ឡានអគ្គិសនីសុទ្ធ KIA EV6 ឈ្នះពានរង្វាន់ Car Of The Year Award 2022 នៅអឺរ៉ុប

March 1, 2022

[ទីផ្សារបរទេស] កាលពីពេលថ្មីៗនេះកន្លងទៅ រថយន្តអគ្គិសនីសុទ្ធ Kia EV6 ជារថយន្តដំបូងរបស់ក្រុមហ៊ុន Kia ដែលបានឈ្នះពានរង្វាន់ Car Of The Year Award 2022 នៅអឺរ៉ុប ដោយពានរង្វាន់នេះបើកឲ្យអ្នកសារព័ត៌មានមកពី ២៣ ប្រទេសនៅអឺរ៉ុប បានជ្រើសរើសរថយន្តថ្មីល្អបំផុតក្នុងរយៈពេល ១២ ខែកន្លងមក។

រថយន្តអគ្គិសនីសុទ្ធ Kia EV6 ជារថយន្តអគ្គិសនីទី ៣ ត្រូវបានផ្តល់រង្វាន់នៅឆ្នាំនេះជាមួយនឹង ២៧៩ ពិន្ទុពីគណៈវិនិច្ឆ័យ ដោយបានយកឈ្នះក្រុមហ៊ុន Renault Mégane E-Tech Electric ដែលមាន ២៦៥ ពិន្ទុ ខណៈ Hyundai Ioniq 5 ឈរនៅលេខបីដោយមាន ២៦១ ពិន្ទុ។ ដោយតាមពីក្រោយដោយរថយន្ត Peugeot 308 មាន ១៩១ ពិន្ទុះ, Skoda Enyaq មាន ១៨៥ ពិន្ទុះ, Ford Mustang Mach-E មាន ១៥០ ពិន្ទុះ និង Cupra Born មាន ១៤៤ ពិន្ទុះ។

ក្នុងនោះ លោក Jason Jeong ប្រធានក្រុមហ៊ុន Kia Europe បាននិយាយថា “វាជាកិត្តិយសដ៏អស្ចារ្យដែលបានឈ្នះពានរង្វាន់ European Car of the Year 2022 ជាមួយនឹង EV6 ដែលជារថយន្ត Kia ដំបូងគេដែលមិនធ្លាប់មានដែលបានឈ្នះពានរង្វាន់ដ៏មានកិត្យានុភាពនេះ” ។ “EV6 គឺជាសញ្ញាដ៏គួរឲ្យរំភើបនៃអ្វីដែលនឹងមកដល់នៅក្នុងត្រកូលនៃរថយន្តអគ្គិសនីរបស់យើង”។

ទន្ទឹមនឹងនេះពានរង្វាន់ European Car of the Year ត្រូវបានបង្កើតឡើងដោយសមាជិកមកពីក្រុមហ៊ុនរថយន្តចំនួន ៩ នៅក្នុងប្រទេសចំនួន ៩ ហើយមានភាពឯករាជ្យពីក្រុមហ៊ុនផលិតរថយន្ត។ ខណៈ នៅឆ្នាំនេះ ក្រុមនេះបានប្រកាសថាខ្លួននឹងមិនរាប់សន្លឹកឆ្នោតពីសមាជិករុស្ស៊ីរបស់ខ្លួនឡើយ៕

ចំពោះពានរង្វាន់រថយន្តឆ្នើមប្រចាំឆ្នាំបានបន្តចាប់តាំងពីឆ្នាំ ១៩៦៤ នៅពេលដែលរថយន្ត Rover 2000 បានទទួលជ័យជម្នះ និងរថយន្តអគ្គិសនីដំបូងគេដែលឈ្នះពានរង្វាន់គឺ Nissan LEAF ក្នុងឆ្នាំ ២០១១៕

ផ្ទាំងផ្សាយពាណិជ្ជកម្ម

Landjet រថយន្តអគ្គិសនី ៧កៅអីដ៏ទំនើបរបស់ VW Group ត្រៀមចូលផលិតកម្មឆ្នាំ ២០២៥

March 1, 2022

[ទីផ្សារបរទេស] Landjet ដែលជាគម្រោងអភិវឌ្ឍន៍រថយន្តអគ្គិសនីមួយស្ថិតនៅក្រោមក្រុមហ៊ុន Volkswagen Group ដែលនឹងត្រូវបានបង្កើតឡើងដោយក្រុមហ៊ុន Audi, Bentley និង Porsche។

