Honda CR-V ជារថយន្តលក់ដាច់ជាងគេក្នុងផ្នែក Hybrid ក្នុងឆ្នាំ ២០២៣ នៅសហរដ្ឋអាមេរិក

January 19, 2024

[បរទេស] រថយន្ត Honda CR-V ស៊េរីថ្មីចុងក្រោយប្រភេទកូនកាត់ hybrid ក្លាយជារថយន្តលក់ដាច់ជាងគេក្នុងរថយន្តប្រភេទ hybrid នៅក្នុងទីផ្សារសហរដ្ឋអាមេរិក ជាមួយការលក់បានចំនួន ១៩៧ ៣១៧ គ្រឿងតាមពីក្រោយដោយរថយន្ត Honda Accord hybrid ដែលលក់បានចំនួន ៩៦ ៣២៣ គ្រឿងនៅក្នុងឆ្នាំ ២០២៣ ។

ជាមួយការលក់នេះ ធ្វើឲ្យក្រុមហ៊ុនផលិតរថយន្ត Honda ប្រចាំនៅទីផ្សារសហរដ្ឋអាមេរិក ទទួលបានជោគជ័យមួយ ដែលបានលក់រថយន្តសរុបចំនួន ១,៣លានគ្រឿង រួមទាំងរថយន្តម៉ាក Acura និងបានកើនឡើង ៣៣% បើប្រៀបធៀបទៅនឹងឆ្នាំ ២០២២ ។

មិនត្រឹមតែប៉ុណ្ណោះ ក្រុមហ៊ុនផលិតរបស់របស់ប្រទេសជប៉ុននេះ ក៏បានដាក់គោលដៅលក់នៅក្នុងឆ្នាំ ២០២៤ ឲ្យបានចំនួន ១,៣ លានគ្រឿងសម្រាប់ម៉ាក Honda និងសម្រាប់ម៉ាក Acura ឲ្យបានចំនួន ១៥០ ០០០ គ្រឿងជាការកើនឡើង ១០% និង ១៥% បើធៀបនឹងឆ្នាំ ២០២៣ ៕

ផ្ទាំងផ្សាយពាណិជ្ជកម្ម

Honda Civic ស៊េរីឆ្នាំ ២០២៥ ទទួលបានការកែមុខមាត់ ព្រមទាំងម៉ាស៊ីនកូនកាត់ Hybrid

January 19, 2024

[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរូបភាព Teaser នៃរថយន្ត Honda Civic ស៊េរីឆ្នាំ ២០២៥ ដែលទទួលបានម៉ាស៊ីនកូនកាត់ Hybrid ជាលើកដំបូង សម្រាប់ទីផ្សារសហរដ្ឋអាមេរិក ។

Honda Civic ស៊េរីឆ្នាំ ២០២៥ នឹងដំណើរការដោយម៉ាស៊ីនកូនកាត់ hybrid ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ ទំហំ ៤ស៊ីឡាំង ផ្គួបជាមួយម៉ូទ័រអគ្គិសនីចំនួនដូចទៅនឹងរថយន្ត Honda Accord និង Honda CR-V ប្រើ hybrid ដែល ។

តាមរូបភាពដែលបង្ហាញ ឃើញរថយន្តនេះ ទទួលបានការផ្លាស់ប្តូរដែលមានរូបរាងស្ព័រជាងមុន ដែលផ្នែកខាងមុខមានប៉ាណា និងរន្ធខ្យល់រាងជាសំណាញ់ Honeycomb ព្រមទាំងថាសកង់ស្ព័ររចនាថ្មីជាដើម ។ ខណៈផ្នែកខាងក្នុងក្រុមហ៊ុន Honda មិនទាន់បង្ហាញព័ត៌មានលម្អិតនៅឡើយទេ ។

