ផ្ទាំងផ្សាយពាណិជ្ជកម្ម
Facebook Youtube
ទំព័រដើម កំណត់​ហេតុ​បណ្ដាញ ទំព័រ 239

ឡាន MPV អគ្គិសនីសុទ្ធ Zeekr 009 ឆ្នាំ ២០២៤ សាកភ្លើងម្តងជិះបាន ៨២២ គីឡូម៉ែត្រ បង្ហាញនៅប្រទេសចិន

[ទីផ្សារបរទេស] ក្រុមហ៊ុនផលិតរថយន្ត Zeekr បានធ្វើការដាក់បង្ហាញចេញនៅរថយន្ត Zeekr 009 ស៊េរីឆ្នាំ ២០២៤ ប្រភេទ MPV ប្រើប្រាស់ថាមពលអគ្គិសនីសុទ្ធ ដែលមានតម្លៃលក់ចាប់ពី ៦៧ ៧០០ ដុល្លារ ដល់ ៨២ ០០ ដុល្លារនៅក្នុងទីផ្សារប្រទេសចិន ។

Zeekr 009 ស៊េរីឆ្នាំ ២០២៤ មានប្រវែងសរុប ៥ ២០៩ ម.ម ទទឹង ២ ០២៤ ម.ម កំពស់ ១ ៨៤៨ ម.ម និងប្រវែងគន្លាតកង់មុខ-ក្រោយ ៣ ២០៥ ម.ម ខណៈរូបរាងនៅផ្នែកខាងក្រៅមិនមានការផ្លាស់ប្តូរទេបើធៀបទៅនឹងម៉ូដែលមុន ដែលបំពាក់ប៉ាណាមុខមានមុខងារផ្លាស់ប្តូរទម្រង់បាន ជាមួយអំពូលបំភ្លឺពេលថ្ងៃ LED ចំនួន ៣២ គ្រាប់ ប្រើប្រាស់នៅទ្វាររូតចំហៀងអគ្គិសនី ព្រមទាំងថាសកង់ស្ព័រទំហំ ២០ អ៉ីញ និងចង្កៀងក្រោយ LED បែបគ្រីស្តាល់ជាមួយនឹងអំពូល LED សរុបចំនួន ៤០២ គ្រាប់ ។

ចំពោះនៅផ្នែកខាងក្នុងវិញ ត្រូវបានតុបតែងជាមួយស្បែកដ៏ប្រណិតទៅកៅអី តាប្លូ នៅលើកុងស៊ូលមានបំពាក់អេក្រង់កំសាន្ត touchscreen ទំហំ ១៥,៦ អ៉ីញ គាំទ្រដោយឈីប Qualcomm 8155 ប្រព័ន្ធ OTA និងឧបករណ៍បំពងសំឡេងម៉ាក Yamaha ២០ ចំនុច ជាដើម ។ លើសពី ក៏បានភ្ចាប់មកជាមួយប្រព័ន្ធជំនួយការអ្នកបើកបរដ៏ឆ្លាតវៃដល់ទៅ ៣០ មុខងារឯណ្ណោះ ។

ទាក់ទងទៅនឹងផ្នែកម៉ាស៊ីនវិញ រថយន្តនេះបំពាក់ម៉ូទ័រអគ្គិសនីចំនួន ២ មានកម្លាំង ៥៤៤ សេះ និងកម្លាំងរមួល ៦៩៦ ញ៉ូតុនម៉ែត្រ ផ្គួបជាមួយអាគុយជំនាន់ថ្មីទំហំ ១៤០ ញ៉ូតុនម៉ែត្រ អាចបើកបរបានចម្ងាយ ៨២២ គីឡូម៉ែត្រ គាំទ្រការសាកថ្មល្បឿនលឿន DC ដោយសាក ១០%-៨០% ប្រើរយៈពេល ២៨ នាទី ៕

