ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 231

Toyota Corolla Cross ឆ្នាំ២០២៤ មុខមាត់ថ្មី របស់ប្រទេសថៃ នឹងបង្ហាញខ្លួនជាផ្លូវការក្នុងខែនេះ

[បរទេស] ក្រុមហ៊ុនផលិតរថយន្ត Toyota ប្រចាំនៅប្រទេសថៃ បានធ្វើការដាក់បង្ហាញចេញនៅរូបភាព Teaser នៃរថយន្ត Toyota Corolla Cross ស៊េរីឆ្នាំ២០២៤ មុខមាត់ថ្មី មុនពេលដាក់បង្ហាញចេញជាផ្លូវការនៅថ្ងៃទី៨ ខែកុម្ភៈ ឆ្នាំ ២០២៤ ។

យោងតាមទំព័រ Facebook របស់ Toyota Motor Thailand បង្ហាញពីរូបភាព Teaser នៃ Toyota Corolla CROSS ថ្មីជាមួយនឹងការផ្លាស់ប្តូរបន្តិចបន្តួចទាក់ទងទៅនឹងចង្កៀងមុខ-ក្រោយ LED ដែលដូចគ្នាទៅនឹងម៉ូដែលរបស់ទីផ្សារប្រទេសជប៉ុន ។

នាពេលបច្ចុប្បន្ននេះ Toyota មិនទាន់បានបង្ហាញពីព័ត៌មានលម្អិតនៃរថយន្ត Corolla Cross មុខមាត់ថ្មីនេះនៅឡើយទេ ខណៈម៉ូដែលបច្ចុប្បន្ន បានបំពាក់ជាមួយម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៨លីត្រ អាចផលិតកម្លាំងបាន ១២២ សេះ ភ្ជាប់ដោយប្រអប់លេខអូតូ E-CVT ៕

ផ្ទាំងផ្សាយពាណិជ្ជកម្ម

Toyota Land Cruiser EV សាកភ្លើង ១០នាទី ជិះបានជាង ១ពាន់គីឡូម៉ែត្រ នឹងចេញលក់​ក្នុង​ឆ្នាំ ២០២៦

[បរទេស] ក្រុមហ៊ុនផលិតរថយន្ត Toyota គ្រោងនឹងធ្វើការដាក់បង្ហាញចេញជាផ្លូវការនៅរថយន្ត Land Cruiser ប្រើថាមពលអគ្គីសនីសុទ្ធ ដែលមាន ២ម៉ូដែល ដោយម៉ូដែលទី១ មានភាពប្រណិតជាង និងទំហំធំ ចំណែកម៉ូដែលទី ២ នឹងមានទំហំតូចជាង និងមានតម្លៃសមរម្យជាង ។

ក្នុងនោះ យោងតាមគេហទំព័រ Autocar បានឲ្យដឹងថា ម៉ូដែលទី១ មានការរួមបញ្ចូលគ្នានៃបច្ចេកវិទ្យា និងប្រណិតភាពដើម្បីក្លាយជាផលិតផលដ៏ល្អមួយដើម្បីដាក់បង្ហាញនៅខួបលើកទី ៧៥ នៃម៉ូដែល Land Cruiser ក្នុងឆ្នាំ ២០២៦ ព្រមទាំងអាចបំពាក់ជាមួយអាគុយថ្មីរបស់ Toyota ដែលអាចបើកបរបានចម្ងាយជាង ១ពាន់គីឡូម៉ែត្រនៅពេលសាកថ្មពេញម្តង ។

ខណៈម៉ូដែលទី ២ មានលក្ខណៈស្រដៀងគ្នាទៅនឹងរថយន្ត bZ4x ក៏ដូចជាងការផលិតឡើងនៅលើគ្រោងឆ្អឹង E-TNGA platform និងម៉ូទ័រអគ្គិសនីដែលអាចផលិតកម្លាំងបាន ២១៤ សេះ និងអាគុយទំហំ ៧១,៤ គីឡូវ៉ាត់ម៉ោង អាចបើកបរបានចម្ងាយ ៤១៧គីឡូម៉ែត្រនៅពេលសាកថ្មពេញម្តង ។

