ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 413

ធ្លាប់តែឃើញ Toyota Alphard ជាឡាន Minivan តែនេះជាភីកអាប់ ដែលត្រៀមបង្ហាញខ្លួនអាទិត្យក្រោយនេះ

[បរទេស] ក្រុមសិស្សកែច្នៃរថយន្តមកពីមហាវិទ្យាល័យ Nihon Automobile College នៅក្នុងប្រទេសជប៉ុន បានយករថយន្ត Alphard ដែលប្រភទ Minivan ដ៏ពេញនិយមរបស់ Toyota កែច្នៃទៅជាភីកអាប់ដែលមានឈ្មោះថា NATS Alphard Super Dually Truck ជាមួយការត្រៀមដាក់បង្ហាញខ្លួននៅ Tokyo Auto Salon នៅថ្ងៃទី ១៣ ខែមករា ឆ្នាំ ២០២៣នេះ។

​ការកែច្នៃនេះ បាន​យក​រថយន្ត Toyota Alphard ជំនាន់​ទី​ ៣ ដែល​បាន​កាត់ផ្នែក​ខាង​ក្រោយចេញ ដោយជំនួយមកជាឃ្លុបវិញ ដែលបានមកពី Toyota Hilux ព្រមទាំងបានពង្រីកនៅប្រវែងគន្លាតកង់មុខ-ក្រោយវែងជាងមុន។

រចនាបថរថយន្តភីកអាប់ដ៏ប្លែកនេះ គឺបានប៉ះពាល់ដល់ទ្វាររូតខាងក្រោយរបស់ Alphard ដោយក្រុមកែច្នៃនេះបានកែច្នៃទា្វររបស់ភីកអាប់ NATS Alphard Super Dually Truck ស្រដៀងនឹង Rolls-Royce ដែរ។ ក្នុងនោះ ផ្នែកខាងក្នុងមិនទាន់បង្ហាញនៅឡើយទេ ប៉ុន្តែគេរំពឹងថាវានឹងទទួលបាននូវការតុបតែងជាមួយពណ៌ខៀវ។

បន្ថែមពីនេះរថយន្តភីកអាប់នេះបានទម្លាក់កម្ពស់ ជាមួយការប្រើប្រាស់ប្រព័ន្ធ Air Super Performance suspension kit ​នឹង​បំពាក់ថាស​កង់​​ស្ព័រ​ទំហំ ២០ អ៊ីញប្រភេទ Work Equip E10​ alloy wheel ស្រោបដោយសំបកដែល​មាន​ទំហំ 245/35ZR20 នៅ​ខាង​មុខ និង 345/25ZR20 នៅ​ខាង​ក្រោយ។

ទាក់ទងនឹងផ្នែកម៉ាស៊ីនវិញ រថយន្តដំណើរការដោយម៉ាស៊ីនចំណុះ ២,៥ លីត្រ របស់ Alphard ទំហំ ៤​ ស៊ីឡាំង ​អាចផលិតបាន ១៨០ សេះ​ និងកម្លាំងរមួល ២៣៥ ញ៉ូតុនម៉ែត្រ ភ្ជាប់ដោយប្រអប់លេខដោយស្វ័យប្រវត្តិ៕

ផ្ទាំងផ្សាយពាណិជ្ជកម្ម

ឡានអគ្គិសនី GAC Aion Hyper GT ដែលមានប្រព័ន្ធ aerodynamic ល្អបំផុតនៅលើពិភពលោក បង្ហាញខ្លួនជាផ្លូវការ

[បរទេស] ក្រុមហ៊ុនផលិតរថយន្ត GAC បានបង្ហាញរថយន្ត GAC Aion Hyper GT ដែលជាម៉ូដែលទី ២ Hyper ថ្មីរបស់ខ្លួននៅឯពិព័រណ៍រថយន្ត Guangzhou Auto Show 2022 ក្នុងប្រទេសចិនកាលពីថ្ងៃទី ៣០ ខែធ្នូ ឆ្នាំ ២០២២។ ជារថយន្ត Hyper GT ដែលមានកម្រិតនៃការកកិតត្រឹមតែ ០.១៩ ដែលជាកម្រិតទាបបំផុត និងជារថយន្តដែលមានប្រព័ន្ធ aerodynamic ល្អខ្លាំងបំផុតក្នុងចំណោមរថយន្តផ្សេងទៀតនៅ​លើ​ពិភពលោក។

បើនិយាយពីរចនាប័ទ្មវិញ Aion Hyper GT ត្រូវបានឌីស្សាញមកជាមួយកម្ពស់ទាប ព្រមទាំងប្រវែងគន្លាតកង់មុខ-ក្រោយវែង និងថាសកង់ទំហំ ១៩ អ៊ីញ។ នៅផ្នែកខាងមុខ រថយន្ត Aion Hyper GT មានបំពាក់ជាមួយប៉ាណាមុខបិទជិតឲ្យឈ្មោះថា “Wind Blade Grille” ខណៈប្រព័ន្ធ active aerodynamic ត្រូវបានបំពាក់នៅផ្នែកខាងក្រោយ ដែលបានពី Porsche Panamera rear wing ដែលអាចស្ទុះដោយស្វ័យប្រវត្តិក្នុងល្បឿនលើសពី ៨០ គីឡូម៉ែត្រក្នុងមួយម៉ោង។

ចង្កៀងមុខ LED ប្រភេទ electrode headlights និងចង្កៀងក្រោយប្រភេទ red crystal taillights ។ ចំនុចសំខាន់នោះ ទ្វារខាងមុខឲ្យឈ្មោះ Sky Door ដែលបើកឡើងលើបានមកពី បច្ចេកវិទ្យា dihedral synchro-helix actuation technology។

Aion Hyper GT ភ្ជាប់មកជាមួយសេនស័រមួយចំនួនធំ រួមទាំងកាំមេរ៉ា រ៉ាដា បច្ចេកវិទ្យា LiDAR និងបច្ចេកវិទ្យាអ៊ីនហ្វ្រារ៉េដ។ បច្ចេកវិទ្យា hardware ត្រូវបានបំពាក់នៅលើកាងខាងមុខ ដំបូល កញ្ចក់ និងរបាំងការពារភុក។ លើសពីនេះ ក៏បានផ្តល់នៅកញ្ចប់ ADAS package ដ៏ទំនើបទៅលើម៉ូដែលខ្ពស់ផងដែរ។

