[ទីផ្សារបរទេស] Ford Bronco ទំនងកំពុងតែក្លាយជារថយន្ត SUV ដែលគេចង់បានបំផុតមួយ នាពេលបច្ចុប្បន្ននេះ។ ទោះបីជាយ៉ាងណាក៏ដោយ ក្រុមហ៊ុននាំចូលរថយន្តប្រណីត Clive Sutton នៅចក្រភពអង់គ្លេស ដែលត្រូវបានគេស្គាល់ច្បាស់ក្នុងការនាំចូលរថយន្តពីអាមេរិក បានប្រកាសថា ពួកគេនឹងលក់ដាក់លក់រថយន្ត Bronco ដែរ។
បើយោងតាមក្រុមហ៊ុនខាងលើ ពួកគេគ្រោងនឹងដាក់លក់រថយន្ត Ford Bronco ដែលនាំចូលពីអាមេរិក ក្នុងតម្លៃពី ៤៥ ០០០ផោន (៦១ ២៤០ដុល្លារ) ទៅ ៨៥ ០០០ផោន (១១៥ ៦៨០ដុល្លារ) អាស្រ័យលើជម្រើស Option។
តម្លៃខាងលើនេះគឺជាថ្លៃហួសពីការស្មាន បើប្រៀបធៀបជាមួយនឹងតម្លៃរថយន្ត Ford Bronco នៅសហរដ្ឋអាមេរិក ដែលមានតម្លៃចាប់ពី ខ្ទង់ ២ម៉ឺនដុល្លារក្រាស់ នៅលើទឹកដីកំណើតរបស់វា។
យ៉ាងណាក៏ដោយ រថយន្ត Ford Bronco ពីក្រុមហ៊ុន Clive Sutton នោះ គឺជាគ្រឿងដំបូងៗនៅចក្រភពអង់គ្លេស ដូច្នេះវាក៏ជាមូលហេតុមួយធ្វើឲ្យតម្លៃរបស់វាថ្លៃបែបនេះដែរ។ មិនតែប៉ុណ្ណោះ ចំពោះអតិថិជននៅចក្រភពអង់គ្លេសដែលចង់បានរថយន្ត Ford Bronco នៅពេលនេះ ទាល់តែហ៊ានចំណាយច្រើនបន្តិច ទើបអាចសម្រេចក្តីស្រមៃរបស់ខ្លួនបាន៕
ប្រភព ៖ carscoops
