Honda គ្រោងនឹងផលិតឡាន SUV ថ្មី ដែលជាម៉ូដែលស្ថិតនៅចន្លោះ HR-V និង CR-V

February 14, 2022

[ទីផ្សារបរទេស] ក្រុមហ៊ុនផលិតរថយន្ត Honda គ្រោងនឹងធ្វើការផលិតនៅរថយន្ត ប្រភេទ SUV ថ្មី ដែលស្ថិតនៅចន្លោះ រថយន្ត HR-V និង CR-V ដើម្បីពង្រឹងរថយន្ត Honda ប្រភេទ SUV ឲ្យកាន់តែសម្បូរបែបនិងមានលក្ខណៈពិសេសកាន់តែច្រើន។

យោងតាមទស្សនាវដ្តីរថយន្តជប៉ុន bestcarweb.jp បានវិភាគថា HONDA SUV ស៊េរីថ្មីនឹងផ្តោតលើអតិថិជនកាន់តែច្រើនជាមួយនឹងម៉ាស៊ីនសាំងចំណុះ ១,៥ លីត្រ turbocharged ផលិតកម្លាំង ១៧៨ សេះរបស់រថយន្ត CIVIC។

ក្នុងនោះដែរ គំរូរថយន្ត SUV ថ្មី ក៏មានជម្រើសម៉ាស៊ីន e:HEV ផងដែរ ដោយម៉ាស៊ីន e:HEV ផលិតកម្លាំងបាន ១៤៥ សេះ ដែលមានការរំពឹងថានឹងខ្ចីម៉ាស៊ីននេះពីរថយន្ត ACCORD ។

ជាមួយគ្នានេះ ទីផ្សារប្រភេទ Crossover និង SUV ហាក់ដូចជាកំពុងទទួលបានការគាំទ្រយ៉ាងច្រើននាពេលបច្ចុប្បន្ន។ ខណៈ ម៉ាកយិហោរថយន្តជាច្រើនកំពុងបែងចែកម៉ូដែលតូចៗដើម្បីឲ្យមានកាន់តែមានច្រើនម៉ូដេល។ ដូចជាត្រកូល CX Series របស់ Mazda រួមទាំង Toyota ដែលផលិតរថយន្ត Corolla CROSS ខណៈពេលនេះ Honda នឹងផលិតរថយន្ត SUV ថ្មី ប៉ុន្តែគេពុំដឹងនោះឡើយថារថយន្តនេះមានឈ្មោះអ្វីនោះ ហើយនឹងមានការបង្ហាញខ្លួននាពេលណា៕

ផ្ទាំងផ្សាយពាណិជ្ជកម្ម

Aprilia SR 160 កាន់តែទំនើបដោយបំពាក់នូវកុងទ័រឌីជីថល LCD អាចភ្ជាប់ជាមួយនឹងស្មាតហ្វូន

February 14, 2022

[ទីផ្សារបរទេស] ថ្មីៗនេះក្រុមហ៊ុន Aprilia បានធ្វើការប្រកាសចេញលក់នូវម៉ូតូ SR 160 ស៊េរីឆ្នាំ ២០២២ ប្រភេទ Scooter ជាមួយនឹងរូបរាងបែបស្ព័រ, និងកាន់តែទំនើបខ្លាំងដោយបំពាក់នូវកុងទ័រឌីជីថល LCD អាចភ្ជាប់ជាមួយនឹងស្មាតហ្វូន ។

សម្រាប់ការឌីហ្សាញនៃម៉ូតូ Aprilia SR 160 ជាមួយរូបរាងថ្មីកាន់តែស្ព័រ នឹងបានបំពាក់មកជាមួយនូវចង្កៀងមុខ-ក្រោយ LED, ភ្លើងជួយបំភ្លឺពេលថ្ងៃ DRL, កុងទ័រឌីជីថល LCD ដែលអាចភ្ជាប់ជាមួយនឹងស្មាតហ្វូនតាមរយៈ Bluetooth ជាដើម។ បន្ថែមពីនេះម៉ូតូ Aprila SR 160 ក៏បានបំពាក់ស្តង់ដាកមកនូវប្រព័ន្ធហ្វាំ្រង ABS និងហ្វ្រាំងឌីសនៅខាងមុខ និងខាងក្រោយផងដែរ។

