មកដឹងពីលក្ខណៈពិសេស នៃរថយន្ត SUV ប្រណិតរបស់ Changan ដែលទើបសម្ភោធដាក់លក់ផ្លូវការហើយ

March 3, 2023

នាថ្ងៃទី ០២ ខែមិនា ឆ្នាំ២០២៣ ក្រុមហ៊ុន អ អិម អេ (ខេមបូឌា) ម.ក ដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Changan គ្រប់ប្រភេទក្នុងទីផ្សារប្រទេសកម្ពុជាបានរៀបចំកម្មវិធីសម្ពោធជាផ្លូវការនូវរថយន្ត Changan UNI-K សេរ៊ីថ្មីចុងក្រោយ ដែលកម្មវិធីនេះបានប្រារព្ធធ្វើឡើងនៅ ដឹ ព្រេមៀ សេនធ័រ សែនសុខ។ សម្រាប់កម្មវិធីនេះត្រូវបានរៀបចំឡើងជា ២ផ្នែក ដោយពេលព្រឹកជាការបើកបរសាកល្បង និងពេលល្ងាចជាកម្មវិធីសម្ភោធផ្លូវការនូវរថយន្ត Changan UNI-K។

រថយន្ត Changan UNI-K សេរ៊ីថ្មីចុងក្រោយ គឺជារថយន្តប្រភេទ Luxury SUV ដែលមានទាំងប្រណិតភាព ទាន់សម័យ ទំនើប និងសុវត្ថិភាព ជាមួយការភ្ជាប់នូវលក្ខណៈពិសេសៗដូចជា៖

ផ្នែកខាងក្រៅ៖ រូបរាងដ៏ទាន់សម័យត្រូវបានឌីស្សាញឡើងដោយយកលំនាំបែបរថយន្តនាពេលអនាគត ដោយបានបំពាក់មកជាមួយប៉ាណាមុខគ្មានស៊ុម Borderless Grill អមដោយចង្កៀងឌីស្សាញបែប 3D ប្រើប្រាស់នូវអំពូលប្រភេទ Illuminate LE អំពូលបំភ្លឺពេលថ្ងៃប្រភេទ LED ឌីស្សាញដាច់ចេញពីចង្កៀងបំភ្លឺផ្លូវរាងជាអក្សរ”T” និងមាននូវរ៉ាដាចំនួន២។

ចំណែកជំហៀងបានប្រើប្រាស់នូវដៃទ្វារាបស្មើរប្រភេទ Flush Door និងថាសកង់ទំហំធំរហូត ២១អ៊ីញ។ ផ្នែកខាងក្រោយបានបំពាក់កាងខ្យល់បង្កប់ដោយកាំម៉េរាជំនួយការចូលចតមួយគ្រាប់ ចង្កៀង LED ប្រវែងវែងអូសពីផ្នែកម្ខាងដល់ផ្នែកម្ខាង និងស៊ីមាំងភ្លោះចំនួន ៤គ្រាប់ បន្ថែមជាមួយទ្វាឃ្លុបក្រោយបើកដោយថាមពលអេឡេចត្រូនិច។

ផ្នែកខាងក្នុង៖ ភាពទូលាយ, ផាសុកភាព និងប្រណិតភាពត្រូវបានបញ្ជូលទៅកាន់ការប៊ីនខាងក្នុង ដោយបានប្រើប្រាស់នូវស្បែកប្រណិត និងគ្រឿបរិក្ខាទំនើបៗដោយរួមមាន៖

កៅអីស្ព័រ ប្រភេទស្បែកភ្ជាប់ដោយមុខងារក្តៅ-ត្រជាក់ មុខងារកល់ឆ្អឹងខ្នង lumbar Support និងអាចបញ្ជាបានចំនួន ១០ទិសដៅសម្រាប់ផ្នែកខាងមុខ
ដៃចង្កូតប្រភេទអេឡិចត្រូនិចឌីស្សាញបែបអក្សរ “D”

អេក្រង់បង្ហាញព័ត៌មានដែលចំនួនរហូតដល់ទៅ៣ ដែលមានអេក្រង់បង្ហាញពីសម្ពាធខ្យល់កង់រថយន្ត, អេក្រង់បង្ហាញព័ត៌មានអំពីរថយន្ត និងអេក្រង់បង្ហាញពីផ្នែកខាងក្រោយដែលដើរតួរជំនួសអោយកញ្ចក់មើលក្រោយ

អេក្រង់កម្សន្តប្រភេទ Touchscreen ទំហំ ១០,៣អ៊ីញ ភ្ជាប់ដោយមុខងារ Apple Carplay, Android Auto, មើលផែនទី និងបង្ហាញរូបភាព ៣៦០ដឺក្រេ
កន្លែងសាកថ្ម ដោយឥតប្រើខ្សែ
ចង្កឺះលេខយ៉ាងទាន់សម័យ ប្រភេទអេឡេចត្រូនិចឌីស្សាញ ភ្ជាប់ដោយមុខងារឈប់ស្តុប Auto Hold និងប៊ូតុងនៃការផ្លាស់ប្តូរបៀបបើកបរដោយមានប្រភេទប៉ុង១, ប៉ុង២ និងដោយស្វ័យប្រវត្តិ

ប្រព័ន្ធកម្សាន្តប្រភេទ Surround sound ប្រើប្រាស់នូវឧបរកណ៍បំពងសម្លេងចំនួន ១២គ្រាប់ ដោយ ២គ្រាប់ភ្ជាប់នៅលើក្បាលកៅអី Headrest
ប្រព័ន្ធភ្លើងលម្អ Ambient Light អាចធ្វើការផ្លាស់ប្តូរបានចំនួន ៦៤ពណ៌
ដំបូលកញ្ចក់បើកទំហំធំ Panoramic sunroof

