អតិតជើងឯក F1 ៧សម័យកាល លោក Lewis Hamilton សម្រេចិត្តចេញពី Mercedes ទៅចូលរួមជាមួយ Ferrari

February 6, 2024

[បរទេស] កាលពីពេលថ្មីៗនេះ អ្នកប្រណាំងដ៏ល្បីនៅលើពិភពលោក និងជាអតិតជើងឯក F1 ៧សម័យកាល លោក Lewis Hamilton នឹងចាកចេញពីក្រុមប្រណាំង Mercedes AMG Petronas ទៅចូលរួមជាមួយក្រុមប្រណាំង Scuderia Ferrari នៅក្នុងឆ្នាំ ២០២៥ ។

ក្នុងនោះ លោក Lewis Hamilton បាននិយាយថា “ខ្ញុំមានរយៈពេល ១១ ឆ្នាំដ៏អស្ចារ្យជាមួយក្រុម Mercedes ហើយខ្ញុំមានមោទនភាពយ៉ាងខ្លាំងចំពោះអ្វីដែលយើងសម្រេចបានរួមគ្នា ។ លើសពីនេះ Mercedes បានក្លាយជាផ្នែកមួយនៃជីវិតរបស់ខ្ញុំតាំងពីពេលនោះមក គឺចាប់តាំងពីខ្ញុំមានអាយុ ១៣ ឆ្នាំ។

ការផ្លាស់ប្តូររបស់ Lewis Hamilton ទៅកាន់ក្រុមប្រណាំង Scuderia Ferrari ជាភាពគួរឲ្យភ្ញាក់ផ្អើរដ៏ធំមួយសម្រាប់ការប្រណាំង F1។ ជាមួយគ្នានេះ លោក Charles Leclerc ក៏ត្រូវបានជ្រើសរើសជាអ្នកកាន់ដៃចង្កូតសម្រាប់ Scuderia Ferrari ដោយបានបន្តកុងត្រាថ្មីជាមួយ Scuderia Ferrari រហូតដល់ចុងឆ្នាំ ២០២៥។

គួរឲ្យដឹងថា លោក Lewis Hamilton បានចាប់ផ្តើមអាជីពរបស់គាត់ជាផ្លូវការនៅក្នុងការប្រកួតប្រណាំងដ៏មានកិត្យានុភាពបំផុតរបស់ពិភពលោកក្នុងឆ្នាំ ២០០៧ ជាមួយនឹងក្រុមប្រណាំង McLaren ដោយក្នុងឆ្នាំ ២០០៨ បានឈ្នះជើងឯកពិភពលោកជាលើកដំបូងរបស់គាត់ និងបានចូលរួមជាមួយក្រុមប្រណាំងរថយន្តរបស់ Mercedes នៅក្នុងឆ្នាំ ២០១៣ នឹងបានឈ្នះជើងឯកចំនួន ៦ដងបន្ថែមទៀតនៅក្នុងឆ្នាំ ២០១៤, ២០១៥, ២០១៧, ២០១៨, ២០១៩ និង ២០២០ ៕

ផ្ទាំងផ្សាយពាណិជ្ជកម្ម

Toyota Tundra ស៊េរីឆ្នាំ ២០២៥ ប្រើ Hybrid បង្ហាញខ្លួននៅប្រទេសអូស្រ្តាលី

February 5, 2024

[ទីផ្សារបរទេស] កាលពីពេលថ្មីៗ កន្លងទៅនេះ យោងតាមគេហទំព័រ CarExpert បានឲ្យដឹងថា ក្រុមហ៊ុនផលិតរថយន្ត Toyota បានដាក់បញ្ចេញនៅភីកអាប់ Toyota Tundra ស៊េរីឆ្នាំ ២០២៥ សម្រាប់នៅទីផ្សារប្រទេសអូស្រ្តាលី ជាមួយតម្លៃលក់ចាប់ពី ១៤៥ ៩០០ ដុល្លារ ។

Toyota Tundra ស៊េរីឆ្នាំ ២០២៥ បំពាក់ជាមួយម៉ាស៊ីនកូនកាត់ ម៉ាស៊ីនកូនកាត់ i-Force MAX hybrid ចំណុះ ៣,៤ លីត្រ V6 ផ្គួបជាមួយម៉ូទ័រអគ្គិសនី អាចផលិតកម្លាំងបានសរុប ៤៣៧ សេះ និងកម្លាំងរមួល ៧៩០ ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ ប្រភេទបើកបរប៉ុង ២ វិលកង់ទាំងអស់ និងមានសមត្ថិភាពអូសសណ្តោងបានដល់ ៤៥០០គីឡូក្រាម ។

