ទីបំផុត Dodge សម្រេចឈប់ផលិតឡាន ២ម៉ូដែលនេះហើយ!

July 3, 2020

នៅទីបំផុត ក្រុមហ៊ុនរថយន្ត Dodge បានសម្រេចចិត្តថា នឹងឈប់ផលិតម៉ូដែល Journey និង Grand Caravan នៅក្នុងឆ្នាំ២០២០ នេះតែម្តង។

រថយន្ត Dodge Journey បានបង្ហាញខ្លួនជាលើកដំបូង នៅក្នុងកម្មវិធី 2007 Frankfurt Motor Show ហើយចេញលក់នៅឆ្នាំបន្ទាប់ ក្នុងសហរដ្ឋអាមេរិក។

វាត្រូវឌីហ្សាញមកសម្រាប់ការប្រើប្រាស់ឲ្យបានច្រើនមុខងារ និងបត់បែន។ ថ្វីបើមានតម្លៃថោកសមរម្យ គឺចាប់ពី ១៩ ៩៨៥ដុល្លារ និងផ្ទុកអ្នកដំណើរបានដល់ ៧នាក់ ប៉ុន្តែ Dodge លក់វាបានត្រឹមតែប្រហែល ៥០ ០០០គ្រឿងប៉ុណ្ណោះ នៅក្នុងរយៈពេល ៤ឆ្នាំដំបូង។

ដោយឡែក សម្រាប់រថយន្ត Dodge Grand Caravan វិញ ធ្លាប់ជារថយន្តវ៉ែនខ្នាតតូចលក់ដាច់បំផុតរបស់ Dodge។

កាលពីឆ្នាំមុន ក្រុមហ៊ុននេះលក់វាបានសរុប ១២២ ៦៤៨គ្រឿង នៅសហរដ្ឋអាមេរិក ពោលគឺលក់បានច្រើនជាងម៉ូដែល Charger (៩៦ ៩៣៥គ្រឿង), Challenger (៦០ ៩៩៧គ្រឿង) និង Durango (៦៧ ៥៩៩គ្រឿង) ទៅទៀត។ Grand Caravan បានបង្ហាញខ្លួនដំបូងនៅក្នុងកម្មវិធី 2007 North American International Auto Show៕

ផ្ទាំងផ្សាយពាណិជ្ជកម្ម

បែកធ្លាយតម្លៃឡាន ដែលជាគូប្រជែង Toyota Camry ថ្មី

July 3, 2020

កាលពីខែមុន រថយន្ត Kia K5 ស៊េរីឆ្នាំ២០២១ បានបង្ហាញខ្លួនជាផ្លូវការ ជាមួយនឹងតម្លៃខ្លាំងជាងមុន, ការឌីហ្សាញកាចជាងមុន, ប្រើប៉ុងពីរ ហើយប្រើឈ្មោះថ្មីផងដែរ (ឈ្មោះចាស់ Kia Optima)។

ថ្វីបើតម្លៃរបស់វាមិនទាន់ត្រូវបានបង្ហាញជាផ្លូវការ ប៉ុន្តែគេហទំព័រ The Korean Car Blog ទទួលបានព័ត៌មានថា Kia K5 ឆ្នាំ២០២១ ថ្មីនេះនឹងមានតម្លៃចាប់ពី ២៣ ៤៩០ដុល្លារ សម្រាប់ម៉ូដែល LX។ K5 LX ប្រើម៉ាស៊ីនសាំងចំណុះ ១,៦លីត្រ GDI ទំហំ ៤ស៊ីឡាំង មានកម្លាំង ១៨០សេះ ប្រើប្រអប់លេខអូតូ ៨វគ្គ។

បន្ទាប់មក K5 LXS មានតម្លៃចាប់ពី ២៤ ៤៩០ដុល្លារ, K5 GT-Line ចាប់ពី ២៥ ៣៩០ដុល្លារ, K5 EX ចាប់ពី ២៧ ៩៩០ដុល្លារ និង K5 GT ចាប់ពី ៣០ ៤៩០ដុល្លារ សម្រាប់ទីផ្សារសហរដ្ឋអាមេរិក។ ម៉ូដែល GT នឹងប្រើម៉ាស៊ីនសាំងចំណុះ ២,៥លីត្រ Turbo ទំហំ ៤ស៊ីឡាំង មានកម្លាំង ២៩០សេះ ហើយប្រើប្រអប់លេខអូតុ ៨វគ្គ ប្រភេទ dual-clutch។

