Yamaha XMAX 300 បំពាក់នូវប្រព័ន្ធកាន់តែទំនើបខ្លាំងតម្លៃខ្ទង់ ៥ ពាន់ដុល្លារ

March 7, 2022

[ទីផ្សារបរទេស] ក្រុមហ៊ុនផលិតម៉ូតូ Yamaha បានបញ្ចេញនូវស៊េរីម៉ូឌែល XMAX 300 ឆ្នាំ ២០២២ ប្រភេទ Scooter បែបស្ព័រ ជាមួយការបំពាក់នូវប្រព័ន្ធសុវត្ថិភាពទំនើបថ្មី និងកម្លាំងខ្លាំង សម្រាប់ទីផ្សារនៅតៃវ៉ាន់។

ចំពោះឌីហ្សាញនៃម៉ូតូ Yamaha XMAX 300 ទទួលបានការឌីហ្សាញបែបស្ព័រដោយបំពាក់មកជាមួយចង្កៀងមុខ-ក្រោយប្រភេទ LED ជាមួយនឹងភ្លើងជួយបំភ្លឺពេលថ្ងៃ DRL , កុងទ័រឌីជីថល, រន្ធសាកប្រភេទ USB ជាមួយទូរស័ព្ទ,Smart key, កន្លែងផ្ទុកឥវ៉ាន់ក្រោមកៅអីអាចដាក់មួកសុវត្ថិភាពបាន ២ និងផ្សេងៗជាដើម។

ហើយម៉ូតូ Yamaha XMAX 300 ក៏បានបំពាក់ប្រព័ន្ធកាន់តែទំនើបខ្លាំងភ្ជាប់មកជាមួយនឹង ប្រព័ន្ធ TCS ត្រូវបានរចនាឡើងដើម្បីកាត់បន្ថយហានិភ័យនៃការរអិលកង់ក្រោយគ្រប់ស្ថានភាពផ្លូវនៅពេលបង្កើនល្បឿន និងស្តង់ដាកមកនូវប្រព័ន្ធហ្វាំ្រង ABS និងហ្វ្រាំងឌីសនៅខាងមុខ និងខាងក្រោយដែលធ្វើអោយការគ្រប់គ្រងហ្វ្រាំងកាន់តែមានអានុភាព។

ដោយទ្បែកថាមពលនៃម៉ូតូ Yamaha XMAX 300 ប្រើប្រាស់ម៉ាស៊ីនសាំងចំណុះ ២៩២សេសេ ទំហំ ១ស៊ីទ្បាំង ប្រព័ន្ធស្អំប្រេង liquid-cooling ផលិតកម្លាំង ២៨សេះ និងកម្លាំង ២៩ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ V-Belt ដែលអាចបង្កើតកម្លាំងអតិបរមា ១៤០ គីទ្បូម៉ែត្រក្នុងរយៈពេល ១ ម៉ោង ។

សម្រាប់ទីផ្សារនៅតៃវ៉ាន់ម៉ូតូ Yamaha XMAX 300 មានជម្រើស ៥ ពណ៍ ដូចជា Light Grey, Matte Black, Red, Dark Gray និង Dark Blue ជាមួយនឹងតម្លៃ ៥ ២៧០ ដុល្លារសហរដ្ឋអាមេរិក៕

ផ្ទាំងផ្សាយពាណិជ្ជកម្ម

Wuling ចេញម៉ូឌែលពិសេសថ្មីនៃឡានលក់ដាច់បំផុតប្រចាំប្រទេសចិន

March 7, 2022

[ទីផ្សារបរទេស] ក្រុមហ៊ុនផលិតរថយន្ត Wuling បានធ្វើការបញ្ចេញនៅរថយន្តម៉ូឌែលពិសេសថ្មី Wuling MINI EV GameBoy Edition ដែលជាប្រភេទរថយន្តអគ្គិសនីដែលលក់ដាច់បំផុតរបស់ប្រទេសចិន ដែលនឹងត្រូវបានលក់ជាបួនប្រភេទផ្សេងគ្នា។

