ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 590

ឡានប្រភេទ Van Toyota Hiace ទទួលបានការអភិវឌ្ឍន៍ថ្មីទៅលើម៉ាស៊ីន ១២ស៊ីឡាំង មានកម្លាំងរហូតដល់ ៧៥០សេះ

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការអភិវឌ្ឍថ្មីនៃរថយន្ត Toyota Hiace ពីរថយន្តធម្មតា ​​ឡើង​ទៅ​ជារថយន្តកម្រិត​ថ្មីំមួយ។ ក្នុងនោះ លោក James Redelinghuis បានបង្កើតគម្រោងនេះ ដោយជ្រើសរើស Hiace និងដំឡើងម៉ាស៊ីន 1GZ-FE ដែលត្រូវបានគេស្គាល់ថា V12 ដែលបានប្រើក្នុង Toyota Century ជំនាន់ទីពីរនេះ។

សម្រាប់រថយន្ត Toyota Hiace ម៉ាស៊ី​ន V12 មានកម្លាំង ២៧៦ សេះ និងកម្លាំងរមួល ៤៨១ ញ៉ូតុនម៉ែត្រ ប៉ុន្តែកម្លាំងមេកានិចជាមួយនឹង Twin Turbo អាចបង្កើតកម្លាំងលើសពី ៧៥០សេះ និងកម្លាំងរមួល ៧១០ ញ៉ូតុនម៉ែត្រ បញ្ជូនដោយប្រអប់លេខដៃ ៣វគ្គ។

សម្រាប់រថយន្តប្រភេទ Van នេះចាំបាច់ណាស់ក្នុងការរៀបចំឡើងវិញ ដើម្បីទទួលបានម៉ាស៊ីនចំណុះ ៥,០​ លីត្រ V12 ខាងក្រោយកៅអីនៅក្នុងរថយន្តធន់ធំនេះ។

ចំពោះផ្នែកផ្សេងៗទៀត ដូចជា ប្រព័ន្ធចាក់សោរប៉ុងមកពីរថយន្ត Mustang, ថាសកង់មកពីរថយន្ត Audi R8 ហើយម៉ាស៊ីនចាក់ប្រេងគឺមក Porsche 911 Carrera S 997 ជាដើម៕

ផ្ទាំងផ្សាយពាណិជ្ជកម្ម

សង្ខេបអំពីលក្ខណៈបច្ចេកទេសខ្លះៗ របស់គ្រួសារ Raptor ទាំងអស់របស់ Ford

[ទីផ្សារបរទេស] ក្រុមហ៊ុន Ford Performance ហាក់បីដូចជាបានវាយលុកទីផ្សាររថយន្តយ៉ាងខ្លាំងជាមួយនឹងរថយន្ត Raptor របស់ខ្លួននៃរថយន្តភីកអាប់ និង SUV ដែលមានសមត្ថភាពខ្ពស់ ដែលធ្វើឲ្យក្រុមហ៊ុនផលិតរថយន្តជាច្រើនទៀតធ្វើតាមគំរូរបស់ខ្លួន។

រថយន្ត F-150 SVT Raptor ត្រូវបានបញ្ចេញនៅក្នុងឆ្នាំ ២០១០ ដែលបង្ហាញថាទទួលបានជោគជ័យខ្លាំង ដែលបានធ្វើឲ្យក្រុមហ៊ុន Ford បង្ហាញចេញនៅម៉ូដែលស្រដៀងគ្នានៃ F-150 ពីរជំនាន់ទៀត។ ក្នុងនោះ Ranger Raptor បានចូលរួមនៅក្នុងឆ្នាំ ២០១៩ ជាមួយនឹងជំនាន់ថ្មីដែលទើបបង្ហាញថ្មីនេះមានការកែលម្អថ្មីទាំងអស់។ ខណៈ Bronco Raptor ដ៏អស្ចារ្យត្រូវបានបង្ហាញសម្រាប់សហរដ្ឋអាមេរិកកាលពីដើមឆ្នាំនេះក្នុងនាមជាសមាជិកដំបូងរបស់គ្រួសារ។

