[ទីផ្សារបរទេស] ក្រុមហ៊ុន Audi បានប្រកាសចេញនូវតម្លៃនៃរថយន្ត A8 ស៊េរីឆ្នាំ២០២២ របស់ខ្លួនជាផ្លូវការ សម្រាប់ទីផ្សារសហរដ្ឋអាមេរិក ដោយដាក់ក្នុងតម្លៃចាប់ពី ៨៦ ៥០០ដុល្លារ។

ជាមួយនឹងតម្លៃដូចគ្នាទៅនឹងស៊េរីឆ្នាំ២០២១ រថយន្ត Audi A8 ឆ្នាំ២០២២ បានផ្លាស់ប្តូរការឌីហ្សាញផ្នែកខាងក្រៅតិចតួច ជាមួយនឹងប៉ាណាមុខធំជាងមុន ព្រមទាំងចង្កៀងមុខ LED ថ្មី ទៀតផង។ មិនតែប៉ុណ្ណោះ វាក៏អាប់ដេតចង្កៀងក្រោយ OLED ទៀតផង។

ចំណែកឯផ្នែកខាងក្នុង វាមានកន្លែងសាកថ្មទូរសព្ទឥតប្រើខ្សែ, ប្រព័ន្ធម៉ាស៊ីនត្រជាក់ ៤តំបន់, ប្រព័ន្ធសំឡេង Bang & Olufsen sound system, កុងទ័រឌីជីថល, អេក្រងកម្សាន្តទំហំ ១០,១អ៊ីញ និង អេក្រង់បញ្ជាមុខងារផ្សេងៗ ទំហំ ៨,៦អ៊ីញ មួយទៀតផងដែរ។

រថយន្ត Audi A8 ឆ្នាំ២០២២ ផ្តល់ជម្រើសតែ ១ម៉ូដែលប៉ុណ្ណោះ គឺ A8 L 55 ដែលប្រើម៉ាស៊ីនសាំងចំណុះ ៣,០លីត្រ turbocharged ទំហំ ៦ស៊ីឡាំង មានកម្លាំង ៣៣៥សេះ និងកម្លាំងរមួល ៥០០ញ៉ូតតុនម៉ែត្រ។

វាដំណើរការដោយប្រអប់លេខអូតូ ៨វគ្គ និងប្រព័ន្ធបើកបរប៉ុងពីរ ដែលអនុញ្ញាតឲ្យវាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៥,៦វិនាទី និងមានល្បឿនអតិបរមាដល់ ២០៩គីឡូម៉ែត្រក្នុងមួយម៉ោង៕

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Honda បានធ្វើការសម្ពោធ​ដាក់​លក់​រថយន្ត Civic ស៊េរីឆ្នាំ ២០២២ ជំនាន់​ទី ១១ ប្រភេទ C-class លើ​ទីផ្សារ​ប្រទេស​វៀតណាមជាផ្លូវការ ជាមួយជម្រើសចំនួន ៣ ម៉ូឌែលរួមមាន ម៉ូឌែល E, ម៉ូឌែល G និង RS ផងដែរ។

ចំពោះថាមពលនៃរថយន្ត Honda Civic ប្រើប្រាស់ម៉ាស៊ីនចំណុះ ១,៥ លីត្រ Turbo ទំហំ ៤ស៊ីទ្បាំង ផលិតកម្លាំង ១៧៨សេះ និងកម្លាំងរមួល ២៤០ ញ៉ូតុនម៉ែត្រ ភ្ជាប់ជាមួយនឹងប្រអប់លេខ CVT ។ បន្ថែមពីនេះរថយន្តក៏មានរបៀបបើកបរស្តង់ដារ ៣ ដូចជា ECON, Normal និង ​Sport ផងដែរ។ ដោយទ្បែកចំពោះកម្រិតនៃការប្រើប្រាស់សាំងចំនួន ៥,៨ លីត្រ សម្រាប់ការបើកបរចម្ងាយ ១០០ គីទ្បូម៉ែត្រ។

លើសពីនេះរថយន្ត Honda Civic ក៏បានបំពាក់នូវប្រព័ន្ធសុវត្ថិភាព និងជំនួយការបើកបរ Honda Sensing ដែលមាននូវមុខងារព្រមានពីការប៉ះទង្គិច និងចាប់ហ្វ្រាំងស្វ័យប្រវត្តិ, មុខងារសម្គាល់អ្នកថ្មើជើង និងអ្នកជិះកង់, មុខងារ Adaptive Cruise Control និងមុខងារជាច្រើនទៀត ហើយមានគួបផ្សំជាមួយប្រព័ន្ធ Honda LaneWatch ផងដែរ។