ផ្ទាំងផ្សាយពាណិជ្ជកម្ម

Toyota Yaris Cross ឆ្នាំ ២០២៤ មុខមាត់ថ្មី តម្លៃលក់ចាប់ផ្តើមតែជាង ១មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្ត Toyota គ្រោងនឹងធ្វើការដាក់បង្ហាញចេញនៅរថយន្ត Toyota Yaris Cross ស៊េរីឆ្នាំ ២០២៤ ដែលទទួលបានការកែមុខមាត់ថ្មីបន្ថែម នៅថ្ងៃទី ១៧ ខែមករា ឆ្នាំ ២០២៤ ដែលមានតម្លៃលក់ចាប់ពី ១៣ ០៤៣ ដុល្លារ ដល់ ១៧ ៥៨៥ ដុល្លារនៅទីផ្សារប្រទេសជប៉ុន ។

Toyota Yaris Cross ត្រូវបានដាក់បញ្ចេញជាលើកដំបូងនៅក្នុងឆ្នាំ ២០២០ ដោយក្នុងឆ្នាំ ២០២៤ ទទួលការរចនានៅផ្នែកខាងក្រៅថ្មី អេក្រង់កំសាន្តត្រូវបានផ្លាស់ប្តូរថ្មី ដែលអាចភ្ជាប់ជាមួយមុខងារ Apple CarPlay និង Android Auto ប្រព័ន្ធ navigation system ព្រមទាំងទទួលបានកញ្ចប់ប្រព័ន្ធសុវត្ថិភាព Toyota Safety Sense System ផងដែរ ។

ទាក់ទងទៅនឹងផ្នែកម៉ាស៊ីនវិញ Toyota Yaris Cross ស៊េរីឆ្នាំ ២០២៤ ទទួលបានជម្រើសម៉ាស៊ីន ២ ប្រភេទរួមមាន៖

  • ម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង អាចផលិតកម្លាំងបាន ១២០ សេះ និងកម្លាំងរមួល ១៤៥ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ១
  • ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥ លីត្រ ទំហំ ៣ស៊ីឡាំង ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១១៦ សេះ និងកម្លាំងរមួល ១៤១ ញ៉ូតុនម៉ែត្រ ភ្ជាបដោយប្រអប់លេខអូតូ Direct Shift-CVT ៦វគ្គ ប្រភេទបើកបរប៉ុង ២ ជាមួយកម្រិតស៊ីប្រេងចន្លោះពី ៣-៤លីត្រប៉ុណ្ណោះក្នុងរយៈចម្ងាយ ១០០គីឡូម៉ែត្រ ៕

ផ្ទាំងផ្សាយពាណិជ្ជកម្ម

ក្រុមហ៊ុនផលិតរថយន្តប្រទេសចិនចំនួន ៣ ត្រូវគណៈកម្មការអឺរ៉ុបកំពុងសើបអង្កេតដោយសារតែ….

[បរទេស] ក្រុមអ្នកស៊ើបអង្កេត Sleuths មកពីគណៈកម្មការអឺរ៉ុប គ្រោងនឹងទៅកាន់ប្រទេសចិន ដើម្បីចាប់ផ្តើមការស៊ើបអង្កេតរបស់ពួកគេទៅលើក្រុមហ៊ុនផលិតរថយន្តចិនមានដូចជា BYD Geely និង SAIC ទៅលើការប្រកួតប្រជែងមិនយុត្តិធម៌ ដែលទាក់ទងទៅនឹងតម្លៃលក់ទាបជាងរថយន្តរបស់ពួកគេ ។