ខាងក្រោមនេះជាលក្ខណៈបច្ចេកទេសរបស់គ្រួសារ Ford Raptor៖

  • FORD RANGER RAPTOR ២០២៣

ចំពោះរថយន្តភីកអាប់នេះដំណើរការដោយម៉ាស៊ីនចំណុះ ៣,០ លីត្រ EcoBoost V6 ឬ ម៉ាស៊ីនចំណុះ ២,០ លីត្រ ផលិតកម្លាំងបាន ៣៩២ សេះ និងកម្លាំងរមួល ៥៨៣ ញ៉ូតុនម៉ែត្រ សម្រាប់ទីផ្សារអូស្ត្រាលី និងមានកម្លាំង ២៨៤ សេះ និងកម្លាំងរមួល ៤៩១​​ ញ៉ូតុនម៉ែត្រ សម្រាប់ទីផ្សារសហរដ្ឋអាមេរិក ភ្ជាប់ជាមួយប្រអប់លេខអូតូ ១០វគ្គ។ ក្នុងនោះរថយន្តភីកអាប់នេះក៏បានបំពាក់ដោយបូម FOX 2.5 inch Live Valve shock absorbers និងសំបកកង់ទំហំ ៣២ អ៊ីញ។ ខណៈតម្លៃសម្រាប់រថយន្ត Ford Ranger Raptor ស៊េរីឆ្នាំ ២០២៣ ក្រុមហ៊ុនពុំទាន់បញ្ចេញនៅឡើយទេ។

  • FORD F-150 RAPTOR ២០២១

ចំពោះរថយន្តភីកអាប់ F-150 Raptor ស៊េរីឆ្នាំ ២០២១ នេះដំណើរការដោយម៉ាស៊ីនចំណុះ ៣,៥ លីត្រ EcoBoost twin-turbo V6 ផលិតកម្លាំងបាន ៤៥០ សេះ និងកម្លាំងរមួល ៦៩១​ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ១០វគ្គ, បូម FOX 3.1-inch Live Valve shock absorbers, សំបកកង់ទំហំ ៣៥ អ៊ីញ ដល់ ៣៧ អ៊ីញ, មានកំពស់ខ្ពស់ពីដី ១២ ដល់ ១៣ អ៊ីញ និងមានតម្លៃចាប់ពី ៦៥ ៨៤០ ដុល្លារ។

  • FORD F-150 RAPTOR R ២០២៣

សម្រាប់រថយន្តនេះដំណើរកាដោយម៉ាស៊ីនចំណុះ ៥,២ លីត្រ supercharged V8 ផលិតកម្លាំងបាន ៧៦០ សេះ និងកម្លាំងរមួល ៨៤៧ ញ៉ូតុនម៉ែត្រ ភ្ជាប់ជាមួយប្រអប់លេខអូតូ ១០វគ្គ និងបានបំពាក់ជាមួយបូម FOX 3.1-inch Live Valve shock absorbers, សំបកកង់ទំហំ ៣៧ អ៊ីញ, មានកំពស់ខ្ពស់ពីដី ១៣,១ អ៊ីញ ចំពោះតម្លៃ Ford ពុំទាន់បានបញ្ចេញនៅឡើយទេ។

  • FORD BRONCO RAPTOR ២០២២

ចំពោះកំពូលរថយន្ត Off-road នេះបានបំពាក់ជាមួយម៉ាស៊ីនចំណុះ ៣,០​ លីត្រ EcoBoost twin-turbo V6 ផលិតកម្លាំងបានប្រហែល ៤០០ សេះ ភ្ជាប់ជាមួយប្រអប់លេខអូតូ ១០វគ្គ, និងបានបំពាក់ជាមួយបូម FOX 3.1-inch Live Valve shock absorbers, សំបកកង់ទំហំ ៣៧ អ៊ីញ, មានកំពស់ខ្ពស់ពីដី ១៣,១ អ៊ីញ ជាមួយតម្លៃចាប់ពី ៦៨ ៥០០​ ដុល្លារ ៕

ផ្ទាំងផ្សាយពាណិជ្ជកម្ម

ចិនចេញទ្បានអគ្គិសនីសាកភ្លើងម្តងជិះបានចម្ងាយ ៦១៥ គ.ម

[ទីផ្សារបរទេស] ថ្មីៗនេះក្រុមហ៊ុន Zhiji បានធ្វើការបញ្ចេញនូវរថយន្ត L7 ប្រើប្រាស់អគ្គសិនី ជាមួយនឹងការសាកភ្លើងម្តងអាចជិះបានចម្ងាយ ៦១៥ គីទ្បូម៉ែត្រ សម្រាប់ទីផ្សារនៅក្នុងប្រទេសចិន។