ប្រព័ន្ធសុវត្ថិភាព៖ រថយន្ត Changan UNI-K បានបំពាក់មកជាមួយប្រព័ន្ធសុវត្តិភាព និងជំនួយការបើកបរ សំខាន់ៗដូចជា៖

ពោងការពារសុវត្ថិភាពចំនួន ៦ចំណុច
ប្រព័ន្ធកាំម៉េរា ៣៦០ដឺក្រេ
សេនស័រជំនួយ ៨គ្រាប់ និងរ៉ាដាចំនួន២
ប្រព័ន្ធបញ្ឆេះរថយន្តពីចម្ងាយ
ប្រព័ន្ធរក្សាល្បឿន បន្ថែមល្បឿន និងបន្ថយល្បឿនតាមរថយន្តនៅខាងមុខ Intelligent Cruise Control
ប្រព័ន្ធផ្តល់សញ្ញាគ្រោះថ្នាក់ និងចាប់ហ្រ្វាំងដោយស្វ័យប្រវត្តិ Pre-Collision Warning & Automatic Braking

ប្រព័ន្ធជំនួយលើដៃចង្កូត និងរំលឹកអោយអ្នកបើកបរក្នុងគន្លងត្រឹមត្រូវ Lane Keeping Assist and Lane Departure Alert
ប្រព័ន្ធជំនួយពេលចេញពីចំណត Rear Cross Traffic Alert
ប្រព័ន្ធជាន់ហ្វ្រាំងបន្ទាន់ដោយស្វ័យប្រវត្តិ នៅពេលមានរថយន្ត ឬឧបសគ្គសនៅផ្នែកខាងក្រោយ Reverse Braking Assist

ថាមពលម៉ាស៊ីន៖ រថយន្ត Changan UNI-K ដំណើរការដោយម៉ាស៊ីនសាំងចំណុះ ២,០លីត្រ អាចផលិតកម្លាំងបាន ២៣០សេះ និងកម្លាំងរមួល ៣៩០ញ៉ូតុនម៉ែត្រ ភ្ជាប់ដោយប្រអប់លេខ ៨វគ្គស្វ័យប្រវត្តិ។ ចំពោះកម្រិតនៃការស៊ីសាំងរថយន្តនេះ សម្រាប់ចម្ងាយ ១០០គ.ម ស៊ីសាំងចំនួន ៨,៤លីត្រ សម្រាប់ការបើកបរប៉ុង ១ និងចំនួន ៨,៩លីត្រ សម្រាប់ការបើកបរប៉ុង២។

តម្លៃ៖ សម្រាប់នៅលើទីផ្សារប្រទេសកម្ពុជា រថយន្ត Changan UNI-K មានតម្លៃខ្ទង់ ៥៦ ៩០០ដុល្លារ ជាមួយជម្រើសពណ៌ចំនួន ៥ពណ៌។ ដូច្នេះសម្រាប់ព័ត៌មានបន្ថែម អាចធ្វើការទំនាក់ទំនងទៅកាន់លេខទូរស័ព្ទ ០១១ ៩៩៩ ៣៧៥ ឬទំព័រផ្លូវការ Changan Cambodia៕

ផ្ទាំងផ្សាយពាណិជ្ជកម្ម

Lamborghini បំបែកឯតទគ្គកម្មពិភពលោក Guinness សម្រាប់ក្បួនដង្ហែដ៏ធំបំផុតនៃរថយន្ត Supercar ក្នុងខួប ៦០ ឆ្នាំរបស់ខ្លួន

March 3, 2023

[បរទេស] កាលពេលថ្មីៗ កន្លងទៅនេះ ក្រុមហ៊ុនផលិតរថយន្ត Lamborghini បានរៀបចំព្រឹត្តិការណ៍ពិសេសមួយនៅឯទីលាន Suzuka Circuit ក្នុងប្រទេសជប៉ុន ដើម្បីអបអរសាទរខួបលើកទី ៦០ នៃម៉ាកយីហោ ហើយបានបំបែកកំណត់ត្រាពិភពលោក Guinness World Record សម្រាប់ក្បួនដង្ហែដ៏ធំបំផុតរបស់រថយន្ត Lamborghini។

ព្រឹត្តិការណ៍នេះបានឃើញរថយន្ត Lamborghini ច្រើនជាង ២៥១ គ្រឿងដែលមានអាយុកាលតាំងពីផលិតរថយន្តដំបូងបំផុតពីក្រុមហ៊ុនផលិតរថយន្តអ៊ីតាលី 350 GT រហូតដល់ Countach LPI 800-4 ។ ម៉ូដែលដែលនាំមកដោយ Lamborghini ដែលមានរួមទាំងម៉ូដែល 350 GT, Islero និង Countach ត្រូវបានជួសជុលឡើងវិញដោយនាយកដ្ឋាន Polo Storico ។

ជាមួយគ្នានេះ ប្រធាន និងនាយកប្រតិបត្តិក្រុមហ៊ុន Lamborghini លោក Stephan Winkelmann បាននិយាយនៅក្នុងសេចក្តីប្រកាសព័ត៌មានមួយថា “ឆ្នាំនេះ គឺជាខួបលើកទី ៦០ ចាប់តាំងពី Lamborghini ត្រូវបានបង្កើតឡើងក្នុងឆ្នាំ ១៩៦៣” ។ “ការពិតដែលថារថយន្ត Lamborghini ជាច្រើនចាប់ពីម៉ូដែលបច្ចុប្បន្នរហូតដល់រថយន្តបុរាណ បានប្រមូលផ្តុំគ្នានៅឯ Suzuka Circuit គឺជាភស្តុតាងដែលថាម៉ាកយីហោរបស់យើងបានទាក់ទាញអារម្មណ៍របស់មនុស្សជាច្រើននៅទីនេះក្នុងប្រទេសជប៉ុនក្នុងប្រវត្តិសាស្ត្រដ៏យូរអង្វែងរបស់វា ហើយនៅតែមានតម្លៃរហូតមកដល់សព្វថ្ងៃនេះ។ វាក៏ជាការរីករាយយ៉ាងខ្លាំងដែលបានឃើញឱកាសដ៏ពិសេសនេះនៃការទទួលបានកំណត់ត្រាពិភពលោក Guinness ក្នុងអំឡុងឆ្នាំដ៏សំខាន់មួយបែបនេះ»។