ក្រុមហ៊ុន Honda American សង្ឃឹមថាការអាប់ដេតទាំងនេះនឹងទទួលបានការទាក់ទាញការចាប់អារម្មណ៍ច្រើនពីអ្នកប្រើប្រាស់ ហើយវារំពឹងថាការលក់របស់នឹងកើនឡើងពី ១០% ទៅ ១៥% ភាគរយនៅឆ្នាំ ២០២៤ នេះ ៕

ផ្ទាំងផ្សាយពាណិជ្ជកម្ម

ឡាន Ferrari របស់ CR7 ថតផុសថ្ងៃមុនតម្លៃជាង ៥០មុឺនដុល្លារ ឯឈុត Gucci តម្លៃជាង ២ពាន់ដុល្លារ

January 19, 2024

[បរទេស] កាលពីពេលថ្មីៗ កន្លងទៅនេះ កីឡាករសញ្ជាតិព័រទុយហ្គាល់ Cristiano Ronaldo ឬហៅកាត់ថា CR7 បានធ្វើការផុសនៅលើករណីបណ្តាញសង្គមរបស់ខ្លួន ជាមួយរថយន្ត Ferrari Purosangue ស៊េរីឆ្នាំ ២០២៤ ប្រភេទ high-performance SUV ដែលមានតម្លៃ ៤០០ ០០០ផោត ស្មើនឹង ៥០៧ ៧៨៤ ដុល្លារ ជាមួយឈុត Gucci តម្លៃ ២ ២២០ដុល្លារ។

Ferrari Purosangue គឺរថយន្តប្រភេទ SUV ដំបូងគេរបស់ Ferrari ផលិតឡើងនៅលើគ្រោងឆ្អឹង GT Architecture ថ្មីរបស់ក្រុមហ៊ុន Ferrari បំពាក់ដោយម៉ាស៊ីន V12 ចំណុះ ៦,៥ លីត្រ អាចផលិតកម្លាំងបាន ៧២៥ សេះ ភ្ជាប់ដោយប្រអប់លេខ ៨វគ្គប្រភេទ dual-clutch នឹងអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោងចាយពេលតែ ៣,៣ វិនាទីប៉ុណ្ណោះ ។

Ferrari Purosangue របស់ Cristiano Ronaldo មានពណ៌តួខ្លូនខាងក្រៅពណ៌ខៀវ (Blu Scozia 593) ភ្ជាប់មកជាមួយថាសកង់ពណ៌ប្រាក់ Liquid Silver titanium ទំហំ ២០ អ៉ីញជាមួយដុំហ្វ្រាំង caliper ក៏ដូចជាឡូហ្គោ Scuderia Ferrari នៅសងខាង ព្រមទាំងកាងមុខ-ក្រោយ គែមសំបកកង់ធ្វើពី Carbon Fiber ។

ខណៈផ្នែកខាងក្នុងមានទំហំធំទូលាយបែប Luxury ដែល inspired ចេញពីរថយន្ត Ferrari SF90 Stradale ប្រភេទ Hypercar នឹងបានតុបតែងជាមួយ Carbon Fiber នៅលើតាប្លូ កៅអីស្រោបដោយស្បែកបែបស្ព័រមុខងារខ្យល់-កំដៅ និងម៉ាស្សាជាដើម ក៏ដូចជាឧបករណ៍បំពងសំឡេងម៉ាក Burmester® 3D surround sound system ៕

ផ្ទាំងផ្សាយពាណិជ្ជកម្ម

BYD នឹងវិនិយោគទឹកប្រាក់ ១៤ពាន់លានដុល្លារ ដើម្បីផលិតរថយន្តមានមុខងារឆ្លាតវៃជាង Tesla