ចំពោះថាមពលនៃរថយន្តអគ្គិសនី Zhiji L7 ប្រើប្រាស់ម៉ូទ័រអគ្គិសនី ២ ផលិតកម្លាំង ៥៣៦សេះ និងកម្លាំងរមួល ៧០០ ញ៉ូតុនម៉ែត្រ អាចបង្កើតល្បឿនពី 0-១០០ គីទ្បូម៉ែត្រក្នុងរយៈពេល ១ ម៉ោង ត្រឹមតែ ៣,៩ វិនាទីប៉ុណ្ណោះ។

ខណៈដែលរថយន្តអគ្គិសនី Zhiji L7 បានបំពាក់នូវអាគុយទំហំ ៩៣ គីទ្បូវ៉ាត់ និង ១១៥ គីទ្បូវ៉ាត់ ជាមួយនឹងការសាកភ្លើងម្តងអាចជិះបានចម្ងាយ ៦១៥ គីទ្បូម៉ែត្រ។

យ៉ាងណាមិញចំពោះរថយន្តអគ្គិសនី Zhiji L7 មានតម្លៃចាប់ពី ៦៤ ៧៧៧ ដុល្លារសម្រាប់ទីផ្សារនៅក្នុងប្រទេសចិន៕

ផ្ទាំងផ្សាយពាណិជ្ជកម្ម

ទ្បានដំណើរការដោយសូឡា Lightyear One ផលិតត្រឹមចំនួនជាង ៩០០គ្រឿង ដោយតម្លៃចាប់ពីខ្ទង់ ១៧ម៉ឺនដុល្លារ​

[ទីផ្សារបរទេស] កាលពីពេលកន្លងទៅ ក្រុមហ៊ុន Lightyear បានធ្វើការប្រកាសចេញនូវរថយន្តម៉ូឌែល One ដោយដំណើរការដោយថាមពលពន្លឺព្រះអាទិត្យ នឹងត្រៀមដាក់លក់នៅតំបន់អឺរ៉ុប។

រថយន្ត Lightyear One ជារថយន្តអគ្គិសនីនាអនាគត ដែលបានបំពាក់ដោយផ្ទាំងសូឡាចំនួន ៥ម៉ែត្រ ដែលអាច​បង្កើន​ចម្ងាយ​រថយន្ត​ឱ្យ​ជិះបានចម្ងាយ​ ៩៦ ​គីឡូម៉ែត្រ​រយៈពេល ​៨ ​ម៉ោង​ក្រោម​ពន្លឺព្រះអាទិត្យ។ ខណៈដែលការសាកភ្លើងរយៈពេល ១ ម៉ោងអាចជិះបានចម្ងាយ ១២ គីទ្បូម៉ែត្រ។ លើសពីនេះ បើសិនជាសាកអាគុយពេញវាអាចបើកបរបានចម្ងាយ ៧២៥គីឡូម៉ែត្រ បើយោងតាមការតេស្តនៅលើ WLTP Cycle។ លើសពីនេះ ប្រសិនបើរថយន្តនេះប្រើថាមពលរួមគ្នា វានឹងអាចបើកបរបានរយៈ ១ខែ។

បន្ថែមពីនេះរថយន្ត Lightyear One បំពាក់នូវម៉ូទ័រគ្គសនី ផលិតកម្លាំង ១៣៦សេះ និងកម្លាំងរមួល ១,២០០ញ៉ូតុនម៉ែត្រ អាចបង្កើតល្បឿនពី ០-១០០ ម៉ែត្រក្នុងមួយម៉ោង ក្នុងរយៈពេលតិចជាង ១០វិនាទី ប៉ុន្តែមិនទាន់បានបង្ហាញពីល្បឿនកំពូលនៅពេលនេះទេ។

សូមបញ្ជាក់ថារយន្ត Lightyear One នឹងត្រូវផលិតទ្បើងនៅក្នុប្រទេស​ហ្វាំងឡង់​សម្រាប់ទីផ្សារនៅតំបន់​អឺរ៉ុបជាមួយនឹងតម្លៃ ១៦៧ ១៨២ ដុល្លារ ដែលមានត្រឹមតែ ៩៤៦ គ្រឿងប៉ុណ្ណោះ៕

