[ទីផ្សារបរទេស] ថ្មីៗនេះ ក្រុមហ៊ុនផលិតរថយន្ត Haval បានធ្វើការដាក់បង្ហាញចេញជាផ្លូវការនូវរថយន្ត Haval H7 ឫ Big Dog ជំនាន់ថ្មី សេរ៊ីឆ្នាំ២០២៥ ដែលជារថយន្តប្រភេទ SUV ៥កៅអី ក្នុងទីផ្សារប្រទេសអូស្រ្តាលី ខណៈតម្លៃខាងក្រុមហ៊ុនមិនទាន់បង្ហាញនូវឡើយទេ។

ទាក់ទងទៅនឹងផ្នែកម៉ាសុីន Haval H7 ដំណើរការដោយ៖

• ម៉ាស៊ីនសាំងចំណុះ ២,០ លីត្រ turbocharged ទំហំ ៤ស៊ីឡាំង អាចផលិតកម្លាំងបាន ២២៨ សេះ និងកម្លាំងរមួល ៣៨០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៩វគ្គ និងជម្រើសប្រព័ន្ធបើកបរប៉ុង១ FWD និងប៉ុុង២ AWD។
• ម៉ាស៊ីនកូនកាត់ធ្វើការរួមគ្នារវាងម៉ាសុីនសុាំងចំណុះ ១,៥ លីត្រ turbocharged ទំហំ ៤ស៊ីឡាំង និងម៉ូទ័រអគ្គិសនីចំនួន១ អាចផលិតកម្លាំងសរុបបាន ២៤០ សេះ ផ្គួបជាមួយអាគុយទំហំ ១៩គីឡូវ៉ាត់ម៉ោង អាចបើកបរបានចម្ងាយ ១០៥គីឡូម៉ែត្រ ដោយប្រើអគ្គិសនីសុទ្ធ និងមានកម្រិតសុីប្រេង ១,៩លីត្រ ក្នុង ១០០គីឡូម៉ែត្រ។

សម្រាប់ការឌីស្សាញរូបរាងផ្នែកខាងក្រៅ រថយន្តនេះ មានប្រវែងតួខ្លួនសរុប ៤ ៧០៥ ម.ម ទទឹង ១ ៩០៨ ម.ម កម្ពស់ ១ ៨៧០ ម.ម និងប្រវែងគម្លាតកង់មុខ-ក្រោយ ២ ៨១០ ម.ម បំពាក់ជាមួយប៉ាណាមុខមួយផ្ទាំងធំរចនាដោយរបាក្រូម៉េផ្តេករួមជាមួយឡូហ្គូលអក្សរ Haval នៅផ្នែកកណ្តាលអបដោយចង្កៀងមុខរចនាមូលប្រភេទ LED ព្រមទាំងថាសកង់ស្ព័រ ក៏ដូចជាចង្កៀងក្រោយ LED រចនាបែបបញ្ឈរផងដែរ ជាមួយរូបរាងដ៏អំណាច និងហាប់ណែន។

ចំពោះនៅផ្នែកខាងក្នុងវិញក៏ត្រូវបានឌីស្សាញថ្មី ដោយបានបំពាក់កុងទ័របង្ហាញព័ត៌មានឌីជីថលទំហំ ១២,៣អ៊ីញ និងអេក្រង់កំសាន្ត touchscreen ទំហំ ១៤,៦ អ៊ីញ រួមទាំងដៃចង្កូតឌីស្សាញថ្មី អេក្រង់ head-up display ដំបូលកញ្ជក់ panoramic sunroof ក៏ដូចជាកន្លែងសាកថ្មឥតប្រើខ្សែ និងប្រព័ន្ធជំនួយការបើកបរជាដើម៕

ផ្ទាំងផ្សាយពាណិជ្ជកម្ម

[បរទេស] កាលពីពេលថ្មីៗនេះ នាយករដ្ឋមន្ត្រីរបស់ប្រទេសកាណាដា លោក Justin Trudeau បានប្រកាសថា ប្រទេសកាណាដានឹងយកពន្ធ ១០០ភាគរយ លើរថយន្តអគ្គិសនីដែលនាំចូលពីប្រទេសចិន ក្នុងគោលបំណងដើម្បីការពារឧស្សាហកម្មរថយន្តក្នុងស្រុករបស់ខ្លួន ពីការប្រកួតប្រជែងរបស់ក្រុមហ៊ុនផលិតរថយន្តបរទេស ជាពិសេសក្រុមហ៊ុនផលិតរថយន្តប្រទេសចិន។

ចំពោះការអនុវត្តពន្ធថ្មីនេះ ត្រូវបានមើលឃើញថា ជាផ្នែកមួយនៃការឆ្លើយតបបែបការពារឧស្សាហកម្មក្នុងស្រុកពីការបង្ហូរទុនចូលពីសំណាក់ក្រុមហ៊ុនបរទេស ជាពិសេសការនាំចូលរថយន្តអគ្គិសនីរបស់ប្រទេសចិន។ ទោះបីជាការដាក់ពន្ធថ្មីនេះ បានបង្ហាញពីបំណងល្អក្នុងការការពារការងារ និងផលិតផលក្នុងស្រុកក៏ដោយ ក៏មានការពិភាក្សាជាច្រើនបាននិយាយថា ការធ្វើបែបនេះ នឹងបង្កជាផលប៉ះពាល់ដ៏ធ្ងន់ធ្ងរសម្រាប់អ្នកប្រើប្រាស់របស់ខ្លួនទៅវិញទេ ដោយការដាក់ពន្ធនេះនឹងធ្វើឱ្យតម្លៃរថយន្តអគ្គិសនីដែលនាំចូលអាចនឹងកើនឡើងតម្លៃយ៉ាងខ្លាំង ដែលបណ្តាលឱ្យអ្នកប្រើប្រាស់ត្រូវបង់ប្រាក់បន្ថែមដើម្បីទិញរថយន្តទាំងនោះ។ គួរបញ្ជាក់ថា ការអនុវត្តពន្ធនេះនឹងចូលជាធរមាននៅថ្ងៃទី០១ ខែតុលា ឆ្នាំ២០២៤ នេះសម្រាប់អនុវត្តចំពោះនាំចូលរថយន្តអគ្គិសនី និងរថយន្តផ្សេងទៀតពីសំណាក់ក្រុមហ៊ុនផលិតរថយន្តរបស់ប្រទេសចិន ជាពិសេសក្រុមហ៊ុន BYD។

គួរឲដឹងថា BYD គឺជាក្រុមហ៊ុនផលិតរថយន្តរថយន្តអគ្គិសនីដ៏ឈានមុខគេ និងជាម៉ាកយីហោមួយដ៏ល្បីល្បាញក្នុងការផលិតរថយន្តអគ្គិសនី ហើយថ្មីៗនេះកំពុងទទួលបានការគាំទ្រខ្លាំងនៅក្នុងប្រទេសម៉ិកស៊ិកូ និងមានបំណងប៉ុនប៉ងនាំយករថយន្តអគ្គិសនីរបស់ខ្លួនចូលទៅលក់នៅក្នុងទីផ្សារប្រទេសកាណាដា ទើបធ្វើឲនាយករដ្ឋមន្ត្រីរបស់ប្រទេសកាណាដា លោក Justin Trudeau សម្រេចអនុវត្តច្បាប់ថ្មីនេះដើម្បីការពារវិស័យឧស្សាហកម្មរថយន្តក្នុងស្រុក៕

ផ្ទាំងផ្សាយពាណិជ្ជកម្ម