ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 175

Lexus ប្រកាសបើកបញ្ជាទិញសារជាថ្មីសម្រាប់រថយន្ត Lexus NX450h+ ស៊េរីឆ្នាំ២០២៥ ប្រភេទ PHEV ជាមួយតម្លៃលក់ខ្ទង់ ៦មុឺនដុល្លារ

កាលពីពេលថ្មីៗនេះ ក្រុមហ៊ុនផលិតរថយន្ត Lexus Australia បានធ្វើការប្រកាសបើកបញ្ជាទិញសារជាថ្មីសម្រាប់ រថយន្ត Lexus NX450h+ ស៊េរីឆ្នាំ២០២៥ ប្រភេទ Plug-in Hybrid SUV នៅក្នុងប្រទេសអូស្ត្រាលី បន្ទាប់ពីការផ្អាកជិតពីរឆ្នាំ ជាមួយតម្លៃលក់ថ្មីខ្ទង់ ៦១ ៥០០ ដុល្លារ។

ចំពោះការផ្អាកក្នុងបើកបញ្ជាទិញនេះ គឺបណ្តាលមកពីតម្រូវការទិញកើនឡើងខ្ពស់រហូតលើសពីការផ្គត់ផ្គង់ និងបានផ្អាកក្នុងបើកបញ្ជាទិញក្នុងខែមិនា ក្នុងឆ្នាំ២០២៣។

ក្នុុងនោះ បើយោងតាមគេហទំព័រ Lexus Australia បានឱ្យដឹងថា រថយន្ត Lexus NX450h+ ស៊េរីឆ្នាំ២០២៥ គឺមានតម្លៃលក់ថ្មីខ្ពស់ជាងមុខចំនួន ៣ ១០០ ដុល្លារ កើនឡើងពីតម្លៃលក់ចាស់ខ្ទង់ ៥៨ ៣០០ ដុល្លារ។

ចំពោះរថយន្តនេះ គឺដំណើរការដោយប្រព័ន្ធម៉ាសុីនកូនកាត់ Plug-in Hybrid ធ្វើការរួមគ្នារវាងម៉ាសុីនសាំងចំណុះ ២,៥លីត្រ ទំហំ ៤សុីឡាំង និងម៉ូទ័រអគ្គិសនីចំនួន ២ អាចផលិតកម្លាំងសរុបបានចំនួន ៣០៤ សេះ ផ្គួបជាមួយអាគុយទំហំ ១៨,១ គីឡូវ៉ាត់ម៉ោង អាចបើកបរបានចម្ងាយ ៨៧ គីឡូម៉ែត្រ ដោយប្រើប្រាស់នូវថាមពលអគ្គិសនីសុទ្ធ និងប្រើប្រាស់ប្រព័ន្ធបើកបរប៉ុង ២ AWD ។

គួរឲដឹងថា សម្រាប់រថយន្ត Lexus NX នេះផងដែរក៏ទទួលបាននូូវជម្រើសម៉ាសុីនសាំង, Hybrid និងជម្រើសប្រព័ន្ធបើកបរប៉ុង ១ FWD ៕

ផ្ទាំងផ្សាយពាណិជ្ជកម្ម

ញាក់សាច់! VW និង SAIC ប្រកាសចុះកិច្ចព្រមព្រៀងថ្មី ត្រៀមចេញឡានថ្មីចំនួន ១៨ម៉ូឌែល

កាលពីពេលថ្មីៗនេះ ក្រុមហ៊ុន Volkswagen (VW) និងក្រុមហ៊ុន SAIC របស់ប្រទេសចិន បានប្រកាសថា ពួកគេនឹងចុះកិច្ចព្រមព្រៀងថ្មីដើម្បីពង្រីកសម្ព័ន្ធភាពដៃគូសហកាលរបស់ពួកគេដល់ឆ្នាំ២០៤០ ដែលបានបន្តពីកិច្ចចាស់ដែលបានចាប់ផ្តើមក្នុងឆ្នាំ១៩៨៤។

