[ទីផ្សារបរទេស] ថ្មីៗនេះក្រុមហ៊ុន Yamaha បានធ្វើការប្រកាសថាខ្លួនត្រៀមនឹងបញ្ចេញនូវម៉ូតូចំនួន ៤ម៉ូឌែល សម្រាប់ទីផ្សារក្នុងប្រទេសថៃ ក្នុងឆ្នាំ ២០២២នេះ នេះយោងតាមប្រភព greatbiker ។ សម្រាប់ម៉ូតូ Yamaha ទាំង ៤ ម៉ូឌែល នឹងត្រៀមដាក់លក់សម្រាប់ទីផ្សារក្នុងប្រទេសថៃ មានដូចជា៖

១. Yamaha YZF-R15
សម្រាប់ម៉ូតូនេះប្រើប្រាស់ម៉ាស៊ីនទំហំ ១ស៊ីទ្បាំង ចំណុះ ១៥៥សេសេ ផលិតកម្លាំង ១៨,៦ សេះ និងកម្លាំងរមួល ១៤,១ ភ្ជាប់ជាមួយនឹងប្រអប់លេខ ៦វគ្គ។ ព្រមទាំងក៏បានបំពាក់នូវប្រព័ន្ធ ABS ផងដែរ។

២. Yamaha YZF-R15M
សម្រាប់ម៉ូតូនេះប្រើប្រាស់ម៉ាស៊ីនទំហំ ១ស៊ីទ្បាំ ចំណុះ ១៥៥សេសេ ប្រព័ន្ធស្អំប្រេង Liquid-cooled ផលិតកម្លាំង ១៨,៤សេះ និងកម្លាំងរមួល ១៤,២ញ៉ូតុនម៉ែត្រ ភ្ជាប់ជាមួយនឹងប្រអប់លេខ ៦វគ្គ។

៣. Yamaha Fazzio 125 Hybrid
សម្រាប់ម៉ូតូនេះប្រើប្រាស់ម៉ាស៊ីន Bluecore ចំណុះ ១២៥សេសេ ផលិតកម្លាំង ៨,៣សេះ និងកម្លាំងរមួល ១០,៦ញ៉ូតុនម៉ែត្រ ដំណើរការជាមួយនឹងប្រព័ន្ធ Electric Power Assist Start ដើម្បីធ្វើឱ្យការបង្កើនល្បឿនអំឡុងពេលចាប់ផ្តើមមានភាពល្អប្រសើរ និងរលូនជាងមុន។

៤. Yamaha XMAX
សម្រាប់ម៉ូតូនេះប្រើប្រាស់ម៉ាស៊ីនទំហំ ១ស៊ីទ្បាំង ចំណុះ ២៩២សេសេ ប្រព័ន្ធស្អំប្រេង Liquid-cooled ផលិតកម្លាំង ២៧សេះ និងកម្លាំងរមួល ២៩ ញ៉ូតុនម៉ែត្រ ភ្ជាប់ជាមួយនឹងប្រអប់លេខអូតូ CVT ។

យ៉ាងណាមិញចំពោះក្រុមហ៊ុន Yamaha មិនទាន់មានព័ត៌មានលម្អិតបានបង្ហាញអំពីកាលបរិច្ឆេទនៅទ្បើយទេ៕

ផ្ទាំងផ្សាយពាណិជ្ជកម្ម

[ទីផ្សាបរទេស] ក្រុមហ៊ុន SYM បានធ្វើការបញ្ចេញនូវម៉ូតូ 4MICA ស៊េរីឆ្នាំ ២០២២ ប្រភេទ Scooter ត្រូវបានប្រកាសចេញលក់ជាផ្លូវការសម្រាប់ទីផ្សារនៅ​តៃវ៉ាន់ជាមួយការអាប់ដេតរូបរាងថ្មីកាន់ទំនើប។

សម្រាប់ការឌីហ្សាញនៃម៉ូតូ SYM 4MICA ត្រូវបានឌីស្សាញជាមួយរូបរាងថ្មីកាន់តែទំនើប នឹងបានបំពាក់មកជាមួយនូវចង្កៀងប្រភេទ LED ភ្លើងជួយបំភ្លឺពេលថ្ងៃ, និងកុងទ័រឌីជីថលប្រភេទ LCD, កៅអីត្រូវបានបែងចែកជាពីរផ្នែក,កន្លែងអង្គុយខាងក្រោយអាចបើកឡើងដើម្បីដាក់អីវ៉ាន់ និងអាចជា backrest ជាដើម។

បន្ថែមពីនេះវាក៏បានបានបំពាក់ស្តង់ដាកមកនូវប្រព័ន្ធហ្វាំ្រង ABS និងហ្វ្រាំងឌីសនៅខាងមុខ និងខាងក្រោយផងដែរ។