សម្រាប់រថយន្តអគ្គិសនី Porches Landjet ទទួលបានការឌីហ្សាញបែបស្ព័រជាមួយទ្វាចំនួន៤ ដែលមានដំបូលទាប។ ហើយរថយន្តអគ្គិសនីនេះត្រូវបានគេរំពឹងថានឹងបំពាក់នូវអាគុយមានសមត្ថភាពខ្ពស់, បច្ចេកវិទ្យាបើកបរដ៏ទំនើប និងជាមួយការសាកភ្លើងពេញម្តងអាចជិះបានចម្ងាយ ៦៥០ គីទ្បូម៉ែត្រ។

លោក Marc Lichte ប្រធានផ្នែករចនានៅក្រុមហ៊ុន Audi បាននិយាយថា រថយន្តអគ្គិសនីនេះ អាចធ្វើឱ្យមានភាពខុសគ្នាទាំងស្រុង ហើយវានឹងធ្វើឱ្យតផ្នែករថយន្តអគ្គិសនីក្រោមក្រុមហ៊ុន Volkswagen Group ។

Landjet គឺជារថយន្តអគ្គិសនីដែលមានកៅអីបីជួរ ដែលអាចផ្ទុកអ្នកដំណើរបានប្រាំពីរនាក់ ហើយការផលិតសម្រាប់រថយន្ត Porsche មិនច្បាស់លាស់នៅទ្បើយទេ។ ប៉ុន្តែក្រុមហ៊ុន Audi និង Bentley នឹងផលិតរថយន្តអគ្គិសនីនេះនៅឆ្នាំ ២០២៥ ដល់ឆ្នាំ ២០២៦ ខាងមុខនេះ។ សូមបញ្ជាក់ថា Landjet នឹងចូលផលិតនៅរោងចក្ររបស់ Volkswagen Group ក្នុងទីក្រុង Hannover ប្រទេសអាល្លឺម៉ង់ ៕

ផ្ទាំងផ្សាយពាណិជ្ជកម្ម

GM ផ្អាកការនាំចេញរថយន្តទាំងអស់ទៅកាន់ប្រទេសរុស្ស៊ី រហូតដល់មានការជូនដំណឹងបន្ថែម

March 1, 2022

[ទីផ្សារបរទេស] ក្រុមហ៊ុនផលិតរថយន្ត General Motors នឹងផ្អាកការនាំចេញរថយន្តទៅកាន់ប្រទេសរុស្ស៊ីបន្ទាប់ពីការឈ្លានពានទៅលើប្រទេសអ៊ុយក្រែន។ ចំពោះចំណាត់ការនេះធ្វើឡើងបន្ទាប់ពីការអនុវត្តទណ្ឌកម្មរបស់សហរដ្ឋអាមេរិកមកលើប្រទេសនេះ។

ក្រុមហ៊ុនផលិតរថយន្តបានចូលរួមជាមួយក្រុមហ៊ុន Volvo និងក្រុមហ៊ុនផ្សេងទៀតក្នុងការផ្អាកការនាំចេញទៅកាន់ប្រទេសរុស្សី។ ក្នុងនោះ ក្រុមហ៊ុន General Motors លែងដំណើរការរោងចក្រផលិតនៅក្នុងប្រទេសរុស្ស៊ីទៀតហើយ បន្ទាប់ពីលក់ភាគហ៊ុនរបស់ខ្លួននៅក្នុងក្រុមហ៊ុន Avtovaz ដែលឥឡូវនេះគ្រប់គ្រងដោយក្រុមហ៊ុន Renault ។ ទោះជាយ៉ាងណាក៏ដោយ វាដំណើរការក្រុមហ៊ុនលក់សម្រាប់ទីផ្សាររុស្ស៊ី និង CIS ជាមួយនឹងរថយន្តដែលមានប្រភពមកពីអាមេរិកខាងជើង និងកូរ៉េខាងត្បូង។