ចំពោះការចុះកិច្ចព្រមព្រៀងថ្មីនេះ មានន័យថាក្រុមហ៊ុនទាំងពីរនឹងបន្តបណ្តាក់ទុនរួមគ្នាដើម្បីអភិវឌ្ឍផលិតផលរថយន្តថ្មីៗជាច្រើនម៉ូឌែល ពោលគឺក្រុមហ៊ុន SAIC Volkswagen មានគោលដៅណែនាំរថយន្តថ្មីចំនួន ១៨ម៉ូឌែល មុនឆ្នាំ ២០៣០ ដែលក្នុងនោះមានរថយន្ត ១៥ គ្រឿង ត្រូវបានបង្ហើតឡើងសម្រាប់ទីផ្សារចិនជាពិសេស រួមមានរថយន្តប្រភេទអគ្គិសនីសុទ្ធ និង Plug-in Hybrid Electric Vehicles (PHEV) ដោយប្រើនូវប្រព័ន្ធបច្ចេកវិទ្យាគ្រោងឆ្អឹងថ្មី CMP (Compact Modular Platform) ។

គួរឲដឹងថា នៅក្នុងការកិច្ចព្រមព្រៀងថ្មីនេះ ក្រុមហ៊ុន VW បានប្រកាសលក់រោងចក្ររបស់ខ្លួននៅក្នុងតំបន់ Xinjiang ដោយសារតំបន់នេះមានការរិះគន់ទាក់ទងថា មានការរំលោភសិទ្ធិមនុស្ស។ ក្នុងនោះ រោងចក្រនេះ ត្រូវបានបើកដំណើរការជាលើកដំបូងក្នុងឆ្នាំ២០១៣ ដោយមានបុគ្គលិកត្រឹម ២០០ នាក់ ប៉ុណ្ណោះ និងមិនបានផលិតរថយន្តសូម្បីតែមួយគ្រឿងចាប់តាំងពីឆ្នាំ២០១៩ មក។

គួរបញ្ជាក់ថា ការលក់របស់ VW នៅក្នុងប្រទេសចិនកំពុងជួបប្រទះនឹងការធ្លាក់ចុះជាខ្លាំង ពោលគឺស្ថិតនៅចន្លោះឆ្នាំ ២០២០ ដល់ឆ្នាំ២០២៣ ការលក់របស់ VW នៅក្នុងប្រទេសចិនបានធ្លាក់ចុះពី ២៥ភាគរយ មក ១៥ភាគរយ ៕

ផ្ទាំងផ្សាយពាណិជ្ជកម្ម

ញាក់សាច់! Kia ចេញឡាន EV ថ្មី អាចផលិតកម្លាំងបានដល់ ៦៤៥សេះ

[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Kia បានធ្វើការដាក់បង្ហាញចេញជាផ្លូវការនូវរថយន្ត Kia EV6 ស៊េរីថ្មីចុងក្រោយ ឆ្នាំ២០២៦ ម៉ូឌែល GT ប្រភេទរថយន្ត SUV នៅក្នុងប្រទេសកូរ៉េខាងត្បូង ជាមួយតម្លៃលក់ចាប់ពី ៥១ ៨០០ ដុល្លារ។

ចំពោះរថយន្ត Kia EV6 GT ស៊េរីថ្មីចុងក្រោយ មុខមាត់ថ្មីនេះ ដំណើរការដោយម៉ូទ័រអគ្គិសនីចំនួន ២ ប៉ុង ២ AWD អាចផលិតកម្លាំងបានសរុបដល់ ៦៤៥ សេះ និងកម្លាំងរមួល ៧៧០ ញ៉ូតុនម៉ែត្រ ផ្គួបជាមួយអាគុយថ្មីទំហំ ៨៤គីឡូវ៉ាត់ម៉ោង អាចបើកបរបានចម្ងាយ ៣៥៥គីឡូម៉ែត្រ នៅពេលសាកថ្មពេញម្តង និងគាំទ្រការសាកថ្មល្បឿនលឿន ៣៥០គីឡូវ៉ាត់ អាចសាកបានពី ១០-៨០% ប្រើរយពេលខ្ទង់ ១៨នាទី និងអាចជាន់ស្ទុះពី ០ ទៅ ១០០គ.ម/ម៉ោង ប្រើពេលខ្ទង់ ៣,៥វិនាទី។

