Lamborghini Aventador SVJ ចេញម៉ូដែល Xago Edition ថ្មី ផលិតតែ ១០គ្រឿងគត់

July 21, 2020

Lamborghini បានប្រកាសចេញរថយន្ត Aventador SVJ Roadster ដែលជារថយន្តដ៏កម្រនោះ ឲ្យកាន់តែកម្រថែមមួយកម្រិតទៀត ជាមួយនឹងការបន្ថែមម៉ូដែលពិសេស Xago Edition ថ្មី។

រថយន្ត Lamborghini Aventador SVJ Xago Edition នេះ នឹងត្រូវផលិតត្រឹមតែ ១០គ្រឿងប៉ុណ្ណោះ។ យោងតាមក្រុមហ៊ុន Lamborghini បានឲ្យដឹងថា រថយន្តប្រភេទ Limited Edition នេះ ត្រូវបានឌីហ្សាញតាមរាងឆកោន នៅឯប៉ូលខាងជើង។ ជាក់ស្តែង រថយន្តម៉ូដែល Xago Edition នេះ ត្រូវបានបង្កើតឡើងដើម្បីអបអរដល់ការឌីហ្សាញលើរថយន្ត Lamborghini តែម្តង។

គួរឲ្យដឹងថា រថយន្ត Aventador SVJ Xago Edition មានការឌីហ្សាញគួបផ្សំរវាងរូបឆកោនពណ៌ទឹកប្រាក់ព្រាលៗ ជាមួយនឹងពណ៌ដែលអតិថិជនជ្រើសរើស ព្រមទាំងយ៉ាន់ពណ៌ខ្មៅរលោង Nireo Ad Personam។ មិនតែប៉ុណ្ណោះ ផ្នែកខាងក្នុងរបស់វា ក៏មានការឌីហ្សាញរូបឆកោន ជាមួយនឹងពណ៌បញ្ច្រាសគ្នា ដើម្បីឲ្យដូចពណ៌ផ្នែកខាងក្រៅផងដែរ៕

ផ្ទាំងផ្សាយពាណិជ្ជកម្ម

SsangYong ចាប់ផ្ដើមឲ្យតម្រុយអំពីឡានអគ្គិសនីដំបូងបំផុតរបស់ខ្លួន

July 21, 2020

ក្រុមហ៊ុនរថយន្តកូរ៉េខាងត្បូង SsangYong បានបង្ហាញចេញរូបភាព Teaser ដំបូង ដែលបង្ហាញអំពីរូបរាងរថយន្តអគ្គិសនី ដែលនឹងចេញលក់លើទីផ្សារនៅឆមាសទីមួយឆ្នាំ ២០២១ ខាងមុខ។

រថយន្តអគ្គិសនីដំបូងរបស់ SsangYong គឺផលិតឡើងផ្អែកតាមរថយន្ត SsangYong Korando ហើយបើតាមរូបភាព Teaser បានបង្ហាញថាវាមានការផ្លាស់ប្ដូរមួយចំនួនខុសពីរថយន្ត Korando។ ជាក់ស្ដែងនៅផ្នែកខាងមុខគឺផ្លាស់ត្រង់ប៉ាណា ដែលប្ដូរពីប្រភេទមានរន្ធដូចជាសំណាញ់ មកជាប្រភេទបិទជិតវិញ។

រថយន្តអគ្គិសនី SsangYong បង្កើតឡើងក្រោមគម្រោងការឈ្មោះថា Korando E100 ដែលនឹងមានបំពាក់ម៉ូទ័រអគ្គិសនីចំនួនមួយ ផលិតកម្លាំងបាន ១៨៨សេះ។ កម្លាំងនេះបានពីអាគុយទំហំ ៦១,៥ kWh ដែលផ្គត់ផ្គង់ដោយក្រុមហ៊ុន LG Chem អាចជិះបានចម្ងាយប្រមាណ ៤២០គីឡូម៉ែត្រ។

កាលពីឆ្នាំមុន SsangYong បាននិយាយថារថយន្តអគ្គិសនីរបស់ខ្លួន នឹងមានសន្ទុះខ្លាំងបំផុត ប៉ុន្តែល្បឿនអតិបរមាបានកំណត់ត្រឹម ១៥៣គ.ម/ម៉ ដើម្បីទប់ស្កាត់កុំឲ្យអាគុយឆាប់ថយចុះគុណភាព៕

