នេះនែកជា Lamborghini ដែលគ្រប់គ្នាអាចមានលុយទិញ

July 18, 2020

នៅពេលដែលគេនិយាយពីម៉ាក Lamborghini អ្នកប្រាកដជាគិតដល់រថយន្ត Supercar ទំនើបៗ ប៉ុន្តែមិនមែនគ្រប់គ្នាសុទ្ធតែអាចមានលទ្ធភាពទិញវាប្រើឡើយ។

ឥឡូវនេះ Lamborghini បានសហការណ៍ជាមួយក្រុមហ៊ុនផលិតដបទឹកអ៊ីតាលីមួយមានឈ្មោះថា 24Bottles ដើម្បីផលិតដបទឹកម៉ាក Automobili Lamborghini។

ដបទឹក Automobili Lamborghini នេះ ទទួលបានការឌីហ្សាញបែបប៉ារ៉ា ដែលបំផុសតាមរថយន្ត Aventador SVJ ហើយត្រូវផលិតឡើងដោយដៃ ដែលធ្វើឲ្យវាកាន់តែពិសេស។

យោងតាមប្រភពព័ត៌មាឲ្យដឹងថា ដបទឹកនេះអាចរក្សាទឹកក្តៅឲ្យនៅក្តៅ រហូតដល់ទៅ ១២ម៉ោង និងទឹកត្រជាក់ដល់ ២៤ម៉ោងឯណោះ។ គួរឲ្យដឹងថា វាត្រូវបានដាក់លក់ក្នុងតម្លៃ ៣៩ផោន ឬប្រហែល ៤៥ដុល្លារក្នុងមួយដប៕

ផ្ទាំងផ្សាយពាណិជ្ជកម្ម

ដឹងហើយ! ថ្ងៃបើកឲ្យកក់លុយ និងថ្ងៃចូលរោងចក្រផលិតរបស់ Ford Ranger ឆ្នាំ២០២១

July 18, 2020

កាលពីខែមុន ក្រុមហ៊ុន Ford បានប្រកាសចេញរថយន្ត Ford F-150 ស៊េរីឆ្នាំ២០២១ ថ្មី ដែលបានផ្លាស់ប្តូររូបរាងថ្មី ម៉ាស៊ីនថ្មី និងបច្ចេកវិទ្យាកាន់តែទំនើប។ ដោយឡែក អ្នកនឹងត្រូវរង់ចាំយូរទម្រាំរថយន្ត Ford Ranger ជំនាន់ថ្មីបង្ហាញខ្លួន។

យោងតាមប្រភពព័ត៌មានបានឲ្យដឹងថា Ford Ranger ជំនាន់ថ្មី នឹងបង្ហាញខ្លួនលឿនបំផុតនៅឆ្នាំ២០២២ ដូច្នេះគេមិនរំពឹងថាស៊េរីឆ្នាំ២០២១ មានការផ្លាស់ប្តូរច្រើនឡើយ។

ទោះជាយ៉ាងណាក៏ដោយ ប្រភពព័ត៌មានបង្ហាញថា ក្រុមហ៊ុន Ford នឹងបើកឲ្យកក់រថយន្ត Ranger ឆ្នាំ២០២១ នៅថ្ងៃទី២៤ ខែកញ្ញា ឆ្នាំ២០២០ មុនពេលវាចូលរោងចក្រផលិតនៅថ្ងៃទី៧ ខែធ្នូ ឆ្នាំ២០២០។

គួរឲ្យដឹងថា Ford Ranger ឆ្នាំ២០២១ នឹងត្រូវផលិតនៅរោងចក្រ Michigan Assembly Plant ជាមួយនឹងរថយន្ត Ford Bronco ឆ្នាំ២០២១៕

ផ្ទាំងផ្សាយពាណិជ្ជកម្ម

ខ្ទេចឡាន Ferrari មួយគ្រឿង ព្រោះតែអតិថិជនបើកសាក

July 17, 2020

អំឡុងការបើកបរសាកល្បងនូវរថយន្ត Ferrari F40 អតិថិជនដែលអ្នកបើកបរបានធ្វើឲ្យរថយន្តបាត់ម្ចាស់ការ បើកទៅប៉ះដងបង្គោល និងដើមឈើជាច្រើន ដែលរឿងរ៉ាវកើតឡើងក្នុងរដ្ឋ Queensland ប្រទេសអូស្ត្រាលី។