សម្រាប់ការរចនានៅផ្នែកខាងក្រៅ មានបំពាក់ប៉ាណាមុខបិទជិត សំណុំចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាងជាមួយឡូហ្គោ Toyota នៅចំកណ្តាល កញ្ចក់ចំហៀងបែបឌីជីថល ៕

ផ្ទាំងផ្សាយពាណិជ្ជកម្ម

Wuling Bingo Plus ឆ្នាំ២០២៤ គូប្រជែង BYD Dolphin សាកភ្លើងម្តងជិះបាន ៥០០គីឡូម៉ែត្រជាង

[បរទេស] ក្រុមហ៊ុនផលិតរថយន្ត Wuling Auto បានធ្វើការដាក់បង្ហាញចេញនៅរថយន្ត Wuling Bingo Plus ស៊េរីឆ្នាំ២០២៤ ប្រើថាមពលអគ្គិសនីសុទ្ធ ដើម្បីប្រកួតប្រជែងជាមួយ BYD Dolphin គ្រោងនឹងចេញលក់ជាផ្លូវការនៅពាក់កណ្តាលឆ្នាំ ២០២៤ ជាមួយតម្លៃលក់ក្រោម ២មុឺនដុល្លារ ។

Wuling Bingo Plus មានប្រវែងតួខ្លួនសរុប ៤ ០៩០ ម.ម ទទឹង ១ ៧២០ ម.ម កំពស់ ១ ៥៧៥ ម.ម និងប្រវែងគន្លាតកង់មុខ-ក្រោយ ២ ៦១០ ម.ម បំពាក់ជាមួយម៉ូទ័រអគ្គីសនីចំនួន ១ អាចផលិតកម្លាំងបាន ១០០ សេះ និងកម្លាំងរមួល ១៨០ញ៉ូតុនម៉ែត្រ ផ្គួបជាមួយអាគុយទំហំ ៥០,៦ គីឡូវ៉ាត់ម៉ោង អាចបើកបរបានចម្ងាយ ៥១០គីឡូម៉ែត្រនៅពេលសាកថ្មពេញម្តង ។

សម្រាប់ការឌីស្សាញនៅផ្នែកខាងក្រៅ ទទួលបានការឌីស្សាញថ្មី ដោយមានប៉ាណាមុខបិទជិត ចង្កៀងមុខ-ក្រោយ LED រាងមូល ព្រមទាំងប្រើប្រាសនៅថាសកង់ស្ព័រ និងកាង spoiler ជាប់ដំបូលលយចេញមកក្រៅ ។

ចំពោះនៅផ្នេកខាងក្នុងវិញ មានបំពាក់កុងទ័របង្ហាញព័ត៌មានឌីជីថលទំហំ ៧អ៉ីញ និងអេក្រង់កំសាន្ត touchscreen ទំហំ ១០,២៥ អ៉ីញ គាំទ្រដោយប្រព័ន្ធប្រតិបត្តិការ LING OS system ប្រព័ន្ធចូលចំណតដោយស្វ័យប្រវត្តិផងដែរ ៕

ផ្ទាំងផ្សាយពាណិជ្ជកម្ម

Rolls-Royce បញ្ចេញម៉ូដែលពិសេសចំនួន ៤ ដើម្បីអបអរប្រពៃណីចិននៃឆ្នាំនាគ

[បរទេស] ក្រុមហ៊ុនផលិតរថយន្ត Rolls-Royce បានធ្វើការដាក់បង្ហាញចេញនៅរថយន្តម៉ូដែលពិសេសចំនួន ៤ ដើម្បីអបអរពិធីបុណ្យចូលឆ្នាំប្រពៃណីចិនដែលជាឆ្នាំនៃសត្វនាគ ‘Year of the Dragon’ ដែលផ្អែកនៅលើម៉ូដែល Cullinan និង Phantom គ្រោងនឹងចេញលក់មុនថ្ងៃបុណ្យចូលឆ្នាំថ្មី។

សម្រាប់លក្ខណៈ​ពិសេស​បែប Unique នៃ​ការ​រចនា​នៅផ្នែកខាងក្រៅរថយន្តនេះ ដែល​រួម​មាន​គំនូរ​រូបនាគដែលគូសដោយដៃ ខណៈរូបនាគនីមួយៗបែរមុខទៅខាងស្ដាំដែលជាការ “តំណាងឲ្យទិសបូព៌ា ជានិមិត្តរូបនៃទិសនៃព្រះអាទិត្យរះ”។