ផ្ទាំងផ្សាយពាណិជ្ជកម្ម

មកដឹងពេលវេលាដែលឡាន Honda Civic ជំនាន់ទី១១ បង្ហាញខ្លួន

July 20, 2020

ក្រោយពីមានការចុះផ្សាយថា Honda នឹងបញ្ឈប់ការផលិតរថយន្ត Honda Fit និង Civic Coupe សម្រាប់ឆ្នាំ ២០២១ ពេលនេះគេបានដឹងដំណឹងបន្ថែមអំពីផែនការរបស់ក្រុមហ៊ុនរថយន្តជប៉ុននេះ។

ដំណឹងថ្មីចេញពី Honda គឺក្រុមហ៊ុនគ្រោងនឹងប្រកាសចេញរថយន្ត Honda Civic ជំនាន់ទី១១ ដែលមានការផ្លាស់ប្ដូររូបរាងថ្មីនៅអំឡុងត្រីមាសទីពីរ ឆ្នាំ ២០២១ ខាងមុខនេះ។ អំពីរថយន្ត Civic ជំនាន់ថ្មីគេមិនទាន់ដឹងដំណឹងច្រើនលើសពីនេះនៅឡើយទេ ដោយគេដឹងថា Honda នឹងផ្ដោតលើផលិតផលផ្សេងជាមុនសិន ដែលមានដូចជា Honda Civic Type R Limited Edition និង Honda Odyssey ឆ្នាំ ២០២១។

ចំពោះគ្រោងឆ្អឹងរបស់ Honda Civic ជំនាន់ថ្មី រំពឹងថានឹងប្រើប្រាស់នូវគ្រោងឆ្អឹង Honda Compact Global Platform ដូចជាជំនាន់បច្ចុប្បន្នដែរ។ ប៉ុន្តែគេសង្ស័យថា Honda អាចនឹងមិនបញ្ចេញ Civic ប្រភេទ Coupe នោះទេ ដោយនឹងមានតែប្រភេទ Sedan និង Hatchback តែប៉ុណ្ណោះ៕

ផ្ទាំងផ្សាយពាណិជ្ជកម្ម

ប្លែកភ្នែកជាមួយភីកអាប់ Ford F-150 ទម្លាក់កម្ពស់ឲ្យទាបខុសពីធម្មតា

July 20, 2020

រថយន្ត Ford F-150 ភាគច្រើនគឺមានការកែច្នៃដំឡើងកម្ពស់ឲ្យខ្ពស់ និងបន្ថែមសម្បកកង់ពិសេសៗ ដើម្បីពង្រឹងសមត្ថភាពបើកបរលើផ្លូវពិបាករបស់វា។ ប៉ុន្តែក្រុមហ៊ុនជំនាញខាងកែរថយន្ត Vossen បានធ្វើការកែច្នៃខុសពីគេ ដោយទម្លាក់កម្ពស់រថយន្តភីកអាប់នេះឲ្យទាបជាងមុន។

ក្រុមហ៊ុន Vossen បានផ្លាស់ប្ដូរមកបំពាក់កង់ថ្មីម៉ូដែល HF6-3 ដែលវាមានទំហំដល់ ២៤អ៊ីញ ដូចគ្នា និងបានទម្លាក់បូមរថយន្តឲ្យទាបផងដែរ។ ចំពោះកង់ HF6-3 នេះ មួយគ្រាប់មានតម្លៃ ៥៩៩ដុល្លារ និងមានជម្រើសទំហំ ២០ និង ២២អ៊ីញ ផងដែរ។

ទស្សនាវីដេអូដូចខាងក្រោម ៖

ផ្ទាំងផ្សាយពាណិជ្ជកម្ម

MINI Cooper ប្រភេទ Coral Red Edition ថ្មី ពណ៌ប្លែកស្អាតទាក់ភ្នែក

July 20, 2020

ក្រុមហ៊ុនរថយន្តអង់គ្លេស MINI បានបន្ថែមម៉ូដែលពិសេសមួយសម្រាប់រថយន្ត Cooper ស៊េរីឆ្នាំ២០២១ របស់ខ្លួន សម្រាប់ទីផ្សារសហរដ្ឋអាមេរិក ហៅថា Coral Red Edition។

