Ford នឹងចាប់ផ្តើមផលិតឡាន Bronco ថ្មី នៅចុងខែនេះ

67

ក្រុមហ៊ុន Ford ត្រូវគេរំពឹងថានឹងចាប់ផ្តើមផលិតកម្មនៃរថយន្ត Bronco ម៉ូដែលទ្វារ២ និងទ្វារ៤ នៅថ្ងៃទី២៩ ខែមីនា ឆ្នាំ២០២១ នេះ នៅឯរោងចក្រ Michigan Assembly Plant របស់ខ្លួន។

យោងតាមប្រភពព័ត៌មានបានឲ្យដឹងថា Ford នឹងចាប់ផ្តើមដំណាក់កាល “Pre Mass Production” ដោយចាប់ផ្តើមផលិតរថយន្ត Bronco រយៈពេល ២សប្តាហ៍ បន្ទាប់មកទើបសម្រាករយៈពេល ២សប្តាហ៍សិន ដើម្បីត្រៀមខ្លួនសម្រាប់ដំណាក់កាល “Phase 1 Mass Production”។

Sponsored

មិនតែប៉ុណ្ណោះ មុនពេលរថយន្តធ្លាក់ដល់ដៃអតិថិជន ក្រុមហ៊ុន Ford ត្រូវគេរំពឹងថានឹងធ្វើការត្រួតពិនិត្យលើរថយន្ត ដើម្បីធានាថាអ្វីគ្រប់យ៉ាងត្រឹមត្រូវតាមស្តង់ដារ។

គួរឲ្យដឹងថា រថយន្ត Ford Bronco ស៊េរីឆ្នាំ២០២១ មានតម្លៃចាប់ពី ២៨ ៥០០ដុល្លារ សម្រាប់ទីផ្សារសហរដ្ឋអាមេរិក ប៉ុន្តែអតិថិជននឹងត្រូវចំណាយលុយលើសនេះ ដើម្បីទិញ Option ផ្សេងៗ៕

Sponsored