ដោយទ្បែកចំពោះថាមពលម៉ាស៊ីននៃម៉ូតូ Aprilia SR 160 ប្រើប្រាស់ម៉ាស៊ីនសាំងចំណុះ ១៦០ សេសេ ទំហំ ១ស៊ីទ្បាំង ប្រព័ន្ធស្អំប្រេង air-cooled ផលិតកម្លាំង ១១សេះ និងកម្លាំងរមួល ១១,៦ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT ជាដើម។

យ៉ាងណាមិញចំពោះម៉ូតូ Aprilia SR 160 ស៊េរីឆ្នាំ ២០២២ មានតម្លៃ ១, ៤៣៩ ដុល្លារសម្រាប់ទីផ្សារនៅក្នុងប្រទេសឥណ្ឌា៕

ផ្ទាំងផ្សាយពាណិជ្ជកម្ម

នេះគឺជាប្រទេសទាំង ១០ ដែលចំណាយប្រាក់ច្រើនបំផុត និងតិចបំផុត សម្រាប់ទិញរថយន្តអគ្គិសនី

February 14, 2022

[ទីផ្សារបរទេស] ការប្រកួតប្រជែងដើម្បីធ្វើឲ្យរថយន្តអគ្គិសនីកាន់តែមានលក្ខណៈពិសេសជាមួយនឹងមានតម្លៃសមរម្យ។ ទន្ទឹមនឹងនេះ បើយោងតាមគេហទំព័រ Confused.com បានចេញផ្សាយការរកឃើញនៃការសិក្សារបស់ខ្លួនថា ប្រទេសណាដែលចំណាយប្រាក់ច្រើនបំផុត និងតិចបំផុតសម្រាប់ក្នុងការទិញរថយន្តអគ្គិសនី។

សម្រាប់រថយន្តអគ្គិសនី ក្នុងនោះ គេហទំព័រ Confused.com បានជ្រើសរើស Tesla Model 3 ជារថយន្តជម្រើសរបស់ខ្លួន ហើយបានរកឃើញថា ម៉ាកាវ គឺជាកន្លែងដែលមានការទិញរថយន្តអគ្គិសនីតម្លៃថោកបំផុតក្នុងការទិញរថយន្តដោយមានតម្លៃចាប់ពី ៤០ ៣៨២ ដុល្លារ នឹងត្រូវបានតាមពីក្រោយដោយប្រទេសចិន រូម៉ានី ជប៉ុន និងបារាំង។ ខណៈ សហរដ្ឋអាមេរិកត្រូវបានជាប់ចំណាត់ថ្នាក់លេខ៨ មានតម្លៃ ៤៤ ៩៩០ ដុល្លារ ។ ហើយខាងក្រោមនេះជាតារាងតម្លៃរបស់រថយន្តអគ្គិសនីតាមបណ្តាលប្រទេសផ្សេងគ្នា៖

ផ្ទាំងផ្សាយពាណិជ្ជកម្ម

មិនធម្មតា! Toyota Land Cruiser 300 Series តុបតែងខ្លួនបែបនេះ កាន់តែអេម!

February 14, 2022

ថ្មីៗនេះ ក្រុមហ៊ុនកែកុនរថយន្តជប៉ុនមួយឈ្មោះថា Jaos បានបង្ហាញចេញនូវរថយន្ត Land Cruiser 300 Series ដែលតុបតែងជារថយន្ត Off-road ជួយឲ្យវាកាន់តែលេចធ្លោ និងទាក់ទាញ។

ខុសពីក្រុមហ៊ុនដទៃ គ្រឿងលេងតុបតែងរបស់ Jaos មើលទៅ ហាក់បីដូចជាគ្រឿងហ្ស៊ីនពីរោងចក្រ Toyota អីចឹង ពោលគឺវាស៊ីជាមួយនឹងការឌីហ្សាញរបស់ Land Cruiser។

ក្នុងនោះ វាបានតុបតែងទៅលើកាងការពារកាងមុខ, កាងក្របាំងភក់, របាំងការពារដៃទ្វារ, រឺហ្គែរលើដំបូលជាមួយភ្លើង LED, តែមពណ៌ខ្មៅនៅផ្នែកចំហៀង ក៏ដូចជា ប្រព័ន្ធបំពង់ស៊ីឡាំង ៤ Battlez Muffler ZS-2 ទៀតផង។

បន្ថែមពីនេះ វាក៏បានបំពាក់យ៉ាន់កង់ថ្មី ទំហំ ២០អ៊ីញ ហៅថា Jaos Tribe Cross ពណ៌ខ្មៅ Matt Gun Metallic ជាមួយនឹងសម្បកកង់ 285/55 Toyo Open Country R ផងដែរ។ ចំពោះប្រព័ន្ធបូមក៏បានអាប់ដេត ជាមួយនឹង Battlez Ti-W coil springs និងកល់ឡើងខ្ពស់ជាងមុន ៤០មីល្លីម៉ែត្រទៀតផង។

