រថយន្តស៊ីឌានបែបស្ព័រដែលមានតម្លៃសមរម្យជាងគេនៅលើទីផ្សាប្រទេសកម្ពុជា

May 18, 2023

រថយន្តបែបស្ព័រដែលមានតម្លៃសមរម្យគឺជាជម្រើសដ៏ពេញនិយមមួយក្នុងចំណោមអ្នកចូលចិត្តលេងរថយន្តនិងស្វែងរកបទពិសោធន៍ថ្មីៗនៃការបើកបរដ៏រីករាយ។ ជាធម្មតារថយន្តទាំងនោះផ្តល់នូវភាពស្មើរគ្នារវាងការដំណើរការបើកបរ និងភាពទាន់សម័យ អមជាមួយនឹងលក្ខណៈពិសេសដូចជាពូកស្បែកដ៏ប្រណិត, កម្លាំងម៉ាស៊ីនដ៏ខ្លាំង និងរចនាបទបែបថ្មីយ៉ាងមានអំណាច។ ជម្រើសដ៏ពេញនិយមមួយចំនួននៅក្នុងជួរថ្នាក់នៃរថយន្តស៊ីឌានរួមមានដូចជា: MG GT, MG6, Honda Civic, Toyota Vios និង Chevrolet Camaro។ ប៉ុន្តែពួកគេមានតម្លៃ និងលក្ខណៈពិសេសផ្សេងៗគ្នា។ ដូច្នេះប្រសិនបើអ្នកកំពុងស្វែងរកមធ្យោបាយធ្វើដំណើរមួយដ៏អស្ចារ្យហើយចំណាយថវិកាសមរម្យ នោះរថយន្តបែបស្ព័រទាំង ៣ម៉ូឌែលខាងក្រោមអាចពិចារណាបាន។

១. រថយន្ត MG GT គឺជារថយន្តប្រភេទស៊ីឌានដែលមានរូបរាងទាន់សម័យ និងដំណើរការម៉ាស៊ីនដ៏ល្អដែលត្រូវបានរចនាឡើងដើម្បីផ្តល់នូវបទពិសោធន៍ថ្មីនៃការបើកបររថយន្តស្ព័រប្រកបដោយផាសុកភាព និងផ្តល់នូវសុវត្ថិភាពខ្ពស់ ជាមួយផ្នែកខាងក្នុងធំទូលាយនិងប្រណិត ហើយសម្រាប់តម្លៃវិញចាប់ពី ៣៤ ៩៩៩ ដុល្លារប៉ុណ្ណោះ។ រថយន្ត MG GT ក៏បានបំពាក់មកជាមួយម៉ាស៊ីនតួបូចំណុះ ១,៥T ដែលផ្តល់កម្លាំងបាន ១៦៩សេះ និងកម្លាំងរមួល ២៥០Nm ហើយវាបានក្លាយជារថយន្តដ៏ល្អបំផុតសម្រាប់អ្នកដែលចង់លេងស្ទីលបង្ហាញស្ទាយផ្ទាល់ខ្លួនជាមួយរថយន្តស្ព័រ។ រថយន្ត MG GT ត្រូវបានរចនាមកជាមួយមុខងារទំនើបៗជាច្រើនដូចជា: ប្រព័ន្ធសោរឆ្លាតវៃនិងប៊ូតុងចុចចេញចូលរថយន្តដោយមិនបាច់ប្រើសោរ, ប្រព័ន្ធកម្សាន្តអេក្រង់ចុចទំហំ ១០,១អ៊ីញ, តាប់ឡូឌីជីថលទំហំ ១២,៣អ៊ីញ, ដំបូលលើបិទបើក sunroof និងមុខងារសុវត្ថិភាពជាច្រើនដូចជា: ប្រព័ន្ធព្រមានពេលបើកបរខុសគន្លងផ្លូវ, ប្រព័ន្ធ Blind Spot Monitoring, កាំមេរ៉ា ៣៦០ដឺក្រេនិងសេនស័រក្រោយដែលជំនួយពេលចតរថយន្ត, ប្រព័ន្ធហ្វ្រាំងអេឡិចត្រូនិចនិង Auto hold, ប្រព័ន្ធវាស់សម្ពាធកង់ TPMS និងច្រើនទៀត។ ប្រសិនបើអ្នកកំពុងស្វែងរករថយន្តដែលផ្តល់នូវរចនាបទថ្មី ហើយមានមុខងារទំនើបនិងសុវត្ថិភាពខ្ពស់ក្នុងតម្លៃសមរម្យ នោះរថយន្ត MG GT គឺជាជម្រើសដ៏ល្អសម្រាប់អ្នក។