ចំពោះនៅផ្នែកខាងក្នុងវិញ ត្រូវបានតុបតែងជាមួយពណ៌ក្រហមនៅលើទីតាំងមួយចំនួន នឹងមានរូបសត្វនាគពណ៌ក្រហមចំនួន ៣ ដែលគូសដោយដៃនៅលើបន្ទះដែក fascia ដែលបានចំណាយពេលគូសជាង ២សប្តាហ៍។ លើសពីនេះ នៅលើ Headrest ក៏មានរូបនាគពណ៌ក្រហម ដែលដេរដោយដៃចំណាយពេលប្រហែល ២០ម៉ោង និងរូបនាគនៅពិដានដំបូលផងដែរ ៕

 

ផ្ទាំងផ្សាយពាណិជ្ជកម្ម

Toyota បញ្ជាក់ថា ខ្លួនកំពុងអភិវឌ្ឍម៉ាស៊ីនចំហេះខាងក្នុងថ្មីសម្រាប់ផលិតរថយន្តនាពេលអនាគត

[បរទេស] ក្រុមហ៊ុនផលិតរថយន្ត Toyota បានធ្វើការបញ្ជាក់ថា ខ្លួនកំពុងបង្កើតម៉ាស៊ីនចំហេះខាងក្នុងថ្មីសម្រាប់ផលិតរថយន្តនាពេលអនាគត ខណៈក្រុមហ៊ុននៅតែជឿជាក់ថា រថយន្តអគ្គិសនី មិនអាចជាដំណោះស្រាយតែមួយគត់នៅលើផ្លូវទៅកាន់អព្យាក្រឹតភាពកាបូននោះទេ ប៉ុន្តែរថយន្តប្រើថាមពលម៉ាស៊ីន​​អ៉ីដ្រូសែន​អាច​ផ្តល់​នៅ​ដំណោះស្រាយ​ដ៏​មាន​សក្តានុពល។

នៅក្នុងសុន្ទរកថានាពេលថ្មីៗនេះ លោក Akio Toyoda ប្រធានក្រុមហ៊ុន Toyota បានបញ្ជាក់ជាថ្មីអំពីផែនការរបស់គាត់ក្នុងការអភិវឌ្ឍម៉ាស៊ីនចំហេះខាងក្នុងថ្មីសម្រាប់ផលិតផលរថយន្ត ដោយលោកជឿជាក់ថារថយន្តអគ្គិសនីសុទ្ធនឹងមិនអាចលើសពី ៣០% នៃចំណែកទីផ្សារនោះទេ ទោះបីជាមានភាពជឿនលឿនផ្នែកបច្ចេកវិទ្យាដែលអាចនឹងលេចឡើងនាពេលអនាគតក៏ដោយ។ លើសពីនេះ ចំណែក ៧០% ផ្សេងទៀតដែលនៅសល់នឹងជាចំណែកនៃរថយន្តប្រើសាំង និងម៉ាស៊ីនកូនកាត់ Hybrid ។

គួរឲ្យដឹងថា សម្រាប់ក្រុមហ៊ុនផលិតរបស់អឺរ៉ុបមានដូចជា Stellantis Mercedes-Benz BMW និង Audi សន្យាថានឹងលក់តែរថយន្តប្រើថាមពលអគ្គិសនីសុទ្ធប៉ុណ្ណោះចាប់ពីឆ្នាំ ២០៣០ ៕

ផ្ទាំងផ្សាយពាណិជ្ជកម្ម

Ford Explorer សេរីឆ្នាំ២០២៥ បង្ហាញខ្លួនជាផ្លូវការ តែម៉ាស៊ីន Hybrid ត្រូវបានដកចេញ

[បរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញនៅរថយន្ត Ford Explorer សេរីឆ្នាំ ២០២៥ ដែលទទួលបានការកែមុខមាត់ថ្មី និងត្រូវបានដកម៉ាស៊ីនកូនកាត់ hybrid ចេញ ដែលតម្លៃលក់ចាប់ពី ៤១ ២០០ ដុល្លារ ដល់ ៥៦ ៨០០ ដុល្លារនៅទីផ្សារសហរដ្ឋអាមេរិក ។