ក្នុងនោះ រថយន្តអគ្គិសនីទាំងបួនរបស់ MINI EV GameBoy ត្រូវបានយកលំនាំតាមវីដេអូហ្គេមត្រូវបានគេដាក់ឈ្មោះថា

Hurricane Phantom រួមបញ្ចូលគ្នានៅថ្នាំលាបពណ៌ខ្មៅជាមួយនឹងពណ៌ក្រហម
Jungle Crossing រួមបញ្ចូលគ្នានៅពណ៌បៃតង
Party Sweetheart ជាមួយតួខ្លួនពណ៌ត្នោត
Interstellar Roaming រួមបញ្ចូលគ្នាជាមួយពណ៌ស

សម្រាប់ផ្នែកខាងក្រៅត្រូវបានរចនាយ៉ាងទាក់ទាញជាមួយនឹងពណ៌ខុសគ្នាទាំង ៤ប្រភេទ ព្រមទាំងបំពាក់ជាមួយចង្កៀង LED សងខាង, អំពូលបំភ្លឺពេលថ្ងៃប្រភេទ LED គួបផ្សំជាមួយនឹងឡូហ្គោ Wuling នៅចំកណ្តាល, ប៉ាណាមុខ និងកាងមុខ/ក្រោយត្រូវបានរចនាថ្មី។ ក្នុងនោះ ទំហំរថយន្តក៏ត្រូវបានកែសម្រួលផងដែរ ដោយមានប្រវែង សរុប ២,៩៩៧ ម.ម វែងជាងម៉ូដែលស្តង់ដារ ៨០ ម.ម និងកម្ពស់ ១,៦០៧ ម.ម។

ចូលទៅកាន់ផ្នែកម៉ាស៊ីនវិញ រថយន្តអគ្គិសនី Mini Ev GameBoy Edition បានបំពាក់មកជាមួយអាគុយ lithium-iron-phospate ទំហំ ២៦ គីឡូវ៉ាត់ ម៉ូទ័រអគ្គិសនីចំនួនមួយ អាចផលិតកម្លាំងបាន ៤១ សេះ និងបើកបរបានចម្ងាយ ៣០០ គីឡូម៉ែត្រ ក្នុងការសាកថ្មម្តង។

ទន្ទឹមនឹងនេះ ព័ត៌មានលម្អិតអំពីតម្លៃក្នុងស្រុកសម្រាប់ Wuling MINI EV GameBoy Edition មិនត្រូវបានបង្ហាញនៅពេលនេះទេ ប៉ុន្តែគេរំពឹងថានឹងចេញលក់នៅខែក្រោយនេះ៕

ផ្ទាំងផ្សាយពាណិជ្ជកម្ម

Jeep Cherokee ឆ្នាំ២០២២ ចេញតម្លៃថ្មី ថ្លៃជាងមុនជិត ៦ពាន់ដុល្លារ

March 5, 2022

ក្រុមហ៊ុន Jeep បានប្រកាសចេញរថយន្ត Cherokee ស៊េរីឆ្នាំ២០២២ ជាផ្លូវការ ដោយលើកនេះមានតែជម្រើស ៤ ម៉ូដែលប៉ុណ្ណោះ ហើយមានតម្លៃថ្លៃជាងមុន ដោយឡើងពី ២៨ ១៣៥ដុល្លារ ទៅ ៣៣ ៩៩៥ដុល្លារ នៅលើទីផ្សារសហរដ្ឋអាមេរិក។

រថយន្ត Jeep Cherokee ឆ្នាំ២០២២ ចែកចេញជា ៤ ម៉ូដែល គឺ៖

Jeep Cherokee X តម្លៃចាប់ពី ៣៣ ៩៩៥ដុល្លារ
Jeep Cherokee Latitude Lux តម្លៃចាប់ពី ៣៣ ៩៩៥ដុល្លារ
Jeep Cherokee Trailhawk តម្លៃចាប់ពី ៣៧ ០៤៥ដុល្លារ
Jeep Cherokee Limited តម្លៃចាប់ពី ៣៨ ៧៤៥ដុល្លារ