ផ្ទាំងផ្សាយពាណិជ្ជកម្ម

មកដឹងរថយន្តពេញនិយមបំផុត និងលក់ដាច់បំផុតក្នុងសហរដ្ឋអាមេរិកក្នុងឆ្នាំ ២០២១

[ទីផ្សារបរទេស] កាលពីពេលថ្មីៗនេះកន្លងទៅ គេហទំព័រ Edmunds បានចេញផ្សាយទិន្នន័យរបស់ខ្លួនស្តីពីរថយន្តដែលលក់ដាច់បំផុតនៅក្នុងសហរដ្ឋអាមេរិក។ ក្នុងនោះមិនមែនជារឿងគួរឲ្យភ្ញាក់ផ្អើលទេដែលរថយន្តដែលលក់ដាច់បំផុតរបស់អាមេរិកគឺ Ford F-150 ដែលទទួលបាននូវការគាំទ្រយ៉ាងខ្លាំងនៅតាមរដ្ឋភាគច្រើន ប៉ុន្តែមិនមែនគ្រប់គ្នាសុទ្ធតែចូលចិត្តរថយន្តភីកអាប់នោះទេ។

នៅក្នុងរថយន្តទាំងប្រាំបីផ្សេងគ្នាបានឈរនៅលើតារាងរថយន្តដែលលក់ដាច់បំផុតរបស់រដ្ឋនីមួយៗនោះគឺ៖ Ford F-Series ១៩រដ្ឋ, Ram 1500/2500/3500 ១០រដ្ឋ, Chevrolet Silverado ៨រដ្ឋ, Toyota RAV4 ៥រដ្ឋ, Honda CR-V ៥រដ្ឋ, Toyota Tacoma ១រដ្ឋ, Honda Civic ១រដ្ឋ និង Toyota Corolla ១រដ្ឋ ។ តួលេខ​នេះ​ផ្អែក​លើ​ទិន្នន័យ​ដែល​ប្រមូល​បាន​តែ​កត្តា​ក្នុង​ការ​លក់​​រថយន្ត​ថ្មី​ប៉ុណ្ណោះ ហើយ​មិន​រាប់​បញ្ចូល​ការ​លក់​ជួល ឬ​ការ​ចុះ​បញ្ជី​ពី​ស្ថាប័ន​រដ្ឋាភិបាល​ទេ។​

ជាមួយគ្នានេះរថយន្តដែលលក់ដាច់បំផុតទាំង ១០ នៅអាមេរិកក្នុងឆ្នាំ ២០២១ រួមមាន៖

១) Ford F-Series

២) Chevrolet Silverado

៣) Ram 1500/2500/3500

៤) Toyota RAV4

៥) Honda CR-V

៦)Toyota RAV4

៧) Honda Civic

៨) Toyota Highlander

៩) GMC Sierra

១០) Toyota Tacoma

ផ្ទាំងផ្សាយពាណិជ្ជកម្ម

Suzuki នឹងបញ្ចេញម៉ូតូ Burgman 150 ស៊េរីឆ្នាំ ២០២២ ប្រកួតប្រជែងជាមួយ PCX និង NMAX

[ទីផ្សារបរទេស] ថ្មីៗនេះក្រុមហ៊ុន Suzuki បានធ្វើការបញ្ចេញនូវម៉ូតូ Burgman 150 ស៊េរីឆ្នាំ ២០២២ ប្រភេទ​ Scooter ដែលត្រៀមនឹងប្រកួត​ប្រជែង​ក្នុង​ទីផ្សារ​ម៉ូតូ​ទំនើប​ជាមួយ PCX 160 និង NMAX 155។

សម្រាប់ Burgman 150 ទទួលបានឌីហ្សាញដោយយកតាមគំរូម៉ូតូ Haojue UHR 150 ដែលទើបតែបានបង្ហាញខ្លួននៅក្នុងប្រទេសចិនកាលពីពេលមុន។