គួរឲ្យដឹងថា នៅក្នុងព្រឹត្តិការណ៍ដ៏ពិសេសនេះ បានឃើញរួមមានម៉ូដែល Lamborghini បច្ចុប្បន្នភាគច្រើន រួមទាំង Huracan STOs និង Aventador SVJs ជាច្រើន។ បន្ថែមពីនោះ Lamborghini ក៏បាននាំយកនៅរថយន្ត Huracan Sterrato ពិសេសដែលផ្តោតលើផ្លូវពិបាកៗ ឬ Off-Road ផងដែរ ដោយបង្ហាញម៉ូដែលដែលបានតុបតែងជាពណ៌សជាមួយនឹងក្រហម និងខ្មៅ។

មិនត្រឹមតែប៉ុណ្ណោះ សម្រាប់ឆ្នាំនេះមិនមែនគ្រាន់តែជារឿងសំខាន់សម្រាប់ម៉ាកយីហោនោះទេដែលឈានចូលដល់ឆ្នាំទី ៦០ ប៉ុន្តែដោយសារតែនៅចុងឆ្នាំនេះ អ្នកស្នងតំណែងកូនកាត់ hybrid ដែលរង់ចាំជាយូរមកហើយរបស់ Aventador នឹងត្រូវបានបង្ហាញផងដែរ។ ការរចនាឡើងវិញរបស់ម៉ូដែលថ្មីនេះត្រូវបានលេចធ្លាយរួចហើយ ហើយរបាយការណ៍បច្ចុប្បន្នបង្ហាញថាវានឹងបំពាក់ម៉ាស៊ីន V12 ដែលភ្ជាប់ជាមួយនឹងម៉ូទ័រអគ្គិសនីយ៉ាងហោចណាស់មួយ៕

ផ្ទាំងផ្សាយពាណិជ្ជកម្ម

ទីបំផុត! VinFast បានចាប់ផ្តើមចេញលក់រថយន្តជាលើកដំបូងនៅទីផ្សារសហរដ្ឋអាមេរិកជាផ្លូវការ

March 3, 2023

[បរទេស] បន្ទាប់ពីការពន្យារពេលក្នុងការដាក់បង្ហាញរថយន្ត ដើម្បីអាប់ដែតនៅរថយន្តរបស់ពួកគេ ពេលនេះ VinFast បានបំបែកខ្លួនជាផ្លូវការទៅកាន់ទីផ្សារអាមេរិកខាងជើងជាមួយនឹងការចែកចាយរថយន្ត SUV អគ្គិសនី VF 8 ជាលើកដំបូងរបស់ពួកគេ ដោយបានប្រគល់រថយន្តចំនួន ៤៥ គ្រឿងជូនអតិថិជននៅរដ្ឋកាលីហ្វ័រញ៉ា ។

កាលពីខែធ្នូឆ្នាំមុន រថយន្តអគ្គិសនី VF 8 City Edition ទាំង ៩៩៩ គ្រឿងត្រូវបាននាំចេញទៅសហរដ្ឋអាមេរិកពីប្រភពដើមនៃការផលិតនៅក្នុងប្រទេសវៀតណាម ។ ក្នុងនោះ VinFast សង្ឃឹមថានឹងបើករោងចក្រផលិតនៅរដ្ឋ North Carolina ដែលអាចផលិតរថយន្តបានរហូតដល់ ១៥០ ០០០ គ្រឿងក្នុងមួយឆ្នាំជាមួយការវិនិយោគទឹកប្រាក់ចំនួន ២ ពាន់លានដុល្លារដែលទើបទទួលបានការសាងសង់រោងចក្រដើម្បីចាប់ផ្តើមផលិតរថយន្តទាំងនោះនៅដើមឆ្នាំ ២០២៤ ។

គួរឲ្យដឹងថា រថយន្តអគ្គិសនី VF 8 City Edition Eco បានទទួលការអាប់ដេតផ្នែក software ដោយបានបង្កើនការបើកបរចម្ងាយពី ២៨៨ គីឡូម៉ែត្រ ឡើងទៅ ៣៣៣ គីឡូម៉ែត្រ។ បន្ថែមពីនេះ តម្លៃសម្រាប់ VF 8 ក៏ត្រូវបានកែប្រែផងដែរ ដោយម៉ូដែល City Edition Eco បញ្ចុះតម្លៃ ៥១៧៤ ដុល្លារ និងម៉ូដែល City Edition Plus បញ្ចុះតម្លៃ ៥៤១៣ ដុល្លារ ។

រឿងមួយដែលមិនបានផ្លាស់ប្តូរគឺថាមពលម៉ាស៊ីនដោយម៉ូដែល

VF 8 City Edition Eco បំពាក់ម៉ូទ័រអគ្គិសនីភ្លោះ ដែលផលិតកម្លាំងបាន ៣៤៩ សេះ និងកម្លាំងរមួល ៥០០ ញ៉ូតុនម៉ែត្រ ប្រភេទបើកបរប៉ុង ២ all-wheel drive system អាចរត់ស្ទុះពីកុងទ័រ ០-១០០ គីឡូម៉េត្រ/ម៉ោង ប្រើពេល ៦,៥ វិនាទី អាចបើកបរបានចម្ងាយ ៣៣៣ គីឡូម៉ែត្រក្នុងការសាកថ្មពេញម្តង ។
City Edition Plus បំពាក់ម៉ូទ័រអគ្គិសនីភ្លោះ ដែលផលិតកម្លាំងបាន ៤០២ សេះ និងកម្លាំងរមួល ៦១៩ ញ៉ូតុនម៉ែត្រ ប្រភេទបើកបរប៉ុង ២ all-wheel drive system អាចរត់ស្ទុះពីកុងទ័រ ០-១០០ គីឡូម៉េត្រ/ម៉ោង ប្រើពេល ៥,៥ វិនាទី អាចបើកបរបានចម្ងាយ ៣០៧ គីឡូម៉ែត្រក្នុងការសាកថ្មពេញម្តង៕

