បែកធ្លាយរូបភាពឡាន Ford Explorer ២០២៣ សម្រាប់ទីផ្សារប្រទេសចិន

February 12, 2022

[ទីផ្សារបរទេស] កាលពីពេលថ្មីៗនេះកន្លងទៅ រូបភាពជាច្រើននៃរថយន្ត Ford Explorer ស៊េរីឆ្នាំ២០២៣ ដែលត្រូវបែកធ្លាយនៅលើប្រព័ន្ធផ្សព្វផ្សាយក្នុងប្រទេសចិន មុនពេលរថយន្តនេះបង្ហាញខ្លួនជាផ្លូវការនៅឆ្នាំនេះ។

បើក្រឡេកទៅអាចសម្គាល់បានភ្លាមៗ ដោយរថយន្តប្រភេទ Crossover របស់ចិនបំពាក់នៅប៉ាណាមុខរាងមូល និងកាងខាងមុខដែលមានរាងកោងជាងមុន ជាមួយនឹងរន្ធម៉ាស៊ីនត្រជាក់រាងស្លីម, ចង្កៀងមុខថ្មីឌីស្សាញថ្មីរាងជាអក្សរ J, ចង្កៀងក្រោយលាតសន្ធឹងទៅលើទ្វារ ហើយត្រូវបានភ្ជាប់ដោយបន្ទះក្រូម៉េថ្មី។

ចំពោះផ្នែកខាងក្នុងវិញ ដោយសារកាប៊ីនបានអាប់ឌេតថ្មីទាំងស្រុង ដោយរថយន្ត Explorer របស់ចិន បំពាក់ជាមួយកុងទ័រថ្មី និងអេក្រង់កម្សាន្តដ៏ធំ widescreen ដែលលាតសន្ធឹងដល់ផ្នែកអ្នកដំណើរ, រន្ធខ្យល់ស្លីមជាងមុន និងកុងសូលកណ្តាលត្រូវបានកែផងដែរ។

ចំពោះការរចនាថ្មីនេះ ត្រូវបានគេរំពឹងថានឹងមានតម្លៃថ្លៃជាងម៉ូដែលពិសេសរបស់សហរដ្ឋអាមេរិក ដោយអេក្រង់ដ៏ធំ widescreen ដូចទៅនឹងរថយន្តចិនថ្មីៗដូចជា Mondeo និង Evos ជាដើម។

ខណៈព័ត៌មានលម្អិតនៅមិនទាន់ដឹងនៅឡើយទេ បើយោងតាមគេហទំព័រ Sina កំពុងរាយការណ៍ថារថយន្តនេះនឹងចេញលក់នៅខែមិថុនា។ ទន្ទឹមនឹងនេះ ការចេញផ្សាយក៏បានបង្ហាញផងដែរថា រថយន្តនេះនឹងបំពាក់ជាមួយម៉ាស៊ីនចំណុះ ២,៣ លីត្រ EcoBoost ដែលផលិតកម្លាំងបាន ២៧២ សេះ និងកម្លាំងរមួល ៤២៥ ញ៉ូតុនម៉ែត្រ ភ្ជាប់ជាមួយប្រអប់លេខដៃ ១០វគ្គ អាចបង្កើនល្បឿនពី ០-១០០គីឡូម៉ែត្រ/ម៉ោង ក្នុងរយៈពេល ៧,៦ វិនាទី៕

ផ្ទាំងផ្សាយពាណិជ្ជកម្ម

BMW ចេញលក់រថយន្តអគ្គិសនី i4 M50 លើទីផ្សារប្រទេសថៃ តម្លៃជាង ១៥ម៉ឺនដុល្លារ

February 12, 2022

[ទីផ្សារបរទេស] ថ្មីៗនេះក្រុមហ៊ុន BMW បានធ្វើការបញ្ចេញនូវរថយន្ត i4 M50 ប្រើប្រាស់អគ្គិសនីសុទ្ធ សម្រាប់ទីផ្សារនៅក្នុងប្រទេសថៃ ជាមួយតម្លៃចាប់ ១៥២ ៨៩៣ ដុល្លារ។

