺ GLA 45 S 4Matic+ មានកម្លាំង ៤១៥សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៤,៤វិនាទី ហើយមានល្បឿនអតិបរមាដល់ ២៧០គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

Subaru Crosstrek ឆ្នាំ២០២១ ប្រើម៉ាស៊ីនថ្មីខ្លាំងជាងមុន ហើយថែមម៉ូដែលថ្មីមួយទៀត

June 10, 2020

ក្រុមហ៊ុន Subaru បានប្រកាសចេញរថយន្ត Crosstrek ស៊េរីឆ្នាំ២០២១ របស់ខ្លួនជាផ្លូវការ ដោយបំពាក់ម៉ាស៊ីនថ្មី, បន្ថែមម៉ូដែល Sport និង កែកុនការឌីហ្សាញមួយចំនួន ជាដើម។

ឥឡូវនេះ រថយន្ត Subaru Crosstrek ថ្មីបំពាក់ម៉ាស៊ីនសាំងចំណុះ ២,៥លីត្រ ទំហំ ៤ស៊ីឡាំង ប្រភេទ Boxer មានកម្លាំង ១៨២សេះ មកស្តង់ដារលើម៉ូដែល Sport និង Limited។ វាមានកម្រិតស៊ីសាំង ៨,៧លីត្រ/ក្នុងក្រុង , ៦,៩លីត្រ/ក្រៅក្រុង និង ៨,១លីត្រ/ជាមធ្យម សម្រាប់ការបើកបរចម្ងាយ ១០០គីឡូម៉ែត្រ។

ដោយឡែក ម៉ូដែល Base និង Premium នៅបំពាក់ម៉ាស៊ីនសាំងចំណុះ ២,០លីត្រ ទំហំ ៤ស៊ីឡាំង ប្រភេទ Boxer មានកម្លាំងត្រឹម ១៥២សេះ។ គ្រប់ម៉ូដែលរបស់ Crosstrek ទាំងអស់ សុទ្ធតែបំពាក់ប្រព័ន្ធប៉ុងពីរ Subaru Symmetrical All-Wheel Drive និង Active Torque Vectoring។

បន្ថែមពីនេះ Subaru បានកែសម្រួលប្រព័ន្ធ EyeSight ឲ្យកាន់តែប្រសើរលើ Crosstrek ឆ្នាំ២០២១ ជាមួយនឹងមុខងារថ្មី ហៅថា Advanced Adaptive Cruise Control with Lane Centering៕

ផ្ទាំងផ្សាយពាណិជ្ជកម្ម

អ្នកជិះ Ford Ranger មិនបារម្ភរឿងភ្លៀង ព្រោះអាចដាក់ឃ្លប់អូតូបាន (មានវីដេអូ)

June 10, 2020

រដូវភ្លៀងបានចូលមកដល់បណ្តើរៗហើយ ដូច្នេះអ្នកដែលប្រើប្រាស់រថយន្តប្រភេទ Pick Up ជាពិសេស Ford Ranger តែម្តង អាចធ្វើការដាក់ឃ្លប់រូតអូតូប្រើតេលេ ងាយស្រួលប្រើប្រាស់ សន្លឹកគំរបក្រាស់រឹងមាំ ដែលមានការធានាចំពោះការកាត់ ការវះ ដោយគ្មានក្តីបារម្មណ៍ពីអ្នកឯកទេសគ្រឿងរថយន្ត អាយ ខា (iCAR)។ ក្នុងនោះផងដែរ អតិថិជនអាចមានជម្រើស ២ ផងដែរគឺ មានប្រភេទប្រើប្រាស់តេលេបញ្ជារតម្លៃ ៧៥០ ដុល្លារអាមេរិក និងទាញដោយដៃត្រឹមតែ ៥៥០ ដុល្លារអាមេរិក។ ប្រសិនបើអតិថិជន មានតម្រូវការក៏អាចចំនេញបាន ១០ដុល្លារ ដោយប្រើប្រាស់បណ្ណបញ្ចុះតម្លៃខាងក្រោម៖

សូមទស្សនាការបង្ហាញ ពីរថយន្ត Ford Ranger Wildtrack ២០២០ ដែលមានធ្វើការដំឡើងឃ្លប់អូតូ

សំរាប់ពត៍មានបន្ថែមសូមទាក់ទង ០៩២ ៩៦ ០០០០ / ០៩៦ ៥៩៦ ០០០០ / ០៩៧ ៥៩៦ ០០០០ ឬ ផ្ទះលេខ២៧-២៨, ផ្លូវលេខ៦០៨, ខាងលិចរង្វង់មូលទួលគោក ១៥០មែត្រ ចុចមើលផែនទីនៅទីនេះ!

