ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 238

Hyundai Creta ស៊េរីឆ្នាំ ២០២៤ បង្ហាញខ្លួនជាផ្លូវការ ឯតម្លៃលក់ចាប់ផ្តើមតែ ១មុឺនដុល្លារស្តើង

[ទីផ្សារបរទេស] ក្រុមហ៊ុនផលិតរថយន្ត Hyundai ប្រចាំនៅទីផ្សារប្រទេសឥណ្ឌា បានធ្វើការដាក់បង្ហាញចេញជាផ្លូវការនៅរថយន្ត Hyundai Crete ស៊េរីឆ្នាំ ២០២៤ ផ្តល់ជូនទាំងជម្រើសម៉ាស៊ីនសាំង និងម៉ាស៊ូត ជាមួយតម្លៃលក់ចាប់ពី ១៣ ០០០ ដុល្លារ ដល់ ២៤ ០០០ ដុល្លារ ។

បើប្រៀបធៀបទៅនឹងកំណែចាស់ Creta ស៊េរីឆ្នាំ ២០២៤ បានផ្លាស់ប្តូរច្រើនទៅលើផ្នែកខាងក្រៅរួមមាន ប៉ាណាមុខថ្មី ចង្កៀងមុខ-ក្រោយ LED អូសកាត់ពីផ្នែកម្ខាងទៅផ្នែកម្ខាង និងមានប្រវែងវែងជាងមុន ១៥ ម.ម ប៉ុន្តែទាបជាងមុន ២៥ ម.ម ខណៈប្រវែងគន្លាតកង់មុខ-ក្រោយដូចជាគឺ ២៦១០ ម.ម ។

ចំពោះនៅផ្នែកខាងក្នុងវិញ ទទួលបានតាប្លូថ្មីជាមួយនឹងអេក្រង់ភ្លោះទំហំ ១០.២៥ អ៊ីញរួមបញ្ចូលនៅកុងទ័របង្ហាញព័ត៌មាន និងអេក្រង់កំសាន្ត touchscreen ព្រមទាំងរន្ធម៉ាស៊ីនត្រជាក់ និងកុងសូលកណ្តាលត្រូវបានរចនាថ្មីផងដែរ ។ លើសពីនេះ ក៏ទទួលបាន ដំបូលកញ្ចក់ panoramic sunroof ឧបករណ៍បំពងសំលេងម៉ាក BOSE ៨ចំណុច ក៏ដូចជាប្រព័ន្ធជំនួយការអ្នកបើកបរ  ADAS ជាមួយមុខងារជាច្រើនទៀតផង ។

ទាក់ទងទៅនឹងផ្នែកម៉ាស៊ីនវិញ Hyundai Creta ស៊េរីថ្មីនេះ ​ទទួលបាន​ជម្រើស​ម៉ាស៊ីន​ចំនួន ៣  រួម​មាន៖ ម៉ាស៊ីន​សាំងចំណុះ ១,៥ លីត្រ, ម៉ាស៊ីនសាំងចំណុះ ១,៥ លីត្រ ជំនួយដោយ turbocharged និងម៉ាស៊ីនម៉ាស៊ូតចំណុះ ១,៥ លីត្រ ៕

ផ្ទាំងផ្សាយពាណិជ្ជកម្ម

Toyota Yaris Cross របស់ជប៉ុន អាប់ដេតថ្មី តម្លៃចាប់ផ្តើមតែជាង ១មុឺនដុល្លារ ចេញលក់ជាផ្លូវការ

[ទីផ្សារបរទេស] ក្រុមហ៊ុនផលិតរថយន្ត Toyota បានធ្វើការដាក់ចេញលក់ជាផ្លូវការនៅរថយន្ត Toyota Yaris Cross ស៊េរីឆ្នាំ ២០២៤ ដែលទទួលបានការកែមុខមាត់ថ្មីបន្ថែម ដែលមានតម្លៃលក់ចាប់ពី ១២ ៨៨២ ដុល្លារ ដល់ ២១ ៣១៩ ដុល្លារនៅទីផ្សារប្រទេសជប៉ុន ។