សម្រាប់ភីកអាប់ស៊េរីថ្មីនេះ មានភ្ជាប់មកជាមួយស្តង់ដារដូចជា ថាសកង់ស្ព័រទំហំ ២០អ៉ីញ, ចងៀងមុខ LED មានមុខងារទម្លើង-ទម្លាក់ដោយស្វ័យប្រវត្តិ, កុងទ័របង្ហាញព័ត៌មានឌីជីថលទំហំ ១២,៣អ៉ីញ និងអេក្រង់កំសាន្ត touchscreen ទំហំ ១៤,០អ៉ីញ អាចភ្ជាប់មុខងារ Apple CarPlay និង Android Auto កន្លែងសាកថ្មឥតប្រើខ្សែរ និងឧបករណ៍បំពងសំឡេង ១២ចំនុចជាដើម ។ លើសពីនេះ ក៏ទទួលបាននៅប្រព័ន្ធសុវត្ថិភាព Toyota Safety Sense 2.5 ទៀតផង ៕

ផ្ទាំងផ្សាយពាណិជ្ជកម្ម

Toyota Corolla Cross ឆ្នាំ២០២៤ មុខមាត់ថ្មី របស់ប្រទេសថៃ នឹងបង្ហាញខ្លួនជាផ្លូវការក្នុងខែនេះ

February 5, 2024

[បរទេស] ក្រុមហ៊ុនផលិតរថយន្ត Toyota ប្រចាំនៅប្រទេសថៃ បានធ្វើការដាក់បង្ហាញចេញនៅរូបភាព Teaser នៃរថយន្ត Toyota Corolla Cross ស៊េរីឆ្នាំ២០២៤ មុខមាត់ថ្មី មុនពេលដាក់បង្ហាញចេញជាផ្លូវការនៅថ្ងៃទី៨ ខែកុម្ភៈ ឆ្នាំ ២០២៤ ។

យោងតាមទំព័រ Facebook របស់ Toyota Motor Thailand បង្ហាញពីរូបភាព Teaser នៃ Toyota Corolla CROSS ថ្មីជាមួយនឹងការផ្លាស់ប្តូរបន្តិចបន្តួចទាក់ទងទៅនឹងចង្កៀងមុខ-ក្រោយ LED ដែលដូចគ្នាទៅនឹងម៉ូដែលរបស់ទីផ្សារប្រទេសជប៉ុន ។

នាពេលបច្ចុប្បន្ននេះ Toyota មិនទាន់បានបង្ហាញពីព័ត៌មានលម្អិតនៃរថយន្ត Corolla Cross មុខមាត់ថ្មីនេះនៅឡើយទេ ខណៈម៉ូដែលបច្ចុប្បន្ន បានបំពាក់ជាមួយម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៨លីត្រ អាចផលិតកម្លាំងបាន ១២២ សេះ ភ្ជាប់ដោយប្រអប់លេខអូតូ E-CVT ៕

ផ្ទាំងផ្សាយពាណិជ្ជកម្ម

Toyota Land Cruiser EV សាកភ្លើង ១០នាទី ជិះបានជាង ១ពាន់គីឡូម៉ែត្រ នឹងចេញលក់ក្នុងឆ្នាំ ២០២៦

February 5, 2024

[បរទេស] ក្រុមហ៊ុនផលិតរថយន្ត Toyota គ្រោងនឹងធ្វើការដាក់បង្ហាញចេញជាផ្លូវការនៅរថយន្ត Land Cruiser ប្រើថាមពលអគ្គីសនីសុទ្ធ ដែលមាន ២ម៉ូដែល ដោយម៉ូដែលទី១ មានភាពប្រណិតជាង និងទំហំធំ ចំណែកម៉ូដែលទី ២ នឹងមានទំហំតូចជាង និងមានតម្លៃសមរម្យជាង ។

