ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 488

បែកធ្លាយរូបភាពផ្នែកខាងក្រោយរបស់រថយន្ត MG7 ស៊េរីថ្មី នៅក្នុងប្រទេសចិន

[បរទេស] កាលពីថ្មីៗនេះ រូបភាពថ្មីនៃរថយន្ត All-NEW MG7 ដែលផលិតដោយក្រុមហ៊ុន SAIC MG នៅក្នុងប្រទេសចិន ត្រូវបានបែកធ្លាយនៅលើប្រព័ន្ធផ្សព្វផ្សាយសង្គមក្នុងស្រុក។ ខណៈពេលបច្ចុប្បន្ននេះ មិនទាន់បានបង្ហើបពីព័ត៌មានលម្អិតនៃរថយន្តថ្មីនេះទេ ប៉ុន្តែ​ត្រូវ​បាន​គេ​ចាត់​ទុក​ជា​ប្រភេទ Sedan ខ្នាតកណ្តាល ដែល​មាន​តម្លៃ​ថ្លៃ​ជាង MG6។

រូបភាពបង្ហាញពីការរចនាផ្នែកខាងក្រោយរបស់ MG7 ថ្មី រចនាបថបែបស្ព័រ ដោយមានបំពាក់ជាមួយបំពង់ស៊ីមាំងចំនួនពីរសងខាង, កាង Spoiler ខាងក្រោយ និងចង្កៀងក្រោយប្រភេទ LED អូសកាត់ពីផ្នែកម្ខាងទៅផ្នែកម្ខាង។

ចំពោះផ្នែកម៉ាស៊ីនវិញ មិនមានព័ត៌មានផ្លូវការនោះទេ ប៉ុន្តែគេរំពឹងថា យោងតាម ​​MG 6 XPOWER វាត្រូវបានបំពាក់ដោយម៉ាស៊ីន Plug-in Hybrid ចំណុះ ១,៥ លីត្រ ដែលអាចកម្លាំងបាន ៣០៥ សេះ កម្លាំងរមួល ៤៨០ ញ៉ូតុនម៉ែត្រ បង្កើនល្បឿនពី ០-១០០ គីឡូម៉ែត្រក្នុងមួយម៉ោង ត្រឹមរយៈពេល ៦ វិនាទី ភ្ជាប់ជាមួយប្រអប់លេខអូតូដោយ ១០ វគ្គ ៕

ផ្ទាំងផ្សាយពាណិជ្ជកម្ម

ប្លែក! យក Toyota Land Cruiser LC300 ស៊េរីថ្មី មកកែច្នៃធ្វើជាឡានភីកអ៊ាប់ ២បាំងវិញ

[ទីផ្សារបរទេស] ក្រុមហ៊ុនអូស្ត្រាលីមួយដែលមានឈ្មោះថា Creative Conversions អាចកែច្នៃប្រែក្លាយរថយន្ត Toyota Land Cruiser Series 300 ទៅជារថយន្តភីកអាប់ ២បាំង។ ដំណើរការនៃការធ្វើនេះ គឺមិនសាមញ្ញដូចការកាត់បន្ទះតួមួយចំនួននោះទេ ចាប់តាំងពីការបំប្លែងពីរថយន្ត SUV ដឹកអ្នកដំណើរទៅជារថយន្តប្រភេទដឹកភីកអ៊ាប់ ២បាំង ដោយទាមទារការបន្ថែមនៃកម្លាតកង់មុខក្រោយ ដើម្បីបង្កើតកន្លែងសម្រាប់ដាក់ទ្រុងឃ្លុបខាងក្រោយអោយមានទំហំត្រឹមត្រូវ។ ក្រុមហ៊ុនកំពុងផ្តល់ជម្រើសបីផ្សេងគ្នាដល់ម្ចាស់ Land Cruiser ដែលត្រូវបានរចនាឡើងដើម្បីបំពេញតម្រូវការរបស់អ្នកដែលនឹងប្រើប្រាស់រថយន្តសម្រាប់អូសសណ្តោង ការធ្វើដំណើរ ឬធ្វើការងារ។

អ្វីគ្រប់យ៉ាងចាប់ផ្តើមដោយការកាត់ពីផ្នែកខាងក្រោយនៃរថយន្ត Land Cruiser ដោយបន្សល់តួសាក់សុីរបស់វា។ ការកាត់នេះដើម្បីអោយគម្លាតកង់មុខក្រោយពង្រីកទំហំពី ៧០០ មីលីម៉ែត្រ ទៅ ៨០០ មីលីម៉ែត្រ។ រថយន្តនឹងមានប្រវែងទ្រុងក្រោយវែង ដោយសារតែមានការភ្ជាប់ទ្រុងខាងក្រោយ ដែលរួមផ្សំជាមួយនឹងការពង្រីកប្រវែងផ្នែកកង់ខាងក្រោយប្រវែង ១ ៨០០ មីលីម៉ែត្រ ដល់ ២ ១០០ មីលីម៉ែត្រ។ ការធ្វើនេះ បានធ្វើអោយរថយន្តនេះមានទម្ងន់រថយន្តសរុបពី ៣,៥តោន ទៅជាង ៣,៨តោន ឬជិត ៥តោន និងអាចសមត្ថភាពកាន់តែល្អប្រសើរសម្រាប់ការអូសសណ្តោងពី ៣,៥តោន ទៅជា ៤,២តោន។