SUV ខ្នាតតូចនេះមានបំពាក់មុខងារសុវត្ថិភាពមកមួយចំនួនស្តង់ដារតែម្តង រួមទាំង Blind-Spot Monitoring, Full-Speed Forward Collision Warning with Active Braking, Rear Cross Path Detection, កាមេរ៉ាមើលក្រោយ, Park Assist និង LaneSense Lane Departure Warning with Lane Keep Assist។

សូមបញ្ជាក់ថា Jeep Cherokee ឆ្នាំ២០២២ មានបំពាក់ម៉ាស៊ីនចំណុះ ៣,២លីត្រ V6 មានកម្លាំង ២៧១សេះ និងកម្លាំងរមួល ៣២៤ញ៉ូតុនម៉ែត្រ ដំណើរការដោយប្រអប់លេខអូតូ ៩វគ្គ និង ប៉ុងពីរមកស្តង់ដារតែម្តង៕

ផ្ទាំងផ្សាយពាណិជ្ជកម្ម

Audi ឈប់ទទួលការបញ្ជាទិញឡាន Plug-in Hybrid នៅអឺរ៉ុប ដោយសារមូលហេតុមួយនេះ

March 5, 2022

ក្រុមហ៊ុន Audi ត្រូវបានបង្ខំចិត្តបញ្ឈប់ការបញ្ជាទិញរថយន្តប្រើម៉ាស៊ីន Plug-in Hybrid របស់ខ្លួននៅក្នុងទីផ្សារអឺរ៉ុប ដោយសារតែការរំខានផលិតកម្ម ទាក់ទងនឹងការឈ្លានពានរបស់រុស្ស៊ីលើអ៊ុយក្រែន។

យោងតាមសារព័ត៌មាន Automobilewoche របស់អាល្លឺម៉ង់រាយការណ៍ថា ក្រុមហ៊ុនផលិតរថយន្ត Audi នឹងទទួលការបញ្ជាទិញរថយន្ត Plug-in Hybrid រហូតដល់ថ្ងៃទី ១០ ខែមីនា ប៉ុន្តែនឹងឈប់បន្ទាប់ពីនោះដោយសារតែបញ្ហាផ្គត់ផ្គង់។

អ្នកនាំពាក្យរបស់ Audi បានប្រាប់កាសែតខាងលើថា “ដោយសារតែតម្រូវការខ្ពស់ ក៏ដូចជាការរឹតបន្តឹងមួយចំនួនដែលបណ្តាលមកពីស្ថានភាពផ្គត់ផ្គង់ បរិមាណផលិតកម្មបច្ចុប្បន្នបានអស់ហើយសម្រាប់ម៉ូដែល Audi PHEV ឆ្នាំ ២០២២”។

បន្ថែមពីលើជំហានទាំងនេះ Audi នឹងផ្អាកការផលិត ម៉ូដែល A4 និង A5 ចាប់ពីថ្ងៃទី ៧ ដល់ ១១ ខែមីនា និង ម៉ូដែល A6 និង A7 ចាប់ពីថ្ងៃទី ៧ ដល់ ១៨ ខែមីនា។

ជាមួយគ្នានេះដែរ ក្រុមហ៊ុនផលិតរថយន្តផ្សេងទៀតនៅក្នុងក្រុមហ៊ុន Volkswagen Group រួមទាំងម៉ាក Porsche និងម៉ាក Volkswagen ក៏កំពុងកាត់បន្ថយការផលិតរបស់ពួកគេនៅក្នុងប្រទេសអាល្លឺម៉ង់ ផងដែរ៕

ផ្ទាំងផ្សាយពាណិជ្ជកម្ម

ឡាន Audi Q4 ប្រភេទអគ្គិសនី អាប់ដេតថ្មីសាកភ្លើងលឿនជាងមុន ៩នាទី

March 5, 2022

[ទីផ្សារបរទេស] រថយន្ត Audi Q4 e-tron SUV និង Sportback បានទទួលការអាប់ដេតថ្មីសម្រាប់ទីផ្សារចក្រភពអង់គ្លេស ដោយបានបង្កើនកម្លាំងសាកខ្លាំងជាងមុន អាចសាកភ្លើងលឿនជាងមុន។