សម្រាប់រថយន្ត BMW i4 M50 បំពាក់នូវម៉ូទ័រអគ្គិសនី ២ ផលិតកម្លាំង ៥៤៤សេះ និងកម្លាំងរមួល ៧៩៥ ញ៉ូនតុនម៉ែត្រ ដែលទទួលបានជំនួយពីអាគុយប្រភេទ អាគុយលីចូម-អ៊ីយ៉ុង ដែលមានថាមពល ៨៣,៨ គីទ្បូវ៉ាត់ ដែលសាកថ្មពេញម្តងអាចបើកបរបានចម្ងាយប្រមាណ ៥២១ គីឡូម៉ែត្រ អាចបង្កើតល្បឿនពី ០-១០០ ត្រឹមតែរយៈពេល ៣,៩ និងមានល្បឿនអតិបរមា ២២៥ គីឡូម៉ែត្រក្នុងមួយម៉ោង។

ដោយទ្បែកចំពោះការសាកថ្មអាចជួយឱ្យរថយន្តនេះសាកពីថាមពល០ ដល់ពេញប្រើពេល ៨ ម៉ោង និង ១៥ នាទីជាមួយនឹងឆ្នាំងសាក ១១ គីទ្បូវ៉ាត់ ។ ហើយប្រសិនបើប្រើឆ្នាំងសាករហ័ស DC ដែលអាចសាកពីថាមពល 0-៨០ ភាគរយប្រើពេល ៣៤ នាទី ដោយការសាក ១០ នាទីអាចបើកបរចម្ងាយរហូតដល់ ១៤០ គីឡូម៉ែត្រ៕

ផ្ទាំងផ្សាយពាណិជ្ជកម្ម

នេះហើយជាឈ្មោះឡានអគ្គិសនីដំបូងរបស់ក្រុមហ៊ុន Smart

February 12, 2022

[ទីផ្សារបរទេស] Smart #1 គឺជាឈ្មោះផលិតផលរថយន្តអគ្គិសនីដំបូងរបស់ក្រុមហ៊ុន Smart ដែលជាក្រុមហ៊ុនត្រូវបានរៀបចំរចនាសម្ព័ន្ធឡើងវិញ ដោយបច្ចុប្បន្នវាជាក្រុមហ៊ុនដែលស្ថិតក្រោមការសហការគ្នា 50-50 រវាងក្រុមហ៊ុន Mercedes-Benz និង Geely ហើយរថយន្តអគ្គិសនីនេះជាការបើកទំព័រការសហការដំបូង។

រថយន្ត Smart #1 ដែលបានបង្ហាញចេញតាមរយៈរូបភាព Teaser ទាំងនេះបានព័ទ្ធដោយការឃ្លុំបេបិទបាំងការឌីហ្សាញយ៉ាងជិត យ៉ាងណាទ្រង់ទ្រាយរបស់វាគឺស្រដៀងនឹងរថយន្ត Concept #1 ដែលធ្លាប់បានបង្ហាញចេញនាពេលកន្លងមកដែរ។

មកទល់ពេលនេះនៅមិនទាន់មានព័ត៌មានពីលក្ខណៈសម្បត្តិនៃផ្នែកថាមពលរថយន្ត Smart #1 នៅឡើយទេ ប៉ុន្តែវាមានប្រើប្រាស់គ្រោងឆ្អឹង Geely Sustainable Experience Architecture ដែលគ្រោងឆ្អឹងនេះមានសមត្ថភាពទ្រាំទ្រថាមពលរហូតដល់ ៨០០វ៉ុល និងអាចបំពាក់ម៉ូទ័រអគ្គិសនីបានចំនួនបី។

គួររំលឹកផងដែរថារថយន្តអគ្គិសនីដំបូងរបស់ Smart គ្រោងនឹងប្រកាសចេញជាផ្លូវការនៅចុងឆ្នា២០២២នេះ៕