ដោយឡែក កាប៊ីនខាងក្នុងរបស់វាបំពាក់ទៅដោយបច្ចេកវិទ្យាជំនាន់ថ្មី ដោយក្នុងនោះរួមមានទាំង មុខងារ Apple CarPlay និង Android Auto ឥតប្រើខ្សែ, អេក្រង់ Touchscreen ទំហំដល់ ១០,២៥អ៊ីញ ជាមួយមុខងារបង្ហាញចរាចរណ៍នៅពេលជាក់ស្តែង ក៏ដូចជាមុខងារសាកថ្មទូរសព្ទឥតខ្សែ ជាដើម។

បើនិយាយពីមុខងារសុវត្ថិភាពវិញ មានដូចជា Forward Collision-Avoidance Assist និង Lane Following Assist មកស្តង់ដារ ខណៈមុខងារ Rear Cross-Traffic Collision-Avoidance Assist, Navigation Based Smart Cruise Control-Curve និង Highway Driving Assist គឺជា Option៕

ផ្ទាំងផ្សាយពាណិជ្ជកម្ម

គ្រប់ម៉ាកឡាននៅអាមេរិកសុទ្ធតែធ្លាក់ចុះចំនួនលក់ ខុសគេតែ Tesla មួយ

July 3, 2020

ការផ្ទុះនូវជំងឺកូវីដ១៩យ៉ាងធ្ងន់ធ្ងរនៅសហរដ្ឋអាមេរិកបង្កផលប៉ះពាល់ខ្លាំងបំផុតដល់ឧស្សាហកម្មជាច្រើន ក្នុងនោះឧស្សាហកម្មយានយន្តក៏រងគ្រោះខ្លាំងណាស់ដែរ។ បើតាមតួលេខប្រចាំឆមាសទីមួយ នៃទីផ្សាររថយន្តនៅសហរដ្ឋអាមេរិកបានបង្ហាញថាចំនួនលក់ចេញនៃរថយន្តមានការធ្លាក់ចុះ ២៣,១% ធៀបនឹងរយៈពេលដូចគ្នាកាលឆ្នាំ ២០១៩។

រយៈពេល ៦ ខែដំបូងនៃឆ្នាំ ២០២០ ចំនួនរថយន្តដែលលក់ចេញលើទីផ្សារអាមេរិកមានសរុប ៦ ៣៧៩ ២៩៣គ្រឿង ធៀបនឹងឆ្នាំ ២០១៩ លក់បាន ៨ ៣០០ ៧២៦គ្រឿង។ ក្រុមហ៊ុនរថយន្តធំៗមានដូចជា BMW, FCA, Ford Motor, General Motors, Honda Motor និង Hyundai Motor ជាដើមសុទ្ធតែមានការធ្លាក់ចុះចំនួនលក់ក្នុងរយៈពេលបីខែចុងក្រោយនេះ។

ប៉ុន្តែគេចាប់អារម្មណ៍ឃើញថា មានតែក្រុមហ៊ុន Tesla Motors តែមួយគត់ ដែលអាចលក់ចេញរថយន្តបានច្រើនជាងឆ្នាំមុន ដែលមានកំណើន ១៣,២% ឯណោះ។ ក្នុងអំឡុងពេល ៦ ខែដំបូងនៃ ឆ្នាំ ២០២០ ក្រុមហ៊ុនអាចលក់រថយន្តបាន ១៧៩ ០៥០គ្រឿង ធៀបនឹងឆ្នាំ ២០១៩ លក់បាន ១៥៨ ២០០គ្រឿង៕