ទន្ទឹមនឹងនេះ ក្រុមហ៊ុន General Motors នៅតែមានការប៉ះពាល់ខ្សែសង្វាក់ផ្គត់ផ្គង់មានកម្រិត ហើយកំពុងធ្វើការដើម្បីកាត់បន្ថយហានិភ័យដែលអាចកើតមានចំពោះអាជីវកម្ម និងអតិថិជនរបស់ខ្លួន។ ក្នុងនោះ ក្រុមហ៊ុន VW និង Renault ត្រូវបានបង្ខំចិត្តប្រកាសផ្អាកផលិតកម្មនៅសប្តាហ៍នេះផងដែរ។

កាលពីសប្តាហ៍មុនគេហទំព័រ Nexta.tv បានបង្ហោះសារថា GM ស្ថិតក្នុងចំណោមក្រុមហ៊ុនផលិតរថយន្តជាច្រើនដែលនឹងផ្អាកការនាំចេញទៅកាន់ប្រទេសរុស្ស៊ី។ រហូតមកដល់ពេលនេះ GM គឺជាក្រុមហ៊ុនតែមួយគត់ដែលបានបញ្ជាក់របាយការណ៍នោះមកយើង៕

❗️Audi, Jaguar Land Rover, BMW, Mercedes-Benz, Citroen and General Motors have suspended shipments of cars to #Russia.

— NEXTA (@nexta_tv) February 25, 2022

ផ្ទាំងផ្សាយពាណិជ្ជកម្ម

Nissan Juke ដាក់លក់ម៉ាស៊ីន Hybrid ចំណុះ ១,៦ លីត្រ នៅតំបន់អឺរ៉ុប

March 1, 2022

[ទីផ្សារបរទេស] កាលពីថ្មីៗនេះក្រុមហ៊ុន Niisan បានធ្វើការប្រកាសថាខ្លួននឹងដាក់លក់នូវរថយន្ត Juke ម៉ាស៊ីន Hybrid ចំណុះ ១,៦ លីត្រនៅតំបន់អឺរ៉ុប។

ចំពោះផ្នែកថាមពលនៃរថយន្ត Nissan Juke បំពាក់ដោយជម្រើសម៉ាស៊ីនសាំង Hybrid ចំណុះ ១,៦ លីត្រ និងម៉ូទ័រអគ្គិសនី ២ ដែលមានកញ្ចប់អាគុយ ១,២ គីឡូវ៉ាត់ ផលិតកម្លាំងសរុប ១៦៣ សេះ។

យ៉ាងណាមិញទោះបីជាអាគុយមានទំហំតូចក៏ដោយ ប៉ុន្តែ Nissan បានបញ្ជាក់ថាអាចបើកបរដោយជម្រើស EV Mode បានចម្ងាយ ៥៥ គីឡូម៉ែត្រក្នុងមួយម៉ោង។

រីឯផ្នែកខាងក្នុងនៃរថយន្ត Nissan Juke ក៏បានបំពាក់នូវអេក្រង់កម្សាន្តទំហំ ៨ អ៊ីញ អាចភ្ជាប់ជាមួយនឹង Apple Carplay, Android Auto, ការគ្រប់គ្រងអាកាសធាតុដោយស្វ័យប្រវត្តិ និងឧបករណ៍បំពងសំលេង BOSE ៨ ចំណុចជាដើម។

សូមបញ្ជាក់ថារថយន្ត Nissan Juke មិនត្រូវបានលក់នៅសហរដ្ឋអាមេរិកទេ។ ដោយសារតែវាត្រូវបានជំនួសដោយ Nissan Kicks ទោះយ៉ាងណានៅអឺរ៉ុប Juke នៅតែអាចបន្តបាន ហើយអាចលក់បានច្រើនក៏ដោយ៕

ផ្ទាំងផ្សាយពាណិជ្ជកម្ម

Mazda និយាយថាចង់អភិវឌ្ឍន៍ខ្លួនជាម៉ាកឡានប្រណីតពេញលេញ

February 28, 2022

[ទីផ្សារបរទេស] ក្រុមហ៊ុន Mazda បាននិយាយដោយឥតលាក់លៀមថាខ្លួនមានបំណងចង់អភិវឌ្ឍន៍ម៉ាកសញ្ញាទៅជាម៉ាកសញ្ញារថយន្តប្រណីតមួយក្នុងចំណោមម៉ាករថយន្តប្រណីតដូចជា Mercedes-Benz, Audi និង BMW ជាដើម។