ចំពោះនៅផ្នែកខាងក្នុងវិញ មិនមានរូបភាពបង្ហាញទេ ប៉ុន្តែបានឃើញដំបូលកញ្ចក់ដែលរាងជម្រាលរួមបញ្ចូលគ្នាយ៉ាងស្រស់ស្អាត និងអាចមើលឃើញអេក្រង់កំសាន្តទំហំដ៏ធំនៅលើផ្ទៃតាឡូ កុងទ័របង្ហាញព័ត៌មានឌីជីថល និងការកំណត់រចនាសម្ព័ន្ធ ៥ កៅអី។

ម៉ូដែលនេះត្រូវបានផ្អែកលើស្ថាបត្យកម្ម AEP3.0 EV-dedicated architecture ថ្មី ហើយត្រូវបានគេរំពឹងថានឹងមានជម្រើសជាមួយនឹងម៉ូទ័រអអគ្គិសនី ១ និង ២។ GAC បាននិយាយថាម៉ូទ័រខាងក្រោយតែមួយអាចផលិតបាន ៣៣៥ សេះ និងកម្លាំងរមួល ៤៣៤ ញ៉ូតុនម៉ែត្រ ដែលអនុញ្ញាតឲ្យមានល្បឿនស្ទុះពី ០-១០០​ គីឡូម៉ែត្រ/ម៉ោង ក្នុងរយៈពេល ៤ វិនាទី។ ក្នុងនោះ បានប្រព័ន្ធដែលអាចសាកលឿនទំហំរហូតដល់ ៤៨០ គីឡូវ៉ាត់480kW និងបច្ចេកវិទ្យាប្តូរអាគុយផងដែរ។

ក្នុងនោះដែរ គេសង្ឃឹមថាម៉ូដែលនេះនឹងមានលក់នៅលើទីផ្សារផ្សេងទៀតនៅខាងក្រៅប្រទេសចិនក្នុងនាមជាដៃគូប្រកួតប្រជែងស្របច្បាប់ជាមួយ Tesla Model 3 ។

ផ្ទាំងផ្សាយពាណិជ្ជកម្ម

Tesla បានបំពាក់បច្ចេកវិទ្យាបើកបរដោយស្វ័យប្រវតិ្តទៅលើរថយន្តក្បែរ ៣០០ ០០០ គ្រឿងហើយ

[បរទេស] ក្រុមហ៊ុនផលិតរថយន្តអគ្គិសនី Tesla បានធ្វើការកំពុងពង្រីកបច្ចេកវិទ្យា Full Self-Driving របស់ខ្លួនទៅកាន់រថយន្តប្រហែល ២៨៥ ០០០ គ្រឿងហើយនៅអាមេរិកខាងជើង។

នៅក្នុងការបង្ហោះនៅលើ Twitter ក្រុមហ៊ុន Tesla បានដាក់ចេញនៅសមិទ្ធិផលរបស់ខ្លួនកាលពីឆ្នាំមុន លើសពីការបង្កើនផលិតកម្មនៅ Giga Texas និង Giga Berlin វាបានឈានដល់ចំណុចសំខាន់មួយនៃបន្ទះសូឡា ៥០០ ០០០ និងការដំឡើងដំបូលសូឡាផងដែរ ហើយថែមទាំងសម្រេចបាននៅកំណត់ត្រាថ្មីនៃកោសិកាអាគុយ ៤ ៦៨០ ក្នុងមួយសប្តាហ៍ស្មើនឹងជាង ១ ០០០ រថយន្ត។

រថយន្ត Tesla ជាង ២៨៥ ០០០ គ្រឿងឥឡូវនេះមាន Full Self-Driving Beta ត្រូវបានបើកនៅទូទាំងអាមេរិកខាងជើង ដោយអ្នកប្រើប្រាស់ទាំងនោះបានបង់ប្រាក់ត្រឹមពី ២ ០០០ ទៅ ៣ ០០០ ដុល្លារកាលពីប៉ុន្មានឆ្នាំមុន ហើយមកដល់ឥឡូវនេះមានតម្លៃដល់ ១៥ ០០០ ដុល្លារ។ កាល​ពី​មួយ​ឆ្នាំ​មុន ចំនួន​នេះ​មាន​ត្រឹម​តែ ​៦០ ០០០ ​​គ្រឿង​ប៉ុណ្ណោះ គិតត្រឹមត្រីមាសទី ៣ នៃឆ្នាំនេះ វាមានរថយន្តចំនួន ១៦០ ០០០ គ្រឿងហើយ។ នោះមានន័យថាការកើនឡើងនៃការទទួលយកការបើកបរដោយខ្លួនឯងពេញលេញកំពុងកើតឡើងយ៉ាងឆាប់រហ័សសម្រាប់ពេលនេះ។

នោះ​ជា​រឿងល្អ​សម្រាប់ Tesla ព្រោះ​ទិន្នន័យ​បន្ថែម​អាច​មាន​ន័យ​ថា​ការ​អាប់ដេត​កាន់​តែ​ប្រសើរ​ចំពោះ​បច្ចេកវិជ្ជា​បើកបរ​ដោយ​ស្វ័យ​ប្រវត្តិ​ពេញ​លេញ។ អាស្រ័យលើប្រសិទ្ធភាពដែលវាតម្រៀបតាមទិន្នន័យនោះ និងប្រើប្រាស់វាសម្រាប់ការកែលម្អកម្មវិធី វាក៏អាចមានន័យថាការធ្វើបច្ចុប្បន្នភាពលឿនជាងមុនទៅ FSD Beta ផងដែរ។