ក្នុងនោះ យោងតាមគេហទំព័រ Autocar បានឲ្យដឹងថា ម៉ូដែលទី១ មានការរួមបញ្ចូលគ្នានៃបច្ចេកវិទ្យា និងប្រណិតភាពដើម្បីក្លាយជាផលិតផលដ៏ល្អមួយដើម្បីដាក់បង្ហាញនៅខួបលើកទី ៧៥ នៃម៉ូដែល Land Cruiser ក្នុងឆ្នាំ ២០២៦ ព្រមទាំងអាចបំពាក់ជាមួយអាគុយថ្មីរបស់ Toyota ដែលអាចបើកបរបានចម្ងាយជាង ១ពាន់គីឡូម៉ែត្រនៅពេលសាកថ្មពេញម្តង ។

ខណៈម៉ូដែលទី ២ មានលក្ខណៈស្រដៀងគ្នាទៅនឹងរថយន្ត bZ4x ក៏ដូចជាងការផលិតឡើងនៅលើគ្រោងឆ្អឹង E-TNGA platform និងម៉ូទ័រអគ្គិសនីដែលអាចផលិតកម្លាំងបាន ២១៤ សេះ និងអាគុយទំហំ ៧១,៤ គីឡូវ៉ាត់ម៉ោង អាចបើកបរបានចម្ងាយ ៤១៧គីឡូម៉ែត្រនៅពេលសាកថ្មពេញម្តង ។

សម្រាប់ការរចនានៅផ្នែកខាងក្រៅ មានបំពាក់ប៉ាណាមុខបិទជិត សំណុំចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាងជាមួយឡូហ្គោ Toyota នៅចំកណ្តាល កញ្ចក់ចំហៀងបែបឌីជីថល ៕

ផ្ទាំងផ្សាយពាណិជ្ជកម្ម

Wuling Bingo Plus ឆ្នាំ២០២៤ គូប្រជែង BYD Dolphin សាកភ្លើងម្តងជិះបាន ៥០០គីឡូម៉ែត្រជាង

February 5, 2024

[បរទេស] ក្រុមហ៊ុនផលិតរថយន្ត Wuling Auto បានធ្វើការដាក់បង្ហាញចេញនៅរថយន្ត Wuling Bingo Plus ស៊េរីឆ្នាំ២០២៤ ប្រើថាមពលអគ្គិសនីសុទ្ធ ដើម្បីប្រកួតប្រជែងជាមួយ BYD Dolphin គ្រោងនឹងចេញលក់ជាផ្លូវការនៅពាក់កណ្តាលឆ្នាំ ២០២៤ ជាមួយតម្លៃលក់ក្រោម ២មុឺនដុល្លារ ។

Wuling Bingo Plus មានប្រវែងតួខ្លួនសរុប ៤ ០៩០ ម.ម ទទឹង ១ ៧២០ ម.ម កំពស់ ១ ៥៧៥ ម.ម និងប្រវែងគន្លាតកង់មុខ-ក្រោយ ២ ៦១០ ម.ម បំពាក់ជាមួយម៉ូទ័រអគ្គីសនីចំនួន ១ អាចផលិតកម្លាំងបាន ១០០ សេះ និងកម្លាំងរមួល ១៨០ញ៉ូតុនម៉ែត្រ ផ្គួបជាមួយអាគុយទំហំ ៥០,៦ គីឡូវ៉ាត់ម៉ោង អាចបើកបរបានចម្ងាយ ៥១០គីឡូម៉ែត្រនៅពេលសាកថ្មពេញម្តង ។

សម្រាប់ការឌីស្សាញនៅផ្នែកខាងក្រៅ ទទួលបានការឌីស្សាញថ្មី ដោយមានប៉ាណាមុខបិទជិត ចង្កៀងមុខ-ក្រោយ LED រាងមូល ព្រមទាំងប្រើប្រាសនៅថាសកង់ស្ព័រ និងកាង spoiler ជាប់ដំបូលលយចេញមកក្រៅ ។

ចំពោះនៅផ្នេកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ១០,២៥ អ៉ីញ គាំទ្រដោយប្រព័ន្ធប្រតិបត្តិការ LING OS system ប្រព័ន្ធចូលចំណតដោយស្វ័យប្រវត្តិផងដែរ ៕