ផ្ទាំងផ្សាយពាណិជ្ជកម្ម

Toyota Mirai ឆ្នាំ ២០២១ នឹងបង្ហាញរូបរាងជាផ្លូវការនាខែតុលា ឬវិច្ឆិកាខាងមុខ

July 3, 2020

កាលពីខែវិច្ឆិកាឆ្នាំ ២០១៩ ក្រុមហ៊ុន Toyota បានបង្ហាញចេញនូវ Concept នៃរថយន្តម៉ូដែល Mirai ជំនាន់ចុងក្រោយ។ នាពេលនេះគេដឹងថារូបរាងផ្លូវការសម្រាប់ផលិតលក់លើទីផ្សារនៃ Toyota Mirai ឆ្នាំ ២០២១ នឹងបង្ហាញចេញនាខែតុលា ឬខែវិច្ឆិកាខាងមុខនេះ។

បើតាមប្រភេទពីវិបសាយភាសាជប៉ុន Best Car Web បានឲ្យដឹងថាការបង្ហាញចេញរថយន្តនឹងធ្វើឡើងក្នុងប្រទេសជប៉ុន ហើយវាអាចនឹងចេញលក់លើទីផ្សារប្រទេសជប៉ុននាដើមឆ្នាំ ២០២១។ ប្រភពនេះអះអាងដែរថា រថយន្ត Mirai ជំនាន់ថ្មី នឹងមានតម្លៃចាប់ពីប្រមាណ ៨លានយេន ដែលស្មើប្រមាណ ៧៤ ៥០០ដុល្លារ។

រូបរាងរបស់រថយន្តផ្លូវការសម្រាប់លក់លើទីផ្សារ រំពឹងថាមិនមានការផ្លាស់ប្ដូរច្រើនខុសពីប្រភេទ Concept ដែលបង្ហាញចេញក្នុងកម្មវិធី Tokyo Motor Show នាឆ្នាំមុននោះទេ។ ចំណែកឯផ្នែកខាងក្នុងវិញក៏រំពឹងថាមិនមានប្រែប្រួលដែរ ដោយនឹងមានកុងទ័រឌីជីថល ៨អ៊ីញ អេក្រង់កម្សាន្តទំហំ ១២,៣អ៊ីញ មានប្រព័ន្ធសំឡេង JBL ចំនួន ១៤គ្រាប់ និងមានកន្លែងសាកថ្មទូរសព្ទដោយមិនប្រើខ្សែជាដើម៕

ផ្ទាំងផ្សាយពាណិជ្ជកម្ម

ឡានអគ្គិសនីចិនថ្មី សាកម្ដងជិះបាន ៣០៥គ.ម តម្លៃមិនដល់ ១ម៉ឺនដុល្លារ

July 2, 2020

ក្រុមហ៊ុនរថយន្តចិនបានបញ្ចេញលក់រថយន្តអគ្គិសនីខ្នាតតូចម៉ូដែល E300 ដែលមានជាពីរប្រភេទ មានប្រភេទ E300 ធម្មតា និងប្រភេទ E300 Plus មួយមានតម្លៃចាប់ពីប្រមាណ ៩១៧០ដុល្លារ និងមួយទៀតតម្លៃចាប់ពីប្រមាណ ៩៨៨០ដុល្លារ។

រថយន្តទាំងពីរប្រភេទមានបំពាក់អាគុយទំហំ ៣១,៩ kWh ដែលអាចបើកបរបានចម្ងាយដល់ទៅ ៣០៥ គីឡូម៉ែត្រ ពេលសាកភ្លើងពេញម្ដងៗ។ ប្រសិនបើប្រើប្រាស់ឌុយសាកល្បឿនលឿន វាអាចសាកដល់ ៨០% ក្នុងពេលមួយម៉ោង ប៉ុន្តែសម្រាប់ឌុយសាក 220V វិញ វាប្រើពេល ១៥ម៉ោង ដើម្បីសាកពេញ។

អាគុយរបស់រថយន្តផ្ដល់កម្លាំងដល់ម៉ូទ័រអគ្គិសនីមួយ ដែលបំពាក់នៅខាងក្រោយ អាចផលិតកម្លាំងបាន ៥៣សេះ ដែលអាចឲ្យរថយន្តបើកបរបានដល់ល្បឿនលឿនបំផុត ១០០គ.ម/ម៉។ ចំណុចខុសគ្នារវាងរថយន្តទាំងពីរប្រភេទគឺនៅលើទំហំ និងចំនួនផ្ទុកអ្នកដំណើរ។

