ភីកអាប់ Mitsubishi Triton ATHLETE ស៊េរីឆ្នាំ ២០២៤ ចេញលក់ជាផ្លូវការនៅប្រទេសថៃ

January 27, 2024

[ទីផ្សារបរទេស] ក្រុមហ៊ុនផលិតរថយន្ត Mitsubishi ប្រចាំនៅប្រទេសថៃ បានធ្វើការដាក់ចេញលក់ជាផ្លូវការនៅភីកអាប់ All-new Mitsubishi Triton ATHLETE ស៊េរីឆ្នាំ ២០២៤ ដែលមាន ២ម៉ូដែល ជាមួយតម្លៃលក់ចាប់ពី ៣១ ៥៧៤ ដុល្លារ ដល់ ៣៦ ៤២៩ ដុល្លារ។

ភីកអាប់នេះ បំពាក់ជាមួយម៉ាស៊ីនម៉ាស៊ូត Hyper Power ទំហំ ៤ ស៊ីឡាំង អាចផលិតកម្លាំងបានដល់ ២០៤ សេះ និងកម្លាំងរមួល ៤៧០ ញ៉ូតុនម៉ែត្រ ភ្ជាប់ដោយជម្រើសប្រអប់លេខអូតូ និងលេខដៃ ៦ វគ្ក ព្រមទាំងជម្រើសប៉ុង ១ និងប៉ុង ២ និងរបៀបបើកបរចំនួន ៧ mode ។

Mitsubishi Triton Athlete ថ្មីនេះត្រូវបានបំពាក់ដោយប្រព័ន្ធតប្រតិបត្តិការ Mitsubishi CONNECT ដែលអាចគាំទ្រមិខងារ iOS និង Android តាមរយៈកម្មវិធី My MITSUBISHI CONNECT ។ លើសពីរថយន្តក៏បានបំពាក់ជាមួយប្រព័ន្ធ e-call ដែលអាចបញ្ជាពីចម្ងាយដូចជា បើកប្រព័ន្ធម៉ាស៊ីនត្រជាក់ lock & unlock សោ, បើកភ្លើង, ប្រព័ន្ធជំនួយពីការលួចរថយន្ត និងមួយចំនួនទៀតផងដែរ ៕

ផ្ទាំងផ្សាយពាណិជ្ជកម្ម

លោក Elon Musk ព្រមានថា ក្រុមហ៊ុនផលិតរថយន្តរបស់ប្រទេសចិនកំពុងមានឥទ្ធិពលខ្លាំងណាស់

January 26, 2024

[បរទេស] កាលពីពេលថ្មីនេះ យោកតាមសារព័ត៌មាន Reuter បានឲ្យដឹងថា ប្រធានក្រុមហ៊ុន Tesla លោក Elon Musk បានធ្វើការព្រមានថា ក្រុមហ៊ុនផលិតរថយន្តប្រទេសចិនកំពុងមានឥទ្ធិពលខ្លាំងណាស់ ប្រសិនបើមិនមានរបាំងពាណិជ្ជកម្មត្រូវបានបង្កើតឡើងទេ ពួកគេនឹងធ្វើការផ្តួលក្រុមហ៊ុនរថយន្តភាគច្រើនផ្សេងទៀតនៅក្នុងពិភពលោក” ។

ការព្រមាននេះ កើតឡើងភ្លាមៗបន្ទាប់ពីក្រុមហ៊ុន BYD បានផ្តួល Tesla ដើម្បីក្លាយជាក្រុមហ៊ុនរថយន្តអគ្គិសនីដែលលក់ដាច់បំផុតរបស់ពិភពលោកក្នុងត្រីមាសចុងក្រោយនៃឆ្នាំ ២០២៣ ទោះបីជាក្រុមហ៊ុន Tesla បានកាត់បន្ថយតម្លៃលក់ជាច្រើនដងក៏ដោយ ។ លើសពីនេះ ប្រទេសចិនក៏បានវ៉ាដាច់ប្រទេសជប៉ុនជាអ្នកនាំចេញរថយន្តដ៏ធំបំផុតរបស់ពិភពលោកក្នុងអំឡុងឆ្នាំ ២០២៣ ហើយត្រូវបានគេរំពឹងថានឹងទទួលបានជោគជ័យម្តងទៀតក្នុងកំឡុងឆ្នាំ ២០២៤ នៅពេលដែលវាចាប់ផ្តើមពង្រីកសកម្មភាពលក់របស់ខ្លួនទៅកាន់ទីផ្សារអឺរ៉ុប។