យោកតាមគេហទំព័រ DriveTeslaCanada ធ្លាប់បានបង្ហាញនៅក្នុងខែមេសាគាត់បាននិយាយថា គាត់រំពឹងថារថយន្តប្រហែល ១ ០០០ ០០០ គ្រឿងនឹងមានបច្ចេកវិទ្យា Full Self-Driving Beta ។ ទោះបីជាអត្រាទទួលយកនៅតែបន្តក្នុងល្បឿន ៧៨% នេះក៏ដោយ Tesla នៅតែមិនមានអ្នកប្រើប្រាស់ FSD Beta មួយលាននាក់រហូតដល់ពាក់កណ្តាលឆ្នាំក្រោយ។ លើសពីនេះ ក្រុមហ៊ុន Tesla ក៏មានបញ្ហាប្រឈមជាច្រើនជុំវិញបច្ចេកវិទ្យា Full Self-Driving ដើម្បីដោះស្រាយផងដែរ៕

ផ្ទាំងផ្សាយពាណិជ្ជកម្ម

ការបើកសាកល្បងរថយន្តដែលកំពុងមានប្រជាប្រិយភាពម៉ាក Maxus T90 របស់អ្នកជំនាញខាងរថយន្តទាំង ៤រូបនៅក្នុងប្រទេសកម្ពុជា

នៅក្នុងប្រទេសកម្ពុជាមានអ្នកជំនាញខាងរថយន្តជាច្រើនដែលតែងតែបង្ហាញអំពីផលិតផលរថយន្តថ្មី ឬក៏រថយន្តដែលកំពុងមានប្រជាប្រិយភាពខ្លាំង ដើម្បីអោយអ្នកដែលមានផែនការចង់ទិញឡានថ្មីបានដឹងនិងងាយស្រួលសម្រេចចិត្ត។ អ្នកដែលចង់ទិញរថយន្តថ្មី ជាធម្មតាពួកគាត់តែងតែជ្រើសរើសតាមអ្នកជំនាញខាងរថយន្ត ពីព្រោះពួកគេអាចដឹងច្បាស់អំពីលក្ខណៈពិសេស, កម្លាំង, ប្រព័ន្ធសុវត្ថិភាព, ការសន្សំសំចៃប្រេងឥន្ធនះ និងជាពិសេសគឺតម្លៃរថយន្ត។ អ្នកជំនាញខាងរថយន្តធ្វើគ្រប់វិធីដែលគេអាចធ្វើបាន ដូចជាការធ្វើវីដេអូ ឬការបើកបរសាកល្បងនៅលើផ្លូវជាដើម។ បច្ចុប្បន្ននេះ មានអ្នកជំនាញខាងរថយន្តមួយចំនួនបានចាប់អារម្មណ៍ទៅលើរថយន្ត Maxus T90 ដោយមានការសាកល្បងបើកបរ និងបង្ហាញអំពីចំណាប់អារម្មណ៍ផ្ទាល់ខ្លួនរបស់ពួកគេ។ Maxus T90 គឺជារថយន្តប្រភេទភីកអាប់ស៊េរីថ្មីដែលមានវត្តមាននៅប្រទេសកម្ពុជាចាប់តាំងពី២០២១ ជាមួយនឹងតម្លៃដល់ល្អ គឺត្រឹមតែ ៤៣ ៩៩០ ប៉ុណ្ណោះ និងមានការរចនារូបរាងយ៉ាងល្អទាក់ទាញ, មានប្រព័ន្ធសុវត្ថិភាពខ្ពស់, បច្ចេកវិទ្យាថ្មីទំនើប និងមានការធានារយៈពេល៣ឆ្នាំថែមទៀតផង។ ខាងក្រោមនេះជាចំណាប់អារម្មណ៍របស់ពួកគេទៅលើរថយន្ត Maxus T90។

១. លោក ថុង រក្សា ជាស្ថាបនិកនៃ ខេមបូ អូតូ លោកបានចែករំលែកអំពីបទពិសោធន៍របស់គាត់ជាមួយការបើកសាកល្បងរថយន្ត Maxus T90 ហើយគាត់ក៏ចូលចិត្តកម្លាំងរថយន្តនេះដែរ ជាពិសេសនៅពេលដែលអ្នកបើកបរនៅលើផ្លូវពិបាក(ផ្លូវ Off-Road) អ្នកនៅតែទទួលបាននូវផាសុកភាពនៅក្នុងរថយន្ត។ Maxus T90 គឺបានបំពាក់ជាមួយម៉ាស៊ីនម៉ាស៊ូតចំណុះ ២.០លីត្រ តួបូភ្លោះ ដែលផ្តល់កម្លាំងខ្លាំង ១៦០គីឡូវ៉ាត់ និងកម្លាំងរមួល ៥០០Nm។ រថយន្តនេះក៏អាចប្រើបានទាំងលេខដៃនិងលេខអូតូ ហើយអ្វីដែលគាត់កាន់តែពេញចិត្តខ្លាំងនោះគឺវាជាប្រភេទប៉ុង២ និងអាចជ្រើសរើសលក្ខខណ្ឌនៃការបើកបរតាមស្ថានភាពផ្លូវដូចជា 2H, 4H, Auto និង 4L ជាមួយមុខងារសន្សំសំចៃ Eco Mode, Power និងNormal ដែលពិតជាល្អបំផុតសម្រាប់ការបើកបរដោយផ្អែកលើស្ថានភាពផ្លូវ។