រថយន្ត MINI Cooper Coral Red Edition ថ្មីនេះមានតម្លៃចាប់ពី ៣៣ ២៧៥ដុល្លារ សម្រាប់ប្រភេទទ្វារ២ និង ៣៤ ៥២០ដុល្លារ សម្រាប់ប្រភេទទ្វារ៤។ រថយន្តម៉ូដែលពិសេសនេះក៏នឹងត្រូវផលិតមានចំនួនកំណត់ដែរ គឺត្រឹមតែ ៣០០គ្រឿងប៉ុណ្ណោះ សម្រាប់ទីផ្សារសហរដ្ឋអាមេរិក។

អ្វីដែលគួរឲ្យកត់សម្គាល់សម្រាប់ម៉ូដែល Coral Red Edition នេះ រួមមានដូចជា ទឹកថ្នាំពណ៌ក្រហមស្រាល Coral Red Metallic ក៏ដូចជា ដំបូល និងគម្របកញ្ចក់ពណ៌ខ្មៅ។ ក្នុងនោះដែរ ស៊ុមចង្កៀងមុខ, ស៊ុមចង្កៀងក្រោយ, ស៊ុមប៉ាណាមុខ, ឡូហ្គូនៅខាងមុខ និងខាងក្រោយ ព្រមទាំងដៃទ្វារ សុទ្ធតែលេងពណ៌ខ្មៅទាំងអស់។

មិនតែប៉ុណ្ណោះ សូម្បីតែក្នុងកាប៊ីនរបស់វា ក៏រំលេចនូវពណ៌ខ្មៅ ព្រមទាំងកៅអីស្បែកពណ៌ខ្មៅផងដែរ។ ជាស្តង់ដារ វាមានបំពាក់យ៉ាន់ទំហំ ១៧អ៊ីញ, ចង្កៀងមុខ និងអំពូលកាត់អ័ព្ទ LED ក៏ដូចជា ចង្កៀងក្រោយ LED រូបទង់ជាតិប្រទេសអង់គ្លេស ទៀតផង៕

ផ្ទាំងផ្សាយពាណិជ្ជកម្ម

អុញ! Mercedes-Benz នឹងឈប់ផលិតឡាន Sedan នៅអាមេរិក និងមិចស៊ីកូ ទៀតហើយ

July 20, 2020

ក្រុមហ៊ុន Mercedes-Benz នឹងឈប់ផលិតរថយន្ត Sedan របស់ខ្លួន នៅសហរដ្ឋអាមេរិក និងមិចស៊ីកូ ទៀតហើយ ដើម្បីកាត់បន្ថយការចំណាយ និងសម្រួលសង្វាក់ផលិតកម្ម។

ក្រុមហ៊ុនផលិតរថយន្តអាល្លឺម៉ង់ខាងលើបានប្រកាសបែបនេះ បន្ទាប់ពីតម្រូវការបានធ្លាក់ចុះ ហើយការចាក់សោរប្រទេស ធ្វើឲ្យខ្លួនខាតបង់អស់ចំនួន ៨០៦លានដុល្លារ នៅក្នុងត្រីមាសទី២ នៃឆ្នាំ២០២០ នេះ។

ការសម្រេចចិត្តនេះមានន័យថា រថយន្ត Sedan ដូចជា A-Class ដែលផលិតនៅមិចស៊ីកូ និង C-Class ដែលផលិតនៅអាមេរិក នឹងត្រូវឈប់ផលិតនៅទីនោះតទៀតហើយ។ រោងចក្រទាំងនោះនឹងត្រូវផ្តោតលើការផលិតរថយន្ត GLB ជំនួសវិញ៕

ផ្ទាំងផ្សាយពាណិជ្ជកម្ម

ឌីស្សាញរបស់ Ford Bronco ត្រូវបានក្រុមហ៊ុនចិនចម្លងដូចស្ទើរគ្មានសល់

July 20, 2020

ស្របពេលដែលម្នាក់ៗមានការចាប់អារម្មណ៌យ៉ាងខ្លាំងទៅលើរថយន្ត Ford Bronco ហើយម៉ូដែល First Edition ក៏ត្រូវបានកក់គ្មានសល់នោះ ស្រាប់តែមានរថយន្តចិន Wey SUV បានបង្ហាញរូបរាងផ្នែកមួយចំនួននៃរថយន្តរបស់ខ្លួនដែលនឹងមកដល់ក្នុងពេលខាងមុខផងដែរ។

