[បរទេស] កាលពីព្រឹកថ្ងៃព្រហស្បតិ៍កន្លងទៅនេះ មានករណីរថយន្ត Range Rover ស៊េរីថ្មីដែលកំពុងដឹកជញ្ជូនឆ្លងកាត់ទីក្រុង Paramus រដ្ឋ New Jersey បានធ្លាក់ពីលើរថយន្តក្រុមហ៊ុនដឹកជញ្ជូន និងបណ្តាលអោយទៅបុករថយន្ត Honda Accord បន្ថែមទៀត នេះបើយោងតាមការប្រាប់ពីអ្នកថតរូប Boyd A. Loving ដែលនៅកន្លែងកើតហេតុផ្ទាល់។

គ្រោះថ្នាក់នេះបានកើតឡើងនៅលើកំណាត់ផ្លូវលេខ១៧ ក្រោមស្ពាន West Midland Avenue ដោយរថយន្តក្រុមហ៊ុនដឹកជញ្ជូនបានធ្វើដំណើរទៅទិសខាងជើង ក្នុងទិសដៅទៅកាន់ទីស្នាក់ការកណ្តាលរបស់ Jaguar Land Rover សហរដ្ឋអាមេរិក។

រូបថតនៃរថយន្ត Range Rover សរុបបង្ហាញថាវាមានស្លាកលេខរបស់ក្រុមហ៊ុនផលិតនៅរដ្ឋកាលីហ្វ័រញ៉ា ដែលបង្ហាញថារថយន្តនេះពិតជាត្រូវបានបម្រុងទុកសម្រាប់ប្រើប្រាស់ដោយក្រុមហ៊ុនផលិតរថយន្ត។ ដូចដែលយើងបានឃើញពីរូបថត និងវីដេអូដែល Boyd ចែករំលែក បានបង្ហាញថាគ្រោះថ្នាក់នេះគឺធ្ងន់ធ្ងរណាស់ ដែលតម្រូវឱ្យរថយន្តពាក់ព័ន្ធទាំងពីរត្រូវបានអូសចេញពីកន្លែងកើតហេតុ។ ប៉ុន្តែការខូចខាតនៅលើរថយន្ត Accord មើលទៅមិនសូវធ្ងន់ធ្ងរខ្លាំងដូចរថយន្ត Range Roverនោះឡើយ។

ចំណែក​ឯ​ការ​ខូច​ខាត​រថយន្ត Range Rover ហាក់​ដូច​ជា​ធ្ងន់ធ្ងរខ្លាំង។ ទ្វារ​ក្រោយ​ត្រូវ​បាន​បំផ្លាញ ហើយ​ដំបូល​បាន​របើកខ្ទេច។ ភាគច្រើននៃផលប៉ះពាល់ ហាក់ដូចជាស្ថិតនៅជុំវិញផ្នែកខាងក្រោយ និងចំហៀងនៃរថយន្ត។ ហើយក៏ពុំទាន់​មាន​ការ​បញ្ជាក់​ថា រថយន្ត Range Rovers ​ផ្សេង​ទៀត​រង​ការ​ខូចខាត​ក្នុង​ហេតុការណ៍​នេះ​ទេ។

ទោះបីជាព័ត៌មានលម្អិតជាច្រើនជុំវិញឧបទ្ទវហេតុនេះមិនត្រូវបានដឹងក៏ដោយថាវាមាន​ទំហំ​នៃ​ការ​រងខូចខាត និង​អ្នក​ណា​ដែល​រង​របួសខ្លះ​។ ប៉ុន្តែក្រុមហ៊ុន Range Rover បានបញ្ជាក់ប្រាប់ Road & Track ថាខ្លួនបានដឹងអំពីគ្រោះថ្នាក់នេះ ប៉ុន្តែមិនបានបញ្ជាក់ថា តើរថយន្តបានបើកឆ្ពោះទៅកាន់ទីស្នាក់ការរបស់ខ្លួនឬអត់នោះទេ។

​គួរបញ្ជាក់ផងដែរថា បើទោះបីជាគេមិនច្បាស់ថាតើរថយន្តនេះត្រូវបានខូចខាត់កម្រិតណាក៏ដោយ ប៉ុន្តែតម្លៃសម្រាប់រថយន្ត Range Rover ឆ្នាំ ២០២៣ គឺមួយគ្រឿងមានតម្លៃចាប់ផ្តើមពី ១០៤ ០០០ដុល្លារ៕

ផ្ទាំងផ្សាយពាណិជ្ជកម្ម