ហេតុការណ៍បានកើតឡើងនៅវេលាម៉ោង ១១៖៣០ ព្រឹក ម៉ោងក្នុងស្រុកនៅប្រទេសអូស្ត្រាលី នាវេលាថ្ងៃសុក្រទី ១៧ ខែកក្កដានេះ ដែលកើតឡើងនៅលើផ្លូវ Beaudesert Nerang ក្បែរក្រុង Canungra។ សំណាងល្អនោះគឺអ្នកស្ថិតនៅក្នុងរថយន្តមិនមានរងរបួសដោយសារគ្រោះថ្នាក់នេះទេ ប៉ុន្តែគេនៅរង់ចាំមើលនៅឡើយថាគេនឹងចាត់វិធានការបែបណាលើអ្នកបើកបរ។

ផ្អែកតាមការចុះផ្សាយរបស់វិបសាយអូស្ត្រាលី Mercury បានឲ្យដឹងថារថយន្ត Ferari F40 នៅប្រទេសអូស្ត្រាលីមានតែពីរគ្រឿងប៉ុណ្ណោះដែលមានដាក់លក់លើទីផ្សារ ដែលសុទ្ធសឹងតែមានតម្លៃក្បែរៗពីរលានដុល្លារ៕

ផ្ទាំងផ្សាយពាណិជ្ជកម្ម

Bentley ចេញឡាន Bentayga ឆ្នាំ២០២១ ប្រភេទ ៤កៅអីថ្មី ផាសុកភាពលំដាប់ផ្កាយ៥

July 17, 2020

ក្រុមហ៊ុន Bentley បានប្រកាសចេញរថយន្ត SUV ម៉ូដែល Bentayga ស៊េរីឆ្នាំ២០២១ ប្រភេទ ៤កៅអីថ្មី ដែលផ្តល់នូវផាសុកភាពកាន់តែខ្លាំង សម្រាប់អ្នកដំណើរនៅផ្នែកខាងក្រោយ។

កៅអីក្រោយលើ Bentayga ឆ្នាំ២០២១ ត្រូវបានឌីហ្សាញឡើងវិញថ្មីទាំងស្រុង ដោយផ្តល់កន្លែងដាក់ជើងកាន់តែទូលាយជាងមុន ១០០មីល្លីម៉ែត្រ ហើយអាចកាច់ទេរមកក្រោយកាន់តែទាបជាងមុន ពី ៣២ ទៅ ៤០ដឺក្រេ។ មិនតែប៉ុណ្ណោះ កៅអីនេះកាន់តែអោបអ្នកដំណើរជាងមុន ជាពិសេសត្រង់កន្លែងស្មា ដែលផ្តល់ផាសុកភាពកាន់តែប្រសើរថែមមួយកម្រិតទៀត។

កៅអីដែល Bentley ហៅថា “Four Seat Comfort Specification” នេះ ក៏បានបន្ថែមមុខងារបាញ់ខ្យល់, មុខងារម៉ាស្សា ៦បែបខុសៗគ្នា និង ខ្នើយកើយមួយផងដែរ។ ក្នុងនោះ អ្នកដំណើរផ្នែកខាងក្រោយអាចបញ្ជាមុខងារកៅអីរបស់ខ្លួន តាមរយៈអេក្រង់ Touchscreen ទំហំធំជាងមុនថ្មី គឺទំហំ ៥អ៊ីញ៕

ផ្ទាំងផ្សាយពាណិជ្ជកម្ម

Audi ចេញឡាន R8 V10 ថ្មី ផលិតតែ ៣០គ្រឿងគត់

July 17, 2020

Audi នឹងឈប់ផលិតរថយន្ត R8 ប្រភេទ Base Model ដោយបានចេញម៉ូដែល R8 V10 quattro Limited Edition ដែលផលិតមានចំនួនកំណត់ត្រឹមតែ ៣០គ្រឿងប៉ុណ្ណោះ ដោយមានជម្រើស ៣ពណ៌ គឺ ខៀវ Mugello Blue, ទឹកប្រាក់ Avus Silver និង បៃតង Sonoma Green។