២. រថយន្ត MG6 គឺជារថយន្តប្រភេទស៊ីឌានដែលមានរូបរាងបែបស្ព័រ និងមានលក្ខណៈពិសេសជាច្រើនដែលបានធ្វើឱ្យរថយន្តនេះទទួលបានការគាំទ្រជាខ្លាំងនៅប្រទេសកម្ពុជា។ ការរចនារូបរាងខាងក្រៅគឺពិតជាមានភាពស្រស់ស្អាត និងទាន់សម័យ ដោយទំហំស្តង់ដាររបស់រថយន្តនេះគឺ ប្រវែងបណ្តោយ ៤ ៦៩៥mm, ទទឹង ១ ៨៤៨mm, កម្ពស់ ១ ៤៦២mm និង គម្លាតពីកង់មួយទៅកង់មួយប្រវែង ២ ៧១៥mm។ នៅផ្នែកខាងក្នុងរថយន្ត MG6 ក៏បានផ្តល់នូវកាប៊ីនដ៏ធំទូលាយនិងមានផាសុខភាពខ្ពស់ ជាមួយទំហំនៃឃ្លុបក្រោយអាចផ្ទុកសម្ភារៈបានរហូតដល់ ៤២៤L ដែលជាទំហំធំជាងបើប្រៀបទៅនឹងរថយន្តដទៃនៃប្រភេទរថយន្តស៊ីឌាន។ សម្រាប់មុខងារសុវត្ថិភាពវិញគឺមានកម្រិតខ្ពស់ដូចជា: ប្រព័ន្ធព្រមានអំពីការបើកបរចាកគន្លងផ្លូវ, ប្រព័ន្ធ Bling Spot Monitoring និងកាមេរ៉ាក្រោយដែលមានសេនស័រងាយស្រួលចតរថយន្តនិងផ្តល់សុវត្ថិភាពខ្ពស់នៅលើដងផ្លូវ។ ចំណែកឯដំណើរការម៉ាស៊ីនវិញ រថយន្ត MG6 ត្រូវបានបំពាក់ដោយម៉ាស៊ីនសាំងតួបូចំណុះ ១,៥T ដែលផ្តល់កម្លាំង ១៦៩hp និងកម្លាំងរមួល ២៥០Nm ហើយសន្សំសំចៃប្រេងឥន្ធនៈផងដែរ។ ដូច្នេះប្រសិនបើអ្នកកំពុងស្វែងរករថយន្តស្ព័រដែលអាចជួយសន្សំសំចៃដល់ថវិការនិងប្រេងឥន្ធនៈបានច្រើន នោះរថយន្ត MG6 គឺពិតជាជម្រើសដ៏ល្អសម្រាប់អ្នកជាមួយនឹងតម្លៃចាប់ពី ២៨ ៩៩៩ ប៉ុណ្ណោះ ហើយមានការធានារយៈពេល ៥ឆ្នាំ ឬ ១៥០ ០០០Km។

៣. រថយន្ត Chevrolet Camaro ក៏ជារថយន្តបែបស្ព័រដ៏ពេញនិយមដែរ ដែលមានការរចនាយ៉ាងកាច ហើយម៉ាស៊ីនក៏ខ្លាំងដែរ និងមានដំណើរការបើកបរយ៉ាងគួរឱ្យចាប់អារម្មណ៍ប្រសិនបើបើកបរនៅលើដងផ្លូវ។ រថយន្ត Chevrolet Camaro គឺជាម៉ូឌែលចុងក្រោយបង្អស់ដែលបានភ្ជាប់មកជាមួយនូវមុខងារប្រើប្រាស់ទំនើបៗជាច្រើនដូចជា: sport-tuned និង Auto brakes។ រថយន្តនេះក៏មានលក់នៅក្នុងប្រទេសកម្ពុជាជាមួយនឹងការផ្តល់ជូននូវលក្ខណៈពិសេសជាច្រើនដើម្បីបំពេញតម្រូវការរបស់អ្នកប្រើប្រាស់។ រថយន្ត Chevrolet Camaro គឺជាជម្រើសដ៏ល្អសម្រាប់អ្នកដែលចង់បានរថយន្តស្ព័រដ៏មានឥទ្ធិពល និងទាន់សម័យ។

សរុបមក រថយន្តប្រភេទស៊ីឌានគឺជាប្រភេទរថយន្តដ៏ពេញនិយម និងផ្តល់នូវបទពិសោធន៍បើកបរប្រកបដោយផាសុកភាព, ភាបធំទូលាយ និងសមត្ថភាពខ្ពស់។ រថយន្តទាំង៣ដែលបានរៀបរាប់ខាងលើ គឺជាជម្រើសដ៏ល្អសម្រាប់អ្នកដែលកំពុងស្វែងរករថយន្តដែលរួមបញ្ចូលគ្នានៃរចនាបទបែបស្ព័រ និងមុខងារប្រើប្រាស់ទំនើបៗ។ រថយន្តទាំងពីរនេះផ្តល់ជូនលោកអ្នកនូវការបើកបរប្រកបដោយផាសុកភាព និងភាពរីករាយដែលធ្វើឱ្យពួកគេក្លាយជាជម្រើសដ៏ល្អ៕

ផ្ទាំងផ្សាយពាណិជ្ជកម្ម

VinFast ប្រកាសផែនការនាំយករថយន្តរបស់ខ្លួនទៅកាន់ទីផ្សាររថយន្តអគ្គិសនីនៅតំបន់អាស៊ាន

May 18, 2023

[បរទេស] ប្រធានក្រុមហ៊ុនផលិតរថយន្តវៀតណាម VinFast និងជាអនុប្រធានក្រុមហ៊ុន Vingroup លោកស្រី Le Thi Thu Thuy បានធ្វើការប្រកាសនៅឯពិព័រណ៍ Future Mobility Asia ថា ក្រុមហ៊ុនមានគោលបំណងនាំយករថយន្តអគ្គិសនីរបស់ខ្លួនទៅកាន់បណ្តាប្រទេសក្នុងតំបន់អាស៊ាន ដែលប្រព្រឹត្តទៅនៅទីក្រុងបាងកក ចាប់ពីថ្ងៃទី ១៧ ដល់ថ្ងៃទី ១៩ ខែឧសភា ឆ្នាំ២០២៣ ។

នេះជាលើកដំបូងសម្រាប់ VinFast បានចូលរួម Future Mobility Asia 2023 ដែលជាការតាំងពិពណ៌ឯកទេសខាងអគ្គិសនីនៃយានជំនិះនៅអាស៊ី ក្នុងគោលបំណងនាំចេញផលិតផលរថយន្តអគ្គិសនីជាច្រើនទៅកាន់ប្រទេសអាស៊ីអាគ្នេយ៍នាពេលអនាគត។ ក្នុងនោះ លោកស្រីបាននិយាយថា ការពង្រីកចូលទៅក្នុងទីផ្សារអាស៊ីអាគ្នេយ៍គឺជាផ្នែកនៃយុទ្ធសាស្ត្រអភិវឌ្ឍន៍ពិភពលោករបស់ក្រុមហ៊ុនផលិតរថយន្តវៀតណាម ដោយក្រុមហ៊ុនមានគម្រោងក្នុងការនាំយករថយន្តអគ្គិសនីចំនួន ៤ ម៉ូដែលដំបូងនៅក្នុងទីផ្សារអន្តរជាតិ។