២. លោក រ៉ុងសុង សូដាលាភ ស្ថាបនិកក្រុមនិយាយអំពីឡាន លោកបានបង្ហាញពីចំណាប់អារម្មណ៍របស់គាត់ទៅលើរថយន្ត Maxus T90 ដែលគាត់ចូលចិត្តការរចនានៃរូបរាងដ៏រឹងមាំរបស់ T90 តាំងពីផ្នែកខាងមុខរហូតដល់ផ្នែកខាងក្រោយនៃរថយន្ត ដែលមើលទៅពិតជាបង្កើតអោយគាត់កាន់តែមានទំនុកចិត្តកាន់តែខ្ពស់ក្នុងការបើកបរនិងលេចធ្លោយ៉ាងអស្ចារ្យពេលបើកតាមដងផ្លូវ។ លោកក៏បានរៀបរាប់បន្ថែមអំពីផ្នែកខាងក្នុងនៃ Maxus T90 ដែលមានភាពធំទូលាយ, ប្រព័ន្ធសុវត្តិភាពខ្ពស់ជាមួយពោងសុវត្ថិភាពចំនួន១០គ្រាប់ទៀតផង, ការតែពិសេសគីទទួលបានចំណាត់ថ្នាក់ផ្កាយ៥លើការវាយតម្លៃបុកប៉ះ, ប្រព័ន្ធ ESP+EBA(HAS,RMI,HDC), ហ្រ្វាំងដៃអេឡិចត្រូនិច,កាំមេរ៉ាក្រោយនិងសេនស័រដើម្បីជំនួយនៅក្នុងការចតរថយន្ត។ល។ គាត់បានណែនាំទៅកាន់អ្នកទិញថា ប្រសិនបើចង់ស្វែងរកទិញរថយន្តប្រភេទភីកអាប់ទំនើប នោះរថយន្ត Maxus T90 ជាជម្រើសដ៏ល្អសម្រាប់លោកអ្នក ពីព្រោះរថយន្ត Maxus T90 ស័ក្តសមជាមួយកាងារដឹកជញ្ជូន ឬការបើកបរជាដំណើរកំសាន្តបែបផ្សងព្រេងផ្សេងៗលើផ្លូវបែប Off-road។

៣. លោក ខេមវិរៈ ស្ថាកបនិក Square Car​ ក៏បានពេញចិត្តទៅលើរថយន្ត Maxus T90 នេះដែរ​ប្រសិនបើប្រៀបធៀបទៅនឹងរថយន្តភីកអាប់ជាច្រើនដែលគាត់បានធ្លាប់បើកបរ។ លោកបាននិយាយថារថយន្ត Maxus T90 មានលក្ខណះពិសេសជាច្រើនដែលអាចទាក់ទាញអ្នកទិញជាមួយ បច្ចេកវិទ្យាថ្មីៗនៃម៉ាស៊ីនម៉ាសូតចំណុះ២.០លីត្រ បន្ថែមជាមួយតួបូភ្លោះ (Bi-turbo) ដែលផ្ដល់នូវកម្លាំងខ្លាំង និងការសន្សំសំចៃខ្ពស់ ហើយស៊ីប្រេងឥន្ទនៈទាប អមជាមួយភាពប្រណិតនៃផ្នែកខាងក្នុងដែលបំពាក់នូវគ្រឿងបរិក្ខាថ្លៃៗដូចទៅនឹងរថយន្តSUVទំនើបៗ ដូចជាតាប់ឡូឌីជីថលដែលមានទំហំ១០.២៥អ៊ីញ និង អេក្រង់ផ្នែកកណ្ដាលទំហំ១២អ៊ីញ ដែលផ្ទាំងទាំងពីរនេះស្ថិតនៅខាងមុខរបស់អ្នកបើកបរងាយស្រួលគ្រប់គ្រងពត៌មាន, ប្រព័ន្ធកំណត់ល្បឿនថេរ, ប្រព័ន្ធបញ្ផាដោយសម្លេង, Bluetooth និងតន្ត្រី។ល។ លក្ខណះពិសេសទាំងអស់នេះបានផ្ដល់នូវភាពងាយស្រួល និងបទពិសោធន៏ល្អៗដល់អ្នកបើកបរក៏ដូចជាអ្នករួមដំណើរ។

៤. លោក សេនមេន ពី Screen Post ក៏មិនមានខុសប្លែកពីអ្នកជំនាញផ្នែករថយន្តដទៃទៀតនោះទេ លោកបានចូលរួមបើកបរសាកល្បងរថយន្ត Maxus T90 នៅទីតាំងអគារតាំងបង្ហាញរថយន្ត Maxus ដែរ។ ជាមួយចំនុចជាច្រើនដែលគាត់ពេញចិត្តខ្លាំង ហើយអ្វីដែលលោកចាប់អារម្មណ៍ដំបូងគេនោះគឺពណ៌នៃផ្នែកខាងក្រៅដែលពិតជាមានច្រើនជម្រើសក្នុងខ្សែស្រលាញភីកអាប់ដូចជា ពណ៌ក្រហម,ខ្មៅ, សរ និងប្រផេះ ដែលផ្ដល់នូវជម្រើសកាន់តែច្រើនសម្រាប់អ្នកប្រើប្រាស់។ បន្ទាប់មកគីផ្នែកខាងក្នុងរថយន្ត Maxus T90 ដែលបានបំពាក់នូវកៅអីពូកស្បែកពណ៌ខ្មៅរំលេចជាមួយថ្នេរពណ៌ក្រហម និងមុខងារទំនើបៗដូចជា កៅអីចុចអូតូទាំងសងខាង, កញ្ចក់មើលក្រោយក្តោបអូតូ, តាប់ឡូឌីជីថលទំហំ១០.២៥អ៊ីញ និងអេក្រង់កម្សាន្តទំហំ១២អ៊ីញ, រន្ធម៉ាស៊ីនត្រជាក់ទាំងមុខក្រោយ, រន្ធUSB, ដំបូលលើបើកបិទ ដែលល្អកម្រមានសម្រាប់រថយន្តប្រភេទភីកអាប់នៅលើទីផ្សាររថយន្តនៅកម្ពុជាណាស់។ លោកក៏បាននិយាយផងដែរអំពីភាពរឹងមាំទ្វេដងនៃរថយន្ត​ Maxus T90 ដោយបំពាក់នូវដែកគ្រោងតួរថយន្ត២ជាន់។