ជាក់ស្តែង Wey SUV ក៏បានធ្វើការចម្លងតាមរថយន្ត Jeep Wrangler ផងដែរ ហើយធ្វើការបង្ហាញចង្កៀងផ្នែកខាងមុខ ដូចទៅនឹងរថយន្ត Ford Bronco។

បើនិយាយទៅចិនល្បីខាងចម្លង មិនថាតែវិស័យយានយន្តទេ តែនៅគ្រប់វិស័យតែម្តង។ ជាក់ស្តែងដូចនឹងរថយន្ត Landwing X7 របស់ចិនក្នុងឆ្នាំ២០១៤ ដែលបានចម្លងតាមរថយន្ត Range Rover Evoque ដូចគ្មានសល់។ ហើយពេលនោះក្រុមហ៊ុន Land Rover ក៏បានប្តឹង Landwing ហើយឈ្នះដោយជោគជ័យផងដែរ។

យើងរង់ចាំមើលថារថយន្ត Wey SUV ចេញមកជាផ្លូវការថាតើនឹងដូចរថយន្តរបស់ Ford Bronco ឬយ៉ាងណា ហើយពេលនោះប្រសិនបើក្រុមហ៊ុនទាំង ២ Ford និង Jeep ចាប់ដៃគ្នាប្តឹងវិញមិនដឹងជាល្អមើលយ៉ាងណាទេ។

ផ្ទាំងផ្សាយពាណិជ្ជកម្ម

Toyota Venza ផែនការលក់ត្រឹម ៣ ១០០គ្រឿង តែលទ្ធផលលើសពីការរំពឹងទុករហូតដល់ ១៥ដង

July 19, 2020

តាមរបាយការណ៌ពីគេហទំព័រ Asahi.com ពិតជាមិនគួរអោយជឿតាមរយះទិន្នន័យនៃការកុម្ម៉ង់ រថយន្ត Toyota Venza នៅប្រទេសជប៉ុនមានការកើនឡើងរហូតដល់ទៅ ១៥ដងនៃផែនការដែលបានកំណត់។ ក្រុមហ៊ុនតូយ៉ូតាជប៉ុន បានកំណត់ផែនការរបស់ខ្លួនចំនួន ៣ ១០០ គ្រឿង ដោយគិតពីផលប៉ះពាល់នៃសេដ្ឋកិច្ចពិភពលោកនៃជម្ងឺកូវីដ១៩ ព្រោះគេជឿជាក់ថាម្នាក់ៗនឹងមិនហ៊ានចំនាយដូចមុនឡើយ។ ក្រុមហ៊ុនតូយ៉ូតា មិនបានរំពឹងថាចំនួនជាក់ស្តែងនៃការលក់ បានរហូតដល់ទៅ ៤៥ ០០០ គ្រឿង ស្មើរនឹងផែនការលក់រហូតដល់ទៅ ១៥ដង នៃផែនការលក់ប្រចាំខែ។ ថាពិតទៅ រថយន្ត Toyota Venza គឺជារថយន្ត Toyota Harrier ដែលបានចរាចរណ៌នៅលើទីផ្សារជប៉ុនយ៉ាងតិច ៤ជំនាន់ តាំងពីឆ្នាំ១៩៩៧ ហើយកាលនោះ នៅទីផ្សារក្នុងស្រុកប្រទេសជប៉ុនត្រូវបានគេហៅឈ្មោះថាជារថយន្ត Lexus RX។

ត្រលប់មកនិយាយពីរថយន្ត Venza នេះត្រូវបានសម្ពោធតាមរយះឌីជីថល កាលពីចុងខែឧសភា ហើយម្នាក់ៗមានការចាប់អារម្មណ៌យ៉ាងខ្លាំងទៅលើរថយន្តតូយ៉ូតាប្រភេទ CrossOver ប្រើប្រាស់បច្ចេកវិទ្យាអាគុយហ៊ាយព្រីត។

រថយន្ត Venza ឬ Harrier នេះគឺទទួលបានការគាំទ្រខ្លាំងនៅប្រទេសជប៉ុន ដោយចំនួនលក់ជិត ៦៨០ ០០០ គ្រឿងទៅហើយចាប់តាំងពីពេលផលិតដំបូង ហើយនេះជាកំណត់ត្រាថ្មី និងសំខាន់បំផុតដែលបានមកពីការលក់នៃរថយន្ត Venza ឬ Harrier ២០២១ ក្នុងរយះពេល ៧ឆ្នាំចុងក្រោយនេះ។