ផ្ទាំងផ្សាយពាណិជ្ជកម្ម

លទ្ធផលជឿតាម GPS ពេក ! អ្នកបើកបរ BMW Alpina B3 Touring ជាប់គាំងនៅលើផ្លូវឡើងភ្នំ

March 2, 2023

[បរទេស] អ្នកបើកបរជនជាតិអាឡឺម៉ង់អាយុ ៧៧ បានបើកបរនៅរថយន្ត BMW Alpina B3 Touring តម្លៃ ១៤៥ ០០០ ដុល្លារបានជាប់គាំងនៅចន្លោះច្រាំងថ្មមួយចំហៀង និងបឹងមួយនៅម្ខាងទៀត ដោយសារគាត់ធ្វើបើកបរតាមប្រព័ន្ធ GPS ។

ហេតុការនេះ បានធ្វើផ្នែករថយន្តខាងស្តាំត្រូវបានជាប់នឹងរបងបង្កាន់ដៃ និងមានស្នាមកកិតនៅទ្វារចំហៀងអ្នកបើកបរ និងផ្នែកខាងក្រោយផងដែរ។ នៅពេលប៉ូលីសមកដល់ អ្នកបើកបរត្រូវបានធ្វើតេស្តរកជាតិអាល់កុល ហើយត្រូវបានផាកពិន័យដោយសារមិនបានធ្វើតាមការណែនាំរបស់ផ្លាកសញ្ញា ដែលធ្វើឲ្យមានការកកស្ទះនិងនៅលើផ្លូវ។

គួរបញ្ជាក់ផងដែរថា កាលពីមុន អ្នកបើកបរវ័យ ៧៧ ឆ្នាំរូបនេះតែងតែបើកបរប្រើប្រាស់ប្រព័ន្ធ GPS ដើម្បីកំណត់ទីតាំងរបស់គាត់ ។ ទន្ទឹមនឹងនេះ រថយន្ត BMW របស់គាត់មានទទឹងប្រវែងដល់ទៅ ២០៦៨ ដែលមានជារថយន្តអាចបើកនៅលើតូចចង្អៀតនេះទេ ហើយរថយន្តមានជិត ៥០០ សេះ ជាមួយប្រព័ន្ធបើកបរប៉ុង ២ ។

គួរឲ្យដឹងទៀតដែរថា នេះមិនមែនជាករណីទី ១ នោះគឺអ្នកបើកបររថយន្តទំនើប Ferrari Roma នៅក្នុងប្រទេសអ៊ីតាលីក្នុងឆ្នាំ ២០២១ ។ នៅពេលនោះអ្នកបើកបររថយន្ត Ferrari ក៏ហាក់ដូចជាគិតថារថយន្តទំនើបនេះគឺគ្រប់គ្រាន់ដើម្បីឆ្លងកាត់ ផ្លូវតូចចង្អៀត ហើយបន្តរត់ចូលរហូតដល់ជាប់រថយន្តនៅលើផ្លូវដែលស្រដៀងករណីនេះផងដែរ៕

ផ្ទាំងផ្សាយពាណិជ្ជកម្ម

BMW ដាក់បង្ហាញ និងកំពុងធ្វើតេស្តសាកល្បងរថយន្តដើរដោយថាមពលចំហាយទឹក

March 2, 2023

[បរទេស] ក្រុមហ៊ុនផលិតរថយន្ត BMW បានបង្ហាញពីការធ្វើបើកបរសាកល្បងនៃម៉ូដែល iX5 Hydrogen ដែលបានប្រភពកោសិកាឥន្ធនៈពីក្រុមហ៊ុន Toyota ដែលប្រើប្រាស់រយៈពេល ៤ ឆ្នាំក្នុងការផលិត ខណៈពេលដែលវាចូលដល់ដំណាក់កាលបន្ទាប់ដ៏សំខាន់នៃការអភិវឌ្ឍន៍ផងដែរ។

ក្រុមហ៊ុនផលិតរថយន្តអាឡឺម៉ង់បានបង្ហើបថា ការបើកបរសាកល្បងរបស់ខ្លួននៃម៉ូដែល iX5 Hydrogen មានរថយន្តមិនដល់ ១០០ គ្រឿងនោះទេ ដែលនឹងត្រូវបានដាក់បង្ហាញទៅកាន់ទីផ្សារនានាជុំវិញពិភពលោកសម្រាប់គោលបំណងបង្ហាញ និងសាកល្បង “សម្រាប់ក្រុមគោលដៅផ្សេងៗ” ដែលផ្តល់បទពិសោធន៍ក្នុងការអភិវឌ្ឍន៍រថយន្តប្រភេទ SUV ទៀតផង។

គួរឲ្យដឹងថា BMW iX5 Hydrogen ត្រូវបានបង្ហាញជាលើកដំបូងជាគំនិតមួយនៅឯពិព័រណ៍ IAA Auto Show ក្នុងឆ្នាំ ២០១៩ ហើយខណៈពេលដែលក្រុមហ៊ុនផលិតរថយន្តជាច្រើនបានបោះបង់ចោលផែនការដើម្បីបន្តដំណើរការប្រព័ន្ធថាមពលអ៊ីដ្រូសែនក្នុងរយៈពេលប៉ុន្មានឆ្នាំចុងក្រោយនេះ ប៉ុន្តែ BMW នៅតែគិតថាពួកគេមានតួនាទីសំខាន់ផងដែរ។