ម៉ូតូ Burgman 150 បើយើងសង្កេតមើលទៅស្រដៀងគ្នាទៅនឹងរូបរាងបស់ Haojue UHR 150 អាចចាត់ទុកថាវាមានភាពឆើតឆាយ និងល្អឥតខ្ចោះ ដោយសារតែការរចនានេះជាស្តង់ដារអន្តរជាតិ ដែលនឹងដាក់លក់ក្នុងប្រទេសជាច្រើន។ វាភ្ជាប់មកជាមួយប្រព័ន្ធភ្លើង LED រួមជាមួយនឹងភ្លើងជួយបំភ្លឺពេលថ្ងៃ DRL, ប្រព័ន្ធ Start & Stop សម្រាប់បិទ និងចាប់ផ្តើមម៉ាស៊ីនដោយស្វ័យប្រវត្តិ បន្ថែមពីនេះវាបំពាក់នូវប្រព័ន្ធហ្វាំ្រង ABS មុខ-ក្រោយ។

ចំពោះថាមពលនៃម៉ូតូ Burgman 150 នឹងប្រើប្រាស់ម៉ាស៊ីនសាំងទំហំ ១ស៊ីទ្បាំង ប្រព័ន្ធស្អំប្រេង air-cooled ចំណុះ ១៤៩សេសេ ផលិតកម្លាំង ១៤,៤សេះ និងកម្លាំង ១៤,២ញ៉ូតុនម៉ែត្រ។

 

ផ្ទាំងផ្សាយពាណិជ្ជកម្ម

ទ្បានអគ្គិសនី VW ID.2 រំពឹងថានឹងចេញលក់នៅឆ្នាំ២០២៥

[ទីផ្សារបរទេស] ថ្មីៗនេះក្រុមហ៊ុន Volkswagen របស់ប្រទេសអាល្លឺម៉ងបានរំពឹងថាខ្លួនគ្រោងនឹងផលិតរថយន្តអគ្គិសនី VW ID.2 ប្រភេទខ្នាតតូច ដែលមានតម្លៃសមរម្យប្រហែល ២២ ៣៣៦ ដុល្លារ។

សម្រាប់រថយន្តអគ្គិសនី VW ID.2 មានជម្រើស ២ ម៉ូឌែល Urban និង X Urban ដោយរយន្តទាំងពីរនេះបានយកគំរូពី ID.Life ដែលបានបង្ហាញនៅចុងឆ្នាំ ២០២១ កន្លងមក។

រថយន្តអគ្គិសនី VW.ID.2 ត្រូវបានគេរំពឹងថានឹងប្រើប្រាស់ MEB ដែលជាទំហំអាគុយ ៦២ គីទ្បូវ៉ាត់ ភ្ជាប់ជាមួយនឹងម៉ូទ័រអគ្គិសនី ១ ផលិតកម្លាំង ២៣១សេះ និងកម្លាំងរមួល ២៩០ ញ៉ូតុនម៉ែត្រ ជាមួយនឹងការសាកភ្លើងម្តង អាចជិះបានចម្ងាយ ៤០១ គីទ្បូម៉ែត្រ។

សូមបញ្ជាក់ថាការផលិតរថយន្ត VW ID.2 អាចនឹងប្រព្រឹត្តទៅនៅក្នុងប្រទេសអេស្ប៉ាញ ជាមួយគោលដៅផលិតរថយន្តអគ្គិសនីប្រចាំឆ្នាំចំនួន ៥០ ម៉ឺនគ្រឿងនៅរោងចក្រ Martorell របស់ខ្លួននៅឆ្នាំ ២០២៥។

 

ផ្ទាំងផ្សាយពាណិជ្ជកម្ម

ក្រុមហ៊ុនផលិតរថយន្តជាច្រើន ផ្អាកការផលិត និងនាំចូលរថយន្ត ទៅប្រទេសរុស្សី

[ទីផ្សារបរទេស] ក្រុមហ៊ុនផលិតរថយន្តជាច្រើន កំពុងបញ្ឈប់ការផលិតនៅក្នុងប្រទេសរុស្ស៊ី និងការផ្តល់រថយន្តនៅក្នុងប្រទេសរុស្ស៊ី បន្ទាប់ពីការឈ្លានពានរបស់រុស្ស៊ីទៅលើអ៊ុយក្រែនាពេលថ្មីៗនេះ។