ទោះបីជាយ៉ាងណាក៏ដោយ ផ្នែកម៉ាស៊ីនមិនត្រូវបានប៉ះពាល់ឡើយ ដោយនៅតែរក្សាម៉ាស៊ីនសាំង twin-turbo ចំណុះ ៣,៥លីត្រ ទំហំ ៦ស៊ីឡាំង មានកម្លាំង ៤០៩សេះ ឬ ម៉ាស៊ីនម៉ាស៊ូត twin-turbo ចំណុះ ៣,៣លីត្រ ទំហំ ៦ស៊ីឡាំង មានកម្លាំង ៣០៤សេះដដែល៕

ប្រភព ៖ carscoops

ផ្ទាំងផ្សាយពាណិជ្ជកម្ម

Lamborghini សង្ឃឹមថា អនាគតម៉ាស៊ីនសាំង អាចនៅហួសពីឆ្នាំ២០៣០

February 14, 2022

[ទីផ្សារបរទេស] លោក Stephan Winkelmann នាយកប្រតិបត្តិនៃក្រុមហ៊ុន Lamborghini បានប្រាប់កាសែតរបស់អាល្លឺម៉ង់ថា យីហោរថយន្តទំនើប Lamborghini ដែលស្ថិតក្រោមក្រុមហ៊ុន Volkswagen កំពុងសម្លឹងមើលការរក្សារថយន្តម៉ាស៊ីនចំហេះក្នុង ឲ្យនៅរស់លើសពីឆ្នាំ២០៣០។

លោក Stephan បានប្រាប់ទៅកាន់កាសែត Welt am Sonntag ថា “ក្រៅពីរថយន្តអគ្គិសនី យើងនឹងរង់ចាំមើលថា តើវាមានឱកាសអាចផ្តល់នូវរថយន្តប្រើម៉ាស៊ីនចំហេះក្នុង ក្រោយឆ្នាំ២០៣០ ដែរឬទេ”។

ទោះបីជាយ៉ាងណាក៏ដោយ លោក Stephan បានបន្ថែមថា “លទ្ធភាពមួយអាចកើតឡើង គឺរក្សារថយន្តម៉ាស៊ីនចំហេះក្នុងឲ្យនៅរស់ តាមរយៈការប្រើប្រាស់ឥន្ធនៈសំយោគ”។

គួររំលឹកឲ្យដឹងថា លោក Stephan កាលពីខែមុនបាននិយាយថា Lamborghini គ្រោងនឹងបញ្ចេញម៉ូដែលអគ្គិសនីសុទ្ធដំបូងរបស់ខ្លួននៅចុងទស្សវត្សនេះ។

Lamborghini ក៏ដូចជាគូប្រជែងសំខាន់ៗ ដូចជា Ferrari, Aston Martin Lagonda និង McLaren កំពុងប្រជែងគ្នាពីរបៀបផ្លាស់ប្តូររថយន្តរបស់ពួកគេ ទៅជាថាមពលអគ្គិសនីសុទ្ធដោយមិនឲ្យបាត់បង់ដំណើរការ ដែលជាគុណតម្លៃនៃម៉ាករបស់ពួកគេ៕

ប្រភព ៖ CNA

ផ្ទាំងផ្សាយពាណិជ្ជកម្ម

មេរបស់ Ram Truck ទម្លាយពីចំណុចពិសេសមួយលើឡានភីកអាប់អគ្គិសនី Ram

February 13, 2022

[ទីផ្សារបរទេស] កន្លងមកក្រុមហ៊ុន Ram Truck បានធ្វើការអះអាងខ្លាំងអំពីរថយន្តភីកអាប់ 1500 ប្រភេទអគ្គិសនី ដែលនឹងប្រកាសចេញនាឆ្នាំ២០២៤ ដោយថាវានឹងមានសមត្ថភាពខ្លាំងដល់ថ្នាក់អាចវ៉ាដាច់គូប្រជែងដូចជា Ford F-150 Lightning និង Chevrolet Silverado EV ជាដើម។