ជាមួយការស៊ើបអង្កេតនេះមានរយៈពេលពេញមួយឆ្នាំ ក្នុងនោះក្រុមហ៊ុនផលិតរថយន្តរបស់ចិនក៏បានធ្វើការឆ្លើយតបទៅនឹងសំណួរពីគណៈកម្មការសើបអង្កេតរបស់អឺរ៉ុបរួចមកហើយ ។ ខណៈដំណើរទស្សនកិច្ចទៅកាន់ប្រទេសនេះត្រូវបានគេជឿថាធ្វើឡើងក្នុងគោលបំណងពិនិត្យមើលចម្លើយដែលពួកគេបានផ្តល់ ដែលធ្វើឲ្យប្រទេសចិនបានប្រតិកម្មយ៉ាងខឹងសម្បារចំពោះការស៊ើបអង្កេតរបស់សហភាពអឺរ៉ុប ។

គួរឲ្យដឹងថា ចំពោះការស៊ើបអង្កេតនេះមិនបានធ្វើឡើងទៅលើក្រុមហ៊ុន Tesla Renault និង BMW ដែលផលិតនៅក្នុងប្រទេសចិននោះទេ ដោយក្នុងនៅក្រុមហ៊ុនផលិតរថយន្តអឺរ៉ុបមួយចំនួនគាំទ្រការស៊ើបអង្កេតនេះ ៕

ផ្ទាំងផ្សាយពាណិជ្ជកម្ម

មេធំ Toyota! គ្មានហេតុផលត្រូវឈប់ផលិតរថយន្តប្រើម៉ាស៊ីនចំហេះក្នុងនោះទេ

[បរទេស] ប្រធានក្រុមហ៊ុន Toyota លោក Toyota Akio Toyoda បាននិយាយថា រថយន្តប្រើថាមពលអគ្គិសនីសុទ្ធមិនមែនជាមធ្យោបាយតែមួយគត់ដើម្បីសម្រេចបាននៅអព្យាក្រឹតភាពកាបូននោះទេ ដោយលោកនៅតែជឿជាក់ថារថយន្តប្រើម៉ាស៊ីនចំហេះក្នុង ICEs នៅតែមានតួនាទីក្នុងការសម្រេចបាននៅអព្យាក្រឹតភាពកាបូនទៅថ្ងៃអនាគត ។

 

ដោយលោកបានប្រាប់អ្នកសារព័ត៌មាននៅឯពិព័រណ៍រថយន្ត Tokyo Auto Salon ថា ក្រុមហ៊ុនកំពុងផលិតរថយន្តប្រើម៉ាស៊ីនចំហេះខាងក្នុងជំនាន់ក្រោយ ដោយកត់សម្គាល់ថាម៉ាស៊ីនទាំងនេះនឹងដើរតួយ៉ាងសំខាន់ក្នុងការសម្រេចបាននូវអព្យាក្រឹតកាបូន ជាមួយកាត់បន្ថយការបំភាយឧស្ម័នតាមរយៈវិធីសាស្រ្តផ្សេងៗដែលជាបច្ចេកវិទ្យាថ្មី ។ លើសពីនេះ Toyota កំពុងធ្វើការលើម៉ាស៊ីនដែលប្រើអ៊ីដ្រូសែនផងដែរ ។

មិនត្រឹមតែប៉ុណ្ណោះ ក្រុមហ៊ុន Toyoda ក៏សង្កត់ធ្ងន់លើសារៈសំខាន់នៃការការពារការងាររបស់កម្មករនៅក្នុងឧស្សាហកម្មរថយន្តជប៉ុនផងដែរ ដោយគាត់ចង់ការបន្តការប្រើប្រាស់ជំនាញរបស់កម្មករទាំងនេះដោយមានជាង ៥,៥ លាននាក់ទៀតផង ៕

ផ្ទាំងផ្សាយពាណិជ្ជកម្ម

GM Baojun Yep Plus ប្រភេទទ្វា៥ ប្រើអគ្គិសនីសុទ្ធ សាកភ្លើងម្តងជិះបានជាង ៤០០គីឡូម៉ែត្រ

[ទិផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា SAIC GM និង Wuling បានធ្វើការដាក់បង្ហាញចេញនៅរថយន្តអគ្គិសនីសុទ្ធ Baojun Yep Plus ប្រភេទទ្វា ៥ គ្រោងនឹងធ្វើការចេញលក់នៅក្នុងត្រីមាសទី ១ ជាមួយតម្លៃលក់ចាប់ពី ២១ ១០០ ដុល្លារ នៅទីផ្សារប្រទេសចិន។

រថយន្ត SUV នេះ មានប្រវែងតួខ្លួនសរុប ២ ៩៩៦ ម.ម ទទឹង ១ ៧៦០ ម.ម កំពស់ ១ ៧២៦ ម.ម និងប្រវែងគន្លាតកង់មុខ-ក្រោយ ២ ៥៦០ ម.ម នឹងអាចបំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១០១ សេះ និងអាគុយដែលអាចបើកបរបានចម្ងាយ ៤០១ គីឡូម៉ែត្រនៅពេលសាកថ្មពេញម្តង និងមាន top-speed ១៥០គីឡូម៉ែត្រក្នុងមួយម៉ោង។

ទាក់ទងទៅនឹងរូបរាង និងការឌីស្សាញរបស់ Baojun Yep Plus ត្រូវបានរចនាឡើងផ្អែកនៅលើរថយន្ត Baojun Yep ម៉ូដែលទ្វា ៣ រាងជាប្រអប់ជ្រុង ក្រុមហ៊ុនឲ្យឈ្មោះថា Square Box Design Language ដោយនៅផ្នែកខាងមុខមានប៉ាណាជាប់ជាមួយចង្កៀងមុខ-ក្រោយប្រភេទ LED ដំបូល roof rack ថាសកង់ស្ព័រទំហំជាដើម ខណៈព័ត៌មានលម្អិតបន្ថែមទៀត ក្រុមហ៊ុនមិនទាន់បង្ហាញនៅឡើយទេ ៕

Baojun Yep ម៉ូដែលទ្វា ៣
ផ្ទាំងផ្សាយពាណិជ្ជកម្ម

Mazda CX-50 ស៊េរីថ្មីចុងក្រោយ ប្រើ Hybrid បង្ហាញខ្លួនជាផ្លូវការ

[ទីផ្សារបរទេស] ក្រុមហ៊ុនផលិតរថយន្ត Mazda បានធ្វើការដាក់បង្ហាញចេញជាផ្លូវការនៅរថយន្ត Mazda CX-50 ប្រភេទកូនកាត់ Hybrid ស៊េរីថ្មីចុងក្រោយ ដែលមានតម្លៃលក់ចាប់ពី ២៧ ៥៣៦ ដុល្លារ ដល់ ៣៣ ៧២៤ ដុល្លារ នៅក្នុងទីផ្សារប្រទេសចិន ។

សម្រាប់ការរចនានៅផ្នែកខាងក្រៅរបស់ CX-50 ប្រើប្រាស់ភាសារចនា Kodo Design ប៉ុន្តែផ្តោតលើការរចនាបែប Off-Road បានបំពាក់ជាមួយប៉ាណាមុខពណ៌ខ្មៅជាប់ជាមួយសំណុំចង្កៀងមុខ-ក្រោយ LED ប្រើប្រាស់នៅថាសកង់ស្ព័រទំហំ ១៧ អ៉ីញ ជាមួយទ្វាឃ្លុបក្រោយបើក-បិទដោយថាមពលអគ្គិសនី និងបំពង់ស៊ីមាំងរាងមូលសងខាងជាដើម។