ផ្ទាំងផ្សាយពាណិជ្ជកម្ម

ឡានអគ្គិសនី Ioniq 5 ស៊េរីឆ្នាំ២០២៣ លក់នៅអឺរ៉ុប ដំឡើងអាគុយកាន់តែធំជាងមុន

February 11, 2022

[ទីផ្សារបរទេស] ក្រុមហ៊ុន Hyundai បានប្រកាសចេញជាផ្លូវការថារថយន្ត Ioniq 5 ស៊េរីឆ្នាំ២០២៣ ដែលលក់នៅអឺរ៉ុប នឹងមានការដុសខាត់បន្ថែម ជាមួយការផ្លាស់ប្ដូរកាន់តែល្អប្រសើរជាច្រើនចំណុច។

ការផ្លាស់ប្ដូរទាំងនោះរួមមានអាគុយចំណុះធំជាងមុនដែលមានទំហំ ៧៧,៤kWh, ការបន្ថែមសមត្ថភាពផ្លាស់ប្ដូរកម្ដៅអាគុយទៅតាមធាតុអាកាសខាងក្រៅមុនការសាកអាគុយល្បឿនលឿន, ការបន្ថែមជម្រើសមុខងារ Digital Centre Mirror (កញ្ចក់មើលក្រោយប្រភេទឌីជីថល), ការបន្ថែមជម្រើសមុខងារ Digital Side Mirror (កញ្ចក់មើលឆ្វេងស្ដាំប្រភេទឌីជីថល) និងមុខងារ Smart Frequency Damplers ដែលធ្វើឲ្យការបើកបរកាន់តែមានផាសុកភាពជាងមុន។

រថយន្ត Ioniq 5 ស៊េរីឆ្នាំ២០២៣ នឹងបើកឲ្យធ្វើការកុម្ម៉ង់ទិញនៅអឺរ៉ុបចាប់ពីចុងអំឡុងត្រីមាសទីពីរនៃឆ្នាំ២០២២នេះ ដោយតម្លៃលក់នៅមិនទាន់បង្ហាញនៅឡើយទេ។

គួរដឹងថាអាគុយរបស់ Ioniq 5 ស៊េរីឆ្នាំ២០២៣ ប្រភេទ Long Range បានដំឡើងពីទំហំដើម ៧២,៦kWh ឡើងដល់ ៧៧,៤kWh ដែលកើនឡើង ៦,៦% ខណៈដែលចំណុះអាគុយសម្រាបប្រភេទ Entry នៅរក្សាទំហំ ៥៨,២kWh ដដែល៕

ផ្ទាំងផ្សាយពាណិជ្ជកម្ម

Mercedes A-Class នឹងអស់ជីវិតនៅអាមេរិកក្រោយឆ្នាំ២០២២

February 11, 2022

[ទីផ្សារបរទេស] ប្រជាប្រិយភាពរថយន្ត SUV នៅអាមេរិក បានធ្វើឲ្យរថយន្ត Sedan មួយម៉ូដែលទៀតហើយដែលនឹងត្រូវក្ស័យសង្ខារ ដែលម្ដងនេះគឺរថយន្ត Mercedes A-Class ដែលនឹងត្រូវបញ្ឈប់ការលក់ពីទីផ្សារអាមេរិកនៅដំណាច់ឆ្នាំ២០២២នេះ។ នេះបើតាមការបញ្ជាក់ច្បាស់ៗពី Mercedes ផ្ទាល់។

រថយន្ត Sedan នេះត្រូវបាន Mercedes ប្រកាសចេញកាលពីឆ្នាំ២០១៩សម្រាប់ទីផ្សារអាមេរិក ក្នុងនាមជារថយន្តម្លៃធូរសម្រាប់ម៉ាករថយន្តនេះ ដើម្បីអូសទាញអតិថិជនក្មេង។ ទោះបីជាការលក់នៅអាមេរិកត្រូវបញ្ចប់ ប៉ុន្តែរថយន្តនេះនឹងបន្តមានលក់លើទីផ្សារដទៃទៀតជាធម្មតា។