ក្នុងនោះ Avtovaz ដែលជាក្រុមហ៊ុនផលិតរថយន្ត Lada និងជាក្រុមហ៊ុនផលិតរថយន្តធំបំផុតរបស់រុស្ស៊ីបានប្រកាសថា ខ្លួនអាចនឹងផ្អាកផលិតកម្មរបស់ខ្លួនមួយចំនួននៅថ្ងៃច័ន្ទ ដោយ​សារ​តែ​កង្វះខាតឈីប និងមានហេតុផលសំខាន់ៗ មកពីការគ្រប់គ្រងព្រំដែនដ៏តឹងរឹងរបស់រុស្ស៊ី និងភាពចាំបាច់ក្នុងការបង្វែរផ្លូវដឹកជញ្ជូន” នេះ​បើ​យោង​តាម​សារព័ត៌មាន Automotive News ។

ទន្ទឹមនឹងនេះ ក្រុមហ៊ុន Renault គឺជាក្រុមហ៊ុនផលិតរថយន្តដែលវិនិយោគច្រើនជាងគេនៅក្នុងប្រទេសរុស្ស៊ី ដូចគ្នានេះផងដែរ Volkswagen បាននិយាយថា ខ្លួននឹងបញ្ឈប់ការផលិតក្នុងរយៈពេលពីរបីថ្ងៃនៅរោងចក្រចំនួនពីរបន្ទាប់ពីការពន្យារពេលក្នុងការផ្គត់ផ្គង់គ្រឿងបន្លាស់ដែលផលិតនៅអ៊ុយក្រែន។

ក្នុងស្ថានភាពនេះ ក្រុមហ៊ុនផលិតរថយន្តក៏អាចមានការព្រួយបារម្ភអំពីបញ្ហាគ្រឿងបន្លាស់ផ្គត់ផ្គង់ដែលទាក់ទងនឹងលោហៈ palladium, platinum និង rhodium ដែលត្រូវបានប្រើក្នុងការផលិតឧបករណ៍បំប្លែងកាតាលីករ ឬបំពង់ស៊ីមាំងជាដើមប្រសិនបើសង្រ្គាមនៅតែបន្ត។

ជាមួយគ្នានេះ យោងតាម Nexta.TV បានបង្ហោះសារកាលពីម្សិលមិញថាក្រុមហ៊ុន Audi, Jaguar Land Rover, BMW, Mercedes-Benz, Citroen និង General Motors បានផ្អាកការនាំចេញរថយន្តទៅកាន់ប្រទេសរុស្ស៊ី ប៉ុន្តែ​គ្មាន​ម្ចាស់ក្រុមហ៊ុនណាម្នាក់​ចេញ​មក​បញ្ជាក់​ពី​ព័ត៌មាន​នេះ​ជាផ្លូវការនោះទេ៕

ផ្ទាំងផ្សាយពាណិជ្ជកម្ម

ហាងឡានជប៉ុនដាក់លក់ Bugatti Centodieci យកចំណេញ៥លានដុល្លារលើគោក

[ទីផ្សារបរទេស] នៅពេលដែល Bugatti ប្រកាសចេញរថយន្ត Centodieci កាលពីឆ្នាំ២០១៩ វាមាន​តម្លៃប្រមាណ​ ៨លានអឺរ៉ូ (តម្លៃមុនគិតពន្ធ) ដែលស្មើប្រមាណ៩លានដុល្លារជាមួយហាងឆេងប្ដូរប្រាក់នាពេលបច្ចុប្បន្ន។

ថ្មីៗនេះដែរមានហាងលក់រថយន្តមួយកន្លែងនៅប្រទេសជប៉ុនចង់ដាក់លក់រថយន្តដែល​ផលិតមាន​កំណត់ត្រឹម១០គ្រឿងនេះ ក្នុងតម្លៃ ១២,៥លានអឺរ៉ូ ឬស្មើ​ប្រមាណ ១៤លានដុល្លារ។ ប៉ុន្តែអ្វីដែលជាបញ្ហានោះគឺរថយន្ត Centodieci មិនទាន់ផលិតរួចរាល់នៅឡើយទេ គឺត្រូវចាំរហូតដល់ឆ្នាំក្រោយ ទើបអតិថិជនចាប់ផ្ដើមទទួលបានរថយន្ត។