Toyota Yaris Cross ស៊េរីឆ្នាំ ២០២៤ ផលិតឡើងនៅលើគ្រោងឆ្អឹង TGNA platform មានប្រវែងតួខ្លួនសរុប ៤ ១៨០ ម.ម ទទឹង ១ ៧៦៥ ម.ម កំពស់ ១ ៥៩០ ម.ម និងប្រវែងគន្លាតកងមុខ-ក្រោយ ២ ៥៦០ ម.ម ទាក់ទងទៅនឹងផ្នែកម៉ាស៊ីនវិញ Toyota Yaris Cross ស៊េរីឆ្នាំ ២០២៤ ទទួលបានជម្រើសម៉ាស៊ីន ២ ប្រភេទរួមមាន៖

  • ម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង អាចផលិតកម្លាំងបាន ១២០ សេះ និងកម្លាំងរមួល ១៤៥ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ១
  • ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១១៦ សេះ និងកម្លាំងរមួល ១៤១ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ២ ជាមួយកម្រិតស៊ីប្រេងចន្លោះពី ៣-៤លីត្រប៉ុណ្ណោះក្នុងរយៈចម្ងាយ ១០០គីឡូម៉ែត្រ ៕

ការអាប់ដេតដែលធ្វើឡើងចំពោះរថយន្ត Toyota Yaris Cross ស៊េរីឆ្នាំ ២០២៤ របស់ប្រទេសជប៉ុននេះ លក្ខណៈ​ពិសេស​ថ្មី​រួម​មាន​ពណ៌តួខ្លួន​ខាង​ក្រៅ​ថ្មី (Massive Grey) និងប៉ាណាមុខដែល​បាន​រចនា​ឡើង​វិញ។ ផ្នែកខាងក្នុងក៏ត្រូវបានអាប់ដេតជាមួយនឹងកុងទ័របង្ហាញព័ត៌មានឌីជីថលថ្មីទំហំ ៧អ៉ីញ និងអេក្រង់កំសាន្ត touchscreen ទំហំ ៨អ៉ីញ អាចភ្ជាប់មុខងារ Apple CarPlay និង Android Auto ។ លើសពីនេះ ក៏ទទួលបាននៅកញ្ចប់ប្រព័ន្ធសុវត្ថិភាព Toyota Safety Sense System ផងដែរ ៕

ផ្ទាំងផ្សាយពាណិជ្ជកម្ម

Toyota ចង់ផលិតរថយន្តឲ្យបានចំនួនលើស ១០លានគ្រឿងនៅក្នុងឆ្នាំនេះ

[បរទេស] ក្រុមហ៊ុនផលិរេថយន្ត Toyota មានគម្រោងនឹងផលិតរថយន្តឲ្យបានចំនួន ១០,៣ លានគ្រឿងនៅឆ្នាំ ២០២៤ ដែដែលជាកំណត់ត្រាមួយសម្រាប់ក្រុមហ៊ុនផលិតរថយន្តជប៉ុន ដោយនៅក្នុងឆ្នាំ ២០២៣ Toyota ផលិតបានចំនួន ៩,២៣ លានគ្រឿង ។

ក្រុមហ៊ុន Toyota ក៏មានបំណងចង់ផលិតរថយន្តឲ្យបានចំនួន ៣,៤ លានគ្រឿងនៅក្នុងប្រទេសជប៉ុននៅឆ្នាំនេះ និងចំនួន ៦,៩ លានគ្រឿងនៅក្រៅប្រទេស រួមទាំងសម្រាប់ ម៉ាក Lexus ផងដែរ ។ លើសពីនេះ Toyota រំពឹងថានឹងផលិតរថយន្តអគ្គិសនីសុទ្ធឲ្យបានចំនួនប្រមាណ ២៥០ ០០០គ្រឿងនៅឆ្នាំ ២០២៤ មុនពេលដែលកើនឡើងដល់ ៦០០ ០០០ គ្រឿងក្នុងឆ្នាំ ២០២៥។

គួរឲ្យដឹងថា ហេតុផលសំខាន់សម្រាប់ការកើនឡើងនៃផលិតកម្ម និងតួលេខនៃការលក់បានកើនឡើងគួរឲ្យគត់សំគាល់របស់ក្រុមហ៊ុន Toyota គឺរថយន្តប្រើប្រាស់ម៉ាស៊ីនកូនកាត់ Hybrid របស់ខ្លួន ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Porsche Macan ស៊េរីឆ្នាំ ២០២៤ សាកភ្លើងពេញម្តងជិះបានយ៉ាងតិច ៥០០ គីឡូម៉ែត្រ