January 19, 2024

[បរទេស] ក្រុមហ៊ុនផលិតរថយន្តយក្យរបស់ប្រទេសចិន BYD នឹងធ្វើការវិនិយោគទឹកប្រាក់ប្រហែល ១០០ ពាន់លានយន់ ស្មើនឹង ១៤ ពាន់លានដុល្លារអាមេរិក ដើម្បីអភិវឌ្ឍប្រព័ន្ធផលិតរថយន្តឆ្លាតវៃធំបំផុតរបស់ពិភពលោក ដែលផ្តោតសំខាន់ជាងគេគឺមុខងារបើកបរដោយស្វ័យប្រវត្តិតាមរយៈ Autopilot ដែលអនុញ្ញាតឲ្យអ្នកបើកបរមិនចាំបាច់កាន់ដៃចង្កូត ។

យោងតាមសារព័ត៌មាន Bloomberg បានឲ្យដឹងដា ប្រព័ន្ធបើកបរដោយខ្លួនឯង Autopilot របស់ BYD នឹងត្រូវបានបំពាក់លើរថយន្តអគ្គិសនីដែលមានតម្លៃចាប់ពី ៤២ ០០០ ដុល្លារឡើងទៅ ដែលមាននៅលើរថយន្តអគ្គិសនីសុទ្ធ BYD Denza N7 EV ។

គួរឲ្យដឹងថា បច្ចេកវិទ្យានេះកំពុងអភិវឌ្ឍយ៉ាងខ្លាំងនៅក្នុងប្រទេសចិន ក្នុងនោះក្រុមហ៊ុន Xpeng ដែលជាក្រុមហ៊ុនឈានមុខគេមួយក្នុងវិស័យនេះ បច្ចុប្បន្នបានផ្តល់ប្រព័ន្ធនេះដល់ទៅ ៥២ទីក្រុងនៅទូទាំងប្រទេស។ ប្រព័ន្ធនេះត្រូវបានបង្កើតឡើងដោយផ្អែកលើ sensor និងកាមេរ៉ានៅលើរថយន្ត ដោយជួយឲ្យរថយន្តបង្កើនល្បឿន ជាន់ហ្វ្រាំង ផ្លាស់ប្តូរគន្លង ព្រមទាំងអាចសម្គាល់នៅភ្លើងសញ្ញាចរាចរណ៍ដោយគ្មានជំនួយពីមនុស្សទៀតផង ៕

ផ្ទាំងផ្សាយពាណិជ្ជកម្ម

រថយន្តឆ្នាំ ២០២៤ របស់ Nissan ប្រើ hybrid ជំនាន់ថ្មី ជិះ ១០០គីឡូម៉ែត្រស៊ីសាំងអត់ដល់ ៤លីត្រ

January 19, 2024

[ទីផ្សារបរទេស] ក្រុមហ៊ុនផលិតរថយន្ត Nissan បានធ្វើការដាក់បង្ហាញចេញនៅរថយន្ត Nissan Sylphy ស៊េរីឆ្នាំ២០២៤ រូបរាងថ្មីទាំងស្រុង ដែលមានរហូតដល់ទៅ ១១ម៉ូដែល ជាមួយតម្លៃលក់ចាប់ពី ១៦ ៧១២ ដុល្លារ ដល់ ២៤ ៥៦២ ដុល្លារនៅទីផ្សារប្រទេសចិន ។

Nissan Sylphy ស៊េរីឆ្នាំ២០២៤ ដំណើរការដោយម៉ាស៊ីនចំនួន ២ ជម្រើសរួមមាន៖

ម៉ាស៊ីនកូនកាត់ e-Power hybrid ជំនាន់ទី ២ ធ្វើការរួមគ្នាជាមួយម៉ាស៊ីនសាំងចំណុះ ១,២ លីត្រ ផ្គួបជាមួយម៉ូទ័រអគ្គិសនីចំនួន ១ មានកម្លាំងសរុប ១៣៦ សេះ និងកម្លាំងរមួល ៣០០ ញ៉ូតុនម៉ែត្រ ជាមួយកម្រិតស៊ីប្រេងចន្លោះពី ៣-៤លីត្រក្នុងរយៈចម្ងាយ ១០០ គីឡូម៉ែត្រ ។
ម៉ាស៊ីនសាំងចំណុះ ១,៦ លីត្រ Turbocharged ទំហំ ៤ ស៊ីឡាំង មានកម្លាំង ១៣៥ សេះ និងកម្លាំងរមួល ១៥៩ ញ៉ូតុនម៉ែត្រ ភ្ជាប់ដោយប្រអប់អូតូ Xtronic CVT ។