ជាចុងក្រោយ របាំងបន្ទះខណ្ឌចែកផ្នែកខាងក្រោយត្រូវបានបន្ថែមនៅខាងក្រោយជាមួយនឹងកញ្ចក់ខាងក្រោយ ដែលជារចនារបស់រថយន្តភីកអ៊ាប់។ Land Cruiser រក្សាផ្នែកខាងក្នុងរបស់វា ដោយលើកលែងតែកន្លែងនៅខាងក្រោយកៅអីជួរទីពីរដែលត្រូវកាត់ចេញ។

រថយន្ត Land Cruiser មានជម្រើសម៉ាស៊ីនប្រភេទរូមមាន៖ ម៉ាស៊ីនសាំងចំណុះ​ ៣,៥ លីត្រ twin-turbo V6 ដែលផលិតកម្លាំងបាន ៤១៥ សេះ និងកម្លាំងរមួល ៦៥០ ញ៉ូតុនម៉ែត្រ។ ខណៈ ម៉ាស៊ីនម៉ាស៊ូតចំណុះ ៣,៣ លីត្រ V6 ដែលមានកម្លាំងអតិបរមា ៣០៩ សេះ និងកម្លាំងរមួល ៧០០ ញ៉ូតុនម៉ែត្រ ។

ជាមួយគ្នានេះ ក្រុមហ៊ុន Creative Conversions បាននិយាយថា ខ្លួនបានបញ្ចប់ការច្នៃនៅរថយន្ត Land Cruisers ចំនួន ២ គ្រឿងក្នុងចំនោមរថយន្ត Land Cruisers ៥គ្រឿងផ្សេងទៀត ដែលនឹងបន្តកែច្នៃបែបនេះ។ នៅប្រទេសអូស្ត្រាលី Toyota Land Cruiser មានតម្លៃប្រហែល ៦០ ៥០០ ដុល្លារ ជាមួយនឹងកញ្ចប់ conversation package អតិថិជនត្រូវចំណាយច្រើនជាង ៣៩ ០០០ ដុល្លារថែមទៀត៕

ផ្ទាំងផ្សាយពាណិជ្ជកម្ម

Toyota Crown Crossover ថ្មី ដាក់លក់នៅជប៉ុន តម្លៃត្រឹមតែ ៣ម៉ឺនដុល្លារស្តើង

បន្ទាប់ពីបានបង្ហាញខ្លួននៅក្នុងសហរដ្ឋអាមេរិករួចមក ក្រុមហ៊ុន Toyota ក៏បានបង្ហាញលក្ខណៈសម្បត្តិនៃរថយន្ត Crown ឆ្នាំ២០២៣ នៅក្នុងប្រទេសជប៉ុន។

ចំពោះទីផ្សារប្រទេសជប៉ុន រថយន្ត Toyota Crown Crossover ផ្តល់ជម្រើសម៉ាស៊ីនចំនួន២ និង ៧ម៉ូដែលខុសៗគ្នា ហើយមានតម្លៃចាប់ពី ៣១ ៣០០ដុល្លារ ដល់ ៤៦ ១០០ដុល្លារ។

ចំពោះប្រភេទប្រើម៉ាស៊ីន Hybrid រថយន្ត Toyota Crown Crossover ឆ្នាំ២០២៣ ផ្តល់ជម្រើសដូចជា Crossover X, Crossover G និង Crossover RS។ វាមានជម្រើសពណ៌ចំនួន ១២ ហើយមានបំពាក់យ៉ាន់កង់ដល់ ២១អ៊ីញ, អេក្រង់កម្សាន្ត Touchscreen ១២,៣អ៊ីញ និង កុងទ័រឌីជីថល ១២,៣អ៊ីញ ព្រមទាំងប្រព័ន្ធ Toyota Safety Sense ទៀតផង។

Crown Crossover X និង Crossover Crossover G បំពាក់ម៉ាស៊ីនចំណុះ ២,៥លីត្រ កម្លាំង ១៨៤សេះ ជាមួយម៉ូទ័រអគ្គិសនី២ កម្លាំង ១៦១សេះ និងប្រព័ន្ធប៉ុង២ E-Four System ដំណើរការដោយប្រអប់លេខអូតូ CVT។

Crown Crossover RS ប្រើម៉ាស៊ីន turbocharged ចំណុះ ២,៤លីត្រ កម្លាំង ២៦៨សេះ ជាមួយម៉ូទ័រអគ្គិសនី២ កម្លាំង ៨២សេះ និងប្រព័ន្ធប៉ុង២ E-Four Advanced System ដំណើរការដោយប្រអប់លេខអូតូ ៦វគ្គ។

សូមបញ្ជាក់ថា រថយន្ត Toyota Crown Crossover នឹងត្រូវដឹកជញ្ជូនឲ្យអតិថិជនក្នុងប្រទេសជប៉ុន នៅចុងឆ្នាំ២០២២ នេះតែម្តង៕