នៅសប្ដាហ៍នេះដែរនាយកប្រតិបត្តិរបស់ Ram Truck បានបង្ហាញអំពីអាថ៌កំបាំងពិសេសមួយនៃរថយន្តភីកអាប់អគ្គិសនីរបស់ខ្លួន ដែលចំណុចមួយនេះអាចឲ្យវាយកឈ្នះគូប្រជែង រួមទាំងមានភាពខុសប្លែកពីគូប្រជែងថែមទៀតផង។

ពេលនិយាយជាមួយ EV Pulse លោក Mike Koval Jr. ដែលជានាយកប្រតិបត្តិក្រុមហ៊ុនបាននិយាយថារថយន្ត 1500 ប្រភេទអគ្គិសនីមិនត្រឹមតែវ៉ាដាច់គូប្រជែង ប៉ុន្តែវាអាចនឹងមានមកជាមួយនូវប្រភេទ Range-Extender ដែលមានសមត្ថភាពអស្ចារ្យ។

ប្រភេទ Range-Extender នេះហើយ ដែលអាចជាចំណុចធ្វើឲ្យវាខុសប្លែកពីគូប្រជែងដទៃទៀត ដោយសារវានឹងអាចផ្ដល់ចម្ងាយបើកបរបានឆ្ងាយខ្លាំង។ រថយន្តអគ្គិសនីដែលមាន Range-Extender នេះជាទូទៅគឺមានម៉ាស៊ីនដើរដោយប្រេងឥន្ធនៈដែលដើរតួជា Generator ក្នុងការសាកថាមពលដល់អាគុយរថយន្ត។

លោក Mike Koval Jr. មិនបាននិយាយអ្វីច្រើនឡើយអំពីប្រភេទ Range-Extender នេះ ប៉ុន្តែវាច្បាស់ជាជួយធ្វើឲ្យរថយន្តអគ្គិសនី 1500 កាន់តែបើកបរបានឆ្ងាយ។

រថយន្ត Ram 1500 ប្រភេទអគ្គិសនីរំពឹងថានឹងសាងសង់លើគ្រោងឆ្អឹងថ្មី STLA។ នេះបើតាមការប្រកាសរបស់ក្រុមហ៊ុន Stellantis កាលពីខែកក្កដាឆ្នាំ២០២១។ រថយន្តនេះទំនងជាបំពាក់អាគុយចំណុះ ១៥៩ ទៅ ២០០kWh ដែលអាចបើកបរបានចម្ងាយដល់ ៨០០គីឡូម៉ែត្រ៕

ផ្ទាំងផ្សាយពាណិជ្ជកម្ម

Nissan Patrol ឆ្នាំ២០២២ ចេញថ្មីនៅអូស្ត្រាលី អាប់ដេតតិចតួច តម្លៃចាប់ពីខ្ទង់ ៥ម៉ឺនដុល្លារ

February 12, 2022

[ទីផ្សារបរទេស] រថយន្ត Nissan Patrol ស៊េរីឆ្នាំ២០២២ បានបង្ហាញខ្លួនជាផ្លូវការ សម្រាប់ទីផ្សារប្រទេសអូស្ត្រាលី ដោយទទួលបានការអាប់ដេតតិចតួច បន្ទាប់ពីចំនួនលក់ការពីឆ្នាំមុនកើនឡើង។

រថយន្ត Nissan Patrol ឆ្នាំ២០២២ លក់នៅអូស្ត្រាលី មានចំនួន ២ ម៉ូដែល គឺ Ti និង Ti-L។ ក្នុងនោះ វាបានអាប់ដេតទៅលើប៉ាណាមុខពណ៌ខ្មៅ, ឡូហ្គូ Nissan និង រន្ធបឺតខ្យល់លើកាងមុខ។

ទោះជាយ៉ាងណា ម៉ូដែលទាំងពីរខាងលើសុទ្ធតែមានបំពាក់ម៉ាស៊ីនសាំងចំណុះ ៥,៦លីត្រ naturally aspirated ទំហំ ៨ស៊ីឡាំង មានកម្លាំង ៤០០សេះ និងកម្លាំងរមួល ៥៦០ញ៉ូតុនម៉ែត្រ ដំណើរការជាមួយប្រអប់លេខអូតូ ៧វគ្គ និង ប៉ុងពីរ។

សូមបញ្ជាក់ថា រថយន្ត Nissan Patrol Ti មានតម្លៃចាប់ពី ៥៨ ៦០០ដុល្លារ ខណៈ Nissan Patrol Ti-L មានតម្លៃចាប់ពី ៦៧ ៨៥០ដុល្លារ នៅក្នុងប្រទេសអូស្ត្រាលី៕

ប្រភព ៖ carscoops

ផ្ទាំងផ្សាយពាណិជ្ជកម្ម

Ford ចាប់ផ្តើមដឹកឡានអគ្គិសនី E-Transit ឆ្នាំ២០២២ ឲ្យអតិថិជនហើយ!