ការអាប់ដេតថ្មីអាចឲ្យរថយន្ត Audi Q4 e-tron សាកភ្លើងបានក្នុងកម្លាំង ១៣៥kW ដែលមានន័យថាអាគុយចំណុះ ៨២kWh របស់ Q4 40 e-tron អាចសាកឡើងពេញដល់ ៨០% ក្នុងពេលត្រឹម ២៩នាទី ដែលលឿនជាងសមត្ថភាពសាកកម្លាំង ១២៥kW រយៈពេល ៩នាទី។ ចំណែកការសាកភ្លើងរបស់ Q4 50 e-tron វិញក៏សាកលឿនជាងមុន២នាទីផងដែរ។

Audi អាចបង្កើនកម្លាំងសាកលើរថយន្ត Q4 e-tron តាមរយៈការកែសម្រួលលើ Software ដែលគ្រប់គ្រងលើកម្ដៅអាគុយ និងប្រព័ន្ធបញ្ជា។ អតិថិជននៅចក្រភពអង់គ្លេសនឹងទទួលបានកម្លាំងសាកថ្មីនេះ ពីស្ថានីយសាកភ្លើងប្រមាណ ៣២ម៉ឺនកន្លែង ដែលមានទីតាំងនៅតាមប្រទេសអឺរ៉ុបចំនួន ២៦ប្រទេស។

បន្ថែមពីនេះដែរ Audi ប្រចាំនៅចក្រភពអង់គ្លេសក៏បានបង្ហាញចេញមុខងារសាកភ្លើងមួយចំនួនទៅលើកម្មវិធីស្មាតហ្វូន myAudi ជាមួយការដំឡើងអេក្រង់កម្សាន្ត MMI ឡើងដល់ ១១,៦អ៉ីញ ជំនួសឲ្យអេក្រង់ចាស់ទំហំ ១០,១អ៉ីញ៕

ផ្ទាំងផ្សាយពាណិជ្ជកម្ម

Ford Bronco នៅតែដណ្ដើមបានម៉ូយរបស់ឡាន Jeep Wrangler

March 5, 2022

[ទីផ្សារបរទេស] រថយន្ត Ford Bronco និងរថយន្ត Jeep Wrangler ត្រូវបានគេចាត់ទុកថាជាគូប្រជែងដ៏ខ្លាំងក្លាមួយលើទីផ្សាររថយន្តនៅសហរដ្ឋអាមេរិក ហើយកាលពីខែកុម្ភៈកន្លងទៅ Ford បញ្ជាក់ថា Bronco បានដណ្ដើមអតិថិជនពី Wrangler បានកាន់តែច្រើន ទោះបីរថយន្តរបស់ខ្លួនកំពុងប្រឈមនឹងវិបត្តិខ្វះឈីបក្ដី។

បើប្រៀបធៀបទៅនឹងឆ្នាំ២០២១ រថយន្ត Bronco ទាំងពីរប្រភេទអាចបង្កើនចំនួនលក់បាន ១៣១% នៅក្នុងរយៈពេល២ខែដំបូងនៃឆ្នាំ២០២២នេះ ខណៈដែលរថយន្ត SUV ទាំងអស់របស់ Ford មានកំណើនការលក់ ៥,៣%។ តាមនោះដែរ Ford បាននិយាយថា គូប្រជែងលេខមួយដែល Bronco ដណ្ដើមភ្ញៀវមកបានគឺរថយន្ត Jeep Wrangler។

បើមើលលើខែកុម្ភៈតែមួយ Ford Bronco Sport អាចលក់ចេញបាន ១០ ២៨៥គ្រឿង ចំណែក Bronco ធម្មតាអាចលក់ចេញបាន ៥ ៧១៥គ្រឿង។

ក្រុមហ៊ុន Jeep នៅមិនទាន់ប្រកាសចំនួនលក់ប្រចាំខែកុម្ភៈនោះទេ ដូចនេះគេនៅមិនទាន់មានតួលេខសម្រាប់ប្រៀបធៀបនៅឡើយ។ យ៉ាងណាក្ដី Jeep Wrangler ទំនងជាពិបាកនឹងយកឈ្នះលើការប្រកួតប្រជែងជាមួយ Ford Bronco ដោយសាររថយន្ត Bronco គ្រោងបន្ថែមភាពទាក់ទាញច្រើនសន្ធឹកសម្រាប់ម៉ូដែលឆ្នាំ២០២៣ខាងមុខ៕