ផ្ទាំងផ្សាយពាណិជ្ជកម្ម

Chevrolet Corvette Z06 Coupe ឆ្នាំ២០២៣ ចេញតម្លៃលក់ផ្លូវការ ចាប់ពីខ្ទង់ ១០ម៉ឺនដុល្លារ

ក្រុមហ៊ុន Chevrolet បានបង្ហើបថា ខ្លួននឹងបើកឲ្យបញ្ជាទិញរថយន្ត Corvette Z06 ស៊េរីឆ្នាំ២០២៣ នៅថ្ងៃទី២៨ ខែកក្កដា ឆ្នាំ២០២២ ខាងមុខនេះ ជាមួយនឹងតម្លៃចាប់ពី ១០៦ ៣៩៥ដុល្លារ នៅលើទីផ្សារសហរដ្ឋអាមេរិក។

រថយន្ត Chevrolet Corvette Z06 Coupe ឆ្នាំ២០២៣ នឹងប្រើម៉ាស៊ីនចំណុះ ៥,៥លីត្រ V8 មានកម្លាំងសរុប ៦៧០សេះ និងកម្លាំងរមួល ៦២៤ញ៉ូតុនម៉ែត្រ ដែលធ្វើឲ្យវាក្លាយជាម៉ាស៊ីន naturally aspirated ខ្លាំងបំផុត លើរថយន្តប្រភេទ production vehicle។

គួរឲ្យដឹងថា រថយន្តស្ព័ររបស់អាមេរិកខាងលើ នឹងផ្តល់ជម្រើសចំនួន ៣ ម៉ូដែល គឺ 1LZ, 2LZ និង 3LZ ហើយមានតួខ្លួនចំនួន ២​ជម្រើស គឺ Coupe និង Convertible (បើកដំបូល) ដែលមានតម្លៃថ្លៃជាង ៧ ០០០ដុល្លារ។

ជារួមមក រថយន្ត Corvette ប្រភេទតួខ្លួន Coupe មានតម្លៃចាប់ពី ១០៦ ៣៩៥ដុល្លារ, ១១៥ ៥៩៥ដុល្លារ និង ១២០ ២៤៥ដុល្លារ ទៅតាមម៉ូដែលនិមួយៗ ខណៈប្រភេទតួខ្លួន Convertible មានតម្លៃចាប់ពី ១១៣ ៨៩៥ដុល្លារ, ១២២ ៥៩៥ដុល្លារ និង ១២៧ ២៤៥ដុល្លារ។

បើប្រៀបធៀបជាមួយគូប្រជែងរបស់វា គឺ Audi R8 ឆ្នាំ២០២២ ដែលមានតម្លៃ ៥៦២សេះ ត្រូវបានដាក់លក់ក្នុងតម្លៃចាប់ពី​ ១៤៨ ៧០០ដុល្លារ នៅសហរដ្ឋអាមេរិក ខណៈ Porsche 911 GT3 មានតម្លៃចាប់ពី ១៦៩ ៧០០ដុល្លារ និង Lamborghini Huracán មានតម្លៃចាប់ពី ២៥០ ០០០ដុល្លារ។

រថយន្ត Corvette Z06 ឆ្នាំ២០២៣ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៨វិនាទីប៉ុណ្ណោះ ហើយមានល្បឿនអតិបរមា ៣០២គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

អាចទេ Toyota Hilux ប្រភេទអគ្គិសនី នឹងបង្ហាញខ្លួននៅឆ្នាំ ២០២៤ ?

[បរទេស] អំឡុងឆ្នាំ ២០២១ លោក Rod Ferguson មានតួរនាទីជាប្រធានផែនការផលិតផលជាន់ខ្ពស់របស់ Toyota ប្រចាំនៅប្រទេសអូស្តា្រលី បានធ្វើការសម្ភាសន៍ជាមួយ Car Advice ថាក្រុមហ៊ុននឹងមិនកាត់ផ្តាច់នៃការផលិតរថយន្ត Toyota Hilux ដើរដោយថាមពលអគ្គិសនីនោះទេ ផ្ទុយទៅវិញគឺក្រុមហ៊ុនត្រូវការអាគុយទំនើប រួមទាំងម៉ូទ័រអគ្គិសនីសម្រាប់ការផលិតរថយន្តភីកអាប់អគ្គិសនីរបស់ខ្លួន។

យោងតាមរបាយការណ៍ពី Motor Trend របស់អាមេរិកកាលពីឆ្នាំមុនបានបង្ហាញថា HiLux និង Tacoma ជំនាន់ក្រោយនឹងប្រើប្រាស់គ្រោងឆ្អឹង TNGA-F ladder frame platform ថ្មី របស់ក្រុមហ៊ុន Toyota។

ដោយសារតែ រថយន្តភីកអាប់អគ្គិសនី មានតម្រូវការច្រើននៅក្នុងទីផ្សារសហរដ្ឋអាមេរិក និងតំបន់ផ្សេងៗជុំវិញពិភពលោក ប្រសិនបើពួកគេចង់ប្រកួតប្រជែងជាមួយក្រុមហ៊ុន Ford និង Chevrolet ក្នុងនោះបង្ហាញថា ក្រុមហ៊ុន Toyota ត្រូវតែធ្វើការធ្ងន់សម្រាប់ការប្រគួតប្រជែងមួយនេះ។