ចំពោះនៅផ្នែកខាងក្នុងរបស់រថយន្ត Mazda CX-50 មានបំពាក់ជាមួយកុងទ័របង្ហាញព័ត៌មានទំហំ ៧ អ៉ីញ និងអេក្រង់កំសាន្ត touchscreen ទំហំ ១០,២៥ អ៉ីញ ភ្ជាប់មុខងារ Apple CarPlay និង Android Auto កន្លែងសាកថ្មឥតប្រើខ្សែ ដំបូលកញ្ចក់ Panoramic moonroof ទំហំធំ និងឧបករណ៍បំពងសំឡេងម៉ាក Bose ១២ ចំនុចនិងមួយចំនួនច្រើនទៀត ព្រមទាំងប្រព័ន្ធសុវត្ថិភាពដ៏ឆ្លាតវៃ i-ACTIVSENSE ថ្មីដែលបានធ្វើការអាប់ឌេតផងដែរ ។

ទាក់ទងនឹងផ្នែកម៉ាស៊ីនវិញ រថយន្តនេះដំណើរកាដោយម៉ាស៊ីនកូនកាត់ Hybrid  ២ ជម្រើសរួមមាន៖

  • ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ២,៥ លីត្រ ទំហំ ៤ ស៊ីឡាំង ផលិតកម្លាំងបាន ១៧៥ សេះ និងម៉ូទ័រមានកម្លាំង ១១៨ សេះ  ភ្ជាប់ដោយប្រអប់លេខអូតូ E-CVT ប្រភេទបើកបរប៉ុង ១។
  • ម៉ាស៊ីនកូនកាត់ Hybrid ធ្វើការរួមគ្នាជាមួយម៉ាស៊ីនសាំងចំណុះ ២,៥ លីត្រ ទំហំ ៤ ស៊ីឡាំង ផលិតកម្លាំងបាន ១៧៥ សេះ និងម៉ូទ័រចំនួន ២ មានកម្លាំង ១៧១ សេះ ភ្ជាប់ដោយប្រអប់លេខអូតូ E-CVT ប៉ុង២ ជាមួយកម្រិតស៊ីប្រេង ៤លីត្រ ទៅ ៥លីត្រប៉ុណ្ណោះក្នុងរយៈចម្ងាយ ១០០ គីឡូម៉េត្រ ៕
ផ្ទាំងផ្សាយពាណិជ្ជកម្ម

Honda Breeze ស៊េរីឆ្នាំ ២០២៤ ប្រើ hybrid សន្សំសំចៃខ្ពស់ ឯតម្លៃខ្ទង់ ៣មុឺនដុល្លារ

[ទីផ្សារបរទេស] ក្រុមហ៊ុនផលិតបណ្តាក់ទុនរួមគ្នា GAC-Honda បានធ្វើការដាក់បង្ហាញចេញនៅរថយន្ត Honda Breeze ស៊េរីឆ្នាំ ២០២៤ ប្រភេទកូនកាត់ hybrid ដែលមានតម្លៃលក់ចាប់ពី ៣០ ៩២៥ ដុល្លារ ដល់ ៣២ ៧៥៣ ដុល្លារនៅក្នុងទីផ្សារប្រទេសចិន ។

រថយន្តនេះ មានប្រវែងតួខ្លួនសរុប ៤ ៧១៦ ម.ម ទទឹង ១ ៨៦៦ ម.ម កំពស់ ១ ៦៨១ ម.ម និងប្រវែងគន្លាតកង់មុខ-ក្រោយ ២ ៧០១ ម។ម ដំណើរការដោយម៉ាស៊ីនកូនកាត់ hybrid ធ្វើការរួមគ្នាជាមួយម៉ាស៊ីនសាំងចំណុះ ២,០ លីត្រ ផ្គួបជាមួយម៉ូទ័រអគ្គិសនីចំនួន ១ អាចផលិតកម្លាំងបានសរុប ២០៣ សេះ ភ្ជាប់ដោយប្រអប់លេខអូតូ E-CVT និងមានកម្រិតស៊ីប្រេងចន្លោះពី ៤-៥លីត្រក្នុងរយៈចម្ងាយ ១០០ គីឡូម៉ែត្រ ។