E300 ធម្មតាមានប្រវែង ២៦២៥ម.ម ទទឹង ១៦៤៧ម.ម កម្ពស់ ១៥៨៨ម.ម និងប្រវែងពីកង់មុខទៅកង់ក្រោយ ១៧៥០ម.ម ដែលធ្វើឲ្យរថយន្តអាចផ្ទុកអ្នកដំណើរបានពីរ ឬបីនាក់ប៉ុណ្ណោះ។ ចំណែក E300 Plus វិញ មានប្រវែងពីកង់មុខទៅកង់ក្រោយ ២០២០ម.ម ប្រវែងសរុប ២៨៩៤ម.ម ទទឹង ១៦៥៥ម.ម និងកម្ពស់ ១៥៩៥ម.ម ដែលអាចផ្ទុកមនុស្សបាន ៤នាក់។

រថយន្ត Baojun E300 និង E300 Plus មានពណ៌ខាងក្រៅរចនាជាពីរពណ៌ ដោយពណ៌ខ្មៅផ្នែកខាងលើ អាចផ្គួបផ្សំជាមួយជម្រើសពណ៌នៃតួខ្លួនចំនួនប្រាំពណ៌ មានពណ៌ Starry White, Starry Sky Powder, Starship Gray, Interstellar Blue និង Star Flame Red៕

ផ្ទាំងផ្សាយពាណិជ្ជកម្ម

មើលរាងឡាន Suzuki ថ្មី ក្រោយចាប់ដៃជាមួយ Toyota

July 2, 2020

Suzuki បានបង្ហាញចេញផលិតផលថ្មីរបស់ខ្លួនជារថយន្ត SUV Plug-in Hybrid ដែលជាលទ្ធផលក្រោយពីចាប់ដៃគូជាមួយក្រុមហ៊ុន Toyota។

វាគឺជារថយន្ត Suzuki Across ស៊េរីថ្មី ដែលផលិតឡើងផ្អែកតាមរថយន្ត Toyota RAV4 ប្រភេទ Plug-in Hybrid ដូចគ្នា។ ទ្រង់ទ្រាយទាំងមូលរបស់រថយន្តហាក់មិនខុសពី Toyota RAV4 ឡើយ ប៉ុន្តែមានការផ្លាស់ប្ដូរបន្តិចបន្តួចលើអំពូល LED ខាងមុខ និងផ្ទាំងប៉ាណា។

ចំពោះផ្នែកខាងក្នុងវិញ ក៏មិនមានផ្លាស់ប្ដូរខុសពី RAV4 ខ្លាំងដែរ វាមានខុសគ្នាតែនៅត្រង់ការឌីហ្សាញចង្កូត និងកុងទ័ររថយន្តតែប៉ុណ្ណោះ។ រថយន្តនេះមានបំពាក់ដោយអេក្រង់កម្សាន្ត Touchscreen ទំហំ ៩អ៊ីញ ដែលគាំទ្រមុខងារ Apple CarPlay និង Android Auto។

ចំពោះគ្រឿងម៉ាស៊ីនរបស់រថយន្តមិនខុសពី RAV4 នោះទេ ដោយនៅតែប្រើប្រាស់ម៉ាស៊ីនសាំង ២,៥លីត្រ ៤ស៊ីឡាំង កម្លាំង ១៧៣សេះ ជាមួយម៉ូទ័រអគ្គិសនីចំនួនពីរដែលម៉ូទ័រខាងមុខកម្លាំង ១៨០សេះ ហើយម៉ូទ័រក្រោយមានកម្លាំង ៥៤សេះ។ Suzuki មិនបានបញ្ជាក់ថាប្រព័ន្ធម៉ាស៊ីននេះផលិតកម្លាំងបានប៉ុន្មាននោះទេ ប៉ុន្តែបើនៅលើ RAV4 វាអាចផលិតកម្លាំងបាន ៣០២សេះ។ Suzuki អះអាងថាគុយទំហំ ១៨,១ kWh ដែលមានលើរថយន្ត Across នេះ អាចឲ្យរថយន្តបើកបរដោយប្រើថាមពលអគ្គិសនីសុទ្ធបានចម្ងាយ ៧៥គីឡូម៉ែត្រ។