Bugatti Centodieci ត្រូវបានដាក់លក់ដោយហាងមួយ ដែលបានដាក់លក់លើ​វិបសាយលក់រថយន្តប្រណីតរបស់ហូឡង់ដែលមានឈ្មោះថា James Edition។ រថយន្តមួយគ្រឿងនេះ​បាន​កំណត់ថានឹងដឹកជញ្ជូនជូនអតិថិជននៅ​អ៉ីតាលី នៅខែមករា ឆ្នាំ២០២៣ ខាងមុខនេះ។

គួរដឹងថា Bugatti Centodieci គឺជារថយន្តដែលផលិតឡើងជាពិសេសដើម្បីអបអរសាទរ​ខួបទី១១០ឆ្នាំ​នៃ​ការបង្កើតក្រុមហ៊ុន Bugatti និងដើម្បីឧទ្ទិសដលើរថយន្ត EB110 ផងដែរ។

រថយន្តនេះមានបំពាក់ម៉ាស៊ីន១៦ស៊ីឡាំង ចំណុះ៨,០លីត្រ ដែល​អាចផលិតកម្លាំងបាន ១៦០០សេះ អាចឲ្យរថយន្តស្ទុះដល់ ១០០គ.ម/ម៉ភ្លាមៗក្នុងពេលត្រឹម ២,៤វិនាទី និងមានល្បឿនអតិបរមាដែលកំណត់ត្រឹម ៣៨០គ.ម/ម៉៕

ផ្ទាំងផ្សាយពាណិជ្ជកម្ម

ឡាន RAM 1500 TRX ស៊េរីឆ្នាំ២០២២ ឡើងថ្លៃរាប់ពាន់ដុល្លារ

[ទីផ្សារបរទេស] ក្រុមហ៊ុន Ram បានធ្វើបច្ចុប្បន្នភាពវិបសាយរបស់ខ្លួនប្រចាំនៅសហរដ្ឋអាមេរិក ដោយបានឲ្យដឹងថារថយន្ត Ram 1500 TRX ស៊េរីឆ្នាំ២០២២ មានការឡើងថ្លៃរាប់ពាន់ដុល្លារបើធៀបនឹងស៊េរីឆ្នាំ២០២១។

រថយន្ត Ram 1500 TRX ស៊េរីឆ្នាំ២០២២ លើទីផ្សារសហរដ្ឋអាមេរិកបានកំណត់តម្លៃលក់ចេញពីរោងចក្រគឺចាប់ពី ៧៦ ៨៨០ដុល្លារ ខណៈដែលស៊េរីឆ្នាំ២០២១ គឺមានតម្លៃចាប់ពី ៧០ ៤២៥ដុល្លារ។ បន្ថែមពីនេះថ្លៃដឹកជញ្ជូនក៏បានឡើងថ្លៃ១០០ដុល្លារផងដែរ។

ក្រុមហ៊ុន Ram មិនបានផ្ដល់ហេតុផលជាក់លាក់សម្រាប់ការឡើងថ្លៃនៃរថយន្ត Ram 1500 TRX ស៊េរីឆ្នាំ២០២២ លើទីផ្សារសហរដ្ឋអាមេរិកឡើយ ប៉ុន្តែ​ការឡើងថ្លៃនេះទំនងជា​ដោយ​សារ​កត្តាអតិផរណានៃសេដ្ឋកិច្ច។ កត្តានេះបានធ្វើឲ្យ​ក្រុមហ៊ុនផលិតរថយន្ត​ចំណាយច្រើនជាងមុន​ក្នុងប្រតិបត្តិការអាជីវកម្ម។

មិនត្រឹមតែរថយន្តថ្មីប៉ុណ្ណោះទេដែលបានឡើងថ្លៃ នៅរយៈពេលប៉ុន្មានខែចុងក្រោយនេះ​តម្លៃរថយន្តមួយទឹកនៅសហរដ្ឋអាមេរិកភាគច្រើនក៏បានឡើងថ្លៃ ហើយថែមទាំងឡើងថ្លៃដល់កម្រិតខ្ពស់មួយមិនធ្លាប់មាន៕

ផ្ទាំងផ្សាយពាណិជ្ជកម្ម
1...589590591...1,086ទំព័រ 590 នៃ 1,086

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com