Honda Breeze ស៊េរីឆ្នាំ ២០២៤ ត្រូវបានបំពាក់ជាមួយចង្កៀងមុខ-ក្រោយ LED ព្រមទាំងថាសកង់ស្ព័រទំហំ ១៩អ៉ីញ និងទ្វាឃ្លុបក្រោយ បើក-បិទដោយថាមពលអគ្គិសនី ។ ខណៈផ្នែកខាងក្នុងមានកុងទ័របង្ហាញព័ត៌មានឌីជីថលទំហំ ១០,២ អ៉ីញ និងអេក្រង់កំសាន្ត touchscreen ទំហំ ១០,២ អ៉ីញ ភ្ជាប់ដោយ Honda Connect 3.០ ឧបករណ៍បំពងសំលេងម៉ាស Bose ចំនួន ១២ចំណុច កន្លែងសាកថ្មឥតប្រើខ្សែ ព្រមទាំងប្រព័ន្ធសុវត្ថិភាព Honda Sensing 360 ផងដែរ ៕

ផ្ទាំងផ្សាយពាណិជ្ជកម្ម

ជួបគ្នានៅ ២ឆ្នាំខាងមុខ! អាគុយថ្មីរបស់ Toyota សាក ១០នាទីេពញ អាចជិះបានជាង ១ពាន់គីឡូម៉ែត្រ

[បរទេស] ក្រុមហ៊ុនផលិតរថយន្ត Toyota គ្រោងនឹងធ្វើការដាក់បង្ហាញចេញជាផ្លូវការនៅអាគុយប្រភេទ Solid-state battery នៅក្នុងឆ្នាំ ២០២៧ បើយោងតាមគេហទំព័រ Motor1 ។

ក្នុងនោះ Toyota បាននិយាយនៅក្នុងសិក្ខាសាលាវិនិយោគមួយក្នុងប្រទេសឥណ្ឌាដោយបញ្ជាក់ថា បច្ចេកវិទ្យាអាគុយនេះនឹងក្លាយជាការពិតក្នុងរយៈពេល ២ ឆ្នាំខាងមុខចាប់ពីពេលនេះទៅ ដោយអាគុយនេះ និងបំពាក់ទៅលើរថយន្តអគ្គិសនី ដែលអាចសាកថ្មីបានពី ១០% ទៅ ៨០% ប្រើរយៈពេលត្រឹមតែ ១០ នាទីប៉ុណ្ណោះ និងសាកថ្មពេញម្តងអាចបើកបរបានចម្ងាយជាង ១ ០០០ គីឡូម៉ែត្រ ។

ជាមួយនេះ លោក Vikram Gulati នាយកប្រតិបត្តិនៃក្រុមហ៊ុន Toyota Kirloskar Motor ប្រទេសឥណ្ឌា បានបញ្ជាក់បន្ថែមថា ចម្ងាយនៃការបើកបររបស់អាគុយ solid-state battery អាចនឹងបើកបរបានចម្ងាយដល់ ១ ២០០ គីឡូម៉ែត្រនៅពេលសាកថ្មពេញម្តង ៕

ផ្ទាំងផ្សាយពាណិជ្ជកម្ម

BYD ក្លាយជាដៃគូសហការរបស់ UEFA សម្រាប់ព្រឹត្តិការណ៍បាល់ទាត់ប្រចាំតំបន់អឺរ៉ុបឆ្នាំ ២០២៤

[បរទេស] ក្រុមហ៊ុនផលិតរថយន្ត BYD បានក្លាយជាដៃគូ E-Mobility ផ្លូវការនៃព្រឹត្តិការណ៍បាល់ទាត់ប្រចាំតំបន់អឺរ៉ុប UEFA EURO-2024 ដែលត្រូវបានប្រកាសដោយសហភាពសហព័ន្ធបាល់ទាត់អឺរ៉ុប ឬហៅកាត់ថា UEFA ជាមួយគោលដៅរៀបចំការប្រកួតជើងឯកអឺរ៉ុបប្រកបដោយនិរន្តរភាពបំផុត។