បើតាមការបញ្ជាក់របស់ Mercedes ប្រចាំនៅសហរដ្ឋអាមេរិកបានឲ្យដឹងថាការសម្រេចចិត្តដកចេញរថយន្ត A-Class ពីទីផ្សារអាមេរិកគឺជាកិច្ចខិតខំប្រឹងប្រែងលើយុទ្ធសាស្ត្រថ្មីដែលពង្រឹងលើផលិតផលរបស់ខ្លួន ហើយរថយន្ត GLA SUV នឹងចូលមកជំនួសតំណែងរថយន្ត A-Class ក្នុងនាមជារថយន្ត Entry សម្រាប់សែស្រឡាយរថយន្ត Mercedes នៅអាមេរិក។

ការចុះផ្សាយរបស់ AutoNews បានរាយការណ៍ថារថយន្ត A-Class បានលក់ដាច់ខ្លាំងនៅអំឡុងឆ្នាំដំបូងដែលលក់ចេញបានសរុប ១៧ ៦៤១គ្រឿង ប៉ុន្តែចំនួនលក់បានធ្លាក់ចុះនៅត្រឹម ៨ ១០៨គ្រឿងនៅឆ្នាំ២០២១ ដែលធ្លាក់ចុះ ៤៧% ធៀបនឹងចំនួនលក់ឆ្នាំ២០២០។

រថយន្ត A-Class បានដាក់លក់នៅអាមេរិកក្នុងតម្លៃចាប់ពី ៣៣ ៩៥០ដុល្លារ ដែលធូរថ្លៃជាង GLA (៣៦ ៤០០ដុល្លារ) និងរថយន្ត GLB (៣៨ ៦០០ដុល្លារ)៕

ផ្ទាំងផ្សាយពាណិជ្ជកម្ម

ក្រុមហ៊ុនផលិតឡានអគ្គិសនីចិន Xpeng ពង្រីកខ្លួនទៅប្រទេសស៊ុយអែត និងហូឡង់

February 11, 2022

[ទីផ្សារបរទេស] ក្រុមហ៊ុនផលិតរថយន្តអគ្គិសនីរបស់ប្រទេសចិន Xpeng បាននិយាយកាលពីថ្ងៃព្រហស្បតិ៍ថា ខ្លួនកំពុងពង្រីកបន្ថែមទៀតទៅកាន់អឺរ៉ុប ដោយផ្តោតលើទីផ្សារស៊ុយអែត និងហូឡង់។

រហូតមកដល់ពេលនេះ ទីផ្សារគោលដៅរបស់ក្រុមហ៊ុន Xpeng ដែលមានផលិតរថយន្តអគ្គិសនី P7 និង P5 ក៏ដូចជារថយន្តស្ព័រ G3 និង G9 គឺប្រទេសន័រវេស។ វាបានចាប់ផ្តើមលក់រថយន្តរបស់ខ្លួនទៅទីនោះ កាលពីចុងឆ្នាំ ២០២០ មក។

ក្រុមហ៊ុន Xpeng បាននិយាយនៅក្នុងសេចក្តីថ្លែងការណ៍មួយថា ខ្លួននឹងបើកហាងមួយនៅទីក្រុង Stockholm ប្រទេសស៊ុយអែត ក្នុងសប្តាហ៍នេះ ហើយនឹងចាប់ដៃគូជាមួយក្រុមហ៊ុនចែកចាយរថយន្តក្នុងស្រុក Bilia ផងដែរ។

ជាមួយគ្នានេះដែរ វាក៏បានឈានដល់កិច្ចព្រមព្រៀងជាមួយអង្គភាពហូឡង់ នៃក្រុមហ៊ុនចែកចាយរថយន្តស្វីស Emil Frey ដែលនឹងអភិវឌ្ឍបណ្តាញលក់ និងសេវាកម្មរបស់ខ្លួន នៅក្នុងប្រទេសហូឡង់ និងគ្រប់គ្រងហាងរបស់ខ្លួននៅទីនោះទៀតផង។ ក្រុមហ៊ុន Xpeng ក៏មានបំណងបើកហាងមួយទៀត នៅក្នុងប្រទេសហូឡង់ នៅខែក្រោយផងដែរ៕