សម្រាប់រថយន្តនេះ ទទួលបានការបំពាក់ប៉ាណាមុខថ្មី ចង្កៀងមុខ-ក្រោយ LED រចនាថ្មី ព្រមទាំងថាសកង់ស្ព័រទំហំ ១៧អ៉ីញ ក៏ដូចជាអេក្រង់កំសាន្ត touchscreen ថ្មីទំហំ ១២,៣ អ៉ីញ ឧបករណ៍បំពងសំឡេងម៉ាក Bose ចំណុច និងដំបូលកញ្ចក់ panoramic moonroof ផងដែរ ។ លើសពីនេះ ក៏ទទួលបាននៅប្រព័ន្ធសុវត្ថិភាព Nissan Safety Shield 360 ដែលមុខងារដ៏សំបូរបែបយ៉ាងច្រើនទៀតផង ៕

ផ្ទាំងផ្សាយពាណិជ្ជកម្ម

Ford Kuga ស៊េរីឆ្នាំ ២០២៤ អត់ប្រើសាំង ក៏ជិះបាន ៧០គីឡូម៉ែត្រដែរ

January 18, 2024

[ទីផ្សារបរទេស] ក្រុមហ៊ុនផលិតរថយន្ត Ford បានធ្វើការដាក់បង្ហាញចេញនៅរថយន្ត Ford Kuga ស៊េរីឆ្នាំ ២០២៤ ដែលទទួលបានការកែមុខមាត់ថ្មី នឹងបានបើកទទួលការកក់ទុនមុនសម្រាប់ទីផ្សារតំបន់អឺរ៉ុប ។

ការផ្លាស់ប្តូរផ្នែកខាងក្រៅរបស់ Ford Kuga ស៊េរីឆ្នាំ ២០២៤ ដែលរួមមានប៉ាណាមុខ អបជាមួយចង្កៀមុខ LED រចនាថ្មី ព្រមទាំងកាងផ្នែក និងគម្របម៉ាស៊ីនក៏ត្រូវបានរចនាថ្មីផងដែរ ។ ផ្នែកខាងក្នុងក៏ទទួលបានការអាប់ដេតផងដែរ ជាមួយនឹងអេក្រង់កំសាន្ត Touchscreen ថ្មីទំហំ ១៣,២ អ៉ីញ ដែលភ្ជាប់ប្រើប្រាស់នៅប្រព័ន្ធប្រតិបត្តិការ Sync4 ចុងក្រោយបង្អស់របស់ក្រុមហ៊ុន Ford ។

ទាក់ទងទៅនឹងផ្នែកម៉ាស៊ីនវិញ ទទួលបាន ៣ ជម្រើសរួមមាន៖

ដោយម៉ាស៊ីនម៉ាស៊ូតត្រូវបានដកចេញ ជំនួសមកវិញនៅម៉ាស៊ីនចំណុះ ១,៥ លីត្រ Turbocharged EcoBoost អាចផលិតកម្លាំងបាន ១៤៨ សេះ ភ្ជាប់ដោយប្រអប់លេខដៃ ៦វគ្គ ។
ម៉ាស៊ីនកូនកាត់ hybrid ធ្វើការរួមគ្នាជាមួយម៉ាស៊ីនសាំងចំណុះ ២,៥ លីត្រ ជាមួយម៉ូទ័រអគ្គិសនីចំនួន ១ អាចផលិតកម្លាំងបានសរុប ១៧៧ សេះ សម្រាប់ម៉ូដែលប៉ុង ១ និងម៉ូដែលប៉ុង ២ មានកម្លាំង ១៨០ សេះ ។
ម៉ាស៊ីន Plug-in hybrid ការរួមគ្នាជាមួយម៉ាស៊ីនសាំងចំណុះ ២,៥ លីត្រ អាចផលិតកម្លាំងបានសរុប ២៤០ ផ្គួបជាមួយអាគុយទំហំ ១៤,៤ គីឡូវ៉ាត់ម៉ោង អាចបើកបរបានចម្ងាយ ៧០ គីឡូម៉ែត្រ ៕