សរុបរួម, អ្នកជំនាញផ្នែករថយន្តខាងលើពិតជាមានចំណាប់អារម្មណ៍ផ្សេងៗគ្នាទៅលើម៉ូឌែល Maxus T90 ប៉ុន្តែវានៅតែជារថយន្តដែលជាជម្រើសល្អសម្រាប់ពួកគេប្រសិនបើប្រៀបធៀបទៅលើរថយន្តប្រភេទភីកអាប់មួយចំនួន។ ពិតណាស់ រថយន្ត Maxus T90 អាចជាសមាជិកថ្មីសម្រាប់ប្រជាជនកម្ពុជា ក៏ប៉ុន្តែប្រសិនបើអ្នកឃើញពីលក្ខណៈពិសេសជាមួយនឹងបច្ចេកវិទ្យាថ្មីគឺអាចប្រកួតប្រជែងជាមួយរថយន្ត Ford Ranger, Toyota Hilux ឬ Isuzu D-Max,..។ល។ ដូច្នេះ, ប្រសិនបើអ្នកចង់ទទួលបាននូវបទពិសោធន៍ថ្មីពីរថយន្ត Maxus T90 លោកអ្នកអាចអញ្ផើញទៅកាន់អគារតាំងបង្ហាញរថយន្ត Maxus ដើម្បីបើកសាកល្បង និងទស្សនារថយន្តផ្ទាល់ដោយទទួលបានប្រូម៉ូសិនពិសេសថែមទៀតផង និងកាន់តែល្អគឺរថយន្តមានស្តុកស្រាប់ មិនរង់ចាំយូរ៕

ផ្ទាំងផ្សាយពាណិជ្ជកម្ម

មិនគួរឲ្យជឿ! Aston Martin DB4 ឆ្នាំ ១៩៦២ មើលលែងយល់នេះ​ មានតម្លៃស្មើនឹង Rolls-Royce

[បរទេស] កាលពីពេលថ្មីៗ កន្លងទៅនេះ យោងតាមគេហទំព័រទិញ និងលក់រថយន្ត Gullwing Motor Cars មានមូលដ្ឋាននៅទីក្រុងញូវយ៉ក សហរដ្ឋអាមេរិក បានស្នើលក់រថយន្ត Aston Martin DB4 ឆ្នាំ ១៩៦២ ក្នុងតម្លៃជិត ៣២៥ ០០០ ដុល្លារ ហើយ​រថយន្ត​នេះ​ស្ទើរតែ​ខូច​ខាត​យ៉ាង​ដំណំ​ទៅ​ហើយ​ ចំណែក​តួ​រថយន្ត​ក៏​រលួយ​ដែរ ធ្វើ​ឱ្យ​ពិបាក​មើល​សភាព​ដើម ។

ជាមួយតម្លៃ ៣២៥ ០០០ ដុល្លារ ត្រូវ​បាន​មនុស្ស​ជា​ច្រើន​ចាត់​ទុក​ថា​មាន​តម្លៃ​ខ្ពស់​ខ្លាំងក្នុង​ការ​ចំណាយ​លើ​រថយន្ត​ចាស់​ដែល​ត្រូវ​គ្របដណ្តប់ដោយ​ធូលី​ក្នុង​ឃ្លាំង​អស់​រយៈ​ពេល ៣០ ឆ្នាំ​មក​ហើយ។ ប៉ុន្តែយោងទៅតាមអ្នកជំនាញជាច្រើន ដោយពិចារណាលើអាយុ លក្ខខណ្ឌ និងឧបករណ៍នៅខាងក្នុង ម៉ូដែល DB4 ដែលបានជួសជុលខ្លះអាចមានតម្លៃដល់ទៅ ១ លានដុល្លារឯណ្ណោះ ។

សម្រាប់ព័ត៌មានអំពីរថយន្ត Aston Martin នេះមានពណ៌ខៀវ និងផ្នែកខាងក្នុងតុបតែងជាមួយស្បែកក្រហម។ បន្ថែមពីនេះ យោងតាមការផ្សាយពាណិជ្ជកម្ម រថយន្តនេះគឺជាអំណោយដែលម្ចាស់រថយន្តបានទទួលនៅពេលធ្វើការនៅហាងលក់គ្រឿងបន្លាស់រថយន្ត។

គួរបញ្ជាក់ផងដែរថា រថយន្ត Aston Martin DB4s បានចាប់ផ្តើមផលិតនៅឆ្នាំ ១៩៥៥ និងដាក់បង្ហាញជាសាធារណៈនៅពិព័រណ៍រថយន្ត London Motor Show ក្នុងឆ្នាំ ១៩៥៨ ហើយមានតែចំនួន ១ ១០០ គ្រឿងប៉ុណ្ណោះដែលត្រូវបានផលិតនៅទូទាំងពិភពលោក ។

ទាក់ទងនឹងផ្នែកម៉ាស៊ីនវីញ រថយន្តនេះដំណើរការដោយម៉ាស៊ីន DB4 ចំណុះ ៣,៧ លីត្រទ ទំហំ ៦ ស៊ីឡាំងប្រភេទ inline-six ផលិតកម្លាំងបាន ២៤០ សេះ និងកម្លាំងរមួល ៣២៥​ ញ៉ូតុនម៉ែត្រ រថយន្តនេះមានសមត្ថភាពបង្កើនល្បឿនពី ០-១០០ គីឡូម៉ែត្រក្នុងមួយម៉ោងក្នុងរយៈពេល ៩ វិនាទី និងមានល្បឿនអតិបរមា ២២៥ គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

Mitsubishi Mirage អស់ជីវិតនៅស្រុកកំណើត តែបន្តផ្តល់ជូននៅទីផ្សារមួយនេះ

[បរទេស] កាលពីពេលថ្មីកន្លងទៅនេះ យោងតាមគេហទំព័ររបស់ក្រុមហ៊ុនផលិតរថយន្ត Mitsubishi បានបង្ហាញពីរថយន្ត Mitsubishi Mirage បានឈានដល់ទីបញ្ចប់នៃជីវិតហើយក្នុងទីផ្សារប្រទេសជប៉ុន ។

ទោះបីជាមានការវិវឌ្ឍន៍នៅក្រៅប្រទេសក៏ដោយ អ្នកនាំពាក្យបានប្រាប់គេហទំព័រ Autoblog ថា “The Mirage នៅតែជាផ្នែកសំខាន់នៃត្រកូល US របស់យើងនៅពេលនេះ ហើយទំនងជានឹងមិនផ្តល់ឲ្យអតិថិជននៅការធានាច្រើននោះទេ។

គួរឲ្យដឹងថា រថយន្ត Mitsubishi Mirage មិនសូវទទួលបានការពេញនិយមខ្លាំងនៅអាមេរិកទេ ដោយសារក្រុមហ៊ុននេះលក់បានត្រឹមតែ ១២ ៧៦៣ គ្រឿងប៉ុណ្ណោះក្នុងត្រីមាសទី ៣។