បើយោងទៅលើព័ត៌មានពីគេហទំព័រ Prachachat Business ដែលបញ្ជាក់ថា Toyota មានគំនិតក្នុងការអភិវឌ្ឍន៍រថយន្តភីកអាប់អគ្គិសនី (Pickup EV) ដែល​គេ​រំពឹង​ថា​នឹង​ផលិត​និង​លក់​នៅ​ប្រទេស​ថៃ​ក្នុង​ឆ្នាំ​នេះ។ វាអាចនឹងត្រូវបានបង្ហាញអោយឃើញនៅចុងឆ្នាំ ២០២២ ព្រោះវាកំពុងស្ថិតក្រោមការអភិវឌ្ឍន៍។

គួរបញ្ជាក់ផងដែរថា​ Toyota មិនមែនជាក្រុមហ៊ុនថ្មីដែលលក់រថយន្តអគ្គិសនីដំបូងទេ ពួកគេបានលក់អស់រយៈពេលជាង ១០ ឆ្នាំមកហើយ ដែលដឹកនាំដោយ Prius ក្នុងឆ្នាំ ១៩៩៧៕

ផ្ទាំងផ្សាយពាណិជ្ជកម្ម

អ្នកកក់ឡាន Honda HR-V នៅម៉ាឡេស៊ីត្រូវចាំ ១ឆ្នាំ ដើម្បីទទួលបានឡាន បន្ទាប់ពីទទួលបានការកក់ទុកមុន ២ម៉ឺនគ្រឿង

[ប្រទេសម៉ាឡេស៊ី] កាលពីថ្ងៃទី១៥ កក្កដា កន្លងទៅនេះ ក្រុមហ៊ុន Honda ប្រចាំប្រទេសម៉ាឡេស៊ី បានធ្វើការ សម្ភោធ និងប្រកាសបើកទទួលការកក់ទុកមុននៃរថយន្ត Honda HR-V សេរ៊ីថ្មី ដោយទទួលបាននូវការកក់ទុកមុនរហូតដល់ច្រើនជាង ២០ ០០០គ្រឿង។

ជាមួយការទទួលបាននូវការកក់ដ៏ច្រើននេះ អតិថិជនត្រូវរង់ចាំរហូតដល់ទៅ ១ឆ្នាំ ដើម្បីទទួលបាននូវរថយន្ត ក៏ដោយសារក្រុមហ៊ុនអាចផលិតបានចំនួន ១ ៦០០គ្រឿងប៉ុណ្ណោះក្នុង ១ខែ។

សម្រាប់ទីផ្សារប្រទេសម៉ាឡេស៊ី រថយន្ត HR-V ទទួលបាននូវជម្រើសម៉ូឌែលចំនួន ៤ប្រភេទគឺ៖

  • ម៉ូឌែល S មានតម្លៃ ២៥ ៨៩០ដុល្លារ
  • ម៉ូឌែល E មានតម្លៃ ២៩ ២៨០ដុល្លារ
  • ម៉ូឌែល V មានតម្លៃ ៣០ ៣៧៤ដុល្លារ
  • ម៉ូឌែលខ្ពស់បំផុត RS មានតម្លៃ ៣១ ៧៦៨ដុល្លារ

សម្រាប់ម៉ូឌែល S ដំណើរការដោយម៉ាស៊ីន i-VTEC ចំណុះ ១,៥លីត្រ ទំហំ ៤ស៊ីឡាំង អាចផលិតកម្លាំងបាន ១២១សេះ និងកម្លាំងរមួល ១៤៥ញ៉ូតុនម៉ែត្រ ភ្ជាប់ដោយប្រអប់លេខ CVT និងមានល្បឿនអតិបរមា ១៨៧គ.ម/ម៉។

ចំណែកម៉ូឌែល E និង V ដំណើរការដោយម៉ាស៊ីនចំណុះ VTEC Turbo ចំណុះ ១,៥លីត្រ ទំហំ ៤ស៊ីឡាំង អាចផលិតកម្លាំងបាន ១៨១សេះ និងកម្លាំងរមួល ២៤០ញ៉ូតុនម៉ែត្រ ភ្ជាប់ដោយប្រអប់លេខ CVT និងមានល្បឿនអតិបរមា ២០០គ.ម/ម៉។

ព្រមទាំងម៉ូឌែលខ្ពស់បំផុត RS ដំណើរការដោយម៉ាស៊ីនកូនកាត់ហាយប្រ៊ីដ e:HEV ចំណុះ ១,៥លីត្រ ៤ស៊ីឡាំង កម្លាំង ១០៥សេះ ផ្គួបជាមួយម៉ូទ័រអគ្គិសនីចំនួន ២ កម្លាំង ១៣១សេះ ភ្ជាប់ដោយប្រអប់លេខ e-CVT និងមានល្បឿនអតិបរមា ១៧០គ.ម/ម៉៕