លោក Jeremy Thomson ជាប្រធានក្រុមហ៊ុន Mazda ប្រចាំចក្រភពអង់គ្លេសបាននិយាយប្រាប់ Autocar ថាគោលដៅគឺចង់ផ្លាស់ប្ដូរ Mazda ទៅជាក្រុមហ៊ុនផលិតរថយន្តប្រណីតពេញលេញមួយ។ លោកបាននិយាយបែបនេះថា ៖ “មហិច្ឆតារបស់យើងគឺចង់ក្លាយជាអ្នកជំនួសដ៏មានតម្លៃមួយសម្រាប់ម៉ាករថយន្តប្រណីតពីមុនៗ ហើយមានន័យថាម៉ាករថយន្តប្រណីតដែលមិនមែនជាអាល្លឺម៉ង់”។

ប្រធានក្រុមហ៊ុនរូបនេះបានបញ្ជាក់ផងដែរថា Mazda មិនចង់ក្លាយជាក្រុមហ៊ុនបន្ទាប់ពី Mercedes, BMW ឬ Audi អីនោះទេ ប៉ុន្តែគឺគ្រាន់តែចង់ផ្ដល់ជូនអ្វីថ្មីសម្រាប់អ្នកស្វែងរកទិញរថយន្តប្រណីតដែលចង់ផ្លាស់ប្ដូរអារម្មណ៍។ លោកបាននិយាយថាទីផ្សាររថយន្តប្រណីតនៅមិនទាន់ចង្អៀតនៅឡើយទេ អាចឲ្យ Mazda ចូលប្រកួតបាន។

ពេលដែលសួរផ្ទាល់ៗដោយ Autocar ថាតើ Mazda ចង់ក្លាយជា Lexus បន្ទាប់ឬអត់ ប្រធានក្រុមហ៊ុនខាងលើបាននិយាយថា “រឿងអ្វីថាមិនចង់” ហើយលោកបានបន្ថែមទៀតថា Lexus គឺជាម៉ាកជប៉ុនតែមួយគត់ដែលអាចប្រកួតប្រជែងនឹងម៉ាករថយន្តអាល្លឺម៉ង់ទាំងបីខាងលើ៕

ផ្ទាំងផ្សាយពាណិជ្ជកម្ម

ការផលិតឡាននៅអង់គ្លេសធ្លាក់ចុះជាង ២០% កាលពីខែមករា

February 28, 2022

[ទីផ្សារបរទេស] ការផលិតរថយន្តនៅចក្រភពអង់គ្លេសបានធ្លាក់ចុះជាង ២០% កាលពីខែមករា បើធៀបនឹងខែមករាឆ្នាំ២០២១កន្លងទៅ។

តួលេខពីសមាគមន៍ផលិត និងជួញដូរយានយន្តហៅកាត់ SMMT បានបង្ហាញថាមានរថយន្តសរុប ៦៨ ៧៩០គ្រឿង បានផលិតនៅចក្រភពអង់គ្លេស នាពេលមួយខែមករា ឆ្នាំ២០២២ ដែលថយចុះចំនួន ១៧ ២៦២គ្រឿង ធៀបនឹងខែមករា ឆ្នាំ២០២១។ នេះជាការធ្លាក់ចុះធំមួយ ព្រោះថាខែមករាឆ្នាំ២០២១ ធ្លាប់ជាខែអាក្រក់ជាងគេមួយសម្រាប់ចក្រភពអង់គ្លេស ដោយសារបញ្ហាជំងឺរាតត្បាតកូវីដ១៩ ការបិទរោងចក្រ និងការរឹតបន្តឹងលើច្បាប់ Brexit ផងដែរ។

មិនមែនតែការផលិតរថយន្តនោះទេដែលបានធ្លាក់ចុះកាលពីខែមករា ដោយក្នុងនោះ SMMT បានបង្ហាញថាការផលិតម៉ាស៊ីនបានធ្លាក់ចុះ ១៥,៩% នៅសល់ត្រឹម ១៤១ ៤៧២គ្រឿងប៉ុណ្ណោះ ដែលក្នុងនោះ ៥០ ៣៣៦គ្រឿងគឺសម្រាប់ទីផ្សារអង់គ្លេស និងសេសសល់ ៩១ ១៣៦គ្រឿងគឺសម្រាប់ការនាំចេញទៅផ្សារអន្តរជាតិ។ កាលពីខែមករាឆ្នាំ២០២១ ម៉ាស៊ីនដែលផលិតបានគឺមាន ១៦៨ ២៥៦គ្រឿង ដោយមាន ៧១ ១២៥គ្រឿង សម្រាប់ទីផ្សារក្នុងស្រុក។