សម្រាប់ព្រឹត្តិការណនេះ នឹងប្រព្រឹត្តទៅនៅប្រទេសអាឡឺម៉ង់មានរយៈពេលពេញមួយខែ ដោយចាប់ពីថ្ងៃទី ១៤ ខែមិថុនាដល់ថ្ងៃទី ១៤ ខែកក្កដា ឆ្នាំ ២០២៤ ក្នុងនោះ BYD នឹងផ្តល់រថយន្តអគ្គិសនីដល់ភាគីពាក់ព័ន្ធក្នុងអំឡុងពេលការប្រកួត ដោយជំនួសក្រុមហ៊ុន Volkswagen ។

ក្រៅពីការផ្តល់រថយន្តដល់ភាគីពាក់ព័ន្ធរបស់ EURO-2024 ក្នុងនោះ BYD នឹងធ្វើការដាក់បង្ហាញម៉ូដែលអគ្គិសនីសុទ្ធ (NEV) ចុងក្រោយបំផុតរបស់ខ្លួននៅឯកន្លែងប្រកួតរួមមាន YangWang U8, YangWang U9 និង YangWang U7 ៕

ផ្ទាំងផ្សាយពាណិជ្ជកម្ម

ឡានអគ្គិសនីសុទ្ធ Wuling Bingo Plus សាកភ្លើងម្តងជិះបាន ៤០០ គីឡូម៉ែត្រ តម្លៃលក់ខ្ទង់ ១មុឺនដុល្លារ

[ទីផ្សារបរទេស] ក្រុមហ៊ុនផលិតរថយន្តបណ្តាក់ទុនរួមគ្នា GM-Wuling បានធ្វើការដាក់បង្ហាញចេញនៅរថយន្តអគ្គិសនីសុទ្ធ Wuling Bingo Plus ប្រភេទ Crossover ដែលមានតម្លៃលក់ខ្ទង់ ១៤ ០០០ ដុល្លារនៅទីផ្សារប្រទេសចិន ។

រថយន្តនេះ មានប្រវែងតួខ្លួនសរុប ៤ ០៩០ ម.ម ទទឹង ១ ៧២០ ម.ម កំពស់ ១ ៧២០ ម.ម និងប្រវែងគន្លាតកងមុខ-ក្រោយ ២ ៦១០ ម.ម និងបានបំពាក់ជាមួយម៉ូទ័រអគ្គិសនីចំនួន ១ អាចផលិតកម្លាំងបាន ១០០ សេះ និងកម្លាំងរមួល ១៨០ ញ៉ូតុនម៉ែត្រ ផ្គួបជាមួយអាគុយទំហំ ៥០,៦ គីឡូវ៉ាត់ម៉ោង អាចបើកបរបានចម្ងាយ ៤០០ គីឡូម៉ែត្រនៅពេលសាកថ្មពេញម្តង ។

បើ​និយាយ​ពី​រូបរាង​វិញផ្នែកខាងក្រៅ មានបំពាក់ប៉ាណាបិតជិត ចង្កៀងមុខ-ក្រោយ LED ព្រមទាំងថាសកង់ស្ព័រជាដើម ។ ខណៈនៅផ្នែកខាងក្នុង មានបំពាក់អេក្រង់ភ្លោះ ក៏ដូចជារន្ធម៉ាស៊ីនត្រជាក់រាងមូលនៅកណ្តាលកុងស៊ូល ។

ផ្ទាំងផ្សាយពាណិជ្ជកម្ម
1...238239240...1,008ទំព័រ 239 នៃ 1,008

បច្ចេកវិទ្យា

គន្លឹះសំខាន់ៗ

REVIEW+

© ២០២២ រក្សាសិទ្ធិគ្រប់យ៉ាង​ ហាមដាច់ខាតយកព័ត៌មានទៅផ្សាយបន្ត ដោយគ្មានការអនុញ្ញាត | www.camboauto.com