[បរទេស] កាលពីពេលថ្មីៗនេះ យោងគេការធ្វើតេស្តចេញពី WLTP បានឲ្យដឹងថា រថយន្តអគ្គិសនីសុទ្ធ All-new Porsche Macan ស៊េរីឆ្នាំ ២០២៤ គ្រប់ម៉ូដែលទាំងអស់នឹងបំពាក់អាគុយដែលអាចបើកបរបានចម្ងាយយ៉ាងតិច ៥០០ គីឡូម៉ែត្រនៅពេលសាកថ្មពេញម្តង ។

All-new Porsche Macan ស៊េរីឆ្នាំ ២០២៤ ត្រូវបានផលិតឡើងនៅលើគ្រោងឆ្អឹង Premium Platform Electric (PPE) បំពាក់ដោយម៉ូទ័រអគ្គិសនីចំនួន ២ អាចផលិតកម្លាំងបានសរុប ៦១២ សេះ និងកម្លាំងរមួល ១០០០ ញ៉តុនម៉ែត្រ ផ្គួបជាមួយអាគុយទំហំ ១០០ គីឡូវ៉ាត់ម៉ោង អាចបើកបរបានចម្ងាយ ៥០០ គីឡូម៉ែត្រនៅពេលសាកថ្មពេញម្តង និងគាំទ្រការសាកថ្មល្បឿនលឿន DC ផងដែរ ។

សម្រាប់រថយន្តអគ្គិសនីសុទ្ធនេះ ភ្ជាប់មកជាមួយតួដែលត្រូវបានរចនាឡើងយ៉ាងពិសេសជាមួយប្រព័ន្ធ aerodynamic ខណៈនៅផ្នែកខាងក្រោមរថយន្តត្រូវបានរចនាឡើងស្រដៀងទៅនឹងរថយន្តប្រណាំង ជាមួយកម្រិតចាញ់ខ្យល់ទាប់បំផុតត្រឹមតែ ០,២៥ ប៉ុណ្ណោះ ។ លើសពីនេះ សម្រាប់កាលវិភាគនៃការចេញលក់រថយន្តនេះ ក្រុមហ៊ុនមិនទាន់បង្ហើបនៅឡើយទេ ៕

ផ្ទាំងផ្សាយពាណិជ្ជកម្ម

ឡាន Lamborghini ដែលលោក G-Davith ទិញថ្ងៃមុន ផលិតតែ ៦០០គ្រឿងប៉ុណ្ណោះនៅលើពិភពលោក

[ក្នុងស្រុក] កាលពីពេលថ្មីៗទៅនេះ តារាងចម្រៀងដ៏ល្បីលោក ងួន ចាន់ដេវីត ឬលោក G-Davith បានធ្វើការផុសនៅលើករណី Facrbook ព្រមទាំងភរិយារបស់លោក ជាមួយររថយន្ត supercar Lamborghini ពណ៌ក្រហម នឹងបានភ្ជាប់ជាមួយ Caption ថា “2024 Finally We did it ” ។

សម្រាប់រថយន្តរបស់លោក គឺជារថយន្ត Lamborghini Aventador SV ឬ Super-Veloce ដែលបកប្រែពីភាសាអ៉ីតាលីពីពាក្យ Super-Fast ដែលបំពាក់ជាមួយម៉ាស៊ីន V12 ចំណុះ ៦,៥ លីត្រ ដែលអាចផលិតកម្លាំងបានដល់ ៧៥០ សេះ ច្រើនជាងម៉ូដែលស្តង់ដារ ៥០សេះ ដោយអាចរត់ស្ទុះពីកុងទ័រ ០-១០០ គីឡូម៉ែត្រប្រើរយៈពេល ២.៨ វិនាទី និងមាន Top-speed ៣៥០ គីឡូម៉ែត្រក្នុងមួយម៉ោង។