Ford Explorer សេរីឆ្នាំ ២០២៥ ទទួលបានជម្រើសម៉ាស៊ីនចំនួន ២ រួមមាន៖

  • ម៉ាស៊ីនសា​ងចំណុះ ២,៣លីត្រ EcoBoost ជំនួយដោយ Turbocharged អាចផលិតកម្លាំងបាន ៣០០សេះ និងកម្លាំងរមួល ៤២០ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ និងមានជម្រើសប៉ុង១ និងប៉ុង ២
  • ម៉ាស៊ីនសា​ងចំណុះ ៣,០លីត្រ EcoBoost V6 អាចផលិតកម្លាំងបាន ៤០០សេះ និងកម្លាំងរមួល ៥៦២ញ៉ូតុនម៉ែត្រ ភ្ជាប់ដោយប្រអប់លេខអូតូ ១០វគ្គ ប្រភេទបើកបរប៉ុង ២ ។

រថយន្ត Ford Explorer ស៊េរីឆ្នាំ ២០២៥ នាំមកនៅការផ្លាស់ប្តូរសំខាន់ៗមួយចំនួនចំពោះរថយន្ត SUV ដ៏ពេញនិយមនេះ ដោយនៅខាងក្រៅមានប៉ាណាមុខមួយផ្ទាំងធំថ្មី ចង្កៀងមុខ-ក្រោយ LED រចនាថ្មី ព្រមទាំងថាសកង់ស្ព័រទំហំ ២១អ៉ីញ ខណៈផ្នែកខាងក្នុងត្រូវបានផ្លាស់ប្តូរយ៉ាងធំជាមួយនឹងតាប្លូ ដោយមានកុងទ័របង្ហាញព័ត៌មានទំហំ ១២,៣អ៉ីញ និងអេក្រង់កំសាន្ត touchscreen ទំហំ ១៣,២ អ៉ីញ អាចភ្ជាប់ប្រព័ន្ធប្រតិបត្តិការ SYNC 4 ចុងក្រោយគេ និងប្រព័ណ្ធជំនួយការបើកបរ BlueCruise hand-free driving system ផងដែរ ៕

ផ្ទាំងផ្សាយពាណិជ្ជកម្ម

ភីកអាប់ Toyota Hilux ឆ្នាំ ២០២៤ មុខមាត់ថ្មី ប្រើ Hybrid បង្ហាញខ្លួនជាផ្លូវការនៅប្រទេសអូស្រ្តាលី

[បរទេស] ក្រុមហ៊ុនផលិតរថយន្ត Toyota ប្រចាំនៅប្រទេសអូស្រ្តាលី បានធ្វើការដាក់បង្ហាញចេញជាផ្លូវការនៅភីកអាប់ Toyota Hilux ស៊េរីឆ្នាំ ២០២៤ ប្រភេទកូនកាត Hybrid មុខមាត់ថ្មី គ្រោងនឹងចេញលក់នៅក្នុងខែមិនា ឆ្នាំ ២០២៤ ។

រថយន្ត Toyota Hilux ស៊េរីឆ្នាំ ២០២៤ ថ្មីនេះ ដំណើរការដោយម៉ាស៊ីន Mild-hybrid 48V ជាស្តង់ដារ ធ្វើការរួមគ្នាជាមួយម៉ាស៊ីនម៉ាស៊ូតចំណុះ ២,៨លីត្រ ក្នុងនោះក្រុមហ៊ុន Toyota អះអាងថា នឹងជួយដល់ម៉ាស៊ីនដំណើរការបានរលូតជាងមុន និងអាចកាត់បន្ថយកម្រិតស៊ីប្រេងពី ៦% ដល់ ១០% បើប្រៀបធៀបទៅនឹងម៉ាស៊ីនម៉ាស៊ូត ២,៨ លីត្រ ដែលមិនមានបច្ចេកវិទ្យា Hybrid ។ លើសពីនេះ ក៏ទទួលបានរបៀបបើកបរ Off-Road ផងដែរ ។

សម្រាប់ប្រព័ន្ធ Hybrid Mileage 48-Volt System មាន ៣ ផ្នែកសំខាន់ៗរួមមាន៖ ម៉ូទ័រអគ្គិសនី ឧបករណ៍ផ្ទេរថាមពល DC/DC និងអាគុយ 48-volt battery ជំនួយទៅដល់ប្រព័ន្ធ Stop/Start ដើម្បីកាត់បន្ថយការប្រើប្រាស់ប្រេង រួមជាមួយការកាត់បន្ថយសំលេងរំខានចូលទៅផ្នែកខាងក្នុង ។