ផ្ទាំងផ្សាយពាណិជ្ជកម្ម

Ford បន្ថែមម៉ូដែល Ford Everest Titanium+ 4×2 ២០២២ ថ្មី នៅក្នុងទីផ្សារប្រទេសថៃ

[ទីផ្សារបរទេស] ក្រុមហ៊ុនផលិតរថយន្ត Ford បានធ្វើការដាក់បន្ថែមនៅម៉ូដែល Ford Everest Titanium + 4×2 ស៊េរីឆ្នាំ ២០២២ ថ្មី ត្រូវបានដាក់នៅចន្លោះម៉ូដែល Sport និង Titanium 4×4 ជាមួយនឹងតម្លៃលក់ចាប់ពី ៤៦ ៥៤២ ដុល្លារ​ នៅក្នុងទីផ្សារប្រទេសថៃ។

ក្រឡេកទៅមើលការចនាខាងក្រៅនៃម៉ូដែល Ford Everest Titanium+ 4×2 មានចង្កៀងមុខប្រភេទ LED Reflector បើក-បិទដោយស្វ័យប្រវត្តិ អបជាមួយអំពូលបំភ្លឺពេលថ្ងៃ C-Clamp LED អំពូលកាត់អ័ព្ទ LED, ចង្កៀងក្រោយប្រភេទ LED, កញ្ចក់ចំហៀងក្តោបអូតូ, ផ្លិតទឹកអូតូ, ដំបូលកញ្ចក់ Panoramic Moonroof, ប្រព័ន្ធបើក-បិទទ្វាក្រោយដោយអូតូ (Hand-Free Power Liftgate), របាលើដំបូល roof rail តុបតែងដោយក្រូម៉េ, ឈ្នាន់ជើងចំហៀងពណ៌ខ្មៅ និងថាសកង់ស្ព័រទំហំ ២០ អ៊ីញ។

ចំពោះនៅផ្នែកខាងក្នុងកាប៊ីនត្រូវបានបំពាក់ដោយកុងទ័រព័ត៌មានទំហំ ១២,៤ អ៊ីញ និងអេក្រង់កំសាន្ត multi-touch ទំហំ ១២ អ៊ីញ ភ្ជាប់ប្រព័ន្ធប្រតិបត្តិ្កការ SYNC 4A Thai ជាមួយនឹងការតភ្ជាប់ប៊្លូធូស គាំទ្រមុខងារ Apple CarPlay និង Android Auto ប្រព័ន្ធ FordPass Connect ឧបករណ៍ភ្ជាប់ USB ចំនួន ៤, កៅអីខាងមុខអាចលៃតម្រូវបាន ៨ ទិសដៅ និងជួរទី៣ អាចបត់បាន កាំមេរ៉ាមើលជុំវិញ ៣៦០ ដឺក្រេ ឧបករណ៍បំពងសំឡេង ៨ ចំនុច, ម៉ាស៊ីនត្រជាក់អូតូ ប្រព័ន្ធម៉ាស៊ីនត្រជាក់សម្រាប់អ្នកដំណើរខាងក្រោយមានប៊ូតុងបញ្ជា, រន្ធសាកភ្លើង ២៣០ វ៉ុល, កន្លែងសាកថ្មឥតខ្សែ និងភ្លើងលម្អខាងក្នុងផងដែរ។

រថយន្ត Ford Everest Titanium+ 4×2 បំពាក់ដោយម៉ាស៊ីនម៉ាស៊ូតចំណុះ ២,០ លីត្រ Bi-Turbo អាចផលិតកម្លាំងបាន ២១០ សេះ និងកម្លាំងរមួល ៥០០ ញ៉ូតុនម៉ែត្រ បញ្ចូនថាមពល​ទៅ​កង់​ក្រោយ​តាម​រយៈ​ប្រអប់លេខអូតូ ១០ វគ្គ​ដែល​មាន​របៀប​បើកបរចំនួន ៤ គឺ Normal​, Eco, Tow/Haul និង Sippery៕

ផ្ទាំងផ្សាយពាណិជ្ជកម្ម

ពេលដឹងពីចំណុចពិសេសទាំង៤ ដែលមាននៅលើរថយន្តនេះ ច្បាស់ជាលោកអ្នកដកចិត្តមិនរួច (មានវីដេអូ)

នៅពេលគិតដល់ការជ្រើសរើសទិញរថយន្តថ្មីមកប្រើប្រាស់ ភាពជាប់ធន់ សមត្ថភាពនៃការបើកបរ បច្ចេកវិទ្យាទំនើបៗ តម្លៃសមរម្យ គឺជាអ្វីដែលត្រូវគិតដល់មុនគេ។ ថ្ងៃនេះដែរ ក្រុមការងារ ខេមបូ អូតូ សូមធ្វើការណែនាំនូវរថយន្តមួយម៉ូឌែលរបស់ក្រុមហ៊ុនផលិតរថយន្តជប៉ុនដែលភ្ជាប់មកជាមួយសម្ថភាពនៃការបើកបរ ភាពជាប់ធន និងបច្ចេកវិទ្យាទំនើបៗ នោះគឺរថយន្ត Subaru Forester ស៊េរីឆ្នាំ២០២២។ ហើយនៅពេលដែលនិយាយដល់ Subaru យើងគ្រប់គ្នានឹងគិតដល់រឿង ៤យ៉ាងសំខាន់ៗ និងជាពិសេសគឺមានបំពាក់នូវលើម៉ូដែលនេះតែម្តងដែលនោះគឺ៖