គួរឲ្យដឹងថា នៅក្នុងពិព័រណ៌នេះ VinFast បានបង្ហាញ និងរៀបចំការសាកល្បងរថយន្តអគ្គិសនីចំនួន ៣ ម៉ូដែលរួមមាន VF e34, VF 8 និង VF 9 ដោយផ្តល់ឱកាសក្នុងការទទួលបានបទពិសោធន៍ពីផលិតផលសម្រាប់អ្នកទស្សនា និងដៃគូឧស្សាហកម្ម ។ មិនត្រឹមតែប៉ុណ្ណោះ នេះជាលើកទីមួយហើយដែល VinFast បានដាក់បង្ហាញជាផ្លូវការនៅម៉ាកយីហោ និងផលិតផលរបស់ខ្លួននៅក្នុងទ្វីបអាស៊ី ដែលជាព្រឹត្តិការណ៍ដ៏សំខាន់មួយសម្រាប់ផែនការរបស់ខ្លួនក្នុងការឈានទៅដល់ទីផ្សារក្នុងតំបន់ បន្ថែមពីលើទីផ្សារសំខាន់ៗនៅអាមេរិកខាងជើង និងអឺរ៉ុប។

បច្ចុប្បន្ននេះ ក្រុមហ៊ុនផលិតរថយន្តវៀតណាមមានផលិតផលរថយន្តពេញនិយមជាច្រើនពីទំហំ A ដល់ E រួមមាន VF e34, VF 5, VF 6, VF 7, VF 8 និង VF 9 នឹងត្រកូលអគ្គិសនីចំនួន ៨ ម៉ូដែលផងដែរ ។

តំណាងក្រុមហ៊ុន VinFast បាននិយាយថា “បណ្តាប្រទេសនៅអាស៊ីអាគ្នេយ៍ គឺជាទីផ្សារប្រើប្រាស់រថយន្តអគ្គិសនីដ៏មានសក្តានុពល ធំទូលាយសម្រាប់ការអភិវឌ្ឍន៍ និងកំណើនយ៉ាងឆាប់រហ័ស” ។ លើសពីនេះ បណ្តាប្រទេសក្នុងតំបន់អាស៊ាននឹងក្លាយជាអានុភាពក្នុងការអភិវឌ្ឍន៍ផលិតផល និងប្រព័ន្ធអេកូឡូស៊ីសេវាកម្មរបស់ VinFast និង Vingroup នាពេលអនាគត”៕

ផ្ទាំងផ្សាយពាណិជ្ជកម្ម

ក្រុមហ៊ុនផលិតរថយន្តជប៉ុនចំនួន ៣ បូកគីឡូគ្នាក្នុងការផលិតរថយន្តអគ្គិសនីខ្នាតតូច

May 18, 2023

[បរទេស] ក្រុមហ៊ុនផលិតរថយន្ត Toyota, Daihatsu និង Suzuki កំពុងសហការគ្នាលើការអភិវឌ្ឍន៍រថយន្តអគ្គិសនីខ្នាតតូច នឹងត្រូវបង្ហាញនៅក្នុងព្រឹត្តិការណ៍ថាមពលបៃតងនៃសមាគមក្រុមហ៊ុនផលិតរថយន្តជប៉ុន ចាប់ពីថ្ងៃទី ១៨ ដល់ថ្ងៃទី ២១ ខែឧសភា ឆ្នាំ ២០២៣ ។

យោងតាមរបាយការណ៍មួយបានឲ្យដឹងថា Toyota ទទួលខុសត្រូវខាងផ្នែកម៉ាស៊ីន ដោយផ្តល់នៅម៉ូទ័រអគ្គីសនី និងប្រព័ន្ធបញ្ជូនថាមពល ខណៈ Daihatsu និង Suzuki ទទួលខុសត្រូវលើការផលិតដែលនៅសល់ ដោយក្រុមហ៊ុនទាំង ២ នេះ គឺជាក្រុមហ៊ុនផលិតរថយន្តដែលមានបទពិសោធន៍សម្បូរបែបក្នុងការផលិតរថយន្តខ្នាតតូច។

គួរបញ្ជាក់ផងដែរដា សម្រាប់ឈ្មោះផ្លូវការរបស់ម៉ូដែលនេះមិនត្រូវបានប្រកាសជាផ្លូវការទេ តែបើយោងតាមរូបភាពដើម ម៉ូដែលរថយន្តប្រភេឬ kei-car នេះត្រូវបានដាក់ឈ្មោះថា Every when it comes with Suzuki, Hijet Cargo (Daihatsu) និង Toyota Pixis Van ។

សម្រាប់ការរចនា ម៉ូដែលរថយន្តអគ្គិសនីនេះ នៅតែប្រើប្រាស់រចនាសម្ព័ន្ធទ្វារ ៤ ជំនួសឲ្យទ្វារ ២ ដូចរថយន្តខ្នាតតូចភាគច្រើននាពេលបច្ចុប្បន្ននេះ។ មិនមានព័ត៌មានអំពីគ្រឿងបរិក្ខា បច្ចេកវិទ្យា ក៏ដូចជាម៉ាស៊ីនរបស់រថយន្តនោះទេ។ យោងតាមរបាយការណ៍ខាងលើ ម៉ូដែលនេះអាចបើកបរបានចម្ងាយ ២០០ គីឡូម៉ែត្រក្នុងការសាកថ្មពេញម្តង ៕