February 12, 2022

[ទីផ្សារបរទេស] រថយន្តអគ្គិសនី កំពុងតែទទួលបានការចាប់អារម្មណ៍កាន់តែខ្លាំងឡើងៗ នៅទូទាំងពិភពលោក ហើយ Ford E-Transit គឺជារថយន្តអគ្គិសនីចុងក្រោយគេបង្អស់មួយ ដែលបានចាកចេញពីរោងចក្រ។

ផលិតនៅក្នុងទីក្រុង Claycomo រដ្ឋ Missouri សហរដ្ឋអាមេរិក រថយន្តវ៉ែនអគ្គិសនីខាងលើ កំពុងតែធ្វើដំណើរទៅរកម្ចាស់របស់វា នៅទូទាំងប្រទេសហើយ។

ទោះបីជាយ៉ាងណាក៏ដោយ ដំណឹងនេះបានលេចឡើងរយៈពេលតែប៉ុន្មានថ្ងៃប៉ុណ្ណោះ ក្រោយពេលមានរបាយការណ៍អះអាងថា Ford បានផ្អាក ឬកាត់បន្ថយដំណើរការផលិតនៅរោងចក្រមួយចំនួន ដោយសារតែកង្វះបន្ទះឈីប។ ការផ្អាកដំណើរការនោះ ក៏រួមមានទាំងរោងចក្រដែលដំឡើងរថយន្ត Bronco, Explorer និង Mustang Mach-E ផងដែរ។

យ៉ាងណាក៏ដោយ ក្តីបារម្ភខាងលើនោះមិនធ្វើឲ្យប៉ះពាល់ដល់ផលិតកម្មនៃរថយន្ត E-Transit ឡើយ។ គួរឲ្យដឹងដែរថា រថយន្ត Ford Transit ដែលប្រើប្រាស់ម៉ាស៊ីនចំហេះក្នុង (ប្រើឥន្ធនៈ) បានជាប់ឈ្មោះជារថយន្តវ៉ែនលក់ដាច់បំផុតនៅក្នុងឆ្នាំ២០២១ ទៀតផង៕

ប្រភព ៖ carscoops

ផ្ទាំងផ្សាយពាណិជ្ជកម្ម

Land Rover Defender P400e ប្រភេទ Plug-in hybrid តម្លៃខ្ទង់ ២១ ម៉ឺនដុល្លារ សម្រាប់ទីផ្សារក្នុងប្រទេសថៃ

February 12, 2022

[ទីផ្សារបរទេស] ក្រុមហ៊ុន Land Rover បានធ្វើការបញ្ចេញនូវរថយន្តម៉ូឌែល Defender P400e AWD SE ស៊េរីឆ្នាំ ២០២២ ប្រភេទម៉ាស៊ីន Plug-in hybrid សម្រាប់ទីផ្សារក្នុងប្រទេសថៃ ជាមួយតម្លៃចាប់ពី ២១៣ ៩៤៥ ដុល្លារ។

ចំពោះថាមពលនៃរថយន្ត Land Rover Defender P400e បានបំពាក់នូវម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង ជាមួយនឹងថាមពលអាគុយ ១៩,២គីឡូវ៉ាត់ម៉ោង និងម៉ូទ័រអគ្គិសនី ១០៥គីឡូវ៉ាត់ ផលិតកម្លាំងបា ៤០៤ សេះ និងកម្លាំងរមួល ៦៤០ញ៉ូតុនម៉ែត្រ និងប្រើប្រាស់ប្រអប់លេខអូតូ ៨ វគ្គ។ បន្ដែមពីនេះសម្រាប់ការបើកបរប្រើអគ្គិសនីសុទ្ធបានចម្ងាយ ៤៣គីឡូម៉ែត្រ និងអាចបង្កើនល្បឿនពី ០-១០០គីឡូម៉ែត្រ ប្រើរយៈពេល ៥,៤ វិនាទីប៉ុណ្ណោះ។

ខណៈពេលដែលម៉ូឌែលនេះអាចសាកថ្មពី ០-៨០% ក្នុងរយៈពេលប្រហែល ៣០ នាទីនៅពេលប្រើឆ្នាំងសាករហ័ស DC ដែលមានកម្លាំង ៥០គីឡូវ៉ាត់ ។