  • បច្ចេកវិទ្យាសុវត្ថិភាពខ្ពស់ EYESIGHT ដំណើរការដោយកាំម៉េរានៅខាងមុខចំនួន ២ អាចចាប់ និងវិភាគស្ថានភាពឧបសគ្គនៃការបើកបរបានយ៉ាងច្បាស់ល្អ ផ្តល់នូវសុវត្ថិភាពខ្ពស់ និងជំនួយដល់ការបើកបរ ផ្តោតលើមុខងារសំខាន់ដូចជា៖
    • Pre-Collision Braking ប្រព័ន្ធបញ្ជារការចាប់ហ្រ្វាំង ដោយស្វ័យប្រវត្តិ មុខងារនេះនឹងផ្តល់សញ្ញាព្រមានណែនាំអំពីហានិភ័យ, ហ្វ្រាំងជាន់ដើម្បីបន្ថយល្បឿន និងជួយកាន់បន្ថយគ្រោះថ្នាក់
    • Adaptive Cruise Control ប្រព័ន្ធបញ្ជារកំណត់ល្បឿនបើកបរ ដោយស្វ័យប្រវត្តិ​តាមរថយន្តដែលនៅពីមុខ ដែលអនុញ្ញាតអោយយើងអាចធ្វើការកំណត់ល្បឿនបើកបរដោយស្វ័យប្រវត្តិ និងការផ្លាស់ប្តូរល្បឿនទៅតាមស្ថានភាពផ្លូវ
    • Pre-Collision Throttle Management ប្រព័ន្ធជូនដំណឹងជាមុនអំពី ឧបសគ្គដែលអាចមានប៉ះទង្គិចនៅខាងមុខ
    • Lead Vehicle Start Alert ប្រព័ន្ធជូនដំណឹងអោយអ្នកបើកបរចេញដំណើរនៅពេលចរាចរណ៍បន្ត
    • Land Departure Warning ប្រព័ន្ធផ្តល់សញ្ញាដោយស្វ័យប្រវត្តិដល់អ្នកបើកបរ អំពីហានិភ័យនៃរថយន្ត ដែលវ៉ាពីខាងក្រោយ
    • Lane Sway Warning ប្រព័ន្ធផ្តល់សញ្ញាដោយស្វ័យប្រវត្តិដល់អ្នកបើកបរលើគំនូសផ្លូវចរាចរណ៍

  • Symmetrical All-Wheel Drive បច្ចេកវិទ្យាបើកបរប៉ុង២ ដែលដំណើរការលើចលនាបង្វិលលើកង់ទាំង៤ ដើម្បីធានាថារថយន្តអាចជំនះលើគ្រប់ស្ថានភាពផ្លូវ មិនថារាបស្មើរ ផ្លូវរអិល ពិបាក គឺគ្មានបញ្ហា។

  • SUBARU GLOBAL PLATFORM គ្រោងឆ្អឹងរឹងមាំ និងសុវត្ថិភាព បើប្រៀបធៀបទៅម៉ូដែលមុន គឺរឹងមាំជាងមុនពី ៤០ ទៅ ១០០%

  • និងចំណុចទី៤គឺម៉ាស៊ីនប្រភេទ Boxer ដែលផ្តល់នូវលំនឹងរថយន្តគ្មានគូរប្រៀប ជាបច្ចេកវិទ្យាចុងក្រោយរបស់ក្រុមហ៊ុនជប៉ុនមួយនេះ ស្តង់ដារពិភពលោក

បន្ថែមពីនេះរថយន្តនេះក៏បានភ្ជាប់មកជាមួយនូវមុខងារជាច្រើនបន្ថែមដូចជា៖

  • កាំម៉េរាជំនួយពេលចូលចំណត ឬថយក្រោយ
  • ពោងសុវត្ថិភាពនៅផ្នែកខាងមុខ ជង្គង់ និងចំហៀងសងខាង
  • ប្រព័ន្ធហ្វ្រាំងសុវត្ថិភាព ABS, EBD, BA
  • ប្រព័ន្ធគ្រប់គ្រងទំនាញសកម្ម Active Torque Vectoring
  • ប្រព័ន្ធគ្រប់គ្រងលំនឹង Vehicle Dynamics Control System
  • Break Override ប្រព័ន្ធបញ្ជាសគ្រោះថ្នាក់ដោយការច្រលំ ឬបាត់បង់ស្មារតីជាន់ហ្គែរ និងហ្វ្រាំងក្នុងពេលដំណាលគ្នា ប្រព័ន្ធនឹងផ្តាច់ដំណើរការនៃម៉ាស៊ីន អោយពន្លត់ និងជាន់ហ្វ្រាំងដោយស្វ័យប្រវត្តិ

  • ប្រព័ន្ធផ្តល់សញ្ញាអាសន្នបន្ទាន់ អោយអ្នកខាងមុខ និងខាងក្រោយបានដឹង Emergency Stop Signal
  • ប្រព័ន្ធការពារពីការប៉ះទង្គិតពីខាងក្រោយ SUBARU REAR VEHICLE DETECTION
  • ប្រព័ន្ធហ្វ្រាំងដៃអេឡិចត្រូនិច Electronic Parking Break
  • ប្រព័ន្ធជំនួយដល់ការឈប់ស្តុប អនុញ្ញាអោយយើងអាចធ្វើការសម្រាកជើង ដោយអាចដកជើងចេញពីហ្វ្រាំង Auto Vehicie Hold