ទាក់ទងទៅនឹងផ្នែកខាងក្រៅរបស់ Lamborghini Aventador SV មានការឌីស្សាញឡើងដែលមានប្រព័ន្ធមិនឲ្យចាញ់ខ្យល់ aerodynamic យ៉ាងប្រសិទ្ធិភាព និងបានបំពាក់ជាមួយគម្រប់ម៉ាស៊ីន រន្ធខ្យល់ទំហំធំ ព្រមទាំងកាង spoiler ខាងក្រោយ, ទ្វារ និងបំពង់ស៊ីមាំងសុទ្ធតែផលិតចេញពី carbon-fiber ទាំងអស់ ក៏ដូចជាថាសកង់ស្ព័រជាមួយដុំហ្រ្វាំង carbon-ceramic ទៀតផង ។ ខណៈ នៅផ្នែកខាងក្នុងត្រូវបានឌីស្សាញឡើងដ៏ប្រណិត ដោយមានបំពាក់កៅអីធ្វើពី carbon-fiber ស្រោបដោយស្បែកប្រភេទ Alcantara ផងដែរ ។

គួរឲ្យដឹងថា Lamborghini Aventador SV ផលិតក្នុងចំនួនមានកំណត់ត្រឹមតែ ៦០០ គ្រឿងប៉ុណ្ណោះនៅលើពិភពលោក ដែលមានតម្លៃលក់នៅទីផ្សារបរទេសចាប់ពី ៤០៦ ៩៤៤ ដុល្លារ ៕

ផ្ទាំងផ្សាយពាណិជ្ជកម្ម

ម៉ូដែលថ្មីរបស់ Mazda នឹងប្រើប្រាស់បច្ចេកវិទ្យារបស់ Toyota ដល់ទៅ ៩០ភាគរយ

[បរទេស] ក្រុមហ៊ុនផលិតរថយន្ត Mazda និង Toyota នឹងសហការគ្នាដែលប្រើប្រាស់បច្ចេកវិទ្យារបស់ក្រុមហ៊ុន Toyota ក៏ដូចជា software និង hardware ដែលអាចជួយកាត់បន្ថយការចំនាយរាប់រយលានដុល្លារក្នុងមួយឆ្នាំណាពេលអនាគត ។

ប្រព័ន្ធ​ទាំង​នោះ​នឹង​រួម​បញ្ចូល​ប្រព័ន្ធ​ប្រតិបត្តិការ អេក្រង់​ព័ត៌មាន​កម្សាន្ត ព្រមទាំងប្រព័ន្ធគ្រប់គ្រង electronic control system ផងដែរ ។ លើសពីនេះ យោងតាមគេហទំព័រ Nikkei Asia បានឲ្យដឹងថា រថយន្តអគ្គិសនីសុទ្ធរបស់ Mazda ចាប់ពីឆ្នាំ ២០២៦ នឹងប្រើបច្ចេកវិទ្យាដូចទៅរថយន្តរបស់ Toyota ៩០% ។

ជាមួយគ្នានេះ ក្រុមហ៊ុន Mazda ជឿជាក់ថាតាមរយៈការសហការជាមួយ Toyota នឹងអាចកាត់បន្ថយការចំណាយលើការអភិវឌ្ឍន៍របស់ខ្លួនបានចន្លោះពី ៧០% ទៅ ៨០% ៕

ផ្ទាំងផ្សាយពាណិជ្ជកម្ម

កក់ឥឡូវនេះចំណេញ ៦០០០ ដុល្លារ លើរថយន្ត JETOUR DASHING ស៊េរីឆ្នាំ ២០២៤!

ប្រូម៉ូសិនពិសេសលើរថយន្ត JETOUR DASHING ស៊េរីឆ្នាំ ២០២៤​ ដែលមានតម្លៃដើម ៤៥ ០០០ ដុល្លារ ដោយធ្វើការកក់ឥឡូវនេះបញ្ចុះតម្លៃនៅសល់ត្រឹមតែ ៣៨ ៨៨៨ ដុល្លារ ដែលជាតម្លៃដែលមិនធ្លាប់មានពីមុនមកពីក្រុមហ៊ុន​ Jetour Cambodia ដែលតំណាងចែកចាយផ្តាច់មុខនូវរថយន្ត JETOUR នៅកម្ពុជា។

ម៉ាកយីហោ JETOUR គឺជាម៉ាកយីហោដ៏ល្បីមួយរបស់ប្រទេសចិនដែលកំពុងទទួលការពេញនិយមយ៉ាងខ្លំាង​ពីសំណាក់អ្នកប្រើប្រាស់ជុំវិញពិភពលោក។