ផ្នែកខាងក្រៅរបស់ភីកអាប់ Toyota Hilux ថ្មី មានការរចនាប៉ាណាមុខថ្មីរាងជាសំបុកឃ្មុំ Honeycomb ជាមួយនឹងកាងខាងមុខដែលបានរចនាថ្មីផ្តល់នៅរូបរាងហាប់ណែនជាងមុន ។ ខណៈ​ពេល​ដែល​ព័ត៌មាន​លម្អិត​នៃ​ឧបករណ៍​ស្តង់ដារ​ផ្សេង​ទៀត​នឹង​ប្រែប្រួល​ទៅ​តាម​ម៉ូដែល​​នីមួយៗ ៕

ផ្ទាំងផ្សាយពាណិជ្ជកម្ម

ថាកុំៗ លឺតែខំៗ! ម្ចាស់រថយន្ត Rolls-Royce ម្នាក់ ប្រឈមជាប់ក្នុងបញ្ជីខ្មៅអស់មួយជីវិត

[បរទេស] កាលពីឆ្នាំមុន នាយកប្រតិបត្តិ Rolls-Royce លោក Torsten Müller-Ötvös បានព្រមានថា អតិថិជនដែលបានទិញរថយន្ត Spectre ហើយព្យាយាមលក់បន្តនឹងត្រូវដាក់ក្នុងបញ្ជីខ្មៅភ្លាមៗអស់មួយជីវិត ប៉ុន្តែថ្មីៗនេះ ត្រូវបានប្រទៈឃើញរថយន្តនេះប្រើប្រាស់បានតែ ១៥៩គីឡូម៉ែត្រ កំពុងដាក់ដេញថ្លៃនៅរដ្ឋ FLORIDA ទទួលបានតម្លៃ ៣៨០ ០០០ ដុល្លារក្នុងរយៈពេល ៥ថ្ងៃ ។

ហេតុផលនៅពីក្រោយការសម្រេចចិត្តរបស់ម្ចាស់រថយន្តនេះ ក្នុងការដាក់លក់ដេញថ្លៃរថយន្តអគ្គិសនីសុទ្ធដំបូងគេរបស់ Rolls-Royce មិនត្រូវបានបង្ហាញឲ្យដឹងនោះទេ ប៉ុន្តែពួកគេប្រហែលជាមិនមានឱកាសក្នុងការទិញរថយន្ត Rolls-Royce ថ្មីម្តងទៀតអស់មួយជីវិត។

សម្រាប់រថយន្តដ៏ប្រណិតនេះ ត្រូវបានតុបតែងជាមួយពណ៌ប្រផេះ ប្រើប្រាស់នៅថាសកង់ស្ព័រប្រភេទ 7-spoke ទំហំ ២៣អ៉ីញ ព្រមទាំងកៅអីពូកស្បែក និងបំពាក់ជាមួយម៉ូទ័រអគ្គិសនីចំនួន ២ អាចផលិតកម្លាំងបានសរុប ៥៨៤ សេះ និងកម្លាំងរមួល ៨៩៥ញ៉ូតុនម៉ែត្រ ផ្គួបជាមួយអាគុយទំហំ ១២០គីឡូវ៉ាត់ម៉ោង អាចបើកបរបានចម្ងាយ ៤២៨គីឡូម៉ែត្រនៅពេលសាកថ្មពេញម្តង ៕

ផ្ទាំងផ្សាយពាណិជ្ជកម្ម

ភ្ញាក់ផ្អើល ថាក្រុមហ៊ុន តូយ៉ូតា (ខេមបូឌា) កំពុងធ្វើអ្វី បន្ទាប់ពីទំព័រហ្វេសប៊ុកផ្លូវការរបស់ខ្លួនបានបង្ហោះវីដេអូ Beyond Zero ?​

វីដេអូមានរយៈពេល ១នាទី ដែលមានចំណងជើងថា Beyond Zero នៅលើទំព័រហ្វេសប៊ុកផ្លូវការក្រុមហ៊ុន តូយ៉ូតា (ខេមបូឌា) បានធ្វើអោយសារព័ត៌មាន ខេមបូ អូតូ មានចម្ងល់ថា តើក្រុមហ៊ុនរថយន្តមកពីជប៉ុនមួយនេះ នឹងនាំយករថយន្តប្រភេទអ្វីមកកាន់ប្រទេសកម្ពុជា?