ផ្ទាំងផ្សាយពាណិជ្ជកម្ម

ដឹងថ្ងៃប្រកាសឡានភីកអាប់អគ្គិសនីគូប្រជែង Tesla Cybertruck

June 9, 2020

នាយកប្រតិបត្តិក្រុមហ៊ុន Lordstown Motors លោក Steve Burns បានបង្ហាញឲ្យដឹងថារថយន្តភីកអាប់អគ្គិសនីរបស់ខ្លួននឹងបង្ហាញខ្លួនជាផ្លូវការនៅថ្ងៃទី ២២ ខែមិថុនា។

រថយន្តនេះដើមឡើយគឺគ្រោងបង្ហាញមុខក្នុងកម្មវិធី North American International Auto Show នាទីក្រុង Detroit ប៉ុន្តែដោយសារកម្មវិធីត្រូវរំសាយចោលព្រោះជំងឺកូវីដ១៩ ទើបក្រុមហ៊ុនផ្លាស់ប្ដូរផែនការ។ រថយន្តភីកអាប់ម៉ូដែល Endurance នឹងបង្ហាញខ្លួនជាផ្លូវការក្នុងកម្មវិធីប្រជុំរបស់ក្រុមហ៊ុនដែលធ្វើឡើងនៅសប្ដាហ៍នៃថ្ងៃទី ២២ ខែមិថុនា។ ការបង្ហាញចេញនេះនឹងត្រូវថតទុក ហើយបញ្ចេញឲ្យមហាជនបានឃើញមុនដាច់ខែមិថុនា។

ចំពោះលក្ខណៈសម្បត្តិរបស់ភីកអាប់អគ្គិសនីនេះ គេដឹងថាវានឹងមានបំពាក់ម៉ូទ័រអគ្គិសនីចំនួនបួនសម្រាប់ផ្ដល់កម្លាំងដល់កង់ទាំងអស់ ដែលមានកម្លាំងសរុប ៦០០សេះ អាចឲ្យវាស្ទុះពី ០-៩៦ គ.ម/ម៉ ក្នុងពេល ៥,៥វិនាទី ហើយវាមានល្បឿនអតិបរមាដែលកំណត់ត្រឹម ១២៨ គ.ម/ម៉៕

ផ្ទាំងផ្សាយពាណិជ្ជកម្ម

Mercedes-Maybach S 650 ពិសេសនេះ មានផលិតត្រឹម ១៥គ្រឿងប៉ុណ្ណោះ

June 9, 2020

ក្រុមហ៊ុន Daimler បានបង្ហាញចេញរថយន្ត Mercedes-Maybach S 650 ស៊េរីពិសេសឈ្មោះថា Night Edition ដែលមានផលិតត្រឹម ១៥គ្រឿង ហើយមួយគ្រឿងៗគឺមានតម្លៃ ២៤២ ៩៥០ដុល្លារ សម្រាប់លក់នៅទីផ្សារសហរដ្ឋអាមេរិក។

ចំណុចពិសេសរបស់រថយន្តនេះគឺការប្រើប្រាស់ពណ៌ខ្មៅពិសេសឈ្មោះថា Obsidian Black សម្រាប់រូបរាងខាងក្រៅ ហើយផ្នែកខាងក្នុងមានបំពាក់ដោយស្បែក Nappa ដែលមានរំលេចជាពណ៌សាច់ជាមួយនឹងពណ៌ខ្មៅ និងមានអមដោយកម្រាលពណ៌ខ្មៅដែលមានស៊ុមពណ៌ស្បែកផងដែរ។

មុខងារស្តង់ដារសម្រាប់រថយន្តនេះមានដូចជាកៅអីអង្គុយលំដាប់ VIP នៅផ្នែកខាងក្រោយ, មានភ្លើងបំភ្លឺខាងក្នុង ៦៤ពណ៌, មាន Head-Up Display, ប្រព័ន្ធភ្លើង LED វៃឆ្លាតដែលអាចបាញ់ចេញបានធំ និងមានពន្លឺភ្លឺច្បាស់, មានរន្ធបំពងសំលេង Burmester High-End 3D, មាន Driver Assistance ដែលជាជំនួយការបើកបរ, មាន Night View Assist Plus និងមានប្រព័ន្ធបូមខ្យល់ផងដែរ។

ចំពោះថាមពលរបស់ Mercedes-Maybach S 650 Night Edition នេះគឺបានពីម៉ាស៊ីន ៦,០លីត្រ ១២ស៊ីឡាំង កម្លាំង ៦២១សេះ ដែលអាចស្ទុះពី ០-៩៦ គ.ម/ម៉ ដោយប្រើពេលត្រឹមតែ ៤,៦វិនាទី៕

ផ្ទាំងផ្សាយពាណិជ្ជកម្ម