បើក្រឡេកទៅមើលលើការរចនាវិញ មានភាពសមញ្ញ ថ្លៃថ្នូ មិនសាំញ៉ាំ ស្វាហាប់ ហាប់ណែន ចំណែកផ្នែកខាងក្នុងវិញ នៅពេលដែលយើងបានចូលមកអង្គុយខាងក្នុង និងបានស្ទាបប៉ះ បានដឹងថាគ្រឿងបរិក្ខាដែលបានបំពាក់ពិតជាប្រណិត ហើយការ រៀបចំបានស្អាត និងប្រកបដោយផាសុខភាពផងដែរ។ ដៃចង្កូតស្រោបដោយស្បែក ធូរ ងាយស្រួលចាប់កាន់ ភ្ជាប់ជាមួយប៊ូតុងបញ្ជារមុខងារជាច្រើនទៀត និងអាចសារ៉េទីតាំងចង្កូតលើ ក្រោមតាមតម្រូវការ។ កៅអីអង្គុយប្រភេទស្បែក ទន់ ផ្តល់នូវអារម្មណ៌ផាសុកភាព ភ្ជាប់ដោយការបញ្ជារទិសដៅដោយថាមពលអេឡិចត្រូនិចបាន ៨របៀប ទាំងកៅអីអ្នកបើកបរ និងអ្នករួមដំណើរខាងមុខ។

អេក្រង់ជំនួយការបើកបរ ធ្វើការរួមគ្នាជាមួយនឹងបច្ចេកវិទ្យា EYESIGHT DRIVER ASSIST TECHNOLOGY ។ បន្ថែមជាមួយអេក្រង់កំសាន្តទំហំ ៨អុីញ ច្បាស់ត្រជាក់ភ្នែក ភ្ជាប់ដោយមុខងារ Apple CarPlay និង Android Auto អនុញ្ញាតអោយយើងអាចធ្វើការមើលផែនទីកម្ពុជា តាមរយៈ Google Map និងការកំសាន្ត។ ប្រព័ន្ធម៉ាស៊ីនត្រជាក់ស្វ័យប្រវត្តិ ប្រភេទ Dual‐zone អាចសារ៉េកំរិតសីតុណ្ហភាពចែកដាច់ពីគ្នា។

រថយន្ត Subaru Forester ស៊េរីឆ្នាំ២០២២ នេះដំណើរការដោយម៉ាស៊ីនសាំងប្រភេទ Boxer ចំណុះ ២,០លីត្រ ៤សុីឡាំង ផលិតកម្លាំងបាន ១៥៦ps កម្លាំងរមួល ១៩៦ញ៉ូតុនម៉ែត្រ ភ្ជាប់ដោយប្រអប់លេខ CVT ៧ វគ្គស្វ័យប្រវត្តិ បន្ថែមជាមួយមុខងារបញ្ចូលលេខ លើដៃចង្កូត Paddle Shift ដើម្បីបន្ថែមសមត្ថភាពនៃការបើកបរកាន់តែងាយស្រួល។ បន្ថែមពីនេះវាអាចរត់ពីល្បឿន ០ – ១០០គ.ម/ម៉ ចំណាយពេល ១០,៥វិនាទី ជាមួយល្បឿនអតិបរិមា ១៩៣គ.ម/ម៉ និងកម្រិតសន្សំសំចៃគឺត្រឹមតែ ៧,៦លីត្រ/១០០គ.ម អាស្រ័យលើស្ថានភាពនៃការបើកបរ។

សម្រាប់សេរ៊ីឆ្នាំ២០២២ នេះមានតម្លៃ៦៤ ០០០ដុល្លារ ប៉ុន្តែសម្រាប់ខែនេះមានតម្លៃពិសេសត្រឹមតែ ៥២ ០០០ដុល្លារតែប៉ុណ្ណោះ ដែលអាចរកទិញបាននៅក្រុមហ៊ុននាំចូលរថយន្តផ្លូវការ Subaru Cambodia ដែលមានទីតាំងស្ថិតនៅផ្ទះលេខ ១៨៦ – ១៩១ ផ្លូវឧកញ្ញ៉ាមហាភក្តី ហ៊ុននាង សង្កាត់ចាក់អង្រែក្រោម ខណ្ឌមានជ័យ ទល់មុខសាលាអន្តរជាតិ ISPP ផ្លូវសម្តេចតេជោ ៦០ម៉ែត្រ ឬទាក់ទងតាមរយៈលេខទូរស័ព្ទ 016 254 600 / 095 778 666៕

ផ្ទាំងផ្សាយពាណិជ្ជកម្ម

Jeep Wrangler ឆ្នាំ២០២៣ អាប់ដេតថ្មី បន្ថែមពណ៌ថ្មី និងម៉ូដែលពិសេសថ្មី

ក្រុមហ៊ុន Jeep ទើបតែបានប្រកាសចេញរថយន្តម៉ូដែល Wrangler ស៊េរីឆ្នាំ២០២៣ ដោយទទួលបានការអាប់ដេតថ្មីជាច្រើន គួរឲ្យចាប់អារម្មណ៍។