នាយកប្រតិបត្តិនៃ SMMT បាននិយាយថាការវិលត្រឡប់មកស្ថានភាពប្រសើរវិញសម្រាប់ការផលិតរថយន្ត និងម៉ាស៊ីននៅអង់គ្លេស អាចកើតមានឡើងក្រោយពីបញ្ហាអតិផរណា និងបញ្ហានៃការឡើងថ្លៃគ្រឿងបន្លាស់ត្រូវបានដោះស្រាយ៕

ផ្ទាំងផ្សាយពាណិជ្ជកម្ម

ប្រមាញ់បានរូបរាង Mercedes-AMG A45 ឆ្នាំ២០២៣ថ្មី កាន់តែកាច!

February 28, 2022

ថ្មីៗនេះ គេប្រមាញ់បានរថយន្ត Mercedes-AMG A45 ស៊េរីឆ្នាំ២០២៣ ដែលស្ទើរតែគ្មានអ្វីបិតបាំងតួខ្លួនរបស់វា បង្ហាញឲ្យឃើញនូវការផ្លាស់ប្តូរឌីហ្សាញគួរឲ្យទាក់ទាញ ព្រមទាំងកាប៊ីនខាងក្នុងរបស់វាផងដែរ។

រថយន្ត Mercedes-AMG A45 ឆ្នាំ២០២៣ ថ្មី នឹងផ្លាស់ប្តូរចង្កៀងមុខក្រោយថ្មី ជាមួយនឹងអំពូល full-LED graphics ថ្មីយ៉ាងទាក់ទាញ។ វាក៏នឹងកែកុនកាងមុខក្រោយ ព្រមទាំងប៉ាណាមុខ Panamericana grille ដ៏អំណាចរបស់វាថែមទៀតផង។

ដោយឡែក កាប៊ីនខាងក្នុងរបស់វាក៏ទទួលបានការឌីហ្សាញ និងរៀបចំឡើងវិញ ជាមួយនឹងការបំពាក់អេក្រង់ប្រព័ន្ធកម្សាន្ត MBUX ថ្មី ហើយលែងមាន trackpad ទៀតហើយ។ មិនតែប៉ុណ្ណោះ វាក៏បានប្តូរការឌីហ្សាញដៃចង្កូតថ្មីផងដែរ។

សូមបញ្ជាក់ថា រថយន្ត Mercedes-AMG A45 ថ្មីនេះ នឹងនៅតែរក្សាម៉ាស៊ីនសាំងចំណុះ ២,០លីត្រ twin-turbo ទំហំ ៤ស៊ីឡាំង ដែលមានកម្លាំងដល់ ៤១៥សេះ។ ជាមួយគ្នានេះដែរ វាក៏នឹងប្រើប្រព័ន្ធបើកបរប៉ុងពីរ 4MATIC+ system និងប្រអប់លេខអូតូ ៨វគ្គ AMG Speedshift DCT 8G ដដែលទៀតផង។

រថយន្ត Mercedes-Benz ត្រកូល A-Class ថ្មីនេះត្រូវគេរំពឹងថា នឹងបង្ហាញខ្លួនក្នុងឆ្នាំ២០២២ នេះតែម្តង ជាមួយនឹងម៉ូដែល AMG A35 និង AMG A45៕

ផ្ទាំងផ្សាយពាណិជ្ជកម្ម

Mercedes-Benz គ្រោងនឹងមានឡានអាចបើកបរស្វ័យប្រវត្តិ “កម្រិត៣” ក្នុងឆ្នាំនេះ

February 28, 2022

ក្នុងការប្រណាំងប្រជែងដើម្បីឈានទៅដល់កម្រិតស្វ័យភាពកម្រិត ៣ នៅសហរដ្ឋអាមេរិក ក្រុមហ៊ុន Mercedes-Benz សង្ឃឹមថា នឹងក្លាយជាក្រុមហ៊ុនដំបូងគេ ជាមួយនឹងប្រព័ន្ធ Drive Pilot របស់ពួកគេ។