ផ្ទាំងផ្សាយពាណិជ្ជកម្ម

Chevrolet Camaro នឹងចេញម៉ូដែលចុងក្រោយក្នុងរយៈពេលបីឆ្នាំមុនការប្តូរទៅជារថយន្តអគ្គិសនី

March 5, 2022

[ទីផ្សារបរទេស] ក្រុមហ៊ុនផលិតរថយន្ត Chevrolet មានគម្រោងបញ្ចេញម៉ូដែលចុងក្រោយរបស់ Camaroនៅឆ្នាំ ២០២៤ ជាមួយនឹងកញ្ចប់ aerodynamic ថ្មី។ ហើយវានឹងក្លាយជារូបរាងចុងក្រោយដែលការផលិតមានកំណត់ មុនពេលផ្លាស់ប្តូរផលិតកម្មទៅជារថយន្តអគ្គិសនីសុទ្ធនាពេលអនាគត បើយោងតាមរបាយការណ៍របស់គេទំព័រ Foreing Media។

ក្នុងនោះ យោងតាមគេហទំព័រ Automotive បានរាយការណ៍ថា ក្រុមហ៊ុន GM គ្រោងនឹងបញ្ចប់ការផលិតរថយន្ត Camaro ទ្វារពីរនេះ ដោយសារការលក់រថយន្ត Chevrolet Camaro បានធ្លាក់ចុះជារៀងរាល់ឆ្នាំ ចាប់តាំងពីឆ្នាំ ២០១៥។

រថយន្ត Chevrolet Camaro គឺជារថយន្តរបស់អាមេរិក ចាប់តាំងពីការបង្ហាញខ្លួនលើកដំបូងក្នុងឆ្នាំ ១៩៦៦ នៅតែជារថយន្តដែលពេញនិយមរហូតមកដល់សព្វថ្ងៃនេះ។ ក្នុងនោះ រថយន្ត Chevrolet Camaro ជំនាន់ទី ៦ ត្រូវបានដាក់លក់នៅឆ្នាំ ២០១៦ មកដល់សព្វថ្ងៃនេះ។

Chevrolet Camaro EV ទំនងជានឹងចេញលក់ ប៉ុន្តែត្រូវរង់ចាំការបញ្ជាក់ថានឹងបន្តប្រើឈ្មោះ Camaro ទៀតឬអត់។ ខណៈ GM ត្រូវបានគេរាយការណ៍ថាអាចផលិតរថយន្ត Chevrolet Corvette SUV ដែលប្រើថាមពលអគ្គិសនីសុទ្ធដេលមានរូបរាងស្រដៀងគ្នា។

សម្រាប់គ្រោងឆ្អឹង EV platform និងថ្ម Ultium ជំនាន់ទី ៣ របស់ GM គួរតែផ្តល់នូវដំណើរការដែលអតិថិជនរំពឹងទុកពី Chevrolet Camaro ។ លើសពីនេះ ក្រុមហ៊ុន GM អាចដាក់កញ្ចប់អាគុយដែលមានថាមពលរហូតដល់ទៅ ២០០ គីឡូវ៉ាត់ និង ៨០០ វ៉ុល ដែលអាចបើកបរបានដល់ទៅ ៦៤៣ គីឡូម៉ែត្រក្នុងការសាកថ្មម្តង៕

ផ្ទាំងផ្សាយពាណិជ្ជកម្ម

Honda Supra-X 125 ចេញលក់ក្នុងប្រទេសឥណ្ឌូនេស៊ី

March 5, 2022

[ទីផ្សារបរទេស] ថ្មីៗនេះក្រុមហ៊ុន Honda បានធ្វើការប្រកាសចេញលក់នូវម៉ូតូ Supra-X 125 ស៊េរីឆ្នាំ ២០២២ សម្រាប់ទីផ្សារនៅក្នុងប្រទេសឥណ្ឌូនេស៊ី។