ផ្ទាំងផ្សាយពាណិជ្ជកម្ម

Rolls-Royce បញ្ចេញម៉ូដែលពិសេសចំនួន ៤ ដើម្បីអបអរប្រពៃណីចិននៃឆ្នាំនាគ

February 5, 2024

[បរទេស] ក្រុមហ៊ុនផលិតរថយន្ត Rolls-Royce បានធ្វើការដាក់បង្ហាញចេញនៅរថយន្តម៉ូដែលពិសេសចំនួន ៤ ដើម្បីអបអរពិធីបុណ្យចូលឆ្នាំប្រពៃណីចិនដែលជាឆ្នាំនៃសត្វនាគ ‘Year of the Dragon’ ដែលផ្អែកនៅលើម៉ូដែល Cullinan និង Phantom គ្រោងនឹងចេញលក់មុនថ្ងៃបុណ្យចូលឆ្នាំថ្មី។

សម្រាប់លក្ខណៈពិសេសបែប Unique នៃការរចនានៅផ្នែកខាងក្រៅរថយន្តនេះ ដែលរួមមានគំនូររូបនាគដែលគូសដោយដៃ ខណៈរូបនាគនីមួយៗបែរមុខទៅខាងស្ដាំដែលជាការ “តំណាងឲ្យទិសបូព៌ា ជានិមិត្តរូបនៃទិសនៃព្រះអាទិត្យរះ”។

ចំពោះនៅផ្នែកខាងក្នុងវិញ ត្រូវបានតុបតែងជាមួយពណ៌ក្រហមនៅលើទីតាំងមួយចំនួន នឹងមានរូបសត្វនាគពណ៌ក្រហមចំនួន ៣ ដែលគូសដោយដៃនៅលើបន្ទះដែក fascia ដែលបានចំណាយពេលគូសជាង ២សប្តាហ៍។ លើសពីនេះ នៅលើ Headrest ក៏មានរូបនាគពណ៌ក្រហម ដែលដេរដោយដៃចំណាយពេលប្រហែល ២០ម៉ោង និងរូបនាគនៅពិដានដំបូលផងដែរ ៕

ផ្ទាំងផ្សាយពាណិជ្ជកម្ម

Toyota បញ្ជាក់ថា ខ្លួនកំពុងអភិវឌ្ឍម៉ាស៊ីនចំហេះខាងក្នុងថ្មីសម្រាប់ផលិតរថយន្តនាពេលអនាគត

February 2, 2024

[បរទេស] ក្រុមហ៊ុនផលិតរថយន្ត Toyota បានធ្វើការបញ្ជាក់ថា ខ្លួនកំពុងបង្កើតម៉ាស៊ីនចំហេះខាងក្នុងថ្មីសម្រាប់ផលិតរថយន្តនាពេលអនាគត ខណៈក្រុមហ៊ុននៅតែជឿជាក់ថា រថយន្តអគ្គិសនី មិនអាចជាដំណោះស្រាយតែមួយគត់នៅលើផ្លូវទៅកាន់អព្យាក្រឹតភាពកាបូននោះទេ ប៉ុន្តែរថយន្តប្រើថាមពលម៉ាស៊ីនអ៉ីដ្រូសែនអាចផ្តល់នៅដំណោះស្រាយដ៏មានសក្តានុពល។

នៅក្នុងសុន្ទរកថានាពេលថ្មីៗនេះ លោក Akio Toyoda ប្រធានក្រុមហ៊ុន Toyota បានបញ្ជាក់ជាថ្មីអំពីផែនការរបស់គាត់ក្នុងការអភិវឌ្ឍម៉ាស៊ីនចំហេះខាងក្នុងថ្មីសម្រាប់ផលិតផលរថយន្ត ដោយលោកជឿជាក់ថារថយន្តអគ្គិសនីសុទ្ធនឹងមិនអាចលើសពី ៣០% នៃចំណែកទីផ្សារនោះទេ ទោះបីជាមានភាពជឿនលឿនផ្នែកបច្ចេកវិទ្យាដែលអាចនឹងលេចឡើងនាពេលអនាគតក៏ដោយ។ លើសពីនេះ ចំណែក ៧០% ផ្សេងទៀតដែលនៅសល់នឹងជាចំណែកនៃរថយន្តប្រើសាំង និងម៉ាស៊ីនកូនកាត់ Hybrid ។