រថយន្ត R8 ខាងលើនឹងមានការតុបតែងផ្នែកខាងក្រៅ និងខាងក្នុងប្លែកខុសពីប្រភេទ Base Model ធម្មតា ហើយនឹងចេញលក់ក្នុងតម្លៃ ១៨៦ ០០០ដុល្លារ សម្រាប់ប្រភេទ Coupe និង ១៩៥ ០០០ដុល្លារ សម្រាប់ប្រភេទ Spyder។

រថយន្តស្ព័រនេះបំពាក់ម៉ាស៊ីន naturally aspirated V10 មានកម្លាំង ៥៦២សេះ ប្រើប្រអប់លេខអូតូ ៧វគ្គ S Tronic dual-clutch និងប៉ុងពីរ៕

ផ្ទាំងផ្សាយពាណិជ្ជកម្ម

កូរ៉េខាងត្បូងចូលចិត្ត Tesla ខ្លាំង ឥឡូវឡាន Model 3 នាំចូលច្រើនជាងគេលំដាប់លេខ២

July 17, 2020

មិថុនា គឺជាខែដ៏ល្អជាងគេមួយសម្រាប់ក្រុមហ៊ុន Tesla ដោយនៅទីផ្សារប្រទេសកូរ៉េខាងត្បូង ក្រុមហ៊ុនអាចលក់រថយន្តបានសរុប ២ ៨២៧គ្រឿង ឡើងពីការដាំក្បាលចុះកាលពីខែមេសា និងខែឧសភា។

ក្នុងនោះរថយន្ត Model 3 ក្លាយជារថយន្តនាំចូលទៅកាន់កូរ៉េច្រើនជាងគេលំដាប់លេខពីរ នាំមុខរថយន្ត BMW 5-Series និងរថយន្ត Audi A6 ដោយនៅពីក្រោយតែរថយន្ត Mercedes-Benz E-Class តែប៉ុណ្ណោះ។ នេះបើតាមការចុះផ្សាយរបស់ Reuters។

ផ្អែកតាមប្រភពអនាមិកមួយបានឲ្យដឹងថានៅមានរថយន្ត Model 3 ប្រមាណ ៤ ទៅ ៥ពាន់គ្រឿងទៀត ដែលអតិថិជននៅកូរ៉េខាងត្បូងបានកុម្ម៉ង់ទិញ។ យ៉ាងណាក្ដីរថយន្តភាគច្រើនត្រូវរង់ចាំដល់ខែកញ្ញា ទើបចាប់ផ្ដើមដឹកជញ្ជូនទៅកាន់កូរ៉េខាងត្បូង។

ការដែលប្រទេសកូរ៉េខាងត្បូងផ្ដល់ទឹកប្រាក់ជំនួយសម្រាប់ការទិញរថយន្តអគ្គិសនី Model 3 រហូតដល់ប្រមាណ ១០ ៣៨០ដុល្លារ អាចជាកត្តាមួយធ្វើឲ្យរថយន្តនេះកើនឡើងចំនួនលក់។ បើទូទាត់ទៅអតិថិជនដែលចង់ទិញរថយន្ត Tesla Model 3 នៅកូរ៉េខាងត្បូង ត្រូវចំណាយទឹកប្រាក់មិនដល់ ៤ម៉ឺនដុល្លារឡើយ៕

ផ្ទាំងផ្សាយពាណិជ្ជកម្ម

ឡានបងប្អូន Mazda6 តម្លៃជាង ២ម៉ឺនដុល្លារ លក់ផ្ដាច់មុខតែនៅចិន

July 16, 2020

កាលពីថ្មីៗនេះម៉ាកយីហោរថយន្តចិន Hongqi បានប្រកាសចេញរថយន្តស៊េរីថ្មី Hongqi H5 ជាប្រភេទ Sedan ដែលរថយន្តនេះមានប្រើប្រាស់គ្រោងឆ្អឹងដូចគ្នានឹងរថយន្ត Mazda6 ដែរ។