Link: Facebook

ក្នុងវីដេអូបានបង្ហាញពីរថយន្ត ៤ ម៉ូឌែល មានដូចជា Toyota BZ4X, Toyota Prius, Toyota Mirai និង Toyota Corolla Cross ប្រភេទ HYBRID ។ ម៉ូឌែលនេះជាប្រភេទរថយន្ត អាគុយ Hybrid, Plug-In Hybrid, ប្រើប្រាស់ Hydrogen និងអគ្គីសនី ព្រមទាំងមានរហ័សនាមរថយន្តដែលសន្សំសំចៃបំផុត។

ប្រសិនជានិយាយពី Beyond Zero របស់តូយ៉ូតាវិញ វាជាការប្ដេជ្ញាចិត្ត និងជានិមិត្តសញ្ញាមួយដែលបង្ហាញអំពីរថយន្តដែលដោះស្រាយបញ្ហាដូចជា ការកើនឡើងនៃឧស្ម័នកាបូននិច និង បញ្ហាបរិស្ថានជាដើម។ តែមិនត្រឹមតែការដោះស្រាយបញ្ហានេះទេ Beyond Zero មានទស្សនៈវិស័យក្នុងការធ្វើអោយបរិមាណនៃការប្រើប្រាស់រថយន្ដដែលជួយការពារបរិស្ថានកាន់តែកើនឡើងពីមួយឆ្នាំទៅមួយឆ្នាំ។

ងាកមកស្រាយចម្ងល់សិនថា តើក្រុមហ៊ុន តូយ៉ូតា (ខេមបូឌា) និងនាំរថយន្តម៉ូឌែលអ្វីមកកាន់ប្រទេសកម្ពុជា ខាងសារព័ត៌មានយើងក៏បានសាកសួរទៅកាន់ក្រុមហ៊ុន តូយ៉ូតា (ខេមបូឌា) ដូចគ្នា ដោយក្រុមហ៊ុនបានបញ្ជាក់ថា “ យើងនឹងចូលរួមចំណែកការពារបរិស្ថានទាំងអស់គ្នា ដើម្បីអនាគតដ៏ប្រសើរត្រូវផ្តើមចេញពីយើងទាំងអស់គ្នានៅថ្ងៃនេះ។ ដូច្នេះរង់ចាំភាពភ្ញាក់ផ្អើលពី Toyota Cambodia ទាំងអស់គ្នា ”។

សម្រាប់ព័ត៌មានលម្អិត នៃការផ្តល់ ជូនដ៏ពិសេសនេះ  លោកអ្នកអាចអញ្ជើញមកកាន់អគារតាំងបង្ហាញរថយន្ត របស់ក្រុមហ៊ុនតូយ៉ូតា (ខេមបូឌា) គ្រប់សាខាដែលមានដូចជា៖

ផ្នែកលក់អនឡាញ៖ 𝟎𝟏𝟕 𝟐𝟐𝟐 𝟒𝟓𝟏 / 𝟎𝟏𝟕 𝟑𝟑𝟑 𝟓𝟎𝟑 / 𝟎𝟖𝟔 𝟑𝟑𝟑 𝟓𝟎𝟑 / 𝟎𝟏𝟕 𝟐𝟐𝟐 𝟒𝟎𝟖 / 𝟎𝟏𝟕 𝟐𝟐𝟐 𝟒𝟑𝟗

