ចំនួនរថយន្តថ្មីដែលបានចុះបញ្ជីនៅទូទាំងទីផ្សារអឺរ៉ុបកាលពីខែកក្កដា មានការធ្លាក់ចុះខ្លាំងគួរឲ្យកត់សម្គាល់ ប៉ុន្តែការលក់រថយន្តអគ្គិសនី និងរថយន្តប្រភេទ Plug-in Hybrid នៅតែបន្តមានការកើនឡើង។

ទិន្នន័យពី JATO Dynamics បង្ហាញថាមានរថយន្តថ្មីចំនួន ៩៦៧ ៨៣០គ្រឿងបានចុះបញ្ជីនៅទូទាំងទីផ្សារទាំង២៦នៅអឺរ៉ុប កាលពីខែកក្កដា។ ចំនួននេះគឺធ្លាក់ចុះ ២៤% ធៀបនឹងចំនួនកាលពីខែកក្កដាឆ្នាំ២០២០ ប៉ុន្តែចំនួនរថយន្តថ្មីចុះបញ្ជីរយៈពេល៧ខែដំបូងនៃឆ្នាំ២០២១នៅតែមានចំនួនវិជ្ជមាន ដែលមានច្រើនជាងឆ្នាំមុន ១៧%។

កាលពីខែកក្កដាចំនួនលក់រថយន្តម៉ាស៊ីនពីស្តុងមានចំនួន ៥៩% នៃចំនួនលក់សរុបដែលបន្តធ្លាកចុះធៀបនឹងចំនួនលក់ ៥៩,៨% កាលពីខែកក្កដាឆ្នាំមុន ខណៈដែលរថយន្តអគ្គិសនីថ្មីបានកើនឡើងចំនួន ៤៩ ០០០គ្រឿង រវាងខែកក្កដាឆ្នាំ២០២០ និងកក្កដា២០២១ និងកើនឡើង ១២៥ ០០០គ្រឿង បើធៀបនឹងខែកក្កដាឆ្នាំ២០១៩។

រថយន្តដែលលក់ដាច់ជាងគេនៅអឺរ៉ុបប្រចាំខែកក្កដាគឺរថយន្ត Dacia Sandero ដែលលក់បាន ២០ ៤៤៦គ្រឿង ខណៈរថយន្ត Plug-in Hybrid លក់ដាច់ជាងគេគឺរថយន្ត Ford Kuga អាចលក់បាន ៤២៤៧គ្រឿង និងរថយន្ត VW ID.3 ជារថយន្តអគ្គិសនីលក់ដាច់ជាងគេអាចលក់បាន ៥៤៣៣គ្រឿង៕

ផ្ទាំងផ្សាយពាណិជ្ជកម្ម

កាលពីដើមខែមេសាក្រុមហ៊ុននាំចូលរថយន្តឯកជនឥណ្ឌូនេស៊ីឈ្មោះ Prestige Image Motorcars បានប្រកាសថាខ្លួននឹងនាំយកយន្តហោះ EHang 216 ដែលជាយន្តហោះគ្មានអ្នកបើកដែលបង្កើតឡើងដោយក្រុមហ៊ុន Guangzhou EHang Intelligent Technology Co ដែលមានសមត្ថភាពអាចជាតាក់ស៊ីហោះបាន។

កាលពីពេលថ្មីៗនេះ ក្រុមហ៊ុន Prestige Image Motorcars បានបង្ហាញថាគ្រឿងដំបូងនៃ EHang 216 បានមានវត្តមាននៅប្រទេសឥណ្ឌូនេស៊ី ដោយរង់ចាំការធ្វើតេស្តហោះហើរសាកល្បងនៅកោះបាលីនាខែតុលានេះ បន្ទាប់ពីទទួលបានការអនុញ្ញាតពីរដ្ឋាភិបាល។

យន្តហោះ ឬហៅថាយន្តហោះដ្រូនដឹកអ្នកដំណើរ EHang 216 ត្រូវបានដំណើរការដោយអគ្គិសនីសុទ្ធ និងគ្មានអ្នកបើកបរ។ វាបំពាក់ជាមួយកៅអីចំនួនពីរ និងមានទម្ងន់សរុប ៣៦០គីឡូក្រាម ព្រមទាំងអាចផ្ទុកទម្ងន់បាន ២២០គីឡូក្រាម។ សម្រាប់រូបរាងនៃដ្រូននេះវាមានស្លាប ឬដៃចំនួន ៨ ភ្ជាប់ដោយម៉ូទ័រអគ្គិសនីចំនួន​២ ដែលអាចហោះបានចម្ងាយ ៣៥គីឡូម៉ែត្រពេលសាកភ្លើងម្តង និងអាចហោះដល់ល្បឿនអតិបរមា ១៦០គ.ម/ម៉៕