បន្ថែមពីនេះ វាជារថយន្តមួយក្នុងចំណោមរថយន្តដែលមានតម្លៃសមរម្យបំផុតនៅអាមេរិក ដែលមានតម្លៃលក់ចាប់ពី ១៦ ២៤៥ ដុល្លារសម្រាប់ប្រភេទ hatchback ហើយអតិថិជនអាចទទួលបាន Mirage G4 sedan ក្នុងតម្លៃបន្ថែម ១ ០០០ ដុល្លារ ។ សម្រាប់ម៉ូដែលនេះត្រូវបានបំពាក់ដោយថាសកង់ដែកទំហំ ១៤ អ៊ីញ ជាមួយដុំហ្វ្រាំង drum rear brakes ខាងក្រោយ និងម៉ាស៊ីនចំណុះ ១,២ លីត្រដែលអាចផលិតកម្លាំងបាន ៧៦ សេះ និងកម្លាំងរមួល ១០០ ញ៉ូតុនម៉ែត្រ ។

មិនត្រឹមតែប៉ុណ្ណោះ ក៏មានបំពាក់រួមទាំងប្រព័ន្ធម៉ាស៊ីនត្រជាក់ស្វ័យប្រវត្តិ ប្រព័ន្ធកំណត់ល្បឿនបើកបរ និងអេក្រង់កំសាន្តទំហំ ៧ អ៊ីញ ភ្ជាប់មុខងារ Apple CarPlay និង Android Auto ហើយនេះ​ជាមូលហេតុ​ធ្វើ​ឲ្យ​​អតិថិជន​មិន​ចង់​ទិញ​ប្រើ។

គួរបញ្ជាក់ផងដែរថា ខណៈពេលដែលអនាគតរបស់រថយន្ត Mitsubishi Mirage នៅទីផ្សារសហរដ្ឋអាមេរិកមានភាពស្រពិចស្រពិល។ ក្នុងនោះ គេរំពឹងថាម៉ូដែលនេះនឹងអាចអស់ជីវិតនៅទីផ្សារមួយនេះផងដែរ៕

ផ្ទាំងផ្សាយពាណិជ្ជកម្ម

គំរូឡានអគ្គិសនីបែបអនាគត Lexus LF-Z concept បង្ហាញខ្លួនជាផ្លូវការនៅប្រទេសកៀកកម្ពុជា

[បរទេស] ក្រុមហ៊ុនផលិតរថយន្ត Lexus ប្រចាំនៅប្រទេសវៀតណាម បានធ្វើការដាក់បង្ហាញគំរូរថយនអគ្គិសនី Lexus LF-Z Electrified concept នៅក្នុងព្រឹត្តិការណ៍ពិពរណ័រថយន្ត VMS 2022 នៅក្នុងប្រទេសរបស់ខ្លួន។

គំរូរថយន្តត្រូវបានដាក់បង្ហាញជាសកលកាលឆ្នាំមុន ដោយម៉ូដែលនេះប្រើប្រាស់ភាសាការរចនាថ្មី ការបើកបរដ៏មានប្រសិទ្ធិភាព និងបច្ចេកវិទ្យាទំនើបរបស់ក្រុមហ៊ុនផលិតរថយន្តជប៉ុននាពេលអនាគត។ ក្នុងនោះ Lexus គ្រោងនឹងអភិវឌ្ឍរថយន្ត Lexus LF-Z ទៅជារថយន្តពាណិជ្ជកម្មនៅឆ្នាំ ២០២៥ ដែលមានការរចនាដោយសង្កត់ធ្ងន់ទៅលើភាពប្រណិត និងភាពទំនើប ដែលមានប្រវែង ៤ ៨៨០ ម.ម ទទឹង ១ ៩៦០​ ម.ម កំពស់ ១ ៦០០​ ម.ម និងប្រវែងគន្លាតកង់មុខ-ក្រោយ ២ ៩៥០ ម.ម ។

ផ្នែកខាងក្នុងនៃម៉ូដែលនេះត្រូវបានរចនាបែបអនាគតជាមួយជាភាសា Tazuna (មានន័យថា reins ជាភាសាជប៉ុន) និងភ្ជាប់មកជាមួយប្រព័ន្ធ AI ជំនួយដល់អ្នកបើកបរតាមរយៈសំឡេងដ៏ឆ្លាតវៃ, ឧកបរណ៍បំពងសំឡេងកម្រិតខ្ពស់ម៉ាក Mark Levinson ។ បន្ថែមជាមួយកុងទ័របង្ហាញព័ត៌មាន និងអេក្រង់កំសាន្ត touchscreen ដោយនោះអេក្រង់ជាប់គ្នា ឧបករណ៍បញ្ជាមុខងារផ្សេងៗមានទីតាំងនៅជុំវិញតំបន់ដៃចង្កូត។

ទាក់ទឹងនឹងផ្នែកម៉ាស៊ីនវិញ រថយន្តអគ្គិសនី Lexus LF-Z បំពាក់ជាមួយម៉ូទ័រអគ្គិសនីចំនួន ២ ដែលអាចផលិតកម្លាំងបាន ៥៣៦ សេះ និងកម្លាំងរមួល ៧០០ ញ៉ូតុនម៉ែត្រ ផ្គួបជាមួយអាគុយលីចូមទំហំ ៩០ គីឡូវ៉ាត់ម៉ោង អាចបើកបរបានចម្ងាយ ៦០០ គីឡូម៉ែត្រក្នុងការសាកថ្មម្តង អាចបង្កើនល្បឿនពី ០-១០០ គីឡូម៉ែត្រ/ម៉ោងក្នុងរយៈពេល ៣ វិនាទី និងល្បឿនអតិបរមា 200 គីឡូម៉ែត្រ/ម៉ោង ជាមួយប្រភេទបើកបរប៉ុង ២ វិលកង់ទាំងអស់៕

ផ្ទាំងផ្សាយពាណិជ្ជកម្ម

​ថៃ​​ក្លាយជាប្រទេស​លេខ ​១ ​ក្នុង​ការ​លក់​រថយន្ត​អគ្គិសនីបានច្រើនជាងគេ​នៅតំបន់​អាស៊ី​អាគ្នេយ៍