សាខាទឹកថ្លា៖ 𝟎𝟏𝟕 𝟐𝟐𝟐 𝟕𝟑𝟎

សាខាបឹងកេងកង៖ 𝟎𝟏𝟕 𝟑𝟑𝟑 𝟕𝟑𝟎

សាខាទួលសង្កែ៖ 𝟎𝟏𝟕 𝟑𝟑𝟑 𝟎𝟏𝟏

សាខាមានជ័យ៖ 𝟎𝟏𝟕 𝟐𝟐𝟐 𝟑𝟖𝟗

សាខាខេត្តសៀមរាប៖ 𝟎𝟏𝟕 𝟐𝟐𝟐 𝟓𝟓𝟕

សាខាខេត្តបាត់ដំបង៖ 𝟎𝟏𝟕 𝟑𝟑𝟑 𝟐𝟒𝟏

សាខាខេត្តកំពង់ចាម៖ 𝟎𝟏𝟕 𝟐𝟐𝟐 𝟎𝟒𝟗

ផ្នែកលក់ក្រៅ៖ 𝟎𝟏𝟕 𝟐𝟐𝟐 𝟒𝟎𝟕 / 𝟎𝟏𝟕 𝟐𝟐𝟐 𝟑𝟖𝟔 / 𝟎𝟏𝟕 𝟐𝟐𝟐 𝟗𝟑𝟕

ឬក៏ចូលទៅកាន់បណ្តាញទំនាក់ទំនងសង្គមរបស់ក្រុមហ៊ុន តូយ៉ូតា (ខេមបូឌា) Facebook Youtube Instagram Telegram  Website ៕

ផ្ទាំងផ្សាយពាណិជ្ជកម្ម

តោះមកស្គាល់រថយន្តរបស់ Rolls-Royce មានតម្លៃថ្លៃជាងគេបំផុតទាំង ១០ម៉ូដែល

[បរទេស] កាលពីពេលថ្មីៗ កន្លែងទៅនេះ យោងតាមគេហទំព័រសារព័ត៌មាន Carbuzz បានធ្វើការបង្ហាញចេញនៅរថយន្ត Rolls-Royce ដែលមានតម្លៃថ្លៃបំផុតរបស់ក្រុមហ៊ុនចក្រភពអង់គ្លេស។ ខាងក្រោមនេះ​ ជាម៉ូដែលរបស់ Rolls-Royce ទាំង១០ ដែលមានតម្លៃថ្លៃបំផុត៖

១) Rolls-Royce Droptail La Rose Noire រថយន្តនេះ មានតម្លៃលក់រហូតដល់ទៅ ៣០ លានដុល្លារ

២) Rolls-Royce Boat Tail រថយន្តនេះ មានតម្លៃលក់រហូតដល់ទៅ ២៨ លានដុល្លារ

៣) Rolls-Royce Sweptail រថយន្តនេះ មានតម្លៃលក់រហូតដល់ទៅ ១២,៩ លានដុល្លារ

៤) Rolls-Royce Phantom I Round Door ម៉ូដែលឆ្នាំ ១៩២៥ រថយន្តនេះ មានតម្លៃលក់រហូតដល់ទៅ ៧,២ លានដុល្លារ

៥) Rolls-Royce 10hp ម៉ូដែលឆ្នាំ ១៩០៤ រថយន្តនេះ មានតម្លៃលក់រហូតដល់ទៅ ៧,២ លានដុល្លារ

៦) Rolls-Royce 40/50hp Double Pullman Limousine ម៉ូដែលឆ្នាំ ១៩១២ រថយន្តនេះ មានតម្លៃលក់រហូតដល់ទៅ ៦,៤ លានដុល្លារ

៧) Rolls-Royce Phantom Hyperion by Pininfarina ម៉ូដែលឆ្នាំ ២០០៨ រថយន្តនេះ មានតម្លៃលក់រហូតដល់ទៅ ៣,៣ លានដុល្លារ

៨) Rolls-Royce Phantom IV Limousine ‘Princess Margaret’ by H.J. Mulliner ម៉ូដែលឆ្នាំ ១៩៥៤ រថយន្តនេះ មានតម្លៃលក់រហូតដល់ទៅ ២,៦ លានដុល្លារ

៩) Rolls-Royce Phantom II Continental Sports Coupé by Freestone & Webb ម៉ូដែលឆ្នាំ ១៩៣៣ រថយន្តនេះ មានតម្លៃលក់រហូតដល់ទៅ ២,៤ លានដុល្លារ

១០) Rolls-Royce Phantom II Special Town Car by Brewster ម៉ូដែលឆ្នាំ ១៩៣៣ រថយន្តនេះ មានតម្លៃលក់រហូតដល់ទៅ ២,៣ លានដុល្លារ ៕

ផ្ទាំងផ្សាយពាណិជ្ជកម្ម
1...230231232...1,007ទំព័រ 231 នៃ 1,007

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com