សម្រាប់ការរចនាផ្នែកខាងក្រៅរបស់រថយន្តនេះ មានភាពហាប់ណែន អំណាច និងស្ព័រ ដោយមានការរចនាជាមួយពណ៌ដំឡូងស្វាយ និងបំពាក់ជាមួយប៉ាណាបិទជិត ចង្កៀងមុខ-ក្រោយ LED រាងស្លីមថ្មី អូសកាត់ពីម្ខាងទៅម្ខាង ព្រមប្រើប្រាស់នូវថាសកង់ថ្មីពណ៌ខ្មៅទំហំ ២១អ៊ីញ និងដុំហ្វ្រាំងពណ៌បៃតង។

ចំណែកនៅផ្នែកខាងក្នុងវិញ ទទួលបានអេក្រង់ភ្លោះរួមបញ្ជូលគ្នារវាងអេក្រង់កម្សាន្ត touchscreen និងអេក្រង់កុងទ័របង្ហាញព័ត៌មានឌីជីថលទំហំ ១២,៣អ៊ីញ ជាប្រភេទអេក្រង់ភ្លោះ ក៏ដូចជាកៅអីស្ព័រអាចចុចបាន ៨របៀប មានមុខងារម៉ាស្សា កម្តៅ ត្រជាក់ រួមជាមួយប្រព័ន្ធអូឌីយ៉ូម៉ាក Harman Kardon និងប្រព័ន្ធ ADAS ដ៏ឆ្លាតវៃជាច្រើនមុខងារផងដែរ៕

ផ្ទាំងផ្សាយពាណិជ្ជកម្ម

Lamborghini ថា ពួកគេមិនមានគម្រោងក្នុងការពន្យាពេលក្នុងការចេញលក់ឡាន EV ថ្មីរបស់ពួកគេនោះទេ

កាលពីពេលថ្មីៗនេះ នាយកប្រតិបត្តិរបស់ក្រុមហ៊ុនផលិតរថយន្ត Lamborghini លោក Stephan Winkelmann បានធ្វើការប្រកាសបញ្ជាក់ថា ពួកគេនឹងដាក់បង្ហាញចេញលក់នូវរថយន្តអគ្គិសនី Lamborghini Lanzador ប្រភេទ crossover EV ដែលជារថយន្តម៉ូដែលទី ៤ របស់ពួកមុនឆ្នាំ២០៣០ ពោល គឺមិនមានបំណងធ្វើការពន្យាពេលក្នុងការចេញលក់នោះឡើយ បើទោះបីជាស្ថានភាពទីផ្សារនៃការលក់រថយន្ត EV នាពេលបច្ចុប្បន្នមិនសូវមានភាពល្អក៏ដោយ។

គាត់បានទទួលស្គាល់ថា ទោះបីជាទីផ្សារអគ្គិសនីសព្វថ្ងៃកំពុងប្រឈមនឹងការធ្លាក់ចុះក៏ដោយ ក្រុមហ៊ុននៅតែមានភាពបត់បែនក្នុងការសម្រេចចិត្តអំពីការចេញលក់រថយន្តអគ្គិសនីម៉ូឌែលថ្មីនេះ។ ទោះយ៉ាងណា Lamborghini មិនមានគម្រោងលុបចោល ឬពន្យារពេលគម្រោង EV នេះទេ។

គួរឲដឹងថា បច្ចុប្បន្ន ក្រុមហ៊ុន Lamborghini មានរថយន្តកូនកាត់អគ្គិសនីចំនួន ៣ម៉ូឌែល រួមមាន Lamborghini Urus SUV, Temerario និង Revuelto ដែលកំពុងក្លាយជារថយន្តដែលទទួលបានការគាំទ្រពីអតិថិជន៕