ចំពោះរថយន្ត iX5 Hydrogen នីមួយៗចាប់ផ្តើមជីវិតជា X5 ស្តង់ដារដែលត្រូវបានផលិតនៅរោងចក្ររបស់ក្រុមហ៊ុនផលិតរថយន្តនៅទីក្រុង Spartanburg រដ្ឋ South Carolina ។ រថយន្ត SUV ត្រូវបានបញ្ជូនទៅមជ្ឈមណ្ឌលស្រាវជ្រាវ និងកែច្នៃរបន្ថែមនៅទីក្រុង Munich ប្រទេសអាល្លឺម៉ង់ ដែលជាកន្លែងថ្មីមួយត្រូវបានបំពាក់សម្រាប់ផ្ទុកធុងអ៊ីដ្រូសែនធំ ២ នៅផ្នែកកណ្តាល និងនៅក្រោមកៅអីខាងក្រោយនៃរថយន្ត ។

ផ្ទាំងផ្សាយពាណិជ្ជកម្ម

ក្រុមហ៊ុន Lexus លក់បានរថយន្តចំនួនច្រើនជាង ៦០ មុឺនគ្រឿង នៅក្នុងឆ្នាំ ២០២២

March 1, 2023

[ទីផ្សារបរទេស] ក្រុមហ៊ុនផលិតរថយន្តដ៏ប្រណិត Lexus បានធ្វើការប្រកាសពីទិន្នន័យលក់រថយន្ត ដោយលក់បានចំនួន ៦២៥ ៣៦៥ គ្រឿងនៅទូទាំងពិភពលោកក្នុងឆ្នាំ ២០២២ ដែលជាការថយចុះ ១៨ % បើធៀបនឹងឆ្នាំ ២០២១។

ក្នុងនោះ រថយន្តប្រភេទកូនកាត់ Hybrid និងប្រភេទអគ្គិសនី លក់បានប្រមាណ ២២៥ ០០០ គ្រឿងត្រូវបានលក់ទូទាំងពិភពលោកកាលពីឆ្នាំមុន ឬ ៣៦% នៃបរិមាណសរុប។ ខាងក្រោមនេះជាលទ្ធផលនៃការលក់តាមតំបន់៖

ទីផ្សារអាមេរិកខាងជើង លក់បានចំនួន ២៨៦ ៧៨៥ គ្រឿង
ទីផ្សារប្រទេសចិន លក់បានចំនួន ១៧៦ ០៧១ គ្រឿង
ទីផ្សារអឺរ៉ុប លក់បានចំនួន ៤៧ ៣០៤ គ្រឿង
ទីផ្សារប្រទេសជប៉ុន លក់បានចំនួន ៤១ ២៥៣ គ្រឿង
ទីផ្សារអាស៊ីកណ្តាល លក់បានចំនួន ២៨ ៩៦៧ គ្រឿង
ទីផ្សារអាស៊ីខាងកើត លក់បានចំនួន ២៦ ៦៩៣ គ្រឿង

ជាមួយគ្នានេះ ប្រធានក្រុមហ៊ុន លោក Tsuneharu Sato បានចេញសេចក្តីថ្លែងការណ៍នេះជាមួយនឹងរបាយការណ៍លក់ថា ខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជនគ្រប់រូបដែលបានបើកបររថយន្ត LEXUS ទូទាំងពិភពលោក។ កាលបរិច្ឆេទនៃការដឹកជញ្ជូនដ៏យូរនៅតែបន្តដោយសារកាលៈទេសៈផ្សេងៗ ប៉ុន្តែយើងនឹងខិតខំផ្តល់រថយន្តដែលអ្នកចូលចិត្តឱ្យបានឆាប់តាមដែលអាចធ្វើទៅបាន។

ចាប់ផ្តើមជាមួយនឹងការចេញលក់រថយន្តអគ្គិសនីដំបូងបង្អស់ LEXUS “RZ” នៅនិទាឃរដូវនេះ យើងនឹងបន្តដំណើរវិវត្តន៍ និងភាពសប្បាយរីករាយនៃរថយន្តដែលនាំមកដោយអគ្គិសនី ខណៈពេលដែលមានគោលបំណងដើម្បីសម្រេចបាននៅសង្គមអព្យាក្រឹតកាបូន។ លើសពីនេះ យើងក៏នឹងពង្រីកខ្សែសង្វាក់ម៉ូដែលថ្មី ដែលនៅជិតនឹងតម្រូវការចម្រុះរបស់អតិថិជន និងតំបន់ជុំវិញពិភពលោក និងបំពេញតាមការរំពឹងទុករបស់អ្នក៕

ផ្ទាំងផ្សាយពាណិជ្ជកម្ម

ឡានអគ្គិសនី Rivian R1S ប្រភេទ SUV ៧ កៅអី សាកភ្លើងម្តងជិះបាន ៦២៨ គីឡូម៉ែត្រ ជាមួយកម្លាំង ៧០០ សេះ

March 1, 2023

[បរតេស] កាលពីពេលថ្មីៗកន្លងទៅនេះ យោងតាមនាយកប្រតិបត្តិក្រុមហ៊ុន Rivian លោក RJ Scaringe បានប្រកាសថា ក្រុមហ៊ុននឹងផ្តល់ជូននៅរថយន្ត R1S ប្រភេទ SUV ៧ កៅអីជាមួយនឹងកញ្ចប់អាគុយទំហំធំ និងម៉ូទ័រអគ្គិសនីចំនួន ២ អាចបើកបរបានចម្ងាយ ៦២៨ គីឡូម៉ែត្រសម្រាប់ការសាកថ្មពេញម្តង។