ផ្ទាំងផ្សាយពាណិជ្ជកម្ម

Nissan GT-R សេរីឆ្នាំ ២០២៤ មានតម្លៃដល់ ១២ម៉ឺនដុល្លារ

May 17, 2023

[ទីផ្សារបរទេស] ក្រុមហ៊ុន Nissan បានធ្វើការប្រកាសនូវតម្លៃនៃត្រកូលរថយន្ត GT-R សេរីឆ្នាំ ២០២៤ ដោយមានតម្លៃចាប់ផ្តើមពី ១២២ ៨៨៥ដុល្លារ ហើយនឹងចាប់ផ្តើមលក់នៅក្នុងនិទាឃរដូវនេះហើយ។

ជាក់ស្តែងសម្រាប់ជម្រើស T-spec ត្រូវបានវិលត្រលប់មកវិញក្នុងឆ្នាំ២០២៤ ហើយមកជាមួយជម្រើសពណ៌ថ្មីចំនួន២ ដូចជា៖ (Millennium Jade និង Midnight Purple III)ព្រមទាំងភ្ជាប់ហ្រ្វាំងកាបូនសេរ៉ាមិច បន្ថែមការរចនារបាំភក់ធំជាងមុនព្រមទាំងយ៉ាន់កង់ពណ៏មាស ដែលមានតម្លៃរហូត ១៤២,៨៨៥ ដុល្លារឯណ្ណោះ។

មួយវិញទៀតសម្រាប់ម៉ូឌែលឆ្នាំ ២០២៤ ធម្មតាក្រុមហ៊ុនបានផ្តល់អោយនូវប្រពន្ធ័ Limited Slip Differential នៅផ្នែកខាងមុខថ្មី ហើយសម្រាប់ផ្នែកកាងខ្យល់ក្រោយមុខក្រោយបានរចនាមកបែបស្ព័រ ជួយដល់ការទប់លំនឹង ព្រមទាំងបន្ថែមកាងខ្យល់នៅក្រោយជាប្រភេទ swan-neckផងដែរ។ ក្នុងនោះសម្រាប់ត្រកូល NISMO មានតម្លៃរហូត ២២២ ៨៨៥ដុល្លារ នេះមានតម្លៃថ្លៃជាងម៉ូឌែលឆ្នាំ ២០២៣ ៥២៥០ដុលា្លរ ហើយរថយន្តនេះនឹងត្រូវបើកលក់ក្នុងរដូវក្តៅនេះផងដែរ។ ម្យ៉ាងទៀតសម្រាប់ម៉ូឌែល T-spec និង NISMO ចំនួនការផលិតមានការកំណត់ផងដែរ។

ទោះបីជាយ៉ាងណាក្រុមហ៊ុន Nissan បាននិយាយថាខ្លួននឹងផ្តល់នៅការអាប់ដេតនៅលើត្រកូល រថយន្ត GT-R របស់ខ្លួនក្នុងរយៈពេល ១៥ឆ្នាំម្តង ប៉ុន្តែសម្រាប់ម៉ូឌែលសេរីឆ្នាំ ២០២៤ នេះនៅតែមានរូបរាងស្រដៀងគ្នាច្រើនទៅម៉ូឌែលសេរីឆ្នាំ ២០០៩ដដែល៕

ផ្ទាំងផ្សាយពាណិជ្ជកម្ម

ក្រុមហ៊ុនផលិតរថយន្ត Audi បានធ្វើពិធីប្រារព្ធខួប ៤០ឆ្នាំដ៏ធំមួយនៅឯ Nurburging

May 17, 2023

[ទីផ្សារបរទេស] ក្រុមហ៊ុន Audi បានធ្វើការប្រារព្ធខួបលើកទី៤០ របស់ខ្លួនដែលបានបង្កើតឡើងដោយក្រុម quattro GmbH នឹងប្រព្រឹត្តិនៅឯ Nurburgring រចុងសប្តាហ៍នេះ។ ក្នុងនោះផងដែល Audi Sport GmbH ជាឈ្មោះដែលក្រុម quattro បានស្គាល់តាំងពី ឆ្នាំ២០១៦ ហើយត្រូវបានក្រុមហ៊ុនបង្កើតឡើងជាលើកដំបូងនៅថ្ងៃទី១០ ខែតុលា ឆ្នាំ១៩៨៣។

ជាក់ស្តែងក្រុម Audi Sport បានធ្វើពិធីប្រារព្ធខួបរបស់ខ្លួននៅឯ Green Hell ដោយសារក្រុមហ៊ុនបានផលិតរថយន្តប្រណាំង GT3 ទទួលបានជោគជ័យដ៏ល្អបំផុតក្នុងសម័យការប្រណាំងនៅឯ Ring’s 24hour Endurance Race រយៈពេល ២៤ម៉ោង ដែលទទួលបានជ័យជម្នះ ៦ដង ព្រមទាំងឈ្នះក្នុងថ្នាក់រថយន្តប្រណាំង GT3 ៣ដងបន្ថែមទៀតផងដែរ។ ម៉្យាងទៀតក៏មានការបង្ហាញរថយន្តប្រណាំង Audi R8 LMS ៤គ្រឿងផងដែរ ។

បន្ថែមពីនេះអតីតជើងឯក DTM លោក Mike Rockenfeller, Timo Scheider និងលោក Martin Tomczyk បានប្រើប្រាស់រថយន្តលេខ ៤០ ហើយសម្រាប់រថយន្ត R8 LMS livery របស់ពួកគេក៏ត្រូវបានកែប្រែលើថយន្ត Audi V8 quattro DTM ក្នុងឆ្នាំ1992។ ម៉្យាងវិញទៀតនៅថ្ងៃសុក្រ ទី១៩ ខែឧសភា សម្រាប់ឈ្មោះកីឡាករខាងលើនេះនឹងត្រៀមខ្លួន ក្នុងការឆ្លើយសំណួរដែលហៅថា “champion talk” ហើយក្នុងនោះរថយន្ត Audi S1 Hoonitron របស់លោក Ken Block បើកបរនៅឯ Las Vegas ដ៏ល្បីល្បាញក៏មានវត្តមានផងដែរ។