ផ្ទាំងផ្សាយពាណិជ្ជកម្ម

[ទីផ្សាររថយន្តក្នុងស្រុក] កាលពីខែកក្កដា ឆ្នាំ២០២១ កន្លងទៅមានក្រុមហ៊ុនលក់រថយន្ត Heng Huy Autocars បាននាំយកនូវរថយន្ត Ford Bronco Sport ២០២១ គ្រឿងដំបូងគេមកលក់នៅកម្ពុជា ប៉ុន្តែថ្មីៗនេះ ក៏មានក្រុមហ៊ុនលក់រថយន្ត Depo Alphard បានធ្វើការនាំចូលរថយន្តនេះ ២គ្រឿង ពណ៌លឿងដែលអាចនិយាយបានថាជាពណ៌អត្តសញ្ញាណរបស់ម៉ូដែលនេះផងដែរ។

យោងតាមរយៈពណ៌ និងរូបរាងដែលបានបង្ហោះនោះ អាចទំនងជាប្រភេទ Badlands ដែលមានលក្ខណៈពិសេសៗដូចខាងក្រោម៖

• រថយន្តនេះដំណើរការដោយម៉ាស៊ីនសាំង ២,០ លីត្រ Ecoboost ថាមពលកម្លាំង ២៥០សេះ កម្លាំងរមួល ២៧៧ lb.-ft ប្រើប្រាស់ប៉ុង ២ ប្រអប់លេខអូតូ ៨វគ្គ
• ប្រព័ន្ធកំណត់ការបើកបរ Terrain Management System ដែលអាចកំណត់បាន ៧ស្ថានភាពផ្លូវ៖ Sand, Slippery, Sport, Eco, Normal, Mud/Ruts និង Rock Crawl។

• មុខងារសុវត្ថិភាព Ford Co-Pilot360™ដែលមាន ៥ប្រព័ន្ធការពារ៖
  • Pre-Collision Assist with Automatic Emergency Braking
  • BLIS (Blind Spot Information System) with Cross-Traffic Alert
  • Lane-Keeping System
  • Auto High-Beam Headlamps
  • Rear View Camera
• 8-way Power Driver Leather-Trimmed Seat
• 6-way Power Passenger Leather-Trimmed Seat
• កញ្ចក់មើលក្រោយ កាត់បន្ថយចំណាំងផ្លាតពីភ្លើងរថយន្តខាងក្រោយ Auto-Dimming Rearview Mirror
• ប្រព័ន្ធកំសាន្ត និងឧបករណ៌បំពងសម្លេង ១០ចំណុច បូករួមទាំង Subwoofer
• Dual-zone Electronic Automatic Temperature Control
• HD Radio
• Power Moonroof
• ប្រព័ន្ធបញ្ឆេះរថយន្តពីចម្ងាយ Remote Start System
• សេនស័រជំនួយដល់ការចេញពីចំណត Reverse Sensing System
• Steering Wheel – Heated and Leather-Wrapped
• Wireless Charging Pad
• Body Color Door Handles
• 4-way Manually Adjustable Head Restraint for Driver and Front Passenger
• មុខងារហ្វា-កូដ ស្វ័យប្រវត្តិ Auto High-Beam Headlamps
• ថាសកង់ស្ព័រ ១៨អុីញ
• កាំមេរ៉ាមុខលក្ខណៈ ១៨០ដឺក្រេ និងលាងសម្អាតកាំមេរ៉ាផងដែរ Front 180-Degree Camera with Split View and Washer
• និងមុខងារសំខាន់ៗផ្សេងៗទៀតជាច្រើន។

ទោះជាយ៉ាងនេះក្តី យើងក៏មិនទាន់ដឹងថារថយន្តនោះមានលក្ខណៈពិសេសអ្វីមកជាមួយ និងតម្លៃប៉ុន្មានដែរ ប៉ុន្តែសម្រាប់ព័ត៌មានបន្ថែម សូមទាក់ទងក្រុមហ៊ុននាំចូលនោះ តាមរយៈលេខ 017 736 555 / 086 736 555 ឬ Facebook: Depo Alphard

ផ្ទាំងផ្សាយពាណិជ្ជកម្ម