ចំពោះថាមពលម៉ាស៊ីននៃម៉ូតូ SYM 4MICA បានប្រើប្រាស់ម៉ាស៊ីនសាំងចំណុះ ១៥០ សេសេ ទំហំ ១ស៊ីទ្បាំង ផលិតកម្លាំង ៩,៦ សេះ។ ដោយទ្បែកចំពោះកម្រិតនៃការប្រើប្រាស់សាំងក្នុង ១ លីត្រ អាចជិះបានចម្ងាយ ៥០ គីទ្បូម៉ែត្រ។ យ៉ាងណាមិញចំពោះម៉ូតូ SYM 4MICA ស៊េរីឆ្នាំ ២០២២ មិនទាន់មានប្រភពព័ត៌មានច្បាស់ការណាបានបង្ហាញអំពីតម្លៃម៉ូតូនេះនៅទ្បើយទេ៕

ផ្ទាំងផ្សាយពាណិជ្ជកម្ម

[ទីផ្សារបរទេស] ដោយសារការរួមបញ្ចូលគ្នានៃតម្រូវការខ្ពស់ និងស្តុកទាប រថយន្តដែលប្រើរួចមួយចំនួនមានតម្លៃច្រើនជាងថ្មីនាពេលបច្ចុប្បន្ននេះ។ ខណៈដែលការសិក្សាថ្មីមួយពី iSeeCars បានរកឃើញថារថយន្តមួយទឹក និងរថយន្ត SUV ជាមធ្យមចាប់ពីឆ្នាំ ២០២០ ឬ ២០២១ គឺមានតម្លៃថ្លៃជាង ១,៣% ធៀបនឹងម៉ាកថ្មីរបស់រថយន្ត។

ក្នុងនោះ ការសិក្សាបានពិនិត្យមើលរថយន្តថ្មី និងមួយទឹកជាង ១,៥ លានគ្រឿងដែលបានលក់កាលពីខែមុន ហើយបានរកឃើញថា Mercedes G-Classes មួយទឹកដែលមានតម្លៃ ៣៥,៦% ឬ ៦២ ៧០៥ ដុល្លារច្រើនជាងរថយន្តថ្មី។

សម្រាប់រថយន្ត Chevrolet Corvette ដ៏ពេញនិយមដែលមិនធ្លាប់មាន ដែលមានតម្លៃ ២០,២% ជាធម្មតាពួកគេលក់ក្នុងតម្លៃ ១៦ ៦៤៥ ច្រើនជាងម៉ូដែលថ្មី ដោយសារតម្រូវការដ៏ធំ និងការផ្គត់ផ្គង់មានកំណត់។ ខណៈ Ford Bronco Sport និង Chevrolet Trailblazer មានតម្លៃ ១៦.៤% ឬ ៥ ៧៦៦ ដុល្លារ ច្រើនជាងរថយន្តថ្មី។

ជាមួយគ្នានេះដែរ សម្រាប់រថយន្តប្រភេទ SUV រថយន្ត Ford Mustang Convertible បានឈរនៅលើកំពូលតារាងក្នុងន័យនេះ ដោយសារប្រភេទរថយន្តមួយទឹកមានតម្លៃ ១៩,៤% ឬ ៩ ៥១៩ ដុល្លារតិចជាងរថយន្តថ្មី។ តាម​ពីក្រោយ​គឺ BMW 7-Series ព្រោះ​រថយន្ត​ស៊េរី​ទំនើប​មួយទឹក​មាន​តម្លៃ ១៨,៧% តិច​ជាង​ស៊េរី​ថ្មី​របស់​ពួកគេ។ លើសពីនេះ Acura MDX ត្រូវបានគេរចនាឡើងវិញនាពេលថ្មីៗនេះ ដូច្នេះរថយន្តមួយទឹកនៃប្រភេទ Crossover ចាស់បានឃើញតម្លៃរបស់ពួកគេធ្លាក់ចុះយ៉ាងខ្លាំង៕

ផ្ទាំងផ្សាយពាណិជ្ជកម្ម

[ទីផ្សារបរទេស] រថយន្ត Hybrid សរុបជាង ១,៩លានគ្រឿង ត្រូវបានចុះបញ្ជីនៅទីផ្សារអឺរ៉ុបកាលពីឆ្នាំ២០២០កន្លងទៅ ដែលបានកើនឡើងពី ១,១លានគ្រឿង កាលពីឆ្នាំ២០២០។