[បរទេស] ប្រទេស​ថៃ​ក្លាយ​ជា​ប្រទេស​នាំ​មុខ​ក្នុង​ទីផ្សារ​រថយន្ត​អគ្គិសនី​​នៅ​អាស៊ីអាគ្នេយ៍ ដោយវ៉ាដាច់ប្រទេសឥណ្ឌូនេស៊ី សិង្ហបុរី និងម៉ាឡេស៊ី ជាមួយនឹងចំណែកនៃការលក់ច្រើនជាង ៦០% នៃការលក់រថយន្តអគ្គិសនីសរុបនៅក្នុងតំបន់ក្នុងត្រីមាសទី ៣ នៃឆ្នាំ ២០២២។

យោងតាមក្រុមហ៊ុនស្រាវជ្រាវទីផ្សារ Counterpoint បានបង្ហាញថា ប្រទេសថៃគឺជាប្រទេសនាំមុខគេនៅក្នុងទីផ្សាររថយន្តអគ្គិសនីនៅអាស៊ីអាគ្នេយ៍។ ក្នុងរយៈពេល ៣ ត្រីមាសកន្លងមក គេបានរកឃើញថាប្រទេសថៃមានចំនួន ៥៩,២ ភាគរយ នៃការលក់រថយន្តអគ្គិសនីទាំងអស់នៅក្នុងតំបន់ តាម​ពី​ក្រោយ​ដោយ​ឥណ្ឌូណេស៊ី ២៥,២% និង​សិង្ហបុរី ១១,៨%។

យោងតាមរបាយការណ៍នេះ ទីផ្សាររថយន្តអគ្គិសនីនៅអាស៊ីអាគ្នេយ៍បានកើនឡើង ៣៥% នៅក្នុងត្រីមាសទី ៣ បើធៀបនឹងរយៈពេលដូចគ្នាកាលពីឆ្នាំមុន។ ក្នុងចំណោមចំនួននេះ ៦១%  គឺជារថយន្តអគ្គិសនីសុទ្ធ (BEVs) និង ៣៩% ជារថយន្ត Plug-in hybrid (PHEVs) ដោយមិនរាប់បញ្ចូលរថយន្តកូនកាត់ hybrid (HEVs) និងរថយន្តកោសិកាប្រេងឥន្ធនៈ (FCEV) ទេ។

ក្រុមហ៊ុនស្រាវជ្រាវទីផ្សារ Counterpoint ក៏បានបង្ហាញពីសមាមាត្រនៃការលក់រថយន្តអគ្គិសនីនៅក្នុងម៉ាកនីមួយៗ ដោយលេខ ១ គឺ Wuling ដែលមានទីផ្សារសំខាន់នៅក្នុងប្រទេសឥណ្ឌូនេស៊ីមានចំនួន ១៨,៣% ជាមួយនឹងម៉ូដែលដែលលក់ដាច់បំផុត Wuling Air EV បានចេញលក់នៅពាក់កណ្តាលឆ្នាំមុន បន្ទាប់មកគឺ Volvo ១៤,៤%, BMW នៅ ១៣,២%, ORA នៅ ១២,២% និង Mercedes-Benz មានសមាមាត្រ ៨,៦%។

ខណៈពេលដែល ក្រុមហ៊ុន Tesla បានសម្ភោធជាផ្លូវការនៅក្នុងប្រទេសថៃនៅដើមខែធ្នូ ក្នុងនោះគេរំពឹងថាសមាមាត្រនៃការលក់រថយន្តអគ្គិសនីនៅក្នុងប្រទេសថៃនឹងកើនឡើងគួរឲ្យកត់សម្គាល់បើប្រៀបធៀបទៅនឹងប្រទេសដទៃទៀតនៅតំបន់អាស៊ីអាគ្នេយ៍៕

ផ្ទាំងផ្សាយពាណិជ្ជកម្ម

Suzuki នឹង​បង្ហាញ​គំរូរថយន្តអគ្គិសនី​របស់ខ្លួននៅ​ពិព័រណ៍​រថយន្ត​ Auto Expo ឆ្នាំ ២០២៣

[បរទេស] ក្រុមហ៊ុនលិតរថយន្ត Suzuki ប្រចាំនៅប្រទេសឥណ្ឌាបានធ្វើការប្រកាសពីគម្រោងក្នុងការដាក់បង្ហាញរថយន្តប្រភេទ SUV ថ្មីចំនួន ២ និងរថយន្តប្រភេទ SUV អគ្គិសនីនៅក្នុងព្រឹត្តិការណ៍ពិពរណ័រថយន្ត Auto Expo 2023 របស់ប្រទេសឥណ្ឌា។

ក្រុមហ៊ុនផលិតរថយន្តនេះ នៅមិនទាន់បញ្ចេញលក្ខណៈពិសេសអ្វីទេ ប៉ុន្តែនាយកប្រតិបត្តិក្រុមហ៊ុន Maruti Suzuki លោក Hisashi Takeuchi បាននិយាយថា “ពិពរណ័រថយន្ត Auto Expo’23 គឺជាឱកាសមួយផ្សេងទៀតសម្រាប់ពួកយើងដើម្បីបង្ហាញពីការប្តេជ្ញាចិត្តរបស់យើងចំពោះអនាគតនៃការចល័តតាមរយៈផលិតផលប្រកបដោយនិរន្តរភាព និងបច្ចេកវិទ្យារបស់យើង”។

នាយកប្រតិបត្តិរូបនេះបានបន្តទៀតថា ក្រុមហ៊ុននឹងប្រើប្រាស់ព្រឹត្តិការណ៍នេះ ដើម្បីបង្ហាញពីការប្តេជ្ញាចិត្តរបស់ពួកគេចំពោះអនាគត “ស្អាតជាងមុន បៃតង និរន្តរភាព និងអព្យាក្រឹតកាបូន”។