ផ្ទាំងផ្សាយពាណិជ្ជកម្ម

ញាក់សាច់! Mahindra ចេញឡាន EV ថ្មីចំនួន ២ម៉ូឌែល តម្លៃខ្ទង់ ២មុឺនដុល្លារជាង ជិះបាន ៥៥០គ.ម ឯការឌីស្សាញ និង Option អេមកប់ៗ

[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Mahindra បានធ្វើការប្រកាសដាក់ចេញជាផ្លូវការនូវរថយន្តអគ្គិសនីសុទ្ធសេរ៊ីថ្មីចំនួន​ ២ម៉ូឌែល រួមមាន Mahindra BE 6e និង XEV 9e ប្រភេទ coupe-SUV ជាមួយតម្លៃលក់ចាប់ពី ២២ ៤០០ ដុល្លារ សម្រាប់ម៉ូឌែល BE 6e និង ២៥ ៩០០ ដុល្លារ នៅទីផ្សារប្រទេសឥណ្ឌា ហើយគ្រោងនឹងចេញលក់ជាផ្លូវការនៅក្នុងដើមឆ្នាំ២០២៥ ខាងមុខនេះ។

រថយន្តអគ្គិសនី Mahindra BE 6e មានប្រវែងតួខ្លួនសរុប ៤ ៣៧១ ម.ម ទទឹង ១ ៩០៧ ម.ម កម្ពស់ ១ ៦២៧ ម.ម និងប្រវែងគម្លាតកង់មុខ-ក្រោយ ២ ៧៧៥ ម.ម ចំណែក XEV 9e វិញ មានប្រវែងតួខ្លួនសរុប ៤ ៧៩០ ម.ម ទទឹង ១ ៩០៥ ម.ម កម្ពស់ ១ ៦៩០ ម.ម និងប្រវែងគម្លាតកង់មុខ-ក្រោយ ២ ៧៧៥ ម.ម និងត្រូវបានផលិតឡើងនៅលើគ្រោងឆ្អឹង INGLO electric architecture ដំណើរការដោយជម្រើសម៉ូទ័រអគ្គិសនីចំនួន ១ ប៉ុង ១ RWD ចំនួន២ ដូចគ្នាអាចផលិតកម្លាំងបាន ២២៨ និង ២៨២ សេះ ផ្គួបជាមួយជម្រើសអាគុយទំហំ ៥៩ និង ៧៩ គីឡូវ៉ាត់ម៉ោង អាចបើកបរបានចម្ងាយ ៥៣៣ និង ៥៥០ គីឡូម៉ែត្រ នៅពេលសាកថ្មពេញម្តង គាំទ្រការប្រើឆ្នាំងសាកថ្មល្បឿនល្បឿន ១៧៥ គីឡូវ៉ាត់ អាចសាកពី ២០% ដល់ ៨០% ប្រើរយៈពេល ២០នាទីប៉ុណ្ណោះ និងអាចរត់ពី ០ ទៅ ១០០ គ.ម/ម៉ោង ប្រើពេលខ្ទង ៦,៨វិនាទី។

សម្រាប់ការឌីស្សាញផ្នែកខាងក្រៅមានការរចនាជារូបរាងជ្រុងៗ បំពាក់ជាមួយប៉ាណាបិទជិតដើម្បីសម្គាល់ជាប្រភេទរថយន្តអគ្គិសនីសុទ្ធ ចង្កៀងមុខ-ក្រោយ LED រាងអក្សរ C (BE 6e) និងចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង (XEV 9e) ព្រមទាំងប្រើប្រាស់នៅថាសកង់ស្ព័រទំហំ ២០អ៉ីញរចនាថ្មី និងដៃទ្វារប្រភេទអគ្គិសនី។