លទ្ធផលលក់នេះបានធ្វើឲ្យ Hybrid លក់ដាច់បានច្រើនជាងរថយន្តម៉ាស៊ូតជាលើកដំបូង​នៅអឺរ៉ុប ដោយតួលេខដែលខុសគ្នាគឺមានត្រឹម ៤៨គ្រឿងប៉ុណ្ណោះ។ ក្នុងនោះ Hybrid លក់បាន ១ ៩០១ ២៣៩គ្រឿង ខណៈដែលរថយន្តម៉ាស៊ូតលក់បាន ១ ៩០១ ១៩១គ្រឿង។

គួរកត់សម្គាល់ផងដែរចំនួនរថយន្តម៉ាស៊ូតដែលបានចុះបញ្ជីបានបន្តធ្លាក់ចុះចាប់តាំងពីការផ្ទុះរឿងអាស្រូវ Dieselgate កាលពីឆ្នាំ២០១៥ ដោយ​កាលពី​ឆ្នាំ២០២០ មានរថយន្តម៉ាស៊ូតចំនួន ២,៧៧លានគ្រឿង បានលក់ចេញលើទីផ្សារ។

ទន្ទឹមនឹងរឿងអាស្រូវរបស់រថយន្តម៉ាស៊ូត ការគាំទ្ររបស់រដ្ឋាភិបាលចំពោះរថយន្តជួយដល់បរិស្ថានបានក្លាយជាចំណែកធ្វើឲ្យរថយន្ត Hybrid ក៏ដូចជារថយន្តអគ្គិសនីសុទ្ធ កាន់តែទទួលបានការគាំទ្រខ្លាំង។

គួរដឹងថាឆ្នាំ២០២១កន្លងទៅ ការលក់រថយន្តអគ្គិសនីសុទ្ធបានកើនឡើង ៦៣,១% នៅអឺរ៉ុប ដោយលក់បានសរុបជិត ៨៧៨ ៥០០គ្រឿង ចំណែករថយន្ត PHEV លក់បានជិត ៨៦៧ ១០០គ្រឿង កើនឡើង ៧០,៧%៕

ផ្ទាំងផ្សាយពាណិជ្ជកម្ម

[ទីផ្សារបរទេស] ថ្មីៗនេះក្រុមហ៊ុន Yamaha បានធ្វើការបញ្ចេញនូវម៉ូតូ E01 និង E02 ប្រភេទ Scooter ស៊េរីឆ្នាំ ២០២២ ប្រើប្រាស់អគ្គិសនីសុទ្ធ ដែល​ត្រូវ​បាន​គេ​ដាក់​តាំង​បង្ហាញ​ជា​ម៉ូតូគំរូ​​នៅឯពិរពណ៍ Tokyo Motor Show កាលពី​​ឆ្នាំ ២០១៩ កន្លងមកនេះ។

សម្រាប់ម៉ូតូ Yamaha E01 និង E02 គឺជាម៉ូតូគំរូ ដែលបានទទួលការចាប់អារម្មណ៍យ៉ាងខ្លាំងដោយសារតែវាស្រដៀង​នឹង​ម៉ូតូ Yamaha NMAX ។ បន្ថែមពីនេះ ម៉ូតូ Yamah E01 និង E02 នឹងត្រូវបានផលិតលក់សម្រាប់ទីផ្សារអ៊ឺរ៉ុប និងអាស៊ីក្នុងឆ្នាំ ២០២២ ដែលជារឿងគួរឱ្យចាប់អារម្មណ៍ខ្លាំងបំផុត។

ចំពោះការឌីហ្សាញនៃម៉ូតូអគ្គិសនី Yamaha E01 និង E02 វាបំពាក់នូវចង្កៀងមុខ-ក្រោយ​ LED និង កុងទ័រឌីជីថលជាដើម។

ដោយទ្បែកចំពោះម៉ូតូអគ្គិសនី Yamaha E01 និង E02 មិនទាន់បង្ហាញអំពីកម្លាំងថាមពលអគ្គិសនីនៅទ្បើយទេ។ ប៉ុន្តែវាត្រូវបានគេរំពឹងថា E01 នឹងបំពាក់នូវម៉ូទ័រអគ្គិសនី ១១ គីទ្បូវ៉ាត់ ដែលអាចបង្កើនល្បឿនកំពូល ៩០គីទ្បូម៉ែត្រក្នុង ១ ម៉ោង។ ខណៈពេលដែល E02 បំពាក់នូវម៉ូទ័រអគ្គិសនី ៤ គីទ្បូវ៉ាត់។

យ៉ាងណាមិញចំពោះម៉ូតូ Yamaha E01 និង E02 មិនទាន់មានព័ត៌មានណាបញ្ជាក់អំពីតម្លៃរបស់វានៅទ្បើយទេ៕

ផ្ទាំងផ្សាយពាណិជ្ជកម្ម