គួរឲ្យដឹងថា មិនមែនមានតែលោក Elon Musk ម្នាក់នោះទេដែលមានការព្រួយបារម្ភពអំពីការគំរាមកំហែងរបស់ក្រុមហ៊ុនផលិតរថយន្តប្រទេសចិន និងកំពុងឆ្លើយតបទៅនឹងការគំរាមកំហែងនេះ ដោយលោកកំពុងផលិតរថយន្តអគ្គិសនីថ្មីមានតម្លៃទាបចាប់ពីឆ្នាំ ២០២៥ តទៅ ៕

ផ្ទាំងផ្សាយពាណិជ្ជកម្ម

ម៉ូដែលពិសេស Toyota GR Yaris ផលិតតែ ១០០ គ្រឿងប៉ុណ្ណោះនៅប្រទេសកំណើត

January 26, 2024

[បរទេស] ក្រុមហ៊ុនផលិតរថយន្ត Toyota បានធ្វើការដាក់បង្ហាញចេញជាផ្លូវការនៅម៉ូដែលពិសេស Toyota GR Yaris WRC Special Edition ចំនួន ២ម៉ូដែលដែលផលិតតែ ១០០ គ្រឿងប៉ុណ្ណោះក្នុងមួយម៉ូដែលនៅទីផ្សារប្រទេសជប៉ុន ។

សម្រាប់ម៉ូដែលពិសេសនេះ ត្រូវបានឌីស្សាញបន្ថែមដោយអ្នកប្រណាំងឡាន World Rally Championship ដ៏ល្បីចំនួន ២នាក់របស់ Toyota ជាមួយមុខងារពិសេសដូចជា ពណ៌តួខ្លួនបែប Unique ប៉ាណាមុខជាមួយរន្ធខ្យល់ទំហំធំ ថាសកង់ធ្វើពីអាលុយម៉ីញ៉ូមទំហំ ១៨អ៉ីញ ជាមួយដុំហ្វ្រាំង caliper ពណ៌ខៀវ និងពណ៌ក្រហម ព្រមទាំងស្ទីកគ័រ Toyota GAZOO racing logo ក៏ដូចជាកាង spoiler ខាងក្រោយ។ ខណៈនៅលើផ្ទៃតាប្លូទទួលបានបាបន្ទះដែកសម្រាប់តែម៉ូដែលនេះប៉ុណ្ណោះ ជាការរំលឹកដល់ជើងឯកពិភពលោករបស់ Toyota ។

ទាក់ទងទៅនឹងផ្នែកម៉ាស៊ីនវិញ រថយន្តទាំង ២ ម៉ូដែលនេះ បំពាក់ជាមួយម៉ាស៊ីនសាំងចំណុះ ១,៦ លីត្រ Turbocharged ទំហំ ៣ស៊ីឡាំង អាចផលិតកម្លាំងបាន ៣០៤ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខដៃ ៦វគ្គ និងអូតូ ៨វគ្គ និងរបៀបបើកបរថ្មីចំនួន ៤របៀប ។

គួរឲ្យដឹងថា សម្រាប់អតិថិជនដែលបានទិញរថយន្តនេះ ក្រុមហ៊ុន Toyota នឹងធ្វើការអញ្ញើញពួកគេទៅទស្សនាកម្មវិធប្រណាំងឡាន World Rally Championship ឆ្នាំ២០២៤ ផងដែរ ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Honda Prologue ស៊េរីឆ្នាំ ២០២៤ ចេញលក់ជាផ្លូវការ

January 26, 2024

[ទីផ្សារបរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅតម្លៃលក់ជាផ្លូវការរបស់រថយន្តអគ្គិសនីសុទ្ធ Honda Prologue ស៊េរីឆ្នាំ ២០២៤ ដែលមាន ៥ម៉ូដែល ជាមួយតម្លៃលក់ចាប់ពី ៤៨ ៧៩៥ ដុល្លារ នៅទីផ្សារសហរដ្ឋអាមេរិក ។