រថយន្ត Hongqi H5 នេះមានលក់ផ្ដាច់មុខតែនៅប្រទេសចិនប៉ុណ្ណោះ ដែលមានតម្លៃធូរថ្លៃត្រឹមចាប់ពីប្រមាណ ២៣ ២៦៥ដុល្លារ ដល់ថ្លៃបំផុតប្រមាណ ២៧ ២៦០ដុល្លារ។ ការរចនារបស់ Hongqi H5 មានភាពលេចធ្លោជាពិសេសនៅផ្នែកខាងមុខដែលមានផ្ទាំងប៉ាណាទំហំធំ មានអមដោយអំពូលភ្លើងប្រភេទ LED ដែលមានការឌីហ្សាញបែបស្រួច។

នៅផ្នែកខាងក្នុងមើលទៅមានបំពាក់ដោយបរិក្ខារទំនើបៗ មិនចាញ់រថយន្តប្រណីតតម្លៃថ្លៃប៉ុន្មានឡើយ។ មុខងារមួយចំនួនលើរថយន្តនេះអាចបញ្ជាបានដោយប្រើប្រាស់នូវសំឡេង, មានកន្លែងសាកថ្មទូរសព្ទឥតប្រើខ្សែ, កៅអីស្រោបដោយស្បែក, ភ្លើងបំភ្លឺខាងមុខ និងកុងទ័រប្រភេទ LCD ជាដើម។

ត្បិតថាមានគ្រោងឆ្អឹងដូចជា Mazda6 មែន ប៉ុន្តែផ្នែកម៉ាស៊ីនរបស់ Hongqi H5 រាងលេចធ្លោ និងសន្សំសំចៃប្រេងឥន្ធនៈបានយ៉ាងល្អទៀតផង។ រថយន្តនេះប្រើម៉ាស៊ីនចំណុះ ១,៨លីត្រ ប្រភេទ Turbocharged ដែលផលិតកម្លាំងបាន ១៩៧សេះ និងប្រើប្រអប់លេខស្វ័យប្រវត្តិ ៦វគ្គ។ ចំពោះកម្រិតស៊ីប្រេងគឺ ១០០គីឡូម៉ែត្រ ស៊ីប្រេងប្រមាណ ៦,៤លីត្រ៕

ផ្ទាំងផ្សាយពាណិជ្ជកម្ម

ឡានអត់ប្រើសាំង Audi E-Tron Sportback ឆ្នាំ២០២០ ចេញលក់តម្លៃខ្ទង់ ៧ម៉ឺនដុល្លារ

July 16, 2020

Audi E-Tron Sportback កំពុងតែធ្វើដំណើរមកកាន់ទីផ្សារសហរដ្ឋអាមេរិក ជាមួយនឹងតម្លៃចាប់ពី ៧៧ ៤០០ដុល្លារ។

រថយន្ត SUV អគ្គិសនីខាងលើមានលក្ខណៈពិសេសមួយចំនួន ដូចជា ចង្កៀងមុខ LED, ដំបូលកញ្ចក់ Panoramic Glass Sunroof, ឃ្លុបក្រោយអូតូ និងយ៉ាន់ Alloy ទំហំ ២០អ៊ីញជាដើម។

ចំណែកឯផ្នែកខាងក្នុងវិញ វាមានបំពាក់កុងទ័រឌីជីថលដល់ទំហំ ១២,៣អ៊ីញ និងអេក្រង់កម្សាន្ត ១០,១អ៊ីញ ជាមួយមុខងារ GPS ក៏ដូចជា Android Auto និង Apple CarPlay ផងដែរ។ ក្រៅពីនោះក៏មានប្រព័ន្ធភ្លើងបំភ្លឺក្នុងកាប៊ីន និងប្រព័ន្ធសំឡេង Bang & Olufsen 3D Premium Audio ទៀតផង។