សម្រាប់ម៉ូទ័រអគ្គិសនីរបស់ R1S បច្ចុប្បន្នដែលផ្គួបជាមួយនឹងកញ្ចប់អាគុយទំហំធំ ដែលអាចបើកបរបានចម្ងាយរហូតដល់ ៥១៧ គីឡូម៉ែត្រ។ ម៉ូដែលនេះក៏ត្រូវបានគេគ្រោងនឹងធ្វើដំណើរឆ្ងាយជាង ៤១៨ គីឡូម៉ែត្រ ដែលបានព្យាករសម្រាប់ R1S ជាមួយនឹងប្រព័ន្ធបើកបរប៉ុង ២ all-wheel drive system និងកញ្ចប់អាគុយស្តង់ដារ។

បើនិយាយពីការបើកបរវិញ ក្រុមហ៊ុន Rivian បាននិយាយថា SUV នឹងអាចបង្កើនល្បឿនពី ០-១០០ គីឡូម៉ែត្រ/ម៉ោង ក្នុងរយៈពេលត្រឹមតែ ៣,៥ វិនាទីប៉ុណ្ណោះ នឹងផ្តល់ជូននូវប្រព័ន្ធបើកបរប៉ុង ២ all-wheel drive system នៃម៉ូទ័រអគ្គិសនីចំនួន ២ ផលិតកម្លាំងរួមបញ្ចូលគ្នាបាន ៦០០ សេះ ជាមួយល្បឿនស្ទុះពី ០-១០០ គីឡូម៉ែត្រ/ម៉ោង ប្រើពេល ៤,៥ វិនាទី និងជម្រើសប្រព័ន្ធ Dual+ system ដែលអាចផលិតកម្លាំងបាន ៧០០ សេះ ។

សម្រាប់ព័ត៌មានបន្ថែមនឹងបង្ហាញនៅពេលរថយន្តបង្ហាញខ្លួនជាផ្លូវការ ប៉ុន្តែ Rivian បាននិយាយថាពួកគេនឹងផ្តល់ដល់អ្នកបានបញ្ជាទិញជាមុនដែលមានស្រាប់នៅឱកាសដើម្បីបញ្ជាទិញម៉ូដែលថ្មីជំនួសវិញផងដែរ។

ផ្ទាំងផ្សាយពាណិជ្ជកម្ម

រថយន្ត Jetour Traveller ប្រភេទ SUV ជើងខ្លាំងខាង Off-Road បង្ហាញខ្លួនជាផ្លូវការ

February 28, 2023

[ទីផ្សារបរទេស] ក្រុមហ៊ុនផលិតរថយន្ត Jetour បានធ្វើការដាក់បង្ហាញចេញនៅរថយន្ត Jetour Traveller ប្រភេទ SUV Off-Road ជាមួយនឹងតម្លៃលក់ចាប់ពី ២១ ៥០០ ដុល្លារ ដល់ ២៩ ៧៧៦ ដុល្លារ នៅក្នុងទីផ្សារប្រទេសចិន ។

រថយន្តប្រភេទ SUV ផ្តោតលើបើកបរលើផ្លូវពិបាកៗ គឺជាម៉ូដែលដែលត្រូវបានរចនាឡើងយ៉ាងទាក់ទាញ ជាមួយរូបរាងបែបជាប្រអប់ជ្រុងដូចទៅនឹងរថយន្ត Land Rover Defender ជាមួយនឹងរថយន្ត Ford Bronco ជាដើម។ នៅពីក្រោយការរចនានោះគឺលោក Hakan Saracoglu ដែលជាអតីតអ្នករចនា Porsche ដែលបានរចនាដូចជារថយន្ត Porsche Cayman និង 918 Spyder ។

រថយន្ត SUV នឹងមានលក់ជាពីរប្រភេទជារថយន្តដែលមានកង់ខ្លីដែលមាន ៥ កៅអី ឬជាម៉ូដែលកង់វែងដែលមាន ៧ កៅអី។ យោងតាមរូបភាព បង្ហាញថារថយន្តនេះនឹងមានផ្នែកខាងក្នុងដ៏គួរឱ្យទាក់ទាញ និងបំពាក់ជាមួយគ្រឿងបរិក្ខាទំនើបៗផងដែរ។

ទាក់ទងនឹងផ្នែកម៉ាស៊ីនវិញ ក្រុមហ៊ុនផលិតរថយន្តចិនគ្រោងនឹងផ្តល់នៅម៉ាស៊ីនចំណុះ ១,៥ លីត្រ, ១,៦ លីត្រ និង ២,០ លីត្រ turbo ហើយក៏នឹងផ្តល់ជូននៅម៉ូដែល Plug-in Hybrid ផងដែរ។

Jetour មិនទាន់បង្ហាញពីកម្លាំងថាមពលនៅឡើយទេ ប៉ុន្តែវានឹងផ្តល់ជូនជាមួយនឹងប្រអប់លេខអូតូ ៨ វគ្គ ឬប្រអប់លេខ ៧ វគ្គប្រភេទ dual-cluth នឹងក៏បានផ្តល់ជូននៅកញ្ចប់ជម្រើសជាច្រើនសម្រាប់ចង់អូសសណ្តោង បោះតង់ ឬទៅដំណើរផ្សងព្រេងលើផ្លូវពិបាកៗ ឬ Off-Road ផងដែរ ។ សម្រាប់ព័ត៌មានលម្អិតអំពីរថយន្ត Jetour Traveler ក្រុមហ៊ុននឹងបង្ហាញនៅពេលក្រោយ៕

ផ្ទាំងផ្សាយពាណិជ្ជកម្ម

Hyundai បញ្ចេញរូបរាង Hyundai Elantra ស៊េរីឆ្នាំ ២០២៤ មុខមាត់ថ្មី សម្រាប់ទីផ្សារប្រទេសកំណើត