Honda Prologue ស៊េរីឆ្នាំ ២០២៤ ទទួលបានថាមពល ២ ជម្រើសដូចជា៖

បំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ២១២ សេះ និងកម្លាំងរមួល ៣២០ ញ៉ូតុនម៉ែត្រ ផ្គួបជាមួយអាគុយទំហំ ៨៥គីឡូវ៉ាត់ម៉ោង អាចបើកបរបានចម្ងាយ ៤៧៦ គីឡូម៉ែត្រនៅពេលសាកថ្មពេញម្តង ប្រភេទបើកបរប៉ុង ១
បំពាក់ជាមួយម៉ូទ័រអគ្គិសនីចំនួន ២ អាចផលិតកម្លាំងបាន ២៨៨ សេះ និងកម្លាំងរមួល ៤៥០ ញ៉ូតុនម៉ែត្រ ផ្គួបជាមួយអាគុយទំហំ ៨៥គីឡូវ៉ាត់ម៉ោង អាចបើកបរបានចម្ងាយ ៤៥២ គីឡូម៉ែត្រនៅពេលសាកថ្មពេញម្តង ប្រភេទបើកបរប៉ុង ២ ។ លើសពីនេះ ក្រុមហ៊ុន Honda នឹងផ្តល់ជូនអតិថិជននៅទូទាំងជម្រើសសាកថ្ម ៣ ផ្សេងគ្នានៅសហរដ្ឋអាមេរិក ។

សម្រាបរថយន្តនេះ ត្រូវបានភ្ជាប់មកជាមួយថាសកង់អាលុយមីញ៉ូមទំហំ ១៩អ៉ីញ, ប្រព័ន្ធប្រតិបត្តិការ Google built-in និងប្រព័ន្ធ Apple CarPlay និង Android Auto, កន្លែងសាកថ្មឥតប្រើខ្សែ, កៅអីមុខងារកំដៅ និងអាចលៃតម្រូវបាន ១០របៀបសម្រាប់អ្នកបើកបរ និងប្រព័ន្ធម៉ាស៊ីនត្រជាក់ដាច់ដោយឡែក ២ តំបន់៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Porsche Macan EV ស៊េរីឆ្នាំ ២០២៤ កម្លាំងជាង ១ពាន់សេះ បង្ហាញខ្លួនជាផ្លូវការ

January 26, 2024

[ទីផ្សារបរទេស] ក្រុមហ៊ុនផលិតរថយន្ត Porsche បានធ្វើការដាក់បង្ហាញចេញជាផ្លូវការនរថយន្តអគ្គិសនីសុទ្ធ Porsche Macan EV ស៊េរីឆ្នាំ ២០២៤ សម្រាប់ទីផ្សារអឺរ៉ុប ដែលមានតម្លៃលក់ចាប់ពី ៧៨ ៨៨០ ដុល្លារ ដល់ ១០៥ ៣០០ ដុល្លារ ។

Porsche Macan EV ផលិតឡើងនៅលើគ្រោងឆ្អឹង PPE Platform ទទួលបានថាមពល ២ ជម្រើសរួមមាន៖

បំពាក់ម៉ូទ័រអគ្គិសនីចំនួន ២ អាចផលិតកម្លាំងបាន ៤០២ សេះ និងកម្លាំងរមួល ៦៤៨ ញ៉ូតុនម៉ែត្រ ផ្គួបជាមួយអាគុយទំហំ ១០០ គីឡូវ៉ាត់ម៉ោង អាចបើកបរបានចម្ងាយ ៦១៣ គីឡូម៉ែត្រនៅពេលសាកថ្មពេញម្តង ប្រភេទបើកបរប៉ុង ២ ។
បំពាក់ម៉ូទ័រអគ្គិសនីចំនួន ២ ជំនួយដោយ Turbo អាចផលិតកម្លាំងបាន ៦៤០ សេះ និងកម្លាំងរមួល ១១២៨ ញ៉ូតុនម៉ែត្រ ផ្គួបជាមួយអាគុយទំហំ ១០០ គីឡូវ៉ាត់ម៉ោង អាចបើកបរបានចម្ងាយ ៥៩១ គីឡូម៉ែត្រនៅពេលសាកថ្មពេញម្តង ។ អាគុយទាំង ២ នេះ គាំទ្រដោយឆ្នាំងសាកថ្មល្បឿនលឿន អាចសាកបានពី ១០% ដល់ ៨០% ប្រើរយៈពេល ២១នាទីប៉ុណ្ណោះ ។