Suzuki នឹងបញ្ចេញលក់រថយន្តនេះនៅអឺរ៉ុបនាអំឡុងចុងឆ្នាំ ២០២០ ដោយនឹងប្រកាសតម្លៃលក់នាពេលក្រោយ៕

ផ្ទាំងផ្សាយពាណិជ្ជកម្ម

ក្រសួងពន្យាពេលជិត ៣ ខែទៀត សម្រាប់ការផ្ទេរកម្មសិទ្ធិយានយន្តដែលរកម្ចាស់ដើមមិនឃើញ

July 2, 2020

ដើម្បីសម្រួលដល់បងប្អូនប្រជាពលរដ្ឋ ដែលមានបំណងផ្ទេរកម្មសិទ្ធិយានយន្ត ក្រសួងសាធារណការ និងដឹកជញ្ជូន សម្រេចបន្តអនុវត្តការផ្ទេរកម្មសិទ្ធិយានយន្តដែលរកម្ចាស់ដើមមិនឃើញ រហូតដល់ថ្ងៃទី៣០ ខែកញ្ញា ឆ្នាំ២០២០។ ខាងក្រោមនេះជាខ្លឹមសារទាំងស្រុងពីក្រសួងសាធារណការ និងដឹកជញ្ជូន៖

ផ្ទាំងផ្សាយពាណិជ្ជកម្ម

KIA K5 ឆ្នាំ២០២១ ចេញមកហើយ ដើម្បីប្រជែង Toyota Camry

July 2, 2020

Kia បានប្រកាសចេញរថយន្ត Sedan ខ្នាតកណ្តាល ម៉ូដែល K5 ស៊េរីឆ្នាំ២០២១ របស់ខ្លួនជាផ្លូវការ សម្រាប់ទីផ្សារអាមេរិកខាងជើង ដែលជាអ្នកស្នងតំណែងម៉ូដែល Kia Optima ដោយទទួលបានការឌីហ្សាញកាន់តែស្ព័រ និងកាចជាងមុន។

រថយន្ត Kia K5 ថ្មីនេះប្រើគ្រោងឆ្អឹង N3 ដូចទៅនឹងរថយន្ត Hyundai Sonata ដែរ។ រថយន្ត Sedan នេះនឹងផ្តល់ជម្រើសសរុបចំនួន ៥ម៉ូដែល គឺ LX, LXS, GT-Line និង EX ហើយម៉ូដែល GT នឹងចេញនាពេលក្រោយ។

K5 ប្រភេទ Base Model នឹងបំពាក់ម៉ាស៊ីនសាំងចំណុះ ១,៦លីត្រ turbocharged ទំហំ ៤ស៊ីឡាំង មានកម្លាំង ១៨០សេះ ប្រើប្រអប់លេខអូតូ ៨វគ្គ ហើយក៏មាន Option ប៉ុងពីរដែរ។ ចំណែកឯ K5 GT ដែលជាម៉ូដែលខ្ពស់បំផុត នឹងបំពាក់ម៉ាស៊ីនចំណុះ ២,៥លីត្រ turbocharged មានកម្លាំងរហូតដល់ ២៩០សេះ ហើយប្រើប្រអប់លេខអូតូ ៨វគ្គ ប្រភេទ dual-clutch។

ដោយឡែក កាប៊ីនខាងក្នុងរបស់វាបំពាក់ទៅដោយបច្ចេកវិទ្យាជំនាន់ថ្មី ដោយក្នុងនោះរួមមានទាំង មុខងារ Apple CarPlay និង Android Auto ឥតប្រើខ្សែ, អេក្រង់ Touchscreen ទំហំដល់ ១០,២៥អ៊ីញ ជាមួយមុខងារបង្ហាញចរាចរណ៍នៅពេលជាក់ស្តែង ក៏ដូចជាមុខងារសាកថ្មទូរសព្ទឥតខ្សែ ជាដើម។