យ៉ាងណាមិញចំពោះតម្លៃរថយន្ត Honda Civic ស៊េរីឆ្នាំ ២០២២ មានតម្លៃរួមមាន៖

• Honda Civic E តម្លៃ ៣២,០៨០ ដុល្លារ
• Honda Civic G តម្លៃ ៣៣,៨៣៨ ដុល្លារ
• Honda Civic RS Sport ៣៨,២៣៣ ដុល្លារ ៕

ផ្ទាំងផ្សាយពាណិជ្ជកម្ម

[ទីផ្សារបរទេស] រោងចក្រ Orion Township នៅ Michigan របស់ក្រុមហ៊ុន General Motors នឹងផ្អាកដំណើរការផលិតរហូតដល់ថ្ងៃទី៤ ខែមេសា ឆ្នាំ២០២២ នៅពេលដែលក្រុមហ៊ុននឹងចាប់ផ្ដើមការផលិតរថយន្ត Chevrolet Bolt ឡើងវិញ។

ការបន្តផ្អាក​ដំណើរការនេះអាចឲ្យក្រុមហ៊ុន General Motors បន្តការផ្ដូរអាគុយជូនរថយន្ត Chevrolet Bolt ដែលបាន​ហៅចូល​ត្រឡប់មករោងចក្រវិញ ក្រោយពីរថយន្តនេះ​រងហានិភ័យក្នុងការបង្កជាអគ្គីភ័យ។

គួររំលឹកថាក្រុមហ៊ុន GM បានធ្វើការហៅចូលជាលក្ខណៈសកល​លើរថយន្ត Chevrolet Bolt ប្រមាណ ១៤ម៉ឺនគ្រឿង ដោយ​ក្នុងនោះបានហៅចូលរថយន្តម៉ូដែលឆ្នាំ២០១៧ ដល់ឆ្នាំ២០២២ ដោយ​សារ​បញ្ហាដែលកើតមាននៅខាងក្នុងអាគុយ។

ដៃគូផ្គត់ផ្គង់ LG Chem បានសន្យាថានឹងចេញថ្លៃខូចខាតដល់ក្រុមហ៊ុន GM ចំនួន ១,៩ពាន់លានដុល្លារ ដែលស្ថិតក្នុងការចំណាយ​ពាក់ព័ន្ធនឹងការហៅចូល និងការផ្លាស់ប្ដូរអាគុយថ្មីជូនម្ចាស់រថយន្ត។ ទោះយ៉ាងណាកេរ្តិ៍ឈ្មោះរបស់ GM បានរងការប៉ះពាល់យ៉ាងខ្លាំង ស្របពេលដែលក្រុមហ៊ុន​ត្រៀមខ្លួន​សម្រុកលើរថយន្តអគ្គិសនី៕

ផ្ទាំងផ្សាយពាណិជ្ជកម្ម

[ទីផ្សារបរទេស] ក្រុមហ៊ុន Mercedes-AMG បានធ្វើការបញ្ចេញនូវរថយន្ត ២ ម៉ូឌែល EQE 43 4MATIC និង EQE 53 4MATIC+ ស៊េរីឆ្នាំ ២០២២ ប្រើប្រាស់អគ្គិសនីសុទ្ធ ជាមួយនឹងការសាកថ្មម្តង អាចធ្វើដំណើរបានចម្ងាយ ៥៣៣ គីទ្បូម៉ែត្រ ។

សម្រាប់រថយន្ត EQE 43 4MATIC ប្រើប្រាស់ម៉ូទ័រអគ្គិសនី ២ ផលិតកម្លាំង ៤៦៩សេះ និងកម្លាំងរមួល ៨៥៨ ញ៉ូតុនម៉ែត្រ ដែលអាចបង្កើតល្បឿនពី ០-១០០ គីទ្បូម៉ែត្រក្នុងមួយម៉ោង ត្រឹមតែ ៤,២ វិនាទី និងល្បឿនអតិបរមា ២១០ គីឡូម៉ែត្រក្នុងមួយម៉ោង។

ខណៈពេលដែលរថយន្ត EQE 53 4MATIC+ ប្រើប្រាស់ម៉ូទ័រអគ្គិសនី ២ ផលិតកម្លាំង ៦២៦សេះ និងកម្លាំងរមួល ៩៥០ញ៉ូតុនម៉ែត្រ ដែលអាចបង្កើតល្បឿនពី ០-១០០ គីទ្បូម៉ែត្រក្នុងមួយម៉ោង ត្រឹមតែ ៣,៥ វិនាទី និងល្បឿនអតិបរមា ២២០ គីឡូម៉ែត្រក្នុងមួយម៉ោង។