ផ្ទាំងផ្សាយពាណិជ្ជកម្ម

កប់ខ្លាំង! Lexus TX ស៊េរីឆ្នាំ ២០២៤ ២គ្រឿងដំបូងគេ មកដល់កម្ពុជាហើយ

January 18, 2024

[ក្នុងស្រុក] យោងតាមការបង្ហោះពីគេហទំព័រហ្វេសបុក Platinum Auto បានធ្វើការបង្ហោះនៅលើករណីរបស់ខ្លួន ដោយបាននាំយករថយន្តនៅ Lexus TX ស៊េរីឆ្នាំ ២០២៤ ចំនួន ២គ្រឿង ដែលជាការនាំនៅម៉ូដែលនេះដំបូងគេមកកាន់នៅទីផ្សារប្រទេសកម្ពុជា។

គួរឲ្យដឹងថា សម្រាប់រថយន្តដែល Platinum Auto នាំមកកាន់ទីផ្សារប្រទេសកម្ពុជាគឺជារថយន្ត Lexus TX350 EXECUTIVE ដែលជាម៉ូដែលខ្ពស់ជាងគេ ដែលរួមបញ្ចូលនៅដូចជា៖

រថយន្តថ្មីខ្លាញ់គោ, FULL OPTIONS ពេញទាំងអស់ ( Options ខ្ពស់បំផុត )
កៅអី ៣ជួរ ជាប្រភេទ ៦កៅអី និង ៧កៅអី
ថាសកង់ស្ព័រទំហំ ២២ អ៉ីញ
ឧបករណ៍បំពងសំលេងម៉ាក Mark Levinson ចំនួន ២១ចំណុច
កន្លែងសាកថ្មឥតប្រើខ្សែ wireless charging
កាមេរ៉ា ៣៦០ ដឺក្រេចំនួន ៥ ទីតាំង
ប្រព័ន្ធជំនួយចូលចតខ្លួនឯងដោយស្វ័យប្រវត្តិ
ដេបញ្ឆេះពីក្រៅរថយន្តដោយស្វ័យប្រវត្តិ, អេក្រង់ទំហំធំ, កៅអីក្រោយអូតូ, អេក្រង់បង្ហាញលើកញ្ចក់ Head-Up Display និងដំបូលបើក និងមួយចំនួនច្រើនទៀត ។

សម្រាប់ព័ត៌មានលម្អិតបន្ថែម ឬបងប្អូនចង់សាកសួរបន្ថែមអំពីរថយន្ត ឬតម្លៃ បងប្អូនអាចទាក់ទងក្រុមហ៊ុនផ្ទាល់តាមគេហទំព័រ Platinum Auto ឬតាមលេខទូរស័ព្ទ 077 7777 84 , 098 73 1111 ៕

ផ្ទាំងផ្សាយពាណិជ្ជកម្ម

Hyundai Creta ស៊េរីឆ្នាំ ២០២៤ បង្ហាញខ្លួនជាផ្លូវការ ឯតម្លៃលក់ចាប់ផ្តើមតែ ១មុឺនដុល្លារស្តើង