February 28, 2023

[បរទេស] ក្រុមហ៊ុនផលិតរថយន្ត Hyundai បានដាក់បង្ហាញចេញនៅរូបភាពរថយន្ត Hyundai Elantra ស៊េរីឆ្នាំ ២០២៤ ប្រភេទ Avante sedan មុខមាត់ថ្មីដែលរូបមានរាងស្ព័រជាងម៉ូដែលមុនសម្រាប់នៅក្នុងទីផ្សារប្រទេសកូរ៉េ ។

ការផ្លាស់ប្តូរគឺផ្តោតលើផ្នែកខាងមុខដែលបានរចនាឡើងវិញនេះ រួមមានចង្កៀងមុខដែលអូសកាត់ដល់ផ្នែកសងខាង ប៉ាណាមុខត្រូវបានបំបែកចេញពីផ្នែកខាងក្រោម និងកាងមានលក្ខណៈស្ព័រដែលតុបតែងពណ៌ខ្មៅ រួមទាំងលក្ខណៈពិសេសនៅលើទ្វារ និងថាសកង់ស្ព័រថ្មីផងដែរ ។ នៅផ្នែកខាងក្រោយ មានចង្កៀង LED អូសកាត់ដល់ផ្នែកសងខាង កាងខាងក្រោយមានការរចនាថ្មី និងការតុបតែងបែបអាលុយមីញ៉ូមជនៅលើបំពង់ស៊ីមាំងមើលទៅកាន់តែស្ព័រខ្លាំង ។

មិនមានអ្វីផ្លាស់ប្តូរច្រើនទេនៅខាងក្នុងដែល Hyundai នៅតែប្រើប្រាស់ជាមួយនឹងអេក្រង់ភ្លោះទំហំ ១០,២៥ អ៊ីញ ការអាប់ដេតថ្មីគឺតុបតែងស្បែកពណ៌ Sage Green ថ្មី នៅលើកៅអី កុងសូលកណ្តាល និងបន្ទះទ្វារប៉ុណ្ណោះ។

ទាក់ទងនឹងផ្នែកម៉ាស៊ីនរបស់រថយន្ត Hyundai Elantra ស៊េរីឆ្នាំ ២០២៤ មុខមាត់ថ្មីនេះ ក្រុមហ៊ុននឹងធ្វើការប្រកាសនៅពេលក្រោយ៕

ផ្ទាំងផ្សាយពាណិជ្ជកម្ម

កក្រើកទីផ្សារកម្ពុជា! រថយន្ត MG RX5 Reborn ឆ្នាំ២០២៣ និងរថយន្តអគ្គិសនី MG Marvel R សម្ភោធដាក់លក់ជាផ្លូវការហើយ

February 27, 2023

នាថ្ងៃទី២៤ ខែកុម្ភះ ឆ្នាំ២០២៣ ក្រុមហ៊ុន MG Cambodia បានបង្ហាញនូវរថយន្តអគ្គិសនីដំបូងគឺ MG Marvel R ជាមួយនឹងរថយន្តជំនាន់ថ្មីនៃ MG RX5 Reborn ស៊េរីឆ្នាំ២០២៣ នៅសណ្ឋាគារសូហ្វីតែលភ្នំពេញ។ ក្នុងពេលវេលាដ៏ពិសេសនេះ, MG មិនមែនបើកបង្ហាញតែរថយន្តស៊េរីថ្មីមួយម៉ូឌែលទេ ប៉ុន្តែ MG បានបង្ហាញនូវម៉ូឌែលថ្មីចំនួន២ ដែលធ្វើអោយទាក់ដល់បេះដូងអតិថិជនជាច្រើនសម្រាប់រថយន្តប្រភេទ SUV និងរថយន្តអគ្គិសនីដែលមានការរចនាបែបអនាគតនិងពិតជាពិសេសសម្រាប់អតិថិជនដែលស្រលាញ់បរិស្ថាន។

កម្មវិធីបានប្រព្រឹត្តិទៅយ៉ាងអស្ចារ្យសម្រាប់ការសម្ភោធជាផ្លូវការរថយន្តស៊េរីថ្មី MG RX5 Reborn និងរថយន្តអគ្គិសនី MG Marvel R អមជាមួយការធ្វើបទបង្ហាញយ៉ាងក្បោះក្បាយផងដែរ។ ព្រឹត្តការណ៍ដ៏អស្ចារ្យនេះបានចូលរួមយ៉ាងខ្ពង់ខ្ពស់ពីសំណាក់ថ្នាក់ដឹកនាំជាន់ខ្ពស់ទាំងអស់នៃក្រុមហ៊ុន ធី អេហ្វ ម៉ូទ័រ ខេមបូឌា, ភ្ញៀវកិត្តិយសពីក្រសួងសាធារណការនិងដឹកជញ្ជូន, ក្រុមហ៊ុនប្រេងឥន្ធនះតូតាល់, អ្នកជំនាញផ្នែករថយន្តនិងមានវត្តមានតារាល្បីៗជាច្រើនរូបដូចជា លោក ម៉ម ពេជ្ជរិទ្ធិ, កញ្ញា ឡេង ឡេង, កញ្ញា វីហ្សា និងលោក សុភក្រ្ត ក៏ដូចជាអតិថិជន MG និងភ្ញៀវកិត្តិយសជាច្រើនរូបទៀតផងដែរ។