ផ្ទាំងផ្សាយពាណិជ្ជកម្ម

រថយន្ត JETOUR DASHING​ សេរ៊ីឆ្នាំ ២០២៤​ ដែលបញ្ចុះតម្លៃមកត្រឹមតែ ៣៨ ៨៨៨ ដុល្លារ ដែលបំពាក់ជាមួយម៉ាស៊ីនចំណុះ ១,៦ លីត្រ Turbo ភ្ជាប់ជាមួយប្រអប់លេខអូតូ​ ៧វគ្គ ដែលមានរូបរាងស្រស់សង្ហា រចនាបែបអនាគត។

ប្រើប្រាស់បច្ចេកវិទ្យាស្តង់ដាអាឡឺម៉ង រថយន្ត JETOUR DASHING ស៊េរីឆ្នាំ ២០២៤ នេះបានបំពាក់មកដោយ៖

✅ម៉ាស៊ីន​ចំណុះ ១,៦ លីត្រ Turbo ដែលមាន​កម្លាំងខ្លាំង ជាមួយប្រអប់លេខអូតូ ៧វគ្គ ដែលជាលទ្ធផលផ្តល់នូវថាមពលរហូតដល់ ២៦៤ សេះ (197kW) និងកម្លាំងបង្វិលអតិបរមារហូតដល់ ២៩០ ញ៉ូតុនម៉ែត្រ ដែលអនុញ្ញាតឱ្យអ្នកប្រើប្រាស់ផ្លាស់ប្តូរប្រអប់លេខយ៉ាងរលូន ដោយនាំមកនូវបទពិសោធន៍យ៉ាងរលូនក្នុងការបង្កើនល្បឿនដល់អ្នកដែលចូលចិត្ត។

✅ ចង្កៀងគុជ ភ្លឺខ្លាំងនិងបញ្ចាទំលាក់ដោយស្វ័យប្រវត្តិ និងស្តុបខាងក្រោយជាប្រភេទ LED

✅ ចង្កៀងបំភ្លឺពេលថ្ងៃ Day Time Running Light

✅ យ៉ាន់កង់ទំហំ ២០ អ៉ីញ

  • ផ្នែកខាងក្នុង ជារថយន្តដល់ធំទូលាយ​ និងមានផាសុកភាពសំរាប់អ្នកធ្វើដំណើរមិនថាជិត ឬឆ្ងាយ ជាមួយ

✅កៅអីបែបស្ព័រទំនើប ដែលបង្កភាពងាយស្រួលក្នុងបើកបរ ប្រកបដោយទំនុកចិត្ត និងសុវត្ថិភាព

✅ ​អេក្រង់កំសាន្តថាច់ស្ក្រីនធំជាងគេបង្អស់ ១៥,៦ អ៉ីញ ភ្ជាប់មកជាមួយប្រព័ន្ធ Apple Car Play / Android Auto

✅ ប្រព័ន្ធបញ្ជាដេរបញ្ឆេះពីចំងាយ

✅ Hi-Fi loudspeakers 8 គ្រាប់ បាស់បុក ពិរោះ រណ្ដំ ម៉ាក Sony

✅ ដំបូល Panoramic SUNROOF ទំហំធំ

✅ កាមេរ៉ា ៥៤០ដឺក្រេ

✅ ប្រព័ន្ធជំនួយពេលឡើងចំណោត Hill Start Assist

✅ អាចកំណត់ល្បឿនជាមួយប្រព័ន្ធ Adaptive Cruise Control System

✅ Sensor ថ្លឹងសម្ពាធកង់ Tire Pressure Sensor

មិនត្រឹមតែប៉ុណ្នោះរថយន្ត JETOUR DASHING ក៏មានការធានាយ៉ាងត្រឹមរហូតទៅរយះពេល ៥ ឆ្នាំ ឬ ១៥ ម៉ឺនគីឡូម៉ែត្រ។

រួសរាន់ឡើងការផ្តល់ជូននេះមានកំណត់! ទាក់ទងកក់ឥឡូវនេះតាមរយះលេខទូរស័ព្ទ 017 713 713 ឬតាមគេហទំព័រ Facebook: https://www.facebook.com/profile.php?id=61553610326112