រឹតតែពិសេស E-Tron Sportback បានបំពាក់មុខងារជំនួយការបើកបរជាច្រើន ដូចជា adaptive cruise assist with traffic jam assist, side assist and pre sense rear, front / rear acoustic sensors, rear cross traffic assist, active lane assist, traffic sign recognition និងកាមេរ៉ាមើលជុំវិញរថយន្ត។

SUV អត់ប្រើសាំងខាងលើ បំពាក់កញ្ចប់អាគុយ ៩៥គីឡូវ៉ាត់ម៉ោង និងម៉ូទ័រអគ្គិសនី២ ព្រមទាំងប៉ុងពីរ AWD មានកម្លាំង ៣៥៥សេះ អាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៥,៥វិនាទី និងល្បឿនអតិបរមា ២០០គីឡូម៉ែត្រក្នុងមួយម៉ោង ហើយមានចម្ងាយបើកបរ ៣៥០គីឡូម៉ែត្រ រាល់ពេលសាកភ្លើងពេញម្តង៕

ផ្ទាំងផ្សាយពាណិជ្ជកម្ម

Maserati Ghibli Hybrid បង្ហាញខ្លួនជាផ្លូវការ អាប់ដេតការឌីហ្សាញថ្មី

July 16, 2020

ក្រុមហ៊ុន Maserati បានប្រកាសចេញរថយន្ត Ghibli Hybrid ស៊េរីថ្មីរបស់ខ្លួនជាផ្លូវការ ដោយបំពាក់ប៉ាណាមុខថ្មី មើលទៅរឹតតែទាក់ទាញជាងមុន។

រថយន្ត Maserati Ghibli Hybrid ថ្មី បំពាក់ម៉ាស៊ីនចំណុះ ២,០លីត្រ Turbocharged ទំហំ ៤ស៊ីឡាំង ជាមួយនឹងប្រព័ន្ធ Mild-hybrid ៤៨វ៉ុល បង្កើតកម្លាំងបានសរុប ៣៣០សេះ។ វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេល ៥,៧វិនាទី ហើយមានល្បឿនអតិបរមាដល់ ២៥៥គីឡូម៉ែត្រក្នុងមួយម៉ោង។ Ghibli Hybrid មានកម្រិតស៊ីសាំងជាមធ្យមចន្លោះពី ៨,៥ ទៅ ៩,៦លីត្រ/១០០គីឡូម៉ែត្រ។

ចំណែកឯកាប៊ីនខាងក្នុងវិញ វាបានបំពាក់អេក្រង់ធំជាងមុន ទំហំ ១០,‌១អ៊ីញ ដែលបង្ហាញរូបភាពបានច្បាស់ល្អ និងកុងទ័រដែលមានការឌីហ្សាញថ្មីផងដែរ។

គួរឲ្យដឹងថា Ghibli Hybrid គឺជាជំហ៊ានដំបូងនៅក្នុងគម្រោងនាំយករថយន្តអគ្គិសនីមកក្នុងម៉ាក Maserati។ GranTurismo និង GranCabrio ដែលជារថយន្តប្រើថាមពលអគ្គិសនីសុទ្ធរបស់ Maserati នឹងបង្ហាញខ្លួននៅក្នុងឆ្នាំ២០២១៕

ផ្ទាំងផ្សាយពាណិជ្ជកម្ម

HGB Group ជាក្រុមហ៊ុនយក្សដែលវិនិយោគលើវិស័យយានយន្តធំបំផុតនៅកម្ពុជា

July 16, 2020

នៅកម្ពុជាសព្វថ្ងៃ ដូចដែលយើងសង្កេតឃើញមានការនាំចូលជាហូរហែនៃម៉ាក់រថយន្តល្បីៗ និងប្រណិតជាផ្លូវការយ៉ាងច្រើន។ ទាំងនោះគឺត្រូវបាននាំចូលដោយក្រុមហ៊ុនយក្ស HGB Group។ អ្វីដែលគួរអោយកត់សម្គាល់ យើងសង្កេតឃើញមានម៉ាក់រថយន្តល្បីៗមួយចំនួនទៀត ទើបនាំចូលថ្មីៗនេះមានដូចជា៖