ផ្ទាំងផ្សាយពាណិជ្ជកម្ម

ភស្តុតាងបង្ហាញថាឡាន Ford Bronco នឹងមានជម្រើសម៉ាស៊ីន Hybrid

July 18, 2020

រូបភាពដែលថតចេញពីវីដេអូរៀបរាប់អំពីកុងទ័រនៅលើរថយន្ត Ford Bronco ស៊េរីថ្មី បានបង្ហាញថា រថយន្តនេះនឹងមាននូវជម្រើសម៉ាស៊ីន Hybrid។

ក្នុងរូបភាព គេឃើញថានៅក្នុងផ្ទាំងកុងទ័រឌីជីថលមានបង្ហាញអំពីពាក្យ “EV Coaching” ជាមួយនឹង “Eco Coach”។ ពីរចំណុចនេះអាចបញ្ជាក់បានថាវាមានទាក់ទងនឹងប្រព័ន្ធម៉ាស៊ីន Hybrid ដោយសារកន្លងមកគេធ្លាប់ឃើញពាក្យស្រដៀងគ្នានេះលើរថយន្ត Hybrid ដែរ។

គួរដឹងកាលពីខែឧសភា ឆ្នាំ ២០១៩ កន្លងទៅ លោក Jim Hackett នាយកប្រតិបត្តិក្រុមហ៊ុន Ford បានបញ្ជាក់ថា Ford អាចនឹងបន្ថែមប្រភេទម៉ាស៊ីន Hybrid លើរថយន្ត Bronco ជំនាន់ថ្មី ប៉ុន្តែពេលនោះលោកមិនបានប្រាប់ដំណឹងលម្អិតបន្ថែមលើសពីនេះឡើយ៕

ផ្ទាំងផ្សាយពាណិជ្ជកម្ម

មើលក្រៅជាឡាន Lexus LM ប៉ុន្តែចូលដល់ក្នុងបានដឹងរឿងពិត

July 18, 2020

ប្រទេសម៉ាឡេស៊ីមិនទាន់មានដាក់លក់រថយន្ត Lexus LM នៅឡើយទេ ហេតុនេះហើយទើបមានហាងមួយកន្លែងបានកែច្នៃរថយន្ត Toyota Alphard ទៅជា Lexus LM ដោយចំណាយអស់ជាង ១៣ ០០០ដុល្លារ។

រូបរាងខាងក្រៅរបស់រថយន្តដែលកែចេញពី Toyota Alphard គឺមិនខុសពី Lexus LM នោះទេ។ ជាក់ស្ដែងនៅផ្នែកខាងមុខមានផ្លាស់ប្ដូរមកបំពាក់ផ្ទាំងប៉ាណាទំហំធំដែលជាអត្តសញ្ញាណរបស់ Lexus LM, មានអំពូល LED, អំពូលបំភ្លឺពេញថ្ងៃ និងអំពូលខាងក្រោយដូចជារថយន្ត Lexus LM យ៉ាងអ៊ីចឹង។

ចំណែកនៅផ្នែកខាងក្នុងវិញ មិនមានការផ្លាស់ប្ដូរនោះឡើយ នៅរក្សាទ្រង់ទ្រាយដើមរបស់រថយន្ត Toyota Alphard ដដែល ប្រសិនបើប្ដូរត្រូវចំណាយទឹកប្រាក់អស់ច្រើនសន្ធឹក ព្រោះថាខាងក្នុងរបស់ Lexus LM មានប្រណីតភាពខ្ពស់បំផុត។

គួរដឹងថា Lexus LM បានបង្ហាញរូបរាងជាផ្លូវការកាលពីឆ្នាំ ២០១៩ ក្នុងកម្មវិធីតាំងបង្ហាញរថយន្តនៅទីក្រុងសៀងហៃ។ ឈ្មោះ LM នេះដែរគឺជាពាក្យកាត់មកពីពាក្យពេញ Luxury Minivan ដែលមានន័យថារថយន្តវ៉ែនប្រណីត៕

ផ្ទាំងផ្សាយពាណិជ្ជកម្ម