មួយវិញទៀតសម្រាប់អ្នកមិនបានចូលរួមក្នុងកម្មវិធីនេះក្រុម Audi Sport បានធ្វើការតាំងពិពណ៌ផ្សេងៗចាប់តាំងពី ថ្ងៃទី១៤ ខែមិថុនានៅទីស្នាក់ការកណ្តាលផងដែរ។ លើសពីនេះផងដែរសម្រាប់រថយន្ត R8 ក្នុងឆ្នាំ២០០៧ ជារថយន្តប្រណាំង GT3 ដំបូងគេរបស់ Audi ហើយឥឡូវមានរថយន្តផ្សេងទៀតដូចជា៖ RS3 LMS, R8 LMS GT4 និង R8 LMS GT2 ជាដើម។ ក្នុងនោះផងដែរក្រុមហ៊ុន Audi បានទម្លាក់ក្នុងកម្មវិធីប្រណាំងរថយន្ត Customs Racing ដើម្បីត្រៀមខ្លួនលើរថយន្ត Formula 1របស់ខ្លួន និងកម្មវិធីប្រណាំង World Rally-Raid Championship ជាដើម។

ផ្ទាំងផ្សាយពាណិជ្ជកម្ម

ទាំងនេះជាឡានអគ្គិសនីទាំង ១០ ម៉ូដែល ដែលលក់បានច្រើនជាងគេនៅលើពិភពលោកក្នុងឆ្នាំ ២០២២ ដោយ Tesla ឈរកំពូលតារាង

May 17, 2023

[បរទេស] យោងតាមទិន្នន័យដែលបានបង្ហាញដោយគេហទំព័រ motor1 អំពីរថយន្តអគ្គិសនី (BEVs) ដែលលក់ដាច់បំផុតទាំង ១០ នៅលើពិភពលោកក្នុងឆ្នាំ ២០២២ ដោយរថយន្តរបស់ Tesla បាននាំមុខគេ ។ ខាងក្រោមនេះ ជារថយន្តអគ្គិសនីទាំង ១០ ដែលលក់បានច្រើនជាងគេនៅក្នុងឆ្នាំ ២០២២ ៖

Tesla Model Y លក់បានចំនួន ៧៤៧ ៥០០ គ្រឿង កើនឡើង ២៣%

Tesla Model 3 លក់បានចំនួន ៤៨២ ២០០ គ្រឿង ធ្លាក់ចុះ ៣%

Wuling Hongguang Mini លក់បានចំនួន ៤៤៣ ៤០០ គ្រឿង កើនឡើង ១៤%

BYD Dolphin លក់បានចំនួន ២០៥ ២០០ គ្រឿង កើនឡើង ៩១៦%

BYD ATTO 3 លក់បានចំនួន ១៨០ ៦០០ គ្រឿង

Volkswagen ID.4 លក់បានចំនួន ១៧៥ ៦០០ គ្រឿង កើនឡើង ៥៣%

BYD Qin លក់បានចំនួន ១៦៣ ៤០០ គ្រឿង កើនឡើង ១០៩%

GAC Aion Y លក់បានចំនួន ១១៩ ៨០០ គ្រឿង កើនឡើង ២៨២%

GAC Aion S លក់បានចំនួន ១១៧ ០០០ គ្រឿង កើនឡើង ៥៣%

BYD Han លក់បានចំនួន ១១៦ ៥០០ គ្រឿង កើនឡើង ៤៨%

ផ្ទាំងផ្សាយពាណិជ្ជកម្ម

Honda ZR-V ស៊េរីឆ្នាំ ២០២៤ ប្រភេទកូនកាត់ Hybrid បង្ហាញខ្លួននៅតំបន់អឺរ៉ុប

May 17, 2023

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរថយន្ត Honda ZR-V ស៊េរីឆ្នាំ ២០២៤ ប្រភេទកូនកាត់ Hybrid ដែលជារថយន្តប្រភេទ C-segment SUV សម្រាប់ទីផ្សារអឺរ៉ុប ។

សម្រាប់រថយន្ត Honda ZR-V នៅអឺរ៉ុបនឹងត្រូវដាក់នៅកណ្តាលរវាងរថយន្ត Honda HR-V និង Honda CR-V បច្ចុប្បន្នដែលផ្តោតលើអតិថិជនវ័យក្មេង ។ សម្រាប់ការរចនាវិញ មានលក្ខណះបែបស្ព័រ ដោយបានបំពាក់ជាមួយប៉ាណាមុខថ្មីរចនាជាមួយបន្ទះបញ្ឈរ ចង្កៀងមុខប្រភេទ LED ជាដើម ។

ចំពោះនៅផ្នែកខាងក្នុងត្រូវបានរចនាឡើងយ៉ាងធំទូលាយ ជាមួយនឹងទំហំដាក់អីវ៉ាន់ដែលអាចពង្រីកដល់អតិបរមា ១២៩១ លីត្រ ហើយក៏ត្រូវបានតុបតែងជាមួយនឹងគ្រោងបរិក្ខា Soft-Touch សម្រាប់រូបរាងដ៏ប្រណិត បំពាក់ដោយអេក្រង់កំសាន្តទំហំ ៩ អ៉ីញ ភ្ជាប់ជាមួយមុខងារដ៏សំបូរបែប និងមានរន្ធសាកថ្មច្រើនសម្រាប់បំពេញតម្រូវការរបស់អតិថិជនផងដែរ។