ខណៈ​ដែល​វា​មិន​មាន​ច្រើន​នោះ​ទេ ការ​បង្ហាញ​នេះ​នឹង​ចាប់​ផ្តើម​នៅ​ខែ​ក្រោយ ហើយ Maruti Suzuki នឹង​មាន​រថយន្ត​សរុប​ចំនួន ១៦ គ្រឿង​ដាក់​បង្ហាញ។ ក្រៅពីម៉ូដែលដែលបានរៀបរាប់ខាងលើ ក្រុមហ៊ុននឹងបង្ហាញគំរូរថយន្ត WagonR flex fuel ក៏ដូចជា Brezza, Baleno, Ciaz, Ertiga, Grand Vitara, និង Swift ជាដើម។

 

ទន្ទឹមនឹងនេះ Maruti Suzuki មិន​បាន​និយាយ​លម្អិត​ច្រើន​ទេ ប៉ុន្តែ​ក្រុមហ៊ុនគេហទំព័រ Autocar India កំពុង​រាយការណ៍​ថា​ម៉ូដែល​ថ្មី​ទាំង​ ២ នេះនឹង​មាន​រថយន្ត Jimny ទ្វារ​ ៥ និង​រថយន្ត Suzuki Baleno ប្រភេទ Crossover ហើយ​របាយការណ៍​បាន​ស្នើ​ថា​វា​នឹង​មាន​ម៉ាស៊ីនចំណុះ ១,៥ លីត្រ​អាចផលិតកម្លាំងបាន ១០១ សេះ និងកម្លាំង ១០៧ សេះ អាស្រ័យ​លើ​ទីផ្សារ។

 

ផ្ទាំងផ្សាយពាណិជ្ជកម្ម

Nio ចេញឡានអគ្គិសនី ដែលមានប្រព័ន្ធ aerodynamic ល្អបំផុតនៅលើពិភពលោក និងអាចបើកបានចម្ងាយរហូតដល់ជាង ៩០០គីឡូម៉ែត្រ

[ទីផ្សារប្រទេសចិន] ក្រុមហ៊ុនផលិតរថយន្តយក្សរបស់ប្រទេសចិន Nio បានធ្វើការបញ្ចេញនូវរថយន្តប្រភេទ Coupe SUV ដែលអោយឈ្មោះថា EC7 សម្រាប់ទីផ្សារប្រទេសចិនជាផ្លូវការ។

ចាប់ផ្តើមជាមួយការឌីស្សាញ រថយន្តអគ្គិសនីនេះត្រូវបានឌីស្សាញឡើងដោយបានច្របាច់បញ្ជូលគ្នានូវការឌីស្សាញដែលយកចេញពីរថយន្ត EL7 ដែលមានដំបូលរាងជំរាល និងមានផ្នែកខាងក្រោយវែង។ ដោយរថយន្តនេះមានប្រវែងសរុប ៤ ៩៦៨មម, ទទឹង ១ ៩៧៤មម, កម្ពស់ ១ ៧១៤មម និងប្រវែងនៃគម្លាតកង់មុខក្រោយ ២ ៩៦០មម ហើយវាមានកម្រិតនៃការកកិតត្រឹម ០,២៣ ប៉ុណ្ណោះ ដែលបានធ្វើអោយរថយន្តនេះក្លាយជារថយន្ត SUV ដែលមានប្រព័ន្ធ aerodynamic ល្អបំផុតនៅលើពិភពលោក ដែលទទួលបានពី Active rea wing ផ្នែកខាងក្រោយ នេះបើយោងតាមការលើកឡើងពី Nio។

បន្ថែមពីនេះរថយន្តបានបំពាក់ស្តង់ដាមកជាមួយដំបូកកញ្ចក់ទំហំធំប្រភេទ Panoramic Glass, កុងទ័របង្ហាញព័ត៌មានបាញ់លើកញ្ចក់ទំហំ ១៦អ៊ីញ, អេក្រង់កម្សាន្តនៅចំកណ្តាលប្រភេទ AMOLED ទំហំ១២,៨អ៊ីញ, ប្រព័ន្ធម៉ាស៊ីនត្រជាក់ ៣តំបន់, ប្រព័ន្ធបំពងសម្លេងដ៏ទំនើបចំនួន ២៣ចំណុច និងកៅអីផ្នែកខាងក្រោយភ្ជាប់ដោយមុខងារកម្តៅ។

សម្រាប់សម្ថភាពនៃរថយន្តនេះ វាបានភ្ជាប់មកជាមួយម៉ូទ័រអគ្គិសនីចំនួន២ ដែលអាចផលិតកម្លាំងបានចំនួន ៦៤៤សេះ និងកម្លាំងរមួល ៨៥០ញ៉ូតុនម៉ែត្រ។ វាអាចរត់ស្ទុះពីល្បឿន ០-១០០គ.ម/ម៉ ប្រើពេល ៣,៨វិនាទី។ បន្ថែមពីនេះរថយន្តនេះក៏ទទួលបាននូវជម្រើសកញ្ចប់អាគុយទំហំ ៧៥គីឡូវ៉ាត់ម៉ោង, ១០០គីឡូវ៉ាត់ម៉ោង និង ១៥០គីឡូវ៉ាត់ម៉ោង ដែលអាចជួយអោយរថយន្តនេះអាចបើកបរបានចម្ងាយសរុបចាប់ពី ៤៩០គីឡូម៉ែត្រ ដល់ ៩៤០គីឡូម៉ែត្រ នេះបើយោងតាមការតេស្តសាកល្បងពី CLTC Cycle។

គួរបញ្ជាក់ផងដែរថា Nio បានធ្វើការបើកទទួលការកក់ទុកមុននៃរថយន្ត EC7 នេះហើយ ដោយការដឹកជញ្ជូននឹងចាប់ផ្តើមនាខែមេសា ឆ្នាំ២០២៣ ជាមួយតម្លៃចាប់ពី ៧ម៉ឺនដុល្លារ និង ៧៨ ៤៤៧ដុល្លារ សម្រាប់ប្រភេទបំពាក់នូវកញ្ចប់អាគុយទំហំ ១០០គីឡូវ៉ាត់ម៉ោង៕

ផ្ទាំងផ្សាយពាណិជ្ជកម្ម
1...412413414...1,084ទំព័រ 413 នៃ 1,084

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com