ប្រភព ៖ CNA

ផ្ទាំងផ្សាយពាណិជ្ជកម្ម

យីហោឡាន Lincoln របស់ Ford នឹងលក់តែឡានអគ្គិសនីសុទ្ធ ត្រឹមឆ្នាំ២០២៦

February 11, 2022

[ទីផ្សារបរទេស] ក្រុមហ៊ុន Ford Motor Co កំពុងបង្កើនផែនការដើម្បីពង្រីកម៉ាកយីហោ Lincoln របស់ខ្លួននៅអាមេរិកខាងជើង ខណៈដែលវាកំពុងរៀបចំបញ្ចេញរថយន្ត SUV យីហោ Lincoln ដែលប្រើថាមពលអគ្គិសនីសុទ្ធថ្មី យ៉ាងហោចណាស់ ៥ ម៉ូដែល ត្រឹមឆ្នាំ ២០២៦។

ប្រភពដែលសុំមិនបញ្ចេញអត្តសញ្ញាណបាននិយាយថា រថយន្តអគ្គិសនីថ្មីរបស់ Lincoln នោះ នឹងជាអ្នកជំនួស ឬកែច្នៃម៉ូដែល Lincoln Corsair, Nautilus, Aviator និង Navigator។

យុទ្ធសាស្រ្តក្នុងការផលិតរថយន្តអគ្គិសនីរបស់ Lincoln គឺជាធាតុសំខាន់នៃការវិនិយោគ ៣០ ពាន់លានដុល្លាររបស់ Ford ដែលបានគ្រោងទុកនៅក្នុងរថយន្ត និងអាគុយអគ្គិសនី រហូតដល់ឆ្នាំ ២០៣០។

គួររំលឹកឲ្យដឹងដែរថា ក្រុមហ៊ុន Ford បានប្រកាសពីគំនិតផ្តួចផ្តើមវិនិយោគទុនចំនួន ៣០ ពាន់លានដុល្លារនេះ កាលពីខែឧសភា ឆ្នាំ ២០២១ កន្លងទៅនេះ។

ក្រុមហ៊ុនផលិតរថយន្តខាងលើបាននិយាយថា ខ្លួននឹងមានសមត្ថភាពក្នុងការផលិតរថយន្តអគ្គិសនីប្រចាំឆ្នាំ យ៉ាងហោចណាស់ ៦០០ ០០០ គ្រឿងនៅទូទាំងពិភពលោក ក្នុងរយៈពេល ២៤ ខែ នៅពេលដែលវាមានបំណងក្លាយជា “ក្រុមហ៊ុនផលិតរថយន្តអគ្គិសនីលេខ ២ នៅអាមេរិកខាងជើង” ដោយស្ថិតនៅពីក្រោយក្រុមហ៊ុន Tesla៕

ប្រភព ៖ CNA

ផ្ទាំងផ្សាយពាណិជ្ជកម្ម

Nissan Armada ថ្មី គ្រោងនឹងចេញលក់នៅឆ្នាំក្រោយ ជាមួយជម្រើសម៉ាស៊ីនថ្មី

February 11, 2022

[ទីផ្សារបរទេស] ប្រភពជាច្រើនពីអ្នកចែកចាយអាមេរិកបាននិយាយថា រថយន្ត Nissan Armada ប្រភេទថ្មី កំពុងស្ថិតក្នុងការអភិវឌ្ឍន៍ ហើយនឹងចេញលក់នៅចុងឆ្នាំក្រោយ។ សម្រាប់ព័ត៌មានលម្អិតអំពី Nissan Armada ថ្មី នៅមិនទាន់ដឹងនៅឡើយទេ ប៉ុន្តែគេដឹងតិចតួចអំពីម៉ូដែលនៅត្រង់ចំណុចនេះ ដោយប្រភពបាននិយាយថាម៉ាស៊ីនចំណុះ ៥,៦ លីត្រ V8 បច្ចុប្បន្ននឹងត្រូវជំនួសដោយម៉ាស៊ីន Twin-turbo V6 ថ្មី។