បើនិយាយពីមុខងារសុវត្ថិភាពវិញ មានដូចជា Forward Collision-Avoidance Assist និង Lane Following Assist មកស្តង់ដារ ខណៈមុខងារ Rear Cross-Traffic Collision-Avoidance Assist, Navigation Based Smart Cruise Control-Curve និង Highway Driving Assist គឺជា Option៕

ផ្ទាំងផ្សាយពាណិជ្ជកម្ម

Hyundai Santa Fe បន្ថែមជម្រើសម៉ាស៊ីន Hybrid និង Plug-In Hybrid ថ្មី កាន់តែសន្សំសំចៃ

July 2, 2020

កាលពីពេលថ្មីៗនេះ Hyundai បានបញ្ចេញរថយន្ត Santa Fe ហើយឥឡូវក្រុមហ៊ុនកូរ៉េនេះបានបន្ថែមជម្រើសម៉ាស៊ីន Hybrid និង Plug-in Hybrid ថែមទៀតផង។

Hyundai Santa Fe Hybrid បំពាក់ម៉ាស៊ីនសាំងចំណុះ ១,៦លីត្រ Turbo ជាមួយម៉ូទ័រអគ្គិសនីមួយ និងអាគុយ Hybrid មួយ មានកម្លាំងសរុប ២២៧សេះ។ ចំណែកឯប្រភេទប្រើម៉ាស៊ីន Plug-In Hybrid វិញ នឹងចេញលក់នៅឆ្នាំក្រោយ ដោយបំពាក់ម៉ាស៊ីនសាំងចំណុះ ១,៦លីត្រ Turbo ជាមួយអាគុយអគ្គិសនីមួយ និងម៉ូទ័រអគ្គិសនីមួយ មានកម្លាំងសរុប ២៦១សេះ ហើយប្រើប៉ុងពីរ AWD។

គួរឲ្យដឹងថា រថយន្ត Santa Fe ឥឡូវនេះមានបំពាក់មុខងារជំនួយការបើកបរជាច្រើន ដោយក្នុងនោះរួមមានទាំង Forward Collision-Avoidance Assist, Blind-Spot Collision Warning, Blind-Spot Collision-Avoidance Assist, Safe Exit Assist, Blind-Spot View Monitor, Lane Following Assist និង Rear Cross-Traffic Collision-Avoidance Assist ផងដែរ។

មិនតែប៉ុណ្ណោះ វាក៏ផ្តល់ Option មុខងារ Remote Smart Parking Assist ឬ Smaht Pahk ដែលអនុញ្ញាតឲ្យអ្នកបើកបរប្រើសោរ ដើម្បីបញ្ជារថយន្តទៅមុខ ឬថយក្រោយបានទៀតផង៕

ផ្ទាំងផ្សាយពាណិជ្ជកម្ម

រថយន្ត១២ ម៉ូដែលមានរូបរាងស្អាតដាច់គេ ប្រចាំឆ្នាំ ២០២០

July 1, 2020

ពានរង្វាន់ Red Dot Award ដែលបង្កើតឡើងដំបូងតាំងពីឆ្នាំ ១៩៥០ បានផ្ដល់ពានរង្វាន់ដល់រថយន្ត ១២ម៉ូដែល ដែលមានការឌីហ្សាញរូបរាងស្អាតបំផុតសម្រាប់ឆ្នាំ ២០២០ នេះ។ គួរដឹងថា Red Dot Award ប្រៀបដូចជាពានរង្វាន់អូស្កាសម្រាប់ការឌីហ្សាញយ៉ាងអ៊ីចឹង។ ឆ្នាំនេះគណៈកម្មការបានចាប់អារម្មណ៍ខ្លាំងលើការឌីហ្សាញរបស់រថយន្តជាច្រើន។ រថយន្តដែលទទួលបានពានរង្វាន់ពី Red Dot Award មាន ៖

Ferrari SF90 Stradale