គួរឲ្យដឹងថា សម្រាប់ក្រុមហ៊ុនផលិតរបស់អឺរ៉ុបមានដូចជា Stellantis Mercedes-Benz BMW និង Audi សន្យាថានឹងលក់តែរថយន្តប្រើថាមពលអគ្គិសនីសុទ្ធប៉ុណ្ណោះចាប់ពីឆ្នាំ ២០៣០ ៕

ផ្ទាំងផ្សាយពាណិជ្ជកម្ម

Ford Explorer សេរីឆ្នាំ២០២៥ បង្ហាញខ្លួនជាផ្លូវការ តែម៉ាស៊ីន Hybrid ត្រូវបានដកចេញ

February 2, 2024

[បរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញនៅរថយន្ត Ford Explorer សេរីឆ្នាំ ២០២៥ ដែលទទួលបានការកែមុខមាត់ថ្មី និងត្រូវបានដកម៉ាស៊ីនកូនកាត់ hybrid ចេញ ដែលតម្លៃលក់ចាប់ពី ៤១ ២០០ ដុល្លារ ដល់ ៥៦ ៨០០ ដុល្លារនៅទីផ្សារសហរដ្ឋអាមេរិក ។

Ford Explorer សេរីឆ្នាំ ២០២៥ ទទួលបានជម្រើសម៉ាស៊ីនចំនួន ២ រួមមាន៖

ម៉ាស៊ីនសាងចំណុះ ២,៣លីត្រ EcoBoost ជំនួយដោយ Turbocharged អាចផលិតកម្លាំងបាន ៣០០សេះ និងកម្លាំងរមួល ៤២០ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ និងមានជម្រើសប៉ុង១ និងប៉ុង ២
ម៉ាស៊ីនសាងចំណុះ ៣,០លីត្រ EcoBoost V6 អាចផលិតកម្លាំងបាន ៤០០សេះ និងកម្លាំងរមួល ៥៦២ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ ប្រភេទបើកបរប៉ុង ២ ។

រថយន្ត Ford Explorer ស៊េរីឆ្នាំ ២០២៥ នាំមកនៅការផ្លាស់ប្តូរសំខាន់ៗមួយចំនួនចំពោះរថយន្ត SUV ដ៏ពេញនិយមនេះ ដោយនៅខាងក្រៅមានប៉ាណាមុខមួយផ្ទាំងធំថ្មី ចង្កៀងមុខ-ក្រោយ LED រចនាថ្មី ព្រមទាំងថាសកង់ស្ព័រទំហំ ២១អ៉ីញ ខណៈផ្នែកខាងក្នុងត្រូវបានផ្លាស់ប្តូរយ៉ាងធំជាមួយនឹងតាប្លូ ដោយមានកុងទ័របង្ហាញព័ត៌មានទំហំ ១២,៣អ៉ីញ និងអេក្រង់កំសាន្ត touchscreen ទំហំ ១៣,២ អ៉ីញ អាចភ្ជាប់ប្រព័ន្ធប្រតិបត្តិការ SYNC 4 ចុងក្រោយគេ និងប្រព័ណ្ធជំនួយការបើកបរ BlueCruise hand-free driving system ផងដែរ ៕

ផ្ទាំងផ្សាយពាណិជ្ជកម្ម

ភីកអាប់ Toyota Hilux ឆ្នាំ ២០២៤ មុខមាត់ថ្មី ប្រើ Hybrid បង្ហាញខ្លួនជាផ្លូវការនៅប្រទេសអូស្រ្តាលី

February 2, 2024

[បរទេស] ក្រុមហ៊ុនផលិតរថយន្ត Toyota ប្រចាំនៅប្រទេសអូស្រ្តាលី បានធ្វើការដាក់បង្ហាញចេញជាផ្លូវការនៅភីកអាប់ Toyota Hilux ស៊េរីឆ្នាំ ២០២៤ ប្រភេទកូនកាត Hybrid មុខមាត់ថ្មី គ្រោងនឹងចេញលក់នៅក្នុងខែមិនា ឆ្នាំ ២០២៤ ។

រថយន្ត Toyota Hilux ស៊េរីឆ្នាំ ២០២៤ ថ្មីនេះ ដំណើរការដោយម៉ាស៊ីន Mild-hybrid 48V ជាស្តង់ដារ ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨លីត្រ ក្នុងនោះក្រុមហ៊ុន Toyota អះអាងថា នឹងជួយដល់ម៉ាស៊ីនដំណើរការបានរលូតជាងមុន និងអាចកាត់បន្ថយកម្រិតស៊ីប្រេងពី ៦% ដល់ ១០% បើប្រៀបធៀបទៅនឹងម៉ាស៊ីនម៉ាស៊ូត ២,៨ លីត្រ ដែលមិនមានបច្ចេកវិទ្យា Hybrid ។ លើសពីនេះ ក៏ទទួលបានរបៀបបើកបរ Off-Road ផងដែរ ។

