Toyota GR Corolla ទំនងបង្ហាញខ្លួន លើទីផ្សារសហរដ្ឋអាមេរិច

កាលពីពេលដើមឆ្នាំកន្លងទៅ Toyota បានបញ្ជាក់ថានឹងផ្តល់នូវរថយន្ត GR ប្រភេទ Hot Hatch សម្រាប់ទីផ្សារសហរដ្ឋអាមេរិច បន្ទាប់ពីអវត្តមាននៃរថយន្ត GR Yaris។ នាពេលនេះ Toyota ក៏បានធ្វើការបញ្ចេញនូវរូបភាពផ្នែកខាងក្នុងនៃរថយន្ត Corolla ដែលត្រូវបានគេរំពឹងថា ជាតម្រុយនៃការមកដល់នៃរថយន្ត Toyota GR Corolla។

សម្រាប់រូបភាពនៃផ្នែកខាងក្នុងនៃរថយន្តនេះ ត្រូវបានបញ្ចេញឡើងដោយគណនី Instagram របស់ Toyota USA ដោយភ្ជាប់មកជាមួយចំណងជើង ” Keep them guessing…”។

ពាណិជ្ជកម្ម

លើសពីនេះ យោងតាមការកត់សម្គាល់ដោយ GR Corolla Forum បានបង្ហាញអោយអោយនូវពាក្យ G:16 នៅលើកុងទ័របង្ហាញ ដែលមានភាពស្រដៀងគ្នានឹងម៉ាស៊ីន G16E-GTS ចំណុះ ១.៦លីត្រ Turbocharged ៣ស៊ីឡាំង ដែលបំពាក់លើរថយន្ត GR Yaris។ បន្ថែមជាមួយពាក្យ GR-Four ដែលសំដៅដល់ប្រព័ន្ធ AWD របស់ Toyota ផងដែរ។

យ៉ាងណាមិញ បើសិនរថយន្ត GR Corolla នឹងបង្ហាញខ្លួនសម្រាប់ទីផ្សារសហរដ្ឋអាមេរិចនាពេលខាងមុន នោះគេរំពឹងថា រថយន្តនេះនឹងដំណើរការដោយប្រព័ន្ធបើកបរ AWD ដោយបំពាក់ជាមួយម៉ាស៊ីន Turbocharged ៣ស៊ីឡាំង ដែលមានថាមពលើសរថយន្ត GR Yaris៕

Sponsored