សម្រាប់រថយន្តអគ្គិសនីសុទ្ធនេះ ភ្ជាប់មកជាមួយតួដែលត្រូវបានរចនាឡើងយ៉ាងពិសេសជាមួយប្រព័ន្ធ aerodynamic ដែលមានកម្រិតចាញ់ខ្យល់ទាប់បំផុតត្រឹមតែ ០,២៥ ប៉ុណ្ណោះ ព្រមទាំងរន្ធខ្យល់នៅផ្នែកខាងមុខ និងបានបំពាក់ជាមួយចង្កៀងមុខ-ក្រោយ LED ក៏ដូចជាថាសកង់ស្ព័រជាដើម ។

ចំពោះនៅផ្នែកខាងក្នុងវិញ មានបំពាក់កុងទ័របង្ហាញព័ត៌មានទំហំ ១២,៦ អ៉ីញ និងអេក្រង់កំសាន្ត touchscreen ទំហំ ១០,៩ អ៉ីញ អាចភ្ជាប់ជាមួយមុខងារ Apple CarPlay និង Android Auto ព្រមទាំងអេក្រង់កំសាន្តទំហំ ១០,៩អ៉ីញសម្រាប់អ្នកដំណើរខាងមុខផងដែរ ៕

ផ្ទាំងផ្សាយពាណិជ្ជកម្ម

ការដាក់បង្ហាញចេញឡានអគ្គិសនីដំបូងរបស់ Apple ត្រូវបានពន្យាពេលដល់ឆ្នាំ ២០២៨

January 25, 2024

[បរទេស] នាពេលថ្មីៗកន្លងទៅនេះ យោងតាមទីភ្នាក់ងារព័ត៌មាន Bloomberg បានឲ្យដឹងថា រថយន្តអគ្គិសនីសុទ្ធដំបូងគេរ Apple iCar EV ត្រូវបានក្រុមហ៊ុន Apple ពន្យារពេលដាក់បង្ហាញចេញដល់ឆ្នាំ ២០២៨ ពីគោលដៅរបស់ក្រុមហ៊ុននៅឆ្នាំ ២០២៦ ។

ការពន្យាពេលនេះ ដោយសារតែគម្រោង iCar បានស្ថិតក្នុងការអភិវឌ្ឍន៍អស់រយៈពេលមួយទសវត្សរ៍មកហើយចាប់តាំងពីឆ្នាំ ២០១៤ ហើយបានទទួលរងនៅការលំបាក និងបញ្ហាប្រឈមជាច្រើន។ លើសពីនេះ ក្រុមហ៊ុន ក៏បានទម្លាក់ក្នុងការផ្តល់ជូននៅប្រព័ន្ធបើកបរស្វ័យប្រវត្តិកម្រិត ៤ ជំនួសមកវិញត្រឹមតែកម្រិត 2+ ដែលដូចទៅនឹងអ្វីដែលក្រុមហ៊ុនផលិតរថយន្តផ្សេងទៀតប្រើប្រាស់ដូចជា Tesla ជាដើម។

មិនត្រឹមតែប៉ុណ្ណោះ ក្រុមហ៊ុន Apple ក៏កំពុងពិភាក្សាជាមួយដៃគូរផលិតរបស់ខ្លួននៅអឺរ៉ុបអំពីវិធីសាស្រ្តថ្មីក្នុងការអភិវឌ្ឍន៍រថយន្តនេះ ប្រសិនបើ Apple មិនអាចសម្រេចបាននូវគោលដៅថ្មីរបស់ខ្លួន គម្រោងនេះអាចនឹងត្រូវលុបចោលផងដែរ ៕