ចំពោះស៊េរីថ្មីនេះ វាបានបន្ថែមជម្រើសពណ៌ថ្មីចំនួន ២ ដែលមានឈ្មោះថា Earl (ប្រផេះ) និង ​Reign (ក្រហម)។ ជម្រើសពណ៌ថ្មីនេះមានតម្លៃ ៣៩៥ដុល្លារ និង ៤៩៥ដុល្លារ។

ជាមួយគ្នានេះ រថយន្ត ​Wrangler ឆ្នាំ២០២៣ បានបន្ថែមម៉ូដែលពិសេសថ្មី ហៅថា Freedom Edition ដែលបន្ថែមកាងមុខ winch-capable steel front bumper, rock rails, យ៉ាន់ខ្មៅ, កាងរបាំងភក់ body-color fender flares, ចង្កៀងមុខ LED និង អំពូលកាត់អ័ព្ទ LED ផងដែរ។

ទោះបីជាយ៉ាងណាក៏ដោយ ចំពោះស៊េរីឆ្នាំ២០២៣ នេះវានៅតែបំពាក់ម៉ាស៊ីនដដែលគឺ៖

  • ម៉ាស៊ីនចំណុះ ៣,៦លីត្រ Pentastar V6 មានកម្លាំង ២៨៥សេះ និងកម្លាំងរមួល ៣៥៣ញ៉ូតុនម៉ែត្រ
  • ម៉ាស៊ីន mild-hybrid ចំណុះ ២,០លីត្រ turbocharged ទំហំ ៤ស៊ីឡាំង មានកម្លាំង ២៧០សេះ និងកម្លាំងរមួល ៤០០ញ៉ូតុនម៉ែត្រ
  • ម៉ាស៊ីនចំណុះ ២,០លីត្រ turbocharged ទំហំ ៤ស៊ីឡាំង plug-in hybrid និងម៉ូទ័រអគ្គិសនីចំនួន២
  • ម៉ាស៊ីនចំណុះ ៣,០លីត្រ V6 EcoDiesel មានកម្លាំង ២៦០សេះ និងកម្លាំងរមួល ៦០០ញ៉ូតុនម៉ែត្រ
  • ម៉ាស៊ីនចំណុះ ៦,៤លីត្រ Hemi V8 មានកម្លាំង ៤៧០សេះ និងកម្លាំង ៦៣៧ញ៉ូតុនម៉ែត្រ

 

ផ្ទាំងផ្សាយពាណិជ្ជកម្ម

Mini ចេញឡាន Cooper SE បើកដំបូង ផលិតតែ១គ្រឿងគត់លើពិភពលោក

ក្រុមហ៊ុន Mini ទើបតែបានប្រកាសចេញរថយន្ត Cooper SE Convertible ថ្មី ដែលផលិតតែ១គ្រឿងគត់ នៅលើពិភពលោក ហើយនឹងត្រូវដាក់តាំងបង្ហាញក្នុងព្រឹត្តិការណ៍មួយ នៅសហរដ្ឋអាមេរិក។

ពិព័រនាថាជា “world’s only premium convertible with a fully electric drivetrain in the small car segment” រថយន្ត Cooper SE Convertible នេះ ត្រូវបានផលិតដោយផ្អែកតាមម៉ូដែល Cooper S Convertible ធម្មតា ដែលមានន័យថា វាមានប្រវែង ៣៨៦៣មីល្លីម៉ែត្រ ទទឹង ១៧២៧មីល្លីម៉ែត្រ កម្ពស់ ២៤៩៥មីល្លីម៉ែត្រ និងប្រវែងពីកង់មុខទៅកង់ក្រោយ ២៤៩៥មីល្លីម៉ែត្រ។

វាគឺជារថយន្តអគ្គិសនីដែលបំពាក់ម៉ូទ័រអគ្គិសនីមួយ​ មានកម្លាំង ១៨១សេះ ហើយប្រើកញ្ចប់អាគុយអគ្គិសនីទំហំ ៣២,៦គីឡូវ៉ាត់ម៉ោង ដែលផ្តល់ចម្ងាយបើកបរសរុប ២៣០គីឡូម៉ែត្រក្នុងមួយម៉ោង។ វាអាចរត់ស្ទុះពីកុងទ័រ ០ ដល់ ១០០គីឡូម៉ែត្រក្នុងមួយម៉ោង ប្រើពេល ៧,៧វិនាទី។

គួរឲ្យដឹងដែរថា ដំបូលទន់របស់វាអាចចុចបើក និងបិទបាន ប្រើពេលត្រឹម ១៨វិនាទី នៅល្បឿន ៣០គីឡូម៉ែត្រក្នុងមួយម៉ោង។

ទោះបីជាយ៉ាងណាក៏ដោយ ក្រុមហ៊ុន ​Mini មិនបានបង្ហាញព័ត៌មានលម្អិតបន្ថែមទៀតឡើយថា តើម៉ូដែល Cooper SE Convertible នេះ នឹងផលិតបន្ថែមទៀតឬក៏អត់៕

ផ្ទាំងផ្សាយពាណិជ្ជកម្ម
1...487488489...1,085ទំព័រ 488 នៃ 1,085

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com