ចំពោះនៅផ្នែកខាងក្នុងវិញ មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ១២,៣ អ៊ីញ ជាប្រភេទអេក្រង់ភ្លោះ អេក្រង់ Heads Up Display អេក្រង់កម្សាន្តសម្រាប់អ្នកដំណើរផ្នែកខាងក្រោយចំនួន២ ក៏ដូចជាភ្លើង​បំភ្លឺ​ជុំវិញនៅលើ​កុងសូល​ កៅអី​ស្ព័រ និងអេក្រង់ទំហំ ១២,៣អ៊ីញ ចំនួន​៣ ជាប្រភេទអេក្រង់ភ្លោះ ដំបូលកញ្ជក់ Panoramic សម្ភារៈពិសេសៗ និងប្រព័ន្ធសំឡេង Harman Kardon Speaker ចំនួន ១៦គ្រាប់ សម្រាប់ម៉ូឌែល XEV 9e ដែលអេក្រង់ទាំងអស់នេះដំណើរការដោយប្រព័ន្ធបច្ចេកវិទ្យា Mahindra Artificial Intelligence Architecture រួមជាមួយបន្ទះឈីប Qualcomm Snapdragon 8295 និង Adreno GPU ជំនាន់ទី៦ និងមានភ្ជាប់មកជាមួយពោងសុវត្ថិភាពចំនួន ៧ចំនុច ប្រព័ន្ធ ADAS កម្រិត ២ មានដូចជា កាមេរ៉ា ៣៦០ដឺក្រេ មុខងារ blind-spot monitoring និងមុខងារ remote parking ជាដើម៕

ផ្ទាំងផ្សាយពាណិជ្ជកម្ម

BYD នឹងនាំយកភីកអាប់ Shark 6 ប្រភេទ PHEV ទៅដាក់បង្ហាញនៅឯពិព័រណ៍រថយន្ត Motor EXPO 2024 ក្នុងប្រទេសថៃ

[បរទេស] ក្រុមហ៊ុនផលិតរថយន្ត BYD គ្រោងនឹងនំាយករថយន្តភីកអាប់ BYD Shark 6 ស៊េរីថ្មីចុងក្រោយ ប្រភេទ PHEV ទៅដាក់តាំងបង្ហាញនៅឯពិព័រណ៍រថយន្ត Motor EXPO 2024 ដែលធ្វើឡើងនៅប្រទេសថៃថ្ងៃទី ២៨ ខែវិច្ឆិកា ឆ្នាំ ២០២៤ ។

ភីកអាប់នេះ ត្រូវបានផលិតឡើងនៅលើគ្រោងឆ្អឹង DMO platform ដំណើរការដោយម៉ាស៊ីន Plug-in hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ Turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន២ អាចផលិតកម្លាំងសរុបចំនួនបាន ៤២៨ សេះ និងកម្លាំងរមួល ៦៥០ ញ៉ូតុនម៉ែត្រ ផ្គួបជាមួយអាគុយទំហំ ២៩,៥៨ គីឡូវ៉ាត់ម៉ោង អាចបើកបរបានចម្ងាយ ១០០ គីឡូម៉ែត្រដោយប្រើថាមពលអគ្គិសនី និងអាចសាកឡើងពី ៣០ ទៅ ៨០ភាគរយ ចំណាយពេលខ្ទង់ ២០នាទី និងអាចបើកបរបានចម្ងាយសរុប ៨៤០ គីឡូម៉ែត្រនៅពេលមានសាំងពេញ ។

គួរបញ្ជាក់ផងដែរថា សម្រាប់ភីកអាប់ BYD Shark 6 នៅទីផ្សារប្រទេសថៃមិនទាន់ប្រកាសតម្លៃលក់នៅឡើយទេនោះទេ ខណៈនៅទីផ្សារប្រទេសកម្ពុជាមានតម្លៃលក់ ៥៦ ៨០០ ដុល្លារ ៕

 

ផ្ទាំងផ្សាយពាណិជ្ជកម្ម

ឡាន SUV របស់ Chery ស៊េរីថ្មីចុងក្រោយបំផុត ចេញលក់នៅប្រទេសជាប់កម្ពុជាតម្លៃខ្ទង់ ២មុឺនដុល្លារ

[បរទេស] ក្រុមហ៊ុនផលិតរថយន្ត Chery បានធ្វើការដាក់បង្ហាញចេញនៅរថយន្ត Omoda C5 ស៊េរីថ្មីចុងក្រោយ នៅទីផ្សារប្រទេសវៀតណាម ជាមួយតម្លៃលក់ចាប់ពី ២៣ ១៧៩ ដុល្លារ ដល់ ២៦ ៣២៨ ដុល្លារ ។