**តំណាងចែកចាយផ្តាច់មុខនូវរថយន្ត JETOUR តែមួយគត់នៅកម្ពុជា។

  • Tel: 017 713 713
  • Facebook: https://www.facebook.com/profile.php?id=61553610326112
  • Tiktok: https://www.tiktok.com/@jetour_cambodia
ផ្ទាំងផ្សាយពាណិជ្ជកម្ម

Lamborghini លក់រថយន្តបានលើស ១មុឺនគ្រឿងជាលើកដំបូងក្នុងប្រវត្តិសាស្ត្ររបស់ខ្លួន

[បរទេស] ក្រុមហ៊ុនផលិតរថយន្ត Lamborghini បានបង្ហាញទិន្នន័យនៃការលក់រថយន្តសរុបនៅក្នុងឆ្នាំ ២០២៣ ដោយក្រុមហ៊ុនលក់បានចំនួន ១០ ១១២ គ្រឿង ជាលើកដំបូងក្នុងប្រវត្តិសាស្រ្តក្នុងរយៈពេល ៦០ឆ្នាំ កើនឡើង ១០% ពីក្នុងឆ្នាំ ២០២២ ។

ដោយការលក់នេះ ក្នុងនោះ រថយន្ត Lamborghini Urus ប្រភេទ SUV គឺជាម៉ូដែលលក់ដាច់បំផុតដែលមានចំនួន ៦០% ស្មើនឹងចំនួន ៦០៨៧ គ្រឿង ខណៈ Lamborghini Huracan លក់បានចំនួន ៣៦៩២ គ្រឿង ខណៈម៉ូដែល Aventador លក់បានតែចំនួន ១២គ្រឿងប៉ុណ្ណោះ ។

ជាមួយកគ្នានេះ ក្រុមហ៊ុនដែលមូលដ្ឋាននៅប្រទេសអ៉ីតាលីនេះ រំពឹងថានឹងមានការលក់កាន់តែខ្ពស់នៅក្នុងប៉ុន្មានឆ្នាំខាងមុខនេះ ជាមួយនឹងការបង្ហាញនៅម៉ូដែលថ្មីដូចជា Revuelto ប្រើ hybrid និង Huracan ផងដែរ៕

ផ្ទាំងផ្សាយពាណិជ្ជកម្ម

ឡាន MPV អគ្គិសនីសុទ្ធ Zeekr 009 ឆ្នាំ ២០២៤ សាកភ្លើងម្តងជិះបាន ៨២២ គីឡូម៉ែត្រ បង្ហាញនៅប្រទេសចិន

[ទីផ្សារបរទេស] ក្រុមហ៊ុនផលិតរថយន្ត Zeekr បានធ្វើការដាក់បង្ហាញចេញនៅរថយន្ត Zeekr 009 ស៊េរីឆ្នាំ ២០២៤ ប្រភេទ MPV ប្រើប្រាស់ថាមពលអគ្គិសនីសុទ្ធ ដែលមានតម្លៃលក់ចាប់ពី ៦៧ ៧០០ ដុល្លារ ដល់ ៨២ ០០ ដុល្លារនៅក្នុងទីផ្សារប្រទេសចិន ។

Zeekr 009 ស៊េរីឆ្នាំ ២០២៤ មានប្រវែងសរុប ៥ ២០៩ ម.ម ទទឹង ២ ០២៤ ម.ម កំពស់ ១ ៨៤៨ ម.ម និងប្រវែងគន្លាតកង់មុខ-ក្រោយ ៣ ២០៥ ម.ម ខណៈរូបរាងនៅផ្នែកខាងក្រៅមិនមានការផ្លាស់ប្តូរទេបើធៀបទៅនឹងម៉ូដែលមុន ដែលបំពាក់ប៉ាណាមុខមានមុខងារផ្លាស់ប្តូរទម្រង់បាន ជាមួយអំពូលបំភ្លឺពេលថ្ងៃ LED ចំនួន ៣២ គ្រាប់ ប្រើប្រាស់នៅទ្វាររូតចំហៀងអគ្គិសនី ព្រមទាំងថាសកង់ស្ព័រទំហំ ២០ អ៉ីញ និងចង្កៀងក្រោយ LED បែបគ្រីស្តាល់ជាមួយនឹងអំពូល LED សរុបចំនួន ៤០២ គ្រាប់ ។