បើយោងតាមលោក Ola Kallenius ដែលជាប្រធានក្រុមប្រឹក្សាភិបាលរបស់ ក្រុមហ៊ុន Mercedes-Benz បានឲ្យដឹងថា បន្ទាប់ពីទទួលបានការយល់ព្រមសម្រាប់ប្រព័ន្ធបើកបរស្វ័យប្រវត្តនៅក្នុងប្រទេសអាល្លឺម៉ង់ កាលពីខែធ្នូ ឆ្នាំ ២០២១ ឥឡូវនេះក្រុមហ៊ុនសង្ឃឹមថានឹងអាចដំណើរការវានៅលើទីផ្សារសហរដ្ឋអាមេរិក នៅចុងឆ្នាំ ២០២២ នេះតែម្តង។

គួរបញ្ជាក់ឲ្យដឹងសម្រាប់អ្នកដែលមិនធ្លាប់ស្គាល់ ប្រព័ន្ធបើកស្វ័យប្រវត្តិ Society of Automotive Engineers (SAE) ដោយវាមានរហូតដល់ទៅ ៦ កម្រិតនៃស្វ័យភាពយានយន្តពី កម្រិត០ ដល់ កម្រិត៥ ដោយ កម្រិត០ គឺជាយានជំនិះដែលគ្រប់គ្រងទាំងស្រុងដោយអ្នកបើកបរ និង កម្រិត៥ គឺគ្រប់គ្រងទាំងស្រុងដោយយានយន្តខ្លួនឯង។

សូមបញ្ជាក់ថា យានជំនិះកម្រិតទី៣ ដូចជារថយន្តដែលបំពាក់ដោយប្រព័ន្ធ Drive Pilot របស់ Mercedes នឹងអនុញ្ញាតឲ្យអ្នកបើកបរប្រគល់ការគ្រប់គ្រងលើយានជំនិះ ប៉ុន្តែនឹងតម្រូវឲ្យពួកគេធ្វើសកម្មភាពនៅពេលដែលចាត់ទុកថាចាំបាច់។

កម្រិតទី៣ នេះដែរ ក៏សម្គាល់ការផ្លាស់ប្តូរយ៉ាងច្បាស់ពីជំនួយអ្នកបើកបរសាមញ្ញ ទៅជាប្រព័ន្ធបើកបរស្វ័យភាពពិតប្រាកដ ហើយដូច្នេះ Mercedes និយាយថា អ្នកបើកបរអាចដកដៃរបស់ពួកគេទាំងស្រុងពីដៃចង្កូត ហើយចូលរួមដោយសេរីនៅក្នុង “សកម្មភាពបន្ទាប់បន្សំមួយចំនួន” ដែលអាចរួមបញ្ចូលអ្វីៗដូចជាការមើលភាពយន្តជាដើម, ផ្ញើអ៊ីម៉ែល និងទំនាក់ទំនងជាមួយមិត្តរួមការងារជាដើម។

យ៉ាងណាមិញ បច្ចុប្បន្ន Drive Pilot អាចដំណើរការក្នុងល្បឿនរហូតដល់ ៦០ គីឡូម៉ែត្រក្នុងមួយម៉ោង នៅលើផ្លូវហាយវ៉េអាល្លឺម៉ង់មួយចំនួនប៉ុណ្ណោះ៕

ផ្ទាំងផ្សាយពាណិជ្ជកម្ម

Ford Explorer ២០២២ ឡើងថ្លៃដល់ ៨ ៧៦៦ ដុល្លារ នៅក្នុងទីផ្សារប្រទេសវៀតណាម

February 28, 2022

[ទីផ្សារបរទេស] បន្ទាប់ពីការបង្ហាញអស់រយៈពេលជាងមួយខែកន្លងមក ពេលនេះ ក្រុមហ៊ុន Ford Vietnam បាននាំយក រថយន្ត Ford Explorer ស៊េរីឆ្នាំ២០២២ ត្រូវបាននាំយកទៅឲ្យកាន់អ្នកចែកចាយនៅទីក្រុងហូជីមិញ។ ក្នុងនោះចំនួនរថយន្តដែលយកមកមានចំនួនតិចណាស់បើធៀបនឹងចំនួនអតិថិជនដែលបានកក់ទុក។