ផ្ទាំងផ្សាយពាណិជ្ជកម្ម

Ford Bronco ស៊េរីឆ្នាំ ២០២៤ គ្រោងនឹងបង្ហាញខ្លួនជាផ្លូវការនៅសប្តាហ៍ក្រោយ

January 25, 2024

[បរទេស] ក្រុមហ៊ុនផលិតរថយន្ត Ford ប្រចាំនៅប្រទេសចិន គ្រោនឹងធ្វើការដាក់បង្ហាញចេញជាផ្លូវការនៅរថយន្ត Ford Bronco ស៊េរីឆ្នាំ ២០២៤ នៅថ្ងៃទី ២៩ ខែមករា ឆ្នាំ ២០២៤ នៅទីផ្សាររបស់ខ្លួន ។

Ford Bronco របស់ប្រទេសចិននេះ មានប្រវែងតួខ្លួនសរុប ៤ ៨២៥ ម.ម ទទឹង ២ ០៧០ ម.ម កំពស់ ១ ៩៩០ ម.ម និងប្រវែងគន្លាតកង់មុខ-ក្រោយ ២ ៩៥០ ម.ម និងបំពាក់ជាមួយម៉ាស៊ីនសាំងចំណុះ ២,៣ លីត្រ EcoBoost ជំនួយដោយ Turbo អាចផលិតកម្លាំងបាន ២៧១ សេះ និងកម្លាំងរមួល ៤៥៥ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨វគ្គ ។

សម្រាប់រូបរាងផ្នែកខាងក្រៅមានលក្ខណៈខុសគ្នាពីម៉ូដែលរបស់សហរដ្ឋអាមេរិកទៅលើ កាងការពារមុខ-ក្រោយ របាំងការពារភុក ថាសកង់ទំហំ ១៧អ៉ីញប្រភេទ off-road និងបានបំពាក់ឡូហ្គោ Ford ទំហំតូចនៅលើអក្សរ Bronco នៅប៉ាណាមុខជាដើម ។ លើសពីនេះ សម្រាប់ព័ត៌មានលម្អិតបន្ថែមទៀត ក្រុមហ៊ុនមិនទាន់បានបង្ហាញនៅឡើយទេ ៕

ផ្ទាំងផ្សាយពាណិជ្ជកម្ម

Toyota Veloz ជារថយន្តលក់ដាច់ជាងគេក្នុងផ្នែក MPV នៅទីផ្សារប្រទេសថៃ

January 25, 2024

[បរទេស] នៅក្នុងឆ្នាំ ២០២៣ រថយន្តប្រភេទ MPV នៅក្នុងទីផ្សារប្រទេសថៃលក់បានចំនួនសរុប ២៤ ៣១២ គ្រឿង ដោយនៅក្នុងនោះរថយន្តមកពីក្រុមហ៊ុន Toyota គឺម៉ូដែល Veloz ឈរលើកំពូលតារាងក្នុងនាមលក់ដាច់ជាងគេ ។ ខាងក្រោមនេះ ជាម៉ូដែល MPV ដែលលក់ជាងគេនៅក្នុងប្រទេសថៃ ៖

១) Toyota Veloz លក់បានសរុប ១១ ៥០៨ គ្រឿង

២) Mitsubishi Xpender លក់បានសរុប ៩ ០៧៤ គ្រឿង

៣) Hyundai Stargazer លក់បានសរុប ១ ៥១៩ គ្រឿង

៤) Honda BR-V លក់បានសរុប ៨១៣ គ្រឿង

៥) Suzuki XL7 លក់បានសរុប ៧៦៩ គ្រឿង

៦) Suzuki Ertiga លក់បានសរុប ៣៨៨ គ្រឿង

៧) Toyota Sienna លក់បានសរុប ២៤១ គ្រឿង ៕

ផ្ទាំងផ្សាយពាណិជ្ជកម្ម

Chevrolet បន្ថែមម៉ូដែលថ្មីរបស់ Silverado HD ឆ្នាំ ២០២៥ ដល់អតិថិជនចូលចិត្តបែប Off-Road

January 25, 2024

[បរទេស] ក្រុមហ៊ុនផលិតរថយន្ត Chevrolet បានធ្វើការដាក់បង្ហាញចេញបន្ថែមនៅភីកអាប់ Chevrolet Silverado HD ម៉ូដែល Trail Boss ស៊េរីឆ្នាំ ២០២៥ ដែលផ្តោតសំខាន់លើបើកបរ Off-Road សម្រាប់ទីផ្សារសហរដ្ឋអាមេរិក ។