ចំពោះនៅផ្នែកខាងក្នុងវិញ ត្រូវបានតុបតែងជាមួយស្បែកដ៏ប្រណិតទៅកៅអី តាប្លូ នៅលើកុងស៊ូលមានបំពាក់អេក្រង់កំសាន្ត touchscreen ទំហំ ១៥,៦ អ៉ីញ គាំទ្រដោយឈីប Qualcomm 8155 ប្រព័ន្ធ OTA និងឧបករណ៍បំពងសំឡេងម៉ាក Yamaha ២០ ចំនុច ជាដើម ។ លើសពី ក៏បានភ្ចាប់មកជាមួយប្រព័ន្ធជំនួយការអ្នកបើកបរដ៏ឆ្លាតវៃដល់ទៅ ៣០ មុខងារឯណ្ណោះ ។

ទាក់ទងទៅនឹងផ្នែកម៉ាស៊ីនវិញ រថយន្តនេះបំពាក់ម៉ូទ័រអគ្គិសនីចំនួន ២ មានកម្លាំង ៥៤៤ សេះ និងកម្លាំងរមួល ៦៩៦ ញ៉ូតុនម៉ែត្រ ផ្គួបជាមួយអាគុយជំនាន់ថ្មីទំហំ ១៤០ ញ៉ូតុនម៉ែត្រ អាចបើកបរបានចម្ងាយ ៨២២ គីឡូម៉ែត្រ គាំទ្រការសាកថ្មល្បឿនលឿន DC ដោយសាក ១០%-៨០% ប្រើរយៈពេល ២៨ នាទី ៕

ផ្ទាំងផ្សាយពាណិជ្ជកម្ម

Toyota Yaris Cross ឆ្នាំ ២០២៤ មុខមាត់ថ្មី តម្លៃលក់ចាប់ផ្តើមតែជាង ១មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត Toyota គ្រោងនឹងធ្វើការដាក់បង្ហាញចេញនៅរថយន្ត Toyota Yaris Cross ស៊េរីឆ្នាំ ២០២៤ ដែលទទួលបានការកែមុខមាត់ថ្មីបន្ថែម នៅថ្ងៃទី ១៧ ខែមករា ឆ្នាំ ២០២៤ ដែលមានតម្លៃលក់ចាប់ពី ១៣ ០៤៣ ដុល្លារ ដល់ ១៧ ៥៨៥ ដុល្លារនៅទីផ្សារប្រទេសជប៉ុន ។

Toyota Yaris Cross ត្រូវបានដាក់បញ្ចេញជាលើកដំបូងនៅក្នុងឆ្នាំ ២០២០ ដោយក្នុងឆ្នាំ ២០២៤ ទទួលការរចនានៅផ្នែកខាងក្រៅថ្មី អេក្រង់កំសាន្តត្រូវបានផ្លាស់ប្តូរថ្មី ដែលអាចភ្ជាប់ជាមួយមុខងារ Apple CarPlay និង Android Auto ប្រព័ន្ធ navigation system ព្រមទាំងទទួលបានកញ្ចប់ប្រព័ន្ធសុវត្ថិភាព Toyota Safety Sense System ផងដែរ ។

ទាក់ទងទៅនឹងផ្នែកម៉ាស៊ីនវិញ Toyota Yaris Cross ស៊េរីឆ្នាំ ២០២៤ ទទួលបានជម្រើសម៉ាស៊ីន ២ ប្រភេទរួមមាន៖

  • ម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង អាចផលិតកម្លាំងបាន ១២០ សេះ និងកម្លាំងរមួល ១៤៥ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ១
  • ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១១៦ សេះ និងកម្លាំងរមួល ១៤១ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ២ ជាមួយកម្រិតស៊ីប្រេងចន្លោះពី ៣-៤លីត្រប៉ុណ្ណោះក្នុងរយៈចម្ងាយ ១០០គីឡូម៉ែត្រ ៕

ផ្ទាំងផ្សាយពាណិជ្ជកម្ម
1...237238239...1,008ទំព័រ 238 នៃ 1,008

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com