ដោយទ្បែកចំពោះការឌីហ្សាញនៃរថយន្ត Land Rover Defender P400e បានបំពាក់នូវថាសកងស្ព័រទំហំ ២០ អ៊ីញ, ប្រព័ន្ធប៊ូបខ្យល់ដែលអាចលៃតម្រូវបានតាមប្រព័ន្ធអគ្គិសនី, ម៉ាស៊ីនត្រជាក់អូតូ ៣ តំបន់, Land Rover Remote ភ្ជាប់ជាមួយនឹងស្មាតហ្វូនសម្រាប់ពិនិត្យស្ថានភាពសាកថ្ម និងចម្ងាយបើកបរ៕

ផ្ទាំងផ្សាយពាណិជ្ជកម្ម

Aston Martin DB11, DBS និង Vantage ត្រៀមទទួលបានការអភិវឌ្ឍថ្មី នៅឆ្នាំ ២០២៣

February 12, 2022

[ទីផ្សារបរទេស] កាលពីឆ្នាំមុន ក្រុមហ៊ុន Aston Martin បានប្រាប់អ្នកវិនិយោគនៅការចាត់ថ្នាក់នៃម៉ូដែលថ្មី និងការរចនា ដោយពេលនោះ ក្រុមហ៊ុនបាននិយាយថា រថយន្តជាង ១០គ្រឿងនឹងត្រូវបានដាក់ឲ្យដំណើរការជាមួយនឹងបច្ចេកវិទ្យា Mercedes នៅឆ្នាំ ២០២៣ និងម៉ាស៊ីនរបស់ពួកគេនឹងទទួលបានកែប្រែថ្មី។

ដោយកំពុងស្វែងយល់បន្ថែមអំពីរឿងនេះ ខណៈដែលប្រធានក្រុមហ៊ុន Aston Martin លោក Lawrence Stroll បានប្រាប់គេហទំព័រ Autocar ថារថយន្ត DB11, DBS និង Vantage នឹងត្រូវបានអាប់ឌេតយ៉ាងខ្លាំង ដែលពួកគេនឹងដូចជា “រថយន្តថ្មីទាំងអស់”។

ក្នុងចំណោមការអាប់ឌេតនឹងមានអេក្រង់កំសាន្ត all-new touchscreen, ប្រព័ន្ធ MBUX របស់ Mercedes ប៉ុន្តែលោក Stroll បានកត់សម្គាល់ថាពួកគេនឹងមិនដូចគ្នាទាំងស្រុងទេ ព្រោះប្រព័ន្ធរបស់ Aston Martin នឹងមានរូបរាងពិសេសរបស់ខ្លួន និង “ការបញ្ចេញសំឡេងភាសាអង់គ្លេសត្រឹមត្រូវ”។

ខណៈពេលដែលលោក Stroll ត្រូវបានគេនិយាយយ៉ាងម៉ឹងម៉ាត់លើការអាប់ឌេតក្នុងការបើកបរ គាត់បានបញ្ជាក់ថាម៉ាស៊ីនចំណុះ ៥,២ លីត្រ V12 របស់ DBS នឹងបន្តផ្តល់ជូន ដោយអាចផលិតកម្លាំងបាន ៧១៥ សេះ និងកម្លាំងរមួល ៩០០ ញ៉ូតុនម៉ែត្រ អាចបង្កើនល្បឿនពី ០-១០០ គីឡូម៉ែត្រ/ម៉ោង ក្នុងរយៈពេល ៣,៤ វិនាទី និងល្បឿនអតិបរមា ៣៤០ គីឡូម៉ែត្រក្នុងមួយម៉ោង។

ចំពោះម៉ាស៊ីនចំណុះ ៤,០ លីត្រ Twin-turbo V8 នៅតែប្រើប្រាស់ដដែល ដោយបច្ចុប្បន្នអាចផលិតកម្លាំងបាន ៥០៣ សេះ និងកម្លាំងរមួល ៦៨៥ ញ៉ូតុនម៉ែត្រ នៅក្នុង Vantage ។ ទោះជាយ៉ាងណាក៏ដោយ តួលេខនោះត្រូវបានបង្កើនដល់ ៥២៧ សេះ នៅក្នុង Vantage F1 Edition ហើយ Mercedes បានបញ្ជាក់យ៉ាងច្បាស់ថាម៉ាស៊ីនមានថាមពលច្រើនដើម្បីផ្តល់ឲ្យ៕

ផ្ទាំងផ្សាយពាណិជ្ជកម្ម