សម្រាប់ការឌីហ្សាញនៃម៉ូតូ Honda Supra-X 125 មានរូបរាងស្រដៀងគ្នាទៅនឹងម៉ូតូ Wave 125 ដោយបំពាក់នូវចង្កៀងមុខ LED, កុងទ័រសម្រាប់មើលល្បឿន, ប្រព័ន្ធចាក់សោរសុវត្ថិភាព, រន្ធសាកថ្ម និងទូរស័ព្ទជាដើម។

ចំពោះផ្នែកថាមពលនៃម៉ូតូ Honda Supra-X 125 ប្រើប្រាស់ម៉ាស៊ីនសាំងចំណុះ ១២៥សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled ផលិតកម្លាំង ១០សេះ និងកម្លាំងរមួល ៩,៣ ញ៉ូតុនម៉ែត្រ។ ខណៈដែលម៉ូតូនេះបានបំពាក់នូវប្រព័ន្ធប៊ិច PGM-FI ដើម្បីជួយសន្សំសំចៃសាំង ដោយក្នុងនោះកម្រិតនៃការប្រើប្រាស់សាំងក្នុង ១ លីត្រ អាចជិះបានចម្ងាយ ៥៧,២ គីទ្បូម៉ែត្រ។

ម៉ូតូ Honda Supra-X 125 ស៊េរីឆ្នាំ ២០២២ បានដាក់លក់ជម្រើស ២ ម៉ូឌែល CW និង SW ក្នុងតម្លៃចាប់ពី ១ ២៨៥ ដុល្លារសម្រាប់ទីផ្សារនៅក្នុងប្រទេសឥណ្ឌូនេស៊ី៕

ផ្ទាំងផ្សាយពាណិជ្ជកម្ម

ឡានអគ្គិសនីរបស់ XPeng លក់បានចំនួន ៦,២២៥ គ្រឿង ក្នុងខែកុម្ភៈ ឆ្នាំ២០២២ កើនឡើង ១៨០% ពីមួយឆ្នាំទៅមួយឆ្នាំ

March 5, 2022

[ទីផ្សារបរទេស] ក្រុមហ៊ុនផលិតរថយន្ត XPeng បានធ្វើការប្រកាសពីការលក់នៅក្នុងខែកុម្ភៈ ឆ្នាំ ២០២២ ដោយការលក់រថយន្តអគ្គិសនីរបស់ក្រុមហ៊ុនបានកើនឡើង ១៨០% ពីមួយឆ្នាំទៅមួយឆ្នាំ ដល់ចំនួនសរុប ៦,២២៥ គ្រឿង។ ខណៈ បច្ចុប្បន្ននេះ ក្រុមហ៊ុន XPeng មានរថយន្តចំនួន ៣ គ្រឿងដាក់លក់ ដែលសុទ្ធសឹងជារថយន្តអគ្គិសនី ដោយរថយន្ត P7 លក់ដាច់ជាងគេ។

ការលក់រថយន្តតាមម៉ួដែលរបស់ Xpeng ក្នុងខែកុម្ភៈ ឆ្នាំ២០២២ ដោយ Xpeng P7 លក់បានចំនួន ៣,៥៣៧ គ្រឿង កើនឡើង ១៥១% ពីមួយឆ្នាំទៅមួយឆ្នាំ, XPeng P5 លក់បានចំនួន ២,០៥៩ គ្រឿង, Xpeng G3/G3i លក់បានចំនួន ៦២៩ គ្រឿង ធ្លាក់ចុះ ២៣% ពីមួយឆ្នាំទៅមួយឆ្នាំ។ដោយសរុបលក់បានចំនួន ៦,២២៥ គ្រឿង កើនឡើង ១៨០% ពីមួយឆ្នាំទៅមួយឆ្នាំ។

ទន្ទឹមនឹងនេះ ការលក់រថយន្តសរុបក្នុងឆ្នាំ ២០២២ សម្រាប់រថយន្តអគ្គិសនី P7 លក់បាន ១០,២៤៤ គ្រឿងនិងកើនឡើង ១០០% ពីមួយឆ្នាំទៅមួយឆ្នាំ, P5 លក់បានចំនួន ៦,០៨៨ គ្រឿង, G3/G3i លក់បានចំនួន ២,៨១៥ គ្រឿងកើនឡើងពីមួយឆ្នាំទៅមួយឆ្នាំនិងចំនួនលក់សរុបបាន ១៩,១៤៧ គ្រឿង កើនឡើង ១៣២%។ សរុបមក XPeng បានការលក់រថយន្តអគ្គិសនីច្រើនជាង ១៥៧,០០០ គ្រឿង។