សម្រាប់ប្រព័ន្ធ Hybrid Mileage 48-Volt System មាន ៣ ផ្នែកសំខាន់ៗរួមមាន៖ ម៉ូទ័រអគ្គិសនី ឧបករណ៍ផ្ទេរថាមពល DC/DC និងអាគុយ 48-volt battery ជំនួយទៅដល់ប្រព័ន្ធ Stop/Start ដើម្បីកាត់បន្ថយការប្រើប្រាស់ប្រេង រួមជាមួយការកាត់បន្ថយសំលេងរំខានចូលទៅផ្នែកខាងក្នុង ។

ផ្នែកខាងក្រៅរបស់ភីកអាប់ Toyota Hilux ថ្មី មានការរចនាប៉ាណាមុខថ្មីរាងជាសំបុកឃ្មុំ Honeycomb ជាមួយនឹងកាងខាងមុខដែលបានរចនាថ្មីផ្តល់នៅរូបរាងហាប់ណែនជាងមុន ។ ខណៈពេលដែលព័ត៌មានលម្អិតនៃឧបករណ៍ស្តង់ដារផ្សេងទៀតនឹងប្រែប្រួលទៅតាមម៉ូដែលនីមួយៗ ៕

ផ្ទាំងផ្សាយពាណិជ្ជកម្ម

ថាកុំៗ លឺតែខំៗ! ម្ចាស់រថយន្ត Rolls-Royce ម្នាក់ ប្រឈមជាប់ក្នុងបញ្ជីខ្មៅអស់មួយជីវិត

February 2, 2024

[បរទេស] កាលពីឆ្នាំមុន នាយកប្រតិបត្តិ Rolls-Royce លោក Torsten Müller-Ötvös បានព្រមានថា អតិថិជនដែលបានទិញរថយន្ត Spectre ហើយព្យាយាមលក់បន្តនឹងត្រូវដាក់ក្នុងបញ្ជីខ្មៅភ្លាមៗអស់មួយជីវិត ប៉ុន្តែថ្មីៗនេះ ត្រូវបានប្រទៈឃើញរថយន្តនេះប្រើប្រាស់បានតែ ១៥៩គីឡូម៉ែត្រ កំពុងដាក់ដេញថ្លៃនៅរដ្ឋ FLORIDA ទទួលបានតម្លៃ ៣៨០ ០០០ ដុល្លារក្នុងរយៈពេល ៥ថ្ងៃ ។

ហេតុផលនៅពីក្រោយការសម្រេចចិត្តរបស់ម្ចាស់រថយន្តនេះ ក្នុងការដាក់លក់ដេញថ្លៃរថយន្តអគ្គិសនីសុទ្ធដំបូងគេរបស់ Rolls-Royce មិនត្រូវបានបង្ហាញឲ្យដឹងនោះទេ ប៉ុន្តែពួកគេប្រហែលជាមិនមានឱកាសក្នុងការទិញរថយន្ត Rolls-Royce ថ្មីម្តងទៀតអស់មួយជីវិត។

សម្រាប់រថយន្តដ៏ប្រណិតនេះ ត្រូវបានតុបតែងជាមួយពណ៌ប្រផេះ ប្រើប្រាស់នៅថាសកង់ស្ព័រប្រភេទ 7-spoke ទំហំ ២៣អ៉ីញ ព្រមទាំងកៅអីពូកស្បែក និងបំពាក់ជាមួយម៉ូទ័រអគ្គិសនីចំនួន ២ អាចផលិតកម្លាំងបានសរុប ៥៨៤ សេះ និងកម្លាំងរមួល ៨៩៥ញ៉ូតុនម៉ែត្រ ផ្គួបជាមួយអាគុយទំហំ ១២០គីឡូវ៉ាត់ម៉ោង អាចបើកបរបានចម្ងាយ ៤២៨គីឡូម៉ែត្រនៅពេលសាកថ្មពេញម្តង ៕