January 18, 2024

[ទីផ្សារបរទេស] ក្រុមហ៊ុនផលិតរថយន្ត Hyundai ប្រចាំនៅទីផ្សារប្រទេសឥណ្ឌា បានធ្វើការដាក់បង្ហាញចេញជាផ្លូវការនៅរថយន្ត Hyundai Crete ស៊េរីឆ្នាំ ២០២៤ ផ្តល់ជូនទាំងជម្រើសម៉ាស៊ីនសាំង និងម៉ាស៊ូត ជាមួយតម្លៃលក់ចាប់ពី ១៣ ០០០ ដុល្លារ ដល់ ២៤ ០០០ ដុល្លារ ។

បើប្រៀបធៀបទៅនឹងកំណែចាស់ Creta ស៊េរីឆ្នាំ ២០២៤ បានផ្លាស់ប្តូរច្រើនទៅលើផ្នែកខាងក្រៅរួមមាន ប៉ាណាមុខថ្មី ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង និងមានប្រវែងវែងជាងមុន ១៥ ម.ម ប៉ុន្តែទាបជាងមុន ២៥ ម.ម ខណៈប្រវែងគន្លាតកង់មុខ-ក្រោយដូចជាគឺ ២៦១០ ម.ម ។

ចំពោះនៅផ្នែកខាងក្នុងវិញ ទទួលបានតាប្លូថ្មីជាមួយនឹងអេក្រង់ភ្លោះទំហំ ១០.២៥ អ៊ីញរួមបញ្ចូលនៅកុងទ័របង្ហាញព័ត៌មាន និងអេក្រង់កំសាន្ត touchscreen ព្រមទាំងរន្ធម៉ាស៊ីនត្រជាក់ និងកុងសូលកណ្តាលត្រូវបានរចនាថ្មីផងដែរ ។ លើសពីនេះ ក៏ទទួលបាន ដំបូលកញ្ចក់ panoramic sunroof ឧបករណ៍បំពងសំលេងម៉ាក BOSE ៨ចំណុច ក៏ដូចជាប្រព័ន្ធជំនួយការអ្នកបើកបរ ADAS ជាមួយមុខងារជាច្រើនទៀតផង ។

ទាក់ទងទៅនឹងផ្នែកម៉ាស៊ីនវិញ Hyundai Creta ស៊េរីថ្មីនេះ ទទួលបានជម្រើសម៉ាស៊ីនចំនួន ៣ រួមមាន៖ ម៉ាស៊ីនសាំងចំណុះ ១,៥ លីត្រ, ម៉ាស៊ីនសាំងចំណុះ ១,៥ លីត្រ ជំនួយដោយ turbocharged និងម៉ាស៊ីនម៉ាស៊ូតចំណុះ ១,៥ លីត្រ ៕

ផ្ទាំងផ្សាយពាណិជ្ជកម្ម

Toyota Yaris Cross របស់ជប៉ុន អាប់ដេតថ្មី តម្លៃចាប់ផ្តើមតែជាង ១មុឺនដុល្លារ ចេញលក់ជាផ្លូវការ

January 18, 2024

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់ចេញលក់ជាផ្លូវការនៅរថយន្ត Toyota Yaris Cross ស៊េរីឆ្នាំ ២០២៤ ដែលទទួលបានការកែមុខមាត់ថ្មីបន្ថែម ដែលមានតម្លៃលក់ចាប់ពី ១២ ៨៨២ ដុល្លារ ដល់ ២១ ៣១៩ ដុល្លារនៅទីផ្សារប្រទេសជប៉ុន ។

Toyota Yaris Cross ស៊េរីឆ្នាំ ២០២៤ ផលិតឡើងនៅលើគ្រោងឆ្អឹង TGNA platform មានប្រវែងតួខ្លួនសរុប ៤ ១៨០ ម.ម ទទឹង ១ ៧៦៥ ម.ម កំពស់ ១ ៥៩០ ម.ម និងប្រវែងគន្លាតកងមុខ-ក្រោយ ២ ៥៦០ ម.ម ទាក់ទងទៅនឹងផ្នែកម៉ាស៊ីនវិញ Toyota Yaris Cross ស៊េរីឆ្នាំ ២០២៤ ទទួលបានជម្រើសម៉ាស៊ីន ២ ប្រភេទរួមមាន៖