នៅសាខាក្រុមហ៊ុន Ford Phu My branch ចំនួនរថយន្តដែលនាំមកដល់លើកដំបូងមាន៦ពណ៌។ លោក Duc Nguyen (អ្នកប្រឹក្សាផ្នែកលក់) បាននិយាយទៅកាន់គេហទំព័រ Zing New ថា ចំនួនអតិថិជនសរុបដែលបញ្ជាទិញ Explorer ស៊េរីឆ្នាំ ២០២២ មានរហូតមកដល់ពេលនេះមានជាង ៤០ នាក់។

ក្នុងនោះ លោក Duc Nguyen ក៏បានចែករំលែកផងដែរថា ប្រសិនបើអ្នកបញ្ជាទិញបច្ចុប្បន្ន អ្នកត្រូវរង់ចាំយ៉ាងហោចណាស់ខែក្រោយទើបមានរថយន្តមកប្រគល់ជូន។ ទន្ទឹមនឹងនេះ លោក បានបន្ថែមថា “អតិថិជនដែលកក់រថយន្តក្នុងខែនេះត្រូវចំណាយប្រាក់ ៨៧ ៦៦ ដុល្លារបន្ថែមទៀតសម្រាប់ទិញរថយន្តនេះ ដោយធ្វើរថយន្តនេះមានតម្លៃ ១១០ ២៧៨ ដុល្លារ ដល់ ១១២ ៤៦៩ ដុល្លារ។

រថយន្ត Explorer ស៊េរីឆ្នាំ ២០២២ ត្រូវបានបំពាក់ដោយម៉ាស៊ីនសាំងចំណុះ ២,៣ លីត្រ EcoBoost turbocharged ផលិតកម្លាំងបាន ៣០១ សេះ និងកម្លាំងរមួល ៤៣១ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ១០ វគ្គ និងប្រព័ន្ធបើកបរ four-wheel-drive ៕

ផ្ទាំងផ្សាយពាណិជ្ជកម្ម

ម៉ូតូអគ្គិសនីរបស់អឺរ៉ុប សាកភ្លើងពេញម្តង អាចជិះបានចម្ងាយ ៤០ គ.ម តម្លៃខ្ទង់ជិត ២ ពាន់ដុល្លារ

February 28, 2022

[ទីផ្សារបរទេស] ថ្មីៗនេះក្រុមហ៊ុន Super បានបញ្ចេញនូវម៉ូតូអគ្គិសនី Soco CU mini ប្រភេទ Scooter ជាមួយនឹងការសាកភ្លើងពេញម្តងអាចជិះបានចម្ងាយ ៤០ គីទ្បូម៉ែត្រ សម្រាប់ទីផ្សារនៅក្នុងតំបន់អឺរ៉ុប។

ម៉ូតូអគ្គិសនី Super Soco CU mini មានទំហំប្រវែង ១៦៥៥ មម, ទទឺង ៦៩៥, កម្ពស់ ១០៨៣ មម និងទម្ងាន់ ៥០ គីទ្បូក្រាមប៉ុណ្ណោះ។ បន្ថែមពីនេះទទួលបានការឌីហ្សាញគួរឱ្យទាក់ទាញត្រង់រូបរាងបែបសាមញ្ញាដោយវាបានបំពាក់នូវកុងទ័រឌីជីថល LCD អាចភ្ជាប់ជាមួយទូរស័ព្ទ និងប្រព័ន្ធ GPS navigation, Smart keys និង រន្ធសាក USB ដ៏ទំនើបផងដែរ។

សម្រាប់ម៉ូតូអគ្គិសនី Super Soco CU mini ប្រើប្រាស់ម៉ូទ័រ ៦០០ វ៉ាត់ ដែលអាចបង្កើតល្បឿនបរិមាណ ៤២ គីទ្បូម៉ែត្រក្នុងរយៈពេល ១ ម៉ោង។ ខណៈដែលម៉ូតូនេះបំពាក់នូវអាគុយប្រភេទថ្មលីចូម ៧ គីទ្បូក្រាម ជាមួយនឹងការសាកភ្លើងពេញម្តងអាចជិះបានចម្ងាយ ៤០ គីទ្បូម៉ែត្រ។

សូមបញ្ជាក់ថាបច្ចុប្បន្ននេះម៉ូតូអគ្គិសនី Super Soco CU mini ត្រូវបានដាក់លក់ក្នុងតម្លៃ ១ ៨៩៩ ដុល្លារសម្រាប់ទីផ្សារនៅតំបន់អឺរ៉ុប៕