ការប្ដូរទៅប្រើម៉ាស៊ីន Twin-Turbo V6 ត្រូវបានគេនិយាយថា នឹងធ្វើឲ្យប្រសើរឡើងនៅប្រសិទ្ធភាព កម្រិតស៊ីប្រេង របស់ Nissan Armada ដោយត្រូវបានប៉ាន់ប្រមាណថា ជាមួយម៉ាស៊ីន V8 បច្ចុប្បន្ន ស៊ីប្រេងប្រហែល ១៦,៨ លីត្រ/១០០គីឡូម៉ែត្រ នៅលើផ្លូវទីក្រុង ១២,៤ លីត្រ/១០០គីឡូម៉ែតត្រ នៅលើផ្លូវហាយវេ និងជាមធ្យម ១៤,៧ លីត្រ/១០០លីត្រ។

ទន្ទឹមនឹងនេះ Nissan មិនមែនជាក្រុមហ៊ុនផលិតរថយន្តតែមួយគត់ដែលដកម៉ាស៊ីន V8 សម្រាប់ម៉ាស៊ីន Twin-turbo V6 នោះទេ។ ក្នុងនោះ Toyota Sequoia ស៊េរីឆ្នាំ ២០២៣ ក៏បានដកម៉ាស៊ីនចំណុះ ៥,៧ លីត្រ V8 ចាស់របស់ខ្លួនជំនួសដោយម៉ាស៊ីនចំណុះ ៣,៥ លីត្រ Twin-turbo V6 ដែលមានកម្លាំង ៤៣៧ សេះ និងកម្លាំងរមួល ៧៩០ ញ៉ូតុនម៉ែត្រ។ ជាងនេះទៅទៀត Lexus LX ស៊េរីឆ្នាំ ២០២២ ក៏បានដកម៉ាស៊ីន V8 របស់ខ្លួនជំនួសដោយ Twin-turbo V6 ដែលមានកម្លាំង ៤០៩ សេះ និងកម្លាំងរមួល ៦៤៩ ញ៉ូតុនម៉ែត្រ ៕

ផ្ទាំងផ្សាយពាណិជ្ជកម្ម

BMW X6 xDrive40i M Sport កាន់តែពិសេសជាមួយនឹងកញ្ចប់ BSl ក្នុងប្រទេសថៃ

February 11, 2022

[ទីផ្សារបរទេស] ថ្មីៗនេះក្រុមហ៊ុន BMW បានធ្វើការចេញលក់នូវរថយន្តម៉ូឌែល X6 xDrive40i M Sport ស៊េរីឆ្នាំ ២០២២ មានតម្លៃ ១៦៨ ១១៨ ដុល្លារ រួមបញ្ចូលជាមួយនឹងកញ្ចប់ BSl Standard សម្រាប់ទីផ្សារនៅក្នុងប្រទេសថៃ។

សម្រាប់រថយន្ត BMW X6 xDrive40i M Sport ត្រូវបានលក់ជំនួសឱ្យ X6 xDrive30d M Sport មានតម្លៃ ២២ ៣១៤៩ ដុល្លារ ដែលអាចភ្ជាប់មកជាមួយនឹងកញ្ចប់ M Sport ប៉ាណាខាងមុខមានភ្ជាប់ស្តង់ដាមកជាមួយភ្លើង Iconic Glow ដែលភ្លើងប៉ាណានឹងភ្លឺឡើងនៅពេលដែលទ្វាររថយន្តបើក ឬបិទ ហើយក៏អាចកំណត់ឱ្យមានសម្មភាពពេលកំពុងបើកបរផងដែរ។

ចំពោះការឌីហ្សាញផ្នែកខាងក្រៅនៃរថយន្ត BMW X6 xDrive40i M Sport បានបំពាក់នូវចង្កៀងមុខ BMW Laserlight, ដំបូលបើកខាងលើ Panoramic Sky Lounge, កញ្ចប់ខាងក្រៅ M Aerodynamics, M high-gloss Shadow Line trim, soft-close door, M Sport brakes, suspension, electric airbag, Adaptive 2 axle Air Suspension និងថាសកងស្ព័រទំហំ ២២ អ៊ីង M Double-spoke Bicolour ។