រថយន្តជំនាន់ថ្មីប្រភេទ SUV ដែលលក់ដាច់ខ្លាំងបំផុតគឺ MG RX5 Reborn ស៊េរីឆ្នាំ២០២៣បានមកដល់ប្រទេសកម្ពុជាហើយ ជាមួយតម្លៃពិតជាពិសេសត្រឹមតែ ៣៩ ៩៩០ តែប៉ុណ្ណោះ(ប្រម៉ូសិនសម្រាប់ខែកុម្ភៈ) និងមានលក្ខណះពិសេសជាច្រើនចំណុចដែលពិតជាមានភាពទំនើបទាន់សម័យ, កម្លាំងខ្លាំង, មានភាពធំទូលាយនិងប្រណិតជាងមុនដែលផ្តល់នូវផាសុកភាពនិងមានសុវត្ថិភាពខ្ពស់ជាងមុន។ រថយន្ត MG RX5 Reborn មានការរចនាថ្មីទាំងស្រុងទាំងផ្នែកខាងក្នុងនិងផ្នែកខាងក្រៅ ដែលផ្តល់នូវដំណើរការនៃការបើកបរកាន់តែអស្ចារ្យជាងមុន ហើយរថយន្ត MG RX5 Reborn ស៊េរីថ្មីគឺបានរចនាឡើងដើម្បីផ្ដល់នូវផាសុកភាព, សុវត្ថិភាព និងការបើកបរដ៏មានប្រសិទ្ធិភាពជាមួយភាពឆ្លាតវៃនិងភ្ផាប់នូវបទពិសោធន៍ថ្មីក្នុងការធ្វើដំណើរ។

បន្ថែមលើសពីនេះ, MG ក៏បានបង្ហាញនូវរថយន្តអគ្គិសនី MG Marvel R ស៊េរីឆ្នាំ២០២៣ ដែលនេះជារថយន្តអគ្គិសនីចុងក្រោយគេបង្អស់ដែលទើបតែមានវត្តមានក្នុងប្រទេសកម្ពុជាបន្ទាប់ពី MG បានបង្ហាញរួចមកហើយនូវម៉ូឌែឡ ZS EV, ប៉ុន្តែវាពិតជាមានភាពល្អប្រសើរជាងមុនជាមួយការបើកបរសន្សំសំចៃខ្ពស់នឹងគ្មានការបញ្ចេញជាតិពុលទៅបរិយាកាស (Zero emission) ការសាកថ្មីពេញអាចបើកបរបានរយៈចម្ងាយឆ្ងាយនិងមានបច្ចេកវិទ្យាទំនើបចុងក្រោយដែលអាចសាកថ្មបានលឿននិងមានការសន្សំសំចៃខ្ពស់ដែលស័ក្តសមសម្រាប់រថយន្តបែបអនាគត។ MG ក៏បានបង្កើនការលក់កាន់តែល្អជាមួយរថយន្តអគ្គិសនីដែលបានបណ្តុះចិត្តអតិថិជនឱ្យងាកមកប្រើប្រាស់រថយន្តអគ្គិសនីដែលមានបច្ចេកវិទ្យាខ្ពស់និងទាន់សម័យកាលឈានមុខគេ។

ក្នុងពេលវេលាដ៏អស្ចារ្យនេះ លោក អ៊ុំ គីម អគ្គនាយកផ្នែកលក់នៃក្រុមហ៊ុន ធី អេហ្វ ម៉ូទ័រ ខេមបូឌា បានមានប្រសាសន៍លើកឡើងថា “ចាប់តាំងពីឆ្នាំ២០០៩មកម្លេះដែល MG បានមានវត្តមាននៅប្រទេសកម្ពុជាជាមួយនឹងការចាប់ផ្តើមលក់ចេញដំបូងត្រឹមតែ៥គ្រឿងក្នុង១ខែ ប៉ុន្តែមកដល់ពេលនេះយើងមានការលក់ចេញលើសពី១០០គ្រឿងក្នុង១ខែ, ហើយការរីកចម្រើនមួយនេះក៏៏ដោយសារតែប្រជាជនកម្ពុជាទទួលស្គាល់នូវតម្លៃដ៏សមរម្យនៃរថយន្ត MG ជាមួយនឹងគុណភាពល្អ ហើយការផ្តល់សេវាកម្មជូនអតិថិជនក៏កាន់តែល្អ។ ក្រុមហ៊ុន MG ក៏បានសម្រេចនូវសមិទ្ធិផលជាច្រើនដូចជា ការពង្រីកថ្មីនៃអគារតាំងបង្ហាញរថយន្ត MG សាខាទឹកថ្លា ជាមួយនឹងការបង្កើតសាខាថ្មីនៃ MG សាខាផ្លូវ៦០ម៉ែត្រ ហើយក៏បានបន្ថែមជាមួយមជ្ឃមណ្ឌលថែទាំនិងជួសជុលរថយន្ត MG នៅសាខាខេត្តសៀមរាបដើម្បីផ្ដល់ជូននូវសេវាកម្មកាន់តែងាយស្រួលនិងឆាប់រហ័សជូនដល់អតិថិជនរបស់យើងដែលស្ថិតនៅខេត្តជុំវិញសៀមរាបដែរ។ លោកបានបន្តទៀតថា យើងខ្ញុំក៏មិនអាចឈរនៅទីនេះបានដែលបើគ្មានគ្រួសារ MG ដែលតែងតែគាំទ្រនិងមានទំនុកចិត្តមកលើរថយន្ត MG កន្លងមក ហើយយើងបានប្តេជ្ញាថានឹងផ្ដល់ជូននូវសេវាកម្មកាន់តែល្អអមជាមួយនឹងរថយន្តទំនើបទាន់សម័យកាលជូនដល់ប្រជាជនកម្ពុជាយើង ដូចជារថយន្តប្រភេទ SUV ស៊េរីថ្មីទាំង ២ម៉ូឌែលដែលបានបើកសម្ពោធនារាត្រីនេះ ហើយវានឹងជួយពង្រឹងបន្ថែមដល់ក្រុមហ៊ុន MG ឱ្យកាន់តំណែងចំណាត់ថ្នាក់លេខ៣នៃទីផ្សាររថយន្តរថយន្តនៅកម្ពុជាក្នុងឆ្នាំ ២០២៣នេះ៕