គួរបញ្ជាក់ផងដែរថា ក្រុមហ៊ុន Honda មិនទាន់បង្ហាញព័ត៌មានលម្អិតអំពីរោងចក្រថាមពលកូនកាត់ e:HEV របស់ Honda ZR-V អ៊ឺរ៉ុបនៅឡើយទេ ប៉ុន្តែរថយន្តនេះនឹងដំណើរការរួមគ្នាជាមួយនឹងម៉ាស៊ីនសាំងប្រភេទ Atkinson cycle ទំហំ ៤ ស៊ីឡាំង ផ្គួបជាមួយម៉ូទ័រអគ្គីសនី និងប្រើប្រាស់ប្រព័ន្ធទប់លំនឹងខាងក្រោយ Multi-link suspension សម្រាប់ការបើកបរកាន់តែរលូន៕

ផ្ទាំងផ្សាយពាណិជ្ជកម្ម

ថ្មីៗ រូបរាងដំបូងពី All New Toyota Yaris Cross 2023 បានបង្ហាញខ្លួនទៅកាន់ពិភពលោកយ៉ាងស្អាត និងប្រណិត នឹងមកកាន់ប្រទេសកម្ពុជាដែរទេ?

May 16, 2023

រថយន្ត All New Toyota Yaris Cross 2023 ត្រូវបានបង្ហាញខ្លួនជាលើកដំបូង កាលពីថ្ងៃទី ១៥ ខែ ឧសភា ឆ្នាំ ២០២៣ នៅប្រទេសឥណ្ឌូនេស៊ី ដែលកំពុងទទួលការចាប់អារម្មណ៍យ៉ាងខ្លាំងពីសំណាក់អ្នកប្រើប្រាស់រថយន្តជុំវិញតំបន់អាស៊ី។

All New Toyota Yaris Cross 2023 ជារថយន្តប្រភេទ B-SUV ឬ Crossover ដែលមកជាមួយគ្រោងឆ្អឹងចុងក្រោយរបស់ DNGA-Platform ដែលដូចគ្នាទៅនឹងរថយន្ត All New Toyota Vios 2023។ រថយន្តនេះបំពាក់ជាមួយម៉ាស៊ីន 2NR-VE ទំហំ ១,៥ លីត្រ ទំហំ ៤ ស៊ីឡាំង ដែលផ្តល់កម្លាំងសេះបានរហូតទៅដល់ ១០៦ សេះ និងកម្លាំងរមួល ១៣៨ ញ៉ូតុនម៉ែត្រ ។

សារព័ត៌មាន ខេមបូ អូតូ (Cambo Auto) ក៏នៅមិនស្ងៀមដែរ ក៏បានសាកសួរទៅកាន់ក្រុមហ៊ុន តូយ៉ូតា (ខេមបូឌា) ដែលជាក្រុមហ៊ុនទទួលបានសិទ្ធផ្តាច់មុខ (Exclusive Right) ក្នុងការនាំចូលរថយន្ត Toyota ថ្មីៗជាច្រើនប្រភេទមកអង្រួនទីផ្សារកម្ពុជារាល់ឆ្នាំ។

ខាងក្រុមហ៊ុន តូយ៉ូតា (ខេមបូឌា) បានបង្ហាញយ៉ាងច្បាស់ថា “ដើម្បីសម្របទៅតាមតំរូវការទីផ្សាររថយន្តបច្ចុប្បន្ន យើងឃើញថា តម្រូវការថយន្ត ប្រភេទ SUV កំពុងតែមានសន្ទុះជាខ្លាំង ខាងក្រុមហ៊ុននឹងពិចារណានាំចូលនូវរថយន្តមួយប្រភេទនេះចូលមកកាន់ទីផ្សារប្រទេសកម្ពុជានាពេលអនាគតផងដែរ ។”

តោះ! សូមនាំអារម្មណ៍អ្នកអានមកមើលជាមួយចំនុចសំខាន់ៗនៃរថយន្តនេះទាំងអស់គ្នា!

All New Toyota Yaris Cross 2023 ត្រូវបានផលិតឡើងដោយប្រើប្រាស់នៅគ្រោងឆ្អឹងថ្មី DNGA platform ដែលមានប្រវែងសរុប ៤ ៣១០ មីលីម៉ែត្រ, ទទឹង ១ ៧៧០ មីលីម៉ែត្រ, កម្ពស់ ១ ៦១៥ មីលីម៉ែត្រ, ប្រវែងគម្លាតកង់មុខក្រោយ ២ ៦២០ មីលីម៉ែត្រ និងកម្ពស់ពីបាតដី ២៦០ មីលីម៉ែត្រ។

រូបរាងនៃការរចនាដ៏ស៊ីវិល័យ ទាន់សម័យ និងទាក់ទាញ:

ការរចនានៃរថយន្តថ្មីនេះគឺផ្តោតទៅលើ ភាពរឹងមាំ និង ទាន់សម័យ ជាមួយនឹងផ្នែកខាងក្នុងធំទូលាយ បំពាក់ជាមួយចង្កៀង LED និងអំពូលបំភ្លឺពេលថ្ងៃ(DRL) អមជាមួយទំហំកង់ ១៨ អ៉ីញ បានបន្ថែមអោយរថយន្តនេះកាន់តែស្រស់ស្អាត និង មានអំណាច ។ សំរាប់ទ្វាខាងក្រោយវិញក៏បានបំពាក់នូវមុខងារបិទបើកដោយស្វ័យប្រវត្តិដោយគ្រាន់តែធ្វើការគ្រវៀសជើង។

ប្រណិតភាពនៃផ្នែកខាងក្នុង:

សំរាប់ផ្នែកខាងក្នុងវិញក៏មានភាពធំទូលាយ ហើយការរចនាតាប្លូស្លីមស្រោបដោយស្បែកទន់ផ្តល់នូវលក្ខណះស្ព័រ និង ប្រណិតភាពនៃរថយន្តSUV។ បន្ថែមជាមួយភ្លើងលំអនៅលើដៃទ្វារក៏ដូចជាកុងសូល (Console) កណ្តាលដ៏ស្រស់ស្អាត វាក៏បានបំពាក់ជាមួយកុងទ័រឌីជីថលទំហំ ៧ អ៉ីញ និង អេក្រង់កំសាន្តទំហំ ១០,១ អ៉ីញ ដែលអាចប្រើប្រាស់នូវមុខងារ Apple Carplay & Android Auto ដោយមិនចាំបាច់ប្រើខ្សែរ។ លើសពីនេះក៏មាននូវមុខងារដែលចាំបាច់ផ្សេងៗដូចជា កន្លែងសាកថ្មទូរស័ព្ទដោយឥតខ្សែរ ម៉ាស៊ីនត្រជាក់ និងកន្លែងសាកថ្មផ្នែកខាងក្រោយផងដែរ។

ប្រព័ន្ធសុវត្ថិភាព និងប្រព័ន្ធជំនួយការបើកបរ:

រថយន្តនេះក៏បានបំពាក់នូវពោងសុវត្តិភាព 6 គ្រាប់អាចការពារបានមួយជុំរថយន្តផងដែរ។ ស្របជាមួយប្រព័ន្ធជំនួយហ្វ្រាំងយ៉ាងសម្បូរបែបដូចជា ABS, VSC, TRC, HAC, BA, EBD, ESS លើសពីនេះវាក៏បានបំពាក់មកនូវមុខងារសុវត្តិភាពឆ្លាតវៃ Toyota Safety Sense និង មុខងារទំនើបមួយទៀតគឺ BSM & RCTA ដែលជំនួយក្នុងការផ្តល់សញ្ញាពីឧបសគ្គនៅផ្នែកចំហៀងដែលយើងមិនអាចមើលឃើញ។

ម៉ាស៊ីន:

The All-New Toyota Yaris Cross បានប្រើប្រាស់នូវម៉ាស៊ីនសាំង ១,៥ លីត្រ ទំហំ ៤ ស៊ីឡាំង Dual VVT-I ដែលអាចផលិតកម្លាំងបាន ១០៥ សេះ និងកម្លាំងរមួល ១៣២ ញ៉ូតុនម៉ែត្រ ភ្ជាប់ជាមួយនិងប្រអប់លេខ CVT និង លេខដៃ ៥វគ្គ ។

យ៉ាងណាមិញ សម្រាប់ទីផ្សារកម្ពុជា យើងមិនទាន់ដឹងថានឹងនាំចូលមកនៅពេលណានូវឡើយទេ មានតែរង់ចាំការប្រកាសចេញផ្លូវការរបស់ក្រុមហ៊ុនផ្លូវការប៉ុណ្ណោះ។ ប្រសិនបើ មានអ្វីពិសេសបន្ថែម ឬព័ត៌មានបន្ថែម សារព័ត៌មានយើងខ្ញុំនិងធ្វើបច្ចុប្បន្នជាបន្តបន្ទាប់៕

ផ្ទាំងផ្សាយពាណិជ្ជកម្ម

Suzuki Brezza ប្រភេទកូនកាត់ hybrid ជិះ ១០០ គីឡូម៉ែត្រស៊ីសាំងតែ ៤ លីត្រ តម្លៃលក់ត្រឹមតែជាង ១ មុឺនដុល្លារ

May 16, 2023

[ទិផ្សារបរទេស] ក្រុមហ៊ុនផលិតរថយន្ត Suzuki ប្រចាំនៅប្រទេសឥណ្ឌា បានធ្វើការដាក់បង្ហាញចេញនៅរថយន្ត Suzuki Brezza ប្រភេទកូនកាត់ hybrid ជាមួយតម្លៃលក់ចាប់ពី ១០០៣២ ដុល្លារ ដល់ ១៤៦៩៤ ដុល្លារតាមអត្រាប្តូរប្រាក់បច្ចុប្បន្ន ។

រថយន្តនេះមានប្រវែងតួខ្លួនសរុប ៣ ៩៩៥ ម.ម ទទឹង ១ ៧៩០ ម.ម កំពស់ ១ ៦៨៥ ម.ម និងប្រវែងគន្លាតកង់មុខ-ក្រោយ ២ ៥០០ ម.ម ។ ចំពោះការរចនា Suzuki Brezza ទទួលបានការរចនាថ្មី ដោយប៉ាណាតុបតែងជាមួយក្រូម៉េ ជាប់ជាមួយចង្កៀងមុខភ្លោះប្រភេទ LED កាងខាងមុខទំហំធំពណ៌ខ្មៅ, កញ្ចក់ចំហៀងពណ៌ខ្មៅ, អង់តែនព្រុយត្រីឆ្លាម Shark Finn, ថាសកង់ស្ព័រទំហំ ១៦ អ៉ីញ និងចង្កៀងក្រោយប្រភេទ LED រចនាជារាងផ្តេក ។

ចំពោះនៅផ្នែកខាងក្នុងវិញ ត្រូវបានរៀបចំឡើងវិញសង្កត់ធ្ងន់លើភាបប្រណីត ដោយតុបតែងជាមួយពណ៌ខ្មៅ-ត្នោត មានកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ទំហំ ៩ អ៉ីញ ថ្មី ភ្ជាប់មុខងារ Apple CarPlat និង Android Auto, ដៃចង្កូតប្រភេទ 3-spoke ថ្មី, អេក្រង់បង្ហាញលើកញ្ចក់, កាមេរ៉ា ៣៦០ ដឺក្រេ, កន្លែងសាកថ្មឥតខ្សែ, ដំបូលកញ្ចក់ Panoramic sunroof, ប្រព័ន្ធម៉ាស៊ីនត្រជាក់ស្វ័យប្រវត្តិ, រន្ធសាក USB ២ ទីតាំង រួមទាំងបំពាក់ប្រព័ន្ធសុវត្ថិភាព ADAS ថ្មីផងដែរ ។

