ក្រុមហ៊ុនផលិតរថយន្តធំៗ បាននាំគ្នាប្រកាសថ្ងៃខែឆ្នាំ ដែលពួកគេនឹងផ្លាស់ទៅផលិតតែរថយន្តប្រើថាមពលអគ្គិសនីសុទ្ធ ដោយក្នុងនោះ ឆ្នាំ២០៣០ ហាក់បីដូចជាឆ្នាំមួយដែលគ្រប់គ្នាបានជ្រើសរើស ដើម្បីសម្លាប់រថយន្តម៉ាស៊ីនចំហេះក្នុងអីចឹង។
គួរឲ្យដឹងថា កាលពីខែមេសាកន្លងទៅ ក្រុមហ៊ុន Cadillac បានប្រកាសថាវានឹងផលិតតែរថយន្តអគ្គិសនីសុទ្ធប៉ុណ្ណោះ ចាប់ពីឆ្នាំ២០៣០ ទៅខណៈ Bentley ក៏ដូចគ្នាដែរ ប៉ុន្តែ Jaguar ឯណេះវិញបានសម្រេចជ្រើសរើសត្រឹមឆ្នាំ២០២៥ ប៉ុណ្ណោះ។
ឥឡូវនេះក្រុមហ៊ុនផលិតរថយន្តចុងក្រោយគេបង្អស់ ដែលសម្រេចចិត្តថានឹងផលិតតែរថយន្តអគ្គិសនីដែរនោះ គឺ Fiat ដែលវាក៏បានជ្រើសយកឆ្នាំ២០៣០ ដែរ។
ប្រធានក្រុមហ៊ុន Fiat លោក Olivier Francois បាននិយាយប្រាប់នៅក្នុងសេចក្តីថ្លែងការណ៍មួយថា “ចន្លោះឆ្នាំ២០២៥ និង ២០៣០ រថយន្តរបស់យើងនឹងក្លាយជារថយន្តអគ្គិសនីសុទ្ធ។ វានឹងក្លាយជាការផ្លាស់ប្តូរដ៏ធំមួយសម្រាប់ម៉ាក Fiat”៕