Chery Omoda CS ដំណើរការដោយម៉ាស៊ីនសាំងចំណុះ ១,៥ លីត្រ turbocharged ទំហំ ៤ស៊ីឡាំង អាចផលិតកម្លាំងបាន ១៥៤ សេះ និងកម្លាំងរមួល ២៣០ ញ៉ូតុនម៉ែត្រ ភ្ជាប់ដោយប្រអប់លេខអូតូ CVT ប្រភេទបើកបរប៉ុង ១ ។

រថយន្តនេះមានប្រវែងតួខ្លួនសរុប ៤ ៤០០ ម.ម ទទឹង ១ ៨៣០ ម.ម កំពស់ ១ ៥៨៥ ម.ម និងប្រវែងគម្លាតកង់មុខ-ក្រោយ ២ ៦៣០ ម.ម ។ សម្រាប់ការឌីស្សាញផ្នែកខាងក្រៅ មានប៉ាណាគ្មានស៊ុមទំហំធំ ចង្កៀងមុខ-ក្រោយ full-LED ព្រមទាំងថាសកង់ស្ព័រទំហំ ១៨អ៉ីញជាដើម ។

ចំពោះនៅផ្នែកខាងក្នុងមានអេក្រង់ touchscreen ភ្លោះរួមបញ្ចូលនៅកុងទ័របង្ហាញព័ត៌មានឌីជីថល និងអេក្រង់កំសាន្តទមហំសរុប ២០,៥០ អ៉ីញ អាចប្រើមុខងារ Apple CarPlay/Android Auto ក៏ដូចជាហ្រ្វាំងដៃអេឡិចត្រូនិច ជាមួយមុខងារ Auto hold និងកន្លែងសាកថ្មឥតប្រើខ្សែផងដែរ ៕

ផ្ទាំងផ្សាយពាណិជ្ជកម្ម

Geely ចេញឡាន MPV EV ថ្មី តម្លៃក្រោម ៣មុឺនដុល្លារ សាកម្តងរត់បាន ៥០០គ.ម ជាង

[ទីផ្សារបរទេស] កាលពីពេលថ្មីៗនេះ ក្រុមហ៊ុនផលិតរថយន្ត Aletra ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនផលិតរថយន្ត Geely បានធ្វើការដាក់បង្ហាញចេញ និងលក់ជាផ្លូវការនូវរថយន្តអគ្គិសនី Aletra L8 ប្រភេទ MPV ជាមួយតម្លៃលក់ចាប់ពី ២៧ ០០០ ដុល្លារ ដល់ ២៩ ០០០ ដុល្លារ នៅក្នុងទីផ្សារប្រទេឥណ្ឌូនេសុី។

រថយន្តអគ្គិសនី Aletra L8 មានប្រវែងតួខ្លួនសរុប ៤ ៨១២ ម.ម ទទឹង ១ ៩០៩ ម.ម កម្ពស់ ១ ៦៩៩ ម.ម និងប្រវែងគម្លាតកង់មុខ-ក្រោយ ២ ៨០៧ ម.ម ដំណើរការដោយម៉ូទ័រអគ្គិសនីចំនួន ១ ប៉ុង១ RWD អាចផលិតកម្លាំងបាន ១៦៣ សេះ និងកម្លាំងរមួល ២៤០ ញ៉ូតុនម៉ែត្រ ផ្កួបជាមួយជម្រើសអាគុយទំហំ ៥០,៤ និង ៦៤,៧៤ គីឡូវ៉ាត់ម៉ោង អាចបើករបានចម្ងាយ ៤៣១ និង ៥៤០ គីឡូម៉ែត្រ នៅពេលសាកថ្មពេញម្តង។