រថយន្ត BMW X6 xDrive40i M Sport ប្រើប្រាស់ម៉ាស៊ីនសាំងចំណុះ ៣,០ លីត្រ Twin-turbo ទំហំ ៦ ស៊ីឡាំង មានកម្លាំង ៣៤០ សេះ និងកម្លាំងរមួល ៤៥០ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ ៨ វគ្គ ដែលអាចបង្កើតល្បឿនពី ០-១០០ គីឡូម៉ែត្រក្នុងមួយម៉ោង ត្រឹមរយៈពេល ៥,២ វិនាទី និងល្បឿនអតិបរមា ២៥០ គីឡូម៉ែត្រក្នុងមួយម៉ោង ។

ដោយទ្បែករថយន្ត BMW X6 xDrive40i M Sport ក៏បានបំពាក់នូវប្រព័ន្ធបើកបរជំនួយរួមមាន៖ ប្រព័ន្ធកំណោត់ល្បឿនបើកបរ និងបន្ថែល្បឿនដោយស្វ័យប្រវត្តិ, ឧបករណ៍ចាប់សញ្ញាពោងទ្បានសុវត្ថិភាព និងកាមេរ៉ាមើលជុំវិញរថយន្តជាដើម៕

ផ្ទាំងផ្សាយពាណិជ្ជកម្ម

ចម្លែកមែន! Toyota ចុះប៉ាតង់ប្រើប្រអប់លេខដៃ សម្រាប់រថយន្តអគ្គិសនីខ្លួន

February 11, 2022

[បរទេស] ការប្រើប្រាស់នៅប្រអប់លេខដៃសម្រាប់រថយន្តអគ្គិសនីប្រហែលជាស្តាប់ទៅចម្លែកព្រោះរថយន្តអគ្គិសនី គឺមានកម្លាំងខុសគ្នាទាំងស្រុងពីរថយន្តដំណើរការដោយម៉ាស៊ីនចំហេះក្នុង រួមទាំងប្រព័ន្ធប្រអប់លេខ ដែលរថយន្តអគ្គិសនីប្រើដើម្បីផ្លាស់ប្តូរថាមពលម៉ូទ័រអគ្គិសនី ដោយស្វ័យប្រវត្តិទៅកង់ទាំង៤ ដោយមិនចាំបាច់ឆ្លងកាត់ប្រព័ន្ធបញ្ជូន។

ប៉ុន្តែប៉ាតង់ថ្មីចំនួន ៨ផ្សេងគ្នា ដែលចេញផ្សាយលើ Toyota bZ forums បានពិពណ៌នាអំពីការប្រើប្រាស់ប្រអប់ដៃលើរថយន្តអគ្គិសនី។ ជាមួយគ្នានេះ ឯកសារក៏រៀបរាប់អំពីសមត្ថភាពរបស់ប្រព័ន្ធក្នុងការផ្លាស់ប្តូរពីរបៀបនៃការបើកបប្រភេទ Manual Mode ទៅ EV Mode ដោយគ្មានចង្កឹះលេខផងដែរ។

នេះមិនមែនជាលើកទីមួយរបស់ Toyota ទេ ដែលប្រើប្រាស់នៅប្រអប់ដៃនៅក្នុងរថយន្តអគ្គិសនី ដោយត្រលប់ទៅ ៩ឆ្នាំមុនមានព័ត៌មានថា Toyota នឹងអភិវឌ្ឍរថយន្តអគ្គិសនីជាមួយនឹងប្រអប់ដៃ ប៉ុន្តែគម្រោងនេះមិនមានដំណើរការអ្វីឡើយ។

ចំពោះការប្រើប្រាស់ប្រអប់ដៃនៅក្នុងរថយន្តអគ្គិសនីអាចហាក់ដូចជាផ្ទុយទៅនឹងគំរូរថយន្តអគ្គិសនី ប៉ុន្តែមិនអាចបដិសេធបានទេ។ សម្រាប់អ្នកដែលចូលចិត្តការបើកបរជាមួយឈ្នាន់ ហើយប្រសិនបើ Toyota កំពុងធ្វើលើរឿងនេះមែន នោះប្រព័ន្ធទាំងនេះប្រាកដជាមាននៅក្នុងរថយន្តស្ព័រជាក់ជាមិនខាន៕

ផ្ទាំងផ្សាយពាណិជ្ជកម្ម