ក្នុងនោះ ក្រុមហ៊ុន XPeng បាននិយាយថាការធ្វើឲ្យប្រសើរឡើងនៅបច្ចេកវិទ្យានៅរោងចក្រ Zhaoqing ក្នុងអំឡុងពេលថ្ងៃឈប់សម្រាកចូលឆ្នាំចិនចាប់ពីចុងខែមករាដល់ដើមខែកុម្ភៈត្រូវបានបញ្ចប់ ដែលធ្វើឲ្យផលិតកម្មត្រឡប់ទៅដូចដើមវិញ ខណៈពេលដែលវាអាចបង្កើនអត្រាផលិតកម្មយ៉ាងខ្លាំង។

គួរឲ្យដឹងថា XPeng គឺថាក្រុមហ៊ុនកំពុងពង្រីកអាជីវកម្មរបស់ខ្លួននៅអឺរ៉ុប ក្រៅពីប្រទេសន័រវេស រថយន្តអគ្គិសនី XPeng ក្នុងពេលឆាប់ៗនេះ នឹងមាននៅក្នុងប្រទេសស៊ុយអែត និងហូឡង់ នៅក្នុងត្រីមាសទី១ ឆ្នាំ២០២២ ផងដែរ៕

ផ្ទាំងផ្សាយពាណិជ្ជកម្ម

SYM NHX200 និង NHX125 ត្រៀមបង្ហាញខ្លួនជាផ្លូវការនៅជប៉ុន!

March 5, 2022

[ទីផ្សារបរទេស] ក្រុមហ៊ុន SYM បានបញ្ចេញនូវម៉ូតូចំនួន ២ ម៉ូឌែល NHX200 និង NHX125 ដែលជាប្រភេទ Naked Sports អាចជិះលើផ្លូវធម្មតា និង Off-road ដោយត្រៀមបង្ហាញខ្លួននៅប្រទេសជប៉ុន។

ចំពោះការឌីហ្សាញនៃម៉ូតូ SYM NHX200 និង NHX125 ទាំងពីរនេះទទួលបានការរចនាបែបស្ព័រដោយបំពាក់នូវចង្កៀងមុខ-ក្រោយ LED, កុងទ័រឌីជីថល, ថាសកង់ស្ព័រមុខក្រោយទំហំ ១៧អ៊ីញ និងសំបកកង់ធំៗងាយស្រួលជិះលើផ្លូវធម្មតា និង Off-road ជាដើម។

ដោយទ្បែកចំពោះថាមពលនៃម៉ូតូ SYM NHX200 ប្រើប្រាស់ម៉ាស៊ីនសាំងចំណុះ ១៨៣សេសេ ទំហំ ១ស៊ីទ្បាំង ប្រព័ន្ធស្អំប្រេង radiator-cooled ផលិតកម្លាំង ១៨សេះ ភ្ជាប់ជាមួយនឹងប្រអប់លេខ ៦ វគ្គ ខណៈដែលម៉ូតូ NHX125 បំពាក់នូវម៉ាស៊ីនសាំងចំណុះ ១៤១,១សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled ផលិតកម្លាំង ១០សេះ និងភ្ជាប់ជាមួយនឹងប្រអប់លេខ ៥ វគ្គផងដែរ។

គួរឱ្យដឹងថាម៉ូតូ SYM NHX200 និង NHX125 ស៊េរីឆ្នាំ២០២២ ប្រភេទ Naked Sports បានដាក់លក់ក្នុងតម្លៃចាប់ពី ៣ ៤៧៨ ដល់ ៣ ១៦២ ដុល្លារសម្រាប់ទីផ្សារនៅក្នុងប្រទេសជប៉ុន៕

ផ្ទាំងផ្សាយពាណិជ្ជកម្ម