ភីកអាប់នេះ ត្រូវបានបំពាក់ជាមួយម៉ាស៊ីន ២ ជម្រើសរួមមាន៖

ម៉ាស៊ីន V8 ចំណុះ ៦,៦ លីត្រ អាចផលិតកម្លាំងបាន ៤០១ សេះ និងកម្លាំងរមួល ៦២៨ ញ៉ូតុនម៉ែត្រ
ម៉ាស៊ីនម៉ាស៊ូត V8 ចំណុះ ៦,៦ លីត្រ Turbo អាចផលិតកម្លាំងបាន ៤៧០ សេះ និងកម្លាំងរមួល ១៣២០ ញ៉ូតុនម៉ែត្រ

Chevrolet Silverado HD Trail Boss ស៊េរីឆ្នាំ ២០២៥ ការធ្វើឱ្យប្រសើរឡើងគឺច្រើនជាងម៉ូដែលផ្សេង នឹងត្រូវបានបំពាក់ជាមួយនឹងកញ្ចប់ Z71 package ដែលរួមបញ្ចូលទាំងប្រព័ន្ធប៊ូម suspension ដែលផ្តោតលើផ្លូវលើពិបាកៗ ឬ off-road ព្រមទាំងថាសកង់ទំហំ ២០ អ៉ីញ ពណ៌ខ្មៅប្រភេទ off-road ផងដែរ។

មិនត្រឹមតែប៉ុណ្ណោះ Silverado HD ក៏ទទួលបានឧបករណ៍ស្ដង់ដារថ្មីម៉ូដែលឆ្នាំ ២០២៥ រួមមានប្រព័ន្ធជំនួយចេញ-ចូលចំណតផ្នែកខាងមុខ និងខាងក្រោយ និងប្រព័ន្ធកំណត់ល្បឿន Adaptive Cruise Control system ថ្មីទៀតផង ៕

ផ្ទាំងផ្សាយពាណិជ្ជកម្ម

MrBeast ទទួលបានប្រាក់ជាង ២៦មុឺនដុល្លារ គ្រាន់តែផុសវីដេអូចាស់អំពីឡាននៅលើបណ្តាញ X

January 24, 2024

[បរទេស] កាលពីពេលថ្មីៗនេះ លោក Jimmy Donaldson ដែលត្រូវបានគេស្គាល់ថា MrBeast ដែលជា Youtuber ដ៏ល្បីបំផុត ដែលមានអ្នក subscriber ដល់ទៅ ២៣៣ លាននាក់ បានប្រកាសថាគាត់រកបាន ២៦៣ ៦៥៥ ដុល្លារដោយការបង្ហោះវីដេអូចាស់របស់គាត់នៅលើបណ្តាញសង្គម X ដែលលោក Elon Musk បានប្តូរឈ្មោះពី Twitter ដែលមានអ្នកចូលទៅទស្សនា ១៦១លានដង ។

សម្រាប់វីដេអូរបស់លោក MrBeast ដែលបានបង្ហោះនោះ គឺជាវីដេអូចាស់ដែលគាត់បានយកចេញពី YouTube ដែលបង្ហាញពីលោក និងមិត្តភ័ក្តិរបស់គាត់បើកបររថយន្តដែលមានតម្លៃខុសគ្នាពី ១ ដុល្លារដល់ ១០០ ០០០ ០០០ ដុល្លារ។ ក្នុងនោះ ទទួលបានប្រាក់ ខ្ពស់ជាង CPM ដែលគាត់ទទួលបានសម្រាប់វីដេអូដូចគ្នានៅលើ YouTube ។

ក្នុងនោះ លោក MrBeast បានផុសនៅលើ X ថា វីដេអូនេះទទួលបានការចាប់អារម្មណ៍ជាង ១៥៦លានដង ដោយឥឡូវនេះមានចំនួនកើនឡើងដល់ទៅ ១៦១ លានគិតត្រឹមថ្ងៃទី ២៣ ខែមករា ដែលទទួលបានប្រាក់ចំណូល ២៦៣ ៦៥៥ ដុល្លារឯណ្ណោះ ដែលបានច្រើនជាងការផុសនៅលើ Youtube របស់គាត់ ៕