សម្រាប់ការឌីស្សាញរូបរាងផ្នែកខាងក្រៅ មានបំពាក់ជាមួយប៉ាណាបិតជិត ចង្កៀងមុខ-ក្រោយ LED រាងស្លីម ព្រមទាំងប្រើប្រាស់នូវថាសកង់រចនាថ្មីទំហំ ១7អ៊ីញ និងទ្វារដៃប្រភេទ Flush-door handles ។

ខណៈផ្នែកខាងក្នុងវិញ មានបំពាក់ជាមួយអេក្រង់កុងទ័របង្ហាញព័ត៌មានឌីជីថលទំហំ ៧អ៊ីញ និងអេក្រង់កំសាន្ត touchscreen ទំហំ ១២,៤ អ៊ីញ អាចភ្ជាប់មុខងារ Android Auto និង Apple CarPlay បានឥតប្រើខ្សែ និងសម្រាប់បញ្ជាមុខងារសំខាន់ៗ ក៏ដូចជាកន្លែងសាកថ្មឥតប្រើខ្សែទំហំ ៥០វ៉ាត់ ភ្លើងបំភ្លឺចំនួន ៧២ពណ៌ កៅអីចុចចំនួន ៦ចំនុច សម្រាប់ផ្នែកខាងមុខ កាមេរ៉ា ៣៦០ដឺក្រេ ដំបូលកញ្ជក់ panoramic roof មុខងារ blind spot monitoring និងមុខងារជំនួយការបើកបរ ADAS ផ្សេងៗទៀតជាដើម៕

ផ្ទាំងផ្សាយពាណិជ្ជកម្ម

Maxus ប្រកាសចេញឡានភីកអាប់ថ្មី ប្រើម៉ាសុីម៉ាស៊ូត បន្ថែមទៅលើជម្រើស eTerron 9 EV បច្ចុប្បន្ន

កាលពីពេលថ្មីៗនេះ ក្រុមហ៊ុនផលិតរថយន្ត Maxus បានប្រកាសចាប់ផ្តើមសាកល្បងរថយន្តភីកអាប់ Maxus/LDV Terron 9 មុនពេលរៀបចំដាក់បង្ហាញជាផ្លូវការនៅឆ្នាំ២០២៥ នៅក្នុងទីផ្សារប្រទេសអូស្ត្រាលី។

ក្នុងនោះរថយន្ត Maxus/LDV Terron 9 នឹងទទួលបានជម្រើសម៉ាសុីនម៉ាស៊ូតថ្មី បន្ថែមទៅលើជម្រើស eTerron 9 EV ដើម្បីបំពេញតម្រូវការអ្នកប្រើប្រាស់ក្នុងទីផ្សារប្រទេសអូស្ត្រាលី។

ចំពោះរថយន្តនេះ មានប្រវែងតួខ្លួនសរុប ៥ ៥០០ ម.ម ទទឹង ១ ៩៩៧ ម.ម កម្ពស់ ១ ៨៦០ ម.ម និងប្រវែងគម្លាតកង់មុខ-ក្រោយ ៣ ៣០០ ម.ម ធំជាង Ford Ranger និង Toyota Hilux ដោយផ្តោតលើការរចនាជាសំខាន់សម្រាប់ការដឹងជញ្ជូន។ លើសពីនេះទៅទៀត រថយន្តនេះ ក៏ទទួលបាននូវការរចនាចង្កៀង LED ថ្មី និងប៉ាណាមុខថ្មី ដែលមានទំហំធំ។

ជាមួយគ្នានេះដែរ រថយន្តនេះដំណើរការដោយម៉ាសុីនម៉ាស៊ូតចំណុះ ២,៥ លីត្រ ប្រើប្រាស់ Turbo ទំហំ ៤សុីឡាំង អាចផលិតកម្លាំងបាន ២២០ សេះ ភ្ជាប់ដោយប្រអប់លេខស្វ័យប្រវត្តិ ៨វគ្គ និងប្រើ 2WD ឬ 4WD។ ខណៈជម្រើស eTerron 9 EV ប្រើប្រាស់នូវម៉ូទ័រអគ្គិសនីចំនួន២ ប៉ុង២ AWD អាចផលិតកម្លាំងបាន ៤៣៦ សេះ។