បន្ថែមពីនេះវាក៏បានបំពាក់ជាមួយកញ្ចប់ AMG DYNAMIC PLUS ជាមួយនឹងប្រព័ន្ធជំរុញក្នុងរបៀប RACE START បង្កើនកម្លាំងសរុប ៦៨៧ សេះ កម្លាំងរមួល ១០០០ ញ៉ូតុនម៉ែត្រ បង្កើនល្បឿន ០-១០០ គីឡូម៉ែត្រក្នុងមួយម៉ោងត្រឹមតែ ៣,៣ វិនាទីប៉ុណ្ណោះ។

ចំពោះរថយន្តទាំង ២ ម៉ូឌែលនេះ បានបំពាក់អាគុយទំហំ ៩០,៦ គីទ្បូវ៉ាត់ ។  ម៉ូឌែល EQE 43 4MATIC មានចម្ងាយបើកបរប្រហែល ៤៦២ ឬ ៥៣៣ គីឡូម៉ែត្រ។ ដោយទ្បែកម៉ូឌែល EQE 53 4MATIC+ មានចម្ងាយបើកបរប្រហែល ៤៤៤ ឬ ៥១៨ គីឡូម៉ែត្រ ដែលអាចការសាកថ្មលឿនជាមួយនឹងកម្រិតថាមពល ១៧០ គីទ្បូវ៉ាតដែលផ្តល់ចម្ងាយបើកបរប្រហែល ១៨០ គីឡូម៉ែត្រ ត្រឹមតែ ១៥ នាទីប៉ុណ្ណោះ។

យ៉ាងណាមិញចំពោះរថយន្ត Mercedes-AMG EQE 43 4MATIC និង EQE 53 4MATIC+ ស៊េរីឆ្នាំ ២០២២ មិនទាន់មានព័ត៌មានបានបង្ហាញអំពីតម្លៃវានៅទ្បើយទេ៕

ផ្ទាំងផ្សាយពាណិជ្ជកម្ម

[ទីផ្សារបរទេស] កាលពីថ្ងៃទី ១៤កន្លងទៅនេះ ក្រុមហ៊ុន Honda ប្រចាំប្រទេសឥណ្ឌូនេស៊ីបានធ្វើការបង្ហាញចេញនូវចំនួនតួរលេខនៃការលក់សរុបប្រចាំខែមករា ឆ្នាំ២០២២ នៅលើទីផ្សារប្រទេសឥណ្ឌូនេស៊ី ដោយបានសរុប ៧ ៧២៧គ្រឿង។

ជាមួយចំនួនសរុបនេះ បានចូលរួមពីម៉ូឌែលរថយន្តរបស់ខ្លួនជាច្រើនដោយរួមមាន Honda Brio មានចំនួន ៤ ៤៨៩គ្រឿង, Honda BR-V ៣ ២៥៧គ្រឿង, Honda HR-V ១ ១៤០គ្រឿង, Honda CR-V ៥៨៧គ្រឿង, Honda City Hatchback ៤៤៦គ្រឿង, Honda Mobilio ១៨០គ្រឿង, Honda Civic ៥៤គ្រឿង, Honda Odyssey ២១គ្រឿង, Honda City Sedan ៩គ្រឿង និង Honda Accord ចំនួន ១គ្រឿង។

សម្រាប់រថយន្ត Honda BR-V ដែលជារថយន្តម៉ូឌែលថ្មី បានទទួលនូវការចាប់អារម្មណ៍ និងការលក់ចេញបានច្រើន ដោយស្ថិននៅចំណាត់ថ្នាក់លេខ ២។ ជាក់ស្តែង Honda BR-Vទាំងចំនួន ៣ ២៥៧គ្រឿងនេះ មានការចូលរួមពីប្រភេទ BR-V E Prestige ចំនួន ១ ១១៨គ្រឿង, BR-V Prestige-HS ចំនួន ១ ០៩៥គ្រឿង, BR-V E+ ៧៨១គ្រឿង, BR-V E ១៤៥គ្រឿង និងBR-V S មានចំនួន ១១៨គ្រឿង។

គួរបញ្ជាក់ផងដែរថា រថយន្ត​ Honda BR-V ដំណើរការដោយម៉ាស៊ីនសាំងចំណុះ ១,៥លីត្រ DOHC i-VTEC អាចផលិតកម្លាំងបាន ១២១សេះ និងកម្លាំងបង្វិល ១៤៥ញ៉ូតុនម៉ែត្រ ភ្ជាប់ដោយប្រអប់លេខអូតូ CVT៕

ផ្ទាំងផ្សាយពាណិជ្ជកម្ម