ទាក់ទឹងនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនកូនកាត់ Hybrid ២ ជម្រើស រួមមាន៖

ម៉ាស៊ីនកូនកាត់ Hybrid ជាមួយម៉ាស៊ីនសាំងចំណុះ ១,៥ លីត្រ មានកម្លាំង ១០០ សេស និងកម្លាំងរមួល ១៣៦ ញ៉ូតុនម៉ែត្រ ជាមួយកម្រិតស៊ីសាំងត្រឹមតែ ៤ លីត្រប៉ុណ្ណោះក្នុង ១០០ គីឡូម៉ែត្រ ។
ម៉ាស៊ីនកូនកាត់ Hybrid ជាមួយម៉ាស៊ីនសាំងចំណុះ ១,៥ លីត្រ មានកម្លាំង ១០២ សេស និងកម្លាំងរមួល ១៣៧ ញ៉ូតុនម៉ែត្រ ភ្ជាប់ដោយប្រអប់លេខដៃ ៥ វគ្គ និងអូតូ ៦ វគ្គ ជាមួយកម្រិតស៊ីសាំងត្រឹមតែ ៥ លីត្រប៉ុណ្ណោះក្នុង ១០០ គីឡូម៉ែត្រ ។

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Ford E-Tourneo Courier រូបរាងថ្មីទាំងស្រុង ប្រភេទ MPV បង្ហាញខ្លួនជាផ្លូវការ

May 16, 2023

[បរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញជាផ្លូវការនៅរថយន្ត Ford E-Tourneo Courier រូបរាងថ្មីទាំងស្រុង ប្រភេទ MPV ខ្នាតតូច ដោយផ្តល់ជូនទាំងអគ្គិសនីសុទ្ធ និងចំហេះក្នុង បំពាក់បច្ចេកវិទ្យាទំនើប និងមុខងារដ៏ឆ្លាតវៃ គ្រោងនឹងដាក់លក់នៅអឺរ៉ុបក្នុងឆ្នាំ ២០២៣ និង ២០២៤ ។

សម្រាប់ការរចនាផ្នែកខាងក្រៅនៃរថយន្ត Ford Tourneo Courier ថ្មី មានរាងជាជ្រុងៗ នឹងមានភាពរឹងមាំជាងបើប្រៀបធៀបទៅនឹងរថយន្តជំនាន់មុន ដោយនៅផ្នែកខាងមុខមានប៉ាណាតុបតែងដោយក្រូម៉េ ជាប់សងខាងចង្កៀងមុខបញ្ឈរស្រដៀងទៅនឹងភីកអាប់ F-Series នឹងអំពូលបំភ្លឺពេលថ្ងៃអូសកាត់ពីផ្នែកខាងទៅផ្នែកម្ខាង ប្រើប្រាស់នៅថាសកង់ស្ព័រទំហំ ១៧ អ៉ីញ ដំបូល roof rail ធ្វើពីផ្លាស្ទិក និងចង្កៀងក្រោយប្រភេទ LED ផងដែរ ។

ចំពោះនៅផ្នែកខាងក្នុងវិញ ត្រូវបានបន្ថែមទំហំធំទូលាយជាងមុន មានបំពាក់កុងទ័របង្ហាញព័ត៌មានឌីជីថលទំហំ ១២ និងអេក្រង់កំសាន្ត touchscreen ទំហំ ១២ អ៉ីញ រួមចូលគ្នាជាអេក្រង់ភ្លោះ ភ្ជាប់ប្រព័ន្ធប្រតិបត្តិការ SYNC4 រូមជាមួយមុខងារ Apple CarPlay និង Android Auto ប្រព័ន្ធ OTA និងកន្លែងសាកថ្មឥតខ្សែជាដើម ។ លើសពីនេះ នៅពេលបត់កៅអីខាងក្រោយ ៦០/៤០ រថយន្តនេះផ្ទុកបានដល់ ២ ១៦២ លីត្រឯណ្ណោះ ។

ទាក់ទងនឹងផ្នែកម៉ាស៊ីនវិញ រថយន្តនេះ ដំណើរការដោយម៉ាស៊ីនចំនួន ២ ជម្រើសរួមមាន ៖

ដំណើរការដោយម៉ូទ័រអគ្គិសនីចំនួនមួយ អាចផលិតកម្លាំងបាន ១៣៤ សេស ជាមួយរបៀបបើកបរចំនួន ៣ គឺ Normal, Eco និង Slippery ក្នុងនោះ Ford មិនទាន់បង្ហាញទំហំអាគុយនៅឡើយទេ ប៉ុន្តែបាននិយាយថា ដោយសាកថ្មរយះពេល ១០ នាទី អាចបើកបរបានចម្ងាយ ៨៧ គីឡូម៉ែត្រ ជាមួយឆ្នាំងសាកល្បឿន DC សាកពី ១០% ទៅ ៨០% ត្រឹម ៣៥នាទី។
ដំណើរការដោយម៉ាស៊ីនសាំងចំណុះ ១,០ លីត្រ EcoBoost ទំហំ ៣ ស៊ីឡាំង អាចផលិតកម្លាំងបាន ១២៣ សេស ភ្ជាប់ដោយប្រអប់លេខអូតូ ៧ វគ្គ ប្រភេទ Dual-clutch ប៉ុង ១ វិលកង់មុន ៕