គួរបញ្ជាក់ផងថា រថយន្ត Terron 9 នឹងចាប់ផ្តើមលក់នៅក្នុងប្រទេសអូស្ត្រាលីក្នុងត្រីមាសទី២ ក្នុងឆ្នាំ២០២៥ ខាងមុខនេះ ប៉ុន្តែតម្លៃមិនទាន់បានប្រកាសនៅឡើយទេ តែអាចសង្ឃឹមថានឹងប្រកួតប្រជែងតម្លៃគ្នាជាមួយនឹងរថយន្តភីកអាប់ដ៏ទៃទៀតរបស់ Ford និង Toyota ៕

ផ្ទាំងផ្សាយពាណិជ្ជកម្ម

Toyota ថា នេះជាការអាប់ឌែតចុងក្រោយ មុនពេលចេញជំនាន់ថ្មីសម្រាប់ RAV4 នៅក្នុងឆ្នាំ២០២៥

កាលពីពេលថ្មីៗនេះ ក្រុមហ៊ុនផលិតរថយន្ត Toyota បានប្រកាសថា រថយន្ត Toyota RAV4 ស៊េរីឆ្នាំ២០២៥ នឹងទទួលបានការកែប្រែបន្តិចបន្តួចនៅក្នុងប្រទេសជប៉ុន។

ចំពោះការផ្លាស់ប្តូរនេះ គឺជាចំណុចអាប់ដេតចុងក្រោយសម្រាប់រថយន្ត Toyota RAV4 បច្ចុប្បន្ន ខណៈ Toyota ក៏កំពុងរៀបប្រកាសដាក់បង្ហាញចេញជំនាន់ថ្មីផងដែរ ដែលអាចនឹងចេញនៅក្នុងឆ្នាំ២០២៥ ខាងមុខនេះ។

សម្រាប់ការអាប់ឌែតនេះ នឹងមានការផ្លាស់ប្តូរចម្បងទៅលើប្រព័ន្ធប៉ុងបើកបរដោយដកចេញជម្រើស FWD ចេញហើយដាក់បញ្ជូលប្រព័ន្ធ 4WD និង E-Four AWD ជាស្តង់ដារនៅលើម៉ូឌែលសាំង និង Hybrid វិញ។ លើសពីនេះទៅទៀត រថយន្តនេះ នឹងមានទទួលបានការកែលម្អឡូហ្គូលផ្លាកសញ្ញាថ្មីដោយលុបផ្លាកសញ្ញា Toyota ហើយជំនួសដោយនិមិត្តសញ្ញា HEV ថ្មីពណ៌ខៀវនៅផ្នែកខាងក្រោយ។ ខណៈម៉ូឌែល Plug-in Hybrid វិញ នឹងទទួលបានការរចនាថ្មីខ្នាតតូចដោយផ្លាស់ប្តូរថាសកង់ប្រភេទអាលុយមីញ៉ូមទៅជាថាសកង់ប្រភេទដែកថែប។

ជាមួយគ្នានេះផងដែរ រថយន្តនេះនឹងទទួលបានការបន្ថែមលក្ខណៈស្តង់ដារមួយចំនួនដូចជាប្រព័ន្ធ Blind Spot Monitoring, Parking Support Brake, Connected Navigation system និងប្រព័ន្ធ puddle lights integrated into the side mirrors ។

គួរឲដឹងថា ក្រុមហ៊ុនផលិតរថយន្ត Toyota នឹងចាប់ផ្តើមផលិតរថយន្ត Toyota RAV4 ជម្រើសម៉ាសុីនសាំង និង Hybrid នៅក្នុងខែធ្នូ ឆ្នាំ២០២៤ នេះ​ ខណៈជម្រើសម៉ាសុីន Plug-in Hybrid នឹងចាប់ផ្តើមនៅក្នុងខែមករា ក្នុងឆ្នាំ២០២៥៕

ផ្ទាំងផ្សាយពាណិជ្ជកម្ម
1...174175176...1,081ទំព័រ 175 នៃ 1,081

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com