ម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង អាចផលិតកម្លាំងបាន ១២០ សេះ និងកម្លាំងរមួល ១៤៥ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ១
ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១១៦ សេះ និងកម្លាំងរមួល ១៤១ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ២ ជាមួយកម្រិតស៊ីប្រេងចន្លោះពី ៣-៤លីត្រប៉ុណ្ណោះក្នុងរយៈចម្ងាយ ១០០គីឡូម៉ែត្រ ៕

ការអាប់ដេតដែលធ្វើឡើងចំពោះរថយន្ត Toyota Yaris Cross ស៊េរីឆ្នាំ ២០២៤ របស់ប្រទេសជប៉ុននេះ លក្ខណៈពិសេសថ្មីរួមមានពណ៌តួខ្លួនខាងក្រៅថ្មី (Massive Grey) និងប៉ាណាមុខដែលបានរចនាឡើងវិញ។ ផ្នែកខាងក្នុងក៏ត្រូវបានអាប់ដេតជាមួយនឹងកុងទ័របង្ហាញព័ត៌មានឌីជីថលថ្មីទំហំ ៧អ៉ីញ និងអេក្រង់កំសាន្ត touchscreen ទំហំ ៨អ៉ីញ អាចភ្ជាប់មុខងារ Apple CarPlay និង Android Auto ។ លើសពីនេះ ក៏ទទួលបាននៅកញ្ចប់ប្រព័ន្ធសុវត្ថិភាព Toyota Safety Sense System ផងដែរ ៕

ផ្ទាំងផ្សាយពាណិជ្ជកម្ម

Toyota ចង់ផលិតរថយន្តឲ្យបានចំនួនលើស ១០លានគ្រឿងនៅក្នុងឆ្នាំនេះ

January 18, 2024

[បរទេស] ក្រុមហ៊ុនផលិរេថយន្ត Toyota មានគម្រោងនឹងផលិតរថយន្តឲ្យបានចំនួន ១០,៣ លានគ្រឿងនៅឆ្នាំ ២០២៤ ដែដែលជាកំណត់ត្រាមួយសម្រាប់ក្រុមហ៊ុនផលិតរថយន្តជប៉ុន ដោយនៅក្នុងឆ្នាំ ២០២៣ Toyota ផលិតបានចំនួន ៩,២៣ លានគ្រឿង ។

ក្រុមហ៊ុន Toyota ក៏មានបំណងចង់ផលិតរថយន្តឲ្យបានចំនួន ៣,៤ លានគ្រឿងនៅក្នុងប្រទេសជប៉ុននៅឆ្នាំនេះ និងចំនួន ៦,៩ លានគ្រឿងនៅក្រៅប្រទេស រួមទាំងសម្រាប់ ម៉ាក Lexus ផងដែរ ។ លើសពីនេះ Toyota រំពឹងថានឹងផលិតរថយន្តអគ្គិសនីសុទ្ធឲ្យបានចំនួនប្រមាណ ២៥០ ០០០គ្រឿងនៅឆ្នាំ ២០២៤ មុនពេលដែលកើនឡើងដល់ ៦០០ ០០០ គ្រឿងក្នុងឆ្នាំ ២០២៥។

គួរឲ្យដឹងថា ហេតុផលសំខាន់សម្រាប់ការកើនឡើងនៃផលិតកម្ម និងតួលេខនៃការលក់បានកើនឡើងគួរឲ្យគត់សំគាល់របស់ក្រុមហ៊ុន Toyota គឺរថយន្តប្រើប្រាស់ម៉ាស៊ីនកូនកាត់ Hybrid របស់ខ្លួន ៕

ផ្ទាំងផ្សាយពាណិជ្ជកម្ម